ЕВАНГЕЛИЕ ЕЖЕ Ѿ МАТѲЕꙖ
11:1
Ⰺ ⰱⱏⰹⱄⱅⱏ ⰵⰳⰴⰰ ⱄⱏⰲⱃⱏⱎⰻ ⰻⱄ҃ⱏ. ⰸⰰⱂⱁⰲⱑⰴⰰⱗ ⱁⰱⱑⰿⰰ ⱀⰰ ⰴⰵⱄⱔⱅⰵ ⱆⱍⰵⱀⰻⰽⱁⰿⰰ ⱄⰲⱁⰻⰿⰰ. ⱂⱃⱑⰻⰴⰵ ⱁⱅⱏ ⱅⱘⰴⱘ ⱆⱍⰻⱅⱏ. ⰺ ⱂⱃⱁⱂⱁⰲⱑⰴⰰⱅⱏ ⰲⱏ ⰳⱃⰰⰴⱑⱈⱏ ⰻⱈⱏ :: ⰽ!ⱌ
11:2
Ⰺⱁⰰⱀⱏ ⰶⰵ ⱄⰾⱏⰹⱎⰰⰲⱏ ⰲⱏ ⱘⰸⰻⰾⰻⱋⰻ ⰴⱑⰾⰰ !ⱈⰲⰰ. ⱂⱁⱄⱏⰾⰰⰲⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ
11:3
ⱃⰵⱍⰵ ⰵⰿⱆ. ⱅⱏⰹ ⰾⰻ ⰵⱄⰻ ⰳⱃⱔⰴⱏⰹⰻ. ⰾⰻ ⰻⱀⱁⰳⱁ ⱍⰰⰵⰿⱏ.
11:4
ⰺ ⱁⱅⱏⰲⱑⱋⰰⰲⱏ ⰻⱄ҃ⱏ ⱃⰵⱍⰵ ⰻⰿⱏ. ⱎⰵⰴⱏⱎⰵ ⰲⱏⰸⰲⱑⱄⱅⰻⱅⰵ ⰻⱁⰰⱀⱁⰲⰻ.
11:5
ⱄⰾⱑⱂⰻⰻ ⱂⱃⱁⰸⰻⱃⰰⱙⱅⱏ. ⰺ ⱈⱃⱁⰿⰻⰻ ⱈⱁⰴⱔⱅⱏ. ⱂⱃⱁⰽⰰⰶⰵⱀⰻⰻ ⱁⱍⰻⱋⰰⱙⱅⱏ ⱄⱔ ⰻ ⰳⰾⱆⱄⰻⰻ ⱄⰾⱏⰹⱎⱔⱅⱏ. ⰿⱃⱏⱅⰲⰻⰻ ⰲⱏⱄⱅⰰⱙⱅⱏ. ⰺ ⱀⰻⱎⱅⰻⰻ ⰱⰾⰰⰳⱁⰲⱑⱄⱅⱁ ⱙ҅ⱅⱏ.
11:6
ⰺ ⰱⰾⰰⰶⰵⱀⱏ ⰵⱄⱅⱏ ⰻⰶⰵ ⱀⰵ ⱄⱏⰱⰾⰰⰸⱀⰻⱅⱏ ⱄⱔ ⱁ ⰿⱐⱀⱑ.
11:7
ⱅⱑⰿⱏ ⰶⰵ ⰻⱄⱈⱁⰴⱔⱋⰵⰿⱏ. ⱀⰰⱍⱔⱅⱏ ⰻⱄ҃ⱏ ⰳⰾ҃ⱅⰻ ⱀⰰⱃⱁⰴⱁⰿⱏ. ⱁ ⰻⱁⰰⱀⱑ. ⱍⰵⱄⱁ ⰲⰻⰴⱑⱅⱏ ⰻⰸⰻⰴⰵⱅⰵ ⰲⱏ ⱂⱆⱄⱅⱏⰹⱀⱙ ⱅⱃⱐⱄⱅⰻ ⰾⰻ ⰲⱑⱅⱃⱁⰿⱐ ⰽⱁⰾⱑⰱⰾⰵⰿⱏⰹ.
11:8
ⱀⱏ ⱍⰵⱄⱁ ⰻⰸⰻⰴⰵⱅⰵ ⰲⰻⰴⱑⱅⱏ. ⱍⰾⰲ҃ⰽⰰ ⰾⰻ ⰲⱏ ⰿⱔⰽⱏⰽⱏⰹ ⱃⰻⰸⰻ ⱁⰱⰾⱏⱍⰵⱀⰰ. ⱄⰵ ⰻⰶⰵ ⰿⱔⰽⱏⰽⰰ ⱀⱁⱄⱔⱅⱏ. ⰲⱏ ⰴⱁⰿⱁⱈⱏ ⱌⱄ҃ⱃ[ⰻⱈⱏ] ⱄⱘⱅⱏ.
11:9
ⱀⱏ ⱍⰵⱄⱁ ⰻⰸⰻⰴⰵⱅⰵ ⰲⰻⰴⱑⱅⱏ. ⱂⱃⱁⱃⱁⰽⰰ ⰾⰻ ⰳⰾ҃ⱙ ⰲⰰⰿⱏ. ⰺ ⰾⰻⱎⰵ ⱂⱃⱁⱃⱁⰽⰰ.
11:10
ⱄⱐ ⰱⱁ ⰵⱄⱅⱏ ⱁ ⱀⰵⰿⱐⰶⰵ ⰵⱄⱅⱏ ⱂⰻⱄⰰⱀⱁ. Ⱄⰵ ⰰⰸⱏ ⱂⱁⱄⱏⰾⱙ ⰰⱀⰼ҃ⰾⱏ ⰿⱁⰻ ⱂⱃⱑⰴⱏ ⰾⰻⱌⰵⰿⱐ ⱅⰲⱁⰻⰿⱏ. ⰺ ⱆⰳⱁⱅⱁⰲⰻⱅⱏ ⱂⱘⱅⱐ ⱅⰲⱁⰻ ⱂⱃⱑⰴⱏ ⱅⱁⰱⱁⱙ.
11:11
Ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱀⰵ ⰲⱏⱄⱅⰰ ⰲⱏ ⱃⱁⰶⰴⰵⱀⱏⰹⱈⱏ ⰶⰵⱀⰰⰿⰻ ⰱⱁⰾⰵⰻ ⰻⱁⰰⱀⰰ ⰽⱃⱏⱄⱅⰻⱅⰵⰾⱑ. ⰿⱐⱀⱑⰻ ⰶⰵ ⰲⱏ ⱌⱄ҃ⱃⱄⱅⰲⰻ ⱀⰱ҃ⱄⱌⱑⰿⱐ ⰱⱁⰾⰵⰻ ⰵⱄⱅⱏ ⰵⰳⱁ.
11:12
Ⱁⱅⱏ ⰴⱐⱀⰻⰻ ⰶⰵ ⰻⱁⰰⱀⰰ ⰽⱃⱏⱄⱅⰻⱅⰵⰾⱑ ⰴⱁ ⱄⰵⰾⱑ. ⱌⱄ҃ⱃⱄⱅⰲⰻⰵ [ⱀⰵⰱⰵⱄⰽⱁⰵ] ⱀⱘⰴⰻⱅⱏ ⱄⱔ. ⰺ ⱀⱘⰶⰴⱏⱀⰻⱌⰻ ⰲ[ⱏⱄⱈⱏⰹ]ⱅⰰⱙⱅⱏ ⰵ.
11:13
ⰲⱏⱄⰻ ⰱⱁ !ⱂⱃⱌⰻ ⰻ ⰸⰰⰽⱁⱀⱏ ⰴⱁ ⰻⱁⰰⱀⰰ ⱂⱃⱁⱃⱑⱎⱔ.
11:14
ⰺ ⰰⱋⰵ ⱈⱁⱋⰵⱅⰵ ⱂⱃⰻⱗⱅⰻ. ⱅⱏ {ⰵ} ⰵⱄⱅⱏ ⰻⰾⰻⱑ ⱈⱁⱅⱔⰻ ⱂⱃⰻⱅⰻ.
11:15
ⰺⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ.
11:16
Ⰽⱁⰿⱆ ⱆⱂⱁⰴⱁⰱⰾⱙ ⱃⱁⰴⱁⱄⱐ. ⱂⱁⰴⱁⰱⰵⱀⱏ ⰵⱄⱅⱏ ⰴⱑⱅⰻⱋⰵⰿⱏ ⱄⱑⰴⱑⱎⱅⰵⰿⱏ. ⱀⰰ ⱅⱃⱏⰶⰻⱎⱅⰻⱈⱏ. ⰺⰶⰵ ⰲⱏⰸⰳⰾⰰⱎⰰⱙⱅⱏ ⰴⱃⱆⰳⱁⰿⱏ ⱄⰲⱁⰻⰿⱏ
11:17
ⰻ ⰳⰾ҃ⰰⰾⱙⱅⱏ. ⱂⰻⱄⰽⰰⱈⱁⰿⱏ ⰲⰰⰿⱏ ⰻ ⱀⰵ ⱂⰾⱔⱄⰰⱄⱅⰵ. ⱂⰾⰰⰽⰰⱈⱁⰿⱏ ⰲⰰⰿⱏ ⰻ ⱀⰵ ⱃⱏⰹⰴⰰⱄⱅⰵ.
11:18
ⱂⱃⰻⰴⰵ ⰱⱁ ⰻⱁⰰⱀⱏ ⱀⰵ ⱂⰻⱗ ⱀⰻ ⱑⰴⱏⰹ. ⰻ ⰳⰾ҃ⱙⱅⱏ ⰱⱑⱄⱏ ⰻⰿⰰⱅⱏ.
11:19
ⱂⱃⰻⰴⰵ ⱄⱀ҃ⱏ ⱍⰾⰲ҃ⱍⱄⰽⱏ ⱑⰴⱏⰹ ⰻ ⱂⰻⱗ. ⰺ ⰳⰾ҃ⱅⱏ ⱄⰵ ⱄⱐ ⱍⰾⰲ҃ⰽⱏ ⱑⰴⱏⱌⰰ ⰻ ⰲⰻⱀⱁⱂⰻⰻⱌⰰ. ⰿⱏⰹⱅⰰⱃⰵⰿⱏ ⰴⱃⱆⰳⱏ ⰻ ⰳⱃⱑⱎⱏⱀⰻⰽⱁⰿⱏ. ⰺ ⱁⱂⱃⰰⰲⱐⰴⰻ ⱄⱔ ⱂⱃⱑⰿⱘⰴⱃⱁⱄⱅⱐ ⱁⱅⱏ ⱍⱔⰴⱏ ⱄⰲⱁⰻⱈⱏ.
11:20
ⱅⱁⰳⰴⰰ ⱀⰰⱍⱔⱅⱏ ⱂⱁⱀⱁⱄⰻⱅⰻ ⰳⱃⰰⰴⱁⰿⱏ. ⰲⱐ ⱀⰻⱈⱏⰶⰵ ⰱⱏⰹⱎⱔ ⰿⱏⱀⱁⰶⱑⰻⱎⱔⱗ ⱄⰻⰾⱏⰹ ⰻⰿⱏ. ⰸⰰⱀⰵ ⱀⰵ ⱂⱁⰽⰰⰰⱎⱔ ⱄⱔ ::
11:21
Ⰳⱁⱃⰵ ⱅⰵⰱⱑ ⱈⱁⱃⰰⰸⰻⱀⱏ. ⰳⱁⱃⰵ ⱅⰵⰱⱑ ⰲⰻⱅⱏⱄⰰⰻⰴⰰ. ⱑⰽⱁ ⰰⱋⰵ ⰲⱏ ⱅⱆⱃⱑ ⰻ ⱄⰻⰴⱁⱀⱑ. ⰱⱘ ⱄⰻⰾⱏⰹ ⰱⱏⰹⰾⱏⰹ ⰱⱏⰹⰲⱏⱎⱔⱗ ⰲⱏ ⰲⰰⱄⱏ. ⰴⱃⰵⰲⰾⰵ ⱆⰱⱁ ⰲⱏ ⰲⱃⱑⱅⰻⱋⰻ ⰻ ⱂⱁⱂⰵⰾⱑ ⱂⱁⰽⰰⰰⰾⰻ ⱄⱔ ⰱⱘ.
11:22
ⱁⰱⰰⱍⰵ ⰳⰾ҃ⰾⱙ ⰲⰰⰿⱏ ⱅⱆⱃⱁⰿⱏ ⰻ ⱄⰻⰴⱁⱀⱆ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⰲⱐ ⰴⰵⱀⱐ ⱄⱘⰴⱏⱀⱏⰹ. ⱀⰵⰶⰵ ⰲⰰⰿⱏ.
11:23
Ⰻ ⱅⱏⰹ ⰽⰰⱂⰵⱃⱏⱀⰰⱆⰿⱏ. ⰲⱐⰸⱀⰵⱄⱏⰹⰻ ⱄⱔ ⰴⱁ ⱀⰱ҃ⱄⰵ ⰴⱁ ⰰⰴⰰ ⱄⱏⱀⰻⰴⰵⱎⰻ. ⰸⰰⱀⰵ ⰰⱎⱅⰵ ⰲⱏ ⱄⱁⰴⱁⰿⱑⱈⱏ ⰱⱘ ⱄⰻⰾⱏⰹ ⰱⱏⰹⰲⱏⱎⱔⱗ ⰲⱐ ⱅⰵⰱⱑ. ⱂⱃⱑⰱⱏⰹⰾⱏⰹ ⰱⱘ ⰴⱁ [ⰴⱐⱀⰵⱄ]ⱐⱀⱑⰳⱁ ⰴⱐⱀⰵ.
11:24
ⱁⰱⰰⱍⰵ ⰳⰾ҃ⱙ ⰲⰰⰿⱏ ⱑⰽⱁ ⰸⰵⰿⰻ ⱄⱁⰴⱁⰿⱐⱄⱌⱑ ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ. ⰲⱏ ⰴⰵⱀⱐ ⱄⱘⰴⱏⱀⱏⰹ ⱀⰵⰶⰵ ⱅⰵⰱⱑ.
11:25
Ⰲⱏ ⱅⱁ ⰲⱃⱑⰿⱔ ⱁⱅⱏⰲⱑⱋⰰⰲⱏ ⰻⱄ҃ⱏ ⱃⰵⱍⰵ. ⰺⱄⱂⱁⰲⱑⰴⰰⱙ ⱅⰻ ⱄⱔ ⱁⱅⱏⱍⰵ ⰳ҃ⰻ ⱀⰵⰱⱆ ⰻ ⰸⰵⰿⰻ. ⱑⰽⱁ ⱆⱅⰰⰻⰾⱏ ⰵⱄⰻ ⱄⰵ ⱁⱅⱏ ⱂⱃⱑⰿⱘⰴⱃⱏⰹⱈⱏ ⰻ ⱃⰰⰸⱆⰿⱏⱀⱏⰹⱈⱏ. ⰺ ⱑⰲⰻⰾⱏ ⱑ ⰵⱄⰻ ⰿⰾⰰⰴⰵⱀⱐⱌⰵⰿⱏ.
11:26
ⰵⰻ !ⱁⱅⱍⰵ. ⱑⰽⱁ ⱅⰰⰽⱁ ⰱⱏⰹⱄⱅⱏ ⰲⱁⰾⱑ ⱂⱃⱑⰴⱏ ⱅⱁⰱⱁⱙ.
11:27
Ⰲⱐⱄⱑ ⰿⱐⱀⱑ ⱂⱃⱑⰴⰰⱀⰰ ⱄⱘⱅⱏ ⱁⱅ҃ⱌⰿⱐ ⰿⱁⰻⰿⱐ. ⰺ ⱀⰻⰽⱅⱁⰶⰵ ⱀⰵ ⰸⱀⰰⰵⱅⱏ ⱄⱀ҃ⰰ. ⱅⱏⰽⰿⱁ ⱁⱅ҃ⱌⱏ. ⱀⰻ ⱁⱅ҃ⱌⰰ ⰽⱅⱁ ⰸⱀⰰⰵⱅⱏ. ⱅⰽⰿⱁ ⱄⱀ҃ⱏ. ⰺ ⰵⰿⱆⰶⰵ ⰲⱁⰾⰻⱅⱏ ⱄⱀ҃ⱏ ⱁⱅⱏⰽⱃⱏⰹⱅⰻ.
11:28
Ⱂⱃⰻⰴⱑⱅⰵ ⰽⱐ ⰿⱏⱀⱑ ⰲⱏⱄⰻ ⱅⱃⱆⰶⰴⰰⱙⱎⱅⰵⰻ ⱄⱔ. ⰺ҅ ⱁⰱⱃⱑⰿⰵⱀⰵⱀⰻⰻ. ⰺ ⰰⰸⱏ ⱂⱁⰽⱁⱙ ⰲⱏⰹ.
11:29
ⰲⱐⰸⱐⰿⱑⱅⰵ ⰻⰳⱁ ⰿⱁⰵ ⱀⰰ ⱄⰵⰱⱑ. ⰺ ⱀⰰⱆⱍⰻⱅⰵ ⱄⱔ ⱁⱅⱏ ⰿⰵⱀⰵ ⱑⰽⱁ ⰽⱃⱁⱅⱁⰽⱏ ⰵⱄⰿⱏ ⰻ ⱄⱏⰿⱑⱃⰵⱀⱏ ⱄⱃⰴ҃ⱌⰿⱏ. ⰺ ⱁⰱⱃⱔⱋⰵⱅⰵ ⱂⱁⰽⱁⰻ ⰴⱎ҃ⰰⰿⱏ ⰲⰰⱎⰻⰿⱏ.
11:30
ⰺ҅ⰳⱁ ⰱⱁ ⰿⱁⰵ ⰱⰾⰰⰳⱁ ⰻ ⰱⱃⱑⰿⱔ ⰿⱁⰵ ⰾⰵⰳⱏⰽⱁ ⰵⱄⱅⱏ.