ЕВАНГЕЛИЕ ЕЖЕ Ѿ МАРЪКА
9:1
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱄⱘⱅⱏ ⰵⰴⰻⱀⰻ ⱁⱅⱏ ⱄⱏⰴⰵ ⱄⱅⱁⱗⱎⱅⰻⰻⱈⱏ. ⰺⰶⰵ ⱀⰵ ⰻⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⰴⰵⰶⰵ ⰲⰻⰴⱔⱅⱏ ⱌⱄ҃ⱃⱅⰲⰻⰵ ⰱⰶ҃ⰻⰵ ⱂⱃⰻⱎⰵⰴⱏⱎⰵ{ⰴⱏⱎⰵ}ⰵ ⰲⱐ ⱄⰻⰾⱑ :: ⰽ!ⱌ. ::
9:2
ⰺ ⱂⱁ ⱎⰵⱄⱅⰻ ⰴⰵⱀⱏ ⱂⱁⱗⱅⱏ ⰻⱄ҃ⱏ. ⱂⰵⱅⱃⰰ ⰻ ⰻⱑⰽⱁⰲⰰ ⰻ ⰻⱁⰰⱀⰰ. ⰺ ⰲⱐⰸⰲⰵⰴⰵ ⱗ ⱀⰰ ⰳⱁⱃⱘ ⰲⱏⰹⱄⱁⰽⱘ ⰵⰴⰻⱀⱏⰹ. ⰺ ⱂⱃⱑⱁⰱⱃⰰⰸⰻ ⱄⱔ ⱂⱃⱑⰴⱏ ⱀⰻⰿⰻ.
9:3
ⰺ ⰱⱏⰹⱎⱔ ⱃⰻⰸⱏⰹ ⰵⰳⱁ ⰾⱐⱎⱅⱔⱎⱅⱔ ⱄⱔ ⰱⱑⰾⱏⰹ ⰷⱑⰾⱁ ⱑⰽⱁ ⱄⱀⱑⰳⱏ. ⱑⱌⱑⱈⱏ ⱀⰵ ⰿⱁⰶⰵ ⰳⱀⰰⱇⰵⰻ ⱀⰰ ⰸⰵⰿⰻ ⱅⰰⰽⱁ ⱆⰱⱑⰾⰻⱅⰻ.
9:4
ⰺ ⱑⰲⰻ ⱄⱔ ⰻⰿⱏ ⰻⰾⰻⱑ ⱄⱏ ⰿⱁⱄⰵⰵⰿⱏ. ⰺ ⰱⱑⰰⱎⰵⱅⰵ ⰳⰾ҃ⰰⰳⱁⰾⱙⱎⱅⰰ !ⱄⰿⱏ.
9:5
ⰺ ⱁⱅⱏⰲⱑⱎⱅⰰⰲⱏ ⱂⰵⱅⱃⱏ ⰳⰾ҃ⰰ ⰻⱄ҃ⰲⰻ. ⱃⰰⰲⱐ[ⰲⰻ] ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱏⰴⰵ ⰱⱏⰹⱅⰻ. ⰺ ⱄⱏⱅⰲⱁⱃⰻⰿⱏ ⱅⱃⰻ ⱄⰽⰻⱀⰻⱗ. ⱅⰵⰱⱑ ⰵⰴⰻⱀⱘ ⰻ ⰿⱁⱄⰵⱁⰲⰹ ⰵⰴⰻⱀⱘ. ⰺ ⰻⰾⰻⰻ ⰵⰴⰻⱀⱘ.
9:6
ⱀⰵ ⰲⱑⰴⱑⰰⱎⰵ ⰱⱁ ⱍⱅⱁ ⰳⰾ҃ⱅⱏ. ⱂⱃⰻⱄⱅⱃⰰⱎⱏⱀⰻ ⰱⱁ ⰱⱑⰰⱈⱘ.
9:7
ⰺ ⰱⱏⰹⱄⱅⱏ ⰶⰵ ⱁⰱⰾⰰⰽⱏ ⱁⱄⱑⱀⱑⱗ ⱗ. ⰻ ⱂⱃⰻⰴⰵ ⰳⰾⰰⱄⱏ ⰻⰸ ⱁⰱⰾⰰⰽⰰ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱐⰸⰾⱓⰱⰾⰵⱀⱏⰹ ⱂⱁⱄⰾⱆⱎⰰⰻⱅⰵ ⰵⰳⱁ.
9:8
ⰺ ⰲⱏⱀⰵⰸⰰⰰⱂⱘ ⰲⱐⰸⱐⱃⱑⰲⱏⱎⰵ ⱀⰻⰽⱁⰳⱁⰶⰵ ⱀⰵ ⰲⰻⰴⱑⱎⱔ. ⱅⱏⰽⱏⰿⱁ ⱀⱏ ⰻⱄ҃ⰰ ⰵⰴⰻⱀⱁⰳⱁ ⱄⱏ ⱄⱁⰱⱁⱙ.
9:9
ⱄⱏⱈⱁⰴⱔⱎⱅⰵⰿⱏ ⰶⰵ ⰻⰿⱏ ⱄⱏ ⰳⱁⱃⱏⰹ. ⰸⰰⱂⱃⱑⱅⰻ ⰻⰿⱏ ⰴⰰ ⱀⰻⰽⱁⰿⱆⰶⰵ ⱀⰵ ⱂⱁⰲⱑⰴⱔⱅⱏ ⱑⰶⰵ ⰲⰻⰴⱑⱎⱔ. ⱅⱏⰽⰿⱁ ⰵⰳⰴⰰ ⱄⱀ҃ⱏ ⱍⰾⰲ҃ⱍⱄⰽⱏⰹⰻ ⰲⱏⱄⰽⱃⱏⱄⱀⰵⱅⱏ ⰻⰸ ⰿⱃⱏⱅⰲⱏⰹⱈⱏ.
9:10
ⰺ ⱆⰴⱃⱏⰶⰰⱎⱔ ⱄⰾⱁⰲⱁ ⰲⱐ ⱄⰵⰱⱑ. ⱄⱏⱅⱔⰸⰰⱙⱎⱅⰵ ⱄⱔ ⱍⱅⱁ ⰵⱄⱅⱏ ⰵⰶⰵ ⰻⰸ ⰿⱃⱏⱅⰲⱏⰹⱈⱏ ⰲⱏⱄⰽⱃⱏⱄⱀⱘⱅⰻ.
9:11
ⰻ ⰲⱏⱂⱃⰰⱎⰰⰰⱈⱘ ⰻ ⰳⰾ҃ⱙⱎⱅⰵ ⱑⰽⱁⰶⰵ ⰳⰾ҃ⱙⱅⱏ ⰽⱏⱀⰻⰶⱐⱀⰻⱌⰻ. ⱑⰽⱁ ⰻⰾⰻⰻ ⱂⱁⰴⱁⰱⰰⰰⱅⱏ ⱂⱃⱑⰶⰴⰵ ⱂⱃⰻⱅⰻ.
9:12
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⰺⰾⰻⱑ ⱆⰱⱁ ⱂⱃⰻⱎⰵⰴⱏ ⱂⱃⱑⰶⰴⰵ ⱆⱄⱅⱃⱁⰻⱅⱏ ⰲⱐⱄⱑ. ⰺ ⰽⰰⰽⱁ ⰵⱄⱅⱏ ⱂⰻⱄⰰⱀⱁ ⱁ ⱄⱀ҃ⱑ ⱍⰾⱁⰲⱑⱍⱐⱄⱌⱑⰵⰿⱐ. ⰴⰰ ⰿⱏⱀⱁⰳⱁ ⱂⱁⱄⱅⱃⰰⰶⰴⰵⱅⱏ ⰻ ⱆⱀⰻⱍⱐⰶⱔⱅⱏ ⰹ.
9:13
ⱀⱏ ⰳⰾ҃ⱙ ⰲⰰⰿⱏ ⱑⰽⱁ ⰻⰾⰻⱑ ⱂⱃⰻⰴⰵ. ⰻ ⱄⱏⱅⰲⱁⱃⰻⱎⱔ ⰵⰿⱆ ⰵⰾⰻⰽⱁ ⱈⱁⱅⱑⱎⱔ. ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ ⱁ ⱀⰵⰿⱐ.
9:14
ⰺ ⱂⱃⰻⱎⰵⰴⱏ ⰽⱏ ⱆⱍⰵⱀⰻⰽⱁⰿⱏ. ⰲⰻⰴⱑ ⱀⰰⱃⱁⰴⱏ ⰿⱏⱀⱁⰳⱏ ⱁ ⱀⰻⱈⱏ. ⰺ ⰽⱏⱀⰻⰶⱐⱀⰻⰽⱏⰹ ⱄⱏⱅⱔⰸⰰⱙⱎⱅⱔ ⱄⱔ ⱄⱏ ⱀⰻⰿⰻ.
9:15
ⰺ ⰰⰱⱐⰵ ⰲⱐⱄⱐ ⱀⰰⱃⱁⰴⱏ ⰲⰻⰴⱑⰲⱏⱎⰵ ⰻ ⱆⰶⰰⱄⱘ ⱄⱔ. ⰻ ⱂⱃⰻⱃⰻⱎⱅⱘⱎⱅⰵ ⱌⱑⰾⱁⰲⰰⰰⱈⱘ ⰻ.
9:16
ⰺ ⰲⱏⱂⱃⱁⱄⰻ ⰽⱏⱀⰻⰶⱏⱀⰻⰽⱏⰹ. ⱍⱏⱅⱁ ⱄⱏⱅⱔⰷⰰⰰⱅⰵ ⱄⱔ ⰲⱐ ⱄⰵⰱⱑ.
9:17
ⰺ ⱁⱅⱏⰲⱑⱎⱅⰰⰲⱏ ⰵⰴⰻⱀⱏ ⱁⱅⱏ ⱀⰰⱃⱁⰴⰰ ⱃⰵⱍⰵ. ⱆⱍⰻⱅⰵⰾⱓ ⱂⱃⰻⰲⱑⱄⱏ ⱄⱀ҃ⱏ ⰿⱁⰻ ⰽⱏ ⱅⰵⰱⱑ. ⰺⰿⱘⱎⱅⱏ ⰴⱈ҃ⱏ ⱀⱑⰿⱏ.
9:18
ⰺ ⰻⰶⰵ ⰰⱎⱅⰵ ⰽⱁⰾⰻⰶⱏⰴⱁ ⰻⰿⰵⱅⱏ ⰹ. ⱃⰰⰸⰱⰻⰲⰰⰰⱅⱏ ⰹ ⰻ ⱂⱑⱀⱏⰹ ⱅⱑⱎⱅⰻⱅⱏ. ⰺ ⱄⰽⱃⱐⰶⱐⱎⱅⰵⱅⱏ ⰸⱘⰱⱏⰹ ⱄⰲⱁⰻⰿⰻ. ⰻ ⱁⱌⱑⱂⱑⱀⱑⰰⱅⱏ. ⰺ ⱃⱑⱈⱏ ⱆⱍⰵⱀⰻⰽⱁⰿⱏ ⱅⰲⱁⰻⰿⱏ. ⰴⰰ ⰻⰶⰴⰵⱀⱘⱅⱏ ⰹ ⰻ ⱀⰵ ⰲⱏⰸⰿⱁⰳⱘ.
9:19
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⰵⰿⱆ ⰳⰾ҃ⰰ :: ⱉ҅ ⱃⱁⰴⰵ ⱀⰵⰲⱑⱃⱏⱀⱐ ⰴⱁⰽⱁⰾⱑ ⰲⱏ ⰲⰰⱄⱏ ⰱⱘⰴⱘ. ⰴⱁⰽⱁⰾⱑ ⱅⱃⱏⱂⰾⱙ ⰲⱏⰹ. ⱂⱃⰻⱀⰵⱄⱑⱅⰵ ⰻ ⰽⱏ ⰿⱏⱀⱑ
9:20
ⰻ ⱂⱃⰻⱀⱑⱄⱔ ⰻ ⰽⱏ ⱀⰵⰿⱆ. ⰺ ⰲⰻⰴⱑⰲⱏ ⰹ ⰴⱈ҃ⱏ ⰰⰱⰻⰵ ⱄⱏⱅⱃⱔⱄⰵ ⰻ. ⰺ ⱂⰰⰴⱏ ⱀⰰ ⰸⰵⰿⰻ ⰲⰰⰾⱑⰰⱎⰵ ⱄⱔ ⱂⱑⱀⱏⰹ ⱅⱑⱎⱅⱔ.
9:21
ⰺ҅ ⰲⱏⱂⱃⱁⱄⰻ ⰻⱄ҃ⱏ ⱁⱅ҃ⱌⰰ ⰵⰳⱁ. ⰽⱁⰾⰻⰽⱁ ⰾⱑⱅⱏ ⰵⱄⱅⱏ ⱁⰴⱏⱀⰵⰾⰻⰶⰵ ⱄⰵ ⰱⱏⰹⱄⱅⱏ ⰵⰿⱆ. ⱁⱀⱏ ⰶⰵ ⱃⰵⱍⰵ ⰻⰸ ⱁⱅⱃⱁⱍⰻⱀⱏⰹ.
9:22
ⰻ ⰿⱏⱀⱁⰶⰻⱌⰵⱙ ⰺ ⰲⱏ ⱁⰳⱀⱐ ⰲⱏⰲⱃⱏⰶⰵ. ⰺ ⰲⱏ ⰲⱁⰴⱘ ⰴⰰ ⰻ ⰱⰻ ⱂⱁⰳⱆⰱⰻⰾⱏ. ⱀⱏ ⰰⱎⱅⰵ ⱍⱅⱁ ⰿⱁⰶⰵⱎⰻ ⱂⱁⰿⱁⰸⰻ ⱀ[ⰰ]ⰿⱏ. ⰿⰻⰾⱁⱄⱃⰴⱁⰲⰰⰲⱏ ⱁ ⱀⰰⱄⱏ.
9:23
ⰺⱄ҃ ⰶⰵ ⱃⰵⱍⰵ ⰵⰿⱆ. ⰵⰶⰵ ⰰⱎⱅⰵ ⰿⱁⰶⰵⱎⰻ ⰲⱑⱃⱁⰲⰰⱅⰻ. ⰲⱐⱄⱑ ⰲⱏⰸⰿⱁⰶⱏⱀⰰ ⰲⱑⱃⱆⱙⱎⱅⱓⰿⱆ.
9:24
ⰺ ⰰⰱⰻⰵ ⰲⱏⰸⱏⱂⰻⰲⱏ ⱁⱅⰵⱌⱏ ⱁⱅⱃⱁⱍⱔⱅⰵ ⱄⱏ ⱄⰾⱏⰸⰰⰿⰻ ⰳⰾ҃ⰰⰰⱎⰵ. ⰲⱑⱃⱆⱙ ⰳ҃ⰻ ⱂⱁⰿⱁⰸⰻ ⰿⱁⰵⰿⱆ ⱀⰵⰲⱑⱃⱐⱄⱅⰲ ⱓ҅.
9:25
ⰲⰻⰴⱑⰲⱏ ⰶⰵ ⰻⱄ҃ⱏ ⱑⰽⱁ ⱄⱏⱃⰻⱎⱅⰵⱅⱏ ⱄⱔ ⱀⰰⱃⱁⰴⱏ. ⰸⰰⱂⱃⱑⱅⰻ ⰴⱈ҃ⱆ ⱀⰵⱍⰻⱄⱅⱆ{ⱆ}ⰿⱆ ⰳⰾ҃ⱔ ⰵⰿⱆ. ⱀⱑⰿⱏⰹ ⰺ ⰳⰾⱆⱈⱏⰹ ⰴⱎ҃ⰵ. ⰰⰸⱏ ⱅⰻ ⰲⰵⰾⱙ ⰻⰸⰻⱅⰻ ⰻⰸ ⱀⰵⰳⱁ. ⰺ ⰽ ⱅⱁⰿⱆ ⱀⰵ ⰲⱐⱀⰻⰴⰻ ⰲⱐ ⱀⱐ.
9:26
ⰺ ⰲⱏⰸⱏⱂⰻⰲⱏ ⰻ ⰿⱏⱀⱁⰳⱁ ⱂⱃⱘⰶⰰⰲⱏ ⱄⱔ ⰻⰸⰻⰴⰵ. ⰺ ⰱⱏⰹⱄⱅⱏ ⱑⰽⱁ ⰿⱃⱏⱅⰲⱏ. ⱑⰽⱁ ⰿⱏⱀⱁⰸⰻ ⰳⰾ҃ⰰⰰⱈⱘ ⱑⰽⱁ ⱆⰿⱐⱃⱑⱅⱏ.
9:27
ⰺⱄ҃ ⰶⰵ ⰵ҅ⰿⱏ ⰹ ⰸⰰ ⱃⱘⰽⱘ ⰲⱏⰸⰴⰲⰻⰶⰵ ⰺ ⰲⱏⱄⱅⰰ.
9:28
ⰺ ⰲⱏⱎⰵⰴⱏⱎⱓ ⰵⰿⱆ ⰲⱏ ⰴⱁⰿⱏ. ⱆⱍⰵⱀⰻⱌⰻ ⰵⰳⱁ ⰲⱏⱂⱃⰰⱎⰰⱈⱘ ⰻ ⰵⰴⰻⱀⱁⰳⱁ. ⱑⰽⱁ ⰿⱏⰹ ⱀⰵ ⰲⱏⰸⰿⱁⰳⱁⰿⱏ ⰻⰸⰳⱏⱀⰰⱅⰻ ⰵⰳⱁ.
9:29
ⰺ ⱃⰵⱍⰵ ⰻⰿⱏ. ⱅⱏ ⱃⱁⰴⱏ ⱀⰻⱍⰻⰿⱏⰶⰵ ⱀⰵ ⰿⱁⰶⰵⱅⱏ ⰻⰸⰻⱅⰻ ⱅⰽⰿⱁ ⰿⱁⰾⰻⱅⰲⱁⱙ ⰻ ⱂⱁⱄⱅⱁⰿⱏ. ::
9:30
ⰺ҅ ⱁⱅⱏ ⱅⱘⰴⱘ ⰻⱎⰵⰴⱏⱎⰵ ⰻⰴⱑⰰⱈⱘ ⱄⰽⱁⰸⱑ ⰳⰰⰾⰻⰾⰵⱙ. ⰺ ⱀⰵ ⱈⱁⱅⱑⰰⱎⰵ ⰴⰰ ⰽⱏⱅⱁ ⱆⰲⱑⱄⱅⱏ.
9:31
ⱆⱍⰰⰰⱎⰵ ⰱⱁ ⱆⱍⰵⱀⰻⰽⱏⰹ ⱄⰲⱁⱗ ⰻ ⰳⰾ҃ⰰⱎⰵ ⰻⰿⱏ. ⱑⰽⱁ ⱄⱀ҃ⱏ ⱍⰾⰲ҃ⱄⰽⱏⰹ ⱂⱃⱑⰴⰰⱀⱏ ⰱⱘⰴⰵⱅⱏ ⰲⱏ ⱃⱘⱌⱑ ⱍⰾⰲ҃ⱍⱄⱌⱑ. ⰺ ⱆⰱⱐⱙⱅⱏ ⰹ ⰻ ⱆⰱⱐⰵⱀⱏ ⰱⱏⰹⰲⱏ. ⰲⱏ ⱅⱃⰵⱅⰻⰻ ⰴⰵⱀⱐ ⰲⱏⱄⰽⱃⱏⱄⱀⰵⱅⱏ :: ⰽ!ⱌ. ::
9:32
ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⰳⰾ҃ⰰ. ⰺ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰻ ⰻ ::
9:33
ⰺ ⱂⱃⰻⰴⰵ ⰲⱏ ⰽⰰⱂⰵⱃⱏⱀⰰⱆⰿⱏ ⰺ ⰲⱏ ⰴⱁⰿⱆ ⰱⱏⰹⰲⱏ ⰲⱏⱂⱃⰰⱎⰰⰰⱎⰵ ⱗ. ⱍⱅⱁ ⱀⰰ ⱂⱘⱅⰻ ⰲⱐ ⱄⰵⰱⱑ ⱂⱁⰿⱏⰹⱎⰾⱑⰰⱎⰵⱅⰵ.
9:34
ⱁⱀⰻ ⰶⰵ ⰿⰾⱏⱍⰰⰰⱈⱘ :: Ⰴⱃⱆⰳⱏ ⰽⱏ ⰴⱃⱆⰳⱆ ⰱⱁ ⱄⱏⱅⱔⰷⰰⱎⱔ ⱀⰰ ⱂⱘⱅⰻ. ⰽⱅⱁ ⰵⱄⱅⱏ ⰱⱁⰾⰵⰻ.
9:35
ⰺ ⱄⱑⰴⱏ ⰳⰾⰰⱄⰻ ⱁⰱⰰ ⱀⰰ ⰴⰵⱄⱔⱅⰵ. ⰺ ⰳⰾ҃ⰰ ⰻⰿⱏ ⰰⱎⱅⰵ ⰽⱅⱁ ⱈⱁⱋⰵⱅⱏ ⱄⱅⰰⱃⱑⰻ ⰱⱏⰹⱅⰻ ⰴⰰ ⰱⱘⰴⰵⱅⱏ ⰲⱐⱄⱑⱈⱏ ⰿⱐⱀⰵⰻ. ⰺ ⰲⱐⱄⱑⰿⱏ ⱄⰾⱆⰳⰰ.
9:36
ⰺ ⱂⱃⰻⰵⰿⱏ ⱁⱅⱃⱁⱍⱔ ⱂⱁⱄⱅⰰⰲⰻ ⰵ ⱂⱁ ⱄⱃⱑ[ⰴⱑ] ⰻⱈⱏ ⰻ ⱁⰱⰵⰿⱏ ⰵ ⱃⰵⱍⰵ ⰻⰿⱏ.
9:37
ⰺⰶⰵ ⰰⱎⱅⰵ ⰵⰴⰻⱀⱁ ⱅⰰⰽⱁⰲⱏⰹⱈⱏ ⱁⱅⱃⱁⱍⱔⱅⱏ. ⱂⱃⰻⰻⰿⰵⱅⱏ ⰲⱏ ⰹⰿⱔ ⰿⱁⰵ. ⰿⱔ ⱂⱃⰻⰵⰿⰾⰵⱅⱏ. ⰺ ⰻⰶⰵ ⰰⱋⰵ ⰿⰵⱀⰵ ⱂⱃⰻⰵⰿⰾⰵⱅⱏ. ⱀⰵ ⰿⰵⱀⰵ ⱂⱃⰻⰵⰿⰾⰵⱅⱏ ⱀⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ :: ::
9:38
ⱁ҅ⱅⱏⰲⱑⱎⱅⰰ ⰵⰿⱆ ⰻⱁⰰⱀⱏ ⰳⰾ҃ⱔ ⱆⱍⰻⱅⰵⰾⱓ ⰲⰻⰴⱑⱈⱁⰿⱏ ⰵⰴⰻⱀⱁⰳⱁ ⰻⰿⰵⱀⰵⰿⱏ ⱅⰲⱁⰻⰿⱐ ⰻⰸⰳⱁⱀⱔⱎⱅⰰ ⰱⱑⱄⱏⰹ. ⰺⰶⰵ ⱀⰵ ⱈⱁⰴⰻⱅⱏ ⱂⱁ ⱀⰰⱄⱏ. ⰺ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ. ⱑⰽⱁ ⱀⰵ ⱂⱁⱄⰾⱑⰴⱁⰲⰰ ⱀⰰⰿⱏ.
9:39
ⰺⱄ҃ ⰶⰵ ⱃⰵⱍⰵ ⱀⰵ ⰱⱃⰰⱀⰻⱅⰵ ⰿⱆ. ⱀⰻⰽⱅⱁⰶⰵ ⰱⱁ ⰵⱄⱅⱏ ⰻⰶⰵ ⱄⱏⱅⰲⱁⱃⰻⱅⱏ ⱄⰻⰾⱘ ⱁ ⰻⰿⰵⱀⰻ ⰿⱁⰵⰿⱐ. ⰺ ⰲⱏⰸⰿⱁⰶⰵⱅⱏ ⰲⱏⱄⰽⱁⱃⱑ ⰸⱏⰾⱁⱄⰾⱁⰲⰻⱅⰻ ⰿⱔ.
9:40
ⰺⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ ⱂⱁ ⰲⰰⱄⱏ ⰵⱄⱅⱏ.
9:41
ⰺ҅ⰶⰵ ⰱⱁ ⰰⱎⱅⰵ ⱀⰰⱂⱁⰻⱅⱏ ⰲⱏⰹ ⱍⰰⱎⱘ ⰲⱁⰴⱏⰹ. ⰲⱏ ⰹⰿⱔ ⱑⰽⱁ ⱈⱃⱏⱄⱅⱁⰲⰻ ⰵⱄⱅⰵ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱀⰵ ⱂⱁⰳⱆⰱⰻⱅⱏ ⰿⱏⰸⰴⱏⰹ ⱄⰲⱁ ⱗ҅.
9:42
ⰺ ⰻⰶⰵ ⰰⱋⰵ ⱄⱏⰱⰾⰰⰸⱀⰻⱅⱏ ⰵⰴⰻⱀⱁⰳⱁ ⱁⱅⱏ ⰿⰰⰾⱏⰹⱈⱏ ⱄⰻⱈⱏ ⰲⱑⱃⱆⱙⱎⱅⰻⰻⰻⱈⱏ ⰲⱐ ⰿⱔ. ⰴⱁⰱⱃⱑⰵ ⰵⰿⱆ ⰵⱄⱅⱏ ⱂⰰⱍⰵ. ⰰⱋⰵ ⱁⰱⰾⱁⰶⱔⱅⱏ ⰽⰰⰿⰵⱀⱐ ⰶⱃⱏⱀⱁⰲⱏⱀⱏⰹ ⱁ ⰲⱏⰹⰻ ⰵⰳⱁ. ⰺ ⰲⱏⰲⱃⱏⰳⱘⱅⱏ ⰹ ⰲⱏ ⰿⱁⱃⰵ.
9:43
ⰺ҅ ⰰⱎⱅⰵ ⱄⱏⰱⰾⰰⰶⱀⰰⰰⱅⱏ ⱅⰵ ⱃⱘⰽⰰ ⱅⰲⱁⱑ. ⱁⱅⱏⱄⱑⱌⰻ ⱙ. ⰴⱁⰱⱃⱑⰰ ⱅⰻ ⰵⱄⱅⱏ ⰿⰰⰾⱁⰿⱁⱎⱅⰻⱙ ⰲⱏ ⰶⰻⰲⱁⱅⱏ ⰲⱏⱀⰻⱅⰻ. ⱀⰵⰶⰵ ⱁⰱⱑ ⱃⱘⱌⱑ ⰻⰿⱘⱎⱅⱓ ⰻⱅⰻ ⰼⰵⱁⱀⱘ. ⰲⱏ ⱁⰳⱀⱐ ⱀⰵ ⰳⰰⱎⱘⱋⰻⰻ.
9:44
ⰺⰴⰵⰶⰵ ⱍⱃⱏⰲⱐ ⰻⱈⱏ ⱀⰵ ⱆⰿⰻⱃⰰⰰⱅⱏ. ⰺ ⱁⰳⱀⱐ ⱀⰵ ⱆⰳⰰⱄⰰⰰⱅⱏ.
9:45
ⰺ ⰰⱎⱅⰵ ⱀⱁⰳⰰ ⱅⰲⱁⱑ ⱄⱏⰱⰾⰰⰶⱀⰰⰰⱅⱏ ⱅⱔ ⱁⱅⱏⱄⱑⱌⰻ ⱙ. ⰴⱁⰱⱃⱑⰰ ⱅⰻ ⰵⱄⱅⱏ ⰲⱏⱀⰻⱅⰻ ⰲⱏ ⰶⰻⰲⱁⱅⱏ ⱈⱃⱁⰿⱆ. ⱀⰵⰶⰵ ⰴⱏⰲⱑ ⱀⱁⰷⱑ ⰻⰿⱘⱋⰵ ⰲⱏⰲⱃⱏⰶⰵⱀⱆ ⰱⱏⰹⱅⰻ ⰲⱏ ⰼⰵⱁⱀⱘ. ⰲⱏ ⱁⰳⱀⱐ ⱀⰵ ⰳⰰⱎⱘⱎⱅⰻⰻ.
9:46
ⰺⰴⰵⰶⰵ ⱍⱃⱏⰲⱐ ⰺⱈⱏ ⱀⰵ ⱆⰿⰻⱃⰰⰰⱅⱏ. ⰺ ⱁⰳⱀⱐ ⱀⰵ ⱆⰳⰰⱄⰰⰰⱅⱏ.
9:47
ⰺ ⰰⱎⱅⰵ ⱁⰽⱁ ⱅⰲⱁⰵ ⱄⱏⰱⰾⰰⰶⱀⰰⰰⱅⱏ ⱅⱔ ⰻⱄⱅⱏⰽⱀⰻ ⰵ. ⰴⱁⰱⱃⱑⰰ ⱅⰻ ⰵⱄⱅⱏ ⱄⱏ ⰵⰴⰻⱀⱑⰿⱐ ⱁⰽⱁⰿⱐ ⰲⱐⱀⰻⱅⰻ ⰲⱏ ⱌⱄ҃ⱃⱄⱅⰲⰻⰵ ⰱⰶ҃ ⰵ҅. ⱀⰵⰶⰵ ⱁⰱⱑ ⱁⱍⰻ ⰻⰿⱘⱋⱓ. ⰺⱅⰻ ⰲⱏ ⰼⰵⱁⱀⱘ ⱁⰳⱀⱐⱀⱘⱙ.
9:48
ⰺⰴⰵⰶⰵ ⱍⱃⱏⰲⱐ ⰻⱈⱏ ⱀⰵ ⱆⰿⰻⱃⰰⰰⱅⱏ. ⰺ ⱁⰳⱀⱐ ⱀⰵ ⱆⰳⰰⱄⰰⰰⱅⱏ.
9:49
ⰲⱐⱄⱑⰽⱏ ⰱⱁ ⱁⰳⱀⰵⰿⱐ ⱁⱄⱁⰾⰻⱅⱏ ⱄⱔ. ⰺ ⰲⱐⱄⱑⰽⰰ ⰶⱃⱏⱅⰲⰰ ⱄⱁⰾⰻⱙ ⱁⱄⱁⰾⰻⱅⱏ ⱄⱔ.
9:50
ⰴⱁⰱⱃⱁ ⰵⱄⱅⱏ ⱄⱁⰾⱐ. Ⰰⱎⱅⰵ ⰾⰻ ⰶⰵ ⱄⱁⰾⱐ ⱀⰵ ⱄⰾⰰⱀⰰ ⰱⱘⰴⰵⱅⱏ ⱍⰻⰿⱐ ⱁⱄⱁⰾⰻⱅⰵ. ⰺⰿⱑⰻⱅⰵ ⱄⱁⰾⱐ ⰲⱐ ⱄⰵⰱⱑ. ⰺ҅ ⰿⰻⱃⱏ ⰻⰿⱑⱅⰵ ⰿⰵ{ⰴ}ⰶⰴⱓ ⱄⱁⰱⱁⱙ.