ЕВАНГЕЛИЕ ЕЖЕ Ѿ МАРЪКА
8:1
Ⰲⱏ ⱅⱏⰹ ⰴⱐⱀⰻ ⱂⰰⰽⱏⰹ ⰿⱏⱀⱁⰳⱆ ⱄⱘⱎⱅⱆ ⱀⰰⱃⱁⰴⱆ. ⰺ ⱀⰵ ⰻⰿⱘⱎⱅⰵⰿⱏ ⱍⰵⱄⱁ ⱑⱄⱅⰻ. ⱂⱃⰻⰸⱏⰲⰰⰲⱏ ⱆⱍⰵⱀⰻⰽⱏⰹ ⱄⰲⱁⱗ ⰻⱄ҃ⱏ. ⰳⰾ҃ⰰ ⰻⰿⱏ.
8:2
ⰿⰻⰾⱏ ⰿⰻ ⰵⱄⱅⱏ ⱀⰰⱃⱁⰴⱁⱄⱐ. ⱑⰽⱁ ⱓⰶⰵ ⱅⱃⰻ ⰴⱐⱀⰻ ⱂⱃⰻⱄⱑⰴⱔⱅⱏ ⰿⱐⱀⱑ. ⰺ ⱀⰵ ⰻⰿⱘⱅⱏ ⱍⰵⱄⱁ ⱑⱄⱅⰻ.
8:3
ⰺ ⰰⱎⱅⰵ ⱁⱅⱏⱂⱆⱋⱘ ⱗ ⱀⰵ ⱑⰴⱏⱎⱔ ⰲⱏ ⰴⱁⰿⱏⰹ ⱄⰲⱁⱗ. ⱁⱄⰾⰰⰱⱑⱙⱅⱏ ⱀⰰ ⱂⱘⱅⰻ. ⰴⱃⱆⰷⰻⰻ ⰱⱁ ⰻⱈⱏ ⰻⰸ ⰴⰰⰾⰵⱍⰵ ⱄⱘⱅⱏ ⱂⱃⰻⱎⱏⰾⰻ.
8:4
ⰺ ⱁⱅⱏⰲⱑⱎⱅⰰⱎⱔ ⰵⰿⱆ ⱆⱍⰵⱀⰻⱌⰻ ⰵⰳⱁ. ⱁⱅⱏ ⰽⱘⰴⱆ ⱄⱐⱗ ⰿⱁⰶⰵⱅⱏ ⰽⱏⱅⱁ [ⱄⱏⰴⰵ] ⱀⰰⱄⱏⰹⱅⰻⱅⰻ ⱈⰾⱑⰱⱏ ⱀⰰ ⱂⱆⱄⱅⱏⰹⱀⰻ.
8:5
ⰺ ⰲⱏⱂⱃⱁⱄⰻ ⱗ ⰽⱁⰾⰻⰽⱁ ⰻⰿⰰⱅⰵ ⱈⰾⱑⰱⱏ. ⱁⱀⰻ ⰶⰵ ⱃⱑⱎⱔ ⱄⰵⰴⰿⱐ.
8:6
ⰺ ⱂⱁⰲⰵⰾⱑ ⱀⰰⱃⱁⰴⱆ ⰲⱏⰸⰾⰵⱎⱅⰻ ⱀⰰ ⰸⰵⰿⰻ. ⰺ ⱂⱃⰻⰵⰿⱏ ⱄⰵⰴⰿⱐ ⱅⱘ ⱈⰾⱑⰱⱏ. ⱈⰲⰰⰾⱘ ⰲⱏⰸⰴⰰⰲⱏ ⱂⱃⱑⰾⱁⰿⰻ. ⰺ ⰴⰰⱑⱎⰵ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⰴⰰ ⱂⱃⱑⰴⱏⰾⰰⰳⰰⱙⱅⱏ. ⰺ ⱂⱁⰾⱁⰶⰻⱎⱔ ⱂⱃⱑⰴⱏ ⱀⰰⱃⱁⰴⱁⰿⱏ.
8:7
ⰺ ⰻⰿⱑⰰⱈⱘ ⰻ ⱃⱏⰹⰱⰻⱌⱏ ⰿⰰⰾⱁ. ⰺ ⱅⱏⰹ ⰱⰾⰰⰳⱁⱄⰾⱁⰲⰻⰲⱏ ⱃⰵⱍⰵ. ⱂⱃⱑⰴⱏⰾⱁⰶⰻⱅⰵ ⰻ ⱅⱏⰹ.
8:8
ⱑⱄⱔ ⰶⰵ ⰻ ⱀⰰⱄⱏⰹⱅⰻⱎⱔ ⱄⱔ. ⰺ ⰲⱐⰸⱔⱄⱔ ⰻⰸⰱⱏⰹⱅⱏⰽⱏⰹ ⱆⰽⱃⱆⱈⱏ ⱄⰵⰴⰿⱐ ⰽⱁⱎⱏⱀⰻⱌⱏ.
8:9
ⰱⱑ ⰶⰵ ⱑⰴⱏⱎⰻⰻⱈⱏ ⱑⰽⱁ ⱍⰵⱅⱏⰹⱃⰻ ⱅⱏⰹⱄⱘⱎⱅⱔ. ⰺ ⱁⱅⱏⱂⱆⱄⱅⰻ ⱗ ::
8:10
Ⰺ ⰰⰱⰻⰵ ⰲⱏⰾⱑⰸⱏ ⰲⱏ ⰽⱁⱃⰰⰱⱏ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ. ⱂⱃⰻⰴⰵ ⰲⱏ ⱄⱅⱃⰰⱀⱏⰹ ⰴⰰⰾⱏⰿⰰⱀⱆⱅⰰⱀⱏⱄⰽⱏⰹ.
8:11
ⰺ ⰻⰸⰻⰴⱘ ⱇⰰⱃⰻⱄⱑⰻ ⰻ ⱀⰰⱍⱔⱄⱔ ⱄⱏⱅⱔⰸⰰⱅⰻ ⱄⱔ ⱄⱏ ⱀⰻⰿⱐ. ⰺⱄⰽⱘⱎⱅⰵ ⱁⱅⱏ ⱀⰵⰳⱁ ⰸⱀⰰⰿⰵⱀⰻⱑ ⱄⱏ ⱀⰵⰱ҃ⱄⰵ ⰻⱄⰽⱘⱎⰰⱙⱎⱅⰵ ⰻ.
8:12
ⰺ ⰲⱏⰸⰴⱏⱈⱀⱘⰲⱏ ⰴⱈ҃ⱁⰿⱏ ⱄⰲⱁⰻⰿⱏ ⰳⰾ҃ⰰ. ⱍⱏⱅⱁ ⱃⱁⰴⱁⱄⱐ ⰸⱀⰰⰿⰵⱀⰻⱑ ⰻⱎⱅⰵⱅⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⰰⱎⱅⰵ ⰴⰰⱄⱅⱏ ⱄⱔ ⱃⱁⰴⱆ ⱄⰵⰿⱆ ⰸⱀⰰⰿⰵⱀⰻⰵ.
8:13
ⰺ ⱁⱄⱅⰰⰲⱐ ⱗ ⰲⱐⰾⱑⰸⱏ ⱂⰰⰽⱏⰹ ⰲⱏ ⰽⱁⱃⰰⰱⱐ ⰻⰴⰵ ⱀⰰ ⱁⱀⱏ ⱂⱁⰾⱏ.
8:14
ⰺ ⰸⰰⰱⱏⰹⱎⱔ ⰲⱐⰸⱔⱅⰻ ⱈⰾⱑⰱⱏⰹ. ⰺ ⱃⰰⰸⰲⱑ ⰵⰴⰻⱀⱁⰳⱁ ⱈⰾⱑⰱⰰ ⱀⰵ ⰻⰿⱑⰰⱈⱘ ⱄⱏ ⱄⱁⰱⱁⱙ ⰲⱏ ⰽⱁⱃⰰⰱⰾⰻ ::
8:15
Ⰺ ⱂⱃⱑⱎⱅⰰⰰⱎⰵ ⰻⰿⱏ ⰳⰾ҃ⱔ. ⰲⰻⰴⰻⱅⰵ ⰱⰾⱓⰴⱑⱅⰵ ⱄⱔ ⱁⱅⱏ ⰽⰲⰰⱄⰰ ⱇⰰⱃⰻⱄⱑⰻⱄⰽⰰ. ⰺ ⱁⱅⱏ ⰽⰲⰰⱄⰰ ⰻⱃⱁⰴⱁⰲⰰ.
8:16
ⰺ ⱂⱁⰿⱏⰹⱎⰾⱑⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱑⰽⱁ ⱈⰾⱑⰱⱏ ⱀⰵ ⰻⰿⰰⰿⱏ.
8:17
ⰺ ⱃⰰⰸⱆⰿⱑⰲⱏ ⰻⱄ҃ⱏ ⰳⰾ҃ⰰ ⰻⰿⱏ. ⱍⱅⱁ ⱂⱁⰿⱏⰹⱎⰾⰰⰰⱅⰵ ⱑⰽⱁ ⱈⰾⱑⰱⱏ ⱀⰵ ⰻⰿⰰⱅⰵ. ⱀⰵ ⱓ ⰾⰻ ⱍⱓⰵⱅⰵ ⱀⰻ ⱃⰰⰸⱆⰿⱑⰵⱅⰵ ⰵⱎⱅⰵ. ⱁⰽⰰⰿⰵⱀⰵⱀⱁ ⰾⰻ ⰻⰿⰰⱅⰵ ⱄⱃⰴ҃ⱌⰵ ⰲⰰⱎⰵ.
8:18
ⱁⱍⰻ ⰻⰿⱘⱎⱅⰵ ⱀⰵ ⰲⰻⰴⰻⱅⰵ. ⰺ ⱆⱎⰻ ⰻⰿⱘⱎⱅⰵ ⱀⰵ ⱄⰾⱏⰹⱎⰻⱅⰵ. ⰺ ⱀⰵ ⱂⱁⰿⱐⱀⰻⱅⰵ ⰾⰻ.
8:19
ⰵⰳⰴⰰ ⱂⱔⱅⱐ ⱈⰾⱑⰱⱏ ⱂⱃⱑⰾⱁⰿⰻⱈⱏ ⰲⱐ ⱂⱔⱅⱐ ⱅⱏⰹⱄⱘⱋⱐ. ⰺ ⰽⱁⰾⰻⰽⱁ ⰽⱁⱎⱏ ⱆⰽⱃⱆⱈⱏ ⱂⱃⰻⱗⱄⱅⰵ. ⰳⰾ҃ⰰⱎⱔ ⰵⰿⱆ ⰴⱏⰲⰰ ⱀⰰ ⰴⰵⱄⱔⱅⰵ.
8:20
ⰺ ⰵⰳⰴⰰ ⱄⰵⰴⰿⱐ ⰲⱏ ⱍⰵⱅⱏⰹⱃⰻ ⱅⱏⰹⱄⱘⱎⱅⱔ. ⰽⱁⰾⰻⰽⱁ ⰽⱁⱎⱏⱀⰻⱌⱏ ⰻⱄⱂⰾⱏⱀⰵⱀⰻⱑ ⱆⰽⱃⱆⱈⱏ ⰲⱐⰸⱔⱄⱅⰵ. ⱁⱀⰻ ⰶⰵ ⱃⱑⱎⱔ ⱄⰵⰴⰿⱐ.
8:21
ⰺ ⰳⰾ҃ⰰⰰⱎⰵ ⰻⰿⱏ ⰽⰰⰽⱁ ⱀⰵ ⱃⰰⰸⱆⰿⱑⱄⱅⰵ ::
8:22
ⰺ҅ ⱂⱃⰻⰴⰵ ⰲⱏ ⰲⰻⰴⱏⱄⰰⰻⰴⱘ. ⰺ ⱂⱃⰻⰲⱑⱄⱔ ⰽⱏ ⱀⰵⰿⱆ ⱄⰾⱑⱂⰰ. ⰺ ⰿⱁⰾⱑⰰⱈⱘ ⰻ ⰴⰰ ⰻ ⰽⱁⱄⱀⰵⱅⱏ.
8:23
ⰺ ⰵⰿⱏ ⰸⰰ ⱃⱘⰽⱘ ⱄⰾⱑⱂⰰⰰⰳⱁ. ⰺⰸⰲⰵⰴⰵ ⰻ ⰲⱐⱀⱏ ⰺⰸ ⰲⱐⱄⰻ. ⰺ ⱂⰾⰻⱀⱘ ⱀⰰ ⱁⱍⰻ ⰵⰳⱁ ⰻ ⰲⱏⰸⰾⱁⰶⰻ ⱃⱘⱌⱑ ⱀⰰ ⱀⱐ. ⰲⱏⱂⱃⰰⱎⰰⰰⱎⰵ ⰻ ⰰⱎⱅⰵ ⱍⱏⱅⱁ ⰲⰻⰴⰻⱅⱏ.
8:24
ⰺ ⰲⱐⰸⱐⱃⱑⰲⱏ ⰳⰾ҃ⰰⰰⱎⰵ. ⰸⱐⱃⱙ ⱍⰾⱁⰲⱑⰽⱏⰻ ⱑⰽⱁ ⰴⱃⱑⰲⱁ ⰲⰻⰶⰴⱘ ⱈⱁⰴⱔⱎⱅⱔ.
8:25
ⱂⱁ ⱅⱁⰿⱐ ⰶⰵ ⱂⰰⰽⱏⰹ ⰲⱏⰸⰾⱁⰶⰻ ⱃⱘⱌⱑ ⱀⰰ ⱁⱍⰻ ⰵⰳⱁ. ⰺ ⱄⱏⱅⰲⱁⱃⰻ ⰻ ⱂⱃⱁⰸⱐⱃⱑⱅⰻ. ⰺ ⱆⱅⰲⱁⱃⰻ ⱄⱔ ⰻ ⱆⰸⱐⱃⱑ ⰲⱐⱄⱔ ⱄⰲⱑⱅⱏⰾⱁ.
8:26
ⰺ ⱂⱁⱄⱏⰾⰰ ⰻ ⰲⱏ ⰴⱁⰿⱏ ⰵⰳⱁ ⰳⰾ҃ⱔ. ⱀⰻ ⰲⱐ ⰲⰵ{ⰲⰵ}ⱄⱐ ⰲⱐⱀⰻⰴⰻ. ⱀⰻ ⱂⱁⰲⱑⰶⰴⱏ ⱀⰻⰽⱁⰿⱆⰶⰵ ⰲⱐ ⰲⱐⱄⰻ. ::
8:27
Ⰺⰸⰻⰴⰵ ⰶⰵ ⰻⱄ҃ⱏ ⰻ ⱆⱍⰵⱀⰻⱌⰻ ⰵⰳⱁ. ⰲⱏ ⰲⱐⱄⰻ ⰽⰵⱄⰰⱃⰻⱗ ⱇⰻⰾⰻⱂⱁⰲⱏⰹ. ⰺ ⱀⰰ ⱂⱘⱅⰻ ⰲⱏⱂⱃⰰⱎⰰⰰⱎⰵ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⱔ ⰻⰿⱏ. ⰽⱁⰳⱁ ⰿⱔ ⰳⰾ҃ⱙⱅⱏ ⱍⰾⰲ҃ⱌⰻ ⰱⱏⰹⱅⰻ.
8:28
ⱁⱀⰻ ⰶⰵ ⱁⱅⱏⰲⱑⱎⱅⰰⱎⱔ. ⱁⰲⰻ ⰻⱁⰰⱀⰰ ⰽⱃⱄⱅⰻⱅⰵⰾⱑ. ⰺ ⰻⱀⰻ ⰻⰾⰻⱙ. ⰰ ⰴⱃⱆⰷⰻⰻ ⰵⰴⰻⱀⱁⰳⱁ ⱁⱅⱏ !ⱂⱃⰽⱏ.
8:29
ⰺ ⱅⱏ ⰳⰾ҃ⰰ ⰻⰿⱏ ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⰳⰾ҃ⰰ ⰵⰿⱆ. ⱅⱏⰹ ⰵⱄⰻ !ⱈⱏ.
8:30
ⰺ ⰸⰰⱂⱃⱑⱅⰻ ⰻⰿⱏ ⰴⰰ ⱀⰻⰽⱁⰿⱆⰶⰵ ⱀⰵ ⰳⰾ҃ⱙⱅⱏ ⱁ ⱀⰵⰿⱏ.
8:31
ⰺ ⱀⰰⱍⱔⱅⱏ ⱆⱍⰻⱅⰻ ⱗ. ⱑⰽⱁ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⰾⰲ҃ⱍⱄⰽⱆⰿⱆ. ⰿⱏⱀⱁⰳⱁ ⱂⱁⱄⱅⱃⰰⰴⰰⱅⰻ ⰻ ⰻⱄⰽⱆⱎⰵⱀⱆ ⰱⱏⰹⱅⰻ ⱁⱅⱏ ⱄⱅⰰⱃⰵⱌⱏ ⰻ ⰰⱃⱏⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⰽⱏ ⰻ ⱆⰱⱐⰵⱀⱆ ⰱⱏⰹⱅⰻ. ⰺ ⱅⱃⰵⱅⰻ ⰴⰵⱀⱐ ⰲⱐⱄⰽⱃⱐⱄⱀⱘⱅⰻ. :: ⰽ!ⱌ
8:32
Ⰺ ⱀⰵ ⱁⰱⰻⱀⱆⱗ ⱄⱔ ⱄⰾⱁⰲⱁ ⰳⰾⰰⰳⱁⰾⰰⰰⱎⰵ. ⰺ ⱂⱃⰻⰵⰿⱏ ⰹ ⱂⰵⱅⱃⱏ ⱀⰰⱍⱔⱅⱏ ⱂⱃⱑⱅⰻⱅⰻ ⰵⰿⱆ.
8:33
ⱁⱀⱏ ⰶⰵ ⱁⰱⱃⰰⱎⱅⱏ ⱄⱔ ⰻ ⰲⱏⰸⱐⱃⱑⰲⱏ ⱀⰰ ⱆⱍⰵⱀⰻⰽⱏⰹ ⱄⰲⱁⱗ. ⰸⰰⱂⱃⱑⱅⰻ ⱂⰵⱅⱃⱁⰲⰻ ⰳⰾ҃ⱔ. ⰺⰴⰻ ⰸⰰ ⰿⱏⱀⱁⱙ ⱄⱁⱅⱁⱀⱁ. ⱑⰽⱁ ⱀⰵ ⰿⱏⰹⱄⰾⰻⱎⰻ ⱑ ⱄⱘⱅⱏ ⰱⰶ҃ⱑⰰ. ⱀⱏ ⱑⰶⰵ ⱄⱘⱅⱏ ⱍⰾⱁⰲⱑⱍⱐⱄⰽⰰⰰ ::
8:34
ⰺ ⱂⱃⰻⰸⱏⰲⰰⰲⱏ ⱀⰰⱃⱁⰴⱏⰹ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ ⱃⰵⱍⰵ ⰻⰿⱏ. :: Ⰺⰶⰵ ⱈⱁⱎⱅⰵⱅⱏ ⱂⱁ ⰿⱐⱀⱑ ⰻⱅⰻ ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ ⰲⱐⰸⱐⰿⰵⱅⱏ !ⰽⱃⱄⱅⱏ ⱄⰲⱁⰻ ⰻ ⰳⱃⱔⰴⰵⱅⱏ ⱂⱁ ⰿⱐⱀⱑ
8:35
ⰺⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁ[ⱙ] ⱄⱂ҃ⱄⱅⰻ ⱂⱁⰳⱆⰱⰻⱅⱏ ⱙ. ⰺⰶⰵ ⰱⱁ ⰰⱎⱅⰵ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ ⰿⰵⱀⰵ ⱃⰰⰴⰻ ⰻ ⰵⰲⱀ҃ⰼⰾⰻⱑ ⱅⱏ ⱄⱂ҃ⱄⱅⱏ ⱙ.
8:36
ⰽⰰⰰ ⰱⱁ ⱂⱁⰾⱐⰷⰰ ⰵⱄⱅⱏ ⱍⰾ҃ⰽⱆ ⰰⱎⱅⰵ ⱂⱃⰻⱁⰱⱃⱔⱋⰵⱅⱏ ⰲⰵⱄⱐ ⰿⰻⱃⱏ. ⰺ ⱁⱅⱏⱋⰵⱅⰻⱅⱏ ⰴⱎ҃ⱘ ⱄⰲⱁⱙ.
8:37
ⱍⱅⱁ ⰱⱁ ⰴⰰⱄⱅⱏ ⱍⰾⰲ҃ⰽⱏ ⰺⰸⰿⱑⱀⱘ ⱀⰰ ⰴⱎ҃ⰻ ⱄⰲⱁⰵⰻ.
8:38
ⰺⰶⰵ ⰱⱁ ⰰⱎⱅⰵ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ ⰻ ⰿⱁⰻⱈⱏ ⱄⰾⱁⰲⰵⱄⱏ. ⰲⱏ ⱃⱁⰴⱑ ⱄⰵⰿⱐ ⱂⱃⱑⰾⱓⰱⱁⰴⱑⰻⰿⱏ ⰻ ⰳⱃⱑⱎⱏⱀⱑⰵⰿⱐ. ⰺ ⱄⱀ҃ⱏ ⱍⰾⰲ҃ⱍⱄⰽⱏ ⱂⱁⱄⱅⱏⰹⰴⰻⱅⱏ ⱄⱔ ⰵⰳⱁ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱁⱅ҃ⱌⰰ ⱄⰲⱁⰵⰳⱁ. ⱄⱏ ⰰⱀⰼ҃ⰾⱏⰹ ⱄⱅ҃ⱏⰹⰻⰿⰻ.