ЕВАНГЕЛИЕ ЕЖЕ Ѿ МАРЪКА
5:1
ⰺ ⱂⱃⰻⰴⱘ ⱀⰰ ⱁⱀⱏ ⱂⱁⰾⱏ ⰿⱁⱃⱑ. ⰲⱏ ⱄⱅⱃⰰⱀⱘ ⰳⰰⰴⰰⱃⰻⱀⱄⰽⱘ ::
5:2
Ⰺ ⰻⰸⰾⱑⰸⱏⱎⱆ ⰵⰿⱆ ⰻⱄ ⰽⱁⱃⰰⰱⰾⱑ. ⰰⰱⰻⰵ ⱄⱏⱃⱑⱅⰵ ⰻ ⱁⱅⱏ ⰳⱃⱁⰱⱏ !ⱍⰽⱏ. ⱀⰵⱍⰻⱄⱅⱁⰿⱏ ⰴⱈ҃ⰿⱏ.
5:3
ⰺⰶⰵ ⰶⰻⰾⰻⱎⱅⰵ ⰻⰿⱑⰰⱎⰵ ⰲⱏ ⰳⱃⱁⰱⱑⱈⱏ. ⰺ ⱀⰻ ⰶⰵⰾⱑⰸⱀⱁⰿⱏ ⱘⰶⰵⰿⱐ ⰵⰳⱁ ⱀⰻⰽⱅⱁⰶⰵ ⱀⰵ ⰿⱁⰶⰰⰰⱎⰵ ⱄⱏⰲⱔⰸⰰⱅⰻ.
5:4
ⰸⰰⱀⰵ ⰿⱏⱀⱁⰳⱏⰹ ⰽⱃⰰⱅⱏⰹ ⱂⱘⱅⱏⰹ ⰻ ⱘⰶⰻ ⰶⰵⰾⱑⰸⱀⱏⰹ ⱄⱏⰲⱔ[ⰸⰰ]ⱀⱘ ⱄⱘⱋⱓ. ⱂⱃⱑⱅⱃⱏⰸⰰⰰⱈⱘ ⱄⱔ ⱁⱅⱏ ⱀⰵⰳⱁ. ⱘⰶⰰ ⰶⰵⰾⱑⰸⱀⰰ ⰻ ⱂⱘⱅⰰ ⱄⱏⰽⱃⱆⱎⰰⰰⱈⱘ ⱄⱔ. ⰺ ⱀⰻⰽⱅⱁⰶⰵ ⰵⰳⱁ ⱀⰵ ⰿⱁⰶⰰⰰⱎⰵ ⱆⰿⱘⱍⰻⱅⰻ.
5:5
ⰻ ⰲⱏⰹ ⰻⱀⱘ ⰴⰵⱀⱐ ⰻ ⱀⱁⱎⱅⱐ. ⰲⱏ ⰳⱃⱁⰱⱑⱈⱏ ⰻ ⰲⱏ ⰳⱁⱃⰰⱈⱏ ⰱⱑ. ⰲⱐⱂⰻⱗ ⰻ ⱅⰾⱏⰽⱏⰹ ⱄⱔ ⰽⰰⰿⰵⱀⰻⰵⰿⱐ.
5:6
ⱆⰸⱐⱃⱑⰲⱏ ⰶⰵ ⰻⱄ҃ⰰ ⰻⰸ ⰴⰰⰾⰵⱍⰵ. ⱅⰵⱍⰵ ⰻ ⱂⱁⰽⰾⱁⱀⰻ ⱄⱔ ⰵⰿⱆ.
5:7
ⰺ ⰲⱏⰸⱏⱂⰻⰲⱏ ⰳⰾⰰⱄⱁⰿⱏ ⰲⰵⰾⰻⰵⰿⱐ ⰳⰾ҃ⰰ. ⱍⱅⱁ ⰿⱐⱀⱑ ⰻ ⱅⰵⰱⱑ ⰻⱄ҃ⰵ ⱄⱀ҃ⰵ ⰱ҃ⰰ ⰲⱏⰹⱎⱏⱀⱑⰰⰳⱁ. ⰸⰰⰽⰾⰻⱀⰰⱙ ⱅⱔ !ⰱⰿⱏ ⱀⰵ ⰿⱘⱍⰻ ⰿⰵⱀⰵ.
5:8
ⰳⰾ҃ⰰ ⰵⰿⱆ ⰻⰸⰻⰴⰻ ⰴⱎ҃ⰵ ⱀⰵⱍⰻⱄⱅⱏⰹⰻ ⱁⱅⱏ ⱍⰾⰲ҃ⰽⰰ.
5:9
ⰺ ⰲⱏⱂⱃⰰⱎⰰⱎⰵ ⰻ ⰽⰰⰽⱁ ⱅⰻ ⰵⱄⱅⱏ ⰹ҅ⰿⱔ. ⰺ ⰳⰾ҃ⰰ ⰵⰿⱆ ⰾⰵⰼⰵⱁⱀⱏ ⰿⱐⱀⱑ ⰵⱄⱅⱏ ⰻ҅ⰿⱔ. ⱑⰽⱁ ⰿⱏⱀⱁⰷⰻ ⰵⱄⰿⱏ.
5:10
ⰺ ⰿⱁⰾⱑⱎⰵ ⰻ ⰿⱏⱀⱁⰳⱁ. ⰴⰰ ⱀⰵ ⱂⱁⱄⱏⰾⰵⱅⱏ ⰻⱈⱏ ⰽⱃⱁⰿⱑ ⱄⱅⱃⰰⱀⱏⰹ.
5:11
ⰱⱑ ⰶⰵ ⱅⱆ ⱄⱅⰰⰴⱁ ⱄⰲⰻⱀⱁ ⱂⰰⱄⱁⰿⱁ ⰲⰵⰾⰻⰵ ⱂⱃⰻ ⰳⱁⱃⱑ.
5:12
ⰺ ⰿⱁⰾⰻⱎⱔ ⰻ ⰲⱐⱄⰻ ⰱⱑⱄⰻ ⰳⰾ҃ⱙⱎⱅⰵ. ⱂⱁⱄⱏⰾⰻ ⱀⱏⰹ ⰲⱐ ⱄⰲⰻⱀⰻⱗ ⰴⰰ ⰲⱐ ⱀⱔ ⰲⱐⱀⰻⰴⰵⰿⱐ.
5:13
ⰺ ⰰⰱⰻⰵ ⱂⱁⰲⰵⰾⱑ ⰻⰿⱏ ⰻⱄ҃ⱏ. ⰺ ⰻⱎⰵⰴⱏⱎⰵ !ⰴⱄⰻ ⱀⰵⱍⰻⱄⱅⰻⰻ. ⰲⱐⱀⰻⰴⱘ ⰲⱐ ⱄⰲⰻⱀⰻⱗ. ⰺ ⱆⱄⱅⱃⱏⰿⰻ ⱄⱔ ⱄⱅⰰⰴⱁ ⱂⱁ ⰱⱃⱑⰳⱆ ⰲⱏ ⰿⱁⱃⰵ. ⰱⱑ ⰶⰵ ⰻⱈⱏ ⱑⰽⱁ ⰴⱏⰲⱑ ⱅⱏⰹⱄⱘⱎⱅⰻ. ⰺ ⱆⱅⰰⱂⰰⰰⱈⱘ ⰲⱏ ⰿⱁⱃⰻ.
5:14
ⰺ ⱂⰰⱄⱘⱎⱅⰻ {ⱄⰲⰻ}ⱄⰲⰻⱀⰻⱗ ⰱⱑⰶⰰⱎⱔ. ⰺ ⰲⱐⰸⰲⱑⱄⱅⰻⱎⱔ ⰲⱏ ⰳⱃⰰⰴⱑ ⰻ ⱀⰰ ⱄⰵⰾⱑⱈⱏ. ⰺ ⱂⱃⰻⰴⱘ ⰲⰻⰴⱑⱅⱏ ⱍⱅⱁ ⰵⱄⱅⱏ ⰱⱏⰹⰲⱏⱎⰵⰵ.
5:15
ⱂⱃⰻⰴⱘ ⰽⱏ ⰻⱄ҃ⰲⰻ ⰻ ⰲⰻⰴⱑⱎⱔ ⰱⱑⱄⱏⱀⱁⰲⰰⰲⱏⱎⰰⰰⰳⱁ ⱄⱔ. ⱄⱑⰴⱔⱋⰰ ⱁⰱⰾⱐⱍⰵⱀⰰ. ⰺ ⱄⱏⰿⱏⰹⱄⰾⱔⱎⱅⰰ ⰻⰿⱑⰲⱏⱎⰰⰰⰳⱁ ⰾⰵⰼⰵⱁⱀⱏ. ⰺ ⱆⰱⱁⱑⱎⱔ ⱄⱔ
5:16
ⰻ ⱂⱁⰲⱑⰴⱑⱎⱔ ⰻⰿⱏ ⰲⰻⰴⱑⰲⱏⱎⰵⰻ. ⰽⰰⰽⱁ ⰱⱏⰹⱄⱅⱏ ⰱⱑⱄⱏⱀⱆⰵⰿⱆ. ⰺ ⱁ ⱄⰲⰻⱀⰻⱑⱈⱏ.
5:17
ⰺ ⱀⰰⱍⱔⱄⱔ {ⱄⱔ} ⰿⱁⰾⰻⱅⰻ ⰻ. ⱁⱅⰻⱅⰻ ⱁⱅⱏ ⱂⱃⱑⰴⱑⰾⱏ ⰻⱈⱏ.
5:18
ⰺ ⰲⱏⱈⱁⰴⱔⱎⱅⱓ ⰵⰿⱆ ⰲⱏ ⰾⰰⰴⰻⰻⱌⱘ. ⰿⱁⰾⱑⰰⱎⰵ ⰻ ⰱⱑⱄⱏⱀⱁⰲⰰⰲⱏⰹ ⱄⱔ. ⰴⰰ ⰱⰻ ⱄⱏ ⱀⰻⰿⱐ ⰱⱏⰹⰾⱏ.
5:19
ⰺⱄ҃ⱏ ⰶⰵ ⱀⰵ ⰴⰰⱄⱅⱏ ⰵⰿⱆ. ⱀⱏ ⰳⰾ҃ⰰ ⰵⰿⱆ ⰻⰴⰻ ⰲⱏ ⰴⱁⰿⱏ ⱅⰲⱁⰻ ⰽⱏ ⱅⰲⱁⰻⰿⱏ. ⰺ ⰲⱐⰸⰲⱑⱄⱅⰻ ⰻⰿⱐ. ⰵⰾⰻⰽⱁ ⱅⰻ ⰳ҃ⱏ ⱄⱏⱅⰲⱁⱃⰻ ⰻ ⱂⱁⰿⰻⰾⱁⰲⰰ ⱅⱔ.
5:20
ⰺ ⰻⰴⰵ ⰻ ⱀⰰⱍⱔⱅⱏ ⱂⱃⱁⱂⱁⰲⱑⰴⰰⱅⰻ ⰲⱏ ⰴⰵⰽⰰⱂⱁⰾⰻ ⰵⰾⰻⰽⱁ ⱄⱏⱅⰲⱁⱃⰻ ⰵⰿⱆ ⰻⱄ҃ⱏ. ⰺ ⰲⱐⱄⰻ ⰴⰻⰲⰾⱑⰰⱈⱘ ⱄⱔ.
5:21
ⰺ ⱂⱃⱑⱑⰲⱏⱎⱓ ⰻⱄ҃ⰲⰻ ⰲⱏ ⰽⱁⱃⰰⰱⰻ ⱂⰰⰽⱏⰹ ⱀⰰ ⱁⱀⱏ ⱂⱁⰾⱏ. ⱄⱏⰱⱏⱃⰰ ⱄⱔ ⱀⰰⱃⱁⰴⱏ ⰿⱏⱀⱁⰳⱏ ⱁ ⱀⰵⰿⱐ. ⰺ ⰱⱑ ⱂⱃⰻ ⰿⱁⱃⰻ.
5:22
ⰺ ⱄⰵ ⱂⱃⰻⰴⰵ ⰵⰴⰻⱀⱏ ⱁⱅⱏ ⰰⱃⱈⰻⱄⱆⱀⰰⰳⱁⰳⱏ. ⰺⰿⰵⱀⰵⰿⱐ ⰻⰰⰻⱃⱐ. ⰺ ⰲⰻⰴⱑⰲⱏ ⰹ ⱂⰰⰴⰵ ⱀⰰ ⱀⱁⰳⱆ ⰵⰳⱁ.
5:23
ⰺ ⰿⱁⰾⱑⱎⰵ ⰻ ⰿⱏⱀⱁⰳⱁ ⰳⰾ҃ⱔ. ⱑⰽⱁ ⰴⱏⱎⱅⰻ ⰿⱁⱑ ⱀⰰ ⰽⱁⱀⱐⱍⰻⱀⱑ ⰵⱄⱅⱏ. ⰴⰰ ⱂⱃⰻⱎⰵⰴⱏ ⰲⱏⰸⰾⱁⰶⰻ ⱀⰰ ⱀⱙ ⱃⱘⱌⱑ. ⰴⰰ ⱄⱂ҃ⱄⱀⰰ ⰱⱘⰴⰵⱅⱏ ⰻ ⱁⰶⰻⰲⰵⱅⱏ.
5:24
ⰺ ⰻⰴⰵ ⱄⱏ ⱀⰻⰿⱐ. ⰺ ⱂⱁ ⱀⰵⰿⱐ ⰻⰴⱑⰰⱎⰵ ⱀⰰⱃⱁⰴⱏ ⰿⱏⱀⱁⰳⱏ. ⰺ ⱆⰳⱀⱑⱅⰰⰰⱈⱘ ⰻ.
5:25
ⰺ ⰶⰵⱀⰰ ⰵⰴⰻⱀⰰ ⱄⱘⱎⱅⰻ ⰲⱏ ⱅⱁⱍⰵⱀⰻⰻ ⰽⱃⱏⰲⰵ ⰾⱑⱅⱏ ⰴⱐⰲⱑ ⱀⰰ [ⰴⰵ]ⱄⱔⱅⰵ.
5:26
ⰺ ⰿⱀⱁⰳⱁ ⱂⱁⱄⱅⱃⰰⰴⰰⰲⱏⱎⰻ ⱁⱅⱏ ⰿⱏⱀⱁⰳⱏ ⰱⰰⰾⰻⰻ. ⰺ ⰻⰶⰴⰻⰲⱏⱎⰻ ⰲⱐⱄⰵ ⱄⰲⱁⰵ. ⰺ ⱀⰻ ⰵⰴⰻⱀⱁⱗ ⱂⱁⰾⱐⰷⱔ ⱁⰱⱃⱑⱅⱏⱎⰻ. ⱀⱏ ⱂⰰⱍⰵ ⰲⱏ ⰳⱁⱃⰵ ⱂⱃⰻⱎⱐⰴⱏⱎⰻ.
5:27
ⱄⰾⱏⰹⱎⰰⰲⱏⱎⰻ ⱁ ⰻⱄ҃ⱑ. ⱂⱃⰻⱎⰵⰴⱏⱎⰻ ⰲⱏ ⱀⰰⱃⱁⰴⱑ. ⱄⱏ ⰸⰰⰴⰻ ⱂⱃⰻⰽⱁⱄⱀⱁ ⱄⱔ ⱃⰻⰸⱑ ⰵⰳⱁ.
5:28
ⰳⰾ҃ⰰⱎⰵ ⰱⱁ. ⱑⰽⱁ ⰰⱎⱅⰵ ⱂⱃⰻⰽⱁⱄⱀⱘ ⱄⱔ ⱂⱁⱀⱑ{ⱀⱑ} ⱃⰻⰸⱑ {ⰵ}ⰵⰳⱁ ⱄⱂ҃ⱄⱀⰰ ⰱⱘⰴⱘ.
5:29
ⰺ ⰰⰱⰻⰵ ⰻⱄⱔⰽⱀⱘ ⰻⱄⱅⱁⱍⱐⱀⰻⰽⱏ ⰽⱃⱏⰲⰵ ⰵⱗ. ⰺ ⱃⰰⰸⱆⰿⱑ ⱅⱑⰾⱁⰿⱏ ⱑⰽⱁ ⱌⱑⰾⱑⰰⱅⱏ ⱁⱅⱏ ⱃⰰⱀⱏⰹ.
5:30
ⰺ ⰰⰱⱐⰵ ⰻⱄ҃ⱏ ⱁⱎⱅⱓⱎⱅⱐ ⰲⱐ ⱄⰵⰱⱑ ⱄⰻⰾⱘ ⰻⱎⰵⰴⱏⱎⱘ ⱁⱅⱏ ⱀⰵⰳⱁ. ⱁⰱⱃⰰⱎⱅⱏ ⱄⱔ ⰲⱐ ⱀⰰⱃⱁⰴⱑ ⰳⰾ҃ⰰⱎⰵ. ⰽⱅⱁ ⱂⱃⰻⰽⱁⱄⱀⱘ ⱄⱔ ⱃⰻⰸⰰⱈⱏ ⰿⱁⰻⱈⱏ.
5:31
ⰺ ⰳⰾ҃ⰰⱎⱔ ⰵⰿⱆ ⱆⱍⰵⱀⰻⱌⰻ ⰵⰳⱁ. ⰲⰻⰴⰻⱎⰻ ⱀⰰⱃⱁⰴⱏ ⱆⰳⱀⱑⱅⰰⱙⱎⱅⱏ ⱅⱔ. ⰺ ⰳⰾ҃ⰵⱎⰻ ⰽⱏⱅⱁ ⱄⱔ ⱂⱃⰻⰽⱁⱄⱀⱘ ⱄⱔ ⰿⱏⱀⱑ.
5:32
ⰺ ⱁⰸⰻⱃⰰⰰⱎⰵ ⱄⱔ ⰲⰻⰴⱑⱅⰻ ⱄⱏⱅⰲⱁⱃⱐⱎⱘⱙ ⱄⰵ ::
5:33
Ⰶⰵⱀⰰ ⰶⰵ ⱆⰱⱁⱑⰲⱏⱎⰻ ⱄⱔ ⰻ ⱅⱃⰵⱂⰵⱋⱘⱎⱅⰻ. ⰲⱑⰴⱘⱋⰻ ⰵⰶⰵ ⰱⱏⰹⱄⱅⱏ ⰵⰻ. ⱂⱃⰻⰴⰵ ⰻ ⱂⱃⰻⱂⰰⰴⰵ ⰽⱏ ⱀⰵⰿⱆ. ⰺ ⱃⰵⱍⰵ ⰵⰿⱆ ⰲⱏⱄⱘ ⰻⱄⱅⰻⱀⱘ.
5:34
ⰻⱄ҃ⱏ ⰶⰵ ⱃⰵⱍⰵ ⰵⰻ ⰴⱏⱎⱅⰻ ⰲⱑⱃⰰ ⱅⰲⱁⱑ ⱄⱂ҃ⱄⱅⱔ ⰻⰴⰻ ⱄⱏ ⰿⰻⱃⱁⰿⱏ. ⰺ ⰱⱘⰴⰻ ⱌⱑⰾⰰ ⱁⱅⱏ ⱃⰰⱀⱏⰹ ⱅⰲⱁ ⱗ҅.
5:35
Ⰺ ⰵⱎⱅⰵ ⰳⰾ҃ⱙⱎⱅⱆ ⰵⰿⱆ ⱂⱃⰻⰴⱘ ⱁⱅⱏ ⰰⱃⱈⰻⱄⱛⱀⰰⰳⱁⰳⰰ ⰳⰾ҃ⱙⱎⱅⰵ. ⱑⰽⱁ ⰴⱏⱎⱅⰻ ⱅⰲⱁⱑ ⱆⰿⱐⱃⱑⱅⱏ ⱍⱅⱁ ⰴⰲⰻⰶⰵⱎⰻ ⱆⱍⰻⱅⰵⰾⱑ.
5:36
ⰺⱄ҃ⱏ ⰶⰵ ⰰⰱⰻⰵ ⱄⰾⱏⰹⱎⰰⰲⱏ. ⱄⰾⱁⰲⱁ ⰳⰾ҃ⰵⰿⱁⰵ. ⰳⰾ҃ⰰ ⰰⱃⱈⰻⱄⱛⱀⰰⰳⱁⰳⱁⰲⰻ ⱀⰵ ⰱⱁⰻ ⱄⱔ. ⱅⱏⰽⰿⱁ ⰲⱑⱃⱆⰻ.
5:37
ⰺ ⱀⰵ ⱁⱄⱅⰰⰲⰻ ⰻⱅⰻ ⱂⱁ ⱄⰵⰱⱑ ⱀⰻ ⰵⰴⰻⱀⱁⰳⱁ ⰶⰵ. ⱅⱏⰽⰿⱁ ⱂⰵⱅⱃⰰ ⰻ ⰻⱑⰽⱁⰲⰰ. ⰺ ⰻⱁⰰⱀⰰ ⰱⱃⰰⱅⱃⰰ ⰻⱑⰽⱁⰲⰾⱑ.
5:38
ⰺ ⱂⱃⰻⰴⰵ ⰲⱏ ⰴⱁⰿⱏ ⰰⱃⱈⰻⱄⱛⱀⰰⰳⱁⰳⱁⰲⱏ. ⰺ ⰲⰻⰴⱑ ⰿⰾⱐⰲⱘ ⰻ ⱂⰾⰰⱍⱘⱎⱅⱔ ⱄⱔ. ⰺ ⰽⱃⰻⱍⱔⱎⱅⱔ ⰿⱏⱀⱁⰳⱁ.
5:39
ⰺ ⰲⱏⱎⰵⰴⱏ ⰳⰾ҃ⰰ ⰻⰿⱏ. ⱍⱐⱅⱁ ⰿⰾⱏⰲⰻⱅⰵ ⰻ ⱂⰾⰰⱍⰵⱅⰵ ⱄⱔ. ⱁⱅⱃⱁⰽⱁⰲⰻⱌⰰ ⱀⱑⱄⱅⱏ ⱆⰿⱃⱏⰾⰰ ⱀⱏ ⱄⱏⱂⰻⱅⱏ.
5:40
ⰺ ⱃⱘⰳⰰⰰⱈⱘ [ⱄⱔ] ⰵⰿⱆ. ⱁⱀⱏ ⰶⰵ ⰻⰸⰳⱏⱀⰰⰲⱏ ⰲⱐⱄⱔ. ⱂⱁⱗⱅⱏ ⱁⱅ҃ⱌⰰ ⱁⱅⱃⱁⰽⱁⰲⰻⱌⱔ ⰻ ⰿⰰⱅⰵⱃⱐ. ⰺ ⰻⰶⰵ ⰱⱑⱎⱔ ⱄⱏ ⱀⰻⰿⱐ. ⰺ ⰲⱐⱀⰻⰴⰵ ⰻⰴⰵⰶⰵ ⰱⱑ ⱁⱅⱃⱁⱍⱔ ⰾⰵⰶⱔ.
5:41
ⰺ ⰵⰿⱏ ⰸⰰ ⱃⱘⰽⱘ ⱁⱅⱃⱁⰽⱁⰲⰻⱌⱘ ⰳⰾ҃ⰰ ⰵⰻ. ⱅⰰⰾⰻⱅⰰⰽⱆⰿⱏ. ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁⰵ. ⰴⱑⰲⰻⱌⰵ ⱅⰵⰱⱑ ⰳⰾ҃ⱙ ⰲⱏⱄⱅⰰⱀⰻ.
5:42
ⰺ ⰰⰱⰻⰵ ⰲⱏⱄⱅⰰ ⰴⱑⰲⰻⱌⰰ ⰻ ⱈⱁⰶⰴⰰⰰⱎⰵ. ⰱⱑ ⰱⱁ ⰾⱑⱅⱁⰿⰰ ⰴⱏⰲⱑⰿⰰ ⱀⰰ ⰴⰵⱄⱔⱅⰵ. ⰺ ⱆⰶⰰⱄⱀⱘⱎⱔ ⱄⱔ ⱆⰶⰰⱄⱁⰿⱐ ⰲⰵⰾⰻⰵⰿⱐ.
5:43
ⰺ ⰸⰰⱂⱃⱑⱅⰻ ⰻⰿⱏ ⰿⱏⱀⱁⰳⱁ ⰴⰰ ⱀⰻⰽⱅⱁⰶⰵ ⱀⰵ ⱆⰲⱑⱄⱅⱏ ⱄⰵⰳⱁ. ⰺ ⱃⰵⱍⰵ ⰴⰰⱅⰻ ⰵⰻ ⱑⱄⱅⰻ ::