ЕВАНГЕЛИЕ ЕЖЕ Ѿ МАРЪКА
2:1
Ⰺ ⰲⱐⱀⰻⰴⰵ ⱂⰰⰽⱏⰹ ⰻⱄ҃ⱏ ⰲⱏ ⰽⰰⱂⰵⱃⱏⱀⰰⱆⰿⱏ ⱂⱁ ⰴⱐⱀⰵⱈⱏ. ⰺ ⱄⰾⱆⱈⱏ ⰱⱏⰹⱄⱅⱏ ⱑⰽⱁ ⰱⱏ ⰴⱁⰿⱆ ⰵⱄⱅⱏ.
2:2
ⰺ ⰰⰱⱐⰵ ⱄⱏⰱⱏⱃⰰⱎⱔ ⱄⱔ ⰿⱏⱀⱁⰷⰻ. ⱑⰽⱁ ⰽⱏ ⱅⱁⰿⱆ ⱀⰵ ⰲⱐⰿⱑⱋⰰⰰⱈⱘ ⱄⱔ ⱀⰻ ⱂⱃⱑⰴⱏ ⰴⰲⰵⱃⱐⰿⰻ. ⰺ ⰳⰾ҃ⰰⱎⰵ ⰻⰿⱏ ⱄⰾⱁⰲⱁ.
2:3
Ⰺ ⱂⱃⰻⰴⱘ ⰽⱏ ⱀⰵⰿⱆ ⱀⱁⱄⱔⱎⱅⰵ ⱁⱄⰾⰰⰱⰾⰵⱀⱏ ⰶⰻⰾⰰⰿⰻ. ⱀⱁⱄⰻⰿⱏ ⱍⰵⱅⱏⰹⱃⱐⰿⰻ.
2:4
ⰺ ⱀⰵ ⰿⱁⰳⱘⱎⱅⰵ ⱂⱃⰻⱄⱅⱘⱂⰻⱅⰻ ⰽⱏ ⱀⰵⰿⱆ ⰸⰰ ⱀⰰⱃⱁⰴⱏ. ⱁⱅⱏⰽⱃⱏⰹⱎⱔ ⱂⱁⰽⱃⱁⰲⱏ ⰻⰴⰵⰶⰵ ⰱⱑ. ⰺ ⱂⱃⱁⰽⱁⱂⰰⰲⱏⱎⰵ ⱄⱏⰲⱑⱄⰻⱎⱔ ⱁⰴⱃⱏ ⱀⰰ ⱀⰵⰿⱐⰶⰵ ⱁⱄⰾⰰⰱⰾⰵⱀⱏⰹ ⱄⱏⰾⰵⰶⰰⰰⱎⰵ.
2:5
ⰲⰻⰴⱑⰲⱏ ⰶⰵ ⰻⱄ҃ⱏ ⰲⱑⱃⱘ ⰻⱈⱏ. ⰳⰾ҃ⰰ ⱁⱄⰾⰰⰱⰾⰵⱀⱆⰿⱆ. ⱍⱔⰴⱁ ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ ⱅⰲⱁⰻ.
2:6
ⰱⱑⱈⱘ ⰶⰵ ⰵⰴⰻⱀⰻ ⱁⱅⱏ ⰽⱏⱀⰻⰶⱏ{ⱀⰻⰶⱏ}ⱀⰻⰽⱏ ⱅⱆ ⱄⱑⰴⱔⱎⱅⰵ. ⰺ ⱂⱁⰿⱏⰹⱎⰾⱑⱙⱎⱅⰵ ⰲⱏ ⱄⱃⱏⰴⱐⱌⰻⱈⱏ ⱄⰲⱁⰻⱈⱏ.
2:7
ⱍⱅⱁ ⱄⱐ ⱅⰰⰽⱁ ⰳⰾⰰⰳⱁⰾⰵⱅⱏ ⰲⰾⰰⱄⱇⰻⰿⰻⱗ. ⰽⱅⱁ ⰿⱁⰶⰵⱅⱏ ⱁⱅⱏⱂⱆⱎⱅⰰⱅⰻ ⰳⱃⱑⱈⱏⰹ. ⱅⰽⰿⱁ ⰵⰴⰻⱀⱏ ⰱ҃ⱏ.
2:8
ⰺ ⰰⰱⰻⰵ ⱃⰰⰸⱆⰿⱑⰲⱏ ⰻⱄ҃ⱏ ⰴⱈ҃ⱁⰿⱐ ⱄⰲⱁⰻⰿⱐ. ⱑⰽⱁ ⱅⰰⰽⱁ ⱅⰻ ⱂⱁⰿⱏⰹⱎⰾⱑⱙⱅⱏ ⰲⱏ ⱄⰵⰱⱑ. ⱃⰵⱍⰵ ⰻⰿⱏ. ⱍⱅⱁ ⱅⰰⰽⱁ ⱂⱁⰿⱏⰹⱎⰾⱑⰰⱅⰵ ⰲⱏ ⱄⱃⰴ҃ⱌⰻⱈⱏ ⰲⰰⱎⰻⱈⱏ.
2:9
ⱍⱅⱁ ⰵⱄⱅⱏ ⱆⰴⱁⰱⱑⰵ ⱃⰵⱎⱅⰻ ⱁⱄⰾⰰⰱⰾⰵⱀⱆⰿⱆ. ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ. ⰾⰻ ⱃⰵⱎⱅⰻ ⰲⱏⱄⱅⰰⱀⰻ ⰻ ⰲⱐⰸⱏⰿⰻ ⱁⰴⱃⱏ ⱅⰲⱁⰻ ⰻ ⱈⱁⰴⰻ.
2:10
ⱀⱏ ⰴⰰ ⰲⱑⱄⱅⰵ ⱑⰽⱁ ⰲⰾⰰⱄⱅⱐ ⱄⱀ҃ⱏ ⱍⰾⰲ҃ⱍⱄⰽⱏⰹ. ⱁⱅⱏⱂⱆⱎⱅⰰⱅⰻ ⱀⰰ ⰸⰵⰿⰻ ⰳⱃⱑⱈⱏⰹ ⰺ ⰳⰾ҃ⰰ ⱁⱄⰾⰰⰱⰾⰵⱀⱆⰿⱆ.
2:11
ⱅⰵⰱⱑ ⰳⰾ҃ⱙ ⰲⱏⱄⱅⰰⱀⰻ ⰻ ⰲⱐⰸⱐⰿⰻ ⱁⰴⱃⱏ. ⱅⰲⱁⰻ ⰻ ⰻⰴⰻ ⰲⱏ ⰴⱁⰿⱏ ⱅⰲⱁⰻ
2:12
ⰻ ⰲⱏⱄⱅⰰ ⰰⰱⱐⰵ ⰻ ⰲⱐⰸⱔⱅⱏ ⱁⰴⱃⱏ. ⰺ ⰻⰸⰻⰴⰵ ⱂⱃⱑⰴⱏ ⰲⱐⱄⱑⰿⰻ. ⱑⰽⱁ ⰴⰻⰲⰾⱑⰰⱈⱘ ⱄⱔ ⰲⱐⱄⰻ ⰻ ⱄⰾⰰⰲⰾⱑⱈⱘ ⰱ҃ⰰ ⰳⰾ҃ⱙⱎⱅⰵ. ⱑⰽⱁ ⱀⰻⰽⱁⰾⰻⰶⰵ ⱅⰰⰽⱁ ⰲⰻⰴⱑⱈⱁⰿⱏ :: ⰽ!ⱌ ::
2:13
ⰺ ⰻⰸⰻⰴⰵ ⱂⰰⰽⱏⰹ ⰽⱏ ⰿⱁⱃⱓ. ⰺ ⰲⰵⱄⱐ ⱀⰰⱃⱁⰴⱏ ⰻⰴⱑⰰⱎⰵ ⰽⱏ{ⰽⱏ} ⱀⰵⰿⱆ ⰻ ⱆⱍⰰⰰⱎⰵ ⱗ ::
2:14
ⰺ ⰿⰻⰿⱁ ⰳⱃⱔⰴⱏⰹ ⰻⱄ҃ⱏ ⰲⰻⰴⱑ ⰾⰵⰲⱐⰼⰻⱙ ⰰⰾⱐⱇⰵⱁⰲⰰ. ⱄⱑⰴⱔⱎⱅⰰ ⱀⰰ ⰿⱏⰹⱅⱐⱀⰻⱌⰻ. ⰻ ⰳⰾ҃ⰰ ⰵⰿⱆ ⱂⱁ ⰿⱐⱀⱑ ⰳⱃⱑⰴⰻ. ⰺ ⰲⱏⱄⱅⰰⰲⱏ ⰲⱏ ⱄⰾⱑⰴⱏ ⰵⰳⱁ ⰻⰴⰵ.
2:15
ⰺ ⰱⱏⰹⱄⱅⱏ {ⰶⰵ} ⰲⱏⰸⰾⰵⰶⱔⱎⱅⱓ ⰵⰿⱆ ⰲⱏ ⰴⱁⰿⱆ ⰵⰳⱁ. ⰺ ⰿⱏⱀⱁⰷⰻ ⰿⱏⰹⱅⰰⱃⰵ ⰻ ⰳⱃⱑⱎⱏⱀⰻⱌⰻ ⰲⱏⰸⰾⰵⰶⰰⱈⱘ ⱄⱏ ⰻⱄ҃ⰿⱐ ⰻ ⱄⱏ ⱆⱍⰵⱀⰻⰽⱏⰹ ⰵⰳⱁ. ⰱⱑⰰⱈⱘ ⰱⱁ ⰿⱐⱀⱁⰷⰻ. ⰺ ⱂⱁ ⱀⰵⰿⱐ ⰻⰴⱘ
2:16
ⰻ ⰽⱏⱀⰻⰶⱏⱀⰻⱌⰻ ⱇⰰⱃⰻⱄⰵⰻ. ⰲⰻⰴⱑⰲⱏⱎⰵ ⰻ ⱑⰴⱘⱎⱅⱏ ⱄⱏ ⰿⱏⰹⱅⰰⱃⰻ ⰻ ⰳⱃⱑⱎⱏⱀⰻⰽⱏⰹ. ⰳⰾ҃ⰰⰰⱈⱘ ⱆⱍⰵⱀⰻⰽⱁⰿⱏ ⰵⰳⱁ. ⱍⱅⱁ ⱑⰽⱁ ⱄⱏ ⰳⱃⱑⱎⱏⱀⰻⰽⱏⰹ ⱑⱄⱅⱏ ⰻ ⱂⱐⰵⱅⱏ.
2:17
ⰺ ⱄⰾⱏⰹⱎⰰⰲⱏ ⰻⱄ҃ⱏ ⰳⰾ҃ⰰ ⰻⰿⱏ. ⱀⰵ ⱅⱃⱑⰱⱆⱙⱅⱏ ⱄⱏⰴⱃⰰⰲⰻⰻ ⰱⰰⰾⰻⱗ ⱀⱏ ⰱⱁⰾⱔⱋⰵⰻ. ⱀⰵ ⱂⱃⰻⰴⱏ ⱂⱃⰻⰸⱏⰲⰰⱅⱏ ⱂⱃⰰⰲⰵⰴⱐⱀⰻⰽⱏ. ⱀⱏ ⰳⱃⱑⱎⱏⱀⰻⰽⱏⰹ ⰲⱏ ⱂⱁⰽⰰⰰⱀⰻⰵ :: ⰽ!ⱌ ::
2:18
ⰺ ⰱⱑⰰⱈⱘ ⱆⱍⰵⱀⰻⱌⰻ ⰻⱁⰰⱀⱁⰲⰻ. ⰺ ⱇⰰⱃⰻⱄⰵⰻ ⱂⱁⱄⱅⱔⱋⰵ ⱄⱔ. ⰺ ⱂⱃⰻⰴⱘ ⰻ ⱃⱑⱎⱔ ⰵⰿⱆ. ⱂⱁ ⱍⱅⱁ ⱆⱍⰵⱀⰻⱌⰻ ⰻⱁⰰⱀⱁⰲⰻ ⰻ ⱇⰰⱃⰻⱄⰵⰻ ⱂⱁⱄⱅⱔⱅⱏ ⱄⱔ. ⰰ ⱅⰲⱁⰻ ⱆⱍⰵⱀⰻⱌⰻ ⱀⰵ ⱂⱁⱄⱅⱔⱅⱏ ⱄⱔ.
2:19
ⰺ ⱃⰵⱍⰵ ⰻⰿⱏ ⰻⱄ҃ⱏ. ⰵⰴⰰ ⰿⱁⰳⱘⱅⱏ ⱄⱀ҃ⰲⰵ ⰱⱃⰰⱍⱐⱀⰻⰻ ⱂⱁⱄⱅⰻⱅⰻ ⱄⱔ. ⰴⱁⱀⱐⰴⰵⰶⰵ ⱄⱏ ⱀⰻ ⰿⰻ ⰵⱄⱅⱏ ⰶⰵⱀⰻⱈⱏ. ⰵⰾⰻⰽⱁ ⰲⱃⱑⰿⱔ ⱄⱏ ⱄⱁⰱⱁⱙ ⰻⰿⱘⱅⱏ ⰶⰵⱀⰻⱈⰰ. ⱀⰵ ⰻⰿⱘⱅⱏ ⱂⱁⱄⱅⰻⱅⰻ ⱄⱔ.
2:20
ⱂⱃⰻⰴⱘⱅⱏ ⰶⰵ ⰴⱐⱀⱐⰵ. ⰵⰳⰴⰰ ⱁⱅⱏⰻⰿⰵⱅⱏ ⱄⱔ ⱁⱅⱏ ⱀⰻⱈⱏ ⰶⰵⱀⰻⱈⱏ. ⰺ ⱅⱏⰳⰴⰰ ⱂⱁⱄⱅⱔⱅⱏ ⱄⱔ ⰲⱏ ⱅⱏⰹ ⰴⱐⱀⰻ.
2:21
ⰺ ⱀⰻⰽⱅⱁⰶⰵ ⱂⱃⰻⱄⱅⰰⰲⰾⰵⱀⰻⱑ ⱂⰾⰰⱅⰰ ⱀⰵ ⰱⱑⰾⰵⱀⰰ. ⱀⰵ ⱂⱃⰻⱄⱅⰰⰲⰾⱑⰰⱅⱏ ⱃⰻⰸⱑ ⰲⰵⱅⱏⱄⱑ. ⰰⱎⱅⰵ ⰾⰻ ⰶⰵ ⱀⰻ ⰲⱏⰸⱐⰿⰵⱅⱏ ⰽⱁⱀⰵⱌⱏ ⱁⱅⱏ ⱀⰵⱗ ⱀⱁⰲⱁⰵ. ⱁⱅⱏ ⰲⰵⱅⱏⱈⰰⰰⰳⱁ. ⰺ ⰳⱁⱃⱐⱎⰻ ⰴⰻⱃⰰ ⰱⱘⰴⰵⱅⱏ.
2:22
ⰺ ⱀⰻⰽⱏⱅⱁⰶⰵ ⱀⰵ ⰲⱏⰾⰻⰲⰰⰰⱅⱏ ⰲⰻⱀⰰ ⱀⱁⰲⰰ ⰲⱐ ⰿⱑⱈⱏⰹ ⰲⰵⱅⱏⱈⱏⰹ. ⰰⱋⰵ ⰾⰻ ⰶⰵ ⱀⰻ ⱂⱃⱁⱄⰰⰴⰻⱅⱏ ⰲⰻⱀⱁ ⱀⱁⰲⱁ. ⰺ ⰲⰻⱀⱁ ⱂⱃⱁⰾⱑⰵⱅⱏ ⱄⱔ. ⰺ ⰿⱑⱄⰻ ⱂⱁⰳⱏⰹⰱⱀⱘⱅⱏ. ⱀⱏ ⰲⰻⱀⱁ ⱀⱁⰲⱁⰵ ⰲⱏ ⰿⱑⱈⱏⰹ ⱀⱁⰲⱏⰹ ⰾⰻⱑⱅⰻ ::
2:23
Ⰺ ⰱⱏⰹⱄⱅⱏ ⰿⰻⰿⱁ ⱈⱁⰴⱔⱎⱅⱓ ⰵⰿⱆ ⰻⱄ҃ⱆ. ⰲⱏ ⱄⱁⰱⱁⱅⱏⰹ ⱄⰽⰲⱁⰸⱑ ⱄⱑⱀⰻⱑ. ⰺ ⱀⰰⱍⱔⱄⱔ ⱆⱍⰵⱀⰻⱌⰻ ⰵⰳⱁ ⱂⱘⱅⱐ ⱅⰲⱁⱃⰻⱅⰻ ⰲⱏⱄⱅⱃⱏⰳⰰⱙⱎⱅⰵ ⰽⰾⰰⱄⱏⰹ.
2:24
ⰺ ⱇⰰⱃⰻⱄⱑⰻ ⰳⰾ҃ⱈⱘ ⰵⰿⱆ. ⰲⰻⰶⰴⱏ ⱍⱅⱁ ⱅⰲⱁⱃⱔⱅⱏ ⰲⱏ ⱄⱁⰱⱁⱅⱏⰹ ⰵⰳⱁⰶⰵ ⱀⰵ ⰴⱁⱄⱅⱁⰻⱅⱏ.
2:25
ⰺ ⱅⱏ ⰳⰾ҃ⰰⱎⰵ ⰻⰿⱏ. ⱀⱑⱄⱅⰵ ⰾⰻ ⱀⰻⰽⱁⰾⰻⰶⰵ ⱍⱐⰾⰻ. ⱍⱅⱁ ⱄⱏⱅⰲⱁⱃⰻ ⰴⰰⰲ҃ⰴⱏ ⰵⰳⰴⰰ ⱅⱃⱑⰱⱁⰲⰰ. ⰺ ⰲⱏⰸⰰⰾⱏⰽⰰ ⱄⰰⰿⱏ ⰻ ⰻⰶⰵ ⰱⱑⰰⱈⱘ ⱄⱏ ⱀⰻⰿⱏ.
2:26
ⰽⰰⰽⱁ ⰲⱏⱀⰻⰴⰵ ⰲⱏ ⱈⱃⰰⰿⱏ ⰱⰶ҃ⰻⰻ. ⱂⱃⰻ ⰰⰲⰻⰰⱅⰰⱃⰻ ⰰⱃⱈⰻⰵⱃⰵⰻ. ⰺ ⱈⰾⱑⰱⱏⰹ ⱂⱃⱑⰴⱏⰾⱁⰶⰵⱀⰻⱑ ⱄⱏⱀⱑⱄⱅⱏ. ⰺⱈⱏⰶⰵ ⱀⰵ ⰴⱁⱄⱅⱁⱑⱎⰵ ⱑⱄⱅⰻ. ⱅⱐⰽⰿⱁ ⰻⰵⱃⰵⱁⰿⱏ. ⰺ ⰴⰰⱄⱅⱏ ⰻ ⱄⱘⱎⱅⰻⰿⱏ ⱄⱏ ⱀⰻⰿⱏ.
2:27
ⰺ ⰳⰾ҃ⱎⰵ ⰻⰿⱏ ⱄⱁⰱⱁⱅⰰ ⱍⰾ҃ⰽⰰ ⱃⰰⰴⰻ ⰱⱏⰹⱄⱅⱏ. ⰰ ⱀⰵ ⱍⰾ҃ⰽⱏ ⱄⱁⰱⱁⱅⱏⰹ ⱃⰰⰴⰻ. ⱅⱑⰿⱐ ⰶⰵ ⰳ҃ⱏ ⰵⱄⱅⱏ ⱄⱀ҃ⱏ ⱍⰾⱍ҃ⱄⰽⱏⰹ ⱄⱁⰱⱁⱅⱑ ::