ЕВАНГЕЛИЕ ЕЖЕ Ѿ ЛОУКꙐ
9:1
Ⱄⱏⰸⱏⰲⰰⰲⱏ ⰶⰵ ⰻⱄ҃ⱏ ⱁⰱⰰ ⱀⰰ ⰴⰵⱄⱔⱅⰵ. ⰴⰰⱄⱅⱏ ⰻⰿⱏ ⱄⰻⰾⱘ ⰻ ⰲⰾⰰⱄⱅⱐ ⱀⰰ ⰲⱐⱄⱑⱈⱏ ⰱⱑⱄⱑⱈⱏ. ⰺ ⱀⰵⰴⱘⰳⱏⰹ ⱌⱑⰾⰻⱅⰻ.
9:2
ⰺ ⱂⱁⱄⱏⰾⰰ ⱗ. ⱂⱃⱁⱂⱁⰲⱑ[ⰴⱑ]ⱅⰻ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⰺ ⱌⱑⰾⰻⱅⰻ ⰱⱁⰾⱔⱋⱔⱗ.
9:3
ⰺ ⱃⰵⱍⰵ ⰽⱏ ⱀⰻⰿⱏ. ⱀⰻⱌⱏⱄⱁⰶⰵ ⱀⰵ ⰲⱐⰸⰵⰿⰾⱑⱅⰵ ⱀⰰ ⱂⱘⱅⱐ. ⱀⰻ ⰶⱏⰸⰾⰰ ⱀⰹ ⱂⰻⱃⱏⰹ. ⱀⰻ ⱈⰾⱑⰱⰰ ⱀⰻ ⱄⱏⱃⰵⰱⱃⰰ. ⱀⰻ ⰴⱏⰲⱁⱓ ⱃⰻⰸⱆ ⰻⰿⱑⱅⰻ.
9:4
ⰺ ⰲⱏ ⱀⱐⰶⰵ ⰴⱁⰿⱏ ⰲⱏⱀⰻⰴⰵⱅⰵ ⱅⱆ ⱂⱃⱑⰱⱏⰹⰲⰰⰻⱅⰵ. ⰺ ⱁⱅⱏ ⱅⱆⰴⱆ ⰻⱄⱈⱁⰴⰻⱅⰵ.
9:5
ⰺ ⰵⰾⰻⰽⱁ ⱀⰵ ⱂⱃⰻⰵⰿⰾⱙⱅⱏ ⰲⰰⱄⱏ. ⰺⱄⱈⱁⰴⱔⱎⱅⰵ ⱁⱅⱏ ⰳⱃⰰⰴⰰ ⱅⱁⰳⱁ. ⰺ ⱂⱃⰰⱈⱏ ⱁⱅⱏ ⱀⱁⰳⱏ ⰲⰰⱎⰻⱈⱏ ⱁⱅⱏⱅⱃⱔⱄⱑⱅⰵ. ⰲⱐ ⱄⱏⰲⱑⰴⱑⱀⰻⰵ ⱀⰰ ⱀⱔ.
9:6
ⰹⱄⱈⱁⰴⱔⱎⱅⰵ ⰶⰵ ⱂⱃⱁⱈⱁⰶⰴⰰⰰⱈⱘ ⱄⰽⰲⱁⰸⱑ ⰲⱐⱄⰻ. ⰱⰾⰰⰳⱁⰲⱑⱄⱅⱆⱙⱎⱅⰵ. ⰺ ⱌⱑⰾⱔⱎⱅⰵ ⰲⱏⱄⱘⰴⱘ :: ⰽ!ⱌ
9:7
Ⱄⰾⱏⰹⱎⰰ ⰶⰵ ⰻⱃⱁⰴⱏ ⱍⰵⱅⰲⱃⱏⱅⱁⰲⰾⰰⱄⱅⰵⱌⱏ. ⰱⱏⰹⰲⰰⱙⱎⱅⰰⰰ ⱁⱅⱏ ⱀⰵⰳⱁ ⰲⱐⱄⱑ. ⰺ ⱀⰵ ⰴⱁⰿⱏⰹⱎⰾⱑⰰⱎⰵ ⱄⱔ ⰸⰰⱀⰵ ⰳⰾ҃ⰰⰳⰾⱏ ⰱⱑ ⱁⱅⱏ ⰵⱅⰵⱃⱏ. ⱑⰽⱁ ⰻⱁⰰⱀⱏ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ.
9:8
ⱁⱅⱏ ⰻⱀⱑⱈⱏ ⰶⰵ ⱑⰽⱁ ⰻⰾⰻⱑ ⱑⰲⰻ ⱄⱔ. ⱁⱅⱏ ⰴⱃⱆⰳⱏⰹⱈⱏ ⰶⰵ ⱑⰽⱁ !ⱂⱃⰽⱏ ⱀⱑⰽⱏⰹ ⱁⱅⱏ ⰴⱃⰵⰲⱐⱀⰻⱈⱏ ⰲⱏⱄⰽⱃⱏⱄⰵ.
9:9
ⰺ ⱃⰵⱍⰵ ⰻⱃⱁⰴⱏ ⰺⱁⰰⱀⰰ ⰰⰸⱏ ⱆⱄⱑⰽⱀⱘⱈⱏ. ⰽⱅⱁ ⰶⰵ ⰵⱄⱅⱏ ⱄⱏ ⱁ ⱀⰵⰿⱏⰶⰵ ⰰⰸⱏ ⱄⰾⱏⰹⱎⱘ ⱅⰰⰽⱁⰲⰰⰰ. ⰺ҅ ⰻ҅ⱄⰽⰰⰰⱎⰵ ⰲⰻⰴⱑⱅⰻ ⰻ.
9:10
ⰺ҅ ⰲⱏⰸⰲⱃⰰⱋⱐⱎⰵ ⱄⱔ !ⰰⱂⰾⰻ ⱂⱁⰲⱑⰴⰰⱎⱔ ⰵⰿⱆ ⰵⰾⰻⰽⱁ ⱄⱏⱅⰲⱁⱃⰻⱎⱔ. ⰺ ⱂⱁⰵⰿⱏ ⱗ ⱁⱅⰻⰴⰵ ⰵⰴⰻⱀⱏ ⱀⰰ ⰿⱑⱄⱅⱁ ⱂⱁ[ⱏⰹ]ⱄⱅⱁ. ⰳⱃⰰⰴⰰ ⱀⰰⱃⰻⱌⰰⰵⰿⰰⰰⰳⱁ ⰲⰻⰴⱏⱄⰰⰻⰴⰰ.
9:11
ⱀⰰⱃⱁⰴⰻ ⰶⰵ ⱃⰰⰸⱆⰿⱑⰲⱏⱎⰵ ⱂⱁ ⱀⰵⰿⱐ ⰻⰴⱘ. ⰺ ⱂⱃⰻⰻⰿⱏ ⱗ ⰳⰾ҃ⰰⰰⱎⰵ ⰻⰿⱏ ⱁ !ⱌⱑⱄⰰⱃⰵⱄⱅⰲⰻⰻ ⰱⰶ҃ⰻⰻ. ⰺ ⱅⱃⱑⰱⱆⱙⱎⱅⱔⱗ ⰻⱌⱑⰾⰵⱀⰻⱑ ⱌⱑⰾⱑⰰⱎⰵ ::
9:12
Ⰴⱐⱀⱐ ⰶⰵ ⱀⰰⱍⱔⱅⱏ ⱂⱃⱑⰽⰾⰰⱀⱑⱅⰻ ⱄⱔ. ⱂⱃⰻⱄⱅⱘⱂⱐⱎⰰ ⰶⰵ ⱁⰱⰰ ⱀⰰ ⰴⰵⱄⱔⱅⰵ ⱃⱑⱄⱅⰵ ⰵⰿⱆ. ⱁⱅⱏⱂⱆⱄⱅⰻ ⱀⰰⱃⱁⰴⱏⰹ. ⰴⰰ ⱎⰵⰴⱏⱎⰵ ⰲⱏ ⱁⰽⱃⱏⱄⱅⱐⱀⱔⱗ ⰲⱐⱄⰻ ⰻ ⱄⰵⰾⰰ ⰲⰻⱅⰰⱙⱅⱏ. ⰺ ⱁⰱⱃⱔⱎⱅⱘⱅⱏ ⰱⱃⰰⱎⱏⱀⱁ. ⱑⰽⱁ ⱄⱏⰴⰵ ⱀⰰ ⱂⱆⱄⱅⱑ ⰿⱑⱄⱅⱑ ⰵⱄⰿⱏ.
9:13
ⱃⰵⱍⰵ ⰶⰵ ⰽⱏ ⱀⰻⰿⱏ. ⰴⰰⰴⰻⱅⰵ ⰻⰿⱏ ⰲⱏⰹ ⱑⱄⱅⰻ. ⱁⱀⰻ ⰶⰵ ⱃⱑⱎⱔ ⱀⰵ ⰻⰿⰰⰿⱏ ⱄⱏⰴⰵ ⰲⱔⱎⱅⰵ ⱂⱔⱅⰻ ⱈⰾⱑⰱⱏ. ⰺ ⱃⱏⰹⰱⱆ ⰴⱏⰲⱁⱙ. ⰰⱋⰵ ⱆⰱⱁ ⱀⰵ ⰿⱏⰹ ⱎⱐⰴⱏⱎⰵ ⰲⱁ ⰲⱐⱄⱔ ⰾⱓⰴⰻ ⱄ ⱗ҅. ⰽⱆⱂⰻⰿⱏ ⰱⱃⰰⱎⱏⱀⰰ.
9:14
ⰱⱑⰰⱎⰵ ⰱⱁ ⰿⱘⰶⱐ ⱑⰽⱁ ⱀⱔⱅⱐ ⱅⱏⰹⱄⱙⱎⱅⱐ. :: Ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⱂⱁⱄⰰⰴⰻⱅⰵ ⱗ ⱀⰰ ⱄⱂⱁⰴⱏⰹ ⱂⱁ ⱂⱔⱅⰻ ⰴⰵⱄⱔⱅⱏ.
9:15
ⰺ ⱄⱏⱅⰲⱁⱃⰻⱎⱔ ⱅⰰⰽⱁ. ⰺ ⱂⱁⱄⰰⰴⰻⱎⱔ ⰲⱐⱄⱔ.
9:16
ⱂⱃⰻⰵⰿⱏ ⰶⰵ ⱂⱔⱅⱐ ⱈⰾⱑⰱⱏ ⰻ ⱁⰱⱑ ⱃⱏⰹⰱⱑ. ⰲⱐⰸⱐⱃⱑⰲⱏ ⱀⰰ ⱀⰵⰱⱁ ⰱⰾⰰⰳⱁⱄⰾⱁⰲⰻ ⱗ. ⰻ ⱄⱏⰾⱁⰿⰻ ⰻ ⰴⰰⱑⰰⱎⰵ ⱆⱍⰵⱀⰻⰽⱁⰿⱏ ⱂⱃⱑⰴⱏⰾⱁⰶⰻⱅⰻ ⱀⰰⱃⱁⰴⱆ.
9:17
ⰺ ⱑⱄⱔ ⰻ ⱀⰰⱄⱏⰹⱅⰻⱎⱔ ⱄⱔ ⰲⱐⱄⰻ. ⰺ ⰲⱏⰸⱔⱎⱔ ⰻⰸⰱⱏⰹⰲⱏⱎⰵⰵ ⰻⰿⱏ ⰽⱁⱎⱏ !!ⰱⰺ ::
9:18
Ⰺ ⰱⱏⰹⱄⱅⱏ ⰵⰳⰴⰰ ⰿⱁⰾⱑⰰⱎⰵ ⱄⱔ ⰵⰴⰻⱀⱏ. ⱄⱏ ⱀⰻⰿⱐ ⰱⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ ⰲⱏⱂⱃⱁⱄⰻ ⱗ ⰳⰾ҃ⱔ. ⰽⱁⰳⱁ ⰿⱔ ⱀⰵⱂⱐⱎⱅⱓⱙⱅⱏ ⱀⰰⱃⱁⰴⰻ ⰱⱏⰹⱅⰻ.
9:19
ⱁⱀⰻ ⰶⰵ ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ. ⰺⱁⰰⱀⰰ !ⰽⱃⱄⱅⰻⱅⰵⰾⱑ ⰻ ⰻⱀⰻ ⰶⰵ ⰻⰾⰻⱙ. ⱁⰲⰻ ⰶⰵ ⱑⰽⱁ !ⱂⱃⰽⱏ ⰵⰴⰻⱀⱏ ⰴⱃⰵⰲⱐⱀⰻⰻⱈⱏ ⰲⱁⱄⰽⱃⱏⱄⰵ.
9:20
Ⱃⰵⱍⰵ ⰶⰵ ⰻⰿⱏ ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ !ⱈⰰ ⰱⰶ҃ⰻⱑ.
9:21
ⱁⱀⱏ ⰶⰵ ⰸⰰⱂⱃⱑⱎⱅⱏ ⰻⰿⱏ. ⱂⱁⰲⰵⰾⱑ ⱀⰻⰽⱁⰿⱆⰶⰵ ⱀⰵ ⰳⰾ҃ⰰⱅⰻ ⱄⰵⰳⱁ
9:22
ⱃⰵⰽⱏ. ⱑⰽⱁ ⱂⱁⰴⰰⰱⰰⰰⱅⱏ ⱄⱀ҃ⱆ !ⱍⰾⱄⰽⱆⱆⰿⱆ ⰿⱐⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ ⰻⱄⰽⱆⱎⰵⱀⱆ ⰱⱏⰹⱅⰻ ⱁⱅⱏ ⱄⱅⰰⱃⰵⱌⱏ. ⰺ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⰽⱏ. ⰺ ⱆⰱⱐⰵⱀⱆ ⰱⱏⰹⱅⰻ ⰻ ⱅⱃⰵⱅⰻⰻ ⰴⰵⱀⱐ ⰲⱏⱄⱅⰰⱅⰻ.
9:23
ⰳⰾ҃ⰰⰰⱎⰵ ⰶⰵ ⰽⱏ ⰲⱐⱄⱑⰿⱏ. ⰰⱎⱅⰵ ⰽⱅⱁ ⱈⱁⱎⱅⰵⱅⱏ ⱂⱁ ⰿⱐⱀⱑ ⰻⱅⰻ. ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ ⰴⰰ ⰲⱏⰸⱐⰿⰵⱅⱏ !ⰽⱃⱄⱅⱏ ⱄⰲⱁⰻ ⱂⱁ ⰲⱐⱄⱔ ⰴⱐⱀⰻ ⰻ ⱈⱁⰴⰻⱅⱏ ⱂⱁ ⰿⱐⱀⱑ.
9:24
ⰺⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁⱙ ⱄⱏⱂⰰⱄⱅⰻ ⱂⱁⰳⱆⰱⰻⱅⱏ ⱙ. ⰺ ⰻⰶⰵ ⰰⱎⱅⰵ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ ⰿⰵⱀⰵ ⱃⰰⰴⰻ ⱄⱂ҃ⱄⱅⱏ ⱙ.
9:25
ⰽⰰⱑ ⰱⱁ ⱂⱁⰾⱏⰷⰰ ⰵⱄⱅⱏ ⱍⰾ҃ⰽⱆ ⰰⱎⱅⰵ ⱂⱃⰻⱁⰱⱃⱔⱋⰵⱅⱏ ⰲⰵⱄⱐ ⰿⰻⱃⱏ. ⰰ ⱄⰵⰱⰵ ⱂⱁⰳⱆⰱⰻⱅⱏ. ⰾⰻ ⱁⱅⱏⱎⱅⰵ[ⱅⰻ]ⱅⱏ.
9:26
ⰺⰶⰵ ⰱⱁ ⰰⱎⱅⰵ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ ⰻ ⰿⱁⰻⱈⱏ ⱄⰾⱁⰲⰵⱄⱏ. ⱄⰵⰳⱁ ⱄⱀ҃ⱏ !ⱍⰾⱄⰽⱏⰹ ⱂⱁⱄⱅⱏⰹⰴⰻⱅⱏ ⱄⰵ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱄⰲⱁⰵⰻ ⰻ ⱁⱅⱏⱍⰻ. Ⰺ ⱄⱅ҃ⱏⰹⰻⱈⱏ ⰰⱀⰼ҃ⰾⱏ.
9:27
ⰳⰾ҃ⱙ ⰶⰵ ⰲⰰⰿⱏ ⰲⱏ ⰹⱄⱅⰻⱀⱘ ⱄⱘⱅⱏ ⰵⰴⰻⱀⰻ ⱁⱅⱏ ⱄⱅⱁⱗⱎⱅⰻⰻⱈⱏ ⱄⱏⰴⰵ ⰻⰶⰵ ⱀⰵ ⰻⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⱐⰴⰵⰶⰵ ⱆⰸⱏⱃⱔⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
9:28
Ⰱⱏⰹⱄⱅⱏ ⰶⰵ ⱂⱁ ⱄⰾⱁⰲⰵⱄⰵⱈⱏ ⱄⰻⱈⱏ ⱑⰽⱁ ⰴⱐⱀⰻⰻ ⱁⱄⰿⱐ. ⰺ ⱂⱁⰵⰿⱏ ⱂⰵⱅⱃⰰ ⰻ ⰻⱁⰰⱀⰰ ⰻ ⰻⱑⰽⱁⰲⰰ. ⰲⱐⰸⰻⰴⰵ ⱀⰰ ⰳⱁⱃⱘ ⱂⱁⰿⱁⰾⰻⱅⱏ ⱄⱔ.
9:29
ⰺ ⰱⱏⰹⱄⱅⱏ ⰵⰳⰴⰰ ⰿⱁⰾⱑⰰⱎⰵ ⱄⱔ ⰲⰻⰴⱑⱀⰻⰵ ⰾⰻⱌⰰ ⰵⰳⱁ ⰻⱀⱁ. Ⰺ ⱁⰴⱑⱀⰻⰵ ⰵⰳⱁ ⰱⰾⰻⱄⱌⰰⱗ ⱄⱔ.
9:30
ⰻ ⱄⰵ ⰿⱘⰶⰰ ⰴⱏⰲⰰ ⱄⱏ ⱀⰻⰿⱐ ⰳⰾ҃ⱙⱋⰰ. ⱑⰶⰵ ⰱⱑⱄⱅⰵ ⰿⱁⱄⰻⰻ ⰺ ⰻⰾⰻⱑ.
9:31
ⱑⰶⰵ ⱑⰲⰾⱐⱎⰰ ⱄⱔ ⰲⱏ ⱄⰾⰰⰲⱑ ⰳⰾ҃ⰰⰰⱎⰵⱅⰵ ⰻⱄⱈⱁⰴⱏ ⰵⰳⱁ. ⰺⰶⰵ ⱈⱁⱅⱑⰰⱎⰵ ⱄⱏⰽⱁⱀⱐⱍⰰⱅⰻ ⰲⱏ !ⰻⰾⰿⱑ :
9:32
Ⱂⰵⱅⱃⱏ ⰶⰵ ⰻ ⱄⱘⱎⱅⰰⰰ ⱄⱏ ⱀⰻⰿⱐ ⰱⱑⰰⱈⱘ ⱁⱅⱔⰳⱏⱍⰵⱀⰻ ⱄⱏⱀⱁⰿⱐ. ⱆⰱⱆⰶⰴⱏⱎⰵ ⰶⰵ ⱄⱔ ⰲⰻⰴⱑⱎⱔ ⱄⰾⰰⰲⱘ ⰵⰳⱁ. ⰺ ⱁⰱⰰ ⰿⱘⰶⰰ ⱄⱅⱁⱗⱋⰰ ⱄⱏ ⱀⰻⰿⱏ.
9:33
ⰺ҅ ⰱⱏⰹⱄⱅⱏ ⰵⰳⰴⰰ ⱃⰰⰸⰾⱘⱍⰰⰰⱎⰵⱅⰵ ⱄⱔ ⱁⱅⱏ ⱀⰵⰳⱁ. ⱃⰵⱍⰵ ⱂⰵⱅⱃⱏ ⰽⱏ ⰻⱄ҃ⰲⰻ. ⱀⰰⱄⱅⰰⰲⱐⱀⰻⱍⰵ ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱏⰴⰵ ⰱⱏⰹⱅⰻ. Ⰺ ⱄⱏⱅⰲⱁⱃⰻⰿⱏ ⱄⰽⰻⱀ ⱗ҅ ⱅⱃⰻ. ⰵⰴⰻⱀⱘ ⱅⰵⰱⱑ ⰻ ⰵⰴⰻⱀⱘ ⰿⱁⱄⰵⱁⰲⰻ. ⰺ ⰵⰴⰻⱀⱘ ⰻⰾⰻⰻ. ⱀⰵ ⰲⱑ{ⰴⱑ}ⰴⱏⰹ ⰵⰶⰵ ⰳⰾ҃ⰰⰰⱎⰵ.
9:34
ⱄⰵ ⰶⰵ ⰵⰿⱆ ⰳⰾ҃ⱘⱎⱅⱓ ⰱⱏⰹⱄⱅⱏ ⱁⰱⰾⰰⰽⱏ. ⰺ ⱁⱄⱑⱀⰻ ⱗ ⰻ ⱆⰱⱁⱑⱎⱔ ⰶⰵ ⱄⱔ. ⰲⱏⱎⰵⰴⱏⱎⰵⰿⰰ ⰻⰿⰰ ⱁⱀⱑⰿⰰ ⰲⱏ ⱁⰱⰾⰰⰽⱏ.
9:35
ⰺ ⰳⰾ҃ⱄⱏ ⰱⱏⰹⱄⱅⱏ ⰻⰸ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱏⰸⰾⱓⰱⰾⰵⱀⱏⰹⰻ. ⱅⱁⰳⱁ ⱄⰾⱆⱎⰰⰻⱅⰵ.
9:36
ⰺ ⰵⰳⰴⰰ ⰱⱏⰹⱄⱅⱏ ⰳⰾⰰⱄⱏ. ⱁⰱⱃⱑⱅⰵ ⱄⱔ ⰻⱄ҃ⱏ ⰵⰴⰻⱀⱏ. ⰺ ⱅⰻ ⱆⰿⰾⱏⱍⰰⱎⱔ. ⰺ ⱀⰻⰽⱁⰿⱆⰶⰵ ⱀⰵ ⰲⱐⰸⰲⱑⱄⱅⰻⱎⱔ ⰲⱏ ⱅⱏⰹ ⰴⱐⱀⰻ. ⱀⰻⱍⰵⱄⱁⰶⰵ ⱁ ⱅⱑⱈⱏ ⰵⰶⰵ ⰲⰻⰴⱑⱎⱔ :: ⰽ!ⱌ ::
9:37
Ⰱⱏⰹⱄⱅⱏ ⰶⰵ ⰲⱏ ⱂⱃⱁⱍⰻⰻ ⰴⰵⱀⱐ. ⱄⱏⱎⰵⰴⱏⱎⰵⰿⱏ ⰻⰿⱏ ⱄⱏ ⰳⱁⱃⱏⰹ. ⱄⱏⱃⱑⱅⰵ ⰻ ⱀⰰⱃⱁⰴⱏ ⰿⱏⱀⱁⰳⱏ.
9:38
ⰺ ⱄⰵ ⰿⱘⰶⱏ ⰺⰸ ⱀⰰⱃⱁⰴⰰ ⰲⱏⰸⱏⱂⰻ ⰳⰾ҃ⱔ. ⱆⱍⰻⱅⰵⰾⱓ ⰿⱁⰾⱙ ⱅⰻ ⱄⱔ ⱂⱃⰻⰸⱏⱃⰻ ⱀⰰ ⱄⱀ҃ⱏ ⰿ ⰻ҅. ⱑⰽⱁ ⰻⱀⱁⱍⱔⰴⱏ ⰿⰻ ⰵⱄⱅⱏ.
9:39
ⰺ ⱄⰵ ⰴⱈ҃ⱏ ⰵⰿⰾⰵⱅⱏⰹ ⰻ. ⰺ ⰲⱏⱀⰵⰸⰰⰰⱂⱘ ⰲⱏⱂⰻⰵⱅⱏ ⰻ ⱂⱃⱘⰶⰰⰰⱅⱏ ⱄⱔ ⱄⱏ ⱂⱑⱀⰰⰿⰻ. ⰺ ⰵⰴⱏⰲⰰ ⱁⱈⱁⰴⰻⱅⱏ ⱁⱅⱏ ⱀⰵⰳⱁ ⱄⱏⰽⱃⱆⱎⰰⱗ ⰻ.
9:40
ⰺ ⰿⱁⰾⰻⱈⱏ ⱄⱔ ⱆⱍⰵⱀⰻⰽⱁⰿⱐ ⱅⰲⱁⰻⰿⱐ ⰴⰰ ⰻⰶⰴⰵⱀⱘⱅⱏ ⰹ. ⰺ ⱀⰵ ⰲⱏⰸⰿⱁⰳⱘ.
9:41
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ⱏ ⱃⰵⱍⱔ :: Ⱉ ⱃⱁⰴⰵ ⱀⰵⰲⱑⱃⱐⱀⱐ ⰻ҅ ⱃⰰⰸⰲⱃⰰⱎⱅⰵⱀⱏ ⰴⱁ ⰽⱁⰾⱑ ⰱⱘⰴⱘ ⰲⱏ ⰲⰰⱄⱏ ⰻ ⱅⱃⱏⱂⰾⱙ ⰲⱏⰹ. ⱂⱃⰻⰲⰵⰴⰻ ⰿⰻ ⱄⱀⱏ ⱅⰲⱁⰻ ⱄⱑⰿⱁ.
9:42
ⰵⱎⱅⰵ ⰶⰵ ⰳⱃⱔⰴⱘⱋⱓ ⰵⰿⱆ. ⱂⱁⰲⱃⱏⰶⰵ ⰻ ⰱⱑⱄⱏ ⰻ ⱄⱏⱅⱃⱔⱄⰵ ⰻ. ⰸⰰⱂⱃⱑⱅⰻ ⰶⰵ ⰻⱄ҃ⱏ ⰴⱈ҃ⱆ ⱀⰵⱍⰻⱄⱅⱆⱆⰿⱆ. ⰺ ⰻⱄⱌⱑⰾⰻ ⱁⱅⱃⱁⰽⰰ. ⰻ ⰲⱏⰴⰰⱄⱅⱏ ⰹ ⱁⱌ҃ⱓ ⰵⰳⱁ.
9:43
ⰴⰻⰲⰾⱑⰰⱈⱘ ⰶⰵ ⱄⱔ ⰲⱐⱄⰻ ⱁ ⰲⰵⰾⰻⱍⰻⰻ ⰱⰶ҃ⰻⰻ :: Ⰲⱐⱄⱑⰿⱏ ⰶⰵ ⱍⱓⰴⱔⱎⱅⰵⰿⱐ ⱄⱔ ⱁ ⰲⱐⱄⱑⱈⱏ ⱑⰶⰵ ⱅⰲⱁⱃⱑⱎⰵ ⰻⱄ҃ⱏ. ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ.
9:44
ⰲⱏⰾⱁⰶⰻⱅⰵ ⰲⱏ ⱆⱎⰻ ⰲⰰⱎⰻ ⱄⰾⱁⰲⰵⱄⰰ ⱄⰻ. ⱄⱀ҃ⱏ ⰱⱁ ⱍⰾⰲ҃ⱍⱄⰽⱏⰹ ⰻⰿⰰⱅⱏ ⱂⱃⱑⰴⰰⱅⰻ ⱄⱔ ⰲⱏ ⱃⱘⱌⱑ ⱍⰾⰲ҃ⱍⱄⱌⱑ.
9:45
ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⰳⰾ҃ⰰ ⱄⰵⰳⱁ. ⰱⱑ ⰱⱁ ⱂⱃⰻⰽⱃⱏⰲⱏⱀⱐ ⱁⱅⱏ ⱀⰻⱈⱏ ⰴⰰ ⱀⰵ ⱁⱎⱅⱓⱅⱔⱅⱏ ⰵⰳⱁ. ⰺ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰻ ⰵⰳⱁ ⱁ ⰳⰾ҃ⱑ ⱄⰵⰿⱐ ::
9:46
Ⰲⱐⱀⰻⰴⰵ ⰶⰵ ⱂⱁⰿⱏⰹⱎⰾⰵⱀⰻⰵ ⰲⱐ ⱀⱔ. ⰽⱏⱅⱁ ⰻⱈⱏ ⰲⱔⱎⱅⰵⰻ ⰱⰻ ⰱⱏⰹⰾⱏ.
9:47
ⰺⱄ҃ⱏ ⰶⰵ ⰲⱑⰴⱏⰹ ⱂⱁⰿⱏⰹⱎⰾⰵⱀⰻⰵ ⱄⱃⰴ҃ⱌⰰ ⰻⱈⱏ. ⱂⱃⰻⰵⰿⱏ ⱁⱅⱃⱁⱍⱔ ⱂⱁⱄⱅⰰⰲⰻ ⰵ ⱆ ⱄⰵⰱⰵ
9:48
ⰻ ⱃⰵⱌⱔ ⰻⰿⱏ. ⰺⰶⰵ ⰰⱎⱅⰵ ⱂⱃⰻⰻⰿⰵⱅⱏ ⱁⱅⱃⱁⱍⱔ ⱄⰵ ⰲⱏ ⰹⰿⱔ ⰿⱁⰵ ⰿⱔ ⱂⱃⰻⰵⰿⰾⰵⱅⱏ. ⰺ ⰻⰶⰵ ⰰⱎⱅⰵ ⱂⱃⰻⰵⰿⰾⰵⱅⱏ ⰿⱔ. ⱂⱃⰻⰵⰿⰾⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺⰶⰵ ⰱⱁ ⰿⱐⱀⰻⰻ ⰵⱄⱅⱏ ⰲⱁ ⰲⱐⱄⱑⱈⱏ ⰲⰰⱄⱏ. ⱄⱐ ⰵⱄⱅⱏ ⰲⱔⱎⱅⰵⰻ. ::
9:49
ⱁ҅ⱅⱏⰲⱑⱎⱅⰰⰲⱏ ⰶⰵ ⰻⱁⰰⱀⱏ ⱃⰵⱍⰵ. ⱀⰰⱄⱅⰰⰲⱏⱀⰻⱍⰵ ⰲⰻⰴⱑⱈⱁⰿⱏ ⰵⱅⰵⱃⰰ. ⱁ ⰻⰿⰵⱀⰻ ⱅⰲⱁⰵⰿⱐ ⰻⰸⰳⱁⱀⱔⱎⱅⰰ ⰱⱑⱄⱏⰹ. ⰺ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ ⱑⰽⱁ ⰲⱐ ⱄⰾⱑⰴⱏ ⱀⰵ ⱈⱁⰴⰻⱅⱏ ⱄⱏ ⱀⰰⰿⰻ.
9:50
ⰻ ⱃⰵⱍⰵ ⰽⱏ ⱀⰵⰿⱆ ⰺⱄ҃ⱏ. ⱀⰵ ⰱⱃⰰⱀⰻⱅⰵ ⱀⱑⱄⱅⱏ ⰱⱁ ⱀⰰ ⰲⱏⰹ. ⰺⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ ⱂⱁ ⰲⰰⱄⱏ ⰵⱄⱅⱏ.
9:51
Ⰱⱏⰹⱄⱅⱏ ⰶⰵ ⰵⰳⰴⰰ ⱄⱏⰽⱁⱀⱐⱍⰰⰲⰰⰰⱈⱘ ⱄⱔ ⰴⱐⱀⱐⰵ ⰲⱏⱄⱈⱁⰶⰴⰵⱀⰻⱓ ⰵⰳⱁ. ⰺ ⱅⱏ ⱆⱅⰲⱃⱏⰴⰻ ⰾⰻⱌⰵ ⱄⰲⱁⰵ ⰲⱏ !ⰻⰿⱏ ⰻⱅⰻ.
9:52
ⰺ ⱂⱁⱄⱏⰾⰰ ⰲⱑⱄⱅⱐⱀⰻⰽⱏⰹ ⱂⱃⱑⰴⱐ ⰾⰻⱌⰵⰿⱏ ⱄⰲⱁⰻⰿⱏ. ⰺ ⱎⱐⰴⱏⱎⰵ ⰲⱏⱀⰻⰴⱘ ⰲⱐ ⰲⰵⱄⱐ ⱄⰰⰿⰰⱃⱑⱀⱏⱄⰽⱘ. ⰴⰰ ⱆⰳⱁⱅⱁⰲⰰⱙⱅⱏ ⰵⰿⱆ.
9:53
ⰺ ⱀⰵ ⱂⱃⰻⱗⱄⱔ ⰵⰳⱁ. ⱑⰽⱁ ⰾⰻⱌⰵ ⰵⰳⱁ ⰱⱑ ⰳⱃⱔⰴⱏⰹ ⰲⱏ ⰻ҅ⰿⱏ.
9:54
ⰲⰻⰴⱑⰲⱏⱎⰰ ⰶⰵ ⱆⱍⰵⱀⰻⰽⰰ ⰵⰳⱁ ⰻⱑⰽⱁⰲⱏ ⰻ ⰻⱁⰰⱀⱏ. ⱃⱑⱄⱅⰵ ⰳ҃ⰻ. ⱈⱁⱎⱅⰵⱎⰻ ⰾⰻ ⰻ ⱃⰵⱍⱔⰲⱑ ⰴⰰ ⱁⰳⱀⱐ ⱄⱏⱀⰻⰴⰵⱅⱏ ⱄⱏ ⱀⰵⰱⰵⱄⰵ. ⰺ ⱂⱁⱑⱄⱅⱏ ⱗ. ⱑⰽⱁⰶⰵ ⰻ ⰻⰾⰻⱑ ⱄⱏⱅⰲⱁⱃⰻ.
9:55
ⱁⰱⱃⰰⱎⱅⱏ ⰶⰵ ⱄⱔ ⰸⰰⱂⱃⱑⱅⰻ ⰻⰿⰰ.
9:57
Ⰱⱏⰹⱄⱅⱏ ⰸⰵ ⰻⰴⱘⱎⱅⰵⰿⱏ ⱂⱁ ⱂⱘⱅⰻ. ⱃⰵⱍⰵ ⰵⰴⰻⱀⱏ ⰽⱏ ⱀⰵⰿⱆ. ⰺⰴⱘ ⱂⱁ ⱅⰵⰱⱑ ⱑⰿⱁⰶⰵ ⰽⱁⰾⰻⰶⱏⰴⱁ ⰻⰴⰵⱎⰻ ⰳ҃ⰻ.
9:58
ⰺ ⱃⰵⱍⰵ ⰵⰿⱆ ⰻⱄ҃ⱏ. ⰾⰻⱄⰻ ⱑⰸⰲⰻⱀⱏⰹ ⰻⰿⱘⱅⱏ. ⰻ ⱂⱅⰻⱌⱔ ⱀⰵⰱ҃ⱄⰽⱏⰹⱗ ⰳⱀⱑⰸⰴⰰ. ⰰ ⱄⱀ҃ⱏ ⱍⰾⱍ҃ⱄⰽⱏⰹ ⱀⰵ ⰻⰿⰰⱅⱏ ⰽⱏⰴⰵ ⱂⱁⰴⱏⰽⰾⱁⱀⰻⱅⰻ ⰳⰾⰰⰲⱏⰹ.
9:59
Ⱃⰵⱍⰵ ⰶⰵ ⰽⱏ ⰴⱃⱆⰳⱆⱆⰿⱆ ⱈⱁⰴⰻ ⰲⱐ ⱄⰾⱑⰴⱏ ⰿⰵⱀⰵ. ⱁⱀⱏ ⰶⰵ ⱃⰵⱍⰵ ⰳ҃ⰻ. ⱂⱁⰲⰵⰾⰻ ⰿⰻ ⰴⱃⰵⰲⰾⰵ ⱎⱔⰴⱏⱎⰵ ⱂⱁⰳⱃⰵⱅⰻ ⱁⱅ҃ⱌⰰ ⰿⱁⰵⰳⱁ.
9:60
Ⱃⰵⱍⰵ ⰸⱔ ⰵⰿⱆ ⰻⱄ҃ⱏ ⱁⱄⱅⰰⰲⰻ ⰿⱃⱏⱅⰲⱏⰹⰿⱏ ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱏⱌⱔ. ⱅⱏⰹ ⰶⰵ ⱎⰵⰴⱏ ⰲⱏⰸⰲⱑⱎⱅⰰⰻ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
9:61
ⱃⰵⱍⰵ ⰸⰵ ⰻ ⰴⱃⱆⰳⱏⰹ ⰻⰴⱘ ⱂⱁ ⱅⰵⰱⱑ ⰳ҃ⰻ. ⰴⱃⰵⰲⰾⰵ ⰶⰵ ⱂⱁⰲⰵⰾⰻ ⱁⱅⱏⱃⰵⱎⱅⰻ ⰿⰻ ⱄⱔ. ⰺⰶⰵ ⱄⱘⱅⱏ ⰲⱏ ⰴⱁⰿⱆ ⰿⱁⰵⰿⱐ.
9:62
ⱃⰵⱍⰵ ⰶⰵ ⰽⱏ ⱀⰵⰿⱆ ⰻⱄ҃ⱏ. ⱀⰻⰽⱏⱅⱁⰶⰵ ⰲⱏⰸⰾⱁⰶⱏ ⱃⱘⰽⱏⰹ ⱄⰲⱁⰵⱗ ⱀⰰ ⱃⰰⰾⱁ. ⰺ ⰸⱐⱃⱔ ⰲⱐⱄⱂⱔⱅⱐ ⱆⱂⱃⰰⰲⰾⰵⱀⱏ ⰵⱄⱅⱏ ⰲⱏ !ⱌⱑⱄⱃⱄⱅⰲⰻⰵ ⰱⰶ҃ⰻⰵ :: ⰽ!ⱌ ::