ЕВАНГЕЛИЕ ЕЖЕ Ѿ ЛОУКꙐ
6:1
Ⰱⱏⰹⱄⱅⱏ ⰶⰵ ⰲⱏ ⱄⱁⰱⱁⱅⱘ ⰲⱏⱅⱁⱃⱁⱂⱃⱏⰲⱘⱙ. ⰺⱅⰻ ⰵⰿⱆ ⱄⰽⰲⱁⰸⱑ ⱄⱑⰰⱀⰻⱑ. ⰺ ⰲⱏⱄⱅⱃⱏⰸⰰⰰⱈⱘ ⱆⱍⰵⱀⰻⱌⰻ ⰵⰳⱁ ⰽⰾⰰⱄⱏⰹ. ⰺ ⱑⰴⱑⰰⱈⱘ ⰻⱄⱅⰻⱃⰰⱙⱎⱅⰵ ⱃⱘⰽⰰⰿⰰ.
6:2
ⰵⰴⰻⱀⰻ ⰶⰵ ⱁⱅⱏ ⱇⰰⱃⰻⱄⱑⰻ ⱃⱑⱎⱔ ⰻⰿⱏ. ⱍⱅⱁ ⱅⰲⱁⱃⰻⱅⰵ ⰵⰳⱁⰶⰵ ⱀⰵ ⰴⱁⱄⱅⱁⰻⱅⱏ ⱅⰲⱁⱃⰻ[ⱅⰻ] ⰲⱏ ⱄⱁⰱⱁⱅⱘ.
6:3
ⰺ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰽⱏ ⱀⰻⰿⱏ. ⱀⰻ ⰾⰻ ⱄⰵⰳⱁ ⰵⱄⱅⰵ ⱍⱏⰾⰻ ⰵⰶⰵ ⱄⱏⱅⰲⱁⱃⰻ !ⰴⰲⰴⱏ. ⰵⰳⰴⰰ ⰲⱏⰸⰰⰾⰽⰰ ⱄⱔ ⱄⰰⰿⱏ. ⰻ ⰻⰶⰵ ⱄⱏ ⱀⰻⰿⱏ ⰱⱑⰰⱈⱘ.
6:4
ⰽⰰⰽⱁ ⰲⱐⱀⰻⰴⰵ ⰲⱏ ⰴⱁⰿⱏ ⰱⰶ҃ⰹⰻ. ⰺ ⱈⰾⱑⰱⱏⰹ ⱂⱃⱑⰴⱏⰾⱁⰶⰵⱀⰻⱑ ⱂⱃⰻⱗ ⰻ ⱑⱄⱅⱏ. ⰻ ⰴⰰⱄⱅⱏ ⰻ ⱄⱘⱎⱅⰻⰻⰿⱏ ⱄⱏ ⱀⰻⰿⱐ. ⰺ҅ⱈⱏⰶⰵ [ⱀⰵ] ⰴⱁⱄⱅⱁⱑⰰⱎⰵ ⱑⱄⱅⰻ. ⱅⱏⰽⰿⱁ ⰻⰵⱃⱑⱁⰿⱏ ⰵⰴⰻⱀⱑⰿⱏ.
6:5
ⰺ ⰳⰾ҃ⰰⰰⱎⰵ ⰻⰿⱏ ⱑⰽⱁ ⰳ҃ⱏ ⰵⱄⱅⱏ ⱄⱀ҃ⱏ !ⱍⰽⱏⰹ ⱄⱁⰱⱁⱅⱑ ::
6:6
Ⰱⱏⰹⱄⱅⱏ ⰶⰵ ⰻ ⰲⱏ ⰴⱃⱆⰳⱁⱙ ⱄⱁⰱⱁⱅⱘ. ⰲⱏⱀⰻⱅⰻ ⰵⰿⱆ ⰲⱏ ⱄⱏⱀⱐⰿⰻⱎⱅⰵ ⰻ ⱆⱍⰻⱅⰻ. ⰺ ⰱⱑ ⱍⰾⰲ҃ⱑⰽⱏ ⱅⱆ ⰻ ⱃⱘⰽⰰ ⰴⰵⱄⱀⰰⰰ ⰵⰿⱆ ⰱⱑ ⱄⱆⱈⰰ.
6:7
ⰺ ⱀⰰⰸⱐⱃⱑⰰⱈⱘ ⰻ ⰽⱏⱀⰻⰶⱏⱀⰻⱌⰻ ⰻ ⱇⰰⱃⰻⱄⱑⰻ ⰰⱎⱅⰵ ⰲⱏ ⱄⱁⰱⱁⱅⱘ ⰻⱄⱌⱑⰾⰻⱅⱏⰹ ⰻ. ⰴⰰ ⱁⰱⱃⱔⱎⱅⱘⱅⱏ ⱃⱑⱍⱏ ⱀⰰ ⱀⱐ.
6:8
ⱁⱀⱏ ⰶⰵ ⰲⱑⰴⱑⰰⱎⰵ ⱂⱁⰿⱏⰹⱎⰾⰵⱀⰻⱑ ⰻⱈⱏ. ⰺ ⱃⰵⱍⰵ ⱍⰾⰲⱑⰽⱁⰲⰻ ⰻⰿⱘⱎⱅⱘⰿⱆ ⱄⱆⱈⱘ ⱃⱘⰽⱘ. ⰲⱏⱄⱅⰰⱀⰻ ⰻ ⱄⱅⰰⱀⰻ ⱂⱁ ⱄⱃⱑⰴⱑ ⱁⱀⱏ ⰶⰵ ⰲⱏⱄⱅⰰ.
6:9
ⱃⰵⱍⰵ ⰶⰵ ⰻⱄ҃ⱏ ⰽⱏ ⱀⰻⰿⱏ. ⰲⱏⱂⱃⱁⱎⱘ ⰲⱏⰹ ⱍⱅⱁ ⰴⱁⱄⱅⱁⰻⱅⱏ ⰲⱏ ⱄⱁⰱⱁⱅⱏⰹ ⰴⱁⰱⱃⱁ ⰾⰻ ⱅⰲⱁⱃⰻⱅⰻ ⰻⰾⰻ ⰸⱏⰾⱁ ⱅⰲⱁⱃⰻⱅⰻ. ⰴⱎ҃ⱘ ⱄⱏⱂⰰⱄⱅⰻ ⰾⰻ ⱂⱁⰳⱆⰱⰻⱅⰻ.
6:10
ⰺ ⰲⱏⰸⱐⱃⱑⰲⱏ ⱀⰰ ⰲⱐⱄⱔ ⱗ ⱃⰵⱍⰵ ⰵⰿⱆ. ⱂⱃⱁⱄⱅⱐⱃⰻ ⱃⱘⰽⱘ ⱅ[ⰲ]ⱁⱙ ⱁⱀⱏ ⰶⰵ ⱂⱃⱁⱄⱅⱐ[ⱃⱑ]ⱅⱏ. ⰻ ⱆⱅⰲⱃⱏⰴⰻ ⱄⱔ ⱃⱘⰽⰰ ⰵⰳⱁ ⱑⰽⱁ ⰻ ⰴⱃⱆⰳⰰⱑ :: ⰽ!ⱌ ::
6:11
ⱁⱀⰻ ⰶⰵ ⰻⱄⱂⰾⱏⱀⰻⱎⱔ ⱄⰵ ⰱⰵⰸⱆⰿⱐⱑ. ⰺ ⰳⰾ҃ⱈⱘ ⰴⱃⱆⰳⱏ ⰽⱏ ⰴⱃⱆⰳⱆ. ⱍⱅⱁ ⰱⰻⱎⱔ ⱄⱏⱅⰲⱁⱃⰻⰾⰻ ⰻⱄ҃ⰲⰻ ::
6:12
Ⰱⱏⰹⱄⱅⱏ ⰶⰵ ⰲⱁ ⰴⱐⱀⰻ ⱅⱏⰹ. ⰺⰸⰻⰴⰵ ⰲⱏ ⰳⱁⱃⱘ ⰿⱁⰾⰻⱅⰻ ⱄⱔ ⰻ ⰱⱑ ⱁⰱ ⱀⱁⱎⱅⱐ ⰲⱏ ⰿⱁⰾⰻⱅⰲⱑ !ⰱⰸⰻⰻ.
6:13
ⰺ ⰵⰳⰴⰰ ⰱⱏⰹⱄⱅⱏ ⰴⰵⱀⱐ ⱂⱃⰻⰳⰾⰰⱄⰻ ⱆⱍⰵⱀⰻⰽⱏⰹ ⱄⰲⱁⱗ. ⰺ ⰻⰸⰱⱏⱃⰰⰲⱏ ⱁⱅⱏ ⱀⰻⱈⱏ ⰴⱏⰲⰰ ⱀⰰ ⰴⰵⱄⱔⱅⰵ. ⱗⰶⰵ ⰻ ⰰⱂⱁⱄⱅⱁⰾⱏⰹ ⱀⰰⱃⰵⱍⰵ.
6:14
ⱄⰻⰿⱁⱀⰰ ⰵⰳⱁⰶⰵ ⰻⰿⰵⱀⱁⰲⰰ ⱂⰵⱅⱃⰰ. ⰺ ⰰⱀⱐⰴⱃⱑⱙ ⰱⱃⰰⱅⱃⰰ ⰵⰳⱁ. ⰺ ⰻⱑⰽⱁⰲⰰ ⰻ ⰻⱁⰰⱀⰰ. ⱇ!ⰾⰻⱂⰰ ⰻ ⰲⰰⱃⱅⱁⰾⱁⰿⱑⰰ.
6:15
ⰿⰰⱅⱐⱅⱑⰰ ⰻ ⱅⱁⰿⱘ. ⰻⱑⰽⱁⰲⰰ ⰰⰾⱐⱇⰵⱁⰲⰰ. ⰺ ⱄⰻⰿⱁⱀⰰ ⱀⰰⱃⰻⱌⰰⰵⰿⰰⰰⰳⱁ ⰸⰻⰾⱁⱅⰰ. ⰺⱓⰴⱘ ⰻⱑⰽⱁⰲⰾⱑ.
6:16
ⰺ ⰻⱓⰴⱘ ⰻⱄⰽⰰⱃⰻⱁⱅⱏⱄⰽⰰⰰⰳⱁ. ⰺⰶⰵ ⰱⱏⰹⱄⱅⱏ ⰻ ⱂⱃⱑⰴⰰⱅⰵⰾⱐ.
6:17
Ⰺ ⱄⱏⱎⰵⰴⱏ ⱄⱏ ⱀⰻⰿⰻ ⱄⱅⰰ ⱀⰰ ⰿⱑⱄⱅⱑ ⱃⰰⰲⱐⱀⱑ. ⰻ ⱀⰰⱃⱁⰴⱏ ⱆⱍⰵⱀⰻⰽⱏ ⰵⰳⱁ. ⰺ ⰿⱏⱀⱁⰶⱐⱄⱅⰲⱁ ⰿⱏⱀⱁⰳⱁ ⰾⱓⰴⰻⰻ. ⱁⱅⱏ ⰲⱐⱄⰵⱗ ⰻⱓⰴⰵⱗ ⰻ ⱁⱅⱏ !ⰻⰵⱃⰾⰿⰰ. ⰺ ⱂⱁⰿⱁⱃⰻⱑ ⱅⱆⱃⱐⱄⰽⰰ ⰻ ⱄⰻⰴⱁⱀⱐⱄⰽⰰ. ⰺⰶⰵ ⱂⱃⰻⰴⱘ ⱂⱁⱄⰾⱆⱎⰰⱅⱏ ⰵⰳⱁ. ⰺ ⰻⱄⱌⱑⰾⰻⱅⱏ ⱄⱔ ⱁⱅⱏ ⱀⰵⰴⱘⰳⱏ.
6:18
ⰻ ⱄⱅⱃⰰⰶⰴⱘⱎⱅⰵⰻ ⱁⱅⱏ ⰴⱈ҃ⱏ ⱀⰵⱍⰻⱄⱅⱏ. ⰺⱄⱌⱑⰾⱑⰰⱈⱘ ⱄⱔ.
6:19
ⰺ ⰲⱐⱄⱐ ⱀⰰⱃⱁⰴⱐ ⰻⱄⰽⰰⰰⱎⰵ ⱂⱃⰻⰽⰰⱄⰰⱅⰻ ⱄⱔ ⰵⰿⱐ. ⱑⰽⱁ ⱄⰻⰾⰰ ⰺⰸ ⱀⰵⰳⱁ ⰻⱄⱈⱁⰶⰴⰰⰰⱎⰵ ⰻ ⱌⱑⰾⱑⰰⱎⰵ ⰲⱐⱄⱔ.
6:20
ⰺ ⱅⱏ ⰲⱏⰸⰲⰵⰴⱏ ⱁⱍⰻ ⱄⰲⱁⰻ ⱀⰰ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⰰⰰⱎⰵ.
6:21
ⰱⰾⰰⰶⰵⱀⰻⰻ ⱀⰻⱎⱅⰻⰻ ⱑⰽⱁ ⰲⰰⱎⰵ ⰵⱄⱅⱏ ⱌⱄ҃ⱅⰲⰻⰵ ⰱⰶ҃ⰻⰵ. ⰱⰾⰰⰶⰵⱀⰻⰻ ⰰⰾⱍⱘⱎⱅⰵⰻ ⱀⱏⰹⱀⱑ ⱑⰽⱁ ⱀⰰⱄⱏⰹⱅⰻⱅⰵ ⱄⱔ. ⰱⰾⰰⰶⰵⱀⰻⰻ ⱂⰾⰰⱍⱘⱎⱅⰵⰻ ⱀⱏⰹⱀⱑ ⱑⰽⱁ ⰲⱐⱄⰿⱑⱙⱅⱏ ⱄⱔ.
6:22
ⰱⰾⰰⰶⰵⱀⰻ ⰱⱘⰴⰵⱅⰵ ⰵⰳⰴⰰ ⰲⱐⰸⱀⰵⱀⰰⰲⰻⰴⱔⱅⱏ ⰲⱏⰹ ⱍⰾⰲ҃ⱌⰻ. ⰺ ⰵⰳⰴⰰ ⱃⰰⰸⰾⱘⱍⱔⱅⱏ ⰲⱏⰹ ⰻ ⱂⱁⱀⱁⱄⱔⱅⱏ. ⰺ ⱂⱃⱁⱀⰵⱄⱘⱅⱏ ⰻⰿⱔ ⰲⰰⱎⰵ ⱑⰽⱁ ⰸⱏⰾⱁ. ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ ⱃⰰⰴⰻ.
6:23
ⰲⱏⰸⰴⱃⰰⰴⱆⰻⱅⰵ ⱄⱔ ⰲⱏ ⱅⱏ ⰴⰵⱀⱐ ⰻ ⰲⱏⰸⰻⰳⱃⰰⰻⱅⰵ. ⱄⰵ ⰱⱁ ⰿⱏⰸⰴⰰ ⰲⰰⱎⰰ ⰿⱏⱀⱁⰳⰰ ⱀⰰ ⱀⰵⰱ҃ⱄⰵ. ⱂⱁ ⱄⰻⱈⱏ ⰱⱁ ⱅⰲⱁⱃⱑⰰⱈⱘ !ⱂⱃⰽⰿⱏ ⱁⱅ҃ⱌⰻ ⰻⱈⱏ. ::
6:24
ⱁⰱⰰⱍⰵ ⰳⱁⱃⰵ ⰲⰰⰿⱏ ⰱⱁⰳⰰⱅⱏⰹⰻⰿⱏ. ⱑⰽⱁ ⰲⱐⱄⱂⱃⰻⱗⱄⱅⰵ ⱆⱅⱑⱈⱘ ⰲⰰⱎⱘ.
6:25
ⰳⱁⱃⰵ ⰲⰰⰿⱏ ⱀⰰⱄⱏⰹⱎⱅⰵⱀⰻⰻ ⱑⰽⱁ ⰲⱏⰸⰰⰾⱍⰵⱅⰵ ⱄⱔ. ⰳⱁⱃⰵ ⰲⰰⰿⱏ ⱄⰿⱑⱙⱎⱅⰵⰻ ⱄⱔ ⱀⱏⰹⱀⱑ ⱑⰽⱁ ⰲⱏⰸⰴⱃⱏⰹⰴⰰⰰⱅⰵ ⰻ ⰲⱏⱄⱂⰾⰰⱍⰵⱅⰵ ⱄⱔ ::
6:26
Ⰳⱁⱃⰵ ⰵⰳⰴⰰ ⱃⰵⰽⱘⱅⱏ ⰴⱁⰱⱃⱑ ⱁ ⰲⰰⱄⱏ ⰲⱐⱄⰻ ⱍⰾⰲ҃[ⱌ]ⰻ. ⱂⱁ ⱄⰵⰿⱆ ⰱⱁ ⱅⰲⱁⱃⱑⰰⱈⱘ ⰾⱏⰶⰻⰻⰿⱏ !ⱂⱃⰽⰿⱏ ⱁⱅ҃ⱌⰻ ⰻⱈⱏ.
6:27
Ⱀⱏ ⰲⰰⰿⱏ ⰳⰾ҃ⱙ ⱄⰾⱏⰹ[ⱎⱔ]ⱎⱅⰻⰻⰿⱏ. ⰾⱓⰱⰻⱅⰵ ⰲⱃⰰⰳⱏⰹ ⰲⰰⱎⱔ. ⰴⱁⰱⱃⱁ ⱅⰲⱁⱃⰻⱅⰵ ⱀⰵⱀⰰⰲⰻⰴⱔⱎⱅⰻⰻⰿⱏ ⰲⰰⱄⱏ.
6:28
Ⰱⰾⰰⰳⱁⱄⰾⱁⰲⰻⱅⰵ ⰽⰾⱏⱀⱘⱋⱔⱗ ⰲⱏⰹ. ⰿⱁⰾⰻⱅⰵ ⱄⱔ ⰸⰰ ⱅⰲⱁⱃⱔⱎⱅⱔⱗ ⰲⰰⰿⱏ ⱁⰱⰻⰴⱘ.
6:29
ⰱⰻⱙⱎⱅⱓⰿⱆ ⱅⱔ ⰲⱏ ⰾⰰⱀⰻⱅⱘ. ⱂⱁⰴⰰⰻ ⰴⱃⱆⰳⱆⱙ. ⰺ ⱁⱅ{ⱅ}ⰵⰿⰾⱙⱎⱅⱓⰿⱆ ⱅⰵⰱⱑ ⱃⰻⰸⱘ. ⰺ ⱄⱃⰰⱍⰻⱌⱔ ⱀⰵ ⰲⱏⰸⰱⱃⰰⱀⰻ.
6:30
ⰲⱏⱄⱑⰽⱁⰿⱆ ⰶⰵ ⱂⱃⱁⱄⱔⱎⱅⱆⰿⱆ ⱆ ⱅⰵⰱⰵ ⰴⰰⰻ. ⰺ ⱁⱅⱏ ⱁⱅⰵⰿⰾⱙⱎⱅⰰⰰⰳⱁ ⱅⰲⱁⱑ ⱀⰵ ⰻⱄⱅⱔⰷⰰⰻ. :: ⰸ!ⱍ ::
6:31
Ⰺ ⱑⰽⱁⰶⰵ ⱈⱁⱎⱅⰵⱅⰵ ⰴⰰ ⱅⰲⱁⱃⱔⱅⱏ ⰲⰰⰿⱏ !ⱍⰾⱌⰻ. ⰻ ⰲⱏⰹ ⱅⰲⱁⱃⰻⱅⰵ ⰻⰿⱏ ⱅⰰⰽⱁⰶⰴⰵ.
6:32
ⰺ ⱑⱎⱅⰵ ..... ⰾⱓⰱⰻⱅⰵ ⰾⱓⰱⱔⱋⱔⱗ ⰱⱏⰹ ⰽⰰⱑ ⰲⰰⰿⱏ ⱈⰲⰰⰾⰰ ⰵⱄⱅⱏ. ⰺⰱⱁ ⰻ ⰳⱃⱑⱎⱏⱀⰻⱌⰻ ⰾⱓⰱⱔⱎⱅⱔⱗ ⰻⱈⱏ ⰾⱓⰱⱔⱅⱏ.
6:33
ⰺ ⰰⱎⱅⰵ ⰱⰾⰰⰳⱁⱅⰲⱁⱃⰻⱅⰵ ⰱⰾⰰⰳⱁⱅⰲⱁⱃⱔⱋⰻⰻⰿⱏ ⰲⰰⱄⱏ. ⰽⰰⱑ ⰲⰰⰿⱏ ⱈⰲⰰⰾⰰ ⰵⱄⱅⱏ. ⰻⰱⱁ ⰻ ⰳⱃⱑⱎⱏⱀⰻⱌⰻ ⱅⱁⰶⰴⰵ ⱅⰲⱁⱃⱔⱅⱏ.
6:34
ⰺ ⰰⱎⱅⰵ ⰲⱏ ⰸⰰⰻⰿⱏ ⰴⰰⰰⱅⰵ ⱁⱅⱏ ⱀⰻⱈⱏⰶⰵ ⱍⰰⰰⱅⰵ ⰲⱏⱄⱂⱃⰻⱗⱅⰻ. ⰽⰰⱑ ⰲⰰⰿⱏ ⱈⰲⰰⰾⰰ ⰵⱄⱅⱏ. ⰺⰱⱁ ⰻ ⰳⱃⱑⱎⱏⱀⰻⱌⰻ ⰳⱃⱑⱎⱏⱀⰻⰽⱁⰿⱏ ⰲⱏ ⰸⰰⰻⰿⱏ ⰴⰰⱙⱅⱏ. ⰴⰰ ⰲⱐⱄⱂⱃⰻⰻⰿⱘⱅⱏ ⱃⰰⰲⱏⱀⱁ.
6:35
ⱁⰱⰰⱍⰵ ⰾⱓⰱⰻⱅⰵ ⰲⱃⰰⰳⱏⰹ ⰲⰰⱎⱔ ⰻ ⰱⰾⰰⰳⱁⱅⰲⱁⱃⰻⱅⰵ. ⰺ ⰲⱏ ⰸⰰⰻⰿⱏ ⰴⰰⰻⱅⰵ ⱀⰻⱍⰵⱄⱁⰶⰵ ⱀⰵ ⱍⰰⱙⱋⰵ. ⰻ ⰱⱘⰴⰵⱅⱏ ⰿⱏⰸⰴⰰ ⰲⰰⱎⰰ ⰿⱏⱀⱁⰳⰰ. ⰺ ⰱⱘⰴⰵⱅⰵ ⱄⱀ҃ⱁⰲⰵ ⰲⱏⰹⱎⱏⱀⱑⰵⰳⱁ. ⱑⰽⱁ ⱅⱏ ⰱⰾⰰⰳⱏ ⰵⱄⱅⱏ ⱀⰰ ⱀⰵⰲⱏⰸⰱⰾⰰⰳⱁⰴⰰⱅⱏⱀⱏⰹⱗ ⰻ ⰸⱏⰾⱏⰹⱗ.
6:36
ⰱⱘⰴⱑⱅⰵ ⱆⰱⱁ ⰿⰻⰾⱁⱄⱅⰻⰲⰻ. ⱑⰽⱁⰶⰵ ⰻ ⱁⱅⰵⱌⱏ ⰲⰰⱎⱏ ⰿⰻⰾⱁⱄⱃ҃ⰴⱏ ⰵⱄⱅⱏ :: ⰽ!ⱌ ::
6:37
ⰺ ⱀⰵ ⱄⱘⰴⰻⱅⰵ ⰴⰰ ⱀⰵ ⱄⱘⰴⱔⱅⱏ ⰲⰰⰿⱏ. ⱀⰵ ⱁⱄⱘⰶⰴⰰⰻⱅⰵ ⰴⰰ ⱀⰵ ⱁⱄⱘⰴⱔⱅⱏ ⰲⰰⱄⱏ. ⱁⱅⱏⱂⱆⱎⱅⰰⰻⱅⰵ ⰻ ⱁⱅⱏⱂⱆⱄⱅⱔⱅⱏ ⰲⱏⰹ.
6:38
ⰴⰰⰻⱅⰵ ⰻ ⰴⰰⱄⱅⱏ ⱄⱔ ⰲⰰⰿⱏ. ⰿⱑⱃⱘ ⰴⱁⰱⱃⱁ ⱀⰰⱅⱏⰽⰰⱀⱘ ⰻ ⱂⱁⱅⱃⱘⱄⱏⱀⱘ ⰻ ⱂⱃⱑⰾⰻⱑⱙⱎⱅⱘ ⱄⱔ. ⰴⰰⰴⱔⱅⱏ ⱀⰰ ⰾⱁⱀⱁ ⰲⰰⱎⰵ. ⱅⱁⱙ ⰱⱁ ⰿⱑⱃⱁⱙ ⰵⱙⰶⰵ ⰿⱑⱃⰻⱅⰵ ⰲⱐⰸⰿⱑⱃⰻⱅⱏ ⱄⱔ ⰲⰰⰿⱏ.
6:39
Ⱃⰵⱍⰵ ⰶⰵ ⱂⱃⰻⱅⱏⱍⱘ ⰻⰿⱏ. ⰵⰴⰰ ⰿⱁⰶⰵⱅⱏ ⱄⰾⱑⱂⰵⱌⱏ ⱄⰾⱑⱂⱏⱌⰰ ⰲⱁⰴⰻⱅⰻ. ⱀⰵ ⱁⰱⰰ ⰾⰻ ⰲⱐ ⱑⰿⱘ ⰲⱏⱂⰰⰴⰵⱅⰵ ⱄⱔ.
6:40
ⱀⱑⱄⱅⱏ ⱆⱍⰵⱀⰻⰽⱏ ⱀⰰⰴⱏ ⱆⱍⰻⱅⰵⰾⰵⰿⱏ ⱄⰲⱁⰻⰿⱏ. ⱄⱏⰲⱃⱏⱎⰵⱀⱏ ⰶⰵ ⰲⱏⱄⱑⰽⱏ ⰱⱘⰴⰵⱅⱏ. ⱑⰽⱁⰶⰵ ⱆⱍⰻⱅⰵⰾⱐ ⰵⰳⱁ.
6:41
ⱍⱅⱁ ⰶⰵ ⰲⰻⰴⰻⱎⰻ ⱄⱘⱍⰵⱌⱏ ⰻⰶⰵ ⰵⱄⱅⱏ ⰲⱏ ⱁⱍⰵⱄⰵ ⰱⱃⰰⱅⱃⰰ ⱅⰲⱁⰵⰳⱁ. ⰰ ⰱⱃⱏⰲⱏⱀⰰ ⰵⰶⰵ ⰵⱄⱅⱏ ⰲⱏ ⱁⱍⰵⱄⰵ ⱅⰲⱁⰵⰿⱐ ⱀⰵ ⱍⱓⰵⱎⰻ.
6:42
ⰾⰻ ⰽⰰⰽⱁ ⰿⱁⰶⰵⱎⰻ ⱃⰵⱎⱅⰻ ⰱⱃⰰⱅⱃⱆ ⱅⰲⱁⰵⰿⱆ. ⰱⱃⰰⱅⱃⰵ ⱁⱄⱅⰰⰲⰻ ⰴⰰ ⰻⰸⱏⰿⱘ ⱄⱘⱍⰵⱌⱏ ⰻⰶⰵ ⰵⱄⱅⱏ ⰲⱏ ⱁⱌⱑ ⱅⰲⱁⰵⰿⱐ. ⱄⰰⰿⱏ ⰱⱃⱏⰲⱏⱀⰰ ⰲⱏ ⱁⱌⱑ ⱅⰲⱁⰵⰿⱐ ⱀⰵ ⰲⰻⰴⱔ. ⰾⰻⱌⰵⰿⱑⱃⰵ. ⰻⰸⱏⰿⰻ ⱂⱃⱏⰲⱑⰵ ⰱⱃⱏⰲⱏⱀⱁ ⰻⰸ ⱁⱍⰵⱄⰵ ⱅⰲⱁⰵⰳⱁ. ⰺ ⱅⱏⰳⰴⰰ ⱂⱃⱁⰸⱐⱃⰻ[ⱃ]ⱎⰻ ⰻⰸⱔⱅⰻ ⱄⱘⱍⰵⱌⱏ ⰻⰶⰵ ⰵⱄⱅⱏ ⰲⱏ ⱁⱍⰵⱄⰵ ⰱⱃⰰⱅ[ⱃ]ⰰ ⱅⰲⱁⰵⰳⱁ.
6:43
ⱀⱑⱄⱅⱏ ⰱⱁ ⰴⱃⱑⰲⱁ ⰴⱁⰱⱃⱁ ⱅⰲⱁⱃⱔ ⱂⰾⱁⰴⰰ ⰸⱏⰾⰰ. Ⱀⰻ ⰴⱃⱑⰲⱁ ⰸⱏⰾⱁ ⱅⰲⱁⱃⱔ ⱂⰾⱁⰴⰰ ⰴⱁⰱⱃⰰ.
6:44
ⰲⱐⱄⱑⰽⱁ ⰱⱁ ⰴⱃⱑⰲⱁ ⱁⱅⱏ ⱂⰾⱁⰴⰰ ⱄⰲⱁⰵⰳⱁ ⱂⱁⰸⱀⰰⰰⱅⱏ ⱄⱔ. ⱀⰵ ⱁⱅⱏ ⱅⱃⱏⱀⰻⱑ ⰱⱁ ⱍⰵⱎⱘⱅⱏ ⱄⰿⱁⰽⱏⰲⰻ. ⱀⰻ ⱁⱅⱏ ⰽⱘⱂⰻⱀⱏⰹ ⰳⱃⱁⰸⰴⰰ ⱁⰱⰵⰿⰾⱙⱅⱏ ::
6:45
Ⰱⰾⰰⰳⱏⰹ ⱍⰾ҃ⰽⱏ ⱁⱅⱏ !ⰱⰾⰳⰰⰳⱁ ⱄⱏⰽⱃⱁⰲⰻⱎⱅⰰ ⱄⱃⰴ҃ⱌⰰ ⱄⰲⱁⰵⰳⱁ ⰻⰸⱀⱁⱄⰻⱅⱏ ⰱⰾⰰⰳⱁⰵ. ⰺ ⰸⱏⰾⱏⰹ ⱍⰾ҃ⰽⱏ ⱁⱅⱏ ⰸⱏⰾⰰⰰⰳⱁ ⱄⱏⰽⱃⱁⰲⰻⱋⰰ ⱄⱃⰴ҃ⱌⰰ ⱄⰲⱁⰵⰳⱁ ⰻⰸⱀⱁⱄⰻⱅⱏ ⰸⱏⰾⱁⰵ. ⱁⱅⱏ ⰻⰸⰱⰹⱅⱏⰽⰰ ⰱⱁ ⱄⱃⰴ҃ⱌⰰ ⰳⰾ҃ⱅⱏ ⱆⱄⱅⰰ ⰵⰳⱁ.
6:46
ⱍⱅⱁ ⰶⰵ ⰿⱔ ⰸⱁⰲⰵⱅⰵ ⰳ҃ⰻ ⰳ҃ⰻ ⰰ ⱀⰵ ⱅⰲⱁⱃⰻⱅⰵ ⱑⰶⰵ ⰳⰾ҃ⱙ.
6:47
ⰲⱏⱄⱑⰽⱏ ⰳⱃⱔⰴⱏⰹ ⰽⱏ ⰿⱐⱀⱑ ⰻ ⱄⰾⱏⰹⱎⱔⰻ ⱄⰾⱁⰲⰵⱄⰰ ⰿⱁⱑ ⰻ ⱅⰲⱁⱃⱔ ⱑ. ⱄⱏⰽⰰⰶⱘ ⰰⰸⱏ ⰽⱁⰿⱆ ⰵⱄⱅⱏ ⱂⱁⰴⱁⰱⰵⱀⱏ.
6:48
Ⱂⱁⰴⱁⰱⰵⱀⱏ ⰵⱄⱅⱏ ⱍⰾⰲ҃ⰽⱆ ⰸⰻⰶⰴⱘⱎⱅⱓ ⱈⱃⰰⰿⰻⱀⱘ. ⰺⰶⰵ ⰻⱄⰽⱁⱂⰰ ⰻ ⱆⰳⰾⱘⰱⰻ. ⰺ ⱂⱁⰾⱁⰶⰻ ⱁⱄⱀⱁⰲⰰⱀⰻⰵ ⱀⰰ ⰽⰰⰿⰵⱀⰵ. ⱀⰰⰲⱁⰴⰻⱓ ⰶⰵ ⰱⱏⰹⰲⱏⱎⱆ. ⱂⱃⰻⱂⰰⰴⰵ ⱃⱑⰽⰰ ⱈⱃⰰⰿⰻⱀⱑ ⱅⱁⰻ. ⰺ ⱀⰵ ⰿⱁⰶⰵ ⰴⰲⰻⰳⱀⱘⱅⰻ ⰵⱗ. ⱁⱄⱀⱁⰲⰰⱀⰰ ⰱⱁ ⰱⱑ ⱀⰰ ⰽⰰⰿⰵⱀⰵ.
6:49
ⰰ ⱄⰾⱏⰹⱎⰰⰲⱏⰹ ⰻ ⱀⰵ ⱄⱏⱅⰲⱁⱃⱐ. ⱂⱁⰴⱁⰱⰵⱀⱏ ⰵⱄⱅⱏ ⱍⰾⰲ҃ⰽⱆ. ⱄⱏⰸⱏⰴⰰⰲⱏⱎⱆ ⱈⱃⰰⰿⰻⱀⱘ ⱀⰰ ⰸⰵⰿⰻ ⰱⰵⰸ [ⱁ]ⱄⱀⱁⰲⰰⱀⰻⱑ. ⰵⰻⰶⰵ ⱂⱃⰻⱃⰰⰸⰻ ⱄⱔ ⱃⱑⰽⰰ. ⰻ ⰰⰱⰻⰵ ⱃⰰⰸⱁⱃⰻ ⱄⱔ. ⰺ ⰱⱏⰹⱄⱅⱏ ⱃⰰⰸⰴⱃⱆⱎⰵⱀⰻⰵ ⱈⱃⰰⰿⰻⱀⱏⰹ ⱅⱁⱗ ⰲⰵⰾⰻⰵ.