ЕВАНГЕЛИЕ ЕЖЕ Ѿ ЛОУКꙐ
4:1
ⰺⱄ҃ⱏ ⰶⰵ ⰻⱄⱂⰾⱏⱀⱐ ⰴⱈ҃ⰰ ⱄⱅ҃ⰰ. ⰲⱏⰸⰲⱃⰰⱅⰻ ⱄⱔ ⱁⱅⱏ ⰻⱁⱃⱏⰴⰰⱀⰰ. ⰺ ⰲⰵⰴⱑⰰⱎⰵ ⱄⱔ ⰴⱈ҃ⰿⱏ ⰲⱏ ⱂⱆⱄⱅⱏⰹⱀⱙ.
4:2
!ⰽ. ⰴⱐⱀⰻⰻ. ⰺⱄⰽⱆⱎⰰⰵⰿⱏ ⰴⰻⱑⰲⱁⰾⱁⰿⱏ. ⰺ ⱀⰵ ⱑⱄⱅⱏ ⱀⰻⱍⰵⱄⱁⰶⰵ ⰲⱏ ⱅⱏⰹ ⰴⱐⱀⰻ :: ⰺ ⰽⱁⱀⱐⱍⰰⰲⱏⱎⰵⰿⱏ ⱄⱔ ⰻⰿⱏ ⱂⱁⱄⰾⱑⰴⱐ ⰲⱐⰸⰰⰾⰽⰰ.
4:3
ⰺ ⱃⰵⱍⰵ ⰵⰿⱆ ⰴⰻⱑⰲⱁⰾⱏ :: ⰰⱋⰵ ⱄⱀ҃ⱏ ⰵⱄⰻ ⰱⰶ҃ⰻⰻ. ⱃⱐⱌⰻ ⰽⰰⰿⰵⱀⰻⱓ ⱄⰵⰿⱆ ⰴⰰ ⰱⱘⰴⰵⱅⱏ ⱈⰾⱑⰱⱏ.
4:4
ⰻ ⱁⱅⱏⰲⱑⱎⱅⰰ ⰻⱄ҃ ⰽⱏ ⱀⰵⰿⱆ ⰳⰾ҃ⱔ. ⱂⰻⱄⰰⱀⱁ ⰵⱄⱅⱏ ⱑⰽⱁ ⱀⰵ ⱁ ⱈⰾⱑⰱⱑ ⰵⰴⰻⱀⱁⰿⱐ ⰶⰻⰲⱏ ⰱⱘⰴⰵⱅⱏ !ⱍⰽⱏ. ⱀⱏ ⱁ ⰲⱐⱄⱑⰽⱁⰿⱐ ⰳⰾ҃ⱑ ⰱⰶ҃ⰻⰻ.
4:5
ⰺ ⰲⱐⰸⰲⰵⰴⰵ ⰻ ⰴⰻⱑⰲⱁⰾⱏ ⱀⰰ ⰳⱁⱃⱘ ⰲⱏⰹⱄⱁⰽⱘ. ⱂⱁⰽⰰⰸⰰ ⰵⰿⱆ ⰲⱐⱄⱑⰽⰰ ⱌⱄ҃ⱃⱄⱅⰲⰻⱑ ⰲⱏⱄⰵⰾⰵⱀⱏⰹⱗ ⰲⱐ ⱍⱑⱄⱑ ⰲⱃⱑⰿⰵⱀⱐⱀⱑ.
4:6
ⰺ ⱃⰵⱍⰵ ⰵⰿⱆ ⰴⰻⱑⰲⱁⰾⱏ. ⱅⰵⰱⱑ ⰴⰰⰿⱏ ⰲⰾⰰⱄⱅⱐ ⱄⰻⱙ ⰲⱐⱄⱘ ⰻ ⱄⰾⰰⰲⱘ ⰻⱈⱏ. ⱑⰽⱁ ⰿⱐⱀⱑ ⱂⱃⱑⰴⰰⱀⰰ ⰵⱄⱅⱏ. ⰺ ⰵⰿⱆⰶⰵ ⰰⱎⱅⰵ ⱈⱁⱎⱅⱘ ⱂⱃⱑⰴⰰⰿⱐ ⱙ.
4:7
ⱅⱏⰹ ⱆⰱⱁ ⰰⱎⱅⰵ ⱂⱁⰽⰾⱁⱀⰻⱎⰻ ⱄⱔ ⱂⱃⱑⰴⱏ ⰿⱀⱁⱙ. ⰱⱘⰴⱘⱅⱏ ⱅⰵⰱⱑ ⰲⱐⱄⱑ.
4:8
ⰺ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰵⰿⱆ. ⰺⰴⰻ ⰸⰰ ⰿⱏⱀⱁⱙ ⱄⱁⱅⱁⱀⱁ. ⱂⰻⱄⰰⱀⱁ ⰵⱄⱅⱏ. ⰳ҃ⰻ ⰱ҃ⱆ ⱅⰲⱁⰵⰿⱆ ⱂⱁⰽⰾⱁⱀⰻⱎⰻ ⱄⱔ. ⰺ ⱅⱁⰿⱆ ⰵⰴⰻⱀⱁⰿⱆ ⱂⱁⱄⰾⱆⰶⰻⱎⰻ.
4:9
ⰺ ⰲⰵⰴⰵ ⰻ ⰲⱏ !ⰺⰿⱏ. ⰺ ⱂⱁⱄⱅⰰⰲⰻ ⰻ ⱀⰰ ⰽⱃⰹⰾⱑ !ⱌⱃⰽⰲⱐⱀⱑⰵⰿⱐ. ⰺ ⱃⰵⱍⰵ ⰵⰿⱆ. ⰰⱎⱅⰵ ⱄⱀ҃ⱏ ⰵⱄⰻ ⰱⰶ҃ⰹⰻ. ⰲⱃⱏⰸⰻ ⱄⱔ ⱁⱅⱏ ⱄⱘⰴⱆ ⱀⰻⰸⱏ.
4:10
ⱂⰻⱄⰰⱀⱁ ⰱⱁ ⰵⱄⱅⱏ. ⱑⰽⱁ ⰰⱀⰼ҃ⰾⰿⱏ ⱄⰲⱁⰻⰿⱏ ⰸⰰⱂⱁⰲⱑⱄⱅⱏ ⱁ ⱅⰵⰱⱑ ⱄⱏⱈⱃⰰⱀⰻⱅⰻ ⱅⱔ.
4:11
ⰺ ⱀⰰ ⱃⱘⰽⰰⱈⱏ ⰲⱏⰸⱏⰿⱘⱅⱏ ⱅⱔ. ⰴⰰ ⱀⰵ ⱁ ⰽⰰⰿⰵⱀⱐ ⱂⱃⱑⱅⱏⰽⱀⰵⱎⰻ ⱀⱁⰳⱏⰹ ⱅⰲⱁⰵⱗ.
4:12
ⰺ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰵⰿⱆ. ⱑⰽⱁ ⱃⰵⱍⰵⱀⱁ ⰵⱄⱅⱏ. ⱀⰵ ⰻⱄⰽⱆⱄⰻⱎⰻ ⰳ҃ⰰ ⰱ҃ⰰ ⱅⰲⱁⰵⰳⱁ.
4:13
ⰺ ⱄⱏⰽⱁⱀⱐⱍⰰⰲⱏ ⰲⱐⱄⱑⰽⱁ ⰻⱄⰽⱆⱎⰵⱀⰻⰵ ⰴⰻⱑⰲⱁⰾⱏ. ⱁⱅⰻⰴⰵ ⱁⱅⱏ ⱀⰵⰳⱁ ⰴⱁ ⰲⱃⱑⰿⰵⱀⰵ ::
4:14
ⰺ ⰲⱏⰸⰲⱃⰰⱅⰻ ⱄⱔ ⰺⱄ҃ⱏ. ⰲⱐ ⱄⰻⰾⱑ ⰴⱈ҃ⱁⰲⱏⱀⱑⰻ ⰲⱏ ⰳⰰⰾⰻⰾⱑⱙ :: ⰺ ⰲⱑⱄⱅⱐ ⰻⰸⰻⰴⰵ ⱂⱁ ⰲⱐⱄⰵⰻ ⱄⱅⱃⰰⱀⱑ ⱁ ⱀⰵⰿⱐ.
4:15
ⰺ ⱅⱆ ⱆⱍⰰⰰⱎⰵ ⱀⰰ ⱄⱏⱀⱏⰿⰻⱋⰻⱈⱏ ⰻⱈⱏ. ⱄⰾⰰⰲⰻⰿⱏ ⰲⱐⱄⱑⰿⰻ :: ⰸ!ⱍ ::
4:16
ⰺ ⱂⱃⰻⰴⰵ ⰲⱏ ⱀⰰⰸⰰⱃⰵⱅⱏ ⰲⱏ ⱀⰵⰿⱐⰶⰵ ⰱⱑ ⰲⱏⱄⱂⰻⱅⱑⱀⱏ. ⰺ ⰲⱏⱀⰻⰴⰵ ⱂⱁ ⱁⰱⱏⰹⱍⰰ[ⱓ] ⱄⰲⱁⰵⰿⱆ. ⰲⱐ ⰴⰵⱀⱐ ⱄⱁⰱⱁⱅⱏⱀⱏⰹ ⰲⱏ ⱄⱏⱀⱏⰿⰻⱎⱅⰵ. ⰺ ⰲⱏⱄⱅⰰ ⱍⰻⱄⱅⱏ.
4:17
ⰺ ⰲⱏⰸⰴⰰⱎⱔ ⰵⰿⱆ ⰽⱏⱀⰻⰳⱏⰹ ⰻⱄⰰⰻⱗ ⱂⱃⱁⱃⱁⰽⰰ. ⰺ ⱃⰰⰸⰳⱏⱀⱘⰲⱏ ⰽⱏⱀⰻⰳⱏⰹ. ⱁⰱⱃⱑⱅⰵ ⰿⱑⱄⱅⱁ ⰻⰴⰵⰶⰵ ⰱⱑ ⱀⰰⱂⰻⱄⰰⱀⱁ.
4:18
ⰴⱈ҃ⱏ ⰳⱀ҃ⱏ ⱀⰰ ⰿⱐⱀⱑ. ⰵⰳⱁⰶⰵ ⱃⰰⰴⰻ ⱂⱁⰿⰰⰸⰰ ⰿⱔ. ⰱⰾⰰⰳⱁⰲⱑⱄⱅⰻⱅⱏ ⱀⰻⱎⱅⰻⰻⰿⱐ ⱂⱁⱄⱏⰾⰰ ⰿⱔ. ⰺⱄⱌⱑⰾⰻⱅⱏ ⱄⱏⰽⱃⱆⱎⰵⱀⱏⰹⱗ ⱄⱃⰴ҃ⱌⰵⰿⱐ.
4:19
ⱂⱃⱁⱂⱁⰲⱑⰴⱑⱅⱏ ⱂⰾⱑⱀⱐⱀⰻⰽⱁⰿⱏ ⱁⱅⱏⱂⱆⱎⱅⰵⱀⰻⰵ. ⰺ ⱄⰾⱑⱂⱏⰹⰿⱏ ⱂⱃⱁⰸⱐⱃⱑⱀⰻⰵ. ⱁⱅⱏⱂⱆⱄⱅⰻⱅⱏ ⱄⱏⰽⱃⱆⱎⰵⱀⱏⰹⱗ ⰲⱏ ⱁⱅⱏⱃⰰⰴⱘ. ⱂⱃⱁⱂⱁⰲⱑⰴⱑⱅⰻ ⰾⱑⱅⱁ ⰳⱀ҃ⰵ ⱂⱃⰻⱗⱅⱁ.
4:20
ⰺ ⱄⱏⰳⱏⱀⱘⰲⱏ ⰽⱏⱀⰻⰳⱏⰹ ⰲⱏⰴⰰⰲⱏ ⱄⰾⱆⰷⱑ ⱄⱑⰴⰵ. ⰺ ⰲⱐⱄⱑⰿⱏ ⰲⱏ ⱄⱏⱀⱐⰿⰻⱋⰻ ⱁⱍⰻ ⰱⱑⰰⱎⰵⱅⰵ ⰸⱏⱃⱔⱎⱅⰻ ⱀⰰ ⱀⱐ.
4:21
ⱀⰰⱍⱔⱅⱏ ⰶⰵ ⰳⰾ҃ⰰⱅⰻ ⰽⱏ ⱀⰻⰿⱏ. ⱑⰽⱁ ⰴⱐⱀⰵⱄⱐ ⱄⱏⰱⱏⰹⱄⱅⱏ ⱄⱔ ⱂⰻⱄⰰⱀⰻⰵ ⱄⰵ. ⰲⱏ ⱆⱎⰻⱓ ⰲⰰⱎⰵⱓ.
4:22
ⰺ ⰲⱐⱄⰻ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰⱎⱔ ⰵⰿⱆ. Ⰺ ⰴⰻⰲⰾⱑⰰⱈⱘ ⱄⱔ ⱁ ⱄⰾⱁⰲⰵⱄⰵⱈⱏ ⰱⰾⰰⰳⱁⰴⰰⱅⰻ. ⰻⱄⱈⱁⰴⱔⱎⱅⰻⰻⱈⱏ ⰻⰸ ⱆⱄⱅⱏ ⰵⰳⱁ :: ⰽ!ⱌ :: Ⰺ ⰳⰾ҃ⰰⱈⱘ ⱀⰵ ⱄⱐ ⰾⰻ ⰵⱄⱅⱏ ⱄⱀ҃ⱏ ⰻⱁⱄⰻⱇⱁⰲⱏ.
4:23
ⰻ ⱃⰵⱍⰵ ⰽⱏ ⱀⰻⰿⱏ. ⰲⱐⱄⱑⰽⱁ ⱃⰵⱍⰵⱅⰵ ⰿⰻ ⱂⱃⰻⱅⱏⱍⱘ ⱄⰻⱙ. ⰱⰰⰾⰻⰻ ⰺⱄⱌⱑⰾⰻ ⱄⱔ ⱄⰰⰿⱏ. ⰵⰾⰻⰽⱁ ⱄⰾⱏⰹⱎⰰⱈⱁⰿⱏ ⰱⱏⰹⰲⱏⱎⰻⰻⱈⱏ. ⰲⱏ ⰽⰰⱂⰵⱃⱏⱀⰰⱆⰿⱑ. ⱄⱏⱅⰲⱁⱃⰻ ⰻ ⱄⱐⰴⰵ ⰲⱏ ⱁⱅⱐⱍⱄⱅⰲⰻⰻ ⱅⰲⱁⰵⰿⱐ.
4:24
ⱃⰵⱍⰵ ⰶⰵ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱀⰻⰽⱁⱅⱁⱃⱏⰹ ⰶⰵ ⱂⱃⱁⱃⰽⱏ ⱂⱃⰻⱗⱅⰵⱀⱏ ⰵⱄⱅⱏ ⰲⱏ ⱁⱅⰵⱍⱏⱄⱅⰲⰻⰻ ⱄⰲⱁⰵⰿⱏ.
4:25
ⰲⱏ ⰹⱄⱅⰻⱀⱘ ⰶⰵ ⰳⰾ҃ⱙ ⰲⰰⰿⱏ. ⰿⱏⱀⱁⰳⱏⰹ ⰲⱏⰴⱁⰲⰻⱌⱔ ⰱⱑⱎⱔ. ⰲⱐ ⰴⱐⱀⰻ ⰻⰾⰻⰻⱀⱏⰹ ⰲⱏ !ⰹⰾⰻ. ⰵⰳⰴⰰ ⰸⰰⰽⰾⰵⱂⰵ ⱄⱔ ⱀⰵⰱⱁ. ⱅⱃⰻ ⰾⱑⱅⰰ ⰻ ⱎⰵⱄⱅⱐ !ⰿⱄⱌⱏ. ⱑⰽⱁ ⰱⱏⰹⱄⱅⱏ ⰳⰾⰰⰴⱏ ⱂⱁ ⰲⱐⱄⰵⰻ ⰸⰵⰿⰻ.
4:26
ⰺ ⱀⰻ ⰽⱏ ⰵⰴⰻⱀⱁⰻ ⰶⰵ ⰻⱈⱏ ⱂⱁⱄⱏⰾⰰⱀⱏ ⰱⱏⰹⱄⱅⱏ ⰻⰾ ⱑ҅. ⱅⱏⰽⰿⱁ ⰲⱏ ⱄⰰⱃⰵⱇⱅⱘ ⱄⰻⰴⱁⱀⱏⱄⰽⱘⱙ. ⰽⱏ ⰶⰵⱀⱑ ⰲⱏⰴⱁⰲⰻⱌⰻ.
4:27
ⰺ ⰿⱏⱀⱁⰷⰻ ⰱⱑⰰⱈⱘ ⱂⱃⱁⰽⰰⰶⰵⱀⰻ !ⰲⰾⰻ ⱂⱃⰻ ⰵⰾⰻⱄⰵⰻ ⱂⱃⱁⱃⱁⱌⱑ. ⰺ ⱀⰻ ⰵⰴⰻⱀⱏ ⰶⰵ ⱁⱅⱏ ⱀⰻⱈⱏ ⱁⱍⰻⱄⱅⰻ ⱄⱔ. ⱅⱁⰽⰿⱁ ⱀⰵⰵⰿⰰⱀⱏ ⱄⱆⱃⱐⱄⰽⱏⰹ.
4:28
ⰺ ⰻⱄⱂⰾⱏⱀⰻⱎⰵ ⱄⱔ ⱑⱃⱁⱄⱅⰻ ⰲⱐⱄⰻ ⱀⰰ ⱄⱏⱀⱐⰿⰻⱎⱅⰻ ⱄⰾⱏⰹⱎⱔⱎⱅⰵ.
4:29
ⰺ ⰲⱏⱄⱅⰰⰲⱏⱎⰵ ⰻⰸⰳⱏⱀⰰⱎⱔ ⰻ ⰲⱁⱀⱏ ⰻⰸ ⰳⱃⰰⰴⰰ. ⰺ ⰲⱑⱄⱔ ⰻ ⰴⱁ ⰲⱃⱏⱈⱆ ⰳⱁⱃⱏⰹ. ⱀⰰ ⱀⰵⰻⰶⰵ ⰳⱃⰰⰴⱏ ⰻⱈⱏ ⱄⱏⰸⱏⰴⰰⱀⱏ ⰱⱑⰰⱎⰵ. ⰴⰰ ⰱⱘ ⰻ ⱀⰻⰸⱏⱃⰻⱀⱘⰾⰻ.
4:30
ⱁⱀⱏ ⰶⰵ ⱂⱃⱁⱎⰵⰴⱏ ⱂⱁ ⱄⱃⱑⰴⱑ ⰻⱈⱏ ⰻⰴⱑⰰⱎⰵ :: ⰽ!ⱌ :: ⰸ!ⱍ ::
4:31
ⰺ҅ ⰲⱐⱀⰻⰴⰵ ⰻⱄ҃ⱏ ⰲⱏ ⰽⰰⱂⰵⱃⱏⱀⰰⱆⰿⱏ ⰲⱏ ⰳⱃⰰⰴⱏ ⰳⰰⰾⰻⰾⰵⰻⱄⰽⱏ. ⰺ ⰱⱑ ⱆⱍⱔ ⰲⱐ ⱄⱁⰱⱁⱅⱏⰹ.
4:32
ⰺ ⱆⰶⰰⱄⰰⰰⱈⱘ ⱄⱔ ⱁ ⱆⱍⰵⱀⰻⰻ ⰵⰳⱁ. ⱑⰽⱁ ⱄⱏ ⰲⰾⰰⱄⱅⰻⱙ ⰱⱑ ⱄⰾⱁⰲⱁ ⰵⰳⱁ.
4:33
ⰺ ⰲⱏ ⱄⱏⱀⱐⰿⰻⱎⱅⰻ ⰱⱑ ⱍⰾ҃ⰽⱏ ⰻⰿⱏⰹ ⰴⱈ҃ⱏ ⰱⱑⱄⰰ !ⱀⰵⱍⱄⱅⰰ. ⰺ ⰲⱏⰸⱏⱂⰻ ⰳⰾⰰⱄⱁⰿⱐ ⰲⰵⰾⰻⰵⰿⱐ ⰳⰾ҃ⱔ.
4:34
ⱁⱄⱅⰰⱀⰻ ⱍⱐⱅⱁ ⰵⱄⱅⱏ ⱀⰰⰿⱐ ⰻ ⱅⰵⰱⱑ ⰻⱄ҃ⰵ ⱀⰰⰸⰰⱃⱑⱀⰻⱀⰵ. ⱂⱃⰻⱎⰵⰾⱏ ⰵⱄⰻ ⱂⱁⰳⱆⰱⰻⱅⱏ ⱀⰰⱄⱏ. ⰲⱑⰿⱏ ⱅⱔ ⰽⱅⱁ ⰵⱄⰻ ⱄⱅ҃ⱏⰹ ⰱⰶ҃ⰹⰻ.
4:35
ⰺ ⰸⰰⱂⱃⱑⱅⰻ ⰵⰿⱆ ⰻⱄ҃ⱏ ⰳⰾ҃ⱔ. ⱂⱃⱑⰿⰾⱏⱍⰻ ⰻⰸⰻⰴⰻ ⰻⰸ ⱀⰵⰳⱁ. ⰺ ⱂⱁⰲⱃⱏⰳⱏ ⰹ ⰱⱑⱄⱏ ⱂⱁ ⱄⱃⱑⰴⱑ ⰻⰸⰻⰴⰵ ⰻⰶ ⱀⰵⰳⱁ. ⱀⰻⰽⰰⰽⱁⰶⰵ ⱀⰵ ⰲⱃⱑⰶⰴⱏ ⰵⰳⱁ.
4:36
ⰺ ⰱⱏⰹⱄⱅⱏ ⱆⰶⰰⱄⱏ ⱀⰰ ⰲⱐⱄⱑⱈⱏ. ⰺ ⱄⱏⱅⱔⰸⰰⰰⱈⱘ ⱄⱔ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱍⱅⱁ ⰵⱄⱅⱏ ⱄⰾⱁⰲⱁ ⱄⰵ. ⱑⰽⱁ ⰲⰾ[ⰰ]ⱄⱅⰻⱙ ⰻ ⱄⰻⰾⱁⱙ ⰲⰵⰾⰻⱅⱏ. ⱀⰵⱍⰻⱄⱅⱏⰹⰻⰿⱏ ⰴⱈ҃ⰿⱏ ⰻ ⰻⱄⱈⱁⰴⱔⱅⱏ :: ⰽ!ⱌ ::
4:37
ⰺ҅ ⰻⱄⱈⱁⰶⰴⰰⰰⱎⰵ ⱎⱓⰿⱏ ⱁ ⱀⰵⰿⱏ ⰲⱏ ⰲⱏⱄⱑⰽⱁ ⰿⱑⱄⱅⱁ ⰻ ⱄⱅⱃⰰⱀⱏⰹ.
4:38
ⰲⱏⱄⱅⰰⰲⱏ ⰶⰵ ⰻ ⱄⱏⱀⱐⰿⰻⱎⱅⰰ. ⰲⱏⱀⰻⰴⰵ ⰲⱏ ⰴⱁⰿⱏ ⱄⰻⰿⱁⱀⱁⰲⱏ. ⱅⱏⱎⱅⰰ ⰶⰵ ⱄⰻⰿⱁⱀⱑ ⰱⱑ ⱁⰴⱃⱏⰶⰻⰿⰰ ⱁⰳⱀⰵⰿⱐ ⰲⰵⰾⰻⰵⰿⱐ ⰻ ⰿⱁⰾⰻⱎⱔ ⰻ ⱁ ⱀⰵⰻ.
4:39
ⰺ ⱄⱅⰰⰲⱏ ⱀⰰⰴⱏ ⱀⰵⱙ ⰸⰰⱂⱃⱑⱅⰻ ⱁⰳⱀⱓ. ⰻ ⱁⱄⱅⰰⰲⰻ ⱙ. ⰰⰱⰻⰵ ⰶⰵ ⰲⱏⱄⱅⰰⰲⱏⱎⰻ ⱄⰾⱆⰶⰰⰰⱎⰵ ⰻⰿⱏ ::
4:40
ⰸⰰⱈⱁⰴⱔⱎⱅⱓ ⰶⰵ ⱄⰾⱏⱀⱏⱌⱆ. ⰲⱏⱄⰻ ⰵⰾⰻⰽⱁ ⰻⰿⱑⰰⱈⱘ ⰱⱁⰾⱔⱋ ⱗ҅ ⱀⰵⰴⱘⰳⱏⰹ ⱃⰰⰸⰾⰻⱍⱏⱀⱏⰹ. ⱂⱃⰻⰲⱁⰶⰴⰰⰰⱈⱘ ⱗ ⰽⱏ ⱀⰵⰿⱆ .ⱁⱀⱏ ⰶⰵ ⱀⰰ ⰽⱁⰳⱁⰶⱏⰴⱁ ⰻⱈⱏ ⱃⱘⰽⱘ ⰲⱏⰸⰾⰰⰳⰰⱗ ⰻⱄⱌⱑⰾⱑⰰⱎⰵ ⱗ.
4:41
ⰺⱄⱈⱁⰶⰴⰰⰰⱈⱘ ⰶⰵ ⰻ ⰱⱑⱄⰻ ⱁⱅⱏ ⰿⱏⱀⱁⰳⱏ ⰲⱏⱂⰻⱙⱎⱅⰵ ⰻ ⰳⰾ҃ⱙⱎⱅⰵ. ⱑⰽⱁ ⱅⱏⰹ ⰵⱄⰻ !ⱈⱏ ⱄⱀ҃ⱏ ⰱⰶ҃ⰻⰻ. ⰻ ⰸⰰⱂⱃⱑⱎⱅⰰⱗ ⱀⰵ ⰴⰰⱑⱎⰵ ⰻⰿⱏ ⰳⰾ҃ⰰⱅⰻ. ⱑⰽⱁ ⰲⱑⰴⱑⰰⱈⱘ !ⱈⰰ ⱄⰰⰿⱁⰳⱁ ⱄⱘⱎⱅⰰ.
4:42
ⰱⱏⰲⱏⱎⱓ ⰶⰵ ⰴⱐⱀⰻ. ⰺⱎⰵⰴⱏ ⰻⰴⰵ ⰲⱏ ⱂⱆⱄⱅⱁ ⰿⱑⱄⱅⱁ. ⰺ ⱀⰰⱃⱁⰴⰻ ⰻⱄⰽⰰⰰⱈⱘ ⰵⰳⱁ. ⰻ ⱂⱃⰻⰴⱁ ⰴⱁ ⱀⰵⰳⱁ. ⰺ ⰴⱃⱏⰶⰰⰰⱈⱘ ⰻ ⰴⰰ ⱀⰵ ⰱⰻ ⱁⱅⱏⱎⰵⰾⱏ ⱁⱅⱏ ⱀⰻⱈⱏ.
4:43
ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ. ⱑⰽⱁ ⰻ ⰴⱃⱆⰳⱏⰹⰻⰿⱏ ⰳⱃⰰⰴⱁⰿⱏ ⱂⱁⰴⱁⰱⰰⰰⱅⱏ ⰿⰻ ⰱⰾⰰⰳⱁⰲⱑⱄⱅⰻⱅⰻ ⱌⱄ҃ⱅⰲⰻⰵ ⰱⰶ҃ⰹⰵ. ⱑⰽⱁ ⱀⰰ ⱄⰵ ⱂⱁⱄⱏⰾⰰⱀⱏ ⰵⱄⰿⱏ.
4:44
ⰺ ⰱⱑ ⱂⱃⱁⱂⱁⰲⱑⰴⰰⱗ ⱀⰰ ⱄⱏⱀⱐⰿⰻⱎⱅⰻⱈⱏ ⰳⰰⰾⰻⰾⱑⰻⱄⱌⱑⱈⱏ.