ЕВАНГЕЛИЕ ЕЖЕ Ѿ ЛОУКꙐ
24:1
Ⰲⱐ ⰵⰴⰻⱀⱘ ⰶⰵ ⱄⱁⰱⱁⱅⱁ ⰷⱑⰾⱁ ⱃⰰⱀⱁ. ⱂⱃⰻⰴⱘ ⱀⰰ ⰳⱃⱁⰱⱏ ⱀⰵⱄⱘⱎⱅⱔ ⱗⰶⰵ ⱆⰳⱁⱅⱁⰲⰰⱎⱔ ⰰⱃⱁⰿⰰⱅⱏⰹ. ⰻ ⰴⱃⱆⰳⱏⰹⱗ ⱄⱏ ⱀⰻⰿⰻ.
24:2
ⱁⰱⱃⱑⱅⱘ ⰶⰵ ⰽⰰⰿⰵⱀⱐ ⱁⱅⱏⰲⰰⰾⰵⱀⱏ ⱁⱅⱏ ⰳⱃⱁⰱⰰ.
24:3
ⰺ ⰲⱏⱎⰵⰴⱏⱎⱔ ⱀⰵ ⱁⰱⱃⱑⱅⱘ ⱅⱑⰾⰵⱄⰵ ⰳ҃ⰰ ⰻⱄ҃ⰰ.
24:4
ⰺ ⰱⱏⰹⱄⱅⱏ ⱀⰵ ⰴⱁⰿⱏⰹⱄⰾⱔⱎⱅⰰⰿⱏ ⱄⱔ ⰻⰿⱏ ⱁ ⱄⰵⰿⱐ. ⰺ ⱄⰵ ⰿⱘⰶⰰ ⰴⱏⰲⰰ ⱄⱅⰰⱄⱅⰵ ⰲⱏ ⱀⰻⱈⱏ ⰲⱐ ⱃⰻⰸⰰⱈⱏ ⰱⰾⱐⱎⱅⱔⱎⱅⰰⱈⱏ ⱄⱔ.
24:5
Ⱂⱃⰻⱄⱅⱃⰰⱎⱏⱀⰰⰿⱏ ⰶⰵ ⰱⱏⰹⰲⱏⱎⰰⰿⱏ ⰻⰿⱏ. ⰺ ⱂⱁⰽⰾⱁⱀⱐⱎⰰⰿⱏ ⰾⰻⱌⰵ ⱀⰰ ⰸⰵⰿⰾⱙ. ⱃⱑⱄⱅⰵ ⰽⱏ ⱀⰻⰿⱏ. ⱍⱏⱅⱁ ⰻⱎⱅⰵⱅⰵ ⰶⰻⰲⰰⰰⰳⱁ ⱄⱏ ⰿⱃⱏⱅⰲⱏⰹⰻⰿⰻ.
24:6
ⱀⱑⱄⱅⱏ ⱄⱏⰴⰵ ⱀⱏ ⰲⱏⱄⱅⰰ. ⱂⱁⰿⱑⱀⱑⱅⰵ ⱑⰽⱁⰶⰵ ⰳⰾ҃ⰰ ⰲⰰⰿⱏ. ⰵⱎⱅⰵ ⱄⱏⰹ ⰲⱏ ⰳⰰⰾⰻⰾⰵⰻ
24:7
ⰳⰾ҃ⱔ. ⱑⰽⱁ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⰾⰲ҃ⱍⱄⰽⱆⰿⱆ ⱂⱃⱑⰴⰰⱀⱆ ⰱⱏⰹⱅⰻ. ⰲⱏ ⱃⱘⱌⱑ ⱍⰾⰲ҃ⰽⱏ ⰳⱃⱑⱎⱏⱀⰻⰽⱏ. ⱂⱃⱁⱂⱔⱅⱆ ⰱⱏⰹⱅⰻ. ⰺ ⱅⱃⰵⱅⰻⰻ ⰴⰵⱀⱐ ⰲⱏⱄⰽⱃⱏⱄⱀⱘⱅⰻ.
24:8
ⰺ ⱂⱁⰿⱑⱀⱘⱎⱔ ⰳⰾ҃ⱏⰹ ⰵⰳⱁ.
24:9
ⰺ ⰲⱏⰸⰲⱃⰰⱎⱅⱏⱎⱔ ⱄⱔ ⱁⱅⱏ ⰳⱃⱁⰱⰰ. ⰲⱐⰸⰲⱑⱄⱅⰻⱎⱔ ⰲⱐⱄⱑ ⱄⰻ ⰵⰴⰻⱀⱁⰿⱆ ⱀⰰ ⰴⰵⱄⱔⱅⰵ ⰻ ⰲⱐⱄⱑⰿⱏ ⱂⱃⱁⱍⰻⰻⰿⱏ.
24:10
ⰱⱑⰰⱎⰵ ⰶⰵ ⰿⰰⱃⰻⱑ ⰿⰰⰳⰴⰰⰾⰻⱀⰻ. ⰺ ⰻⱁⰰⱀⱀⰰ. ⰺ ⰿⰰⱃⰻⱑ ⰻⱑⰽⱁⰲⰾⱑ. ⰻ ⱂⱃⱁⱍⱔⱗ ⱄⱏ ⱀⰻⰿⰻ. ⱗⰶⰵ ⰻ ⰳⰾ҃ⰰⰰⱈⱘ ⰽⱏ !ⰰⱂⰾⰿⱏ ⱄⰵ.
24:11
ⰻ ⱑⰲⰻⱎⱔ ⱄⱔ ⱂⱃⱑⰴⱏ ⱀⰻⰿⰻ ⱑⰽⱁ ⰱⰾⱔⰴⰻ ⰳⰾ҃ⰻ ⰻⱈⱏ. ⰻ ⱀⰵ ⰻⰿⱑⰰⱈⱘ ⰻⰿⱏ ⰲⱑⱃⱏⰹ ::
24:12
Ⱂⰵⱅⱃⱏ ⰶⰵ ⰲⱏⱄⱅⰰⰲⱏ ⱅⰵⱍⰵ ⰽⱏ ⰳⱃⱁ{ⱏⰹ}ⰱⱆ. ⰺ ⱂⱃⰻⱀⰻⰽⱏ ⰲⰻⰴⱑ ⱃⰻⰸⱏⰹ ⰵⰴⰻⱀⱏⰹ ⰾⰵⰶⱔⱎⱅⱔ. ⰺ ⰻⰴⰵ ⰲⱐ ⱄⰵⰱⱑ ⰴⰻⰲⱔ ⱄⱔ ⰱⱏⰹⰲⱏⱎⱓⰿⱆ.
24:13
ⰺ ⱄⰵ ⰴⱏⰲⰰ ⱁⱅⱏ ⱀⰻⱈⱏ ⰱⱑⱄⱅⰵ ⰻⰴⱘⱎⱅⰰ ⰲⱏ ⱅⱏⰶⰴⰵ ⰴⰵⱀⱐ. ⰲⱐ ⰲⰵⱄⱐ ⱁⱅⱏⱄⱅⱁⱗⱎⱅⱘ ⱄⱅⰰⰴⰻⰻ ⱎⰵⱄⱅⱐ ⰴⰵⱄⱔⱅⱏ ⱁⱅⱏ !ⰺⰿⰰ. ⰵⰻⰶⰵ ⰻⰿⱔ ⰵⰿⰰⱆⱄⱏ.
24:14
ⰺ ⱅⰰ ⰱⰵⱄⱑⰴⱁⰲⰰⰰⱎⰵⱅⰵ ⰽⱏ ⱄⰵⰱⱑ. ⱁ ⰲⱐⱄⱑⱈⱏ ⱄⰻⱈⱏ. ⱂⱃⰻⰽⰾⱓⱍⱐⱎⰻⰻⱈⱏ ⱄⱔ.
24:15
ⰺ ⰱⱏⰹⱄⱅⱏ ⰱⰵⱄⱑⰴⱆⱙⱎⱅⰵⰿⰰ ⰻⰿⰰ ⰻ ⱄⱏⱅⱔⰷⰰⱙⱎⱅⰵⰿⰰ ⱄⱔ. ⰻ ⱄⰰⰿⱏ ⰻⱄ҃ⱏ. ⱂⱃⰻⰱⰾⰻⰶⱐ [ⱄ]ⱔ ⰻⰴⱑⰰⱎⰵ ⱄⱏ ⱀⰻⰿⰰ.
24:16
ⱁⱍⰻ ⰶⰵ ⰵⱓ ⰴⱃⱏⰶⰰⰰⱎⰵⱅⰵ ⱄⱔ ⰴⰰ ⰵⰳⱁ ⱀⰵ ⱂⱁⰸⱀⰰⰰⱅⰵ.
24:17
ⱃⰵⱍⰵ ⰶⰵ ⰽⱏ ⱀⰻⰿⰰ. ⱍⱅⱁ ⱄⱘⱅⱏ ⱄⰾⱁⰲⰵⱄⰰ ⱄⰻ ⱁ ⱀⰻⱈⱏⰶⰵ ⱄⱏⱅⱔⰷⰰⰰⱅⰰ ⱄⱔ ⰽⱏ ⱄⰵⰱⱑ ⰻⰴⱘⱋⰰ. ⰺ ⰵⱄⱅⰰ ⰴⱃⱔⱈⰾⰰ.
24:18
ⱁⱅⱏⰲⱑⱎⱅⰰⰲⱏ ⰶⰵ ⰵⰴⰻⱀⱏ ⰵⰿⱆⰶⰵ ⰻⰿⱔ ⰽⰾⰵⱁⱂⰰ. ⱃⰵⱍⰵ ⰽⱏ ⱀⰵⰿⱆ. ⱅⱏⰹ ⰾⰻ ⰵⰴⰻⱀⱏ ⱂⱃⰻⱎⱏⰾⰵⱌⱏ ⰵⱄⰻ ⰲⱏ !ⰺⰿⱏ. ⰺ ⱀⰵ ⱍⱓ ⰱⱏⰹⰲⱏⱎⰻⰻⱈⱏ ⰲⱏ ⰴⱐⱀⰻ ⱄⰻⱗ.
24:19
ⰺ ⱃⰵⱍⰵ ⰻⰿⰰ ⰽⱏⰹⱈⱏ. ⱁⱀⰰ ⰶⰵ ⱃⱑⱄⱅⰵ ⰵⰿⱆ. ⱑⰶⰵ ⱁ ⰻⱄ҃ⱑ ⱀⰰⰸⰰⱃⱑⱀⰻⱀⱑ. ⰺⰶⰵ ⰱⱏⰹⱄⱅⱏ ⰿⱘⰶⱏ !ⱂⱃⰽⱏ ⱄⰻⰾⰵⱀⱏ. ⰴⱑⰾⱁⰿⱐ ⰻ ⱄⰾⱁⰲⱁⰿⱐ. ⱂⱃⱑⰴⱏ !ⰱⰿⱏ ⰻ ⰲⱐⱄⱑⰿⰻ ⰾⱓⰴⱐⰿⰻ. ⰺ
24:20
ⰽⰰⰽⱁ ⰻ ⱂⱃⱑⰴⰰⱎⱔ ⰰⱃⱈⰻⰵⱃⰵⰻ ⰻ ⰽⱐⱀⱔⰷⰻ ⱀⰰⱎⰻ. ⱀⰰ ⱁⱄⱘⰶⰴⰵⱀⰻⰵ ⱄⱏⰿⱃⱏⱅⰻ. ⰻ ⱂⱃⱁⱂⱔⱄⱔ ⰻ.
24:21
ⰿⱏⰹ ⰶⰵ ⱀⰰⰴⱑⰵⰿⱐ ⱄⱔ ⱑⰽⱁ ⱄⱐ ⰵⱄⱅⱏ ⱈⱁⱅⱔⰻ !ⰺⰾⱑ ⰻⰸⰱⰰⰲⰻⱅⰻ. ⱀⱐ ⰺ҅ ⱀⰰⰴⱏ ⰲⱐⱄⱑⰿⰻ ⱄⰻⰿⰻ ⱅⱃⰵⱅⰻⰻ ⱄⰵ ⰴⰵⱀⱐ ⰻⰿⰰⱅⱏ ⰴⱏⱀⰵⱄⱐ. ⱁⱅⱏ ⱀⰵⰾⰻⰶⰵ ⱄⰻ ⰱⱏⰹⱎⱔ.
24:22
ⱀⱏ ⰺ҅ ⰶⰵⱀⱏⰹ ⰵⰴⰻⱀⱏⰹ ⱁⱅⱏ ⱀⰰⱄⱏ. ⱆⰶⰰⱄⰻⱎⱔ ⱀⱏⰹ ⰱⱏⰹⰲⱐⱎⱔ ⱃⰰⱀⱁ ⱆ ⰳⱃⱁⰱⰰ.
24:23
ⰺ ⱀⰵ ⱁⰱⱃⱑⱅⱏⱎⱔ ⱅⱑⰾⰵⱄⰵ ⰵⰳⱁ. ⱂⱃⰻⰴⱘ ⰳⰾ҃ⱙⱎⱅⱔ. ⰺ ⰰⰲⰾⰵⱀⰻⰵ !ⰰⱀⱐⰼⰾⱏ ⰲⰻⰴⱑⰲⱏⱎⱔ. ⰺⰶⰵ ⰳⰾ҃ⱙⱅⱏ ⰹ ⰶⰻⰲⰰ.
24:24
ⰺ ⰻⰴⱘ ⰵⰴⰻⱀⰻ ⱁⱅⱏ ⱀⰰⱄⱏ ⰽⱏ ⰳⱃⱁⰱⱆ. ⰺ ⱁⰱⱃⱑⱅⱘ ⱅⰰⰽⱁ ⱑⰽⱁⰶⰵ ⰻ ⰶⰵⱀⱏⰹ ⱃⱑⱎⱔ. ⱄⰰⰿⱁⰳⱁ ⰶⰵ ⱀⰵ ⰲⰻⰴⱑⱎⱔ.
24:25
ⰺ ⱅⱏ ⱃⰵⱍⰵ ⰽⱏ ⱀⰻⰿⰰ. Ⱉ ⱀⰵⱄⱏⰿⱏⰹⱄⰾⱏⱀⰰⰰ ⰻ ⰿⱘⰴⱏⱀⰰ !ⱄⰴⱌⰿⱐ. ⰲⱑⱃⱁⰲⰰⱅⰻ ⱁ ⰲⱐⱄⱑⱈⱏ ⱑⰶⰵ ⰳⰾ҃ⰰⱎⱔ !ⱂⱃⱌⰻ.
24:26
ⱀⰵ ⱅⰰⰽⱁ ⰾⰻ ⱂⱁⰴⱁⰱⰰⱎⰵ ⱂⱁⱄⱅⱃⰰⰴⰰⱅⰻ !ⱈⱆ. ⰺ҅ ⰲⱐⱀⰻⱅⰻ ⰲⱏ ⱄⰾⰰⰲⱘ ⱄⰲⱁⱙ.
24:27
ⰺ ⱀⰰⱍⰵⱀⱏ ⱁⱅⱏ ⰿⱁⱄⱑⰰ ⰻ ⱁⱅⱏ ⰲⱐⱄⱑⱈⱏ ⱂⱃⱁⱃⱁⰽⱏ ⱄⱏⰽⰰⰸⰰⱎⰵ ⰻⰿⰰ ⰽⱏⱀⰻⰳⱏ. ⱑⰶⰵ ⰱⱑⰰⱈⱘ ⱁ ⱀⰵⰿⱐ.
24:28
ⰺ҅ ⱂⱃⰻⰱⰾⰻⰶⰻⱎⱔ ⱄⱔ ⰲⱐ ⰲⰵⱄⱐ ⰲⱐ ⱀⱙⰶⰵ ⰻⰴⱑⰰⱎⰵⱅⰵ. ⰺ ⱅⱏ ⱅⰲⱁⱃⱑⰰⱎⰵ ⱄⱔ ⰴⰰⰾⰵ ⰻⱅⰻ.
24:29
ⰺ ⱀⱘⰶⰴⰰⰰⱎⰵⱅⰵ ⰻ ⰳⰾ҃ⱙⱎⱅⰰ. ⱁⰱⰾⱔⰷⰻ ⱄⱏ ⱀⰰⰿⰰ ⱑⰽⱁ ⱂⱃⰻ ⰲⰵⱍⰵⱃⱑ ⰵⱄⱅⱏ. ⰺ ⱂⱃⱑⰽⰾⱁⱀⰻⰾⱏ ⱄⱔ ⰵⱄⱅⱏ ⱓⰶⰵ ⰴⰵⱀⱐ. ⰺ ⰲⱐⱀⰻⰴⰵ ⱄⱏ ⱀⰻⰿⰰ ⱁⰱⰾⰵⱎⱅⱐ.
24:30
ⰺ ⰱⱏⰹⱄⱅⱏ ⱑⰽⱁ ⰲⱏⰸⰾⰵⰶⰵ ⱄⱏ ⱀⰻⰿⰰ. ⱂⱃⰻⰵⰿⱏ ⱈⰾⱑⰱⱏ !ⰱⰾⰳⰲⰻ. ⰺ ⱂⱃⱑⰾⱁⰿⱐ ⰴⰰⱑⰰⱎⰵ ⰻⰿⰰ.
24:31
ⱁⱀⱑⰿⰰ ⰶⰵ ⱁⱅⰲⱃⱑⱄⱅⰵ ⱄⱔ ⱁⱍⰻ ⰻ ⱂⱁⰸⱀⰰⱄⱅⰵ ⰻ. ⰺ ⱅⱏ ⰻⱎⱅⰵⰸⰵ ⱁⱅⱏ ⱀⰵⱓ.
24:32
ⰺ ⱃⱑⱄⱅⰵ ⰽⱏ ⱄⰵⰱⱑ. ⱀⰵ ⱄⱃⰴ҃ⱌⰵ ⰾⰻ ⱀⰰⱓ ⰳⱁⱃⱔ ⰱⱑ ⰲⱏ ⱀⰰⱓ. ⰵⰳⰴⰰ ⰳⰾ҃ⰰⰰⱎⰵ ⰽⱏ ⱀⰰⰿⰰ ⱀⰰ ⱂⱘⱅⰻ. ⰺ ⱑⰽⱁ ⱄⱏⰽⰰⰸⰰⱎⰵ ⱀⰰⰿⰰ ⰽⱏⱀⰻⰳⱏⰹ.
24:33
ⰺ ⰲⱏⱄⱅⰰⰲⱏⱎⰰ ⰲⱁ ⱅⱏ ⱍⰰⱄⱏ ⰲⱃⰰⱅⰻⱄⱅⰵ ⱄⱔ ⰲⱏ ⰺ҅ⰿⱏ. ⰺ ⱁⰱⱃⱑⱅⰵ{ⱄ}ⱅⰰ ⱄⱏⰲⱏⰽⱆⱂⰾⱏⱎⱔ ⱄⱔ ⰵⰴⰻⱀⱁⰳⱁ ⱀⰰ ⰴⰵⱄⱔⱅⰵ. ⰺ ⰻⰶⰵ ⰱⱑⰰⱈⱘ ⱄⱏ ⱀⰻⰿⰻ
24:34
ⰳⰾ҃ⱙⱎⱅⱔ. ⰲⱏ ⰹⱄⱅⰻⱀⱘ ⱑⰽⱁ ⰲⱏⱄⱅⰰ !ⱈⱏ ⰻ ⱑⰲⰻ ⱄⱔ ⱄⰻⰿⱁⱀⱆ.
24:35
ⰺ ⱅⰰ ⱂⱁⰲⱑⰴⰰⰰⱎⰵⱅⰵ ⱑⰶⰵ ⰱⱏⰹⱎⱔ ⱀⰰ ⱂⱘⱅⰻ. ⰺ ⱑⰽⱁ ⱄⱔ ⱂⱁⰸⱀⰰ ⰻⰿⰰ ⰲⱏ ⱂⱃⱑⰾⱁⰿⰾⰵⱀⰻⰻ ⱈⰾⱑⰱⰰ :: ⰽ!ⱌ ::
24:36
Ⱄⰻ ⰶⰵ ⰻⰿⱏ ⰳⰾ҃ⱙⱎⱅⰵⰿⱏ. ⱄⰰⰿⱏ ⰻⱄ҃ⱏ ⱄⱅⰰ ⱂⱁ ⱄⱃⱑⰴⱑ ⰻⱈⱏ :: {ⰲⱏⱄⰽⱃⰵⱄⱏ} {ⰻⱄ҃ⱏ} {ⰻⰸ} {ⰿⱃⱏⱅⰲⱏⰹⰻⱈⱏ} {ⱄⱅⰰ} {ⱂⱁ} {ⱄⱃⱑⰴⱑ} {ⱆⱍⰵⱀⰻⰽⱏ} {ⱄⰲⱁⰻⱈⱏ} ⰻ ⰳⰾ҃ⰰ ⰻⰿⱏ. ⰿⰻⱃⱏ ⰲⰰⰿⱏ. ⰰⰸⱏ ⰵⱄⰿⱏ ⱀⰵ ⰱⱁⰻⱅⰵ ⱄⱔ.
24:37
ⱆⰱⱁⱑⰲⱏⱎⰵ ⰶⰵ ⱄⱔ ⰻ ⱂⱃⰻⱄⱅⱃⰰⱎⱏⱀⰻ ⰱⱏⰹⰲⱏⱎⰵ. ⰿⱐⱀⱑⰰⱈⱘ ⰴⱈ҃ⱏ ⰲⰻⰴⱔⱎⱅⰵ.
24:38
ⰻ ⱃⰵⱍⰵ ⰻⰿⱏ ⱍⱐⱅⱁ ⱄⱏⰿⱘⱎⱅⰵⱀⰻ ⰵⱄⱅⰵ. ⰻ ⱂⱁ ⱍⱅⱁ ⱂⱁⰿⱏⰹⱎⰾⰵⱀⰻⱑ ⰲⱏⱈⱁⰴⱔⱅⱏ ⰲⱏ ⱄⱃⰴ҃ⱌⰰ ⰲⰰⱎⰰ.
24:39
ⰲⰻⰴⰻⱅⰵ ⱃⱘⱌⱑ ⰿⱁⰻ ⰻ ⱀⱁⰷⱑ ⰿⱁⰻ. ⱑⰽⱁ ⱄⰰⰿⱏ ⰰⰸⱏ ⰵⱄⰿⱏ. ⱁⱄⱔⰶⰰⱅⰵ ⰿⱔ ⰻ ⰲⰻⰴⰻⱅⰵ. ⱑⰽⱁ ⰴⱈ҃ⱏ ⱂⰾⱏⱅⰻ ⰻ ⰽⱁⱄⱅⰻ ⱀⰵ ⰻⰿⰰⱅⱏ. ⱑⰽⱁⰶⰵ ⰿⱔ ⰲⰻⰴⰻⱅⰵ ⰻⰿⱘⱋⰰ.
24:40
ⰺ ⱄⰵ ⱃⰵⰽⱏ ⱂⱁⰽⰰⰸⰰ ⰻⰿⱏ ⱃⱘⱌⱑ ⰻ ⱀⱁⰷⱑ ::
24:41
Ⰵⱎⱅⰵ ⰶⰵ ⱀⰵ ⰲⱑⱃⱆⱙⱎⱅⰵⰿⱏ ⰻⰿⱏ ⱁⱅⱏ ⱃⰰⰴⱁⱄⱅⰻ ⰻ ⱍⱓⰴⱔⱎⱅⰵⰿⱏ ⱄⱔ. ⱃⰵⱍⰵ ⰻⰿⱏ. ⰺⰿⰰⱅⰵ ⰾⰻ ⱍⱏⱅⱁ ⱄⱏⱀⱑⰴⱏⱀⱁ ⱄⱏⰴⰵ.
24:42
ⱁⱀⰻ ⰶⰵ ⰴⰰⱎⱔ ⰵⰿⱆ ⱃⱏⰹⰱⱏⰹ ⱂⰵⱍⰵⱀⱏⰹ ⱍⱔⱄⱅⱐ. ⰺ ⱁⱅⱏ ⰱⱏⱍⰵⰾⱏ ⱄⱏⱅⱏ.
24:43
ⰺ ⰲⱏⰸⰵⰿⱏ ⱂⱃⱑⰴⱏ ⱀⰻⰿⰻ ⱑⱄⱅⱏ. ⱂⱃⱁⱍⰵⰵ ⰴⰰⱄⱅⱏ ⰻⰿⱏ.
24:44
ⱃⰵⱍⰵ ⰶⰵ ⰻⰿⱏ ⱄⰵ ⱄⱘⱅⱏ ⱄⰾⱁⰲⰵⱄⰰ. ⱑⰶⰵ ⰳⰾ҃ⰰⱈⱏ ⰽⱏ ⰲⰰⰿⱏ ⰵⱎⱅⰵ ⱄⱏⰹ ⱄⱏ ⰲⰰⰿⰻ. ⱑⰽⱁ ⱂⱁⰴⱁⰱⰰⰰⱅⱏ ⱄⱏⰽⱁⱀⱐⱍⰰⱅⰻ ⱄⱔ ⰲⱏⱄⱑⰿⱏ ⱀⰰⱂⰻⱄⰰⱀⱏⰹⰿⱏ. ⰲⱏ ⰸⰰⰽⱁⱀⱑ ⰿⱁⱄⱑⱁⰲⱑ ⰻ !ⱂⱃⱌⱈⱏ. ⰺ !ⱂⱄⰾⱏⰿⱑⱈⱏ ⱁ ⰿⱐⱀⱑ.
24:45
ⱅⱏⰳⰴⰰ ⱁⱅⰲⱃⱏⰸⰵ ⰻⰿⱏ ⱆⰿⱏ ⰴⰰ ⱃⰰⰸⱆⰿⱑⱙⱅⱏ ⰽⱏⱀⰻⰳⱏⰹ.
24:46
ⰺ ⱃⰵⱍⰵ ⰻⰿⱏ ⱑⰽⱁ ⱅⰰⰽⱁ ⰵⱄⱅⱏ ⱂⰻⱄⰰⱀⱁ. ⰻ ⱅⰰⰽⱁ ⱂⱁⰴⱁⰱⰰⰰⱎⰵ ⱂⱁⱄⱅⱃⰰⰴⰰⱅⰻ !ⱈⱆ. ⰻ ⰲⱏⱄⰽⱃⱏⱄⱀⱘⱅⰻ ⱁⱅⱏ ⰿⱃⱏⱅⰲⱏⰹⱈⱏ. ⱅⱃⰵⱅⰻⰻ ⰴⰵⱀⱐ ⰺ ⱂⱃⱁⱂⱁⰲⱑⰴⰰⱅⰻ ⱄⱔ ⰲⱏ ⰹⰿⱔ ⰵⰳⱁ ⱂⱁⰽⰰⰰⱀ ⱓ҅.
24:47
ⰺ ⱁⱅⱏⱂⱆⱎⱅⰵⱀⰻⱓ ⰳⱃⱑⱈⱁⰲⱏ ⰲⱏ ⰲⱐⱄⱑⱈⱏ ⱗⰸⱏⰹⱌⱑⱈⱏ. ⱀⰰⱍⰵⱀⱏⱎⰵ ⱁⱅⱏ !ⰻⰿⰰ.
24:48
ⰲⱏⰹ ⰶⰵ ⰵⱄⱅⰵ ⱄⱏⰲⱑⰴⱑⱅⰵⰾⰵ ⱄⰻⰿⱏ.
24:49
ⰺ ⱄⰵ ⰰⰸⱏ ⱂⱁⱄⱏⰾⱙ ⱁⰱⱑⱅⱁⰲⰰⱀⰻⰵ ⱁⱅ҃ⱌⰰ ⰿⱁⰵⰳⱁ ⱀⰰ ⰲⱏⰹ. ⰲⱏⰹ ⰶⰵ ⱄⱑⰴⱑⱅⰵ ⰲⱏ ⰳⱃⰰⰴⱑ ⰻⰵⱃⱆⱄⰰⰾⰻⰿⱏⱄⱌⱑ. ⰴⱁⱀⱐⰴⰵⰶⰵ ⱁⰱⰾⱑⱍⰵⱅⰵ ⱄⱔ ⱄⰻⰾⱁⱙ ⱄⱏ ⰲⱏⰹⱎⰵ.
24:50
ⰻⰸⰲⰵⰴⰵ ⰶⰵ ⱗ ⰲⱁⱀⱏ ⰴⱁ ⰲⰻⱅⰰⱀ ⱗ҅. ⰻ ⰲⱏⰸⰴⰲⰻⰳⱏ ⱃⱘⱌⱑ ⱄⰲⱁⰻ ⰱⰾⰰⰳⱁⱄⰾⱁⰲⰻ ⱗ.
24:51
ⰺ ⰱⱏⰹⱄⱅⱏ ⰵⰳⰴⰰ ⰱⰾⰰⰳⱁⱄⰾⱁⰲⱑⱎⰵ ⱗ. ⱁⱅⱏⱄⱅⱘⱂⰻ ⱁⱅⱏ ⱀⰻⱈⱏ. ⰺ ⰲⱏⰸⱀⱁⱎⰰⰰⱎⰵ ⱄⱔ. ⱀⰰ ⱀⰵⰱⱁ.
24:52
ⰺ ⱅⰻ ⱂⱁⰽⰾⱁⱀⱐⱎⰵ ⱄⱔ ⰵⰿⱆ. ⰲⱏⰸⰲⱃⰰⱅⰻⱎⱔ ⱄⱔ ⰲⱏ ⰻ҅ⰿⱏ. ⱄⱏ ⱃⰰⰴⱁⱄⱅⰻⱙ ⰲⰵⰾⰻⰵⱙ.
24:53
ⰺ ⰱⱑⰰⱈⱘ ⰲⱏ ⰺ҅ⱀⱘ ⰲⱏ !ⱌⱃⰽⰲⰵ. ⱈⰲⰰⰾⱔⱎⱅⰵ ⰻ !ⰱⰾⰰⰳⱁⱄⰾⱁⰲⱔⱎⱅⰵ ⰱ҃ⰰ ⰰⰿⰻⱀⱐ ⰽ!ⱌ ::