ЕВАНГЕЛИЕ ЕЖЕ Ѿ ЛОУКꙐ
23:1
ⰺ ⰲⱏⱄⱅⰰⰲⱏⱎⰵ ⰲⱏⱄⰵ ⰿⱏⱀⱁⰶⱐⱄⱅⰲⱁ ⰻⱈⱏ. ⰲⱑⱄⱔ ⰻ ⰽⱏ ⱂⰻⰾⰰⱅⱆ.
23:2
ⱀⰰⱍⱔⱄⱔ ⰶⰵ ⱀⰰ ⱀⱐ ⰲⰰⰴⰻⱅⰻ ⰳⰾ҃ⱙⱎⱅⰵ. ⱄⰵⰳⱁ ⱁⰱⱃⱑⱅⱁⰿⱏ. ⱃⰰⰸⰲⱃⰰⱎⱅⰰⱙⱎⱅⰰ ⱗⰸⱏⰹⰽⱏ ⱀⰰⱎⱏ. ⰺ ⰲⱏⰸⰱⱃⰰⱀⱑⱙⱄⱅⰰ ⰴⰰⱑⱅⰻ ⰽⰵⱄⰰⱃⱁⰲⰻ ⰴⰰⱀⱐ. ⰳⰾ҃ⱙⱋⰰ ⱄⰵⰱⰵ !ⱈⰰ ⱌⱄ҃ⱃⱑ ⰱⱏⰹⱅⰻ.
23:3
ⱂⰻⰾⰰⱅⱏ ⰶⰵ ⰲⱏⱂⱃⱁⱄⰻ ⰻ ⰳⰾ҃ⱔ. ⱅⱏⰹ ⰾⰻ ⰵⱄⰻ ⱌⱑⱄⰰⱃⱐ ⰻⱓⰴⰵⱁⰿⱏ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⱅⱏⰹ ⰳⰾ҃ⰵⱎⰻ.
23:4
Ⱂⰻⰾⰰⱅⱏ ⰶⰵ ⱃⰵⱍⰵ ⰽⱏ ⰰⱃⱏⱈⰻⰵⱃⰵⱁⰿⱏ ⰻ ⰽⱏ ⱀⰰⱃⱁⰴⱆ. ⱀⰻⰽⱁⰵⱔⰶⰵ ⰲⰻⱀⱏⰹ ⱀⰵ ⱁⰱⱃⱑⱅⰰⱙ ⰲⱏ ⱍⰾⰲ҃ⱌⱑ ⱄⰵⰿⱐ.
23:5
ⱁⱀⰻ ⰶⰵ ⰽⱃⱑⱂⰾⱑⰰⱈⱘ ⱄⱔ ⰳⰾ҃ⱙⱎⱅⰵ. ⱑⰽⱁ ⱃⰰⰸⰲⱃⰰⱎⱅⰰⰰⱅⱏ ⰾⱓⰴⰻ ⱆⱍⱔ ⱂⱁ ⰲⱐⱄⰵⰻ ⰻⱓⰴⰵⰻ. ⱀⰰⱍⰵⱀⱏ ⱁⱅⱏ ⰳⰰⰾⰻⰾⰵⱗ ⰴⱁ ⱄⱐⰴⰵ.
23:6
Ⱂⰻⰾⰰⱅⱏ ⰶⰵ ⱄⰾⱏⰹⱎⰰⰲⱏ ⰳⰰⰾⰻⰾⰵⱙ ⰲⱏⱂⱃⱁⱄⰻ ⰻ. ⰰⱎⱅⰵ ⱍⰾ҃ⰽⱏ ⰳⰰⰾⰻⰾⱑⰻⱄⰽⱏ ⰵⱄⱅⱏ.
23:7
ⰺ ⱃⰰⰸⱆⰿⱑⰲⱏ ⱑⰽⱁ ⱁⱅⱏ ⱁⰱⰾⰰⱄⱅⰻ ⰻⱃⱁⰴⱁⰲⱏⰹ ⰵⱄⱅⱏ. ⱂⱁⱄⱏⰾⰰ ⰻ ⰽⱏ ⰹⱃⱁⰴⱆ ⱄⱘⱎⱅⱓ ⰻ ⱅⱁⰿⱆ ⰲⱏ ⰻ҅ⱃⱆⱄⰰⰾⰻⰿⱑ ⰲⱐ ⰴⱐⱀⰻ ⱅⱏⰹ.
23:8
ⰺⱃⱁⰴⱏ ⰶⰵ ⰲⰻⰴⱑⰲⱏ ⰻⱄ҃ⰰ ⱃⰰⰴⱏ ⰱⱏⰹⱄⱅⱏ ⰷⱑⰾⱁ. ⰱⱑ ⰱⱁ ⰶⰵⰾⱑⱗ ⱁⱅⱏ ⰿⱏⱀⱁⰳⱏ ⰲⱃⱑⰿⰵⱀⱏ ⰲⰻⰴⱑⱅⰻ. ⰸⰰⱀⰵ ⱄⰾⱏⰹⱎⰰⰰⱎⰵ ⰿⱏⱀⱁⰳⰰ ⱁ ⱀⰵⰿⱐ. ⰺ ⱀⰰⰴⱑⰰⱎⰵ ⱄⱔ ⰸⱀⰰⰿⰵⱀⰻⰵ ⰵⱅⰵⱃⱁ ⰲⰻⰴⱑⱅⰻ ⱁⱅⱏ ⱀⰵⰳⱁ ⰱⱏⰹⰲⰰⰵⰿⱁ.
23:9
ⰲⱏⱂⱃⰰⱎⰰⰰⱎⰵ ⰶⰵ ⰻ ⱄⰾⱁⰲⰵⱄⱏⰹ ⰿⱏⱀⱁⰳⱏⰹ. ⱁⱀⱏ ⰶⰵ ⱀⰻⱍⰵⱄⱁⰶⰵ ⱀⰵ ⱁⱅⱏⰲⱑⱎⱅⰰⰲⰰⰰⱎⰵ ⰵⰿⱆ.
23:10
Ⱄⱅⱁⱑⱈⱘ ⰶⰵ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱐⱀⰻⱌⰻ ⱂⱃⰻⰾⰵⰶⱏⱀⱁ ⰲⰰⰴⱔⱎⱅⰵ ⱀⰰ ⱀⱐ. ::
23:11
Ⱆⰽⱁⱃⱐ ⰶⰵ ⰻ ⰻⱃⱁⰴⱏ ⱄⱏ ⰲⱁⰻ ⱄⰲⱁⰻⰿⰻ. ⰻ ⱂⱁⱃⱘⰳⰰⰲⱏ ⱄⱔ. ⱁⰱⰾⱏⰽⱏ ⰹ ⰲⱐ ⱃⰻⰸⱘ ⱄⰲⱑⱅⱏⰾⱘ. ⰲⱏⰸⰲⱃⰰⱅⰻ ⰻ ⰽⱏ ⱂⰻⰾⰰⱅⱁⰲⰻ.
23:12
ⰱⱏⰹⱄⱅⰵ ⰶⰵ ⱄⰻ ⰴⱃⱆⰳⰰ. ⰺⱃⱁⰴⱏ ⰶⰵ ⰻ ⱂⰻⰾⰰⱅⱏ ⰲⱏ ⱅⱏ ⰴⰵⱀⱐ ⱄⱏ ⱄⱁⰱⱁⱙ. ⱂⱃⱑⰶⰴⰵ ⰱⱁ ⰱⱑⰰⱎⰵⱅⰵ ⰲⱃⰰⰶⱏⰴⱘ ⰻⰿⱘⱎⱅⰰ ⰿⰵⰶⰴⱓ ⱄⱁⰱⱁⱙ.
23:13
ⱂⰻⰾⰰⱅⱏ ⰶⰵ ⱄⱁⰸⱏⰲⰰⰲⱏ ⰰⱃⱈⰻⰵⱃⰵⱗ ⰻ ⰽⱏⱀⱔⰸⱔ ⰻ ⰾⱓⰴⰻ.
23:14
ⱃⰵⱍⰵ ⰽⱏ ⱀⰻⰿⱏ ⱂⱃⰻⰲⱑⱄⱅⰵ ⰿⰻ ⱍⰾ҃ⰽⰰ ⱄⰵⰳⱁ. ⱑⰽⱁ ⱃⰰⰸⰲⱃⰰⱋⰰⱙⱋⰰ ⰾⱓⰴⰻ. ⰺ ⱄⰵ ⰰⰸⱏ ⰻⱄⱅⱔⰸⰰⰲⱏ ⱂⱃⱑⰴⱏ ⰲⰰⰿⰻ. ⱀⰵ ⱁⰱⱃⱑⱅⱏ ⱀⰻ ⰵⰴⰻⱀⱁⱗ ⰶⰵ ⱁ ⱍⰾⰲ҃ⱌⱑ ⱄⰵⰿⱐ ⰲⰻⱀⱏⰹ. ⱗⰶⰵ ⱀⰰ ⱀⱐ ⰲⰰⰴⰻⱅⰵ.
23:15
ⱀⱏ ⱀⰻ ⰻⱃⱁⰴⱏ. ⱂⱁⱄⱏⰹⰾⰰⱈⱏ ⰱⱁ ⰻ ⰽⱏ ⱀⰵⰿⱆ. ⰺ ⱄⰵ ⱀⰻⱍⱏⱅⱁⰶⰵ {ⱄⱏ} ⰴⱁⱄⱅⱁⰻⱀⱁ ⱄⱏⰿⱃⱏⱅⰻ ⱄⱏⱅⰲⱁⱃⰵⱀⱁ ⰵⱄⱅⱏ ⱁ ⱀⰵⰿⱐ.
23:16
ⱂⱁⰽⰰⰸⰰⰲⱏ ⱆⰱⱁ ⱁⱅⱏⱂⱆⱎⱅⱘ ⰻ.
23:17
ⱂⱁⱅⱃⱑⰱⱘⰶⰵ ⰻⰿⱑⰰⱎⰵ ⱀⰰ ⰲⱐⱄⱔ ⱂⱃⰰⰸⰴⱐⱀⰻⰽⱏⰹ ⱁⱅⱏⱂⱆⱎⱅⰰⱅⰻ ⰻⰿⱏ ⰵⰴⰻⱀⱁⰳⱁ.
23:18
Ⰲⱏⰸⱏⱂⰻⱎⱔ ⰶⰵ ⰲⱏⱄⰻ ⱀⰰⱃⱁⰴⰻ ⰳⰾ҃ⱙⱎⱅⰵ. ⰲⱐⰸⱐⰿⰻ ⱄⰵⰳⱁ ⱁⱅⱏⱂⱆⱄⱅⰻ ⰶⰵ ⱀⰰⰿⱏ ⰲⰰⱃⰰⰲⱘ.
23:19
ⰺⰶⰵ ⰱⱑ ⰸⰰ ⰵⰴⰻⱀⱘ ⰽⱃⰰⰿⱁⰾⱘ ⰱⱏⰹⰲⱏⱎⱘⱙ ⰲⱏ ⰳⱃⰰⰴⱑ ⰻ ⱆⰱⰻⰻⱄⱅⰲⱁ ⰲⱏⰲⱃⱏⰶⰵⱀⱏ ⰲⱏ ⱅⰵⰿⱐⱀⰻⱌⱘ.
23:20
Ⱂⰰⰽⱏⰹ ⰶⰵ ⱂⰻⰾⰰⱅⱏ ⰲⱏⰸⰳⰾⰰⱄⰻ ⱈⱁⱅⱔ ⱁⱅⱏⱂⱆⱄⱅⰻⱅⰻ ⰻⱄ҃ⰰ.
23:21
ⱁⱀⰻ ⰶⰵ ⰲⱐⱂⰻⱑⱈⱘ ⰳⰾ҃ⱘⱎⱅⰵ. ⱂⱃⱁⱂⱐⱀⰻ ⱂⱃⱁⱂⱐⱀⰻ :
23:22
Ⱁⱀⱏ ⰶⰵ ⱅⱃⰵⱅⰻⰻⱌⰵⱙ ⱃⰵⱍⰵ ⰽⱏ ⱀⰻⰿⱏ. ⱍⱐⱅⱁ ⰱⱁ ⱄⱏⱅⰲⱁⱃⰻ ⰸⱏⰾⱁ. ⱀⰻⱍⱐⱄⱁⰶⰵ ⰴⱁⱄⱅⱁⰻⱀⰰ ⱄⱏⰿⱃⱏⱅⰻ ⱁⰱⱃⱑⱅⱏ ⱁ ⱀⰵⰿⱐ. ⱂⱁⰽⰰⰸⰰⰲⱏ ⰹ ⱆⰱⱁ ⱁⱅⱏⱂⱆⱎⱅⱘ.
23:23
ⱁⱀⰻ ⰶⰵ ⱂⱃⰻⰾⰵⰶⰰⰰⱈⱘ ⰳⰾⰰⱄⱏⰹ ⰲⰵⰾⰻⰻ ⱂⱃⱁⱄⱔⱎⱅⰵ ⰵⰳⱁ ⱀⰰ ⱂⱃⱁⱂⱔⱅⰻⰵ. ⰺ҅ ⱆⱄⱅⱁⱑⰰⱈⱘ ⰳⰾⰰⱄⰻ ⰻⱈⱏ. ⰺ ⰰⱃⱈⰻⰵⱃⰵⰻⱄⱅⰻⰻ.
23:24
Ⱂⰻⰾⰰⱅⱏ ⰶⰵ ⱂⱁⱄⱘⰴⰻ ⰱⱏⰹⱅⰻ ⱂⱃⱁⱎⰵⱀⰻⰵ ⰻⱈⱏ.
23:25
ⱁⱅⱏⱂⱆⱄⱅⰻ ⰶⰵ ⰻⰿⱏ ⰲⱏⱄⰰⰶⰴⰵⱀⰰⰰⰳⱁ ⰲⱏ ⱅⰵⰿⱐⱀⰻⱌⱘ. ⰸⰰ ⰽⱃⰰⰿⱁⰾⱘ ⰻ ⱆⰱⰻⰻⱄⱅⰲⱁ ⰵⰳⱁⰶⰵ ⱂⱃⱁⱎⰰⰰⱈⱘ. ⰻ ⰹⱄ҃ⰰ ⱂⱃⱑⰴⰰⱄⱅⱏ ⰲⱁⰾⰻ ⰻⱈⱏ.
23:26
ⰺ ⱑⰽⱁ ⰻ ⱂⱁⰲⱑⱄⱔ ⰵⰿⱏⱎⰵ ⱄⰻⰿⱁⱀⰰ ⰵⰴⰻⱀⱁⰳⱁ ⰽⱛⱃⰻⱀⱑⰰ ⰳⱃⱔⰴⱘⱎⱅⰰ ⱄⱏ ⱄⰵⰾⰰ. ⰸⰰⰴⱑⱎⱔ ⰵⰿⱆ !ⰽⱃⱄⱅⱏ ⱀⱁⱄⰻⱅⰻ ⱂⱁ ⰻⱄ҃ⱑ.
23:27
ⰺⰴⱑⰰⱎⰵ ⰶⰵ ⰲⱏ ⱄⰾⱑⰴⱏ ⰵⰳⱁ ⰿⱏⱀⱁⰳⱏ ⱀⰰⱃⱁⰴⱏ ⰾⱓⰴⰻⰻ. ⰿⱁⰶⰻ ⰻ ⰶⰵⱀⱏⰹ. ⱗⰶⰵ ⰻ ⰱⰻⱑⰰⱈⱘ ⱄⱔ ⰻ ⱂⰾⰰⰽⰰⰰⱈⱘ ⱄⱔ ⰵⰳⱁ.
23:28
ⱁⰱⱃⰰⱎⱅⱐ ⰶⰵ ⱄⱔ ⰻⱄ҃ⱏ ⰽⱏ ⱀⰻⰿⱐ ⱃⰵⱍⰵ. ⰴⱏⱎⱅⰵⱃⰻ !ⰺⰿⱄⰽⱏⰹ. ⱀⰵ ⱂⰾⰰⱍⰻⱅⰵ ⱄⱔ ⱁ ⰿⱐⱀⱑ. ⱁⰱⰰⱍⰵ ⱄⰵⰱⰵ ⱂⰾⰰⱍⰻⱅⰵ ⱄⱔ ⰻ ⱍⱔⰴⱏ ⰲⰰⱎⰻⱈⱏ.
23:29
ⱑⰽⱁ ⱄⰵ ⰴⱐⱀⱐⰵ ⰳⱃⱔⰴⱘⱅⱏ. ⰲⱐ ⱀⱔⰶⰵ ⱃⰵⰽⱘⱅⱏ. ⰱⰾⰰⰶⰵⱀⱏⰹ ⱀⰵⱂⰾⱁⰴⱏⰲⰻ ⰻ ⱍⱃⱑⰲⰰ ⱑⰶⰵ ⱀⰵ ⱃⱁⰴⰻⱎⱔ. ⰺ ⱄⱐⱄⱏⱌⰻ ⰻⰶⰵ ⱀⰵ ⰴⱁⰻⱎⱔ.
23:30
ⱅⱁⰳⰴⰰ ⱀⰰⱍⱏⱀⱘⱅⱏ ⰳⰾ҃ⰰⱅⰻ ⰳⱁⱃⰰⰿⱏ ⱂⰰⰴⱑⱅⰵ ⱀⰰ ⱀⱏⰹ. ⰺ ⱈⰾⱏⰿⱁⰿⱏ ⱂⱁⰽⱃⱏⰹⰻⱅⰵ ⱀⱏⰹ.
23:31
ⰸⰰⱀⰵ ⰰⱎⱅⰵ ⰲⱏ ⱄⱏⰹⱃⱑ ⰴⱃⱑⰲⱑ ⱄⰻ ⱅⰲⱁⱃⱔⱅⱏ. ⰲⱏ ⱄⱆⱄⱑ ⱍⱅⱁ ⰱⱘⰴⰵⱅⱏ ::
23:32
Ⰲⰵⰴⱑⰰⱈⱘ ⰶⰵ ⱄⱏ ⰻⱄ҃ⰿⱏ ⰻ ⰻⱀⰰ ⰴⱏⰲⰰ ⰸⱏⰾⱁⰴⱑⱑ ⱄⱏ ⱀⰻⰿⱐ ⱆⰱⰻⱅⱏ.
23:33
ⰺ ⰵⰳⰴⰰ ⱂⱃⰻⰴⱘ ⱀⰰ ⰿⱑⱄⱅⱁ ⱀⰰⱃⰻⱌⰰⰵⰿⱁⰵ ⰽⱃⰰⱀⰻⰵⰲⱁ. ⱅⱆ ⱂⱃⱁⱂⱔⱄⱔ ⰻ. ⰺ ⰸⱏⰾⱁⰴⱑⰰ ⱁⰲⱁⰳⱁ ⱆⰱⱁ ⱁ ⰴⰵⱄⱀⱘⱙ. ⰰ ⰴⱃⱆⰳⰰⰰⰳⱁ ⱁ ⱎⱘⱙⱘ.
23:34
ⰺⱄ҃ ⰶⰵ ⰳⰾ҃ⰰⰰⱎⰵ !ⱁⱅⱍⰵ ⱁⱅⱏⱂⱆⱄⱅⰻ ⰻⰿⱏ. ⱀⰵ ⰲⱑⰴⱔⱅⱏ ⰱⱁ ⱄⱔ ⱍⱏⱅⱁ ⱅⰲⱁⱃⱔⱅⱏ. ⱃⰰⰸⰴⱑⰾⱑⱙⱎⱅⰵ ⰶⰵ ⱃⰻⰸⱏⰹ ⰵⰳⱁ ⰿⰵⱅⰰⰰⱈⱘ ⰶⱃⱑⰱⰻⱗ.
23:35
ⰺ ⱄⱅⱁⱑⰰⱈⱘ ⰾⱓⰴⰻⰵ ⰸⱐⱃⱔⱎⱅⰵ. ⱂⱁⰴⱃⱑⰶⰰⰰⱈⱘ ⰶⰵ ⰻ ⰻ ⰽⱏⱀⱔⰷⰻ ⰳⰾ҃ⱙⱋⰵ ⱄⱏ ⱀⰻⰿⰻ. ⰺⱀⱏⰹ ⰵⱄⱅⱏ !ⱄⱏⱂⱄⰾⱏ ⰴⰰ ⱄⱂ҃ⱄⱅⱏ ⰻ ⱄⱔ. ⰰⱎⱅⰵ ⱄⱐ ⰵⱄⱅⱏ !ⱈⱏ ⱄⱀ҃ⱏ ⰱⰶ҃ⰻⰻ. ⰺⰸⰱⱏⱃⰰⱀⱏⰹ.
23:36
ⱃⱘⰳⰰⰰⱈⱘ ⰶⰵ ⱄⱔ ⰵⰿⱆ ⰻ ⰲⱁⰻⱀⰻ ⱂⱃⰻⱄⱅⱘⱂⰰⱙⱎⱅⰵ ⰻ ⱁⱌⰵⱅⱏ ⱂⱃⰻⰴⱑⱙⱎⱅⰵ ⰵⰿⱆ ⰻ
23:37
ⰳⰾ҃ⱙⱎⱅⰵ. ⰰⱎⱅⰵ ⱅⱏⰹ ⰵⱄⰻ ⱌⱄ҃ⱃⱐ ⰻⱓⰴⰵⰻⱄⰽⱏ ⱄⱂ҃ⱄⱔ ⱄⰰⰿⱏ.
23:38
ⰱⱑ ⰶⰵ ⰻ ⱀⰰⱂⰻⱄⰰⱀⰻⰵ ⱀⰰⱂⰻⱄⰰⱀⱁ ⱀⰰⰴⱏ ⱀⰻⰿⱏ. ⰽⱏⱀⰻⰳⰰⰿⰻ ⰵⰾⰻⱀⱏⱄⰽⰰⰿⰻ ⰻ ⱃⰻⰿⱏⱄⰽⰰⰿⰻ. ⰺ ⰵⰲⱃⰵⰻⱄⰽⰰⰿⰻ. ⱄⱐ ⰵⱄⱅⱏ ⱌⱄ҃ⱃⱏ ⰻⱓⰴⰵⰻⱄⰽⱏ.
23:39
Ⰵⰴⰻⱀⱏ ⰶⰵ ⱁⱅⱏ ⱁⰱⱑⱎⰵⱀⱆⱓ ⰸⱏⰾⱁⰴⱑⱙ ⱈⱆⰾⱑⰰⱎⰵ ⰻ ⰳⰾ҃ⱔ. ⰰⱎⱅⰵ ⱅⱏⰹ ⰵⱄⰻ !ⱈⱏ ⱄⱂ҃ⱄⱔ ⱄⰰⰿⱏ ⰻ ⱀⱏⰹ.
23:40
ⱁⱅⱏⰲⱑⱎⱅⰰⰲⱏ ⰶⰵ ⰴⱃⱆⰳⱏⰹ ⱂⱃⱑⱎⱅⰰⰰⱎⰵ ⰵⰿⱆ ⰳⰾ҃ⱔ. ⱀⰻ ⰾⰻ ⱅⱏⰹ ⰱⱁⰻⱎⰻ ⱄⱔ ⰱ҃ⰰ.
23:40
ⱑⰽⱁ ⰲⱏ ⱅⱁⰿⱐⰶⰴⰵ ⱁⱄⱘⰶⰴⰵⱀⰻⰻ ⰵⱄⰻ.
23:41
ⰺ ⰲⱑ ⱆⰱⱁ ⰲⱏ ⱂⱃⰰⰲⱏⰴⱘ ⰴⱁⱄⱅⱁⰻⱀⰰⰰ ⰱⱁ ⰴⱑⰾⱁⰿⱏ ⱀⰰⱓ ⰲⱏⱄⱂⱃⰻⰵⰿⰾⰵⰲⱑ. ⰰ ⱄⱐ ⱀⰻⱍⱐⱄⱁⰶⰵ ⰸⱏⰾⰰ ⱀⰵ ⱄⱏⱅⰲⱁⱃⰻ.
23:42
ⰺ ⰳⰾ҃ⰰⰰⱎⰵ ⰻⱄ҃ⰲⰻ ⱂⱁⰿⱑⱀⰻ ⰿⱔ ⰳ҃ⰻ. ⰵⰳⰴⰰ ⱂⱃⰻⰴⰵⱎⰻ ⰲⱏ ⱌⱄ҃ⱃⱄⱅⰲⰻⰻ ⱅⰲⱁⰵⰿⱐ.
23:43
ⰺ ⱃⰵⱍⰵ ⰵⰿⱆ ⰻⱄ҃ⱏ ⰰⰿⰻⱀⱐ ⰳⰾ҃ⱙ ⱅⰵⰱⱑ. ⰴⱐⱀⰵⱄⱐ ⱄⱏ ⰿⱏⱀⱁⱙ ⰱⱘⰴⰵⱎⰻ ⰲⱐ ⱃⰰⰻ.
23:44
ⰱⱑ ⰶⰵ ⱑⰽⱁ ⰳⱁⰴⰻⱀⰰ ⱎⰵⱄⱅⰰⰰ. ⰺ ⱅⱏⰿⰰ ⰱⱏⰹⱄⱅⱏ ⱂⱁ ⰲⱐⱄⰵⰻ ⰸⰵⰿⰻ ⰴⱁ ⰳⱁⰴⰻⱀⱏⰹ ⰴⰵⰲⱔⱅⱏⰹⱗ.
23:45
ⰻ ⱂⱁⰿⱃⱏⱍⰵ ⱄⰾⱏⱀⱐⱌⰵ. ⰺ ⰽⰰⱅⰰⱂⰵⱅⰰⰸⰿⰰ !ⱌⱃⰽⰲⱀⰰⱑ ⱃⰰⰸⰴⱏⱃⰰ ⱄⱔ ⱀⰰ ⰴⱏⰲⱁⰵ.
23:46
ⰺ ⰲⱏⰸⰳⰾⰰⱎⱏ ⰳⰾⰰⱄⱁⰿⱐ ⰲⰵⰾⰻⰵⰿⱐ ⰻⱄ҃ⱏ. ⱃⰵⱍⰵ. ⱁⱅⱐⱍⰵ ⰲⱏ ⱃⱘⱌⱑ ⱅⰲⱁⰻ ⱂⱃⱑⰴⰰⱙ ⰴⱈ҃ⱏ ⰿⱁⰻ. ⰺ ⱄⰵ ⱃⰵⰽⱏ ⰻⰸⰴⱏⱎⰵ.
23:47
Ⰲⰻⰴⱑⰲⱏ ⰶⰵ ⱄⱏⱅⱐⱀⰻⰽⱏ ⰱⱏⰹⰲⱏⱎⰵⰵ ⱂⱃⱁⱄⰾⰰⰲⰻ ⰱ҃ⰰ ⰳⰾ҃ⱔ. ⰲⱏ ⰹⱄⱅⰻⱀⱘ ⱍⰾⰲ҃ⰽ ⱄⱐ ⱂⱃⰰⰲⱐⰴⰵⱀⱐ ⰱⱑ.
23:48
ⰺ ⰲⱐⱄⰻ ⱂⱃⰻⱎⰵⰴⱏⱎⰵⰻ ⱀⰰⱃⱁⰴⰻ ⱀⰰ ⱂⱁⰸⱁⱃⱏ ⱄⱐ. ⰲⰻⰴⱔⱎⱅⰵ ⰱⱏⰹⰲⰰⱙⱎⱅⰰⰰ. ⰱⰻⱙⱎⱅⰵ ⱂⱃⱏⱄⰻ ⱄⰲⱁⱗ ⰲⱏⰸⰲⱃⰰⱎⱅⰰⰰⱈⱘ ⱄⱔ.
23:49
ⱄⱅⱁⱑⰰⱈⱘ ⰶⰵ ⰲⱐⱄⰻ ⰸⱀⰰⰵⰿⰻⰻ ⰵⰳⱁ ⰻⰸ ⰴⰰⰾⰵⱍⰵ. ⰺ ⰶⰵⱀⱏⰹ ⰲⱏⱎⰵⰴⱏⱎⱔⱗ ⱄⱏ ⱀⰻⰿⱏ ⱁⱅⱏ ⰳⰰⰾⰻⰾⰵⱗ ⰸⱐⱃⱔⱎⱅⱔ ⱄⰻⱈⱏ. :: ⰽ!ⱌ ::
23:50
ⰺ ⱄⰵ ⰿⱘⰶⱐ ⰺⰿⰵⱀⰵⰿⱐ ⰻⱁⱄⰻⱇⱏ. ⱄⱏⰲⱑⱅⱐⱀⰻⰽⱏ ⱄⱏⰹ. ⰿⱘⰶⱏ ⰱⰾⰰⰳⱏ ⰻ ⱂⱃⰰⰲⱐⰴⰵⱀⱏ.
23:51
ⱄⱐ ⱀⰵ ⰱⱑ ⱂⱃⰻⱄⱅⰰⰾⱏ ⱄⱏⰲⱑⱅⱑ ⰻ ⰴⱑⰾⱑ ⰻⱈⱏ. ⱁⱅⱏ ⰰⱃⰻⰿⰰⱅⱑⱗ. ⰳⱃⰰⰴⰰ ⰻⱓⰴⰵⰻⱄⰽⰰ. ⰺⰶⰵ ⱍⰰⰰⱎⰵ ⰻ ⱅⱏ !ⱌⱄⰰⱃⰵⱄⱅⰲⰻⱑ ⰱⰶ҃ⰻⱑ.
23:52
ⱄⱐ ⱂⱃⰻⱄⱅⱘⱂⱐ ⰽⱏ ⱂⰻⰾⰰⱅⱆ ⰻⱄⱂⱃⱁⱄⰻ ⱅⱑⰾⱁ ⰻⱄ҃ⰲⱁ.
23:53
ⰺ ⱄⱏⱀⰵⰿⱏ ⰵ ⱁⰱⰻⱅⱏ ⰵ ⱂⰾⰰⱎⱅⰰⱀⰻⱌⰵⱙ. ⰺ ⱂⱁⰾⱁⰶⰻ ⰵ ⰲⱏ ⰳⱃⱁⰱⱑ ⰻⱄⱑⱍⰵⱀⱑ. ⰲⱏ ⱀⰵⰿⱐⰶⰵ ⱀⰵ ⰱⱑ ⱀⰻⰽⱏⱅⱁⰶⰵ ⱀⰻⰽⱁⰳⰴⰰⰶⰵ ⱂⱁⰾⱁⰶⰵⱀⱏ.
23:54
ⰺ ⰴⱐⱀⱐ ⰱⱑ ⱂⰰⱃⰰⱄⰽⰵⰲⱐⰼⰻ. ⰺ ⱄⱁⰱⱁⱅⰰ ⱄⰲⰻⱅⰰⰰⱎⰵ.
23:55
ⰲⱏ ⱄⰾⱑⰴⱏ ⰶⰵ ⱎⰵⰴⱏⱎⱔ ⰶⰵⱀⱏⰹ. ⱗⰶⰵ ⰱⱑⰰⱈⱘ ⱂⱃⰻⱎⱏⰾⱏⰹ ⱄⱏ ⱀⰻⰿⱐ ⱁⱅⱏ ⰳⰰⰾⰻⰾⰵⱗ. ⰲⰻⰴⱑⱎⱔ ⰳⱃⱁⰱⱏ ⰻ ⱑⰽⱁ ⱂⱁⰾⱁⰶⰵⱀⱁ ⰱⱏⰹⱄⱅⱏ ⱅⱑⰾⱁ ⰵⰳⱁ.
23:56
ⰲⱏⰸⰲⱃⰰⱎⱅⱐⱎⱔ ⰶⰵ ⱄⱔ ⱆⰳⱁⱅⱁⰲⰰⱎⱔ ⰰⱃⱁⰿⰰⱅⱏⰹ. ⰺ ⰿⱛⱃⱁ. ⰺ ⰲⱏ ⱄⱁⰱⱁⱅⱘ ⱆⰱⱁ ⱆⰿⰾⱏⱍⰰⱎⱔ ⱂⱁ ⰸⰰⱂⱁⰲⱑⰴⰻ ::