ЕВАНГЕЛИЕ ЕЖЕ Ѿ ЛОУКꙐ
22:1
Ⱂⱃⰻⰱⰾⰻⰶⰰⰰⱎⰵ ⰶⰵ ⱄⱔ ⱂⱃⰰⰸⰴⱐⱀⰻⰽⱏ ⱁⱂⱃⱑⱄⱀⱁⰽⱏ. ⱀⰰⱃⰻⱌⰰⰵⰿⱏⰹ ⱂⰰⱄⱈⰰ.
22:2
ⰺ ⰻⱄⰽⰰⰰⱈⱘ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱐⱀⰻⱌⰻ ⰽⰰⰽⱁ ⰻ ⰱⱘ ⱆⰱⰻⰾⰻ. ⰱⱁⱑⰰⱈⱘ ⰱⱁ ⱄⱔ ⰾⱓⰴⰻⰻ. ::
22:3
Ⰲⱐⱀⰻⰴⰵ ⰶⰵ ⱄⱁⱅⱁⱀⰰ ⰲⱏⰹ ⰻⱓⰴⱘ. ⱀⰰⱃⰻⱌⰰⰵⰿⰰⰰⰳⱁ ⰻⱄⰽⰰⱃⰻⱁⱅⱏ. ⱄⱘⱋⰰ ⱁⱅⱏ ⱍⰻⱄⰾⰰ ⱁⰱⱁⱓ ⱀⰰ ⰴⰵⱄⱔⱅⰵ.
22:4
ⰺ ⱎⰵⰴⱏ ⰳⰾ҃ⰰ ⰰⱃⱈⰻⰵⱃⰵⱁⰿⱏ ⰻ ⰲⱁⰵⰲⱁⰴⰰⰿⱏ. ⰽⰰⰽⱁ ⰻⰿⱏ ⱂⱃⱑⰴⰰⱄⱅⱏⰹ ⰻ.
22:5
ⰻ ⰲⱏⰸⰴⱃⰰⰴⱁⰲⰰⱎⱔ ⱄⱔ. ⰻ ⱄⱏⰲⱑⱎⱅⰰⱎⱔ ⰵⰿⱆ ⰴⰰⱅⰻ ⱄⱏⱃⰵⰱⱃⱁ
22:6
ⰻ ⰻⱄⱂⱁⰲⱑⰴⱑ. ⰺ҅ ⰻⱄⰽⰰⰰⱎⰵ ⱂⱁⰴⱁⰱⱏⱀⰰ ⰲⱃⱑⰿⰵⱀⰵ ⰴⰰ ⰻ ⱂⱃⱑⰴⰰⱄⱅⱏ ⰻⰿⱏ ⰱⰵⰸ ⱀⰰⱃⱁⰴⰰ ::
22:7
Ⱂⱃⰻⰴⰵ ⰶⰵ ⰴⱐⱀⱐ !ⱁⱂⱃⱑⱄⱀⱐⰽⱏ. ⰲⱐ ⱀⱐⰶⰵ ⱂⱁⰴⱁⰱⱏⱀⱁ ⰱⱑ ⰶⱃⱏⱅⰻ ⱂⰰⱄⱈⱘ.
22:8
ⰻ ⱂⱁⱄⱏⰾⰰ ⱂⰵⱅⱃⰰ ⰻ ⰻⱁⰰⱀⰰ. ⱃⰵⰽⱏ. ⱎⰵⰴⱏⱎⰰ ⱆⰳⱁⱅⱁⰲⰰⰻⱅⰰ ⱀⰰⰿⱏ ⱂⰰⱄⱈⱘ ⰴⰰ ⱑⰿⱏ.
22:9
ⱁⱀⰰ ⰶⰵ ⱃⱑⱄⱅⰵ ⰵⰿⱆ. ⰽⱏⰴⰵ ⱈⱁⱎⱅⰵⱎⰻ ⰴⰰ ⱆⰳⱁⱅⱁⰲⰰⰵⰲⱑ.
22:10
ⱁⱀⱏ ⰶⰵ ⱃⰵⱍⰵ ⰻⰿⰰ. ⱄⰵ ⰲⱏⱎⰵⰴⱏⱎⰵⰿⰰ ⰲⰰⰿⰰ ⰲⱏ ⰳⱃⰰⰴⱏ. ⱄⱏⱃⱔⱎⱅⰵⱅⱏ ⰲⱏⰹ ⱍⰾ҃ⰽⱏ. ⰲⱏ ⱄⰽⱘⰴⱐⰾⱐⱀⰻⱌⱑ ⰲⱁⰴⱘ ⱀⱁⱄⱔ. ⱂⱁ ⱀⰵⰿⱐ ⰻⰴⱑⱅⰰ ⰲⱏ ⰴⱁⰿⱏ ⰲⱐ ⱀⱐⰶⰵ ⰲⱏⱈⱁⰴⰻⱅⱏ.
22:11
ⰻ ⱃⰵⱍⰵⱅⰰ ⰳⱀ҃ⱆ ⰴⱁⰿⱆ. ⰳⰾ҃ⰵⱅⱏ ⱅⰵⰱⱑ ⱆⱍⰻⱅⰵⰾⱐ. ⰽⱏⰴⰵ ⰵⱄⱅⱐ ⱁⰱⰻⱅⱑⰾⱐ ⰻⰴⰵⰶⰵ ⱂⰰⱄⱈⱁ ⱄⱏ ⱆⱍⰵⱀⰻⰽⱏⰹ ⰿⱁⰻⰿⰻ ⱄⱏⱀⱑⰿⱐ.
22:12
ⰺ ⱅⱏ ⰲⰰⰿⰰ ⱂⱁⰽⰰⰶⰵⱅⱏ ⰳⱁⱃⱐⱀⰻⱌⱘ ⰲⰵⰾⰻⱙ ⱂⱁⱄⱅⱏⰾⰰⱀⱘ. ⰻ ⱅⱆ ⱆⰳⱁⱅⱁⰲⰰⰻⱅⰰ.
22:13
ⱎⱐⰴⱏⱎⰰ ⰶⰵ ⱁⰱⱃⱑⱅⰵⱅⰵ ⱑⰽⱁⰶⰵ ⱃⰵⱍⰵ ⰻⰿⰰ. ⰺ ⱆⰳⱁⱅⱁⰲⰰⱄⱅⰵ ⱂⰰⱄⱈⰰ.
22:14
ⰺ ⰵⰳⰴⰰ ⰱⱏⰹⱄⱅⱏ ⰳⱁⰴⰻⱀⰰ ⰲⱏⰸⰾⰵⰶⰵ. ⰻ ⱁⰱⰰ ⱀⰰ ⰴⰵⱄⱔⱅⰵ !ⰰⱂⱁⱄⱅⰾⰰ ⱄⱏ ⱀⰻⰿⱏ.
22:15
ⰻ ⱃⰵⱍⰵ ⰽⱏ ⱀⰻⰿⱐ. ⰶⰵⰾⱑⱀⰻⰵⰿⱐ ⱄⰵ ⰲⱏⰶⰴⰵⰾⱑⱈⱏ. ⱂⰰⱄⱈⰰ ⱑⱄⱅⰻ ⱄⱏ ⰲⰰⰿⰻ. ⱂⱃⱑⰶⰴⰵ ⰴⰰⰶⰵ ⱀⰵ ⱂⱃⰻⰻⰿⱁ ⰿⱘⰽⱏⰹ.
22:16
ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⱁⱅⱏ ⱄⰵⰾⱑ ⱀⰵ ⰻⰿⰰⰿⱏ ⱑⱄⱅⰻ ⱁⱅⱏ ⱀⰵⰳⱁ. ⰴⱁⱀⱐⰴⰵⰶⰵ ⰽⱁⱀⱐⱍⰰⰰⱅⱏ ⱄⱔ. ⰲⱏ ⱌⱄ҃ⱃⱄⱅⰲⰻⰻ ⰱⰶ҃ⰻ.
22:17
ⰻ ⱂⱃⰻⰻⰿⱏ ⱍⰰⱎⱘ ⱈⰲⰰⰾⱘ ⰲⱏⰸⰴⰰⰲⱏ ⱃⰵⱍⰵ. ⱂⱃⰻⰻⰿⱑⱅⰵ ⱄⰵ ⰻ ⱃⰰⰸⰴⱑⰾⰻⱅⰵ ⱄⰵⰱⱑ.
22:18
ⰳⰾ҃ⱙ ⰱⱁ ⰲⰰⰿ[ⰰ]. ⱁⱅⱏ ⱄⰵⰾⱑ ⱀⰵ ⰻⰿⰰⰿⱏ ⱂⰻⱅⰻ ⱁⱅⱏ ⱂⰾⱁⰴⰰ ⰾⱁⰸⱏⱀⰰⰳⱁ. ⰴⱁⰻⰴⰵⰶⰵ ⱌⱄ҃ⱃⰵⱄⱅⰲⰻⰵ ⰱⰶ҃ⰻⰵ ⱂⱃⰻⰴⰵⱅⱏ.
22:19
ⰺ ⱂⱃⰻⰻⰿⱏ ⱈⰾⱑⰱⱏ ⱈⰲⰰⰾⱘ ⰲⱏⰸⰴⰰⰲⱏ ⱂⱃⱑⰾⱁⰿⰻ. ⰻ ⰴⰰⱄⱅⱏ ⰻⰿⱏ ⰳⰾ҃ⱔ. ⱄⰵ ⰵⱄⱅⱏ ⱅⱑⰾⱁ ⰿⱁⰵ ⰴⰰⰵⰿⱁⰵ ⰸⰰ ⰲⱏⰹ. ⱄⰵ ⱅⰲⱁⱃⰻⱅⰵ ⰲⱏ ⰿⱁⱙ ⱂⰰⰿⱔⱅⱐ.
22:20
ⰺ ⱍⰰⱎⱘ ⱅⰰⰽⱁⰶⰴⰵ ⱂⱁ ⰲⰵⱍⰵⱃⱑⱀⰻⰻ ⰳⰾ҃ⱔ. ⱄⰻ ⱍⰰⱎⰰ ⱀⱁⰲⱏⰹ ⰸⰰⰲⱑⱅⱏ ⰿⱁⰵⱙ ⰽⱃⱏⰲⰻⱙ. ⱑⰶⰵ ⰸⰰ ⰲⱏⰹ ⱂⱃⱁⰾⱑⰰⱅⱏ ⱄⱔ.
22:21
Ⱁⰱⰰⱍⰵ ⱄⰵ ⱃⱘⰽⰰ ⱂⱃⱑⰴⰰⱙⱎⱅⰰⰰⰳⱁ ⰿⱔ ⱄⱏ ⰿⱏⱀⱁⱙ ⰵⱄⱅⱏ ⱀⰰ ⱅⱃⰰⱂⰵⰸⱑ.
22:22
ⰺ ⱄⱀ҃ⱏ ⱆⰱⱁ ⱍⰾⱍ҃ⱐⱄⰽⱏⰹ ⱂⱁ ⱀⰰⱃⰵⱍⰵⱀⱆⰿⱆ ⰻⰴⰵⱅⱏ. ⱁⰱⰰⱍⰵ ⰳⱁⱃⰵ ⱍⰾⰲ҃ⰽⱆ ⱅⱁⰿⱆ. ⰻⰿⱐⰶⰵ ⱂⱃⱑⰴⰰⱀⱏ ⰱⱘⰴⰵⱅⱏ.
22:23
ⰺ ⱅⰻ ⱀⰰⱍⱔⱄⱔ ⰻⱄⰽⰰⱅⰻ ⰲⱐ ⱄⰵⰱⱑ. ⰽⱁⱅⱁⱃⱏⰹ ⱆⰱⱁ ⰱⱘⰴⰵⱅⱏ ⱁⱅⱏ ⱀⰻⱈⱏ. ⱈⱁⱅⱔⰻ ⱄⱏⱅⰲⱁⱃⰻⱅⰻ ⱄⰵ.
22:24
ⰱⱏⰹⱄⱅⱏ ⰶⰵ ⰻ ⱂⱐⱃⱑ ⰲⱐ ⰻⱈⱏ ⰽⱏⰹⰻ ⰿⱏⱀⰻⱅⱏ ⱄⱔ [ⰻⱈⱐ] ⰱⱏⰹⱅⰻ ⰱⱁⰾⰵⰻ
22:25
ⱁⱀⱏ ⰶⰵ ⱃⰵⱍⰵ ⰻⰿⱏ. ⱌⱄ҃ⱃⰵ !ⱗⰸⰽⱏ ⱆⱄⱅⱁⱗⱅⱏ ⰻⰿⱏ. ⰻ ⱁⰱⰾⰰⰴⰰⱙⱎⱅⰵ ⰻⰿⰻ ⰱⰾⰰⰳⱁⰴⰰⱅⰵⰾⰵ ⱀⰰⱃⰻⱌⰰⱙⱅⱏ ⱄⱔ.
22:26
ⰲⱏⰹ ⰶⰵ ⱀⰵ ⱅⰰⰽⱁ. ⱀⱏ ⰱⱁⰾⰻⰻ ⰲⰰⱄⱏ ⰴⰰ ⰱⱘⰴⰵⱅⱏ ⱑ҅ⰽⱁ ⰿⱐⱀⰻⰻ. ⰺ ⱄⱅⰰⱃⱑⰻ ⱑⰽⱁ ⱄⰾⱆⰶⱔ.
22:27
ⰽⱏⰹ ⰱⱁ ⰱⱁⰾⰻⰻ ⰲⱏⰸⰾⰵⰶⱔⰻ ⰾⰻ ⰻⰾⰻ ⱄⰾⱆⰶⱔⰻ. ⱀⰵ ⰲⱐⰸⰾⰵⰶⱔⰻ ⰾⰻ. ⰰⰸⱏ ⰶⰵ ⱂⱁ ⱄⱃⱑⰴⱑ ⰲⰰⱄⱏ ⰵⱄⰿⱐ ⱑⰽⱁ ⱄⰾⱆⰶⱔⰻ.
22:28
ⰲⱏⰹ ⰶⰵ ⰵⱄⱅⰵ ⱂⱃⱑⰱⱏⰹⰲⱏⱎⰵⰻ ⱄⱏ ⰿⱏⱀⱁⱙ ⰲⱏ ⱀⰰⱂⰰⱄⱅⰵⱈⱏ ⰿⱁⰻⱈⱏ.
22:29
ⰺ ⰰⰸⱏ ⰸⰰⰲⱑⱎⱅⰰⰲⰰⱙ ⰲⰰⰿⱏ. ⱑⰽⱁⰶⰵ ⰸⰰⰲⱑⱎⱅⰰ ⰿⱐⱀⱑ ⱁⱅ҃ⱌⱏ ⰿⱁⰻ. ⱌⱄ҃ⱃⱄⱅⰲⱁ.
22:30
ⰴⰰ ⱑⱄⱅⰵ ⰻ ⱂⰻⰵⱅⰵ ⱀⰰ ⱅⱃⰰⱂⰵⰸⱑ ⰿⱁⰵⰻ. ⰲⱏ ⱌⱄ҃ⱃⱄⱅⰲⰻⰻ ⰿⱁⰵⰿⱐ. ⰺ ⱄⱔⰴⰵⱅⰵ ⱀⰰ ⱂⱃⱑⱄⱅⱁⰾⱑⱈⱏ. ⱄⱘⰴⱔⱎⱅⰵ ⱁⰱⱑⰿⰰ ⱀⰰ ⰴⰵⱄⱔⱅⰵ ⰽⱁⰾⱑⱀⱁⰿⰰ ⰻⰸⰴⱃⰰⰻⰾⰵⰲⱁⰿⰰ ::
22:31
Ⱃⰵⱍⰵ ⰶⰵ ⰳ҃ⱏ ⱄⰻⰿⱁⱀⰵ ⱄⰻⰿⱁⱀⰵ ⱄⰵ ⱄⱁⱅⱁⱀⰰ ⱂⱃⱁⱄⰻⱅⱏ ⰲⰰⱄⱏ ⰴⰰ ⰱⰻ ⱄⱑⰾⱏ ⱑⰽⱁ ⱂⱎⰵⱀⰻⱌⱘ.
22:32
ⰰⰸⱏ ⰶⰵ ⰿⱁⰾⰻⱈⱏ ⱄⱔ ⱁ ⱅⰵⰱⱑ ⰴⰰ ⱀⰵ ⱁⱄⰽⱘⰴⱑⰰⱅⱏ ⰲⱑⱃⰰ ⱅⰲⱁⱑ. ⰺ ⱅⱏⰹ ⱀⱑⰽⱏⰳⰴⰰ ⱁⰱⱃⰰⱎⱅⱏ ⱄⱔ ⱆⱅⰲⱃⱏⰴⰻ ⰱⱃⰰⱅⱃⰻⱙ ⱅⰲⱁⱙ.
22:33
ⱁⱀⱏ ⰶⰵ ⱃⰵⱍⰵ ⰿⱆ ⰳ҃ⰻ ⱄⱏ ⱅⱁⰱⱁⱙ ⰳⱁⱅⱁⰲⱏ ⰵⱄⰿⱏ ⰻ ⰲⱏ ⱅⰵⰿⱐⱀⰻⱌⱘ ⰻ ⰲⱏ ⱄⱏⰿⱃⱏⱅⱐ ⰻⱅⰻ.
22:34
ⱁⱀⱏ ⰶⰵ ⱃⰵⱍⰵ ⰳⰾ҃ⱙ ⱅⰻ ⱂⰵⱅⱃⰵ. ⱀⰵ ⰲⱏⰸⰳⰾⰰⱄⰻⱅⱏ ⰽⱁⰽⱁⱅⱏ ⰴⱐⱀⰵⱄⱐ. ⰴⱁⰻⰴⰵⰶⰵ ⱅⱃⰻ ⰽⱃⰰⱅⱏⰹ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ. ⱀⰵ ⰲⱑⰴⱑⱅⰻ.
22:35
ⰻ ⱃⰵⱍⰵ ⰻⰿⱏ ⰵⰳⰴⰰ ⱂⱁⱄⱏⰾⰰⱈⱏ ⰲⱏⰹ ⰱⰵⰸ ⰲⱏⰾⰰⰳⰰⰾⰻⱎⱅⰰ. ⰺ ⰱⰵⱄ ⱂⰻⱃⱏⰹ. ⰺ ⰱⰵ ⱄⰰⱂⱁⰳⱏ. ⰵⰴⰰ ⱍⰵⱄⱁ ⰾⰻⱎⰵⱀⰻ ⰱⱏⰹⱄⱅⰵ. ⱁⱀⰻ ⰶⰵ ⱃⱑⱎⱔ ⱀⰻⱍⰵⱄⱁⰶⰵ.
22:36
ⱃⰵⱍⰵ ⰶⰵ ⰻⰿⱏ ⱀⱏ ⱀⱏⰹⱀⱑ ⰻⰶⰵ ⰻⰿⰰⱅⱏ ⰲⱏⰾⰰⰳⰰⰾⰻⱎⱅⰵ ⰴⰰ ⰲⱏⰸⱐⰿⰵⱅⱏ ⱅⰰⰽⱁⰶⰴⰵ ⰻ ⱂⰻⱃⱁ. ⰺ ⰻⰶⰵ ⱀⰵ ⰻⰿⰰⱅⱏ ⰴⰰ ⱂⱃⱁⰴⰰⱄⱅⱏ ⱃⰻⰸⱁ ⱄⰲⱁⱙ ⰻ ⰽⱆⱂⰻⱅⱏ ⱀⱁⰶⱏ.
22:37
ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⰵⱎⱅⰵ ⱂⰻⱄⰰⱀⱁⰵ ⱄⰵ ⱂⱁⰴⱁⰱⰰⰰⱅⱏ ⰴⰰ ⱄⱏⰽⱁⱀⱐⱍⰰⰰⱅⱏ ⱄⱔ ⱁ ⰿⱐⱀⱑ. ⰵⰶⰵ ⰻ ⱄⱏ ⰱⰵⰸⰰⰽⱁⱀⱐⱀⰻⰽⱏⰹ ⰲⱏⰿⱑⱀⰻ ⱄⱔ. ⰺⰱⱁ ⰵⰶⰵ ⱁ ⰿⱐⱀⱑ ⰽⱁⱀⱐⱍⰻⱀⱁ ⰻⰿⰰⱅⱏ ::
22:38
ⱁⱀⰻ ⰶⰵ ⱃⱑⱎⱔ ⰳ҃ⰻ ⱄⰵ ⱀⱁⰶⰰ ⱄⱏⰴⰵ ⰴⱏⰲⰰ. Ⱁ҅ⱀⱏ ⰶⰵ ⱃⰵⱍⰵ ⰻⰿⱏ ⰴⱁⰲⱁⰾⱐⱀⱁ ⰵⱄⱅⱏ.
22:39
ⰺ ⰻⱎⰵⰴⱏ ⰻⰴⰵ ⱂⱁ ⱁⰱⱏⰹⱍⰰⱓ ⰲⱏ ⰳⱁⱃⱘ ⰵⰾⰵⱁⱀⱏⱄⰽⱘ. ⱂⱁ ⱀⰵⰿⱐⰶⰵ ⰻⰴⱘ ⱆⱍⰵⱀⰻⱌⰻ ⰵⰳⱁ.
22:40
Ⰱⱏⰹⰲⱏ ⰶⰵ ⱀⰰ ⰿⱑⱄⱅⱑ ⱃⰵⱌⰵ ⰻⰿⱏ. ⰿⱁⰾⰻⱅⰵ ⱄⱔ ⰴⰰ ⱀⰵ ⰲⱏⱀⰻⰴⰵⱅⰵ ⰲⱏ ⱀⰰⱂⰰⱄⱅⱐ.
22:41
ⰺ ⱄⰰⰿⱏ ⱁⱄⱅⱘⱂⰻ ⱁⱅⱏ ⱀⰻⱈⱏ. ⱑⰽⱁ ⰱⱃⱏⰶⰵⱀⰻⰵ ⰽⰰⰿⰵⱀⰻ. ⰻ ⱂⱁⰽⰾⱁⱀⱐ ⰽⱁⰾⱑⱀⱑ ⰿⱁⰾⱑⰰⱎⰵ ⱄⱔ
22:42
ⰳⰾ҃ⱔ :: !ⱁⱅⱍⰵ ⰰⱋⰵ ⰱⱁⰾⰻⱎⰻ ⰿⰹⰿⱁ ⱀⰵⱄⰻ ⱍⰰⱎⱘ ⱄⰻⱙ ⱁⱅⱏ ⰿⰵⱀⰵ. ⱁⰱⰰⱍⰵ ⱀⰵ ⰿⱁⱑ ⰲⱁⰾⱑ ⱀⱏ ⱅⰲⱁⱑ ⰴⰰ ⰱⱘⰴⰵⱅⱏ.
22:43
ⰰⰲⰻ ⰶⰵ ⱄⱔ ⰵⰿⱆ ⰰⱀⰼ҃ⰾⱏ. ⱄ ⱀⰱ҃ⱄⰵ ⱆⰽⱃⱑⱂⰾⱑⱗ ⰻ.
22:44
ⰺ ⰱⱏⰹⰲⱏ ⰲⱏ ⱂⱁⰴⰲⰻⰷⱑ. ⱂⱃⰻⰾⰵⰶⱐⱀⱑⰵ ⰿⱁⰾⱑⰰⱎⰵ ⱄⱔ. ⰺ ⰱⱏⰹⱄⱅⱏ ⱂⱁⱅⱏ ⰵⰳⱁ ⱑⰽⱁ ⰻ ⰽⰰⱂⰾⱔ ⰽⱃⱏⰲⰵ. ⰽⰰⱂⰾⱙⱎⱅⱔ ⱀⰰ ⰸⰵⰿⰾⱙ.
22:45
ⰺ ⰲⱏⱄⱅⰰⰲⱏ ⱁⱅⱏ ⰿⱁⰾⰻⱅⰲⱏⰹ ⱂⱃⰻⱎⰵⰴⱏ ⰽⱏ ⱆⱍⰵⱀⰻⰽⱁⰿⱏ ⱁⰱⱃⱑⱅⰵ ⱗ ⱄⱏⱂⱔⱎⱅⱔ ⱁⱅⱏ ⱂⰵⱍⰰⰾⰻ.
22:46
ⰻ ⱃⰵⱍⰵ ⰻⰿⱏ ⱍⱏ{ⱍ}ⱅⱁ ⱄⱏⱂⰻⱅⰵ ⰲⱏⱄⱅⰰⰲⱏⱎⰵ ⱂⱁⰿⱁⰾⰻⱅⰵ ⱄⱗ ⰴⰰ ⱀⰵ ⰲⱏⱀⰻⰴⰵⱅⰵ ⰲⱏ ⱀⰰⱂⰰⱄⱅⱏ ::
22:47
Ⰵⱋⰵ ⰶⰵ ⰵⰿⱆ ⰳⰾ҃ⱙⱎⱅⱓ. ⱄⰵ ⱀⰰⱃⱁⰴⱏ ⰻ ⱀⰰⱃⰻⱌⰰⰵⰿⱏⰹ ⰻⱓⰴⰰ. ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ ⱂⱃⱑⰴⱏ ⱀⰻⰿⰻ ⰻⰴⱑⰰⱎⰵ. ⰻ ⱂⱃⰻⱄⱅⱘⱂⰻ ⰽⱏ ⰹⱄ҃ⰲⰻ ⰾⱁⰱⱏⰸⰰⱅⱏ ⰵⰳⱁ. ⱄⰵ ⰱⱁ ⰱⱑ ⰸⱀⰰⰿⰵⱀⰻⰵ ⰴⰰⰾⱏ ⰻⰿⱏ. ⰵⰳⱁⰶⰵ ⰾⱁⰱⱏⰶⱁ ⱅⱏ ⰵⱄⱅⱏ.
22:48
ⰺⱄ҃ ⰶⰵ ⱃⰵⱍⰵ ⰵⰿⱆ ⰻⱓⰴⱁ ⰾⱁⰱⱏⰸⰰⱀⰻⰵⰿⱐ ⰾⰻ ⱄⱀ҃ⰰ !ⱍⰾⱄⰽⰰⰰⰳⱁ ⱂⱃⱑⰴⰰⰵⱎⰻ.
22:49
ⰲⰻⰴⱑⰲⱏⱎⰵ ⰶⰵ ⰻ ⰻⰶⰵ ⰱⱑⰰⱈⱘ ⱁ ⱀⰵⰿⱐ. ⰱⱏⰹⰲⰰⰵⰿⱁⰵ ⱃⱑⱎⱔ ⰵⰿⱆ ⰳ҃ⰻ ⰰⱋⰵ ⱆⰴⰰⱃⰻⰿⱏ ⱀⱁⰶⰵⰿⱏ.
22:50
ⰺ ⱆⰴⰰⱃⰻ ⰵⰴⰻⱀⱏ ⱀⱑⰽⱏⰹ ⱁⱅⱏ ⱀⰻⱈⱏ ⰰⱃⱈⰻⰵⱃⰵⱁⰲⰰ ⱃⰰⰱⰰ. ⰺ ⱁⱅⱏⱃⱑⰸⰰ ⰵⰿⱆ ⱁ[ⱏⰹ]ⱈⱁ ⰴⰵⱄⱀⱁⰵ.
22:51
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ. ⱁⱄⱅⰰⰲⰻⱅⰵ ⰴⱁ ⱄⰵⰳⱁ. ⰻ ⰽⱁⱄⱀⱘⰲⱏ ⰲⱏ ⱆⱈⱁ ⰵⰳⱁ ⰻⱄⱌⱑⰾⰻ ⰻ҅.
22:52
ⱃⰵⱍⰵ ⰶⰵ ⰻⱄ҃ ⰽⱏ ⱂⱃⰻⱎⰵⰴⱏⱎⰻⰿⱏ ⱀⰰ ⱀⱐ ⰰⱃⱈⰻⰵⱃⰵⱁⰿⱏ. ⰺ ⱄⱅⱃⰰⱅⰻⰳⱁⰿⱏ !ⱌⱃⰽⰲⱀⱏⰹⰿⱏ. ⰻ ⱄⱅⰰⱃⱐⱌⰵⰿⱏ. ⱑⰽⱁ ⱀⰰ ⱃⰰⰸⰱⱁⰻⱀⰻⰽⱏ ⰾⰻ ⱂⱃⰻⰴⰵⱅⰵ ⱄⱏ ⱁⱃⱘⰶⰻⰵⰿⱐ ⰻ ⰴⱃⱏⰽⱁⰾⱐⰿⰻ.
22:53
ⱂⱁ ⰲⱐⱄⱔ ⰴⱐⱀⰻ ⱄⱘⱋⱓ ⰿⰻ ⱄⱏ ⰲⰰⰿⰻ ⰲⱏ !ⱌⱃⰽⰲⰵ. ⱀⰵ ⱂⱃⱁⱄⱅⱐⱃⱑⱄⱅⰵ ⱃⱘⰽⱏ ⱀⰰ ⰿⱔ. ⱀⱏ ⱄⰵ ⰵⱄⱅⱏ ⰲⰰⱎⰰ ⰳⱁⰴⰻⱀⰰ ⰻ ⱁⰱⰾⰰⱄⱅⱐ ⱅⱐⰿⱐⱀⰰⱑ.
22:54
ⰺⰿⱏⱎⰵ ⰶⰵ ⰻ ⰲⱑⱄⱔ. ⰺ ⰲⱏⰲⱑⱄⱔ ⰻ ⰲⱏ ⰴⱁⰿⱏ ⰰⱃⱈⰻⰵⱃⰵⱁⰲⱏ. ⱂⰵⱅⱃⱏ ⰶⰵ ⰻⰴⱑⰰⱎⰵ ⰲⱏ ⱄⰾⱑⰴⱏ ⰻⰸ ⰴⰰⰾⰵⱍⰵ.
22:55
ⰲⱐⰸⰳⱀⱑⱎⱅⱏⱎⰵⰿⱏ ⰶⰵ ⱁⰳⱀⱏ ⱂⱁ ⱄⱃⱑⰴⱑ ⰴⰲⱁⱃⰰ. ⰺ ⰲⱏⰽⱆⱂⱑ ⱄⱑⰴⱏⱎⰵⰿⱏ ⰻⰿⱏ. ⱄⱑⰴⱑⰰⱎⰵ ⱂⰵⱅⱃⱏ ⱂⱁ ⱄⱃⱑⰴⱑ ⰻⱈⱏ.
22:56
ⱆⰸⱏⱃⱑⰲⱏⱎⰻ ⰶⰵ ⰻ ⱃⰰⰱⰰ ⰵⰴⰻⱀⰰ ⱄⱑⰴⱔⱎⱅⱐ ⱂⱃⰻ ⱄⰲⱑⱅⱑ. ⰻ ⰲⱐⰸⱐⱃⱑⰲⱏⱎⰻ ⱀⰰ ⱀⱐ ⱃⰵⱍⰵ. ⰺ ⱄⱐ ⰱⱑ ⱄⱏ ⱀⰻⰿⱐ.
22:57
ⱁⱀⱏ ⰶⰵ ⱁⱅⱏⰲⱃⱏⰶⰵ ⱄⱔ ⰵⰳⱁ ⰳⰾ҃ⱔ. ⱀⰵ ⰸⱀⰰⱙ ⰵⰳⱁ ⰶⰵⱀⱁ.
22:58
ⰺ ⱀⰵ ⱂⱁ ⰿⱏⱀⱁⰳⱆ ⰴⱃⱆⰳⱏⰹ ⰲⰻⰴⱑⰲⱏ ⰹ ⱃⰵⱍⰵ. ⰺ ⱅⱏⰹ ⱁⱅⱏ ⱀⰻⱈⱏ ⰵⱄⰻ. ⱂⰵⱅⱃⱏ ⰶⰵ ⱃⰵⱍⰵ ⱍⰾⰲ҃ⱍⰵ ⱀⱑⱄⰿⱏ.
22:59
ⰺ ⰿⰻⰿⱁ ⱎⰵⰴⱏⱎⰻ ⱑⰽⱁ ⰳⱁⰴⰻⱀⱑ ⰵⰴⰻⱀⱁⰻ. ⰺⱀⱏ ⰵⱅⰵⱃⱏ ⰽⱃⱑⱂⰾⱑⰰⱎⰵ ⱄⱔ ⰳⰾ҃ⱔ. ⰲⱏ ⰹⱄⱅⰻⱀⱘ ⰻ ⱄⱐ ⰱⱑ ⱄⱏ ⱀⰻⰿⱐ. ⰺⰱⱁ ⰳⰰⰾⰻⰾⰵⰰⱀⰻⱀⱏ ⰵⱄⱅⱏ.
22:60
ⱃⰵⱍⰵ ⰶⰵ ⱂⰵⱅⱃⱏ ⱍⰾⰲ҃ⱍⰵ ⱀⰵ ⰲⱑⰿⱐ ⰵⰶⰵ ⰳⰾ҃ⰳⰾⰵⱎⰻ. ⰺ ⰰⰱⰻⰵ ⰵⱎⱅⰵ ⰵⰿⱆ ⰳⰾ҃ⱙⱎⱅⱓ. ⰲⱏⰸ[ⰳ]ⰾⰰⱄⰻ ⰽⱁⰽⱁⱅⱏ :: ::
22:61
Ⰺ ⱁⰱⱃⰰⱎⱅⱏ ⱄⱔ ⰳ҃ⱏ ⰲⱏⰸⱐⱃⱑ ⱀⰰ ⱂⰵⱅⱃⰰ. ⰺ ⱂⱁⰿⱑⱀⱘ ⱂⰵⱅⱃⱏ ⱄⰾⱁⰲⱁ ⰳⱀ҃ⰵ ⱑⰽⱁⰶⰵ ⱃⰵⱍⰵ ⰵⰿⱆ. ⱑⰽⱁ ⱂⱃⱑⰶⰴⰵ ⰴⰰⰶⰵ ⱀⰵ ⰲⱏⰸⰳⰾⰰⱄⰻⱅⱏ ⰽⱁⰽⱁⱅⱏ ⱅⱃⰻ ⰽⱃⰰⱅⱏⰹ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ.
22:62
ⰺ ⰻⱎⰵⰴⱏ ⰲⱁⱀⱏ ⱂⰵⱅⱃⱏ ⱂⰾⰰⰽⰰ ⱄⱔ ⰳⱁⱃⱐⰽⱁ.
22:63
ⰺ ⰿⱘⰶⰻ ⰴⱃⱏⰶⱔⱎⱅⰵⰻ ⰻⱄ҃ⰰ. ⱃⱘⰳⰰⰰⱈⱘ ⱄⱔ ⰵⰿⱆ ⰱⰻⱙⱎⱅⰵ ⰻ. ⰸⰰⰽⱃⱏⰹⰲⱏⱎⰵ ⰻ ⰱⰻⱑⰰⱈⱘ ⱂⱁ ⰾⰻⱌⱓ. ⰲⱏⱂⱃⰰⱎⰰⰰⱈⱘ ⰶⰵ ⰻ ⰳⰾ҃ⱋⰵ ⱂⱃⱁⱃⱐⱌⰻ ⰽⱅⱁ ⱅⱔ ⱆⰴⰰⱃⰻ.
22:65
ⰺ ⰻⱀⰰ ⰿⱏⱀⱁⰳⰰ ⱈⱆⰾⱔⱎⱅⰵ ⰳⰾ҃ⰰⰰⱈⱘ ⱀⰰ ⱀⱐ.
22:66
ⰺ ⱑⰽⱁ ⰱⱏⰹⱄⱅⱏ ⰴⱐⱀⱐ ⱄⱏⰱⱏⱃⰰⱎⱔ ⱄⱔ ⱄⱅⰰⱃⱐⱌⰻ ⰾⱓⰴⱐⱄⱌⰻⰻ. ⰺ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱐⱀⰻⱌⰻ. ⰺ ⰲⱑⱄⱔ ⰻ ⱀⰰ ⱄⱏⱀⰿⱐ ⱄⰲⱁⰻ ⰳⰾ҃ⱙⱎⱅⰵ.
22:66
ⰰⱎⱅⰵ ⱅⱏⰹ ⰵⱄⰻ !ⱈⱏ ⱃⱏⱌⰻ ⱀⰰⰿⱏ.
22:67
ⱃⰵⱍⰵ ⰶⰵ ⰻⰿⱏ. ⰰⱎⱅⰵ ⰲⰰⰿⱏ ⱃⰵⰽⱘ ⱀⰵ ⰻⰿⰵⱅⰵ ⰲⱑⱃⱏⰹ.
22:68
ⰰⱎⱅⰵ ⰶⰵ ⰻ ⰲⱏⱂⱃⱁⱎⱘ ⰲⱏⰹ ⱀⰵ ⱁⱅⱏⰲⱑⱎⱅⰰⰰⱅⰵ ⰿⰻ. ⱀⰻ ⱂⱆⱄⱅⰻⱅⰵ.
22:69
ⱁⱅⱏ ⱄⰵⰾⱑ ⰱⱘⰴⰵⱅⱏ ⱄⱀ҃ⱏ ⱍⰾⰲ҃ⱍⱏⱄⰽⱏⰹⰻ ⱄⱑⰴⱔ ⱁ ⰴⰵⱄⱀⱘⱙ ⱄⰻⰾⱏⰹ ⰱⰶ҃ ⱗ҅.
22:70
ⱃⱑⱎⱔ ⰶⰵ ⰲⱐⱄⰻ ⱅⱏⰹ ⰾⰻ ⰵⱄⰻ ⱆⰱⱁ ⱄⱀ҃ⱏ ⰱⰶ҃ⰻⰻ. ⱁⱀⱏ ⰶⰵ ⰽⱏ ⱀⰻⰿⱏ ⱃⰵⱍⰵ. ⰲⱏⰹ ⰳⰾ҃ⰵⱅⰵ ⱑⰽⱁ ⰰⰸⱏ ⰵⱄⰿⱏ.
22:71
ⱁⱀⰻ ⰶⰵ ⱃⱑⱎⱔ ⱍⱏⱅⱁ ⰵⱎⱅⰵ ⱅⱃⱑⰱⱆⰵⰿⱏ ⱄⱏⰲⱑⰴⱑⱅⰵⰾⱐⱄⱅⰲⰰ ⱄⰰⰿⰻ ⰱⱁ ⱄⰾⱏⰹⱎⰰⱈⱁⰿⱏ ⱁⱅⱏ ⱆⱄⱅⱏ ⰵⰳⱁ.