ЕВАНГЕЛИЕ ЕЖЕ Ѿ ЛОУКꙐ
20:1
Ⰺ ⰱⱏⰹⱄⱅⱏ ⰲⱐ ⰵⰴⰻⱀⱐ ⱁⱅⱏ ⰴⱐⱀⰵⰻ ⱅⱑⱈⱏ. ⱆⱍⱔⱎⱅⱓ ⰵⰿⱆ ⰾⱓⰴⰻ ⰲⱏ !ⱌⱃⰽⰲⰻ. ⰻ ⰱⰾⰰⰳⱁⰲⱑⱄⱅⱏⱄⱅⰲⱆⱙⱎⱅⱓ. ⱄⱏⱄⱅⰰⱎⱔ ⱄⱔ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⱌⰻ ⱄⱏ ⱄⱅⰰⱃⱐⱌⰻ.
20:2
ⰺ ⱃⱑⱎⱔ ⰳⰾ҃ⱙⱎⱅⰵ ⰽⱏ ⱀⰵⰿⱆ. ⱃⱐⱌⰻ ⱀⰰⰿⱏ ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⰻⱎⰻ ⰻ ⰽⱏⱅⱁ ⰵⱄⱅⱏ ⰴⰰⰲⱏⰹ ⱅⰵⰱⱑ ⱁⰱⰾⰰⱄⱅⱏ ⱄⰻⱙ.
20:3
ⱁⱅⱏⰲⱑⱎⱅⰰⰲⱏ ⰶⰵ ⱃⰵ[ⱍⰵ] ⰽⱏ ⱀⰻⰿⱏ. ⰲⱏⱂⱃⱁⱎⱘ ⰲⱏⰹ ⰻ ⰰⰸⱏ ⰵⰴⰻⱀⱁⰳⱁ ⱄⰾⱁⰲⰵⱄⰵ ⰻ ⱃⱐⱌⱑⱅⰵ ⰿⰻ.
20:4
ⰽⱃⱏⱎⱅⰵⱀⰻⰵ ⰻⱁⰰⱀⱁⰲⱁ ⱄⱏ ⱀⰵⰱⱄⰵ ⰾⰻ ⰱⱑ ⰻⰾⰻ ⱁⱅⱏ ⱍⰾⰲ҃ⰽⱏ.
20:5
ⱁⱀⰻ ⰶⰵ ⱂⱁⰿⱏⰹⱎⰾⱑⰰⱈⱘ ⰲⱏ ⱄⰵⰱⱑ ⰳⰾ҃ⱙⱎⱅⰵ. ⱑⰽⱁ ⰰⱎⱅⰵ ⱃⰵⱍⰵⰿⱏ ⱁⱅⱏ ⱀⰵⰱ҃ⱄⰵ. ⱃⰵⱍⰵⱅⱏ ⱂⱁ ⱍⱏⱅⱁ ⱀⰵ ⰲⱑⱃⱁⰲⰰⱄⱅⰵ ⰵⰿⱆ.
20:6
ⰰⱎⱅⰵ ⰾⰻ ⱃⰵⱍⰵⰿⱏ ⱁⱅⱏ ⱍⰾ҃ⰽⱏ. ⰾⱓⰴⰻⰵ ⰲⱐⱄⰻ ⰽⰰⰿⰵⱀⰻⰵⰿⱐ ⱂⱁⰱⰻⱙⱅⱏ ⱀⱏⰹ. ⰺⰸⰲⱑⱄⱅⱏⱀⱁ ⰱⱁ ⰱⱑ ⰾⱓⰴⰵⰿⱏ. ⱑⰽⱁ ⰻⱁⰰⱀⱏ !ⱂⱃⰽⱏ ⰱⱑ.
20:7
ⰺ ⱁⱅⱏⰲⱑⱋⰰⱎⱔ ⱀⰵ ⰲⱑⰿⱏ ⱁⱅⱏ ⰽⱘⰴⱆ.
20:8
ⰺⱄ҃ⱏ ⰶⰵ ⱃⰵⱍⰵ ⰻⰿⱏ. ⱀⰻ ⰰⰸⱏ ⰳⰾ҃ⱙ ⰲⰰⰿⱏ ⰽⱁⱙ ⰲⰾⰰⱄⱅⰻⱙ ⱄⰵ ⱅⰲⱁⱃⱙ ::
20:9
Ⱀⰰⱍⱔⱅⱏ ⰶⰵ ⰽⱏ ⰾⱓⰴⰵⰿⱐ ⰳⰾ҃ⱅⰻ ⱂⱃⰻⱅⱏⱍⱘ ⱄⰻⱙ. ⱍⰾ҃ⰽⱏ ⱀⰰⱄⰰⰴⰻ ⰲⰻⱀⱁⰳⱃⰰⰴⱏ ⰻ ⰲⱏⰴⰰⱄⱅⱏ ⰹ ⰴⱑⰾⰰⱅⰵⰾⰵⰿⱐ. ⰺ ⱁⱅⰻⰴⰵ ⱀⰰ ⰾⱑⱅⰰ ⰿⱏⱀⱁⰳⰰ.
20:10
ⰻ ⰲⱏ ⰲⱃⱑⰿⱔ ⱂⱁⱄⱏⰾⰰ ⰽⱏ ⰴⱑⰾⰰⱅⰵⰾⰵⰿⱏ ⱃⰰⰱⱏ. ⰴⰰ ⱁⱅⱏ ⱂⰾⱁⰴⰰ ⰲⰻⱀⱁⰳ!ⱃⰴⰰ ⰴⰰⰴⱔⱅⱏ ⰵⰿⱆ. ⰴⱑⰾⰰⱅⰵⰾⰵ ⰶⰵ ⰱⰻⰲⱏⱎⰵ ⱂⱆⱄⱅⰻⱎⱔ ⱅⱏⱎⱅⱐ.
20:11
ⰺ ⱂⱃⰻⰾⱁⰶⰻ ⰴⱃⱆⰳⱏⰹ ⱂⱁⱄⱏⰾⰰⱅⰻ ⱃⰰⰱⱏ. ⱁⱀⰻ ⰶⰵ ⰻ ⱅⱁⰳⱁ ⰱⰻⰲⱏⱎⰵ ⰻ ⰴⱁⱄⰰⰶⰴⱐⱎⰵ ⰵⰿⱆ ⱂⱆⱄⱅⰻⱎⱔ ⱅⱏⱎⱅⱏ.
20:12
ⰺ ⱂⱃⰻⰾⱁⰶⰻ ⱅⱃⰵⱅⰻ ⱂⱁⱄⱏⰾⰰⱅⰻ. ⱁⱀⰻ ⰶⰵ ⰻ ⱄⰵⰳⱁ ⱆⱑⰸⰲⱐⱎⰵ ⰻⰸⰳⱏⱀⰰⱎⱔ.
20:13
Ⱃⰵⱍⰵ ⰶⰵ !ⰳⱐ ⰲⰻⱀⱁⰳⱃⰰⰴⰰ. ⱍⱏⱅⱁ ⱄⱏⱅⰲⱁⱃⱙ ⱂⱁⱄⱏⰾⱙ ⱄⱀ҃ⱏ ⰿⱁⰻ ⰲⱏⰸⰾⱓⰱⰾⰵⱀⱏⰹ. ⱀⰵⰳⱏⰾⰻ ⱄⰵⰳⱁ ⰲⰻⰴⱑⰲⱏⱎⰵ ⱆⱄⱃⰰⰿⰾⱑⱙⱅⱏ ⱄⱔ.
20:14
ⰲⰻⰴⱑⰲⱏⱎⰵ ⰶⰵ ⰻ ⰴⱑⰾⰰⱅⰵⰾⰵ. ⰿⱏⰹⱎⰾⱑⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱄⱐ ⰵⱄⱅⱏ ⱀⰰⱄⰾⱑⰴⱐⱀⰻⰽⱏ ⱂⱃⰻⰴⱑⱅⰵ ⱆⰱⰻⱑⰿⱏ ⰹ. ⰴⰰ ⱀⰰⱎⰵ ⰱⱘⰴⰵⱅⱏ ⰴⱁⱄⱅⱁⱑⱀⰻⰵ.
20:15
ⰺ ⰻⰸⰲⰵⰴⱏⱎⰵ ⰻ ⰲⱁⱀⱏ ⰻⰸ ⰲⰻⱀⱁⰳⱃⰰⰴⰰ ⱆⰱⰻⱎⱔ. ⱍⱏⱅⱁ ⱆⰱⱁ ⱄⱏⱅⰲⱁⱃⰻⱅⱏ ⰻⰿⱏ ⰳⱀ҃ⱏ ⰲⰻⱀⱁⰳⱃⰰⰴⰰ.
20:16
ⱂⱃⰻⰴⰵⱅⱏ ⰻ ⱂⱁⰳⱆⰱⰻⱅⱏ ⰴⱑⰾⰰⱅⰵⰾⱔ ⱄⰻⱗ. ⰺ ⰲⱏⰴⰰⱄⱅⱏ ⰲⰻⱀⱁⰳⱃⰰⰴⱏ ⰻⱀⱑⰿⱏ. ⱄⰾⱏⰹⱎⰰⰲⱏⱎⰵ ⰶⰵ ⱃⱑⱎⱔ ⰴⰰ ⱀⰵ ⰱⱘⰴⰵⱅⱏ. ::
20:17
Ⱁ҅ⱀⱏ ⰶⰵ ⰲⱏⰸⱏⱃⱑⰲⱏ ⱀⰰ ⱀⱔ ⱃⰵⱍⰵ. ⱍⱅⱁ ⱆⰱⱁ ⰵⱄⱅⱏ ⱂⰻⱄⰰⱀⱁⰵ ⱄⰵ. ⰽⰰⰿⰵⱀⱐ ⰵⰳⱁⰶⰵ ⱀⰵⰲⱃⱑⰴⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰻ. ⱄⱏ ⰱⱏⰹⱄⱅⱏ ⰲⱏ ⰳⰾ҃ⰲⱘ ⱘⰳⱏⰾⱆ.
20:18
ⰲⱐⱄⱑⰽⱏ ⱂⰰⰴⱏⰹ ⱀⰰ ⰽⰰⰿⰵⱀⰵ ⱅⱁⰿⱐ ⱄⱏⰽⱃⱆⱎⰻⱅⱏ ⱄⱔ. ⰰ ⱀⰰ ⱀⰵⰿⱐⰶⰵ ⱂⰰⰴⰵⱅⱏ ⱄⱏⱅⱏⱃⰵⱅⱏ ⰹ ::
20:19
Ⰺ҅ ⰲⱐⰸⰻⱄⰽⰰⱎⱔ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⱌⰻ ⰲⱏⰸⰾⱁⰶⰻⱅⰻ ⱀⰰ ⱀⱐ ⱃⱘⱌⱑ ⰲⱏ ⱅⱏ ⱍⰰⱄⱏ. ⰺ ⱆⰱⱁⱑⱎⱔ ⱄⱔ ⰾⱓⰴⰻⰻ. ⱃⰰⰸⱆⰿⱑⱎⱔ ⰱⱁ ⱑⰽⱁ ⰽⱏ ⱀⰻⰿⱏ ⱃⰵⱍⰵ ⱂⱃⰻⱅⱏⱍⱘ ⱄⰻⱙ.
20:20
ⰺ ⱄⱏⰳⰾⱔⰴⰰⰲⱏⱎⰵ ⱂⱁⱄⱏⰾⰰⱎⱔ ⰸⰰⱄⱑⰴⱐⱀⰻⰽⱏⰹ. ⱅⰲⱁⱃⱔⱋⱔ ⱄⱔ ⱂⱃⰰⰲⰵⰴⱐⱀⰻⱌⰻ ⱄⱘⱎⱅⰵ ⰴⰰ ⰻⰿⱘⱅⱏ ⰹ ⰲⱏ ⱄⰾⱁⰲⰵⱄⰻ. ⰴⰰ ⰱⱘ ⰻ ⱂⱃⱑⰴⰰⰾⰻ ⰲⰾⰰⰴⱏⰹⱍⱏⱄⱅⰲⱆ ⰻ ⱁⰱⰾⰰⱄⱅⰻ ⰲⱁⰵⰲⱁⰴⱏⰹ.
20:21
ⰻ ⰲⱏⱂⱃⱁⱄⰻⱎⱔ ⰻ ⰳⰾ҃ⱘⱎⱅⰵ :: ⱆⱍⰻⱅⰵⰾⱓ ⰲⱑⰿⱐ ⱑⰽⱁ ⱂⱃⰰⰲⱁ ⰳⰾ҃ⰵⱎⰻ. ⰺ ⱆⱍⰻⱎⰻ. ⰺ ⱀⰵ ⱀⰰ ⰾⰻⱌⰰ ⰸⱏⱃⰻⱎⰻ. ⱀⱏ ⰲⱏⰹ ⰻⱄⱅⰻⱀⱘ ⱂⱘⱅⰻ ⰱⰶ҃ⰻⱓ ⱆⱍⰻⱎⰻ.
20:22
ⰴⱁⱄⱅⱁⰻⱅⱏ ⰾⰻ ⱀⰰⰿⱏ ⰽⰵⱄⰰⱃⰵⰲⰻ ⰴⰰⱀⱐ ⰴⰰⱅⰻ. ⰻⰾⰻ ⱀⰻ.
20:23
ⱃⰰⰸⱆⰿⱑⰲⱐ ⰶⰵ ⰾⰵⱄⱅⱐ ⰻⱈⱏ ⱃⰵⱍⰵ ⰽⱏ ⱀⰻⰿⱏ. ⱍⱅⱁ ⰿⱔ ⱁⰽⱆⱎⰰⰰⱅⰵ.
20:24
ⱂⱁⰽⰰⰶⱑⱅⰵ ⰿⰻ ⱂⱑⱀⱔⰷⱏ. ⱍⰻⰻ ⰻⰿⰰⱅⱏ ⱁⰱⱃⰰⰸⱏ ⰻ ⱀⰰⱂⰻⱄⰰⱀⰻⰵ. ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ ⰽⰵⱄⰰⱃⱁⰲⱏ.
20:25
ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ. ⰲⱏⰸⰴⰰⰴⰻⱅⰵ ⱆⰱⱁ ⱑⰶⰵ ⱄⱘⱅⱏ ⰽⰵⱄⰰⱃⰵⰲⰰ ⰽⰵⱄⰰⱃⰵⰲⰻ. ⰻ ⱑⰶⰵ ⱄⱘⱅⱏ ⰱⰶ҃ⰻⱑ !ⰱⰲⰻ.
20:26
ⰺ ⱀⰵ ⰿⱁⰳⱘ ⰸⰰⰸⱐⱃⱑⱅⰻ ⰳⰾ҃ⱑ ⰵⰳⱁ ⱂⱃⱑⰴⱏ ⰾⱙⰴⱐⰿⰻ. ⰻ ⰴⰻⰲⱐⱎⰵ ⱄⱔ ⱁ ⱁⱅⱏⰲⱑⱅⱑ ⰵⰳⱁ ⱆⰿⰾⱏⱍⰰⱎⱔ.
20:27
Ⱂⱃⰻⱄⱅⱘⱂⱐⱎⰵ ⰶⰵ ⰵⰴⰻⱀⰻ ⱁⱅⱏ ⱄⰰⰴⱆⰽⰵⰻ ⰳⰾ҃ⱙⱎⱅⰵ ⰲⱐⱄⰽⱃⱑⱎⰵⱀⰻⱓ ⱀⰵ ⰱⱏⰹⱅⰻ. ⰲⱏⱂⱃⰰⱎⰰⰰⱈⱘ ⰻ
20:28
ⰳⰾ҃ⱘⱎⱅⰵ. ⱆⱍⰻⱅⰵⰾⱓ. ⰿⱁⱄⰻⰻ ⱀⰰⱂⰻⱄⰰⰾⱏ ⰵⱄⱅⱏ ⱀⰰⰿⱏ. ⰰⱎⱅⰵ ⰽⱁⰿⱆ ⰱⱃⰰⱅⱃⱏ ⱆⰿⱏⱃⰵⱅⱏ ⰻⰿⱏⰹ ⰶⰵⱀⱘ. ⰻ ⱅⱏ ⰱⰵⱎⱅⱔⰴⱏ ⱆⰿⱐⱃⰵⱅⱏ. ⰴⰰ ⱂⱁⰻⰿⰵⱅⱏ ⰶⰵⱀⱘ ⰵⰳⱁ ⰱⱃⰰⱅⱃⱏ. ⰻ ⰲⱐⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ.
20:29
Ⱄⰵⰴⰿⱐ ⱆⰱⱁ ⰱⱃⰰⱅⱃⰻⱗ ⰱⱑ. ⰻ ⱂⱃⱏⰲⱏⰹ ⱂⱁⰵⰿⱏ ⰶⰵⱀⱘ ⱆⰿⱐⱃⱑⱅⱏ ⰱⰵ{ⰴ}ⱎⱅⱔⰴⰵⱀⱐ.
20:30
ⰻ ⱂⱁⱗⱅⱏ ⰲⱏⱅⱁⱃⱏⰹ ⰶⰵⱀⱘ. ⰺ ⱅⱏ ⱆⰿⱐⱃⱑⱅⱏ ⰱⰵⱎⱅⱔⰴⱐⱀⱏ.
20:31
ⰻ ⱅⱃⰵⱅⰻ ⱂⱁⱗⱅⱏ ⱙ. ⱅⰰⰽⱁⰶⰴⰵ ⰶⰵ ⰻ ⰲⱐⱄⱑ ⱄⰵⰴⰿⱐ ⱆⰿⱐⱃⱑⱎⱔ ⱀⰵ ⱁⱄⱅⰰⰲⰾⱐⱎⰵ ⱍⱔⰴⱏ.
20:32
ⱂⱁⱄⰾⱑⰶⰴⰵ ⰶⰵ ⰲⱐⱄⱑⱈⱏ ⰻ ⰶⰵⱀⰰ ⱆⰿⱐⱃⱑⱅⱏ.
20:33
ⰲⱁ ⰲⱏⱄⰽⱃⱑⱎⰵⱀⰻⰵ ⱆⰱⱁ ⰽⱁⱅⱁⱃⰰⰰⰳⱁ ⰻⱈⱏ ⰱⱘⰴⰵⱅⱏ ⰶⰵⱀⰰ. ⱄⰵⰴⰿⱐ ⰱⱁ ⰻⰿⱑⱎⱔ ⱙ ⰶⰵⱀⱘ.
20:34
ⰻ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰻⰿⱏ. ⱄⱀ҃ⱁⰲⰵ ⰲⱑⰽⰰ ⱄⰵⰳⱁ ⰶⰵⱀⱔⱅⱏ ⱄⱔ ⰻ ⱂⱁⱄⰰⰳⰰⱙⱅⱏ.
20:35
ⰰ ⱄⱏⱂⱁⰴⱁⰱⰾⱐⱎⰵⰻ ⱄⱔ ⰲⱑⰽⱏ ⱅⱏ ⱆⰾⱆⱍⰻⱅⰻ. ⰻ ⰲⱐⱄⰽⱃⱑⱎⰵⱀⰻⰵ ⰵⰶⰵ ⱁⱅⱏ ⰿⱃⱏⱅⰲⱏⰹⱈⱏ. ⱀⰻ ⰶⰵⱀⱔⱅⱏ ⱄⱔ ⱀⰻ ⱂⱁⱄⰰⰳⰰⱙⱅⱏ.
20:36
ⱀⰻ ⱆⰿⱐⱃⱑⱅⰻ ⰱⱁ ⱂⱁ ⱅⱁⰿⱐ ⰿⱁⰳⱘⱅⱏ. ⱃⰰⰲⱐⱀⰻ ⰱⱁ ⱄⱘⱅⱏ ⰰⱀⰼ҃ⰾⰿⱏ. ⰺ ⱄⱀ҃ⰲⰵ ⱄⱘⱅⱏ ⰱⰶ҃ⰻⰻ. ⰲⱐⱄⰽⱃⱑⱎⰵⱀⰻⱓ ⱄⱀ҃ⰲⰵ ⱄⱘⱋⰵ.
20:37
ⰰ ⱑⰽⱁⰶⰵ ⰲⱏⱄⱅⰰⱙⱅⱏ ⰿⱃⱏⱅⰲⰻⰻ. ⰻ ⰿⱁⱄⰻⰻ ⱄⱏⰽⰰⰸⰰ ⱂⱃⰻ ⰽⱘⱂⰻⱀⱑ. ⱑⰽⱁⰶⰵ ⰳⰾ҃ⰵⱅⱏ. ⰳ҃ⰰ ⰱ҃ⰰ ⰰⰲⱃⰰⰿⰾⱑ. ⰻ ⰱ҃ⰰ ⰻⱄⰰⰽⱁⰲⰰ. ⰻ ⰱ҃ⰰ ⰻⱑⰽⱁⰲⰾⱑ.
20:38
ⰱ҃ⱏ ⰶⰵ ⱀⱑⱄⱅⱏ ⰿⱃⱏⱅⰲⱏⰹⱈⱏ ⱀⱏ ⰶⰻⰲⱏⰹⱈⱏ. ⰲⱏⱄⰻ ⰱⱁ ⱅⱁⰿⱆ ⰶⰻⰲⰻ ⱄⱘⱅⱏ.
20:39
ⱁⱅⱏⰲⱑⱎⱅⰰⰲⱏⱎⰵ ⰶⰵ ⰵⰴⰻⱀⰻ ⰽⱏⱀⰻⰶⱏⱀⰻⱌⰻ ⱃⱑⱎⱔ. ⱆⱍⰻⱅⰵⰾⱓ ⰴⱁⰱⱃⱑ ⱃⰵⱌⰵ.
20:40
ⰽⱏ ⱅⱁⰿⱆ ⰶⰵ ⱀⰵ ⱄⱏⰿⱑⰰⱈⱁ ⰵⰳⱁ ⰲⱏⱂⱃⰰ[ⱎⰰ]ⱅⰻ ⱀⰻⱍⱐⱄⱁⰶⰵ.
20:41
ⱃ[ⰵ]ⱍⰵ ⰶⰵ ⰽⱏ ⱀⰻⰿⱏ. ⰽⰰⰽⱁ ⰳⰾ҃ⱙⱅⱏ ⰵⰴⰻⱀⰻ. !ⱈⰰ ⰱⱏⰹⱅⰻ ⱄⱀ҃ⰰ !ⰴⰲⰰ.
20:42
ⰰ ⱄⰰⰿⱏ ⰴⰰⰲ҃ⰴⱏ ⰳⰾ҃ⰵⱅⱏ ⰲⱏ ⰽⱏⱀⰻⰳⰰⱈⱏ ⱂⱄⰰⰾⱁⰿⱏⱄⰽⱏⰹⱈⱏ. ⱃⰵⱍⰵ ⰳ҃ⱏ !ⰳⰲⰻ ⰿⱁⰵⰿⱆ ⱄⱔⰴⰻ ⱁ ⰴⰵⱄⱀⱘⱙ ⰿⰵⱀⰵ.
20:43
ⰴⱁⱀⱐⰴⰵⰶⰵ ⱂⱁⰾⱁⰶⱁ ⰲⱃⰰⰳⱏ[ⰹ] ⱅⰲⱁⱗ ⱂⱁⰴⱏⱀⱁⰶⰻⱓ ⱀⱁⰳⰰⰿⰰ ⱅⰲⱁⰻⰿⰰ.
20:44
ⰴⰰⰲ҃ⰴⱏ ⰹ ⱆⰱⱁ !ⰳⱐ ⱀⰰⱃⰻⱌⰰⰰⱅⱏ ⱅⱁ ⰽⰰⰽⱁ ⰵⰿⱆ ⰵⱄⱅⱏ ⱄⱀ҃ⱏ ::
20:45
Ⱄⰾⰻⱎⱔⱎⱅⰵⰿⱏ ⰶⰵ ⰲⱐⱄⱑⰿⱏ ⰾⱓⰴⰵⰿⱏ. ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ::
20:46
Ⰲⱐⱀⰵⰿⰾⱑⱅⰵ ⱁⱅⱏ ⰽⱏⱀⰻⰶⱏⱀⰻⰽⱏ. ⱈⱁⱅⱔⱎⱅⰻⰻⱈⱏ {ⰲⱏ} ⰲⱏ ⱁⰴⰵⰶⰴⰰⱈⱏ ⱈⱁⰴⰻⱅⰻ. ⰻ ⰾⱓⰱⱔⱎⱅⰻⰻⱈⱏ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⱈⱏ. ⰺ ⱂⱃⱑⰴⱏⱄⱑⰴⰰⱀⰻⱑ ⱀⰰ ⱄⱏⱀⱐⰿⰻ[ⱋⰻ]ⱈⱏ. ⰻ ⱂⱃⱑⰶⰴⰵⰸⱏⰲⰰⱀⰻⱑ ⱀⰰ ⱁⰱⱑⰴⱑⱈⱏ. ⰻ ⱀⰰ ⰲⰵⱍⰵⱃⱑⱈⱏ.
20:47
ⰺⰶⰵ ⱄⱏⱀⱑⰴⰰⱙⱅⱏ ⰴⱁⰿⱏⰹ ⰲⱏⰴⱁⰲⰻⱌⱏ. ⰻ ⰲⰻⱀⱁⱙ ⰴⰰⰾⰵⱍⰵ ⰿⱁⰾⱔⱅⱏ ⱄⱔ. ⱄⰻⰻ ⱂⱃⰻⰻⰿⱘⱅⱏ ⱁⱄⱘⰶⰴⰵⱀⱐⰵ ⰱⱁⰾⱐⱎⰵ.