ЕВАНГЕЛИЕ ЕЖЕ Ѿ ЛОУКꙐ
2:1
Ⰱⱏⰹⱄⱅⱏ ⰶⰵ ⰲⱐ ⰴⱐⱀⰻ ⱅⱏ. ⰺⰸⰻⰴⰵ ⱂⱁⰲⰵⰾⱑⱀⰻⰵ ⱁⱅⱏ ⰽⰵⱄⰰⱃⱑ ⰰⰲⱏⰳⱆⱄⱅⰰ. ⱀⰰⱂⰻⱄⰰⱅⰻ ⰲⱐⱄⱘ ⱆⱄⰵⰾⰵⱀⱘⱙ.
2:2
ⱄⰵ ⱀⰰⱂⰻⱄⰰⱀⰻⰵ ⱂⱃⱏⰲⱁⰵ ⰱⱏⰹⱄⱅⱏ. ⰲⰾⰰⰴⱘⱎⱅⱓ ⱄⱛⱃⰻⰵⱙ ⰻ ⰽⱛⱃⰻⱀⰻⱓ.
2:3
ⰺ ⰻⰴⱑⰰⱈⱘ ⰲⱐⱄⰻ ⰽⱐⰶⱏⰴⱁ ⱀⰰⱂⱄⰰⱅⰻ ⱄⱔ ⰲⱏ ⱄⰲⱁⰻ ⰳⱃⰰⰴⱏ ::
2:4
ⰲⱐⰸⰻⰴⰵ ⰶⰵ ⰻⱁⱄⰻⱇⱏ ⱁⱅⱏ ⰳⰰⰾⰻⰾⰵⱗ. ⰺⰸ ⰳⱃⰰⰴⰰ ⱀⰰⰸⰰⱃⰵⱅⱏⱄⰽⰰ. ⰲⱐ ⰻⱓⰴⰵⱘ ⰲⱏ ⰳⱃⰰⰴⱏ !ⰴⰲⱏ. ⰺⰶⰵ ⱀⰰⱃⰻⱌⰰⰰⱅⱏ ⱄⱔ ⰲⰻⱅⰾⰵⰵⰿⱏ. ⰸⰰⱀⰵ ⰱⱑⰰⱎⰵ ⱁⱅⱏ ⰴⱁⰿⱆ ⰻ ⱁⱅⱐⱍⱐⱄⱅⰲⰻⱑ ⰴⰰⰲ҃ⰴⰲⰰ.
2:5
ⱀⰰⱂⰻⱄⰰⱅⰻ ⱄⱔ ⱄⱏ ⰿⰰⱃⰻⰵⱙ ⱁⰱⱃⱘⱍⰵⱀⱘⱙ ⰵ҅ⰿⱆ ⰶⰵⱀⱁⱙ. ⱄⱘⱎⱅⰵⱙ ⱀⰵⱂⱃⰰⰸⰴⱏⱀⱁⱙ.
2:6
ⰱⱏⰹⱄⱅⱏ ⰶⰵ ⰵⰳⰴⰰ ⰱⱏⰹⱄⱅⰵ ⱅⱆ. ⰺⱄⱂⰾⱏⱀⰻⱎⱔ ⱄⱔ ⰴⱐⱀⰻⰵ ⱃⱁⰴⰻⱅⰻ ⰵⰻ.
2:7
ⰺ ⱃⱁⰴⰻ ⱄⱀ҃ⱏ ⱄⰲⱁⰻ ⱂⱃⱏⰲⱑⱀⰵⱌⱏ. ⰺ ⱂⱁⰲⰻⱅⱏ ⰹ. ⰺ ⱂⱁⰾⱁⰶⰻ ⰻ ⰲⱐ ⱑⱄⰾⰵⱈⱏ. ⰸⰰⱀⰵ ⱀⰵ ⰱⱑ ⰻⰿⰰ ⰿⱑⱄⱅⰰ ⰲⱏ ⱁⰱⰻⱅⱑⰾⰻ ::
2:8
ⰺ ⰱⱑⰰⱈⱘ ⱂⰰⱄⱅⱏⰹⱃⰻ ⰲⱏ ⱅⱁⰻⰶⰴⰵ ⱄⱅⱃⰰⱀⱑ. ⰱⱐⰴⱔⱋⰵ ⰻ ⱄⱅⱃⱑⰳⱘⱋⰵ ⱄⱅ[ⱃ]ⰰⰶⱘ ⱀⱁⱋⱏⱀⱘⱙ ⱁ ⱄⱅⰰⰴⱑ ⱄⰲⱁⰵⰿⱐ.
2:9
ⰺ ⱄⰵ ⰰⱀⰼ҃ⰾⱏ ⰳⱀ҃ⱐ ⱄⱅⰰ ⰲⱐ ⱀⰻⱈⱏ. ⰺ ⱄⰾⰰⰲⰰ ⰳⱀ҃ⱑ ⱁⱄⰻⱑ ⱗ. ⰺ ⱆⰱⱁⱑⱎⱔ ⱄⱔ ⱄⱅⱃⰰⱈⱁⰿⱐ ⰲⰵⰾⰻⰵⰿⱐ.
2:10
ⰺ ⱃⰵⱍⰵ ⰻⰿⱏ ⰰⱀⰼ҃ⰾⱏ ⱀⰵ ⰱⱁⰻⱅⰵ ⱄⱔ. ⱄⰵ ⰱⱁ ⰱⰾⰰⰳⱁⰲⱑⱎⱅⰰⱙ ⰲⰰⰿⱏ ⱃⰰⰴⱁⱄⱅⱐ ⰲⰵⰾ ⱙ҅. ⱑⰶⰵ ⰱⱘⰴⰵⱅⱏ ⰲⱐⱄⱑⰿⱏ ⰾⱓⰴⰵⰿⱏ.
2:11
ⱑⰽⱁ ⱃⱁⰴⰻ ⱄⱔ ⰲⰰⰿⱏ ⰴⱐⱀⰵⱄⱐ ⱄⱂ҃ⱄⱏ. ⰺⰶⰵ ⰵⱄⱅⱏ !ⱈⱏ ⰳ҃ⱏ. ⰲⱏ ⰳⱃⰰⰴⱑ !ⰴⰲⱑ.
2:12
ⰺ ⱄⰵ ⰲⰰⰿⱏ ⰸⱀⰰⰿⰵⱀⰻⰵ. ⱁⰱⱃⱔⱋⰵⱅⰵ ⰿⰾⰰⰴⰵⱀⰵⱌⱏ ⱂⱁⰲⰻⱅⱏ ⰾⰵⰶⱔⱎⱅⱏ ⰲⱏ ⱑⱄⰾⰵⱈⱏ.
2:13
ⰺ ⰲⱏⱀⰵⰸⰰⰰⱂⱘ ⰱⱏⰹⱄⱅⱏ ⱄⱏ ⰰⱀⰼ҃ⰾⰿⱏ ⰿⱏⱀⱁⰶⱏⱄⱅⰲⱁ ⰲⱁⰻ ⱀⰵⰱ҃ⱄⰽⱏⰹⰻⱈⱏ. ⱈⰲⰰⰾⱔⱎⱅⱏ ⰱ҃ⰰ ⰻ ⰳⰾ҃ⰳⰾⱙⱎⱅⰻⰻⱈⱏ.
2:14
ⱄⰾⰰⰲⰰ ⰲⱏ ⰲⱏⰹⱎⱏⱀⰻⰻⱈⱏ ⰱ҃ⱆ. ⰺ ⱀⰰ ⰸⰵⰿⰻ ⰿⰻⱃⱏ. ⰲⱏ ⱍⰾⰲ҃ⱌⱈⱏ ⰱⰾⰰⰳⱁⰲⱁⰾⰵⱀⰻⰵ.
2:15
Ⰺ ⰱⱏⰹⱄⱅⱏ ⱑⰽⱁ ⱁⱅⰻⰴⱘ ⱁⱅⱏ ⱀⰻⱈⱏ ⰰⱀⰼ҃ⰾⰻ !ⱀⰻⰱⱁ. ⰻ҅ ⱍⰾⰲ҃ⱌⰻ ⱂⰰⱄⱅⱏⰹⱃⰻ ⱃⱑⱎⱔ ⰴⱃⱆⰳⱏ ⰽⱏ ⰴⱃⱆⰳⱆ. ⱂⱃⱑⰻⰴⱑⰿⱏ ⱆⰱⱁ ⰴⱁ ⰲⰻⱅⰾⰵⰵⰿⰰ. ⰺ ⰲⰻⰴⰻⰿⱏ ⰳⰾ҃ⱏ ⱄⱏ ⰱⱏⰹⰲⱏⱎ ⰻ҅. ⰺⰶⰵ ⱄⱏⰽⰰⰸⰰ ⱀⰰⰿⱏ ⰳ҃ⱏ.
2:16
ⰺ ⱂⱃⰻⰴⱘ ⱂⱁⰴⰲⰻⰳⱏⱎⰵ ⱄⱔ. ⰺ ⱁⰱⱃⱑⱅⱘ ⰿⰰⱃⰻⱙ ⰶⰵ ⰻ ⱁⱄⰻⱇⰰ. ⰺ ⰿⰾⰰⰴⰵⱀⰵⱌⱏ ⰾⰵⰶⱔⱎⱅⱏ ⰲⱏ ⱑⱄⰾⰵⱈⱏ.
2:17
ⰲⰻⰴⱑⰲⱏⱎⰵ ⰶⰵ ⱄⱏⰽⰰⰸⰰⱎⱔ ⱁ ⰳⰾ҃ⱑ. ⰳⰾ҃ⱀⰿⱐ ⰻⰿⱐ ⱁ ⱁⱅⱃⱁⱍⱔⱅⰵ ⱄⰵⰿⱐ.
2:18
ⰺ ⰲⱐⱄⰻ ⱄⰾⱏⰹⱎⰰⰲⱏⱎⰵⰻ ⰴⰻⰲⰻⱎⱔ ⱄⱔ. ⱁ ⰳⰾ҃ⰰⱀⱏⰹⱈⱏ ⱁⱅⱏ ⱂⰰⱄⱅⱏⰹⱃⱐ ⰽⱏ ⱀⰻⰿⱐ.
2:19
ⰿⰰⱃⰻⱑ ⰶⰵ ⱄⱏⰱⰾⱓⰴⰰⰰⱄⰵ ⰲⱐⱄⱔ ⰳⰾ҃ⱏⰹ ⱄⰻⱗ ⱄⱏⰾⰰⰳⰰⱙⱎⱅⰻ ⰲⱏ ⱄⱃⰴ҃ⱌⰻ ⱄⰲⱁⰵⰿⱐ.
2:20
Ⰺ ⰲⱏⰸⰲⱃⰰⱅⰻⱎⱔ ⱄⱔ ⱂⰰⱄⱅⱏⰹⱃⰻ ⱄⰾⰰⰲⱔⱎⱅⰵ ⰻ ⱈⰲⰰⰾⱔⱎⱅⰵ ⰱ҃ⰰ. ⱁ ⰲⱐⱄⱑⱈⱏ ⰵⰶⰵ ⰲⰻⰴⱑⱎⱔ ⰻ ⱄⰾⱏⰹⱎⰰⱎⱔ. ⱑⰽⱁⰶⰵ ⰳⰾ҃ⰰⱀⱁ ⰱⱏⰹⱄⱅⱏ ⰽⱏ ⱀⰻⰿⱐ :: ⰽ!ⱌ ::
2:21
ⰺ ⰵⰳⰴⰰ ⰻⱄⱂⰾⱏⱀⰻⱎⱔ ⱄⱔ ⱁⱄⰿⱐ ⰴⱐⱀⰻⰻ ⰴⰰ ⰻ ⱁⰱⱃⱑⰶⱘⱅⱏ. ⰺ ⱀⰰⱃⱑⱎⱔ ⰻⰿⱔ ⰵⰿⱆ ⰻⱄ҃ⱏ. ⱀⰰⱃⰵⱍⰵⱀⱁⰵ ⰰⱀⰼ҃ⰾⰿⱏ ⱂⱃⱑⰶⰴⰵ ⰴⰰⰶⰵ [ⱀⰵ] ⰸⰰⱍⱔⱅⱏ ⱄⱔ ⰲⱐ ⱍⱃⱑⰲⱑ ::
2:22
ⰺ ⰵⰳⰴⰰ ⰻⱄⱂⰾⱏⱀⰻⱎⱔ ⱄⱔ ⰴⱐⱀⱐⰵ ⱁⱍⰻⱎⱅⰵⱀⰻⱑ ⱓ҅. ⱂⱁ ⰸⰰⰽⱁⱀⱆ ⰿⱁⱄⰵⱁⰲⱆ. ⰲⱏⰸⱀⱑⱄⱔ ⰻ ⰲⱏ !ⰻⰾⰿⱏ. ⱂⱁⱄⱅⰰⰲⰻⱅⰻ ⱂⱃⱑⰴⱏ !ⰳⰿⱐ.
2:23
ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ ⰲⱏ ⰸⰰⰽⱁⱀⱑ ⰳⱀ҃ⰻ. ⱑⰽⱁ ⰲⱐⱄⱑⰽⱏ ⰿⰾⰰⰴⰵⱀⰵⱌⱏ ⰿⱘⰶⱏⱄⰽⰰ ⱂⱁⰾⱆ. ⱃⰰⰸⰲⱃⱏⰸⰰⱗ !ⰾⱁⰶⰵⱄⱀⰰ ⱄⱅ҃ⱁ !ⰳⰲⰻ ⱀⰰⱃⰵⱍⰵⱅⱏ ⱄⱔ.
2:24
ⰺ ⰴⰰⱅⰻ ⰶⱃⱏⱅⰲⱘ ⱂⱁ ⱃⰵⱍⰵⱀⱆⰿⱆ ⰲⱏ ⰸⰰⰽⱁⱀⱑ ⰳⱀ҃ⰻ. ⰴⱏⰲⰰ ⰽⰰⰳⱃⱏⰾⰻⱍⰻⱎⱅⰰ ⰾⰻ ⰴⱏⰲⰰ ⱂⱅⰵⱀⱏⱌⰰ ⰳⱁⰾⱘⰱⰻⱀⰰ ::
2:25
Ⰺ ⱄⰵ ⰱⱑ !ⱍⰽⱏ ⰲⱏ !ⰻⰾⰿⱑ. ⰵⰿⱆⰶⰵ ⰻⰿⱔ ⱄⱛⰿⰵⱁⱀⱏ. ⰺ !ⱍⰽⱏ ⱄⱏ ⱂⱃⰰⰲⱏⰴⰵⱀⱏ ⰻ ⱍⱐⱄⱅⰻⰲⱏ. ⱍⰰⱗ ⱆⱅⱑⱈⱏⰹ !ⰻⰸⰴⱃⰲⱏⰹ. ⰺ ⰴⱈ҃ⱏ ⰱⱑ ⱄⱅ҃ⱏ ⰲⱏ ⱀⰵⰿⱐ.
2:26
ⰺ ⰱⱑⰰⱎⰵ ⰵⰿⱆ ⱁⱅⱏⰲⱑⱎⱅⰰⱀⱁ ⰴⱈ҃ⰿⱐ ⱄⱅ҃ⱏⰹⰿⱐ. ⱀⰵ ⰲⰻⰴⱑⱅⰻ ⱄⱏⰿⱃⱏⱅⰻ ⱂⱃⱑⰶⰴⰵ ⰴⰰⰶⰵ ⰲⰻⰴⰻⱅⱏ !ⱈⰰ ⰳⱀ҃ⱑ.
2:27
ⰺ ⱂⱃⰻⰴⰵ ⰴⱈ҃ⰿⱏ ⰲⱏ !ⱌⱃⰽⰲⱐ. ⰺ ⰵⰳⰴⰰ ⰲⱐⰲⱑⱄⱅⰵ ⱃⱁⰴⰻⱅⰵⰾⱑ ⱁⱅⱃⱁⱍⱔ ⰻⱄ҃ⰰ. ⱄⱏⱅⰲⱁⱃⰻⱅⰻ ⰻⰿⰰ ⱂⱁ ⱁⰱⱏⰹⱍⰰⱙ ⰸⰰⰽⱁⱀⱐⱀⱆⰿⱆ ⱁ ⱀⰵⰿⱐ.
2:28
ⰺ ⱅⱏ ⱂⱃⰻⱗⱅⱏ ⰵ ⱀⰰ ⱃⱘⰽⱆ ⱄⰲⱁⰵⱓ. ⰺ !ⰱⰾⰳⱄⰲⰻ ⰱ҃ⰰ ⰻ ⱃⰵⱍⰵ.
2:29
ⱀⱏⰹⱀⱑ ⱁⱅⱏⱂⱆⱄⱅⰻⱎⰻ ⱃⰰⰱⰰ ⱅⰲⱁⰵⰳⱁ !ⰲⰾⰴⰽⱁ. ⱂⱁ ⰳⰾ҃ⱆ ⱅⰲⱁⰵⰿⱆ ⱄⱏ ⰿⰻⱃⱁⰿⱏ.
2:30
ⱑⰽⱁ ⰲⰻⰴⱑⱄⱅⰵ ⱁⱍⰻ ⰿⱁⰻ ⱄⱏⱂⰰⱄⰵⱀⰻⰵ ⱅⰲⱁⰵ.
2:31
ⰵⰶⰵ ⰵⱄⰻ ⱆⰳⱁⱅⱁⰲⰰⰾⱏ ⱂⱃⱑⰴⱏ ⰾⰻⱌⰵⰿⱏ ⰲⱐⱄⱑⱈⱏ ⰾⱓⰴⰻⰻ.
2:32
ⱄⰲⱑⱅⱏ ⰲⱏ ⱁⰽⱃⱏⰲⰵⱀⰻⰵ ⱗⰸⱏⰹⰽⱏ. ⰻ ⱄⰾⰰⰲⱘ ⰾⰻⰴⰻⰻ ⱅⰲⱁⰻⱈⱏ !ⰻⰾⱑ.
2:33
ⰺ ⰱⱑ ⰻⱁⱄⰻⱇⱏ ⰻ ⰿⰰⱅⰻ ⰵⰳⱁ ⱍⱓⰴⱔⱎⱅⰰ ⱄⱔ. ⱁ ⰳⰾ҃ⰵⰿⱏⰹⱈⱏ ⱁ ⱀⰵⰿⱐ.
2:34
ⰺ҅ !ⰱⰾⰳⱄⰾⰲⰻ ⱑ ⱄⱛⰿⰵⱁⱀⱏ ⰻ ⱃⰵⱍⰵ ⰽⱏ ⰿⰰⱃⰻⰻ ⰿⰰⱅⰵⱃⰻ ⰵⰳⱁ. ⱄⰵ ⰾⰵⰶⰻⱅⱏ ⱄⱏ ⱀⰰ ⱂⰰⰴⰵⱀⰻⰵ ⰻ ⱀⰰ ⰲⱏⱄⱅⰰⱀⰻⰵ ⰿⱏⱀⱁⰳⱁⰿⱏ ⰲⱏ !ⰻⰾⰻ. ⰺ ⰲⱏ ⰸⱀⰰⰿⰵⱀⰻⰵ ⱂⱃⱑⱃⱁⱍⱏⱀⱁ.
2:35
ⰺ ⱅⰵⰱⱑ ⰶⰵ ⱄⰰⰿⱁⰻ ⰴⱎ҃ⱘ ⱂⱃⱁⰻⰴⰵⱅⱏ ⱁⱃⱘⰶⰻⰵ. ⰴⰰ ⱁⱅⱏⰽⱃⱏⰹⱙⱅⱏ ⱄⱔ ⱁⱅⱏ ⰿⱏⱀⱁⰳⱏ ⱄⱃⰴ҃ⱌⱏ ⱂⱁⰿⱏⰹⱎⰾⰵⱀⰻⱑ. ::
2:36
Ⰺ ⰱⱑ ⰰⱀⱀⰰ ⱂⱃⱁⱃⱁⱍⰻⱌⰰ. ⰴⱏⱄⱅⰻ ⱇⰰⱀⱆⰻⰾⰵⰲⰰ. ⱁⱅⱏ ⰽⱁⰾⱑⱀⰰ ⰰⱄⱆⱃⱁⰲⰰ. ⱄⰻ ⰸⰰⰿⰰⱅⱁⱃⱑⰲⱏⱄⰻ ⰲⱏ ⰴⱐⱀⰵⱈⱏ ⰿⱀⱁⰷⱑⱈⱏ. ⰶⰻⰲⱏⱎⰻ ⱄⱏ ⰿⱘⰶⰵⰿⱐ !ⰶ ⰾⱑⱅⱏ. ⱁⱅⱏ ⰴⱑⰲⱏⱄⱅⰲⰰ ⱄⰲⱁⰵⰳⱁ.
2:37
ⰻ ⱅⰰ ⰲⱏⰴⱁⰲⰰ ⰴⱁ ⱁⱄⰿⰻ ⰴⰵⱄⱔⱅⱏ ⰻ ⱍⰵⱅⱏⰹⱃⱏ ⰾⱑⱅⱏ. ⱑⰶⰵ ⱀⰵ ⱁⱈⱁⰶⰴⰰⰰⱎⰵ ⱂⱁⱄⱅⱁⰿⱐ ⰻ ⰿⱁⰾⰻⱅⰲⰰⰿⰻ. ⱄⰾⱆⰶⱔⱎⱅⰻ ⰴⰵⱀⱐ ⰻ ⱀⱁⱎⱅⱐ.
2:38
ⰺ ⱅⰰ ⰲⱏ ⱅⱏ ⱍⰰⱄⱏ ⱂⱃⰻⱄⱅⰰⰲⱏⱎⰻ ⰻⱄⱂⱁⰲⱑⰴⰰⰰⱎⰵ ⱄⱔ !ⰳⰲⰻ. ⰺ ⰳⰾ҃ⰰⱎⰵ ⱁ ⱀⰵⰿⱐ. ⰲⱐⱄⱑⰿⱏ ⱍⰰⱙⱎⱅⰻⰻⰿⱏ ⰻⰸⰱⰰⰲⰾⰵⱀⰻⱑ ⰲⱏ !ⰻⰿⱑ.
2:39
ⱑⰽⱁ ⱄⱏⰽⱁⱀⱐⱍⰰⱎⱔ ⱄⱔ ⰲⱐⱄⱑ ⱂⱁ ⰸⰰⰽⱁⱀⱆ ⰳⱀ҃ⱓ. ⰲⱏⰸⰲⱃⰰⱅⰻⱎⱔ ⱄⱔ ⰲⱏ ⰳⰰⰾⰻⰾⰵⱙ. ⰲⱏ ⰳⱃⰰⰴⱏ ⱄⰲⱁⰻ ⱀⰰⰸⰰⱃⰵⱅⱏ.
2:40
ⱁⱅⱃⱁⱍⱔ ⰶⰵ ⱃⰰⱄⱅⱑⰰⱎⰵ ⰻ ⰽⱃⱑⱂⰾⱑⰰⱎⰵ ⱄⱔ ⰴⱈ҃ⰿⱐ. ⰺⱄⱂⰾⱏⱀⱑⱗ ⱄⱔ ⱂⱃⱑⰿⱘⰴⱃⱁⱄⱅⰻ. ⰺ ⰱⰾⰰⰳⱁⰴⰰⱅⱏ ⰱⰶ҃ⰻⱑ ⰱⱑ ⱀⰰ ⱀⰵⰿⱐ :: ⰽ!ⱌ.
2:41
Ⰺ ⱈⱁⰶⰴⰰⰰⱎⰵⱅⰵ ⱃⱁⰴⰻⱅⰵⰾⱑ ⰵⰳⱁ ⱂⱁ ⰲⱐⱄⱑ ⰾⱑⱅⰰ ⰲⱏ !ⰻⰿⱏ. ⰲⱏ ⱂⱃⰰⰸⰴⱐⱀⰻⰽⱏ ⱂⰰⱄⱈⱏⰹ.
2:42
ⰺ ⰵⰳⰴⰰ ⰱⱏⰹⱄⱅⱏ ⰴⱏⰲⱁⱓ ⱀⰰ ⰴⰵⱄⱔⱅⰵ ⰾⱑⱅⱆ. ⰲⱏⱎⰵⰴⱏⱎⰵⰿⱏ ⰻⰿⱏ ⰲⱏ !ⰻⰿⱏ. ⱂⱁ ⱁⰱⱏⰹⱍⰰⱙ ⱂⱃⰰⰸⰴⱐⱀⰻⰽⰰ.
2:43
ⰺ ⰽⱁⱀⱐⱍⰰⰲⱏⱎⰵⰿⱏ ⰴⱏⱀⰻ ⰲⱏⰸⰲⱃⰰⱎⱅⰰⱙⱎⱅⰵⰿⱏ ⱄⱔ ⰻⰿⱏ. ⱁⱄⱅⰰ ⱁⱅⱃⱁⰽⱏ ⰻⱄ҃ ⰲⱏ !ⰻⰿⱑ. ⰺ ⱀⰵ ⱍⱓ ⰻⱁⱄⰻⱇⱏ ⰻ ⰿⰰⱅⰻ ⰵⰳⱁ.
2:44
ⰿⱐⱀⱑⰲⱏⱎⰰ ⰶⰵ ⰻ ⰲⱏ ⰴⱃⱆⰶⰻⱀⱑ ⱄⱘⱎⱅⱏ. ⱂⱃⰻⰴⰵⱅⰵ ⱂⱔⱅⱐ ⰴⱐⱀⰵ{ⰻ} ⰺ ⰻⱄⰽⰰⰰⱎⰵⱅⰵ ⰵⰳⱁ ⰲⱏ ⱃⱁⰶⰴⰵⱀⰻⰻ. ⰺ ⰲⱏ ⰸⱀⰰⱀⰻⰻ.
2:45
ⰺ ⱀⰵ ⱁⰱⱃⱑⱅⱏⱎⰰ ⰵⰳⱁ. ⰲⱏⰸⰲⱃⰰⱅⰻⱄⱅⰵ ⱄⱔ ⰲⱏ !ⰻⰿⱏ. ⰲⱏⰸⰻⱄⰽⰰⱙⱎⱅⰰ ⰵⰳⱁ.
2:46
ⰺ ⰱⱏⰹⱄⱅⱏ ⱂⱁ ⱅⱃⰵⱈⱏ ⰴⱏⱀⰵⱈⱏ. ⱁⰱⱃⱑⱅⰵⱅⰵ ⰻ ⰲⱏ !ⱌⱃⰽⰲⰻ ⱄⱑⰴⱔⱎⱅⱏ. ⱂⱁ ⱄⱃⱑⰴⱑ ⱆⱍⰻⱅⰵⰾⱐ ⰻ ⱂⱁⱄⰾⱆⱎⰰⱙⱎⱅⰰ ⰻⱈⱏ. ⰺ ⰲⱏⱂⱃⰰⱎⰰⱙⱎⱅⰰ ⱗ҅.
2:47
ⱆⰶⰰⱄⰰⰰⱈⱘ ⰶⰵ ⱄⱔ ⰲⱐⱄⰻ. ⱂⱁⱄⰾⱆⱎⰰⱙⱎⱅⰵⰻ ⰵⰳⱁ. ⱁ ⱃⰰⰸⱆⰿⱑ ⰻ ⱁ ⱁⱅⱏⰲⱑⱅⱑⱈⱏ ⰵⰳⱁ.
2:48
ⰺ ⰲⰻⰴⱑⰲⱏⱎⰰ ⰻ ⰴⰻⰲⰻⱄⱅⰵ ⱄⱔ. ⰺ ⱃⰵⱍⰵ ⰽⱏ ⱀⰵⰿⱆ ⰿⰰⱅⰻ ⰵⰳⱁ. ⱍⱔⰴⱁ ⱍⱅⱁ ⱄⱏⱅⰲⱁⱃⰻ ⱀⰰⰿⰰ ⱅⰰⰽⱁ. ⱄⰵ ⱁⱅⰵⱌⱏ ⱅⰲⱁⰻ ⰻ ⰰⰸⱏ. ⱄⰽⱃⱏⰱⱔⱋⰰ ⰻⱄⰽⰰⰰⱈⱁⰲⱑ ⱅⰵⰱⰵ.
2:49
ⰺ ⱃⰵⱍⰵ ⰽⱏ ⱀⰻⰿⰰ. ⱍⱅⱁ ⱑⰽⱁ ⰻⱄⰽⰰⰰⱎⰵⱅⰰ ⰿⰵⱀⰵ. ⱀⰵ ⰲⱑⱄⱅⰰ ⰾⰻ ⱑⰽⱁ ⱑⰶⰵ ⱄⱘⱅⱏ ⱁⱌ҃ⰰ ⰿⱁⰵⰳⱁ. ⰲⱐ ⱅⱑⱈⱏ ⰴⱁⱄⱅⱁⰻⱅⱏ ⰿⰻ ⰱⱏⰹⱅⰻ.
2:50
ⰺ ⱅⰰ ⱀⰵ ⱃⰰⰸⱆⰿⱑⱄⱅⰵ ⰳⰾ҃ⰰ ⰻⰶⰵ ⱃⰵⱍⰵ ⰻⰿⰰ.
2:51
ⰻ ⱄⱏⱀⰻⰴⰵ ⱄⱏ ⱀⰻⰿⰰ ⰻ ⱂⱃⰻⰴⰵ ⰲⱏ ⱀⰰⰸⰰⱃⰵⱅⱏ. ⰺ ⰱⱑ ⱂⱁⰲⰻⱀⱆⱗ ⱄⱔ ⰻⰿⰰ. ⰺ ⰿⰰⱅⰻ ⰵⰳⱁ ⱄⱏⰱⰾⱓⰴⰰⰰⱎⰵ ⰲⱐⱄⱔ ⰳⰾ҃ⱏⰹ ⱄ ⱗ҅ ⰲⱏ ⱄⱃⰴ҃ⱌⰻ ⱄⰲⱁⰵⰿⱐ.
2:52
ⰺⱄ҃ⱏ ⰶⰵ ⱄⱂⱑⰰⱎⰵ ⱂⱃⱑⰿⱘⰴⱃⱁⱄⱅⰻⱙ ⰻ ⱅⱑⰾⱁⰿⱏ ⰻ ⰱⰾⰰⰳⱁⰴⰰⱅⰻⱙ. ⱁⱅⱏ ⰱ҃ⰰ. ⰻ ⱍⰾ҃ⰽⱏ :: ⰽ!ⱌ :: ::