ЕВАНГЕЛИЕ ЕЖЕ Ѿ ЛОУКꙐ
19:1
Ⰺ ⰲⱏⱎⰵⰴⱏ ⱂⱃⱁⱈⱁⰶⰴⰰⰰⱎⰵ ⰻⱄ҃ⱏ ⰲⱏ ⰵⱃⰻⱈⱘ.
19:2
ⰻ ⱄⰵ ⰿⱘⰶⱏ ⰻⰿⰵⱀⰵⰿⱐ ⱀⰰⱃⰻⱌⰰⰵⰿⱏ ⰸⰰⰽⱐⱈⰵⰻ. ⰺ ⱄⱐ ⰱⱑ ⱄⱅⰰⱃⱑⰻ ⰿⱏⰹⱅⰰⱃⰵⰿⱏ. ⰺ ⱅⱏ ⰱⱑ ⰱⱁⰳⰰⱅⱏ.
19:3
ⰺ ⰻⱄⰽⰰⰰⱎⰵ ⰲⰻⰴⱑⱅⰻ ⰻⱄ҃ⰰ ⰽⱏⱅⱁ ⰵⱄⱅⱏ. ⰺ ⱀⰵ ⰿⱁⰶⰰⰰⱎⰵ ⱀⰰⱃⱁⰴⱁⰿⱏ. ⱑⰽⱁ ⱅⱑⰾⱁ{ⰱ}ⰿⱏ ⰿⰰⰾⱏ ⰱⱑ.
19:4
ⰻ ⱂⱃⱑⰴⰻ ⱅⰵⰽⱏ ⰲⱏⰸⰾⱑⰸⰵ ⱀⰰ ⱄⱛⰽⱁⰿⱁⱃⰻⱙ. ⰴⰰ ⰲⰻⰴⰻⱅⱏ ⰹ. ⱑⰽⱁ ⱅⱘⰴⱑ ⱈⱁⱅⱑⰰⱎⰵ ⰿⰻⱀⱘⱅⰻ.
19:5
ⰺ ⱑ[ⰽⱁ] ⱂⱃⰻⰴⰵ ⱀⰰ ⰿⱑⱄⱅⱁ. ⰲⱏⰸⱐⱃⱑⰲⱏ ⰻⱄ҃ ⰲⰻⰴⱑ ⰻ. ⰺ ⱃⰵⱍⰵ ⰽⱏ ⱀⰵⰿⱆ. ⰸⰰⰽⱐⱈⱑⰵ ⱂⱁⱅⱏⱎⱅⰰⰲⱏ ⱄⱔ ⱄⱏⰾⱑⰸⰻ. ⰴⱏⱀⰵⱄⱐ ⰱⱁ ⱂⱁⰴⱁⰱⰰⰰⱅⱏ ⰿⰻ ⰲⱏ ⰴⱁⰿⱆ ⱅⰲⱁⰵⰿⱐ ⰱⱏⰹⱅⰻ.
19:6
ⰻ ⱂⱁⱅⱏⱎⱅⰰⰲⱏ ⱄⱔ ⱄⱏⰾⱑⰸⰵ. ⰻ ⱂⱃⰻⱗⱅⱏ ⰹ ⱃⰰⰴⱆⱗ ⱄⱔ.
19:7
ⰺ ⰲⰻⰴⱑⰲⱏⱎⰵ ⰲⱐⱄⰻ ⱃⱏⱂⱅⰰⰰⱈⱘ ⰳⰾ҃ⱙⱎⱅⰵ. ⱑⰽⱁ ⰽⱏ ⰳⱃⱑⱎⱏⱀⱘ ⰿⱘⰶⱓ ⰲⱏⱀⰻⰴⰵ ⰲⰻⱅⰰⱅⱏ.
19:8
ⱄⱅⰰⰲⱏ ⰶⰵ ⰸⰰⰽⱐⱈⰵⰻ ⱃⰵⱍⰵ ⰽⱏ ⰳ҃ⰻ. ⱄⰵ ⱂⱁⰾⱏ ⰻⰿⱑⱀⰻⱑ ⰿⱁⰵⰳⱁ ⰳ҃ⰻ ⰴⰰⰿⱏ ⱀⰻⱎⱅⰻⰻⰿⱏ. ⰺ ⰰⱎⱅⰵ ⰵ҅ⱄⰿⱏ ⰽⱁⰳⱁ ⱍⰻⰿⱐ ⱁⰱⰻⰴⱑⰾⱏ. ⰲⱏⰸⰲⱃⰰⱋⱘ ⱍⰵⱅⰲⱁⱃⰻⱌⰵⱙ.
19:9
Ⱃⰵⱍⰵ ⰶⰵ ⰽⱏ ⱀⰵⰿⱆ ⰻⱄ҃ⱏ. ⱑⰽⱁ ⰴⱐⱀⰵⱄⱐ ⱄⱂ҃ⱄⱀⰻⰵ ⰴⱁⰿⱆ ⱅⰲⱁⰵⰿⱆ ⰱⱏⰹⱄⱅⱏ. ⰸⰰⱀⰵ ⰻ ⱄⱐ ⱄⱀ҃ⱏ ⰰⰲⱃⰰⰰⰿⰾⱐ ⰵⱄⱅⱏ.
19:10
Ⱂⱃⰻⰴⰵ ⰱⱁ ⱄⱀ҃ⱏ ⱍⰾⰲ҃ⱍⱄⰽⱏⰹ ⰲⱏⰸⰻⱄⰽⰰⱅⱏ. ⰺ ⱄⱂ҃ⱄⱅⱏ ⱂⱁⰳⱏⰹⰱⱏⱎⰰⰰⰳⱁ. :: ⰽ!ⱌ ::
19:11
Ⱄⰾⱏⰹⱎⱔⱋⰵⰿⱏ ⰶⰵ ⰻⰿⱏ ⱄⰵ. ⱂⱃⰻⰾⱁⰶⱐ ⱂⱃⰻⱅⱏⱍⱘ ⱃⰵⱍⰵ. ⰸⰰⱀⰵⰶⰵ ⱅⱏ ⰱⱑ ⰱⰾⰻⰸⱏ !ⰻⰿⰰ. ⰺ ⰿⱐⱀⱑⰰⱈⱘ ⱑⰽⱁ ⰰⰱⰻⰵ ⱈⱁⱎⱅⰵⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ ⰰⰲⰻⱅⰻ ⱄⱔ ::
19:12
Ⱃⰵⱍⰵ ⰶⰵ. ⱍⰾ҃ⰽⱏ ⰵⰴⰻⱀⱏ ⰴⱁⰱⱃⰰ ⱃⱁⰴⰰ ⰻⰴⰵ ⱀⰰ ⱄⱅⱃⰰⱀⱘ ⰴⰰⰾⰵⱍⰵ. ⱂⱃⰻⱗⱅⰻ ⱄⰵⰱⱑ ⱌⱄ҃ⱃⱄⱅⰲⰻⰵ. ⰺ ⰲⱏⰸⰲⱃⰰⱅⰻ ⱄⱔ.
19:13
Ⱂⱃⰻⰸⱏⰲⰰⰲⱏ ⰶⰵ ⰻ ⰴⰵⱄⱔⱅⱐ ⱃⰰⰱⱏ ⱄⰲⱁⰻⱈⱏ. ⰺ ⰴⰰⱄⱅⱏ ⰻⰿⱏ ⰴⰵⱄⱔⱅⱐ ⰿⱏⱀⰰⱄⱏ. ⰺ ⱃⰵⱍⰵ ⰽⱏ ⱀⰻⰿⱏ. ⰽⱆⱂⰾⱘ ⰴⱑⰻⱅⰵ ⰴⱁⱀⱐⰴⰵⰶⰵ ⱂⱃⰻⰴⱁ.
19:14
ⰳⱃⰰⰶⰴⰰⱀⰵ ⰶⰵ ⰵⰳⱁ ⱀⰵⱀⰰⰲⰻⰴⱑⰰⱈⱘ ⰵⰳⱁ. ⱂⱁⱄⱏⰾⰰⱎⱔ ⰿⱁⰾⰻⱅⰲⱘ ⰲⱏ ⱄⰾⱑⰴⱏ ⰵⰳⱁ ⰳⰾ҃ⱙⱋⰵ. ⱀⰵ ⱈⱁⱎⱅⰵⰿⱏ ⱄⰵⰿⱆ ⰴⰰ ⱌⱄ҃ⱃⱄⱅⰲⱆⱆⱅⱏ ⱀⰰⰴⱏ ⱀⰰⰿⰻ.
19:15
ⰺ ⰱⱏⰹⱄⱅⱏ ⰵⰳⰴⰰ ⱄⱔ ⰲⱏⰸⰲⱃⰰⱅⰻ. ⱂⱃⰻⰻⰿⱏ ⱌⱄ҃ⱃⱄⱅⰲⰻⰵ. ⰺ ⱃⰵⱍⰵ ⰴⰰ ⱂⱃⰻⰳⰾⰰⱄⱔⱅⱏ ⰵⰿⱆ ⱃⰰⰱⱏⰹ ⱅⱏⰹ. ⰺⰿⱏⰶⰵ ⰴⰰⱄⱅⱏ ⱄⱏⱃⰵⰱⱃⱁ. ⰴⰰ ⱆⰲⱑⱄⱅⱏ ⰽⰰⰽⱘ ⰽⱆⱂⰾⱙ ⱄⱘⱅⱏ ⱄⱏⱅⰲⱁⱃⰻⰾⰻ.
19:16
ⱂⱃⰻⰴⰵ ⰶⰵ ⱂⱃⱏⰲⱏⰹ ⰳⰾ҃ⱔ ⰳ҃ⰻ. ⰿⱏⱀ!ⱄⱏ ⱅⰲⱁⱑ ⱂⱃⰻⰴⱑⰾⰰ ⰴⰵⱄⱔⱅⱐ ⰿⱐⱀⰰⱄⱏ.
19:17
ⰺ ⱃⰵⱍⰵ ⰵⰿⱆ ⰱⰾⰰⰳⱏⰹ ⱃⰰⰱⰵ ⰻ ⰴⱁⰱⱃⱏⰹ. ⱑⰽⱁ ⱁ ⰿⰰⰾⱑ ⰲⱑⱃⰵⱀⱏ ⰱⱏⰹⱄⱅⱏ. ⰱⱘⰴⰻ ⱁⰱⰾⰰⱄⱅⱐ ⰻⰿⱏⰹ ⱀⰰⰴⱏ ⰴⰵⱄⱔⱅⱐⱙ ⰳⱃⰰⰴⱏ.
19:18
ⰺ ⱂⱃⰻⰴⰵ ⰲⱏⱅⱁⱃⱏⰹ ⰳⰾ҃ⱔ. ⰿⱏⱀⰰⱄⱏ ⱅⰲⱁⱑ ⰳ҃ⰻ ⱄⱏⱅⰲⱁⱃⰻ !ⰴ ⰿⱏⱀⰰⱄⱏ.
19:19
ⱃⰵⱍⰵ ⰶⰵ ⰻ ⱅⱁⰿⱆ. ⰺ ⱅⱏⰹ ⰱⱘⰴⰻ ⱀⰰⰴⱏ ⱂⱔⱅⰻⱙ ⰳⱃⰰⰴⱏ.
19:20
ⰺ ⰴⱃⱆⰳⱏⰹ ⱂⱃⰻⰴⰵ ⰳⰾ҃ⱔ ⰳ҃ⰻ. ⱄⰵ ⰿⱏⱀⰰⱄⱏ ⱅⰲⱁⱑ ⱙⰶⰵ ⰻⰿⱑⱈⱏ. ⱂⱁⰾⱁⰶⰵⱀⱘ ⰲⱏ ⱆⰱⱃⱆⱄⱑ.
19:21
ⰱⱁⱑⰰⱈⱏ ⰱⱁ ⱄⱔ ⱅⰵⰱⰵ. ⱑⰽⱁ ⱍⰾⰲ҃ⰽⱏ ⱑⱃⱏ ⰵⱄⰻ. ⰲⱐⰸⰵⰿⰾⰵⱎⰻ ⰵⰳⱁⰶⰵ ⱀⰵ ⱂⱁⰾⱁⰶⱏ. ⰺ ⰶⱐⱀⰵⱎⰻ ⰵⰳⱁⰶⰵ ⱀⰵ ⱄⱑⰲⱏ.
19:22
ⰳⰾ҃ⰰ ⰵⰿⱆ ⱁⱅⱏ ⱆⱄⱅⱏ ⱅⰲⱁⰻⱈⱏ ⱄⱘⰶⰴⱘ ⱅⰻ ⰸⱏⰾⱏⰹ ⱃⰰⰱⰵ. ⰲⱑⰴⱑⰰⱎⰵ ⱑⰽⱁ ⰰⰸⱏ ⱍⰾⰲ҃ⰽⱏ ⱑⱃⱏ ⰵⱄⰿⱏ. ⰲⱏⰸⰵⰿⰾⱔ ⰵⰳⱁⰶⰵ ⱀⰵ ⱂⱁⰾⱁⰶⰻⱈⱏ. ⰺ ⰶⱐⱀⱔ ⰵⰳⱁⰶⰵ ⱀⰵ ⱄⱑⱈⱏ.
19:23
ⰺ ⱂⱁ ⱍⱏⱅⱁ ⱀⰵ ⰲⱏⰴⰰⱄⱅⱏ ⰿⱁⰵⰳⱁ ⱄⱏⱃⰵⰱⱃⰰ ⱂⱑⱀⱔⰶⱐⱀⰻⰽⱁⰿⱏ. ⰺ ⰰⰸⱏ ⱂⱃⰻⱎⰵⰴⱏ ⱄⱏ ⰾⰻⱈⰲⱁⱙ ⰻⱄⱅⱔⰸⰰⰾⱏ ⰵ ⰱⰻⰿⱏ.
19:24
ⰺ ⱂⱃⱑⰴⱏⱄⱅⱁⱗⱎⱅⰻⰻⰿⱏ ⱃⰵⱍⰵ. ⰲⱐⰸⱐⰿⱑⱅⰵ ⱁⱅⱏ ⱀⰵⰳⱁ ⰿⱏⱀⰰⱄⱘ. ⰺ ⰴⰰⰴⰻⱅⰵ ⰻⰿⱘⱎⱅⱘⱆⰿⱆ. !ⰺ. ⰿⱏⱀⰰⱄⱏ.
19:25
ⰺ ⱃⱑⱎⱔ ⰵⰿⱆ ⰳ҃ⰻ ⰻⰿⰰⱅⱏ !ⰺ ⰿⱏⱀⰰⱄⱏ.
19:26
!Ⰳⰾⱙ ⰶⰵ ⰲⰰⰿⱏ ⱑⰽⱁ ⰲⱐⱄⱑⰽⱁⰿⱆ ⰻⰿⱘⱋⱓⰿⱆ ⰴⰰⰴⱔⱅⱏ. ⰰ ⱁⱅⱏ ⱀⰵ ⰻⰿⱘⱎⱅⰰⰰⰳⱁ. ⰻ ⰵⰶⰵ ⰻⰿⰰⱅⱏ ⱁⱅⱏⰻⰿⱘⱅⱏ ⱁⱅⱏ ⱀⰵⰳⱁ :: ⰽ!ⱌ ::
19:27
Ⱁⰱⰰⱍⰵ ⰲⱃⰰⰳⱏⰹ ⰿⱁⱗ ⱅⱏⰹ. ⱀⰵ ⱈⱁⱅⱑⰲⱏⱎⱔⱗ ⰿⱐⱀⱑ {ⰴⰰ} ⰴⰰ ⱌⱄ҃ⱃⱐ ⰱⰻⰿⱐ ⰱⱏⰹⰾⱏ ⱀⰰⰴⱏ ⱀⰻⰿⰻ. ⱂⱃⰻⰲⰵⰴⱑⱅⰵ ⱄⱑⰿⱁ. ⰺ ⰻⱄⱑⱌⱑⱅⰵ ⱗ ⱂⱃⱑⰴⱏ ⰿⱏⱀⱁⱙ ::
19:28
Ⰺ ⱄⰵ ⱃⰵⰽⱏ ⰻⰴⱑⰰⱎⰵ ⱂⱃⱑⰴⰻ ⰲⱏⱄⱈⱁⰴⱔ ⰲⱏ !ⰻⰿⱏ.
19:29
ⰺ ⰱⱏⰹⱄⱅⱏ ⱑⰽⱁ ⱂⱃⰻⰱⰾⰻⰶⰻ ⱄⱔ ⰲⱏ ⰲⰻⱅⱏⱇⰰⰼⰻⱙ ⰻ ⰲⰻⱅⰰⱀⰻⱙ. ⰽⱏ ⰳⱁⱃⱑ ⱀⰰⱃⰻⱌⰰⰵⰿⱑⰻ ⰵⰾⰵⱁⱀⱏ. ⱂⱁⱄⱏⰾⰰ ⰴⱏⰲⰰ ⱆⱍⰵⱀⰻⰽⱏ ⱄⰲⱁⰻⱈⱏ
19:30
ⰳⰾ҃ⱔ. ⰺⰴⱑⱅⰰ ⰲⱐ ⱂⱃⱑⰿⱐⱀⱙⱘ ⰲⰵⱄⱐ. ⰲⱐ ⱀⱙⰶⰵ ⰲⱏⱈⱁⰴⱔⱎⱅⰰ ⱁⰱⱃⱔⱎⱅⰵⱅⰰ ⰶⱃⱑⰱⱔ ⱂⱃⰻⰲⱔⰸⰰⱀⱁ. ⱀⰰ ⱀⰵⰶⰵ ⱀⰻⰽⱅⱁⰶⰵ ⰽⱏⰴⰵ ⱁⱅⱏ ⱍⰾ҃ⰽⱏ ⱀⰵ ⰲⱐⱄⱑⰴⰵ. ⱁⱅⱃⱑⱎⱎⰰ ⰵ ⱂⱃⰻⰲⰵⰴⱑⱅⰰ.
19:31
ⰺ ⰰⱋⰵ ⰽⱏⱅⱁ ⰲⱏⰹ ⰲⱏⱂⱃⰰⱎⰰⰰⱅⱏ. ⱅⰰⰽⱁ ⱃⰵⱍⰵⱅⰰ ⰵⰿⱆ. ⱑⰽⱁ ⰳ҃ⱏ ⱅⱃⱑⰱⱆⱆⱅⱏ ⰵⰳⱁ.
19:32
ⱎⰵⰴⱏⱎⰰ ⰶⰵ ⱂⱁⱄⱏⰾⰰⱀⰰⱑ. ⱁⰱⱃⱑⱅⰵⱅⰵ ⱑⰽⱁⰶⰵ ⱃⰵⱍⰵ ⰻⰿⰰ.
19:33
ⱁⱅⱃⱑⱎⰰⱙⱎⱅⰵⰿⰰ ⰶⰵ ⰻⰿⰰ ⰶⱃⱑⰱⱔ. ⱃⱑⱎⱔ ⰳⱁⱄⱂⱁⰴⰻⰵ ⰵⰳⱁ ⰽⱏ ⱀⰻⰿⰰ. ⱍⱏⱅⱁ ⱁⱅⱃⱑⱎⰰⰰⱅⰰ ⰶⱃⱑⰱⱔ.
19:34
ⱁⱀⰰ ⰶⰵ ⱃⱑⱄⱅⰵ ⱑⰽⱁ ⰳ҃ⱏ ⱅⱃⱑⰱⱆⱆⱅⱏ ⰵⰳⱁ.
19:35
ⰻ ⱂⱃⰻⰲⱑⱄⱅⰵ ⰵ ⰽⱏ ⰻⱄ҃ⰲⰻ. ⰺ ⰲⱏⰸⰲⱃⱏⰳⱏⱎⰵ ⱃⰻⰸⱏⰹ ⱄⰲ ⱗ҅ ⱀⰰ ⰶⱃⱑⰱⱔ. ⰲⱏⱄⰰⰴⰻⱎⱔ ⰻⱄ҃ⰰ ::
19:36
Ⰺⰴⱘⱋⱅⱓ ⰶⰵ ⰵⰿⱆ ⱂⱁⱄⱅⰻⰾⰰⰰⱈⱘ ⱃⰻⰸⱏⰹ ⱂⱁ ⱂⱘⱅⰻ.
19:37
ⱂⱃⰻⰱⰾⰻⰶⰰⱙⱎⱅⱓ ⰶⰵ ⱄⱔ ⰵⰿⱆ ⰰⰱⰻⰵ ⰽⱏ ⱀⰻⰸⱏⱈⱁⰶⰴⰵⱀⰻⱓ ⰳⱁⱃⱑ ⰵⰾⰵⱁⱀⱐⱄⱅⱌⱑⰻ. ⱀⰰⱍⱔⱅⱏ ⰲⱐⱄⰵ ⰿⱐⱀⱁⰶⱏⱄⱅⰲⱁ ⱆⱍⰵⱀⰻⰽⱏ ⱃⰰⰴⱆⱙⱎⱅⰵ ⱄⱔ ⱈⰲⰰⰾⰻⱅⰻ ⰱ҃ⰰ ⰳⰾⰰⱄⱁⰿⱐ ⰲⰵⰾⰻⰵⰿⱐ ⱁ ⰲⱐⱄⱑⱈⱏ ⱄⰻⰾⰰⱈⱏ ⱗⰶⰵ ⰲⰻⰴⱑⱎⱔ.
19:38
ⰳⰾ҃ⱙⱋⰵ !ⰱⰾⰳⱁⱄⰾⰲⱀⱏ ⰳⱃⱔⰴⱏⰹ ⰲⱏ ⰹⰿⱔ ⰳⱀ҃ⰵ. ⰿⰻⱃⱏ ⱀⱀⰱ҃ⱄⰵ ⰻ ⱄⰾⰰⰲⰰ ⰲⱏ ⰲⱏⰹⱎⱏⱀⰻⰻⱈⱏ.
19:39
ⰺ ⰵⰴⰻⱀⰻ ⱇⰰ!ⱃⱄⱑⰻ ⱁⱅⱏ ⱀⰰⱃⱁⰴⰰ ⱃⱑⱎⱔ ⰽⱏ ⱀⰵⰿⱆ. ⱆⱍⰻⱅⰵⰾⱓ ⰸⰰⱂⱃⱑⱅⰻ ⱆⱍⰵⱀⰻⰽⱁⰿⱏ ⱅⰲⱁⰻⰿⱏ.
19:40
ⰻ ⱁⱅⱏⰲⱑⱋⰰⰲⱏ ⱃⰵⱍⰵ ⰻⰿⱏ. ⰳⰾ҃ⱙ ⰲⰰⰿⱏ. ⱑⰽⱁ ⰰⱋⰵ ⰻ ⱄⰻⰻ ⱆⰿⰾⱏⱍⱔⱅⱏ. ⰽⰰⰿⰵⱀⰻⰵ ⰲⱏⱂⰻⱅⰻ ⰻⰿⰰⱅⱏ.
19:41
ⰺ ⱑⰽⱁ ⱂⱃⰻⰱⰾⰻⰶⰻ ⱄⱔ ⰲⰻⰴⱑⰲⱏ ⰳⱃⰰⰴⱏ ⱂⰾⰰⰽⰰ ⱄⱔ ⱁ ⱀⰵⰿⱐ ⰳⰾ҃ⱔ.
19:42
ⱑⰽⱁ ⰰⱎⱅⰵ ⰱⰻ ⱃⰰⰸⱆⰿⱑⰾⱏ ⰲⱏ ⰴⱐⱀⱐ ⱄⱏ ⱅⰲⱁⰻ. ⰺ ⱅⱏⰹ ⱑⰶⰵ ⰽⱏ ⰿⰻⱃⱆ ⱅⰲⱁⰵⰿⱆ. ⱀⱏⰹⱀⱑ ⰶⰵ ⱆⰽⱃⱏⰹ ⱄⱔ ⱁⱅⱏ ⱁⱍⰻⱙ ⱅⰲⱁⰵⱓ.
19:43
ⱑⰽⱁ ⱂⱃⰻⰴⱘⱅⱏ ⰴⱐⱀⱐⰵ ⱀⰰ ⱅⱔ. ⰺ ⱁⰱⰾⱁⰶⱔⱅⱏ ⰲⱃⰰⰸⰻ ⱅⰲⱁⰻ ⱁⱄⱅⱃⱁⰳⱏ ⱁ ⱅⰵⰱⱑ. ⰻ ⱁⰱⰻⰴⱘⱅⱏ ⱅⱔ. ⰺ ⱁⱄⱔⰴⱘⱅⱏ ⱅⱔ ⰲⱏⱄⱘⰴⱘ.
19:44
ⰺ ⱃⰰⰸⰱⰻⱙⱅⱏ ⱅⱔ ⰻ ⱍⱔⰴⰰ ⱅⰲⱁⱑ ⰲⱏ ⱅⰵⰱⱑ. ⰺ ⱀⰵ ⱁⱄⱅⰰⰲⱔⱅⱏ ⰲⱐ ⱅⰵⰱⱑ ⰽⰰⰿⰵⱀⰵ ⱀⰰ ⰽⰰⰿⰵⱀⰻ. ⱂⱁⱀⰵⰶⰵ ⱀⰵ ⱃⰰⰸⱆⰿⱑ ⰲⱃⱑⰿⰵⱀⰵ :: Ⱂⱁⱄⱑⱋⰵⱀⰻⱓ ⱅⰲⱁⰵⰿⱆ ::
19:45
Ⰺ ⰲⱏⱎⰵⰴⱏ ⰲⱏ !ⱌⱃⰽⰲⱏ. ⱀⰰⱍⱔⱅⱏ ⰻⰸⰳⱁⱀⰻⱅⰻ ⱂⱃⱁⰴⰰⱙⱎⱅⱔⱗ ⰲⱐ ⱀⰵⰻ ⰻ ⰽⱆⱂⱆⱙⱎⱅⱔⱗ.
19:46
ⰳⰾ҃ⱔ ⰻⰿⱏ. ⱂⰻⱄⰰⱀⱁ ⰵⱄⱅⱏ. ⱈⱃⰰⰿⱏ ⰿⱁⰻ ⱈⱃⰰⰿⱏ ⰿⱁⰾⰻⱅⰲⱑ ⰵⱄⱅⱏ. ⰲⱏⰹ ⰶⰵ ⱄⱏⱅⰲⱁⱃⰻⱄⱅⰵ ⰻ ⰲⱃⱏⱅⱏⱂⱏ ⱃⰰⰸⰱⱁⰻⱀⰻⰽⱁⰿⱏ. :: ::
19:47
Ⰺ ⰱⱑ ⱆⱍⱔ ⰲⱏ !ⱌⱃⰽⰲⰵ ⱂⱁ ⰲⱐⱄⱔ ⰴⱐⱀⰻ. ⰰⱃⱈⰻⰵⱃⰵⰻ ⰶⰵ ⰻ ⰽⱏⱀⰻⰶⱐⱀⰻⱌⰻ. ⰻⱄⰽⰰⰰⱈⱘ ⰵⰳⱁ ⱂⱁⰳⱆⰱⰻⱅⰻ. ⰻ ⱄⱅⰰⱃⱑⰻⱎⰻⱀⱏⰹ ⰾⱓⰴⰵⰿⱐ.
19:48
ⰺ ⱀⰵ ⱁⰱⱃⱑⱅⰰⰰⱈⱘ ⱍⱏⱅⱁ ⱄⱏⱅⰲⱁⱃⱔⱅⱏ ⰵⰿⱆ. ⰾⱓⰴⱐⰵ ⰱⱁ ⰲⱐⱄⰻ ⰴⱃⱏⰶⰰⰰⱈⱘ ⱄⱔ ⰵⰳⱁ ⱂⱁⱄⰾⱆⱎⰰⱙⱎⱅⰵ.