ЕВАНГЕЛИЕ ЕЖЕ Ѿ ЛОУКꙐ
16:1
!Ⰳⰾⰰⰰⱎⰵ ⰶⰵ ⰻ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ :: !Ⱍⰾⰲⰽⱏ ⰵⱅⰵⱃⱏ ⰱⱑ ⰱⱁⰳⰰⱅⱏ. ⰺⰶⰵ ⰻⰿⱑⰰⱎⰵ ⱂⱃⰻⱄⱅⰰⰲⱐⱀⰻⰽⱏ. ⰺ ⱅⱏ ⱁⰽⰾⰵⰲⰵⱅⰰⱀⱏ ⰱⱏⰹⱄⱅⱏ ⰽⱏ ⱀⰵⰿⱆ. ⱑⰽⱁ ⱃⰰⱄⱅⰰⱍⰰⱗ ⰻⰿⱑⱀⰻⰵ ⰵⰳⱁ.
16:2
ⰺ ⱂⱃⰻⰸⱏⰲⰰⰲⱏ ⰹ ⱃⰵⱍⰵ ⰵⰿⱆ. ⱍⱅⱁ ⱄⰵ ⱄⰾⱏⱎⱘ ⱁ ⱅⰵⰱⱑ. ⰲⱏⰸⰴⰰⰶⰴⱐ ⱁⱅⱏⰲⱑⱅⱏ ⱁ ⱂⱃⰻⱄⱅⰰⰲⰾⰵⱀⰻⰻ ⰴⱁⰿⱁⰲⱐⱀⱑⰵⰿⱐ. ⱀⰵ ⰲⱏⰸⰿⱁⰶⰵⱎⰻ ⰱⱁ ⰽⱏ ⱅⱁⰿⱆ ⰴⱁⰿⱆ ⱄⱅⱃⱁⰻⱅⰻ.
16:3
ⱃⰵⱍⰵ ⰶⰵ ⰲⱐ ⱄⰵⰱⱑ ⱂⱃⰻⱄⱅⰰⰲⱏⱀⰻⰽⱏ ⰴⱁⰿⱆ. ⱍⱅⱁ ⱄⱏⱅⰲⱁⱃⱙ ⱑⰽⱁ !ⰳⱐ ⰿⱁⰻ ⱁⱅⱏⰵⰿⰾⰵⱅⱏ ⱄⱅⱃⱁⰵⱀⰻⰵ ⰴⱁⰿⱆ ⱁⱅⱏ ⰿⰵⱀⰵ. ⰽⱁⱂⰰⱅⰻ ⱀⰵ ⰿⱁⰳⱘ. ⱈⰾⱘⱂⰰⱅⰻ ⱄⱅⱏⰹⰶⰴⱘ ⱄⱔ.
16:4
ⱃⰰⰸⱆⰿⱑⱙ ⱍⱅⱁ ⱄⱏⱅⰲⱁⱃⱙ. ⰴⰰ ⰵⰳⰴⰰ ⱁⱄⱅⰰⰲⰾⰵⱀⱏ ⰱⱘⰴⱘ ⱁⱅⱏ ⱄⱅⱃⱁⰵⱀⰻⱑ ⰴⱁⰿⱆ ⱂⱃⰻⰻⰿⱘⱅⱏ ⰿⱔ ⰲⱏ ⰴⱁⰿⱏⰹ ⱄⰲⱁⱗ.
16:5
ⰻ ⱂⱃⰻⰸⱏⰲⰰⰲⱏ ⰵⰴⰻⱀⱁⰳⱁ ⰽⱁⰳⱁⰶⱏⰴⱁ ....... ⰴⰾⱏⰶⱐⱀⰻⰽⱏ ⰳⱁⱄⱂⱁⰴⰻ ⱄⰲⱁⰵⰳⱁ. ⰳⰾ҃ⰰⰰⱎⰵ ⱂⱃⱏⰲⱆⰿⱆ. ⰽⱁⰾⰻⱌⱑⰿⱐ ⰴⰾⱏⰶⰵⱀⱏ ⰵⱄⰻ ⰳⱁⱄⱂⱁⰴⰻⱀⱆ ⰿⱁⰵⰿⱆ.
16:6
ⱁⱀⱏ ⰶⰵ ⱃⰵⱍⰵ ⱄⱏⱅⱁⰿⱐ ⰿⱑⱃⱏ ⱁⱅⱏ ⱁⰾⱑⰰ. ⰺ ⱃⰵⱍⰵ ⰵⰿⱆ. ⱂⱃⰻⰻⰿⰻ ⰱⱆⰽⱏⰲⰻ ⱅⰲⱁⱗ. ⰺ ⱄⱑⰴⱏ ⱄⰽⱁⱃⱁ ⱀⰰⱂⰻⱎⰻ ⱂⱔⱅⱐ ⰴⰵⱄⱔⱅⱏ.
16:7
ⰻ ⱂⱁ ⱅⱁⰿⱐ ⰶⰵ ⰴⱃⱆⰳⱆⰿⱆ ⱃⰵⱍⰵ. ⱅⱏⰹ ⰶⰵ ⰽⱁⰾⰻⱌⱑⰿⱐ ⰴⰾⱏⰶⰵⱀⱏ ⰵⱄⰻ. ⱁⱀⱏ ⰶⰵ ⱃⰵⱍⰵ ⱄⱏⱅⱁⰿⱐ ⰽⱁⱃⰵⱌⱏ ⱂⱐⱎⰵⱀⰻⱌⱔ. ⰻ ⰳⰾ҃ⰰ ⰵⰿⱆ ⱂⱃⰻⰻⰿⰻ ⰱⱆⰽⱏⰲⰻ ⱅⰲⱁⱗ ⰻ ⱀⰰⱂⰻⱎⰻ ⱁⱄⰿⱐ ⰴⰵⱄⱔⱅⱏ.
16:8
ⰻ ⱂⱁⱈⰲⰰⰾⰻ !ⰳⱐ ⰻⰽⱁⱀⱁⰿⰰ ⱀⰵⱂⱃⰰⰲⰵⰴⱏⱀⰰⰰⰳⱁ. ⱑⰽⱁ ⰻ ⰿⱘⰴⱃⱑ ⱄⱏⱅⰲⱁⱃⰻ. ⱑⰽⱁ ⱄⱀ҃ⰲⰵ ⰲⱑⰽⰰ ⱄⰵⰳⱁ ⰿⱘⰴⱃⱑⰻⱎⰵ ⱂⰰⱍⰵ ⱄⱀ҃ⰲⱏ ⱄⰲⱑⱅⰰ ⰲⱏ ⱃⱁⰴⱑ ⱄⰲⱁⰵⰿⱐ ⱄⱘⱅⱏ ::
16:9
Ⰺ ⰰⰸⱏ ⰲⰰⰿⱏ ⰳⰾ҃ⱙ ⱄⱏⱅⰲⱁⱃⰻⱅⰵ ⱄⰵⰱⱑ ⰴⱃⱆⰳⱏⰹ ⱁⱅⱏ ⰿⰰⰿⱁⱀⰻⱀⱏⰹ ⱀⰵⱂⱃⰰⰲⱏⰴⱏⰹ. ⰴⰰ ⰵⰳⰴⰰ ⱁⱄⰽⱘⰴⱑⰰⱅⰵ ⱂⱃⰻⰻⰿⱘⱅⱏ ⰲⱏⰹ ⰲⱏ ⰲⱑⱍⱏⱀⱏⰹⱗ ⰽⱃⱁⰲⱏⰹ ::
16:10
Ⰲⱑⱃⱏⱀⱏⰹ ⰲⱏ ⰿⰰⰾⱑ ⰻ ⰲⱏ ⰿⱏⱀⱁⰷⱑ ⰲⱑⱃⰵⱀⱏ ⰵⱄⱅⱏ. ⰺ ⱀⰵⱂⱃⰰⰲⱏⰴⱏⱀⱏⰹ ⰲⱏ ⰿⰰⰾⱑ ⰻ ⰲⱏ ⰿⱐⱀⱁⰸⱑ ⱀⰵⱂⱃⰰⰲⱏⰴⰵⱀⱏ ⰵⱄⱅⱏ.
16:11
ⰰⱎⱅⰵ ⱆⰱⱁ ⰲⱏ ⱀⰵⱂⱃⰰⰲⰵⰴⱐⱀⱑⰵⰿⱐ ⰶⰻⱅⰻ ⱀⰵ ⰱⱏⰹⱄⱅⰵ ⰲⱑⱃⱐⱀⰻ. ⰲⱏ ⰹⱄⱅⰻⱀⱐⱀⱑⰿⱐ ⰽⱏⱅⱁ ⰲⰰⰿⱏ ⰲⱑⱃⱘ ⰻⰿⰵⱅⱏ.
16:12
ⰺ ⰰⱎⱅⰵ ⰲⱏ ⱅⱆⰶⰴⰵⰿⱐ ⰲⱑⱃⱐⱀⰻ ⱀⰵ ⰱⱏⰹⱄⱅⰵ. ⰲⰰⱎⰵ ⰽⱏⱅⱁ ⰲⰰⰿⱏ ⰴⰰⱄⱅⱏ.
16:13
ⱀⰻⰽⱏⰹⰻ ⰶⰵ ⱃⰰⰱⱏ ⱀⰵ ⰿⱁⰶⰵⱅⱏ ⰴⱏⰲⱑⰿⰰ !ⰳⱐⰿⰰ ⱃⰰⰱⱁⱅⰰⱅⰻ. ⰾⰻ ⰱⱁ ⰵⰴⰻⱀⱁⰳⱁ ⰲⱏⰸⱀⰵⱀⰰⰲⰻⰴⰻⱅⱏ. ⰰ ⰴⱃⱆⰳⰰⰰⰳⱁ ⰲⱏⰸⰾⱓⰱⰻⱅⱏ. ⰾⰻ ⰵⰴⰻⱀⱁⰳⱁ ⰴⱃⱏⰶⰻⱅⱏ ⱄⱔ. ⰰ ⱁ ⰴⱃⱆⰷⱑⰿⱐ ⱀⰵ ⱃⱁⰴⰻⱅⰻ ⱀⰰⱍⱐⱀⰵⱅⱏ. Ⱀⰵ ⰿⱁⰶⰵⱅⰵ ⰱ҃ⱆ ⱃⰰⰱⱁⱅⰰⱅⰻ ⰻ ⰿⰰⰿⱁⱀⱑ.
16:14
ⱄⰾⱏⰹⱎⰰⰰⱈⱘ ⰶⰵ ⱄⰻ ⰲⱐⱄⱑ. ⰺ ⱇⰰⱃⰻⱄⱑⰻ ⱄⱏⱃⰵⰱⱃⱁⰾⱓⰱⱐⱌⰻ ⱄⱘⱋⰵ. ⰺ ⱂⱁⰴⱃⱑⰶⰰⰰⱈⱘ ⰻ.
16:15
ⰻ ⱃⰵⱍⰵ ⰻⰿⱏ. ⰲⱏⰹ ⰵⱄⱅⰵ ⱁⱂⱃⰰⰲⱏⰴⰰⱙⱎⱅⰵⰻ ⱄⰵⰱⰵ ⱂⱃⱑⰴⱏ ⱍⰾⰲ҃ⰽⱏⰹ. ⰱ҃ⱏ ⰶⰵ ⰲⱑⱄⱅⱏ ⱄⱃⰴ҃ⱌⰰ ⰲⰰⱎⰰ. ⱑⰽⱁ ⰵⰶⰵ ⰵⱄⱅⱏ ⰲⱏ ⱍⰾⰲ҃ⱌⱈⱏ ⰲⱏⰹⱄⱁⰽⱁ. ⰿⱃⱏⰸⱁⱄⱅⱐ ⱂⱃⱑⰴⱏ !ⰱⰿⱐ ⰵⱄⱅⱏ :: ⰽ!ⱌ ::
16:16
Ⰸⰰⰽⱁⱀⱏ ⰻ ⱂⱃⱁⱃⱁⱌⰻ ⰴⱁ ⰻⱁⰰⱀⰰ. ⱁⱅⱏ ⱅⱁⰾⰻ ⱌⱄ҃ⱃⱄⱅⰲⰻⰵ ⰱⰶ҃ⰻⰵ ⰱⰾⰰⰳⱁⰲⱑⱄⱅⰲⱆⱆⱅⱏ ⱄⱔ.
16:17
ⱆⰴⱁⰱⱑⰵ ⰶⰵ ⰵⱄⱅⱏ ⱀⰵⰱⱆ ⰻ ⰸⰵⰿⰻ ⱂⱃⱑⰻⱅⰻ. ⱀⰵⰶⰵ ⱁⱅⱏ ⰸⰰⰽⱁⱀⰰ ⰵⰴⰻⱀⱁⰻ ⱍⱃⱏⱅⱑ ⱂⱁⰳⱏⰹⰱⱀⱘⱅⰻ.
16:18
ⰲⱐⱄⱑⰽⱏ ⱂⱆⱎⱅⰰⱗⰻ ⰶⰵⱀⱘ ⱄⰲⱁⱙ ⰻ ⱂⱃⰻⰲⱁⰴⱔ ⰻⱀⱘ. ⱂⱃⱑⰾⱓⰱⱏⰹ ⰴⱑⰰⱅⱏ. ⰺ ⰶⰵⱀⱔⰻ ⱄⱔ ⱂⱆⱎⱅⰵⱀⱁⱙ ⱁⱅⱏ ⰿⱘⰶⰰ. ⱂⱃⱑⰾⱓⰱⱏⰹ ⱅⰲⱁⱃⰻⱅⱏ ::
16:19
!Ⱍⰾⰲⰽⱏ ⰶⰵ ⰵⰴⰻⱀⱏ ⰱⱑ ⰱⱁⰳⰰⱅⱏ. ⰺ ⱁⰱⰾⰰⱍⰰⱎⰵ ⱄⱔ ⰲⱏ ⱂⱁⱃⱇⸯⱛⱃⱘ. ⰺ ⰲⱛⱄⱁⱀⱏ. ⰲⰵⱄⰵⰾⱔ ⱄⱔ ⱀⰰ ⰲⱐⱄⱑⰽⱏ ⰴⰵⱀⱐ ⱄⰲⱑⱅⱏⰾⱁ.
16:20
ⱀⰻⱋⱏ ⰶⰵ ⰱⱑ ⰵⰴⰻⱀⱏ ⰻⰿⰵⱀⰵⰿⱏ ⰾⰰⰸⰰⱃⱏ. ⰺⰶⰵ ⰾⰵⰶⰰⰰⱎⰵ ⱂⱃⰻ ⰲⱃⰰⱅⱑⱈⱏ ⰵⰳⱁ ⰳⱀⱁⰻⱀⱏ.
16:21
ⰻ ⰶⰵⰾⰰⰰⱎⰵ ⱀⰰⱄⱏⰹⱅⰻⱅⰻ ⱄⱔ ⱁⱅⱏ ⰽⱃⱆⱂⰻⱌⱏ. ⱂⰰⰴⰰⱙⱎⱅⰻⰻⱈⱏ ⱁⱅⱏ ⱅⱃⰰⱂⰵⰸⱏⰹ ⰱⱁⰳⰰⱅⰰⰰⰳⱁ. ⱀⱏ ⰻ ⱂⱄⰻ ⱂⱃⰻⱈⱁⰴⱔⱎⱅⰵ ⱁⰱⰾⰻⰸⰰⰰⱈⱘ ⰳⱀⱁⰻ ⰵⰳⱁ.
16:22
ⰱⱏⰹⱄⱅⱏ ⰶⰵ ⱆⰿⱐⱃⱑⱅⰻ ⱀⰻⱎⱅⱓⰿⱆ. ⰺ ⱀⰵⱄⰵⱀⱆ ⰱⱏⰹⱅⰻ ⰰⱀⰼ҃ⰾⱏⰹ ⱀⰰ ⰾⱁⱀⱁ ⰰⰲⱃⰰⰿⰾⰵ. ⱆⰿⱐⱃⱑⱅⱏ ⰶⰵ ⰻ ⰱⱁⰳⰰⱅⱏⰹⰻ ⰻ ⱂⱁⰳⱃⱑⱄⱔ ⰻ.
16:23
ⰺ҅ ⰲⱏ ⰰⰴⱑ ⰲⱏⰸⰲⰵⰴⱏ ⱁⱍⰻ ⱄⰲⱁⰻ ⱄⱏⰹ ⰲⱏ ⰿⱘⰽⰰⱈⱏ ⱆⰸⱐⱃⱑ ⰰⰲⱃⰰⰿⰰ ⰻⰸ ⰴⰰⰾⰵⱍⰵ. ⰻ ⰾⰰⰸⰰⱃⱑ ⱀⰰ ⰾⱁⱀⱑ ⰵⰳⱁ.
16:24
ⰺ ⱅⱏ ⰲⱏⰸⰳⰾⰰⱎⱏ ⱃⰵⱍⰵ !ⱁⱅⱍⰵ ⰰⰲⱃⰰⰰⰿⰵ ⱂⱁⰿⰻⰾⱆⰻ ⰿⱔ. ⰻ ⱂⱁⱄⱏⰾⰻ ⰾⰰⰸⰰⱃⱑ ⰴⰰ ⱁⰿⱁⱍⰻⱅⱏ ⰽⱁⱀⰵⱌⱏ ⱂⱃⱏⱄⱅⰰ ⱄⰲⱁⰵⰳⱁ ⰲⱏ ⰲⱁⰴⱑ. ⰻ ⱆⱄⱅⱆⰴⰻⱅⱏ !ⱗⰸⰽⱏⰹ ⰿⱁⰻ. ⱑⰽⱁ ⱄⱅⱃⰰⰶⰴⱘ ⰲⱏ ⱂⰾⰰⰿⰵⱀⰻ ⱄⰵⰿⱐ.
16:25
ⱃⰵⱍⰵ ⰶⰵ ⰰⰲⱃⰰⰰⰿⱏ ⱍⱔⰴⱁ ⱂⱁⰿⱑⱀⰻ ⱑⰽⱁ ⰲⱏⱄⱂⱃⰻⱗⰾⱏ ⰵⱄⰻ ⱅⱏⰹ ⰱⰾⰰⰳⰰⰰ ⱅⰲⱁⱑ ⰲⱏ ⰶⰻⰲⱁⱅⱑ ⱅⰲⱁⰵⰿⱐ. ⰺ ⰾⰰⰸⰰⱃⱐ ⱅⰰⰽⱁⰶⰴⰵ ⰸⱏⰾⰰⰰ. ⱀⱏⰹⱀⱑ ⰶⰵ ⱄⱐⰴⰵ ⱆⱅⱑⱎⰰⰰⱅⱏ ⱄⱔ ⰰ ⱅⱏⰹ ⱄⱅⱃⰰⰶⰴⰵⱎⰻ.
16:26
ⰺ ⱀⰰⰴⱏ ⰲⱐⱄⱑⰿⰻ ⱄⰻⰿⰻ. ⰿⰵⰶⰴⱓ ⱀⰰⰿⰻ ⰻ ⰲⰰⰿⰻ. ⱂⱃⱁⱂⰰⰴⱐ ⰲⰵⰾⰻⱑ ⱆⱅⰲⱃⱏⰴⰻ ⱄⱔ. ⱑⰽⱁ ⰴⰰ ⱈⱁⱅⱔⱎⱅⰵⰻ ⰿⰻⱀⱘⱅⰻ ⱁⱅⱏ ⱄⱘⰴⱆ ⰽⱏ ⰲⰰⰿⱏ ⱀⰵ ⰲⱏⰸⰿⰰⰳⰰⱙⱅⱏ. ⱀⰻ ⰻⰶⰵ ⱁⱅⱏ ⱅⱘⰴⱘ ⰽⱏ ⱀⰰⰿⱏ ⱂⱃⱑⱈⱁⰴⱔⱅⱏ ::
16:27
Ⱃⰵⱍⰵ ⰶⰵ ⰿⱁⰾⱙ ⱅⱔ ⱆⰱⱁ ⱁⱅⱐⱍⰵ. ⰴⰰ ⰻ ⱂⱁⱄⱏⰾⰵⱎⰻ ⰲⱏ ⰴⱁⰿⱏ ⱁⱅ҃ⱌⰰ ⰿⱁⰵⰳⱁ.
16:28
ⰺⰿⰰⰿⱐ ⰱⱁ ⱂⱔⱅⱐ ⰱⱃⰰⱅⱃⰻⱗ. ⱑⰽⱁ ⰴⰰ ⰸⰰⱄⱏⰲⱑⰴⱑⱅⰵⰾⱐⱄⱅⰲⱆⱆⱅⱏ ⰻⰿⱏ. ⰴⰰ ⱀⰵ ⰻ ⱅⰻ ⱂⱃⰻⰴⱘⱅⱏ ⱀⰰ ⰿⱑⱄⱅⱁ ⱄⰵ ⰿⱘⱍⱏⱀⱁⰵ.
16:29
ⰳⰾ҃ⰰ ⰶⰵ ⰵⰿⱆ ⰰⰲⱃⰰⰰⰿⱏ. ⰻⰿⱘⱅⱏ ⰿⱁⱄⱑⰰ ⰻ !ⱂⱃⰽⱏⰹ ⰴⰰ ⱂⱁⱄⰾⱆⱎⰰⱙⱅⱏ ⰻⱈⱏ.
16:30
ⱁⱀⱏ ⰶⰵ ⱃⰵⱍⰵ ⱀⰻ ⱁⱅⱐⱍⰵ ⰰⰲⱃⰰⰰⰿⰵ. ⱀⱏ ⰰⱎⱅⰵ ⰽⱏⱅⱁ ⱁⱅⱏ ⰿⱃⱏⱅⰲⱏⰹⰻⱈⱏ ⰻⰴⰵⱅⱏ ⰽⱏ ⱀⰻⰿⱏ ⱂⱁⰽⰰⱙⱅⱏ ⱄⱔ.
16:31
ⱃⰵⱍⰵ ⰶⰵ ⰵⰿⱆ ⰰⱎⱅⰵ ⰿⱁⱄⱑⰰ ⰻ !ⱂⱃⰽⱏ ⱀⰵ ⱂⱁⱄⰾⱆⱎⰰⱙⱅⱏ. ⱀⰻ ⰰⱎⱅⰵ ⰽⱅⱁ ⱁⱅⱏ ⰿⱃⱏⱅⰲⱏⰹⱈⱏ ⰲⱏⱄⰽⱃⱐⱄⱀⰵⱅⱏ. ⱀⰵ ⰻⰿⱘⱅⱏ ⰲⱑⱃⱏⰹ :: ⰽ!ⱌ ::