ⱁ ⱀⰻⱈⱏⰶⰵ ⱄⱏⱀⰵⰿⱏⱎⰵⰿⱏ{ⱎⰵⰿⱏ} ⱄⱔ ⱅⱏⰿⰰⰿⱏ ⱀⰰⱃⱁⰴⰰ. ⱑⰽⱁ ⱂⱁⱂⰻⱃⰰⰰⱈⱘ ⰴⱃⱆⰳⱏ ⰴⱃⱆⰳⰰ. ⱀⰰⱍⱔⱅⱏ ⰳⰾ҃ⰰⱅⰻ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⱂⱃⱏⰲⱑⰵ. ⰲⱐⱀⰵⰿⰾⱑⱅⰵ ⱄⰵⰱⱑ ⱁⱅⱏ ⰽⰲⰰⱄⰰ ⱇⰰⱃⰻⱄⱑⰻⱄⰽⰰ. ⰵⰶⰵ ⰵⱄⱅⱏ ⰾⰻⱌⰵⰿⱑⱃⰻⰵ ::

Ⱀⰻⱍⱅⱁⰶⰵ ⰱⱁ ⱂⱁⰽⱃⱏⰲⰵⱀⱁ ⰵⱄⱅⱏ ⰵⰶⰵ ⱀⰵ ⱁⱅⱏⰽⱃⱏⰹⰵⱅⱏ ⱄⱔ. ⰻ ⱅⰰⰻⱀⱁ ⰵⰶⰵ ⱀⰵ ⱃⰰⰸⱆⰿⱑⰰⱅⱏ ⱄⱔ.

ⰸⰰⱀⰵ ⰵⰾⰻⰽⱁ ⰲⱏ ⱅⱏⰿⱑ ⱃⱑⱄⱅⰵ ⰲⱐ ⱄⰲⱑⱅⱑ ⱆⱄⰾⱏⰹⱎⰻⱅⱏ ⱄⱔ. ⰺ ⰵⰶⰵ ⰽⱏ ⱆⱈⱆ ⰳⰾ҃ⰰⱄⱅⰵ ⰲⱏ ⱅⰰⰻⰾⰻⱋⰻⱈⱏ. ⱂⱃⱁⱂⱁⰲⱑⱄⱅⱏ ⱄⱔ ⱀⰰ ⰽⱃⱁⰲⱑⱈⱏ.

!Ⰳⰾⱙ ⰶⰵ ⰲⰰⰿⱏ ⰴⱃⱆⰳⱁⰿⱏ ⱄⰲⱁⰻⰿⱏ. ⱀⰵ ⱆⰱⱁⰻⱅⰵ ⱄⱔ ⱁⱅⱏ ⱆⰱⰻⰲⰰⱙⱎⱅⰻⰻⱈⱏ ⱅⱑⰾⱁ. ⰻ ⱂⱁ ⱅⱁⰿⱐ ⱀⰵ ⰿⱁⰳⱘⱎⱅⰵⰿⱐ ⰾⰻⱈⰰ ⱍⰵⱄⱁ ⱄⱏⱅⰲⱁⱃⰻⱅⰻ.

ⱄⱏⰽⰰⰸⰰⱙ ⰶⰵ ⰲⰰⰿⱏ ⰽⱁⰳⱁ ⱄⱔ ⱆⰱⱁⰻⱅⰵ. ⱆⰱⱁⰻⱅⰵ ⱄⱔ ⰻⰿⱘⱋⱅⰰⰰⰳⱁ ⰲⰾⰰⱄⱅⱐ ⱂⱁ ⱆⰱⱐⰵⱀⰻⰻ ⰲⱐⰲⱃⱑⱎⱅⰻ ⰲⱏ ⰼⰵⱁⱀⱘ. ⰵⰻ ⰳⰾ҃ⱙ ⰲⰰⰿⱏ. ⱅⱁⰳⱁ ⱆⰱⱁⰻⱅⰵ ⱄⱔ.

ⱀⰵ ⱂⱔⱅⱐ ⰾⰻ ⱂⱅⰻⱌⱏ ⰲⱑⱀⰻⱅⱏ ⱄⱔ ⱂⱑⱀⱔⰷⰵⰿⰰ ⰴⱏⰲⱑⰿⰰ. ⰺ ⱀⰻ ⰵⰴⰻⱀⰰ ⱁⱅⱏ ⱀⰻⱈⱏ ⱀⱑⱄⱅⱏ ⰸⰰⰱⱐⰲⰵⱀⰰ ⱂⱃⱑⰴⱏ !ⰱⰿⱏ.

ⱀⱏ ⰻ҅ ⰲⰾⰰⱄⰻ ⰳⰾⰰⰲⱏⰹ ⰲⰰⱎⰵⱗ ⰲⱐⱄⰻ ⰻⱎⱅⱐⱅⰵⱀⰻ ⱄⱘⱅⱏ. ⱀⰵ ⰱⱁⰻⱅⰵ ⱄⱔ ⱆⰱⱁ ⰿⱏⱀⱁⰷⱑⱈⱏ ⱂⱏⱅⰻⱌⱏ ⱄⱆⰾⱑⰻⱎⰻ ⰵⱄⱅⰵ.

!Ⰳⰾⱙ ⰶⰵ ⰲⰰⰿⱏ ⰲⱐⱄⱑⰽⱏ ⰻⰶⰵ ⰽⱁⰾⰻⰶⱏⰴⱁ ⰻⱄⱂⱁⰲⱑⱄⱅⱏ ⰿⱔ ⱂⱃⱑⰴⱏ ⱍⰾⰲ҃ⰽⱏⰹ. ⰻ ⱄⱀ҃ⱏ ⱍⰾⰲ҃ⱍⱄⰽⱏⰹ ⰻⱄⱂⱁⰲⱑⱄⱅⱏⰹ ⰻ ⱂⱃⱑⰴⱏ ⰰⱀⰼ҃ⰾⱏⰹ ⰱⰶ҃ⰹⰻ.

ⰰ ⱁⱅⱏⰲⱃⱏⰳⱏⰹ ⱄⱔ ⰿⰵⱀⰵ ⱂⱃⱑⰴⱏ !ⱌⰾⰽⱏⰹ. ⱁⱅⱏⰲⱃⱏⰶⰵⱀⱐ ⰱⱘⰴⰵⱅⱏ ⱂⱃⱑⰴⱏ ⰰⱀⰼ҃ⰾⱏⰹ ⰱⰶ҃ⰹⰻ.

ⰺ ⰲⱐⱄⱑⰽⱏ ⰻⰶⰵ ⱃⰵⱍⰵⱅⱏ ⱄⰾⱁⰲⱁ ⱀⰰ ⱄⱀ҃ⱏ ⱍⰾⰲ҃ⱄⰽⱏⰹⰻ. ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ. ⰰ҅ ⰺⰶⰵ ⰲⰾⰰⱄⰲⰻⰿⰻⱄⰰⰰⱅⱏ ⱀⰰ ⰴⱈ҃ⱏ ⱄⱅ҃ⱏⰹ. ⱀⰵ ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ.

ⰵⰳⰴⰰ ⰶⰵ ⱂⱃⰻⰲⰵⰴⱘⱅⱏ ⰲⱏⰹ ⱀⰰ ⱄⱁⱀⱐⰿⰻⱎⱅⰰ ⰻ ⰲⰾⰰⱄⱅⰻ ⰻ ⰲⰾⰰⰴⱏⰹⱍⱏⱄⱅⰲ ⱑ҅. ⱀⰵ ⱂⱌⱑⱅⰵ ⱄⱔ ⰽⰰⰽⱁ ⰻⰾⰻ ⱍⱅⱁ ⱁⱅⱏⰲⱑⱎⱅⰰⰰⱅⰵ ⰻⰾⰻ ⱍⱅⱁ ⱃⰵⱍⰵⱅⰵ.

ⱄⱅ҃ⱏⰹⰻ ⰱⱁ ⰴⱈ҃ⱏ ⱀⰰⱆⱍⰻⱅⱏ ⰲⱏⰹ ⰲⱁ ⱅⱏ ⱍⰰⱄⱏ. ⱑⰶⰵ ⱂⱁⰴⱁⰱⰰⰰⱅⱏ ⰳⰾ҃ⰰⱅⰻ. ::

Ⱃⰵⱍⰵ ⰶⰵ ⰵⰿⱆ ⰵⰴⰻⱀⱏ ⱁⱅⱏ ⱀⰰⱃⱁⰴⰰ. ⱆⱍⰻⱅⰵⰾⱓ ⱃⱐⱌⰻ ⰱⱃⰰⱅⱃⱆ ⰿⱁⰵⰿⱆ ⰴⰰ ⱃⰰⰸⰴⱑⰾⰻⱅⱏ ⱄⱏ ⰿⱏⱀⱁⱙ ⰴⱁⱄⱅⱁⱑⱀⱐⰵ.

ⱁⱀⱏ ⰶⰵ ⱃⰵⱍⰵ ⰵⰿⱆ ⱍⰾⱍ҃ⰵ ⰽⱅⱁ ⰿⱔ ⱂⱁⱄⱅⰰⰲⰻ ⱄⱘⰴⰻⱙ ⰾⰻ ⰴⱑⰾⰻⱅⰵⰾⱑ ⱀⰰⰴⱏ ⰲⰰⰿⰻ.

ⱃⰵⱍⰵ ⰶⰵ ⰽⱏ ⱀⰻⰿⱐ ⰱⰾⱓⰴⱑⱅⰵ ⱄⱔ ⰻ ⱈⱃⰰⱀⰻⱅⰵ ⱄⱔ ⱁⱅⱏ ⰲⱐⱄⱑⰽⱁⰳⱁ ⰾⰻⱈⱁⰻⰿⱐⱄⱅⰲⰻⱑ. ⱑⰽⱁ ⱁⱅⱏ ⰻⰸⰱⱏⰹⱅⱏⰽⰰ ⰽⱁⰿⱆⰶⱐⰴⱁ ⰶⰻⰲⱁⱅⱏ ⰵⰳⱁ ⰵⱄⱅⱏ ⱁⱅⱏ ⰻⰿⱑⱀⰻⱑ ⰵⰿⱆ ::

Ⱃⰵⱍⰵ ⰶⰵ ⱂⱃⰻⱅⱏⱍⱘ ⰽⱏ ⱀⰻⰿⱐ ⰳⰾ҃ⱔ. !ⱍⰽⱆ ⰵⰴⰻⱀⱁⰿⱆ ⰱⱁⰳⰰⱅⱆ ⱁⰳⱁⰱⱐⰷⰻ ⱄⱔ ⱀⰻⰲⰰ.

ⰺ ⰿⱏⰹⱎⰾⱑⰰⱎⰵ ⰲⱐ ⱄⰵⰱⱑ ⰳⰾ҃ⱔ. ⱍⱅⱁ ⱄⱏⱅⰲⱁⱃⱙ. ⱑⰽⱁ ⱀⰵ ⰻⰿⰰⰿⱏ ⰽⱏⰴⰵ ⱄⱏⰱ!ⱃⰰⱅⰻ .... ⱂⰾⱁⰴⱏ ⰿⱁⰻⱈⱏ.

ⰺ ⱃⰵⱍⰵ ⱄⰵ ⱄⱏⱅⰲⱁⱃⱙ ⱃⰰⰸⱁⱃⱙ ⰶⰻⱅⱐⱀⰻⱍⱔ ⰿⱁⱗ ⰻ ⰱⱁⰾⱐⱎⱔ ⱄⱏⰸⰻⰶⰴⱘ. ⰺ҅ ⱄⱏⰱⰵⱃⱘ ⱅⱆ ⰲⱐⱄⱑ ⰶⰻⱅⰰ ⰿⱁⱑ ⰻ ⰴⱁⰱⱃⱁ ⰿⱁⰵ

ⰻ ⱃⰵⰽⱘ ⰴⱎ҃ⰻ ⰿⱁⰵⰻ. ⰴⱎ҃ⰵ ⰻⰿⰰⱎⰻ ⰿⱏⱀⱁⰳⱁ ⰴⱁⰱⱃⱁ ⰾⰵⰶⱔⱎⱅⰵ ⱀⰰ ⰾⱑⱅⰰ ⰿⱐⱀⱁⰳⰰ. ⱂⱁⱍⰻⰲⰰⰻ ⱑⰶⰴⱐ ⱂⰻⰻ ⰲⰵⱄⰵⰾⰻ ⱄⱔ.

ⱃⰵⱍⰵ ⰶⰵ ⰵⰿⱆ ⰱ҃ⱏ. ⰱⰵⰸⱆⰿⱐⱀⰵ ⰲⱐ ⱄⱐⱙ ⱀⱁⱋⱐ ⰴⱎ҃ⱘ ⱅⰲⱁⱙ ⰻⱄⱅⱔⰷⰰⱙⱅⱏ ⱁⱅⱏ ⱅⰵⰱⰵ. ⰰ ⱑⰶⰵ ⱆⰳⱁⱅⱁⰲⰰ ⰽⱁⰿⱆ ⰱⱘⰴⱘⱅⱏ.

ⱅⰰⰽⱁ ⱄⱏⰱⰻⱃⰰⱗⰻ ⱄⰵⰱⱑ. ⰰ ⱀⰵ ⰲⱏ ⰱ҃ⱏ ⰱⱁⰳⰰⱅⱑⱗ. ⱄⰻ ⰳⰾ҃ⱔ ⰲⱏⰸⰳⰾⰰⱄⰻ ⰻⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ ::ⰽ!ⱌ ::

Ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ. ⱀⰵ ⱂⱌⱑⱅⰵ ⱄⱔ ⰴⱎ҃ⰵⱙ ⰲⰰⱎⰵⱙ ⱍⱅⱁ ⱑⱄⱅⰵ. ⱀⰻ ⱅⱑⰾⱁⰿⱐ ⰲⱐ ⱍⱏⱅⱁ ⱁⰱⰾⱑⱍⰵⱅⰵ ⱄⱔ.

ⰴⱎ҃ⰰ ⰱⱁ ⰱⱁⰾⱐⱎⰻ ⰵⱄⱅⱏ ⱂⰻⱎⱅⱔ ⰻ ⱅⱑⰾⱁ ⱁⰴⰵⰶⰴⱔ.

ⱄⱏⰿⱁⱅⱃⰻⱅⰵ ⰲⱃⰰⱀⱏ ⱑⰽⱁ ⱀⰵ ⱄⱑⱙⱅⱏ ⱀⰻ ⰶⱐⱀⱙⱅⱏ. ⰺⰿⱐⰶⰵ ⱀⱑⱄⱅⱏ ⱄⱏⰽⱃⱁⰲⰻⱎⱅⰰ. ⱀⰻ ⱈⱃⰰⱀⰻⰾⰻⱎⱅⰰ. ⰻ ⰱ҃ⱏ ⱂⰻⱅⱑⰰⱅⱏ ⱙ. ⰽⱁⰾⱐⰿⰻ ⱂⰰⱍⰵ ⰲⱏⰹ ⰵⱄⱅⰵ ⰾⱆⱍⱐⱎⰵ ⱂⱅⰻⱌⱏ.

ⰽⱏⱅⱁ ⰶⰵ ⱁⱅⱏ ⰲⰰⱄⱏ ⱂⰵⰽⱏⰹ ⱄⱔ ⰿⱁⰶⰵⱅⱏ ⱂⱃⰻⰾⱁⰶⰻⱅⰻ ⱅⱑⰾⱑ ⱄⰲⱁⰵⰿⱐ ⰾⰰⰽⱁⱅⱐ ⰵⰴⰻⱀⱏ.

ⰰⱎⱅⰵ ⱆⰱⱁ ⱀⰻ ⰿⰰⰾⰰ ⱍⰵⱄⱁ ⰿⱁⰶⰵⱅⰵ ⱍⱏⱅⱁ ⱁ ⱂⱃⱁⱍⰻⰻⱈⱏ ⱂⰵⱍⰵⱅⰵ ⱄⱔ.

ⱄⱏⰿⱁⱅⱃⰻⱅⰵ ⰽⱃⰻⱀⱐ ⰽⰰⰽⱁ ⱃⰰⱄⱅⱘⱅⱏ. ⱀⰵ ⱅⱃⱆⰶⰴⰰⱙⱅⱏ ⱄⱔ ⱀⰻ ⱂⱃⱔⰴⱘⱅⱏ. !Ⰳⰾⱙ ⰶⰵ ⰲⰰⰿⱏ ⱑⰽⱁ ⱀⰻ ⱄⱁⰾⱁⰿⱁⱀⱏ. ⰲⱁ ⰲⱐⱄⰵⰻ ⱄⰾⰰⰲⱑ ⱄⰲⱁⰵⰻ ⱁⰱⰾⱑⱍⰵ ⱄⱔ ⱑⰽⱁ ⰵⰴⰻⱀⱏ ⱁⱅⱏ ⱄⰻⱈⱏ.

ⰰⱎⱅⰵ ⰾⰻ ⰶⰵ ⱅⱃⱑⰲⱘ ⰴⱐⱀⰵⱄⱐ ⱀⰰ ⱄⰵⰾⱑ ⱄⱘⱋⱘ. ⰻ ⱆⱅⱃⱑ ⰲⱐ ⱂⰵⱎⱅⱐ ⰲⱐⰿⰵⱅⰰⰵⰿⱆ :: ⰱ҃ⱏ ⱅⰰⰽⱁ ⰴⱑⰰⱅⱏ. ⰽⱁⰾⱐⰿⰻ ⱂⰰⱍⰵ ⰲⰰⱄⱏ ⰿⰰⰾⱁⰲⱑⱃⰻ.

ⰺ ⰲⱏⰹ ⱀⰵ ⰻⱎⱅⰵⱅⰵ ⱍⱅⱁ ⰻⰿⰰⱅⰵ ⱑⱄⱅⰻ. ⰻ ⱍⱅⱁ ⱂⰻⱅⰻ. ⰻ ⱀⰵ ⰲⱏⰸⱀⱁⱄⰻⱅⰵ ⱄⱔ.

ⰲⱐⱄⱑⱈⱏ ⰱⱁ ⱄⰻⱈⱏ !ⱗⰸⱌⰻ ⰿⰻⱃⰰ ⱄⰵⰳⱁ ⰻⱎⱅⱁⱅⱏ. ⰲⰰⱎⱏ ⰶⰵ ⱁⱅⰵⱌⱏ ⰲⱑⱄⱅⱏ ⱑⰽⱁ ⱅⱃⱑⰱⱆⱆⱅⰵ ⱄⰻⱈⱏ.

ⱁⰱⰰⱍⰵ ⰻⱎⱅⰻⱅⰵ !ⱌⱑⱄⱃⱄⱅⰲⰻⱑ ⰱⰶ҃ ⱑ҅. ⰻ ⱄⰻ ⰲⱐⱄⱑ ⱂⱃⰻⰾⱁⰶⱔⱅⱏ ⱄⱔ ⰲⰰⰿⱏ. ::

Ⱀⰵ ⰱⱁⰻ ⱄⱔ ⰿⰰⰾⱁⰵ ⱄⱅⰰⰴⱁ ⱑ{ⱑ}ⰽⱁ ⰱⰾⰰⰳⱁⰻⰸⰲⱁⰾⰻ ⱁⱅ҃ⱌⱏ ⰲⰰⱎⱏ ⰴⰰⱅⰻ ⰲⰰⰿⱏ ⱌⱄ҃ⱃⱄⱅⰲⰻⰵ.

Ⱂⱃⱁⰴⰰⰴⰻⱅⰵ ⰻⰿⱑⱀⰻⰵ ⰲⰰⱎⰵ. ⰻ ⰴⰰⰴⰻⱅⰵ ⰿⰻⰾⱁⱄⱅⱏⰹⱀⱙ. ⱄⱏⱅⰲⱁⱃⰻⱅⰵ ⱄⰵⰱⱑ ⰲⱏⰾⰰⰳⰰⰾⰻⱎⱅⰰ ⱀⰵ ⰲⰵⱅⱏⱎⰰⱙⱎⱅⰰ. ⱄⱏⰽⱃⱁⰲⰻⱎⱅⰵ ⱀⰵ ⱄⰽⱘⰴⱑⰵⰿⱁ ⱀⰰ ⱀⰵⰱ҃ⱄⱈⱏ. ⰻⰴⰵⰶⰵ ⱅⰰⱅⱏ ⱀⰵ ⱂⱃⰻⰱⰾⰻⰶⰰⰰⱅⱏ ⱄⱔ. ⱀⰻ ⱅⱐⰾⱑ ⱅⱐⰾⰻⱅⱏ.

ⰺⰴⰵⰶⰵ ⰱⱁ. ⰵⱄⱅⱏ ⱄⱏⰽⱃⱁⰲⰻⱎⱅⰵ ⰲⰰⱎⰵ ⱅⱆ ⰻ ⱄⱃⰴ҃ⱌⰵ ⰲⰰⱎⰵ ⰱⱘⰴⰵⱅⱏ ::

Ⰱⱘⰴⱘ{ⰴⱘ} ⱍⱃⱑⱄⰾⰰ ⰲⰰⱎⰰ ⱂⱃⱑⱂⱁⱑⱄⰰⱀⰰ. ⰻ ⱄⰲⱑⱅⰻⰾⱐⱀⰻⱌⰻ ⰳⱁⱃⱘⱄⱅⰵ.

ⰻ ⰲⱏⰹ ⱂⱁⰴⱁⰱⱐⱀⰻ ⱍⰾ҃ⰽⱁⰿⱐ ⱍⰰⱙⱎⱅⰵⰿⱐ ⰳ҃ⰰ ⱄⰲⱁⰵⰳⱁ ⰽⱁⰳⰴⰰ ⰲⱏⰸⰲⱃⰰⱅⰻⱅⱏ ⱄⱔ ⱁⱅⱏ ⰱⱃⰰⰽⱏ. ⰴⰰ ⱂⱃⰻⱎⰵⰴⱏⱎⱓ ⰻ ⱅⰾⱏⰽⱀⱘⰲⱏⱎⱓ ⰰⰱⰻⰵ ⱁⱅⰲⱃⱏⰸⱘⱅⱏ ⱄⱔ ⰵⰿⱆ ::

Ⰱⰾⰰⰶⰵⱀⰻ ⱃⰰⰱⰻ ⱅⰻ ⱗⰶⰵ ⰳ҃ⱏ ⱂⱃⰻⱎⰵⰴⱏ ⱁⰱⱃⱔⱎⱅⰵⱅⱏ ⰱⱐⰴⱔⱎⱅⱔ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱂⱃⱑⱂⱁⱑⱎⰵⱅⱏ ⱄⱔ ⰻ ⱂⱁⱄⰰⰴⰻⱅⱏ ⱗ. ⰻ ⰿⰻⱀⱘⰲⱏ ⱂⱁⱄⰾⱆⰶⰻⱅⱏ ⰻⰿⱏ.

ⰾⱓⰱⱁ ⰲⱁ ⰲⱏⱅⱁⱃⱘⱙ. ⰾⱓⰱⱁ ⰲⱏ ⱅⱃⰵⱅⰻⱘ ⱄⱅⱃⰰⰶⱘ ⱂⱃⰻⰴⰵⱅⱏ. ⰻ ⱁⰱⱃⱔⱋⰵⱅⱏ ⱅⰰⰽⱁ : ⰱⰾⰰⰶⰵⱀⰻ ⱄⱘⱅⱏ ⱃⰰⰱⰻ ⱅⰻ ::

Ⱄⰵ ⰶⰵ ⰲⱑⰴⰻⱅⰵ ⱑⰽⱁ ⰰⱎⱅⰵ ⰱⰻ ⰲⱑⰴⱑⰾⱏ ⰳⱀ҃ⱏ ⱈⱃⰰⰿⰻⱀⱏⰹ. ⰲⱏ ⰽⱏⰹ ⱍⰰⱄⱏ ⱅⰰⱅⱐ ⱂⱃⰻⰴⰵⱅⱏ ⰱⱐⰴⱑⰾⱏ ⱆⰱⱁ ⰱⰻ ⰻ ⱀⰵ ⰴⰰⰾⱏ ⰱⰻ ⱂⱁⰴⱏⰽⱁⱂⰰⱅⰻ ⰴⱁⰿⱆ ⱄⰲⱁⰵ{ⰵ}ⰳⱁ.

ⰺ ⰲⱏⰹ ⱆⰱⱁ ⰱⱘⰴⱑⱅⰵ ⰳⱁⱅⱁⰲⰻ. ⱑⰽⱁ ⰲⱐ ⱀⱐⰶⰵ ⱍⰰⱄⱏ ⱀⰵ ⰿⱐⱀⰻⱅⰵ ⱄⱀ҃ⱏ !ⱍⰾⱄⰽⱏⰹ ⱂⱃⰻⰴⰵⱅⱏ. :: ⰽ!ⱌ ::

Ⱃⰵⱍⰵ ⰶⰵ ⰵⰿⱆ ⱂⰵⱅⱃⱏ. ⰳ҃ⰻ ⰽⱏ ⱀⰰⰿⱏ ⰾⰻ ⱂⱃⰻⱅⱏⱍⱘ ⱄⰻⱙ ⰳⰾ҃ⰵⱎⰻ. ⰾⰻ ⰽⱏ ⰲⱐⱄⱑⰿⱏ.

ⱃⰵⱍⰵ ⰶⰵ ⰳ҃ⱏ ⰽⱏⱅⱁ ⱆⰱⱁ ⰵⱄⱅⱏ ⰲⱑⱃⱏⱀⱏⰹ ⱂⱃⰻⱄⱅⰰⰲⱐⱀⰻⰽⱏ ⰻ ⰿⱘⰴⱃⱏⰹ. ⰵⰳⱁⰶⰵ ⱂⱁⱄⱅⰰⰲⰻⱅⱏ ⰳ҃ⱏ ⱀⰰⰴⱏ ⱍⰵⰾⱑⰴⰻⱙ ⱄⰲⱁⰵⱙ. ⰴⰰⱑⱅⰻ ⰲⱐ ⰲⱃⱑⰿⱔ ⰶⰻⱅⱁⰿⱑⱃⰵⱀⰻⰵ.

Ⰱⰾⰰⰶⰵⱀⱏ ⱃⰰⰱⱏ ⱅⱏ ⰵⰳⱁⰶⰵ ⱂⱃⰻⱎⰵⰴⱏ !ⰳⱐ ⰵⰳⱁ. ⱁⰱⱃⱔⱎⱅⰵⱅⱏ ⱅⰲⱁⱃⱔⱋⰰ ⱅⰰⰽⱁ.

ⰲⱏ ⰹⱄⱅⰹⱀⱘ ⰳⰾ҃ⱙ ⰲⰰⰿⱏ. ⱑⰽⱁ ⱀⰰⰴⱏ ⰲⱐⱄⱑⰿⱐ ⰻⰿⱑⱀⰻⰵⰿⱐ ⱄⰲⱁⰻⰿⱐ ⱂⱁⱄⱅⰰⰲⰻⱅⱏ ⰹ.

ⰰⱎⱅⰵ ⰾⰻ ⰶⰵ ⱃⰵⱍⰵⱅⱏ ⱃⰰⰱⱏ ⱅⱏ ⰲⱏ ⱄⱃⰴ҃ⱌⰻ ⱄⰲⱁⰵⰿⱐ. ⰽⱐⱄⱀⰻⱅⱏ !ⰳⱐ ⰿⱁⰻ ⱂⱃⰻⱅⰻ. ⰻ ⱀⰰⱍⱐⱀⰵⱅⱏ ⰱⰻⱅⰻ ⱃⰰⰱⱏⰹ ⰻ ⱃⰰⰱⱏⰹⱀⱔ. ⱑⱄⱅⰻ ⰶⰵ ⰻ ⱂⰻ[ⱅⰻ] ⰻ ⱆⱂⰻⰲⰰⱅⰻ ⱄⱔ.

ⱂⱃⰻⰴⰵⱅⱐ ⰳⱁⱄⱂⱁⰴⰻⱀⱐ ⱃⰰⰱⰰ ⱅⱁⰳⱁ. ⰲⱐ ⱀⱐⰶⰵ ⰴⰵⱀⱐ ⱀⰵ ⱍⰰⰰⱅⱏ. ⰺ ⰲⱐ ⰳⱁⰴⰻⱀⱘ ⰲⱐ ⱀⱙⰶⰵ ⱀⰵ ⰲⱑⱄⱅⱏ. ⰺ ⱂⱃⱁⱅⰵⱎⰵⱅⱏ ⰹ. ⰺ ⱍⱔⱄⱅⱐ ⰵⰳⱁ ⱄⱏ ⱀⰵⰲⱑⱃⱏⱀⱏⰹⰿⰻ ⱂⱁⰾⱁⰶⰻⱅⱏ.

ⱅⱐ ⰶⰵ ⱃⰰⰱⱏ ⰲⱑⰴⱑⰲⱏⰹ ⰲⱁⰾⱙ ⰳ҃ⰰ ⱄⰲⱁⰵⰳⱁ. ⰺ ⱀⰵ ⱆⰳⱁⱅⱁⰲⰰⰲⱏ ⰾⰻ ⱀⰵ ⱄⱏⱅⰲⱁⱃⱐ ⱂⱁ ⰲⱁⰾⰻ ⰵⰳⱁ. ⰱⱐⰵⱀⱏ ⰱⱘⰴⰵⱅⱏ ⰿⱐⱀⱁⰳⱁ.

ⱀⰵ ⰲⱑⰴⱑⰲⱏⰹ ⰶⰵ ⱄⱏⱅⰲⱁⱃⱐ ⰶⰵ ⰴⱁⱄⱅⱁⰻⱀⰰⰰ ⱃⰰⱀⰰⰿⱏ ⰱⱏⰵⱀⱐ ⰱⱘⰴⰵⱅⱏ ⰿⰰⰾⱏⰹ. ⰲⱐⱄⱑⰽⱁⰿⱆ ⰶⰵ ⰵⰿⱆⰶⰵ ⰴⰰⱀⱁ ⰱⱏⰹⱄⱅⱏ ⰿⱐⱀⱁⰳⱁ. ⰻⰸⰻⱎⱅⰵⱅⱏ ⱄⱔ ⱁⱅⱏ ⱀⰵⰳⱁ. ⰻ ⰵⰿⱆⰶⰵ ⱂⱃⱑⰴⰰⱎⱔ ⰿⱐⱀⱁⰳⱁ ⰾⰻⱎⱐⱎⰰ ⱂⱃⱁⱄⱔⱅⱐ ⱁⱅⱏ ⱀⰵⰳⱁ ::

ⱁ҅ⰳⱀⱑ ⱂⱃⰻⰴⱏ ⰲⱐⰲⱃⱑⱎⱅⱏ{ⱏ} ⰲⱏⰸⰵⰿⰾⱙ ⱍⱅⱁ ⱈⱁⱎⱅⱘ ⰰⱎⱅⰵ ⱓⰶⰵ ⰻ ⰲⱏⰸⰳⱁⱃⱑ ⱄⱔ.

ⰽⱃⱐⱋⰵⱀⰻⰵ ⰶⰵ ⰻⰿⰰⰿⱏ ⰽⱃⱏⱄⱅⰻⱅⰻ ⱄⱔ. ⰺ ⰽⰰⰽⱁ ⱆⰴⱃⱏⰶⱘ ⱄⱔ ⰴⱁⱀⱐⰴⰵⰶⰵ ⰽⱁⱀⱐⱍⰰⰰⱅⱏ ⱄⱔ.

ⰿⱐⱀⰻⱅⰵ ⰾⰻ ⱑⰽⱁ ⰿⰻⱃⰰ ⱂⱃⰻⰴⱏ ⰴⰰⱅⰻ ⱀⰰ ⰸⰵⰿⰾⱙ. ⱀⰻ ⰳⰾ҃ⱙ ⰲⰰⰿⱐ ⱀⱏ ⱃⰰⰸⰴⱑⰾⰵⱀⰻⱑ.

ⰱⱘⰴⰵⱅⱏ ⰱⱁ ⱁⱅⱏ ⱄⰵⰾⱑ ⱂⱔⱅⱐ ⰲⱐ ⰵⰴⰻⱀⱁⰿⱏ ⰴⱁⰿⱆ ⱃⰰⰸⰴⱑⰾⰵⱀⱏ ⱅⱃⰻⰵ ⱀⰰ ⰴⱏⰲⰰ. ⰻ ⰴⱏⰲⰰ ⱀⰰ ⱅⱃⰻ.

ⰺ ⱃⰰⰸⰴⱑⰾⱔⱅⱏ ⱄⱔ ⱁⱅⱏⱌⱏ ⱀⰰ ⱄⱀ҃ⱏ. ⰺ҅ ⱄⱀ҃ⱏ ⱀⰰ !ⱁⱅⱏⱌⰰ. ⰿⰰⱅⰻ ⱀⰰ ⰴⱏⱎⱅⰵⱃⱐ. ⰻ ⰴⱏⱎⱅⰻ ⱀⰰ ⰿⰰⱅⰵⱃⱐ. ⱄⰲⰵⰽⱃⱏⰹ ⱀⰰ ⱀⰵⰲⱑⱄⱅⱘ ⱄⰲⱁⱙ. ⰻ ⱀⰵⰲⱑⱄⱅⰰ ⱀⰰ ⱄⰲⰵⰽⱃⱁⰲⱐ ⱄⰲⱁⱙ ::

!Ⰳⰾⰰⰰⱎⰵ ⰶⰵ ⰻ ⱀⰰⱃⱁⰴⱁⰿⱐ. ⰵⰳⰴⰰ ⱆⰸⱐⱃⰻⱅⰵ ⱁⰱⰾⰰⰽⱏ ⰲⱏⱄⱈⱁⰴⱔⱋⱐ ⱁⱅⱏ ⰸⰰⱂⰰⰴⱏ. ⰰⰱⰻⰵ ⰳⰾ҃ⰵⱅⰵ ⱑ{ⰽ}ⰽⱁ ⱅⱘⱍⰰ ⰳⱃⱔⰴⰵⱅⱏ. ⰻ ⰱⱏⰹⰲⰰⰰⱅⱏ ⱅⰰⰽⱁ.

ⰺ ⰵⰳⰴⰰ ⱓⰳⱏ ⰴⱆⱎⱘⱎⱅⱏ ⰳⰾ҃ⰵⱅⰵ ⱑⰽⱁ ⰲⰰⱃⱏ ⰱⱘⰴⰵⱅⱏ. ⰻ ⰱⱏⰹⰲⰰⰰⱅⱏ.

ⱛ҅ⱂⱁⰽⱃⰻⱅⰻ ⰾⰻⱌⰵ ⱀⰵⰱⱆ ⰻ ⰸⰵⰿⰻ ⱆⰿⱑⰰⱅⰵ ⰻⱄⰽⱆⱎⰰⱅⰻ. ⰰ ⰲⱃⱑⰿⰵⱀⰵ ⱄⰵⰳⱁ ⱀⰵ ⰻⱄⰽⱆⱎⰰⰰⱅⰵ.

ⱍⱅⱁ ⰶⰵ ⰻ ⱁ ⱄⰵⰱⱑ ⱀⰵ ⱄⱘⰴⰻⱅⰵ ⱂⱃⰰⰲⱏⰴⱏⰹ ::

Ⰵⰳⰴⰰ ⰱⱁ ⰳⱃⱔⰴⰵⱎⰻ ⱄⱏ ⱄⱘⱂⱐⱃⰵⰿⱐ ⱅⰲⱁⰻⰿⱐ ⰽⱏ ⰽⱐⱀⱔⰷⱆ. ⱀⰰ ⱂⱘⱅⰻ ⰴⰰⰶⰴⱏ ⰴⱑⰾⰰⱀⰻⰵ ⰻⰸⰱⱏⰹⱅⰻ ⱁⱅⱏ ⱀⰵⰳⱁ. ⰴⰰ ⱀⰵ ⱂⱃ[ⰻ]ⰲⰾⱑⱍⰵⱅⱏ ⱅⰵⰱⰵ ⰽⱏ ⱄⱘⰴⰻⰻ. ⰺ ⱄⱘⰴⰻⰻ ⱅⱔ ⱂⱃⱑⰴⰰⱄⱅⱏ ⱄⰾⱆⰷⱑ. ⰻ ⱄⰾⱆⰳⰰ ⱅⱔ ⰲⱏⱄⰰⰴⰻⱅⱏ ⰲⱏ ⱅⰵⰿⱐⱀⰻⱌⱘ.

ⰳⰾ҃ⱙ ⱅⰵⰱⱑ ⱀⰵ ⰻⰿⰰⱎⰻ ⰻⰸⰻⱅⰻ ⱁⱅⱏ ⱅⱆⰴⱑ. ⰴⱁⱀⱐⰴⰵⰶⰵ ⰻ ⱂⱁⱄⰾⱑⰴⱐⱀⰻⰻ ⱅⱃⱐⱈⱐⱅⱐ ⰲⱏⰸⰴⰰⱄⰻ ::