ЕВАНГЕЛИЕ ЕЖЕ Ѿ ЛОУКꙐ
11:1
ⰺ҅ ⰱⱏⰹⱄⱅⱏ ⱄⱘⱎⱅⱆ ⰵⰿⱆ ⱀⰰ ⰿⱑⱄⱅⱑ ⰵⰴⰻⱀⱁⰿⱐ ⰿⱁⰾⱔⱎⱅⱓ ⱄⱔ. ⱑⰽⱁ ⱂⱃⱑⱄⱅⰰ ⱃⰵⱍⰵ ⰵⰴⰹⱀⱏ ⱆⱍⰵⱀⰻⰽⱏ ⰵⰳⱁ ⰽⱏ ⱀⰵⰿⱆ ⰳ҃ⰻ. ⱀⰰⱆⱍⰻ ⱀⱏⰹ ⰿⱁⰾⰻⱅⰻ ⱄⱔ ⱑⰽⱁⰶⰵ ⰻⱁⰰⱀⱏ ⱀⰰⱆⱍⰻ ⱆⱍⰵⱀⰻⰽⱏⰹ ⱄⰲⱁⱗ.
11:2
ⱃⰵⱍⰵ ⰶⰵ ⰻⰿⱏ. ⰵⰳⰴⰰ ⰿⱁⰾⰻⱅⰵ ⱄⱔ ⰳⰾ҃ⱅⰵ. Ⱁⱅⱏⱍⰵ ⱀⰰⱎⱏ ⰻⰶⰵ ⰵⱄⰻ ⱀⰰ ⱀⰱ҃ⱄⱈ. ⰴⰰ ⱄⱅ҃ⰻⱅⱏ ⱄⱔ ⰻⰿⱔ ⱅⰲⱁⰵ ⰴⰰ ⱂⱃⰻⰴⰵⱅⱏ ⱌⱄ҃ⱃⱄⱅⰲⰻⰵ ⱅⰲⱁⰵ. ⰴⰰ ⰱⱘⰴⰵⱅⱏ ⰲⱁⰾⱑ ⱅⰲⱁⱑ ⱑⰽⱁ ⱀⰰ ⱀⰱ҃ⱄⰵ ⰻ ⱀⰰ ⰸⰵⰿⰻ.
11:3
ⱈⰾⱑⰱⱏ ⱀⰰⱎⱏ ⱀⰰⱄⱘⱎⱅⱏⱀⱏⰹ. ⰴⰰⰻ ⱀⰰⰿⱏ ⱀⰰ ⰲⱐⱄⱑⰽⱏ ⰴⰵⱀⱐ.
11:4
ⰺ ⱁⱄⱅⰰⰲⰻ ⱀⰰⰿⱏ ⰳⱃⱑⱈⱏⰹ ⱀⰰⱎⱔ. ⰺⰱⱁ ⰻ ⱄⰰⰿⰻ ⱁⱄⱅⰰⰲⰾⱑⰵⰿⱏ ⰲⱐⱄⱑⰽⱁⰿⱆ ⰴⰾⱏⰶⱐⱀⰻⰽⱆ ⱀⰰⱎⰵⰿⱆ. ⰺ҅ ⱀⰵ ⰲⱐⰲⰵⰴⰻ ⱀⰰⱄⱏ ⰲⱏ ⰹⱄⰽⱆⱎⰵⱀⰻⰵ. ⱀⱏ ⰻ҅ⰸⰱⰰⰲⰻ ⱀⱏⰹ ⱁⱅⱏ ⱀⰵⱂⱃⰻⱑⰸⱀⰻ ::
11:5
Ⰺ ⱃⰵⱍⰵ ⰽⱏ ⱀⰻⰿⱏ ⰽⱏⱅⱁ ⱁⱅⱏ ⰲⰰⱄⱏ ⰻⰿⰰⱅⱏ ⰴⱃⱆⰳⱏ. ⰺ ⰻⰴⰵⱅⱏ ⰽⱏ ⱀⰵⰿⱆ ⱂⱁⰾⱆ ⱀⱁⱎⱅⰻ. ⰺ ⱃⰵⱍⰵⱅⱏ ⰵⰿⱆ ⰴⱃⱆⰶⰵ ⰴⰰⰶⰴⱏ ⰿⰻ ⰲⱏ ⰸⰰⰻⰿⱏ ⱅⱃⰻ ⱈⰾⱑⰱⱏⰹ.
11:6
ⰺⰴⰵ ⰴⱃⱆⰳⱏ ⰿⰻ ⱂⱃⰻⰴⰵ ⱄⱏ ⱂⱘⱅⰻ ⰽⱏ ⰿⱐⱀⱑ. ⰺ ⱀⰵ ⰻⰿⰰⰿⱏ ⱍⰵⱄⱁ ⱂⱁⰾⱁⰶⰻⱅⰻ ⱂⱃⱑⰴⱏ ⱀⰻⰿⱐ.
11:7
ⰺ ⱁⱅⱏ ⰻⰸ ⱘⱅⱃⱏⱘⰴⱘ ⱁⱅⱏⰲⱑⱎⱅⰰⰲⱏ ⱃⰵⱍⰵⱅⱏ ⱀⰵ ⱅⰲⱁⱃⰻ ⰿⰻ ⱅⱃⱆⰴⱏ. ⱓⰶⰵ ⰴⰲⱐⱃⰻ ⰸⰰⱅⰲⱁⱃⰵⱀⱏⰹ ⱄⱘⱅⱏ. ⰺ ⰴⱑⱅⰻ ⰿⱁⱗ ⱄⱏ ⰿⱏⱀⱁⱙ ⱀⰰ ⰾⱁⰶⰻ ⱄⱁⱅⱏ. ⱀⰵ ⰿⱁⰳⱘ ⰲⱏⱄⱅⰰⱅⰻ ⰴⰰⱅⰻ ⱅⰵⰱⱑ.
11:8
ⰳⰾ҃ⱙ ⰲⰰⰿⱏ ⰰⱎⱅⰵ ⰻ ⱀⰵ ⰴⰰⱄⱅⱏ ⰵⰿⱆ ⰲⱏⱄⱅⰰⰲⱏ ⰸⰰⱀⰵ ⰵⱄⱅⱏ ⰴⱃⱆⰳⱏ ⰵⰿⱆ. ⱀⱏ ⰸⰰ ⰱⰵⰸⱁⱍⱏⱄⱅⰲⱁ ⰵⰳⱁ ⰲⱏⱄⱅⰰⰲⱏ ⰴⰰⱄⱅⱏ ⰵⰿⱆ ⰵⰾⰻⰽⱁ ⱅⱃⱑⰱⱆⱆⱅⱏ.
11:9
ⰺ ⰰⰸⱏ ⰳⰾ҃ⱙ ⰲⰰⰿⱏ. ⱂⱃⱁⱄⰻⱅⰵ ⰻ ⰴⰰⱄⱅⱏ ⱄⱔ ⰲⰰⰿⱏ. ⰺⱎⱅⰻⱅⰵ ⰻ ⱁⰱⱃⱔⱋⰵⱅⰵ ⱅⰾⱐⱌⱑⱅⰵ ⰻ ⱁⱅⰲⱃⱏⰸⰵⱅⱏ ⱄⱔ ⰲⰰⰿⱏ.
11:10
ⰲⱐⱄⱑⰽⱏ ⰱⱁ ⱂⱃⱁⱄⱔⰻ ⱂⱃⰻⰵⰿⰾⰵⱅⱏ. ⰺ ⰻⱎⱅⱔⰻ ⱁⰱⱃⱑⱅⰰⰰⱅⱏ. ⰺ ⱅⰾⱏⰽⱘⱋⱆⰿⱆ ⱁⱅⰲⱃⱏⰸⰵⱅⱏ ⱄⱔ.
11:11
ⰽⱁⱅⰵⱃⰰⰰⰳⱁ ⰶⰵ ⱁⱅⱏ ⰲⰰⱄⱏ ⱁⱌ҃ⰰ ⰲⱏⱄⱂⱃⱁⱄⰻⱅⱏ ⱄⱀ҃ⱏ ⱈⰾⱑⰱⰰ. ⰵⰴⰰ ⰽⰰⰿⰵⱀⱐ ⱂⱁⰴⰰⱄⱅⱏ ⰵⰿⱆ. ⰾⰻ ⱃⱏⰹⰱⱏⰹ. ⰵⰴⰰ ⰲⱏ ⱃⱏⰹⰱⱏⰹ ⰿⱑⱄⱅⱁ ⰸⰿⰻⱙ ⱂⱁⰴⰰⱄⱅⱏ ⰵⰿⱆ.
11:12
ⰻⰾⰻ ⰰⱎⱅⰵ ⱂⱃⱁⱄⰻⱅⱏ ⰾⰻⱌⰰ. ⰵⰴⰰ ⱂⱁ[ⰴⰰ]ⱄⱅⱏ ⰵⰿⱆ ⱄⰽⱁⱃⱐⱂⰻⰻ.
11:13
ⰰⱎⱅⰵ ⱆⰱⱁ ⰲⱏⰹ ⰸⱐⰾⰻ ⱄⱘⱎⱅⰵ. ⱆⰿⱑⰰⱅⰵ ⰴⰰⰰⱀⰻⱑ ⰱⰾⰰⰳⰰ ⰴⰰⱑⱅⰻ ⱍⱔⰴⱁⰿⱏ ⰲⰰⱎⰻⰿⱏ. ⰽⱁⰾⱐⰿⰻ ⱂⰰⱍⰵ ⱁⱅ҃ⱌⱏ ⱄ ⱀⰱ҃ⱄⰵ ⰴⰰⱄⱅⱏ ⰴⱈ҃ⱏ ⱄⱅ҃ⱏ. ⱂⱃⱁⱄⱔⱎⱅⰻⰻⰿⱏ ⱆ ⱀⰵⰳⱁ.
11:14
Ⰺ ⰱⱑ ⰻⰸⰳⱁⱀⱔ ⰱⱑⱄⱏ ⰻ ⱅⱏ ⰱⱑ ⱀⱑⰿⱏ. ⰱⱏⰹⱄⱅⱏ ⰶⰵ ⰱⱑⱄⱆ ⰻⰸⰳⱏⱀⰰⱀⱆ !ⱂⱃⱁⰳⰾⰰ ⱀⱑⰿⱏⰹ. ⰺ ⰴⰻⰲⰾⱑⰰⱈⱁ ⱄⱔ ⱀⰰⱃⱁⰴⰻ.
11:15
ⰵⰴⰻⱀⰻ ⰶⰵ ⱁⱅⱏ ⱀⰻⱈⱏ ⱃⱑⱎⱔ. ⱁ ⰲⰵⰾⱐⰸⱑⰲⱆⰾⱑ ⰽⱏⱀⱔⰸⰻ ⰱⱑⱄⱏ ⰻⰸⰳⱁⱀⰻⱅⱏ ⰱⱑⱄⱏⰹ.
11:16
ⰴⱃⱆⰷⰻⰻ ⰶⰵ ⰻⱄⰽⱆⱎⰰⱙⱋⰵ ⰸⱀⰰⰿⰵⱀⰻⱑ ⱁⱅⱏ ⱀⰵⰳⱁ ⰻⱄⰽⰰⰰⱈⱘ ⱄⱏ ⱀⰱ҃ⱄⰵ.
11:17
ⱁⱀⱏ ⰶⰵ ⰲⱑⰴⱏⰹ ⰻⱈⱏ ⱂⱁⰿⱏⰹⱎⰾⰵⱀⰻⱑ. ⱃⰵⱍⰵ ⰻⰿⱏ ⰲⱐⱄⱑⰽⱁ ⱌⱄ҃ⱃⱄⱅⰲⰻⰵ ⱃⰰⰸⰴⱑⰾⱐ ⱄⱔ ⱄⰰⰿⱁ ⰲⱐ ⱄⰵⰱⱑ ⰸⰰⱂⱆⱄⱅⱑⰰⱅⱏ. ⰺ ⰴⱁⰿⱏ ⱀⰰ ⰴⱁⰿⱏ ⱂⰰⰴⰰⰰⱅⱏ.
11:18
ⰰⱎⱅⰵ ⰶⰵ ⰻ ⱄⱁⱅⱁⱀⰰ ⱄⰰⰿⱏ ⰲⱐ ⱄⰵⰱⱑ ⱃⰰⰸⰴⱑⰾⰻ ⱄⱔ. ⰽⰰⰽⱁ ⱄⱅⰰⱀⰵⱅⱏ ⱌⱄ҃ⱃⱄⰲⱁ ⰵⰳⱁ. ⱑⰽⱁ ⰳⰾ҃ⱅⰵ ⱁ ⰲⰵⰾⱐⰷⱑⰲⱆⰾⱑ ⰻⰸⰳⱁⱀⱔⱋⱏ ⰿⱔ ⰱⱑⱄⱏⰹ.
11:19
ⰰⱎⱅⰵ ⰶⰵ ⰰⰸⱏ ⱁ ⰲⰵⰾⱐⰷⱑⰲⱆⰾⱑ ⰻⰸⰳⱁⱀⱙ ⰱⱑⱄⱏⰹ. ⱄⱀ҃ⰲⰵ ⰲⰰⱎⰻ ⱁ ⰽⱁⰿⱐ ⰻⰸⰳⱁⱀⱔⱅⱏ. ⱄⰵⰳⱁ ⱃⰰⰴⰻ ⱅⰻ ⰱⱘⰴⱁⱅⱏ ⰲⰰⰿⱏ ⱄⱘⰴⰻⱗ.
11:20
ⰰⱋⰵ ⰾⰻ ⰶⰵ ⱁ ⱂⱃⱏⱄⱅⱑ ⰱⰶ҃ⰹⰻ ⰰⰸⱏ ⰻⰸⰳⱁⱀⱙ ⰱⱑⱄⱏⰹ. ⱆⰱⱁ ⱂⱁⱄⱅⰻⰶⰵ ⱀⰰ ⰲⰰⱄⱏ ⱌⱑⱄⰰⱃⰵⱄⱅⰲⰻⰵ ⰱⰶ҃ⰻⰵ.
11:21
ⰵⰳⰴⰰ ⰽⱃⱑⱂⱏⰽⱏⰹ ⱆⱁⱃⱁⰶⱐ ⱄⱔ ⱈⱃⰰⱀⰻⱅⱏ ⱄⰲⱁⰻ ⰴⰲⱁⱃⱏ. ⰲⱐ ⰿⰻⱃⱑ ⱄⱘⱅⱏ ⰻⰿⱑⱀⰻⱑ ⰵⰳⱁ.
11:22
ⰰ ⱂⱁⱀⰵⰶⰵ ⰽⱃⱑⱂⰾⰵⰻ ⰵⰳⱁ ⱀⰰⱎⰵⰴⱏ ⱂⱁⰱⱑⰴⰻⱅⱏ ⰹ ⰻ ⰲⱐⱄⱑ ⱁⱃⱘⰶⰻⱑ ⰵⰳⱁ ⱁⱅⱐⰿⰵⱅⱏ ⱀⰰ ⱀⱑⰶⰵ ⱆⱂⱏⰲⰰⰰⱎⰵ ⰻ ⰽⱁⱃⰻⱄⱅⱐ ⰵⰳⱁ ⱃⰰⰸⰴⰰⰰⱅⱏ.
11:23
ⰺⰶⰵ ⱀⱑⱄⱅⱏ ⱄⱏ ⰿⱏⱀⱁⱙ ⱀⰰ ⰿⱔ ⰵⱄⱅⱏ. ⰺ ⰻⰶⰵ ⱀⰵ ⱄⱏⰱⰻⱃⰰⰰⱅⱏ ⱄⱏ ⰿⱐⱀⱁⱙ ⱃⰰⱄⱅⰰⱍⰰⰰⱅⱏ.
11:24
ⰵⰳⰴⰰ ⰶⰵ ⱀⰵⱍⰻⱄⱅⱏⰹⰻ ⰴⱈ҃ⱏ ⰻⰸⰻⰴⰵⱅⱏ ⱁⱅⱏ !ⱍⰽⰰ. ⱂⱃⱑⱈⱁⰴⰻⱅⱏ ⱄⰽⰲⱁⰸⱑ ⰱⰵⰸⰲⱁⰴⱏⱀⰰⱑ ⰿⱑⱄⱅⰰ ⰻⱎⱅⱔ ⱂⱁⰽⱁⱑ ⰻ ⱀⰵ ⱁⱃⱑⱅⰰⱗ ⰳⰾ҃ⱅⱏ. ⰲⱏⰸⰲⱃⰰⱎⱅⱘ ⱄⱔ ⰲⱏ ⰴⱁⰿⱏ ⰿⱁⰻ ⱁⱅⱏ ⱀⱙⰴⱘⰶⰵ ⰻⰸⰻⰴⱏ.
11:25
ⰺ ⱂⱃⰻⱎⰵⰴⱏ ⱁⰱⱃⱑⱅⰰⰰⱅⱏ ⱂⱁⰿⰵⱅⰵⱀⱏ ⰻ ⱆⰽⱃⰰⱎⰵⱀⱏ.
11:26
Ⱅⱏⰳⰴⰰ ⰻⰸⰻⰴⰵⱅⱏ ⰻ ⱂⱁⰻⰿⰵⱅⱏ ⰴⱃⱆⰳⱏⰹⰻⱈⱏ ⰳⱁⱃⰵⱎⱏ ⱄⰵⰴⰿⱐ ⰴⱈ҃ⱏ. ⰺ ⰲⱏⱎⰵⰴⱏⱎⰵ ⰶⰻⰲⱘⱅⱏ ⱅⱆ. ⰺ ⰱⱏⰹⰲⰰⱙⱅⱏ ⱂⱁⱄⰾⱑⰴⱐⱀⱑⰰ ⱍⰾ҃ⰽⱆ ⱅⱁⰿⱆ ⰳⱁⱃⱐⱎⰰ ⱂⱃⱏⰲⱏⰹⰻⱈⱏ ::
11:27
Ⰱⱏⰹⱄⱅⱏ ⰶⰵ ⰵⰳⰴⰰ ⰳⰾ҃ⰰⰰⱎⰵ ⱄⰵ. ⰲⱏⰸⰴⰲⰻⰳⱏⱎⰻ ⰳⰾⰰⱄⱏ ⰵⰴⰻⱀⰰ ⰶⰵⱀⰰ ⱁⱅⱏ ⱀⰰⱃⱁⰴⰰ ⱃⰵⱍⰵ ⰵⰿⱆ. ⰱⰾⰰⰶⰵⱀⱁⰵ ⱍⱃⱑⰲⱁ ⱀⱁⱎⱏⱎⰵ ⱅⱔ. ⰺ ⱄⱏⱄⱏⱌⰰ ⱑⰶⰵ ⰵⱄⰻ ⱄⱏⱄⰰⰾⱏ.
11:28
ⱁⱀⱏ ⰶⰵ ⱃⰵⱍⰵ. ⱅⱑⰿⱏ ⰶⰵ ⱆⰱⱁ ⰱⰾⰰⰶⰵⱀⰻⰻ ⱄⰾⱏⰹⱎⱔⱎⱅⰵⰻ ⱄⰾⱁⰲⱁ ⰱⰶ҃ⰻⰵ ⰻ ⱈⱃⰰⱀⱔⱎⱅⰵ :: ⰽ!ⱌ ::
11:29
Ⱀⰰⱃⱁⰴⱁⰿⱏ ⰶⰵ ⱄⱏⰱⰻⱃⰰⱙⱎⱅⰵⰿⱏ ⱄⱔ. ⱀⰰⱍⱔⱅⱏ ⰳⰾ҃ⱅⰻ. ⱃⱁⰴⱏ ⱄⱏ ⰾⱘⰽⰰⰲⱏⱀⱏ ⰵⱄⱅⱏ. ⰸⱀⰰⰿⰵⱀⰻⱑ ⰻⱎⱅⰵⱅⱏ. ⰹ ⰸⱀⰰⰿⰵⱀⰻⰵ ⱀⰵ ⰴⰰⱄⱅⱏ ⱄⱔ ⰵⰿⱆ. ⱅⱏⰽⱏⰿⱁ ⰸⱀⰰⰿⰵⱀⰻⰵ ⰻⱁⱀⱏⰹ ⱂ!ⱃⰽⰰ.
11:30
ⱑⰽⱁⰶⰵ ⰱⱁ ⰱⱏⰹⱄⱅⱏ ⰻⱁⱀⰰ ⰸⱀⰰⰿⰵⱀⰻⰵ ⱀⰻⱀⰵⰲⱏⰼⰻⱅⱁⰿⱏ. ⱅⰰⰽⱁ ⰱⱘⰴⰵⱅⱏ ⰻ ⱄⱀ҃ⱏ ⱍⰾⰲ҃ⱄⰽⱏⰹ ⱃⱁⰴⱆ ⱄⰵⰿⱆ.
11:31
!Ⱌⱄⱃⱌⰰ ⱓⰶⱐⱄⰽⰰⰰ ⰲⱏⱄⱅⰰⱀⰵⱅⱏ ⱀⰰ ⱄⱘⰴⱏ. ⱄⱏ ⰿⱘⰶⰻ ⱃⱁⰴⰰ ⱄⰵⰳⱁ ⰻ ⱁⱄⱘⰴⰻⱅⱏ ⱗ҅. ⱑⰽⱁ ⱂⱃⰻⰴⰵ ⱁⱅⱏ ⰽⱁⱀⰵⱌⱏ ⰸⰵⰿⰾⱔ ⱄⰾⱏⰹⱎⰰⱅⰻ ⱂⱃⱑⰿⱘⰴⱃⱁⱄⱅⰻ ⱄⱁⰾⱁⰿⱁⱀⱔ. ⰻ ⱄⰵ ⰿⱐⱀⱁⰶⱑⰵ ⱄⱁⰾⱁⰿⱁⱀⰰ ⱄⱏⰴⰵ.
11:32
ⰿⱘⰶⰻ ⱀⰻⱀⰵⰲⱏⰼⰻⱅⱐⱄⱌⰻⰻ ⰲⱐⱄⰽⱃⱏⱄⱀⱘⱅⱏ ⱀⰰ ⱄⱘⰴⱏ. ⱄⱏ ⱃⱁⰴⱁⰿⱐ ⱄⰻⰿⱐ {ⱄⰻⰿⱐ} ⰻ ⱁⱄⱘⰴⱔⱅⱏⰹ ⰻ. ⱑⰽⱁ ⱂⱁⰽⰰⰰⱎⱔ ⱄⱔ ⰲⱏ ⱂⱃⱁⱂⱁⰲⱑⰴⱐ ⰻⱁⱀⰻⱀⱘ. ⰺ ⱄⰵ ⰿⱏⱀⱁⰶⱑⰵ ⰻⱁⱀⱏⰹ ⱄⱏⰴⰵ ::
11:33
Ⱀⰻⰽⱅⱁⰶⰵ ⱆⰱⱁ ⱄⰲⱑⱅⰻⰾⱏⱀⰻⰽⰰ ⰲⱏⰶⰵⰳⱏ ⰲⱏ ⱄⱏⰽⱃⱁⰲⱑ ⱂⱁⰾⰰⰳⰰⰰⱅⱏ. ⱀⰻ ⱂⱁⰴⱏ ⱄⱂⱘⰴⱁⰿⱐ. ⱀⱏ ⱀⰰ ⱄⰲⱑⱎⱅⱏⱀⰻⱌⱑ ⰴⰰ ⰲⱏⱈⱁⰴⱔⱎⱅⰵⰻ ⰲⰻⰴⱔⱅⱏ ⱄⰲⱑⱅⱏ ::
11:34
Ⱄⰲⱑⱅⰻⰾⱐⱀⰻⰽⱏ ⱅⱑⰾⱆ ⰵⱄⱅⱏ ⱁⰽⱁ. ⰵⰳⰴⰰ ⱆⰱⱁ ⱁⰽⱁ ⱅⰲⱁⰵ ⱂⱃⱁⱄⱅⱁ ⰱⱘⰴⰵⱅⱏ. ⰺ ⰲⱐⱄⰵ ⱅⱑⰾⱁ ⱅⰲⱁⰵ. ⱄⰲⱑⱅⱏⰾⱁ ⰱⱘⰴⰵⱅⱏ. ⰰ ⱂⱁⱀⰵⰶⰵ ⰾⱘⰽⰰⰲⱁ ⰱⱘⰴⰵⱅⱏ. ⰺ ⱅⱑⰾⱁ ⱅⰲⱁⰵ ⱅⱐⰿⱐⱀⱁ ⰱⱘⰴⰵⱅⱏ.
11:35
ⰱⰾⱓⰴⰻ ⱆⰱⱁ ⰵⰴⰰ ⱄⰲⱑⱅⱏ ⰻⰶⰵ ⰵⱄⱅⱏ ⰲⱏ ⱅⰵⰱⱑ ⱅⱏⰿⰰ ⰵⱄⱅⱏ.
11:36
ⰰⱎⱅⰵ ⱆⰱⱁ ⱅⱑⰾⱁ ⱅⰲⱁⰵ ⰲⱐⱄⰵ ⱄⰲⱑⱅⱏⰾⱁ ⰱⱘⰴⰵⱅⱏ. ⱀⰵ ⰻⰿⱏⰹ ⱍⱔⱄⱅⰻ ⰵⰴⰻⱀⱏⰹ ⱅⱏⰿⱏⱀⱏⰹ. ⰱⱘⰴⰵⱅⱏ ⱄⰲⱑⱅⱏⰾⱁ ⰲⱐⱄⰵ. ⱑⰽⱁ ⱄⰵ ⰵⰳⰴⰰ ⱄⰲⱑⱅⰻⰾⱐⱀⰻⰽⱏ ⰱⰾⰻⱄⱌⰰⱀⰻⰵⰿⱐ ⱂⱃⱁⱄⰲⱑⱎⱅⰰⰰⱅⱏ ⱅⱔ ::
11:37
Ⰵⰳⰴⰰ ⰶⰵ ⰳⰾ҃ⰰⰰⱎⰵ ⰿⱁⰾⱑⰰⱎⰵ ⰻ ⱇⰰⱃⰻⱄⱑⰻ ⰵⰴⰻⱀⱏ ⰴⰰ ⱁⰱⱑⰴⱆⱆⱅⱏ ⱆ ⱀⰵⰳⱁ. ⰲⱏⱎⰵⰴⱏ ⰶⰵ ⰲⱏⰸⰾⰵⰶⰵ.
11:38
ⱇⰰⱃⰻⱄⱑⰻ ⰶⰵ ⰲⰻⰴⱑⰲⱏ ⰴⰻⰲⰻ ⱄⱔ. ⱑⰽⱁ ⱀⰵ ⱂⱃⱑⰶⰴⰵ ⰽⱃⱏⱄⱅⰻ ⱄⱔ ⱂⱃⱏⰲⱑⰵ ⱁⰱⱑⰴⰰ.
11:39
ⱃⰵⱍⰵ !ⰳⱐ ⰽⱏ ⱀⰵⰿⱆ. ⱀⱏⰹⱀⱑ ⰲⱏⰹ ⱇⰰⱃⰻⱄⱑⰻ ⰲⱐⱀⱑⱎⱅⱐⱀⰵⰵ ⱄⱅⱐⰽⰾⱐⱀⰻⱌⰻ ⰻ ⰿⰻⱄⱑ ⱁⱍⰻⱎⱅⰰⰰⱅⰵ. ⰰ ⰲⱏⱀⱘⱅⱃⱐⱀⱑⰰ ⰲⰰⱎⰰ ⱂⰾⱏⱀⰰ ⱄⱘⱅⱏ ⱈⱏⰹⱎⱅⰵⱀⰻⱑ ⰻ ⰸⱏⰾⱁⰱⱏⰹ.
11:40
ⰱⰵⰸⱆⰿⱐⱀⰻ ⱀⰵ ⰻⰶⰵ ⰾⰻ ⰵⱄⱅⱏ ⱄⱏⱅⰲⱁⱃⰻⰾⱏ ⰲⱏⱀⱑⱎⱅⱐⱀⰵⰵ. ⰺ ⰲⱏⱀⱘⱅⱃⱐⱀⰵⰵ ⱄⱏⱅⰲⱁⱃⰻ.
11:41
ⱁⰱⰰⱍⰵ ⱄⱘⱎⱅⰰⰰ ⰴⰰⰴⰻⱅⰵ ⰿⰻⰾⱁⱄⱅⱏⰹⱀⱙ. ⰺ ⱄⰵ ⰲⱐⱄⱑ ⱍⰻⱄⱅⰰ ⰲⰰⰿⱏ ⱄⱘⱅⱏ :: ::
11:42
Ⱀⱏ ⰳⱁⱃⰵ ⰲⰰⰿⱏ ⱇⰰⱃⰻⱄⱑⰵⰿⱏ ⱑⰽⱁ ⰴⰵⱄⱔⱅⰻⱀⱘ ⰴⰰⰰⱅⰵ ⱁⱅⱏ ⰿⱔⱅⱏⰹ ⰻ ⱂⰻⰳⰰⱀⱏ ⰻ ⰲⱐⱄⱑⰽⱁⰳⱁ ⰸⰵⰾⰻⱑ. ⰺ ⰿⰻⰿⱁ ⱈⱁⰴⰻⱅⰵ ⱄⱘⰴⱏ. ⰺ ⰾⱓⰱⱏⰲⱏ ⰱⰶ҃ⰻⱙ. ⱄⰻ ⰶⰵ ⱂⱁⰴⱁⰱⰰⰰⱎⰵ ⱄⱏⱅⰲⱁⱃⰻⱅⰻ ⰻ ⱁⱀⱑⱈⱏ ⱀⰵ ⱁⱄⱅⰰⰲⰾⱑⱅⰻ ::
11:43
Ⰳⱁⱃⰵ ⰲⰰⰿⱏ ⱇⰰⱃⰻⱄⰵⰻ ⱑⰽⱁ ⰾⱓⰱⰻⱅⰻ ⱂⱃⱑⰴⱏⱄⱑⰴⰰⱀⰻⱑ ⱀⰰ ⱄⱏⱀⱐⰿⰻⱎⱅⰻⱈⱏ. ⰺ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⱈⱏ ::
11:44
Ⰳⱁⱃⰵ ⰲⰰⰿⱏ ⰽⱏⱀⰻⰶⱏⱀⰻⱌⰻ ⰻ ⱇⰰⱃⰻⱄⱑⰻ. ⰺ ⰾⰻⱌⰵⰿⱑⱃⰻ. ⰺⰴⰵ ⰵⱄⱅⰵ ⱑⰽⱁ ⰳⱃⱁⰱⰻ ⱀⰵ ⰲⱑⰴⱁⰿⰻ. ⰺ ⱍⰾⰲ҃ⱌⰻ ⱈⱁⰴⱔⱋⰵⰻ ⰲⱃⱏⱈⱆ ⱀⰵ ⰲⱑⰴⱔⱅⱏ.
11:45
ⱁⱅⱏⰲⱑⱎⱅⰰⰲⱏ ⰶⰵ ⰵⰴⰻⱀⱏ ⱁⱅⱏ ⰸⰰⰽⱁⱀⱐⱀⰻⰽⱏ ⰳⰾ҃ⰰ ⰵⰿⱆ. ⱆⱍⰻⱅⰵⰾⱓ ⱄⰵ ⰳⰾ҃ⱔ ⰻ ⱀⰰⰿⱏ ⰴⱁⱄⰰⰶⰴⰰⰵⱎⰻ.
11:46
ⱁⱀⱏ ⰶⰵ ⱃⰵⱍⰵ ⰻ ⰲⰰⰿⱏ ⰸⰰⰽⱁⱀⱐⱀⰻⰽⱁⰿⱏ ⰳⱁⱃⰵ. ⱑⰽⱁ ⱀⰰⰽⰾⰰⰴⰰⰰⱅⰵ ⱀⰰ ⱍⰾ҃ⰽⱏⰹ ⰱⱃⱑⰿⰵⱀⰰ ⱀⰵ ⱆⰴⱁⰱⱐ ⱀⱁⱄⰻⰿⰰ. ⰰ ⱄⰰⰿⰻ ⱀⰻ ⰵⰴⰻⱀⱑⰿⱏ ⰶⰵ ⱂⱃⱏⱄⱅⱁⰿⱏ ⰲⰰⱎⰻⰿⱐ ⱂⱃⰻⰽⰰⱄⰰⰰⱅⰵ ⱎⱔ ⰱⱃⱑⰿⰵⱀⰵⱈⱏ. ::
11:47
Ⰳⱁⱃⰵ ⰲⰰⰿⱏ ⱑⰽⱁ ⰸⰻⰶⰴⰵⱅⰵ ⰳⱃⱁⰱⱏⰹ ⱂⱃⱁ!ⱃⰽⱏ. ⱁⱅ҃ⱌⰻ ⰶⰵ ⰲⰰⱎⰻ ⰻⰸⰱⰻⱎⱔ ⱗ.
11:48
ⱆⰱⱁ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⰵ ⰻ ⰲⱁⰾⱙ ⰻⰿⰰⱅⰵ. ⰴⱑⰾⱁⰿⱏ ⱁⱅ҃ⱌⱏ ⰲⰰⱎⰻⱈⱏ. ⱑⰽⱁ ⱅⰻ ⱆⰱⱁ ⰻⰸⰱⰻⱎⱔ ⱗ. ⰲⱏⰹ ⰶⰵ ⰸⰻⰶⰴⰵⱅⰵ ⰻⱈⱏ ⰳⱃⱁⰱⱏⰹ.
11:49
ⱄⰵⰳⱁ ⱃⰰⰴⰻ ⰻ ⱂⱃⱑⰿⱘⰴⱃⱁⱄⱅⱐ ⰱⰶ҃ⰻⱑ ⱃⰵⱍⰵ. ⱂⱁⱄⱏⰾⱙ ⰲⱐ ⱀⱔ !ⱂⱃⰽⱏⰹ ⰻ !ⰰⱂⱁⱄⱅⰾⱏⰹ. ⰻ ⱁⱅⱏ ⱀⰻⱈⱏ ⱆⰱⰻⱙⱅⱏ. ⰻ ⰻⰶⰴⰵⱀⱙⱅⱏ.
11:50
ⰴⰰ ⰿⱐⱄⱅⰻⱅⱏ ⱄⱔ ⰽⱃⱏⰲⱐ ⰲⱐⱄⱑⱈⱏ !ⱂⱃⰽⱏ. ⱂⱃⱁⰾⰻⰲⰰⰵⰿⰰ ⱁⱅⱏ ⱄⱏⰾⱁⰶⰵⱀⰻⱑ ⰲⱐⱄⰵⰳⱁ ⰿⰻⱃⰰ. ⱁⱅⱏ ⱃⱁⰴⰰ ⱄⰵⰳⱁ.
11:51
ⱁⱅⱏ ⰽⱃⱏⰲⰵ ⰰ[ⰲⰵ]ⰾⱑ ⱂⱃⰰⰲⰵⰴⱏⱀⰰⰰⰳⱁ. ⰴⱁ ⰽⱃⱏⰲⰵ ⰸⰰⱈⰰⱃⰻⱗ ⱂⱁⰳⱏⰹⰱⱏⱎⰰⰰⰳⱁ ⰿⰵⰶⰴⱓ ⱁⰾⱅⰰⱃⰵⰿⱐ ⰻ ⱈⱃⰰⰿⱁⰿⱏ. ⰵⰻ ⰳⰾ҃ⱙ ⰲⰰⰿⱏ ⰲⱐⰸⰻⱎⱅⰵⱅⱏ ⱄⱔ ⱁⱅⱏ ⱃⱁⰴⰰ ⱄⰵⰳⱁ.
11:52
Ⰳⱁⱃⰵ ⰲⰰⰿⱏ ⰸⰰⰽⱁⱀⱐⱀⰻⰽⱁⰿⱏ. ⱑⰽⱁ ⰲⱐⰸⱔⱄⱅⰵ ⰽⰾⱓⱍⱐ ⱃⰰⰸⱆⰿⱑⱀⰻⱓ. ⱄⰰⰿⰻ ⱀⰵ ⰲⱐⱀⰻⰴⰵⱅⰵ. ⰻ ⰲⱏⱈⱁⰴⱔⱎⱅⰵⰻⰿⱏ ⰲⱏⰸⰱⱃⰰⱀⰻⱄⱅⰵ.
11:53
!Ⰳⰾⱙⱋⱓ ⰶⰵ ⰵⰿⱆ ⰽⱏ ⱀⰻⰿⱏ ⱄⰻⱌⰵ. ⱀⰰⱍⱔⱄⱔ ⰽⱏⱀⰻⰶⱏⱀⰻⱌⰻ ⰻ ⱇⰰⱃⰻⱄⱑⰻ. ⰾⱓⱅⱑ ⱑⰽⱁ ⰳⱀⱑⰲⰰⱅⰻ ⱄⱔ. ⰺ ⱂⱃⱑⱄⱅⰰⰰⱅⰻ ⰻ ⱁ ⰿⱏⱀⱁⰶⰰⰻⱎⰻⰻⱈⱏ.
11:54
ⰾⰰⱙⱋⰵ ⰵⰳⱁ ⱆⰾⱁⰲⰻⱅⰻ ⱀⱑⱍⱏⱅⱁ ⱁⱅⱏ ⱆⱄⱅⱏ ⰵⰳⱁ. ⰴⰰ ⱀⰰ ⱀⱐ !ⰲⱐⰸⰳⰾⰰⰳⱁⰾⱙⱅⱏ.