ЕВАНГЕЛИЕ ЕЖЕ Ѿ ІОАННА
8:1
ⰺ҅ⱄ ⰶⰵ ⰻⰴⰵ ⰲⱏ ⰳⱁⱃⱘ ⰵⰾⰵⱁⱀⱏⱄⰽⱘ.
8:2
Ⱓⱅⱃⱁ ⰶⰵ ⱂⰰⰽⱏⰹ ⱂⱃⰻⰴⰵ ⰲⱏ !ⱌⱃⰽⰲⱏ. ⰺ ⰲⱐⱄⰻ ⰾⱓⰴⱐⰵ ⰻⰴⱑⰰⱈⱘ ⰽⱐ ⱀⰵⰿⱆ. ⰺ ⱄⱑⰴⱏ ⱆⱍⰰⰰⱎⰵ ⱗ.
8:3
ⱂⱃⰻⰲⱑⱄⱔ ⰶⰵ ⰽⱏⱀⰻⰶⱐⱀⰻⱌⰻ ⰻ ⱇⰰⱃⰻⱄⰵⰻ. ⰶⰵⱀⱘ ⰲⱐ ⱂⱃⱑⰾⱓⰱⱁⰴⱑⰰⱀⰻⰻ ⱗⱅⱘ. ⰻ ⱂⱁⱄⱅⰰⰲⱐⱎⰵ ⱙ ⱂⱁ ⱄⱃⱑⰴⱑ.
8:4
ⰳⰾ҃ⰰⱎⱔ ⰵⰿⱆ. ⱆⱍⰻⱅⰵⰾⱓ ⱄⰻ ⰶⰵⱀⰰ ⱗⱅⰰ ⰵⱄⱅⱏ ⱀⱏⰹⱀⱑ ⰲⱏ ⱂⱃⱑⰾⱓⰱⱁⰴⱑⰰⱀⰻⰻ.
8:5
ⰰ ⰲⱏ ⰸⰰⰽⱁⱀⱑ ⱀⰰⰿⱏ ⰿⱁⱄⰻ ⱂⱁⰲⰵⰾⱑ. ⱅⰰⰽⱁⰲⱏⰹⱗ ⰽⰰⰿⰵⱀⰻⰵⰿⱐ ⱂⱁⰱⰻⰲⰰⱅⰻ. ⱅⱏⰹ ⰶⰵ ⱍⱅⱁ ⰳⰾ҃ⰵⱎⰻ.
8:6
ⱄⰵ ⰶⰵ ⱃⱑⱎⱔ ⰻⱄⰽⱆⱎⰰⱙⱎⱅⰵ ⰻ. ⰴⰰ ⰱⱘ ⰻⰿⱑⰾⰻ ⱀⰰ ⱀⱐ ⱍⱅⱁ ⰳⰾ҃ⰰⱅⰻ. ⰺⱄ҃ⱏ ⰶⰵ ⱀⰻⰸⱏ ⱂⱁⰽⰾⱁⱀⱐ ⱄⱔ ⱂⱃⱏⱄⱅⱁⰿⱐ ⱂⰻⱄⰰⰰⱎⰵ ⱀⰰ ⰸⰵⰿⰻ.
8:7
ⱑⰽⱁ ⰶⰵ ⱂⱃⰻⰾⰵⰶⰰⰰⱈⱘ ⰲⱏⱂⱃⰰⱎⰰⱙⱎⱅⰵ ⰻ. ⰲⱏⱄⰽⰾⱁⱀⰻ ⱄⱔ ⰻ ⱃⰵⱍⰵ ⰻⰿⱏ. ⰺⰶⰵ ⰲⰰⱄⱏ ⰱⰵⰸ ⰳⱃⱑⱈⰰ ⰵⱄⱅⱏ. ⱂⱃⱑⰶⰴⰵ ⰲⱃⱏⰷⰻ ⰽⰰⰿⰵⱀⱐ ⱀⰰ ⱀⱙ.
8:8
ⰻ ⱂⰰⰽⱏⰹ ⱂⱁⰽⰾⱁⱀⱐ ⱄⱔ ⱂⰻⱄⰰⰰⱎⰵ ⱀⰰ ⰸⰵⰿⰻ.
8:9
ⱁⱀⰻ ⰶⰵ ⱄⰾⱏⰹⱎⰰⰲⱏⱎⰵ ⰻⱄⱈⱁⰶⰴⰰⰰⱈⱘ ⰵⰴⰻⱀⱏ ⱂⱁ ⰵⰴⰻⱀⱁⰿⱆ. ⱀⰰⱍⱐⱀⱏⱎⰵ ⱁⱅⱏ ⱄⱅⰰⱃⰵⱌⱏ ⰴⱁ ⱂⱁⱄⰾⱑⰴⱐⱀⰻⱈⱏ. ⰺ ⱁⱄⱅⰰ ⰻⱄ҃ⱏ ⰵⰴⰻⱀⱏ ⰻ ⰶⰵⱀⰰ ⱄⱅⱁⱗⱎⱅⰻ ⱂⱁ ⱄⱃⱑⰴⱑ.
8:10
ⰲⱏⱄⰽⰾⱁⱀⱐ ⰶⰵ ⱄⱔ ⰻⱄ҃ⱏ ⱃⰵⱍⰵ ⰵⰻ. ⰶⰵⱀⱁ ⰽⱐⰴⰵ ⱄⱘⱅⱏ ⰻⰶⰵ ⱀⰰ ⱅⱔ ⰲⰰⰶⰴⰰⱈⱘ. ⱀⰻⰽⱏⰹⰻ ⰶⰵ ⰾⰻ ⱅⰵⰱⰵ ⱀⰵ ⱁⱄⱘⰴⰻ.
8:11
ⱁⱀⰰ ⰶⰵ ⱃⰵⱍⰵ ⱀⰻⰽⱏⰹⰻⰶⰵ ⰳ҃ⰻ. ⱃⰵⱍⰵ ⰵⰻ ⰻⱄ҃ ⱀⰻ ⰰⰸⱏ ⱅⰵⰱⰵ ⱁⱄⱘⰶⰴⰰⱙ. ⰻⰴⰻ ⰻ ⱁⱅⱏ ⱄⰵⰾⱑ ⱀⰵ ⱄⱏⰳⱃⱑⱎⰰⰻ ⰽ ⱅⱁⰿⱆ. ⰽ!ⱌ ::
8:12
Ⱂⰰⰽⱏⰹ ⰶⰵ ⰻⰿⱏ ⱃⰵⱍⰵ ⰻⱄ҃ⱏ ⰳⰾ҃ⱔ. ⰰⰸⱏ ⰵⱄⰿⱏ ⱄⰲⱑⱅⱏ ⰿⰻⱃⱆ. ⱈⱁⰴⱔⰻ ⱂⱁ ⰿⱐⱀⱑ. ⱀⰵ ⰻⰿⰰⱅⱏ ⱈⱁⰴⰻⱅⰻ ⰲⱏ ⱅⱏⰿⱑ. ⱀⱏⰹ ⰻⰿⰰⱅⱏ ⱄⰲⱑⱅⰰ ⰶⰻⰲⱁⱅⱏⱀⰰⰰⰳⱁ.
8:13
ⱃⱑⱎⱔ ⰶⰵ ⰵⰿⱆ ⱇⰰⱃⰻⱄⱑⰻ. ⱅⱏⰹ ⱁ ⱄⰵⰱⱑ ⱄⰰⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⰵⱎⰻ. ⱄⱏⰲⱑⰴⱑⱅⰵⰾⱐⱄⱅⰲⱁ ⱅⰲⱁⰵ ⱀⱑⱄⱅⱏ ⰻⱄⱅⰻⱀⱏⱀⱁ.
8:14
Ⱉⱅⱏⰲⱑⱎⱅⰰ ⰻⱄ҃ⱏ ⰻ ⱃⰵⱍⰵ ⰻⰿⱏ. ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰿⱐⱀⱑ ⱄⰰⰿⱁⰿⱏ. ⱄⱏⰲⱑⰴⱑⱅⰵⰾⱐⱄⱅⰲⱁ ⰿⱁⰵ ⰻⱄⱅⰻⱀⱏⱀⱁ ⰵⱄⱅⱏ. ⱑⰽⱁ ⰲⱑⰿⱐ ⱁⱅⱏ ⰽⱘⰴⱆ ⱂⱃⰻⰴⱏ ⰻ ⰽⰰⰿⱁ ⰳⱃⱔⰴⱘ. ⰲⱏⰹ ⰶⰵ ⱀⰵ ⰲⱑⱄⱅⰵ ⱁⱅⱏ ⰽⱘⰴⱆ ⰳⱃⱔⰴⱘ ⰻ ⰽⰰⰿⱁ ⰻⰴⱘ.
8:15
ⰲⱏⰹ ⱂⱁ ⱂⰾⱏⱅⰻ ⱄⱘⰴⰻⱅⰵ ⰰⰸⱏ ⱀⰵ ⱄⱘⰶⰴⱘ ⱀⰻⰽⱁⰿⱆⰶⰵ.
8:16
ⰰⱎⱅⰵ ⰾⰻ ⱄⱘⰶⰴⱘ ⰰⰸⱏ. ⱄⱘⰴⱏ ⰿⱁⰻ ⰻⱄⱅⰻⱀⰵⱀⱏ ⰵⱄⱅⱏ. ⱑⰽⱁ ⰵⰴⰻⱀⱏ {ⱀⱑ} ⱀⱑⱄⰿⱏ. ⱀⱏ ⰰⰸⱏ ⰻ ⱂⱁⱄⱏⰾⰰⰲⱏⰹ ⰿⱔ ⱁⱅ҃ⱌⱏ.
8:17
ⰺ ⰲⱏ ⰸⰰⰽⱁⱀⱑ ⰶⰵ ⰲⰰⱎⰵⰿⱐ ⱂⰻⱄⰰⱀⱁ ⰵⱄⱅⱏ. ⱑⰽⱁ ⰴⱏⰲⱁⱓ ⱍⰾⰲ҃ⰽⱆ ⱄⱏⰲⱑⰴⱑⱅⰵⰾⱐⱄⱅⰲⱁ ⰻⱄⱅⰻⱀⱏⱀⱁ ⰵⱄⱅⱏ.
8:18
ⰰⰸⱏ ⰵⱄⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⱗ ⱁ ⰿⱐⱀⱑ ⱄⰰⰿⱁⰿⱐ. ⰺ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⱏ ⱁ ⰿⱐⱀⱑ ⱂⱁⱄⱏⰾⰰⰲⱏⰹⰻ ⰿⱔ ⱁⱅ҃ⱌⱏ.
8:19
!Ⰳⰾⰰⰰⱈⱘ ⰶⰵ ⰵⰿⱆ ⰽⱏⰴⰵ ⰵⱄⱅⱏ ⱁⱅⱏⱌⱏ ⱅⰲⱁⰻ. Ⱁⱅⱏⰲⱑⱎⱅⰰ ⰻⱄ҃ ⱀⰻ ⰿⰵⱀⰵ ⰲⱑⱄⱅⰵ ⱀⰻ ⱁⱅⱐⱌⰰ ⰿⱁⰵⰳⱁ. ⰰⱎⱅⰵ ⰿⱔ ⰱⰻⱄⱅⰵ ⰲⱑⰴⱑⰾⰻ. ⰻ ⱁⱅ҃ⱌⰰ ⰿⱁⰵⰳⱁ ⰱⰻⱄⱅⰵ ⰲⱑⰴⱑⰾⰻ.
8:20
Ⱄⰻⱗ ⰳⰾ҃ⱏⰹ ⰳⰾ҃ⰰ ⰻⱄ҃ ⰲⱏ ⰳⰰⰸⱁⱇⰻⰾⰰⰽ ⰻ҅. ⱆⱍⱔ ⰲⱏ !ⱌⱃⰽⰲⰵ. ⰺ ⱀⰻⰽⱅⱁⰶⰵ ⱀⰵ ⱗⱅⱏ ⰵⰳⱁ. ⱑⰽⱁ ⱀⰵ ⱆ ⰱⱑ ⱂⱃⰻⱎⱏⰾⰰ ⰳⱁⰴⰻⱀⰰ ⰵⰳⱁ. :: ⰽ!ⱌ ::
8:21
Ⱃⰵⱍⰵ ⰶⰵ ⰻⰿⱏ ⱂⰰⰽⱏⰹ ⰻⱄ҃. ⰰⰸⱏ ⰻⰴⱘ ⰻ ⰲⱏⰸⰻⱎⱅⰵⱅⰵ ⰿⰵⱀⰵ. ⰻ ⰲⱐ ⰳⱃⱑⱄⱑ ⰲⰰⱎⰵⰿⱏ ⱆⰿⱐⱃⰵⱅⰵ. ⱑⰿⱁⰶⰵ ⰰⰸⱏ ⰻⰴⱘ. ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
8:22
ⰳⰾ҃ⰰⰰⱈⱘ ⰶⰵ ⰻⱓⰴⰵⰻ. ⰵⰴⰰ ⱄⱔ ⱄⰰⰿⱏ ⱆⰱⰻⰵⱅⱏ. ⱑⰽⱁ ⰳⰾ҃ⱅⱏ. ⱑⰿⱁⰶⰵ ⰰⰸⱏ {ⱂⱃ}ⰻⰴⱘ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
8:23
ⰺ ⰳⰾ҃ⰰⰰⱎⰵ ⰻⰿⱏ. ⰲⱏⰹ ⱁⱅⱏ ⱀⰻⰶⱏⱀⰻⱈⱏ ⰵⱄⱅⰵ. ⰰⰸⱏ ⱁⱅⱏ ⰲⱏⰹⱎⱏⱀⰻⱈⱏ ⰵⱄⰿⱏ. ⰲⱏⰹ ⱁⱅⱏ ⱄⰵⰳⱁ ⰿⰻⱃⰰ ⰵⱄⱅⰵ. ⰰⰸⱏ ⱀⱑⱄⰿⱏ ⱁⱅⱏ ⱄⰵⰳⱁ ⰿⰻⱃⰰ.
8:24
ⱃⱑⱈⱏ ⱆⰱⱁ ⰲⰰⰿⱏ ⱑⰽⱁ ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ. ⰰⱎⱅⰵ ⰱⱁ ⰲⱑⱃⱏⰹ ⱀⰵ ⰵⰿⰾⰵⱅⰵ ⱑⰽⱁ ⰰⰸⱏ ⰵⱄⰿⱏ. ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ.
8:25
ⰳⰾ҃ⰰⰰⱈⱘ ⰶⰵ ⰵⰿⱆ ⱅⱏⰹ ⰽⱅⱁ ⰵⱄⰻ. ⰺ ⱃⰵⱍⰵ ⰻⰿⱏ ⰻⱄ҃ ⱀⰰⱍⱔⱅⱁⰽⱏ. ⱑⰽⱁ ⰻ ⰳⰾ҃ⱙ ⰲⰰⰿⱏ.
8:26
ⰿⱏⱀⱁⰳⱁ ⰻⰿⰰⰿⱏ ⱁ ⰲⰰⱄⱏ ⰳⰾ҃ⰰⱅⰻ ⰻ ⱄⱘⰴⰻⱅⰻ. ⱀⱏ ⱂⱁⱄⱏⰾⰰⰲⱏⰹ ⰿⱔ ⰻⱄⱅⰻⱀⰵⱀⱏ ⰵⱄⱅⱏ. ⰺ ⰰⰸⱏ ⱑⰶⰵ ⱄⰾⱏⰹⱎⰰⱈⱏ ⱁⱅⱏ ⱀⰵⰳⱁ ⱄⰻ ⰳⰾ҃ⱙ ⰲⱏ ⰿⰻⱃⱑ.
8:27
ⰺ ⱀⰵ ⱃⰰⰸⱆⰿⱑⱎⱔ ⱑ[ⰽⱁ] ⱁⱅⱏⱌⰰ ⰻⰿⱏ ⰳⰾ҃ⰰⰰⱎⰵ.
8:28
ⱃⰵⱍⰵ ⰶⰵ ⰻⰿⱏ ⰻⱄ҃. ⰵⰳⰴⰰ ⰲⱏⰸⱀⰵⱄⰵⱅⰵ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ. ⱅⱏⰳⰴⰰ ⱃⰰⰸⱆⰿⱑⰰⱅⰵ ⱑⰽⱁ ⰰⰸⱏ ⰵⱄⰿⱏ. ⰺ ⱁ ⱄⰵⰱⱑ ⱀⰻⱍⰵⱄⱁⰶⰵ ⱀⰵ ⱅⰲⱁⱃⱙ. ⱀⱏ ⱑⰽⱁⰶⰵ ⱀⰰⱆⱍⰻ ⰿⱔ ⱁⱅ҃ⱌⱏ ⰿⱁⰻ ⱄⰻ ⱅⰲⱁⱃⱙ.
8:29
ⰺ ⱂⱁⱄⱏⰾⰰⰲⱏⰹ ⰿⱔ ⱄⱏ ⰿⱏⱀⱁⱙ ⰵⱄⱅⱏ. ⱀⰵ ⱁⱄⱅⰰⰲⰻ ⰿⰵⱀⰵ ⰵⰴⰻⱀⱁⰳⱁ ⱁⱅ҃ⱌⱏ. ⱑⰽⱁ ⰰⰸⱏ ⱆⰳⱁⰴⱏⱀⰰ ⱅⰲⱁⱃⱙ ⰵⰿⱆ ⰲⱏⱄⰵⰳⰴⰰ.
8:30
ⱄⰻ ⰳⰾ҃ⱙⱎⱅⱓ ⰵⰿⱆ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱏ ⱀⰵⰳⱁ :: ⰽ!ⱌ. ⰸⰰ!ⱍ ::
8:31
!Ⰳⰾⰰⰰⱎⰵ ⰶⰵ ⰻⱄ҃ ⰽⱏ ⰲⱑⱃⱁⰲⰰⰲⱏⱎⰻⰻⰿⱏ ⰲⱐ ⱀⱐ ⰻⱓⰴⰵⱁⰿⱏ. ⰰⱎⱅⰵ ⰲⱏⰹ ⱂⱃⱑⰱⱘⰴⰵⱅⰵ ⰲⱏ ⱄⰾⱁⰲⰵⱄⰻ ⰿⱁⰵⰿⱏ. ⰲⱏⰹ ⰻⱄⱅⰻⱀⱘ ⱆⱍⰵⱀⰻⱌⰻ ⰿⱁⰻ ⰱⱘⰴⰵⱅⰵ.
8:32
ⰺ ⱃⰰⰸⱆⰿⱑⰰⱅⰵ ⰻⱄⱅⰻⱀⱘ. ⰺ ⰻⱄⱅⰻⱀⰰ ⱄⰲⱁⰱⱁⰴⰻⱅⱏ ⰲⱏⰹ.
8:33
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱓⰴⰵⰻ. ⱄⱑⰿⱔ ⰰⰲⱃⰰⰿⰾⰵ ⰵⱄⰿⱏ. ⰻ ⱀⰻⰽⱁⰿⱆⰶⰵ ⱀⰵ ⱃⰰⰱⱁⱅⰰⱈⱁⰿⱏ ⱀⰻⰽⱁⰾⰻⰶⰵ. ⰽⰰⰽⱁ ⱅⱏⰹ ⰳⰾ҃ⰵⱎⰻ ⱑⰽⱁ ⱄⰲⱁⰱⱁⰴⱐ ⰱⱘⰴⰵⱅⰵ.
8:34
ⱁ҅ⱅⱏⰲⱑⱋⰰ ⰻⰿⱏ ⰻⱄ҃. ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⱅⰲⱁⱃⱔⰻ. ⰳⱃⱑⱈⱏ ⱃⰰⰱⱏ ⰵⱄⱅⱏ ⰳⱃⱑⱈⱆ.
8:35
ⰰ ⱃⰰⰱⱏ ⱀⰵ ⱂⱃⱑⰱⱏⰹⰲⰰⰰⱅⱏ ⰲⱏ ⰴⱁⰿⱆ ⰲⱏ ⰲⱑⰽⱏ. ⱄⱀ҃ⱏ ⰶⰵ ⱂⱃⱑⰱⱏⰹⰲⰰⰰⱅⱏ ⰲⱏ ⰲⱑⰽⱏ.
8:36
ⰰⱎⱅⰵ ⱆⰱⱁ ⱄⱀ҃ⱏ ⰲⱏⰹ ⱄⰲⱁⰱⱁⰴⰻⱅⱏ. ⰲⱏⰹ ⰻⱄⱅⰻⱀⱘ ⱄⰲⱁⰱⱁⰴⱐ ⰱⱘⰴⰵ[ⱅⰵ].
8:37
ⰲⱑⰿⱐ ⱑⰽⱁ ⱄⱑⰿⱔ ⰰⰲⱃⰰⰿⰾⰵ ⰵⱄⱅⰵ. ⱀⱐ ⰻⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱑⰽⱁ ⱄⰾⱁⰲⱁ ⰿⱁⰵ ⱀⰵ ⰲⱐⰿⱑⱎⱅⰰⰰⱅⱏ ⱄⱔ ⰲⱏ ⰲⰰⱄⱏ. ::
8:38
Ⰰⰸⱏ ⱑⰶⰵ ⰲⰻⰴⱑⱈⱏ ⱆ ⱁⱅ҃ⱌⰰ ⰿⱁⰵⰳⱁ ⰳⰾ҃ⱙ. ⰺ ⰲⱏⰹ ⱆⰱⱁ ⱑⰶⰵ ⰲⰻⰴⱑⱄⱅⰵ ⱆ ⱁⱅ҃ⱌⰰ ⰲⰰⱎⰵⰳⱁ ⱅⰲⱁⱃⰻⱅⰵ.
8:39
ⱁⱅⱏⰲⱑⱋⰰⱎⱔ ⰻ ⱃⱑⱎⱔ ⰵⰿⱆ ⱁⱅ҃ⱌⱏ ⱀⰰⱎⱏ ⰰⰲⱃⰰⰰⰿⱏ ⰵⱄⱅⱏ. ⰳⰾ҃ⰰ ⰻⰿⱏ ⰻⱄ҃. ⰰⱎⱅⰵ ⱍⱔⰴⰰ ⰰⰲⱃⰰⰰⰿⰾⱑ ⰱⱏⰹⱄⱅⰵ ⰱⱏⰹⰾⰻ. ⰴⱑⰾⰰ ⰰⰲⱃⰰⰰⰿⰾⱑ ⱅⰲⱁⱃⰻⰾⰻ ⰱⰻⱄⱅⰵ.
8:40
ⱀⱏⰹⱀⱑ ⰶⰵ ⰻⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱍⰾ҃ⰽⰰ ⰻⰶⰵ ⰻⱄⱅⰻⱀⱘ ⰲⰰⰿⱏ ⰳⰾ҃ⱈⱏ. ⱙⰶⰵ ⱄⰾⱏⰹⱎⰰⱈⱏ ⱁⱅⱏ ⰱ҃ⰰ. ⱄⰵⰳⱁ ⰰⰲⱃⰰⰰⰿⱏ ⱀⱑⱄⱅⱏ ⱄⱏⱅⰲⱁⱃⰻⰾⱏ.
8:41
ⰲⱏⰹ ⱅⰲⱁⱃⰻⱅⰵ ⰴⱑⰾⰰ ⱁⱅ҃ⱌⰰ ⰲⰰⱎⰵⰳⱁ :: Ⱃⱑⱎⱔ ⰶⰵ ⰵⰿⱆ ⰿⱏⰹ ⱁⱅⱏ ⰾⱓⰱⱁⰴⱑⰰⱀⰻⱑ ⱀⱑⱄⰿⱏ ⱃⱁⰶⰴⰵⱀⰻ. ⰵⰴⰻⱀⱁⰳⱁ ⱁⱅ҃ⱌⰰ ⰻⰿⰰⰿⱏ ⰱ҃ⰰ :: ⰽ!ⱌ ::
8:42
Ⱃⰵⱍⰵ ⰶⰵ ⰻⰿⱏ ⰻⱄ҃ :: Ⰰⱋⰵ ⰱ҃ⱏ ⱁⱅ҃ⱌⱏ ⰲⰰⱎⱏ ⰱⰻ ⰱⱏⰻⰾⱏ. ⰾⱓⰱⰻⰾⰻ ⰿⱔ ⰱⰻⱄⱅⰵ. ⰰⰸⱏ ⰱⱁ ⱁⱅⱏ ⰱ҃ⰰ ⰻⰸⰻⰴⱏ ⰻ ⱂⱃⰻⰴⱏ. ⱀⰵ ⱁ ⱄⰵⰱⱑ ⰱⱁ ⱂⱃⰻⰴⱏ ⱀⱏ ⱅⱏ ⰿⱔ ⱂⱁⱄⱏⰾⰰ.
8:43
ⱂⱁ ⱍⱏⱅⱁ ⰱⰵⱄⱑⰴⱏⰹ ⰿⱁⰵⱗ ⱀⰵ ⱃⰰⰸⱆⰿⱑⰰⱅⰵ. ⱑⰽⱁ ⱀⰵ ⰿⱁⰶⰵⱅⰵ ⱄⰾⱏⰹⱎⰰⱅⰻ ⱄⰾⱁⰲⰵⱄⰵ ⰿⱁⰵⰳⱁ.
8:44
ⰲⱏⰹ ⱁⱅⱏ ⱁⱅⱏⱌⰰ ⰴⰻⱑⰲⱁⰾⰰ ⰵⱄⱅⰵ. ⰻ ⱂⱁⱈⱁⱅⰻ ⱁⱅ҃ⱌⰰ ⰲⰰⱎⰵⰳⱁ ⱈⱁⱎⱅⰵⱅⰵ ⱅⰲⱁⱃⰻⱅⰻ. ⱁ҅ⱀⱏ !ⱍⰽⱁⱆⰱⰻⰻⱌⱏ ⰱⱑ ⰻⱄⰽⱁⱀⰻ. ⰺ ⰲⱏⰹ ⰻⱄⱅⰻⱀⱑ ⱀⰵ ⱄⱅⱁⰻⱅⱏ. ⱑⰽⱁ ⱀⱑⱄⱅⱏ ⰻⱄⱅⰻⱀⱏⰹ ⰲⱐ ⱀⰵⰿⱐ. ⰵⰳⰴⰰ ⰳⰾ҃ⰵⱅⱏ ⰾⱏⰶⱘ ⱁⱅⱏ ⱄⰲⱁⰻⱈⱏ ⰳⰾ҃ⰵⱅⱏ. ⱑⰽⱁ ⰾⱐⰶⱐ ⰵⱄⱅⱏ ⰻ ⱁⱅ҃ⱌⱏ ⰵⰳⱁ.
8:45
ⰰⰸⱏ ⰶⰵ ⰸⰰⱀⰵ ⰻⱄⱅⰻⱀⱘ ⰳⰾ҃ⱙ. ⱀⰵ ⰵⰿⰾⰵⱅⰵ ⰲⱑⱃⱏⰹ ⰿⱐⱀⱑ.
8:46
ⰽⱏⱅⱁ ⱁⱅⱏ ⰲⰰⱄⱏ ⱁⰱⰾⰻⱍⰰⰰⱅⱏ ⰿⱔ ⱁ ⰳⱃⱑⱄⱑ. ⰰⱎⱅⰵ ⰾⰻ ⰻⱄⱅⰻⱀⱘ ⰳⰾ҃ⱙ. ⱂⱁ ⱍⱏⱅⱁ ⰲⱏⰹ ⱀⰵ ⰵⰿⰾⰵⱅⰵ ⰲⱑⱃⱏⰹ ⰿⱏⱀⱑ.
8:47
ⰺ҅ⰶⰵ ⰵⱄⱅⱏ ⱁⱅⱏ ⰱ҃ⰰ ⰳⰾ҃ⱏ ⰱⰶ҃ⰹⰻ ⱂⱁⱄⰾⱆⱎⰰⰰⱅⱏ. ⱄⰵⰳⱁ ⰲⱏⰹ ⱀⰵ ⱂⱁⱄⰾⱆⱎⰰⰰⱅⰵ. ⱑⰽⱁ ⱀⱑⱄⱅⰵ ⱁⱅⱏ ⰱ҃ⰰ.
8:48
ⱁⱅⱏⰲⱑⱎⱅⰰⱎⱔ ⰻⱓⰴⰵⰻ ⰻ ⱃⱑⱎⱔ ⰵⰿⱆ. ⱀⰵ ⰴⱁⰱⱃⱑ ⰾⰻ ⰳⰾ҃ⰵⰿⱏ ⰿⱏⰹ. ⱑⰽⱁ ⱄⰰⰿⰰⱃⱑⱀⰻⱀⱏ ⰵⱄⰻ ⱅⱏⰹ ⰻ ⰱⱑⱄⱏ ⰻⰿⰰⱎⰻ.
8:49
ⱁⱅⱏⰲⱑⱎⱅⰰ ⰻⱄ҃ ⰰⰸⱏ ⰱⱑⱄⰰ ⱀⰵ ⰻⰿⰰⰿⱏ. ⱀⱏ ⱍⱏⱅⱘ ⱁⱅ҃ⱌⰰ ⰿⱁⰵⰳⱁ. ⰺ ⰲⱏⰹ ⱀⰵ ⱍⱐⱅⰵⱅⰵ ⰿⰵⱀⰵ.
8:50
ⰰⰸⱏ ⰶⰵ ⱀⰵ ⰻⱄⰽⱘ ⱄⰾⰰⰲⱏⰹ ⰿⱁⰵⱗ. ⰵⱄⱅⱏ ⰻⱎⱅⱔ ⰻ ⱄⱘⰴⱔ ::
8:51
Ⰰⰿⰻⱀ ⰰⰿⱀ ⰳⰾ҃ⱙ ⰲⰰⰿⱏ. ⰰⱎⱅⰵ ⰽⱅⱁ ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ. ⱄⱏⰿⱃⱏⱅⰻ ⱀⰵ ⰻⰿⰰⱅⱏ ⰲⰻⰴⱑⱅⰻ ⰲⱏ ⰲⱑⰽⱏ.
8:52
ⱃⱑⱎⱔ ⰶⰵ ⰵⰿⱆ ⰻⱓⰴⰵⰻ. ⱀⱏⰹⱀⱑ ⱃⰰⰸⱆⰿⱑⱈⱁⰿⱏ ⱑⰽⱁ ⰱⱑⱄⱏ ⰻⰿⰰⱎⰻ. ⰰⰲⱃⰰⰰⰿⱏ ⱆⰿⱏⱃⱑⱅⱏ ⰻ !ⱂⱃⱌⰻ. ⰺ ⱅⱏⰹ ⰳⰾ҃ⰵⱎⰻ ⱑⰽⱁ ⰰⱎⱅⰵ ⰽⱅⱁ ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ. ⱀⰵ ⰻⰿⰰⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ ⰲⱏ ⰲⱑⰽⱏ.
8:53
ⰵⰴⰰ ⱅⱏⰹ ⰱⱁⰾⰵⰻ ⰵⱄⰻ ⱁⱅ҃ⱌⰰ ⱀⰰⱎⰵⰳⱁ ⰰⰲⱃⰰⰰⰿⰰ. ⰺⰶⰵ ⱆⰿⱐⱃⱑⱅⱏ ⰻ !ⱂⱃⱌⰻ ⱆⰿⱐⱃⱑⱎⱔ. ⰽⱁⰳⱁ ⱄⱔ ⱄⰰⰿⱏ ⱅⱏⰹ ⱅⰲⱁⱃⰻⱎⰻ.
8:54
ⱁⱅⱏⰲⱑⱎⱅⰰ ⰻⱄ҃. ⰰⱎⱅⰵ ⰰⰸⱏ ⱄⰾⰰⰲⰾⱙ ⱄⱔ ⱄⰰⰿⱏ. ⱄⰾⰰⰲⰰ ⰿⱁⱑ ⱀⰻⱍⱅⱁⰶⰵ ⰵⱄⱅⱏ. ⰵⱄⱅⱏ ⱁⱅ҃ⱌⱏ ⰿⱁⰻ ⱄⰾⰰⰲⱔⰻ ⰿⱔ. ⰵⰳⱁⰶⰵ ⰲⱏⰹ ⰳⰾ҃ⰵⱅⰵ ⱑⰽⱁ ⰱ҃ⱏ ⱀⰰⱎⱏ ⰵⱄⱅⱏ.
8:55
ⰺ ⱀⰵ ⱂⱁⰸⱀⰰⱄⱅⰵ ⰵⰳⱁ ⰰⰸⱏ ⰶⰵ ⰲⱑⰿⱏ ⰹ. ⰺ ⰰⱎⱅⰵ ⱃⰵⰽⱘ ⱑⰽⱁ ⱀⰵ ⰲⱑⰿⱐ ⰵⰳⱁ. ⰱⱘⰴⱘ ⱂⱁⰴⱁⰱⰵⱀⱏ ⰲⰰⰿⱏ ⰾⱏⰶⱐ. ⱀⱏ ⰲⱑⰿⱏ ⰹ ⰻ ⱄⰾⱁⰲⱁ ⰵⰳⱁ ⱄⱏⰱⰾⱓⰴⰰⱙ.
8:56
ⰰⰲⱃⰰⰰⰿⱏ ⱁⱅ҃ⱌⱏ ⰲⰰⱎⱏ ⱃⰰⰴⱏ ⰱⰻ ⰱⱏⰹⰾⱏ. ⰴⰰ ⰱⰻ ⰲⰻⰴⱑⰾⱏ ⰴⱐⱀⱐ ⰿⱁⰻ. ⰺ ⰲⰻⰴⱑ ⰻ ⰲⱏⰸⰴⱃⰰⰴⱁⰲⰰ ⱄⱔ.
8:57
Ⱃⱑⱎⱔ ⰶⰵ ⰻⱓⰴⰵⰻ ⰽⱏ ⱀⰵⰿⱆ. ⱂⱔⱅⰻ ⰴⰵⱄⱔⱅⱏ ⰾⱑⱅⱏ ⱀⰵ ⱆ ⰻⰿⰰ[ⱎ]ⰻ. ⰺ ⰰⰲⱃⰰⰿⰰ ⰾⰻ ⰵⱄⰻ ⰲⰻⰴⱑⰾⱏ.
8:58
ⱃⰵⱍⰵ ⰻⰿⱏ ⰻⱄ҃. ⰰⰿⰻⱀⱐ ⰰⰿⱀ ⰳⰾ҃ⱙ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱏⰹⱄⱅⱏ ⰰⰲⱃⰰⰿⱏ ⰰⰸⱏ ⰵⱄⰿⱏ ::
8:59
Ⰲⱐⰸⱔⱄⱔ ⰶⰵ ⰽⰰⰿⰵⱀⰻⰵ ⰴⰰ ⰲⱃⱏⰳⱘⱅⱏ ⱀⰰ ⱀⱐ. ⰺⱄ҃ ⰶⰵ ⱄⱏⰽⱃⱏⰹ ⱄⱔ ⰻ ⰻⰸⰻⰴⰵ ⰻ !ⱌⱃⰽⰲⰵ. ⰺ ⱂⱃⱁⱎⰵⰴⱏ ⱂⱁ ⱄⱃⱑⰴⱑ ⰻⱈⱏ ⰻⰴⱑⰰⱎⰵ ⰻ ⱈⱁⰶⰴⰰⰰⱎⰵ. :: ⰽ!ⱌ ::