Ⰺ ⱈⱁⰶⰴⰰⰰⱎⰵ ⱂⱁ ⱄⰻⱈⱏ ⰻⱄ҃ⱏ ⰲⱏ ⰳⰰⰾⰻⰾⰵⰻ. ⱀⰵ ⱈⱁⱅⱑⰰⱎⰵ ⰱⱁ ⰲⱏ ⰹⱓⰴⰵⰻ ⱈⱁⰴⰻⱅⰻ. ⱑⰽⱁ ⰻⱄⰽⰰⰰⱈⱘ ⰵⰳⱁ ⰻⱓⰴⰵⰻ ⱆⰱⰻⱅⰻ.

ⰱⱑ ⰶⰵ ⰱⰾⰻⰸⱏ ⱂⱃⰰⰸⰴⱐⱀⰻⰽⱏ ⰻⱓⰴⰵⰻⱄⰽⱏ. ⱄⰽⰻⱀⱁⱂⰻⰳⰻⱑ.

ⱃⱑⱎⱔ ⰶⰵ ⰽⱏ ⱀⰵⰿⱆ ⰱⱃⰰⱅⱃⰻⱑ ⰵⰳⱁ. ⱂⱃⱑⰻⰴⰻ ⱁⱅⱏ ⱄⱘⰴⱘ. ⰺ ⰻⰴⱘ ⰲⱏ ⰹⱓⰴⰵⱙ. ⰴⱁ ⰻ ⱆⱍⰵⱀⰻⱌⰻ ⱅⰲⱁⰻ ⰲⰻⰴⱔⱅⱏ ⰴⱑⰾⰰ ⱅⰲⱁⱑ. ⱑⰶⰵ ⱅⰲⱁⱃⰻⱎⰻ

ⱀⰻⰽⱅⱁⰶⰵ ⰱⱁ ⰲⱏ ⱅⰰⰻⱀⱑ ⱀⰻⱍⰵⱄⱁⰶⰵ ⱅⰲⱁⱃⰻⱅⱏ. ⰻ ⰺⱋⰵⱅⱏ ⱄⰰⰿⱏ ⱑⰲⱑ ⰱⱏⰹⱅⰻ. ⰰⱎⱅⰵ ⱄⰻ ⱅⰲⱁⱃⰻⱎⰻ. ⰰⰲⰻ ⱄⱔ ⰲⱐⱄⰵⰿⱆ ⰿⰻⱃⱆ.

ⱀⰻ ⰱⱃⰰⱅⱃⱐⱑ ⰱⱁ ⰵⰳⱁ ⰲⱑⱃⱁⰲⰰⰰⱈⱘ ⰲⱐ ⱀⰵⰳⱁ.

ⰳⰾ҃ⰰ ⰶⰵ ⰻⰿⱏ ⰻⱄ҃. ⰲⱃⱑⰿⱔ ⰿⱁⰵ ⱀⰵ ⱆ ⱂⱃⰻⰴⰵ. ⰰ ⰲⱃⱑⰿⱔ ⰲⰰⱎⰵ ⰲⱏⱄⰵⰳⰴⰰ ⰵⱄⱅⱐ ⰳⱁⱅⱁⰲⱁ.

ⱀⰵ ⰿⱁⰶⰵⱅⱏ ⰿⰻⱃⱏ ⱀⰵⱀⰰⰲⰻⰴⱑⱅⰻ ⰲⰰⱄⱏ. ⰿⰵⱀⰵ ⰶⰵ ⱀⰵⱀⰰⰲⰻⰴⰻⱅⱏ. ⱑⰽⱁ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⱀⰵⰿⱐ. ⱑⰽⱁ ⰴⱑⰾⰰ ⰵⰳⱁ ⰸⱏⰾⰰ ⱄⱘⱅⱏ.

ⰲⱏⰹ ⰲⱐⰸⰻⰴⱑⱅⰵ ⰲⱏ ⱂⱃⰰⰸⰴⱐⱀⰻⰽⱏ ⱄⱐ. ⰰⰸⱏ ⱀⰵ ⰲⱐⰸⰻⰴⱘ ⰲⱏ ⱂⱃⰰⰸⰴⱐⱀⰻⰽⱏ ⱄⱐ. ⱑⰽⱁ ⰲⱃⱑⰿⱔ ⰿⱁⰵ ⱀⰵ ⱆ ⰻⱄⱂⰾⱏⱀⰻ ⱄⱔ.

ⱄⰻ ⱃⰵⰽⱏ ⱄⰰⰿⱏ ⱁⱄⱅⰰ ⰲⱏ ⰳⰰⰾⰻⰾⰵⰻ.

ⰵⰳⰴⰰ ⰶⰵ ⰲⱏⰸⰻⰴⱘ ⰱⱃⰰⱅⱃⰻⱑ ⰵⰳⱁ ⰲⱏ ⱂⱃⰰⰸⰴⱐⱀⰻⰽⱏ. ⱅⱏⰳⰴⰰ ⰻ ⱄⰰⰿⱏ ⰲⱏⰸⰻⰴⰵ ⱀⰵ ⱑⰲⱑ. ⱀⱏ ⱑⰽⱁ ⱅⰰⰻ.

ⰻⱓⰴⰵⰻ ⰶⰵ ⰻⱄⰽⰰⰰⱈⱘ ⰵⰳⱁ ⰲⱏ ⱂⱃⰰⰸⰴⱐⱀⰻⰽⱏ. ⰻ ⰳⰾ҃ⰰⰰⱈⱘ ⰽⱐⰴⰵ ⰵⱄⱅⱏ ⱁⱀⱏ.

ⰻ ⱃⱏⱂⱅⱏ ⰿⱏⱀⱁⰳⱏ ⰱⱑ ⱁ ⱀⰵⰿⱐ. ⰲⱏ ⱀⰰⱃⱁⰴⱑⱈⱏ. ⱁⰲⰻ ⰳⰾ҃ⰰⰰⱈⱘ ⱑⰽⱁ ⰱⰾⰰⰳⱏ ⰵⱄⱅⱏ. ⰻⱀⰻ ⰶⰵ ⰳⰾ҃ⰰⰰⱈⱘ ⱀⰻ ⱀⱏ ⰾⱐⱄⱅⰻⱅⱏ ⱀⰰⱃⱁⰴⱏⰹ.

ⱀⰻⰽⱁⱅⰵⱃⱏⰹⰻ ⰶⰵ ⱆⰱⱁ ⱑⰲⱑ ⰳⰾ҃ⰰⰰⱎⰵ ⱁ ⱀⰵⰿⱐ. ⱄⱅⱃⰰⱈⰰ ⱃⰰⰴⰻ ⰻⱓⰴⰵⰻⱄⰽⰰ :: ⰽ!ⱌ ::

Ⰰⰱⰻⰵ ⰶⰵ ⰲⱏ ⱂⱃⱑⱂⱁⰾⱁⰲⰾⰵⱀⰻⰵ ⱂⱃⰰⰸⰴⱐⱀⰻⰽⰰ. ⰲⱐⰸⰻⰴⰵ ⰻⱄ҃ ⰲⱏ !ⱌⱃⰽⱏ ⰻ ⱆⱍⰰⰰⱎⰵ.

ⰻ ⰴⰻⰲⰾⱑⰰⱈⱘ ⱄⱔ ⰻⱓⰴⰵⰻ ⰳⰾⰰⰳⱁⰾⱙⱎⱅⰵ. ⰽⰰⰽⱁ ⱄⱐ ⰽⱏⱀⰻⰳⱏⰹ ⱆⰿⱑⰰⱅⱏ. ⱀⰵ ⱆⱍⱐ ⱄⱔ.

ⱁⱅⱏⰲⱑⱎⱅⰰ ⰶⰵ ⰻⱄ҃ⱏ ⰻ ⱃⰵⱍⰵ ⰻⰿⱏ. ⰿⱁⰵ ⱆⱍⰵⱀⰻⰵ ⱀⱑⱄⱅⱏ ⰿⱁⰵ. ⱀⱏ ⱂⱁⱄⱏⰾⰰⰲⱏⱎ ⰰ҅ⰳⱁ ⰿⱔ.

ⰰⱎⱅⰵ ⰽⱅⱁ ⱈⱁⱎⱅⰵⱅⱏ ⰲⱁⰾⱙ ⰵⰳⱁ ⱅⰲⱁⱃⰻⱅⰻ. ⱃⰰⰸⱆⰿⱑⰰⱅⱏ ⱁ ⱆⱍⰵⱀⰻⰻ ⰽⱁⰵ ⱁⱅⱏ ⰱ҃ⰰ ⰵⱄⱅⱏ. ⰾⰻ ⰰⰸⱏ ⱁ ⱄⰵⰱⱑ ⰳⰾ҃ⱙ.

ⰳⰾ҃ⱔⰻ ⱁ ⱄⰵⰱⱑ ⱄⰾⰰⰲⱏⰹ ⱄⰲⱁⰵⱗ ⰻⱎⱅⰵⱅⱏ. ⰰ ⰻⱎⱅⱔⰻ ⱄⰾⰰⰲⱏⰹ ⱂⱁⱄⱏⰾⰰⰲⱏⱎⰰⰰⰳⱁ ⰻ. ⱄⱐ ⰻⱄⱅⰻⱀⰵⱀⱏ ⰵⱄⱅⱏ. ⰺ ⱀⱑⱄⱅⱏ ⱀⰵⱂⱃⰰⰲⱏⰴⱏⰹ ⰲⱐ ⱀⰵⰿⱐ.

ⱀⰵ ⰿⱁⱄⰻ ⰾⰻ ⰴⰰⱄⱅⱏ ⰲⰰⰿⱏ ⰸⰰⰽⱁⱀⱏ. ⰺ ⱀⰻⰽⱅⱁⰶⰵ ⱁⱅⱏ ⰲⰰⱄⱏ ⱅⰲⱁⱃⰻⱅⱏ ⰸⰰⰽⱁⱀⰰ. Ⱍⱏⱅⱁ ⰿⰵⱀⰵ ⰻⱎⱅⰵⱅⰵ ⱆⰱⰻⱅⰻ.

ⱁⱅⱏⰲⱑⱎⱅⰰ ⱀⰰⱃⱁⰴⱏ ⰻ ⱃⰵⱍⰵ. ⰱⱑⱄⱏ ⰾⰻ ⰻⰿⰰⱎⰻ. ⰽⱅⱁ ⱅⰵⰱⰵ ⰻⱎⱅⰵⱅⱏ ⱆⰱⰻⱅⰻ.

ⱁⱅⱏⰲⱑⱋⰰ ⰻⱄ҃ ⰻ ⱃⰵⱍⰵ ⰻⰿⱏ. ⰵⰴⰻⱀⱁ ⰴⱑⰾⱁ ⱄⱏⱅⰲⱁⱃⰻⱈⱏ ⰻ ⰲⱐⱄⰻ ⰴⰻⰲⰻⱅⰵ ⱄⱔ.

ⱄⰵⰳⱁ ⱃⰰⰴⰻ ⰿⱁⱄⰻ ⰴⰰⱄⱅⱏ ⰲⰰⰿⱏ ⱁⰱⱃⱑⰸⰰⱀⰻⰵ. ⱀⰵ ⱑⰽⱁ ⱁⱅⱏ ⰿⱁⱄⱑⰰ ⰵⱄⱅⱏ ⱀⱏ ⱁⱅⱏ ⱁⱌ҃ⱏ. ⰻ ⰲⱏ ⱄⱁⰱⱁⱅⱘ ⱁⰱⱃⱑⰸⰰⰰⱅⰵ !ⱍⰾ!ⰽⰰ.

ⰰⱎⱅⰵ ⱁⰱⱃⱑⰸⰰⱀⰻⰵ ⱂⱃⰻⰵⰿⰾⰵⱅⱏ !ⱍⰽⱏ ⰲⱏ ⱄⱁⰱⱁⱅⱘ. ⰴⰰ ⱀⰵ ⱃⰰⰸⱁⱃⰻⱅⱏ ⱄⱔ ⰸⰰⰽⱁⱀⱏ ⰿⱁⱄⱑⱁⰲⱏ. ⱀⰰ ⰿⱔ ⰾⰻ ⰳⱀⱑⰲⰰⰰⱅⰵ ⱄⱔ. ⱑⰽⱁ ⰲⱏⱄⰵⰳⱁ ⱍⰾ!ⰽⰰ ⱄⱏⰴⱃⰰⰲⰰ ⱄⱏⱅⰲⱁⱃⰻⱈⱏ ⰲⱏ ⱄⱁⰱⱁⱅⱘ.

ⱀⰵ ⱄⱘⰴⰻⱅⰵ ⱀⰰ ⰾⰻⱌⰰ ⱀⱏ ⱂⱃⰰⰲⰵⰴⱏⱀⱏⰹ ⱄⱘⰴⱏ ⱄⱘⰴⰻⱅⰵ ::

ⰳⰾ҃ⰰⰰⱈⱘ ⰶⰵ ⰵⰴⰻⱀⰻ ⱁⱅⱏ ⰻⰵⱃⱆⱄⰰⰾⰻⰿⰾⱑⱀⱏ. ⱀⰵ ⱄⱐ ⰾⰻ ⰵⱄⱅⱏ ⰵⰳⱁⰶⰵ ⰻⱎⱅⱘⱅⱏ ⱆⰱⰻⱅⰻ.

ⰻ ⱄⰵ ⱀⰵ ⱁⰱⰻⱀⱆⱗ ⱄⱔ ⰳⰾ҃ⱙⱅⱏ. ⰻ ⱀⰻⱍⰵⱄⱁⰶⰵ ⰵⰿⱆ ⱀⰵ ⰳⰾ҃ⱙⱅⱏ. ⰵⰴⰰ ⰽⰰⰽⱁ ⱃⰰⰸⱆⰿⱑⱎⱔ ⰽⱏⱀⱔⰷⰻ. ⱑⰽⱁ ⱄⱐ ⰵⱄⱅⱏ !ⱈⱏ.

ⱀⱏ ⱄⰵⰳⱁ ⰲⱑⰿⱐ ⱁⱅⱏ ⰽⱘⰴⱘ ⰵⱄⱅⱏ. ⰰ !ⱈⱏ ⰵⰳⰴⰰ ⱂⱃⰻⰴⰵⱅⱏ ⱀⰻⰽⱅⱁⰶⰵ ⱀⰵ ⰲⱑⱄⱅⱏ ⱁⱅⱏ ⰽⱘⰴⱆ ⰱⱘⰴⰵⱅⱏ.

Ⰲⱏⰸⱏⰲⰰ ⰶⰵ ⰲⱏ !ⱌⱃⰽⰲⰻ ⱆⱍⱔ ⰻⱄ҃. ⰻ ⰳⰾ҃ⱔ. ⰺ ⰿⰵⱀⰵ ⰲⱑⱄⱅⰵ ⰻ ⰲⱑⱄⱅⰵ ⱁⱅⱏ ⰽⱘⰴⱆ ⰵⱄⰿⱏ. ⰻ ⱁ ⱄⰵⰱⱑ ⱀⰵ ⱂⱃⰻⰴⱏ. ⱀⱏ ⰵⱄⱅⱏ ⰻⱄⱅⰻⱀⰵⱀⱏ ⱂⱁⱄⱏⰾⰰⰲⱏⰹⰻ ⰿⱔ. ⰵⰳⱁⰶⰵ ⰲⱏⰹ ⱀⰵ ⰲⱑⱄⱅⰵ.

ⰰⰸⱏ ⰹ ⰲⱑⰿⱐ ⱑⰽⱁ ⱁⱅⱏ ⱀⰵⰳⱁ ⰵⱄⰿⱐ. ⰻ ⱅⱐ ⰿⱔ ⱂⱁⱄⱏⰾⰰ.

ⰺⱄⰽⰰⰰⱈⱘ ⰶⰵ ⱗⱅⰻ ⰻ. ⰺ ⱀⰻⰽⱅⱁⰶⰵ ⱀⰵ ⰲⱏⰸⰾⱁⰶⰻ ⱃⱘⰽⱏⰹ ⱀⰰ ⱀⱐ. ⱑⰽⱁ ⱀⰵ ⱆ ⰱⱑ ⱂⱃⰻⱎⰵⰾⱏ ⰳⱁⰴⱏ ⰵⰳⱁ :: ⰽ!ⱌ ::

ⱁⱅⱏ ⱀⰰⱃⱁⰴⰰ ⰶⰵ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱁ ⱀⱐ. ⰺ҅ ⰳⰾ҃ⰰⰰⱈⱘ. ⱑⰽⱁ !ⱈⱏ ⰵⰳⰴⰰ ⱂⱃⰻⰴⰵⱅⱏ. ⰵⰴⰰ ⰱⱁⰾⱐⱎⰰ ⰸⱀⰰⰿⰵⱀⰻⱑ ⱄⱏⱅⰲⱁⱃⰻⱅⱏ. ⱑⰶⰵ ⱄⱐ ⰵⱄⱅⱏ ⱄⱏⱅⰲⱁⱃⰻⰾⱏ.

ⱄⰾⱏⰹⱎⰰⱎⱔ ⰶⰵ ⱇⰰⱃⰻⱄⱑⰻ ⱀⰰⱃⱁⰴⱏ ⱃⱏⱂⱐⱋⱘⱎⱅⱐ ⱁ ⱀⰵⰿⱐ ⱄⰵ. Ⰺ ⱂⱁⱄⱏⰾⰰⱎⱔ ⰰⱃⱈⰻⰵⱃⰵⰻ ⰻ ⱇⰰⱃⰻⱄⰵⰻ ⱄⰾⱆⰳⱏⰹ ⰴⰰ ⰻⰿⱘⱅⱏ ⰹ.

Ⱃⰵⱍⰵ ⰶⰵ ⰻⱄ҃ⱏ. ⰵⱎⱅⰵ ⰿⰰⰾⱁ ⰲⱃⱑⰿⱔ ⱄⱏ ⰲⰰⰿⰻ ⰵⱄⰿⱏ. ⰺ ⰻⰴⱘ ⰽⱏ ⱂⱁⱄⱏⰾⰰⰲⱏⱎⱓⰿⱆ ⰿⱔ.

Ⱂⱁⰻⱎⱅⰵⱅⰵ ⰿⰵⱀⰵ ⰻ ⱀⰵ ⱁⰱⱃⱔⱎⱅⰵⱅⰵ. ⰺ ⰻⰴⰵⰶⰵ ⰵⱄⰿⱏ ⰰⰸⱏ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.

ⱃⱑⱎⱔ ⰶⰵ ⰻⱓⰴⰵⰻ ⰽⱏ ⱄⰵⰱⱑ ⱄⰰⰿⰻ. ⰽⰰⰿⱁ ⱈⱁⱎⱅⰵⱅⱏ ⰻⱅⰻ ⱑⰽⱁ ⰿⱏⰹ ⱀⰵ ⱁⰱⱃⱔⱎⱅⰵⰿⱏ ⰵⰳⱁ. ⰵⰴⰰ ⰲⱏ ⱃⰰⱄⱑⰰⱀⰻⰵ ⰵⰾⰻⱀⱏⱄⰽⱁ ⱈⱁⱎⱅⰵⱅⱏ ⰻⱅⰻ. ⰺ ⱆⱍⰻⱅⰻ ⰵⰾⱐⰾⰻⱀⱏⰹ.

ⱍⱅⱁ ⰵⱄⱅⱏ ⱄⰾⱁⰲⱁ ⱄⰵ ⰲⱐⰸⰻⱎⱅⰵⱅⰵ ⰿⰵ[ⱀⰵ] ⰻ ⱀⰵ ⱁⰱⱃⱔⱋⰵⱅⰵ. ⰺ ⰻⰴⰵⰶⰵ ⰵⱄⰿⱏ ⰰⰸⱏ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ ::

Ⰲⱏ ⱂⱁⱄⰾⱑⰴⱐⱀⰻ ⰶⰵ ⰴⰵⱀⱐ ⰲⰵⰾⰻⰽⱏⰹⰻ ⱂⱃⰰⰸⰴⱐⱀⰻⰽⱏ. ⱄⱅⱁⱑⰰⱎⰵ ⰻⱄ҃. ⰻ ⰸⱏⰲⰰⰰⱎⰵ ⰳⰾ҃ⱔ. ⰰⱎⱅⰵ ⰽⱅⱁ ⰶⱔⰶⰴⰵⱅⱏ ⰴⰰ ⱂⱃⰻⰴⰵⱅⱏ ⰽⱏ ⰿⱐⱀⱑ ⰻ ⱂⰻⰵⱅⱏ.

ⰲⱑⱃⱆⱗⰻ ⰲⱐ ⰿⱔ ⱑⰽⱁⰶⰵ ⰽⱏⱀⰻⰳⱏⰹ ⱃⱑⱎⱔ ⱃⱑⰽⱏⰹ ⱁⱅⱏ ⱍⱃⱑⰲⰰ ⰵⰳⱁ ⰻⱄⱅⰵⰽⱘⱅⱏ ⰲⱁⰴⱏⰹ ⰶⰻⰲⱏⰹ.

ⱄⰵ ⰶⰵ ⱃⰵⱍⰵ ⱁ ⰴⱆⱄⱑ ⰻⰶⰵ ⱈⱁⱅⱑⰰⱈⱘ ⱂⱃⰻⰻⰿⰰⱅⰻ ⰲⱑⱃⱆⱙⱎⱅⰵⰻ ⰲⱐ ⱀⰵⰳⱁ. ⱀⰵ ⱆ ⰱⱁ ⰱⱑ ⰴ!ⱈⱏ ⱄⱅ҃ⱏⰹⰻ ⰴⰰⱀⱏ. ⱑⰽⱁ ⰻⱄ҃ⱏ ⱀⰵ ⱆ ⰱⱑ ⱂⱃⱁⱄⰾⰰⰲⰾⰵⱀⱏ.

ⰿⱏⱀⱁⰷⰻ ⰶⰵ ⱁⱅⱏ ⱀⰰⱃⱁⰴⰰ ⱄⰾⱏⰹⱎⰰⰲⱏⱎⰵ ⱄⰾⱁⰲⰵⱄⰰ ⱄⰻ. ⰳⰾ҃ⰰⰰⱈⱁ ⱄⱐ ⰵⱄⱅⱏ ⰲⱏⰹ ⰻⱄⱅⰻⱀⱘ !ⱂⱃⰽⱏ.

ⰴⱃⱆⰷⰻⰻ ⰳⰾ҃ⰰⰰⱈⱘ ⱄⱐ ⰵⱄⱅⱏ !ⱈⱏ. Ⱁⰲⰻ ⰳⰾ҃ⰰⰰⱈⱘ ⰵⰴⰰ ⱁⱅⱏ ⰳⰰⰾⰻⰾⱑⱗ !ⱈⱏ ⱂⱃⰻⰴⰵⱅⱏ.

ⱀⰵ ⰽⱏⱀⰻⰳⱏⰹ ⰾⰻ ⱃⱑⱎⱔ. ⱑⰽⱁ ⱁⱅⱏ ⱄⱑⰿⰵⱀⰵ !ⰴⰲⰰ ⱂⱃⰻⰴⰵⱅⱏ !ⱈⱏ.

ⱃⰰⱄⱂⱐⱃⱑ ⰶⰵ ⰱⱏⰹⱄⱅⱏ ⰲⱏ ⱀⰰⱃⱁⰴⱑ ⰵⰳⱁ ⱃⰰⰴⰻ.

ⰵⰴⰻⱀⰻ ⰶⰵ ⱁⱅⱏ ⱀⰻⱈⱏ ⱈⱁⱅⱑⰰⱈⱘ ⰻ ⱗⱅⰻ. ⱀⱏ ⱀⰻⰽⱏⱅⱁⰶⰵ ⱀⰵ ⰲⱏⰸⰾⱁⰶⰻ ⱀⰰ ⱀⱐ ⱃⱘⰽⱆ :

Ⱂⱃⰻⰴⱘ ⰶⰵ ⱄⰾⱆⰳⱏⰹ ⰽⱏ ⰰⱃⱈⰻⰵⱃⰵⱁⰿⱏ ⰻ ⱇⰰⱃⰻⱄⱑⱁⰿⱏ. ⰺ ⱃⱑⱎⱔ ⰻⰿⱏ ⱅⰻ. ⱂⱁ ⱍⱅⱁ ⱀⰵ ⱂⱃⰻⰲⱑⱄⱅⰵ ⰵⰳⱁ.

ⱁⱅⱏⰲⱑⱎⱅⰰⱎⱔ ⱄⰾⱆⰳⱏⰹ. ⱀⰻⰽⱁⰾⰻⰶⰵ ⱅⰰⰽⱁ ⰵⱄⱅⱏ ⰳⰾ҃ⱏ ⱍⰾⰲ҃{ⱍⱄ}ⰽⱏ. ⱑⰽⱁ ⱄⱐ ⱍⰾⰲ҃ⰽⱏ.

ⱁⱅⱏⰲⱑⱋⰰⱎⱔ ⰻⰿⱏ ⱇⰰⱃⰻⱄⱑⰻ. ⰵⰴⰰ ⰻ ⰲⱏⰹ ⱂⱃⱑⰾⱐⱎⱅⰵⱀⰻ ⰱⱏⰹⱄⱅⰵ.

ⰵⰴⰰ ⰽⱅⱁ ⱁⱅⱏ ⰽⱀⱔⰷⱏ ⰲⱑⱃⱁⰲⰰ ⰲⱁ ⱀⱐ. ⰾⰻ ⱁⱅⱏ ⱇⰰⱃⰻⱄⱑⰻ

ⱀⱏ ⱀⰰⱃⱁⰴⱁⱄⱐ. ⰺⰶⰵ ⱀⰵ ⰲⱑⱄⱅⱏ ⰸⰰⰽⱁⱀⰰ ⱂⱃⱁⰽⰾⱔⱅⰻ ⱄⱘⱅⱏ.

!Ⰳⰾⰰ ⰽⱏ ⱀⰻⰿⱏ ⱀⰻⰽⱁⰴⰻⰿⱏ. ⱂⱃⰻⱎⰵⰴⱏⰹ ⰽⱏ ⱀⰵⰿⱆ ⱀⱁⱎⱅⰻⱙ. ⰵⰴⰻⱀⱏ ⱄⱏⰹ ⱁⱅⱏ ⱀⰻⱈⱏ.

ⰵⰴⰰ ⰸⰰⰽⱁⱀⱏ ⱀⰰⱎⱏ ⱄⱘⰴⰻⱅⱏ ⱍⰾⰲ҃{ⰲ}ⰽⱆ. ⰰⱋⰵ ⱀⰵ ⱄⰾⱏⰹⱎⰻⱅⱏ ⱁⱅⱏ ⱀⰵⰳⱁ ⱂⱃⱑⰶⰴⰵ. ⰺ ⱃⰰⰸⱆⰿⱑⰰⱅⱏ ⱍⱅⱁ ⱅⰲⱁⱃⰻⱅⱏ.

ⱁⱅⱏⰲⱑⱎⱅⰰⱎⱔ ⰻ ⱃⱑⱎⱔ ⰵⰿⱆ. ⰵⰴⰰ ⰻ ⱅⱏⰹ ⱁⱅⱏ ⰳⰰⰾⰻ{ⰵ}ⰾⰵⱗ ⰵⱄⰻ. ⰺⱄⱂⱏⰹⱅⰰⰻ ⰻ ⰲⰻⰶⰴⱐ. ⱑⰽⱁ ⱁⱅⱏ ⰳⰰⰾⰻⰾⱑⱗ !ⱂⱃⰽⱏ ⱀⰵ ⱂⱃⰻⱈⱁⰴⰻⱅⱏ.