ЕВАНГЕЛИЕ ЕЖЕ Ѿ ІОАННА
6:1
ⱂⱁ ⱄⰻⱈⱏ ⰻⰴⰵ ⰻⱄ҃ⱏ ⱀⰰ ⱁⱀⱏ ⱂⱁⰾⱏ ⰿⱁⱃⱑ ⰳⰰⰾⰻⰾⱑⱗ ⱅⰰⰲⰵⱃⱐⱑⰴⱏⱄⰽⱏⰹ.
6:2
ⰻ ⱂⱁ ⱀⰵⰿⱐ ⰻⰴⱑⰰⱎⰵ ⱀⰰⱃⱁⰴⱏ ⰿⱏⱀⱁⰳⱏ. ⱑⰽⱁ ⰲⰻⰴⱑⰰⱈⱘ ⰸⱀⰰⰿⰵⱀⰻⱑ ⱑⰶⰵ ⱅⰲⱁⱃⱑⱎⰵ ⱀⰰ ⱀⰵⰴⱘⰶⱏⱀⱏⰹⱈⱏ :: ⰽ!ⱌ ::
6:3
ⰲⱐⰸⰻⰴⰵ ⰶⰵ ⱀⰰ ⰳⱁⱃⱘ ⰻⱄ҃. ⰺ ⱅⱆ ⱄⱑⰴⱑⰰⱎⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ.
6:4
ⰱⱑ ⰶⰵ ⰱⰾⰻⰸⱏ ⱂⰰⱄⱈⰰ ⱂⱃⰰⰸⰴⱐⱀⰻⰽⱏ ⱓ҅ⰴⰵⰻⱄⰽⱏ ::
6:5
Ⰲⱏⰸⰲⰵⰴⱏ ⰶⰵ ⱁⱍⰻ ⰻⱄ҃ ⰲⰻⰴⱑⰲⱏ ⱑⰽⱁ ⰿⱏⱀⱁⰳⱏ ⱀⰰⱃⱁⰴⱏ ⰳⱃⱔⰴⰵⱅⱏ ⰽⱏ ⱀⰵⰿⱆ. ⰳⰾ҃ⰰ ⰽⱏ ⱇⰻⰾⰻⱂⱆ. ⱍⰻⰿⱐ ⰽⱆⱂⰻⰿⱏ ⱈⰾⱑⰱⱏⰹ ⰴⰰ ⱑⰴⱔⱅⱏ ⱄ ⰻ҅.
6:6
ⱄⰵ ⰶⰵ ⰳⰾ҃ⰰⰰⱎⰵ ⰻⱄⰽⱆⱎⰰⱗ ⰻ҅. ⱄⰰⰿⱏ ⰱⱁ ⰲⱑⰴⱑⱎⰵ ⱍⱅⱁ ⱈⱁⱅⱔ ⱄⱏⱅⰲⱁⱃⰻⱅⰻ.
6:7
ⱁⱅⱏⰲⱑⱎⱅⰰ ⰵⰿⱆ ⱇⰻⰾⰻⱂⱏ. ⰴⱐⰲⱑⰿⰰ ⱄⱏⱅⱁⰿⰰ ⱂⱑⱀⱔⰷⱏ ⱈⰾⱑⰱⱏ ⱀⰵ ⰴⱁⰲⱐⰾⱘⱅⱏ ⰻⰿⱏ. ⰴⰰ ⰽⱏⰶⱐⰴⱁ ⰻⱈⱏ ⰿⰰⰾⱁ ⱍⱏⱅⱁ ⱂⱃⰻⰻⰿⰵⱅⱏ.
6:8
ⰳⰾ҃ⰰ ⰵⰿⱆ ⰵⰴⰻⱀⱏ ⱁⱅⱏ ⱁ[ⱏⰹ]ⱍⰵⱀⰻⰽⱏ ⰵⰳⱁ. ⰰⱀⱐⰴⱃⱑⰰ ⰱⱃⰰⱅⱃⱏ ⱄⰻⰿⱁⱀⰰ ⱂⰵⱅⱃⰰ.
6:9
ⰵⱄⱅⱏ ⱁⱅⱃⱁⱍⰻⱎⱅⱏ ⱄⱐⰴⰵ ⰵⰴⰻⱀⱏ. ⰺⰶⰵ ⰻⰿⰰⱅⱏ ⱂⱔⱅⱐ ⱈⰾⱑⰱⱏ ⱗⱍⱐⱀⱏ. ⰺ ⰴⱐⰲⱑ ⱃⱏⰹⰱⱑ. ⱀⱏ ⱄⰻ ⱌⱏ[ⱅⱁ] ⱄⱘⱅⱏ ⰲⱐ ⱄⰵ[ⰾⰻ]ⰽⱁ.
6:10
ⱃⰵⱍⰵ ⰶⰵ ⰻⱄ҃ ⱄⱏⱅⰲⱁⱃⰻⱅⰵ ⱍⰾⱁⰲⰽⱏⰹ ⰲⱏⰸⰾⰵⱎⱅⰻ. ⰱⱑ ⰶⰵ ⱅⱃⱑⰱⰰ ⰿⱏⱀⱁⰳⰰ ⱀⰰ ⰿⱑⱄⱅⱑ. ⰲⱐⰸⰾⰵⰶⰵ ⱆⰱⱁ ⰿⱘⰶⱏ ⱍⰻⱄⰾⱁⰿⱏ. ⱑⰽⱁ ⱂⱔⱅⱐ ⱅⱏⰹⱄⱘⱎⱅⱏ.
6:11
ⱂⱃⰻⱗⱅⱏ ⰶⰵ ⱈⰾⱑⰱⱏ ⰻⱄ҃. ⰻ ⱈⰲⰰⰾⱘ ⰲⱏⰸⰴⰰⰲⱏ. ⱂⱁⰴⰰⱄⱅⱏ ⱆⱍⰵⱀⰻⰽⱁⰿⱏ. ⰰ ⱆⱍⰵⱀⰻⱌⰻ ⰲⱏⰸⰾⰵⰶⱔⱎⱅⰻⰺⰿⱏ. ⱅⰰⰽⱁⰶⰴⰵ ⰻ ⱁⱅⱏ ⱃⱏⰹⰱⱆ. ⰵⰾⰻⰽⱁ ⱈⱁⱅⱑⰰⱈⱘ.
6:12
ⰺ ⱑⰽⱁ ⱀⰰⱄⱏⰹⱅⰻⱎⱔ ⱄⱔ. ⰳⰾ҃ⰰ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ⱄⱏⰱⰵⱃⱑⱅⰵ ⰻⰸⰱⱏⰹⱅⱏⰽⱏⰹ ⱏⰹⰽⱃⱆⱈⱏ. ⰴⰰ ⱀⰵ ⱂⱁⰳⱏⰹⰱⰾⰵⱅⱏ ⱀⰻⱍⱏⱅⱁⰶⰵ.
6:13
ⱄⱏⰱⱏⱃⰰⱎⱔ ⰶⰵ ⰻ ⰻⱄⱂⰾⱏⱀⰻⱎⱔ ⰴⱏⰲⰰ ⱀⰰ ⰴⰵⱄⱔⱅⰵ ⰽⱁⱎⰰ ⱆⰽⱃⱆⱈⱏ. ⱁⱅⱏ ⱂⱔⱅⰻ ⱈⰾⱑⰱⱏ ⱗⱍⱏⱀⱏⰹⱈⱏ. ⰺⰶⰵ ⰻⰸⰱⱏⰹⱎⱔ ⱑⰴⱏⱎⰵⰻⰿⱏ ::
6:14
!Ⱍⰾⰲⱌⰻ ⰶⰵ ⰲⰻⰴⱑⰲⱏⱎⰵ ⰸⱀⰰⰿⰵⱀⰻⰵ. ⰵⰶⰵ ⱄⱏⱅⰲⱁⱃⰻ ⰻⱄ҃. ⰳⰾ҃ⰰⰰⱈⱘ ⱑⰽⱁ ⱄⱐ ⰵⱄⱅⱏ ⰲⱏ ⰹⱄⱅⰻⱀⱘ !ⱂⱃⰽⱏ. ⰳⱃⱔⰴⱏⰹⰻ ⰲⱐ ⰲⰵⱄⱐ ⰿⰻⱃⱏ :: ⰽ!ⱌ.
6:15
ⰻⱄ҃ ⰶⰵ ⱃⰰⰸⱆⰿⱑⰲⱏ ⱑⰽⱁ ⱈⱁⱅⱔⱅⱏ ⱂⱃⰻⱅⰻ ⰴⰰ ⰲⱏⱄⱈⱏⰹⱅⱔⱅⱏ ⰹ ⰻ ⱄⱏⱅⰲⱁⱃⱔⱅⱏ ⱌⱄ҃ⱃⱑ. ⱁⱅⰻⰴⰵ ⱂⰰⰽⱏⰹ ⰲⱏ ⰳⱁⱃⱘ ⱅⱏ ⰵⰴⰻⱀⱏ.
6:16
ⰺ ⱑⰽⱁ ⱂⱁⰸⰴⱑ ⰱⱏⰹⱄⱅⱏ. ⱄⱏⱀⰻⰴⱘ ⱆⱍⰵⱀⰻⱌⰻ ⰵⰳⱁ ⱀⰰ ⰿⱁⱃⰵ.
6:17
ⰺ ⰲⱏⰾⱑⰸⱏⱎⰵ ⰲⱏ ⰾⰰⰴⰻⱙ ⱑⰴⱑⰰⱈⱘ ⱀⰰ ⱁⱀⱏ ⱂⱁⰾⱏ ⰿⱁⱃⱑ. ⰲⱏ ⰽⰰⱂⰵⱃⱏⱀⰰⱆⰿⱏ. ⰺ ⱅⱏⰿⰰ ⰰⰱⰻⰵ ⰱⱏⰹⱄⱅⱏ. ⰺ ⱀⰵ ⱆ ⰱⱑ ⱂⱃⰻⱎⰵⰾⱏ ⰽⱏ ⱀⰻⰿⱏ ⰻⱄ҃.
6:18
ⰿⱁⱃⰵ ⰶⰵ ⰲⱑⱅⱃⱆ ⰲⰵⰾⰻⱓ ⰴⱏⰹⱈⰰⱙⱎⱅⱓ ⰲⱏⱄⱅⰰⰰⱎⰵ.
6:19
ⰳⱃⰵⰱⱏⱎⰵ ⰶⰵ ⱑⰽⱁ ⰴⱏⰲⰰ ⰴⰵⱄⱔⱅⱑ ⰻ ⱂⱔⱅⱐ ⱄⱅⰰⰴⰻⰻ. ⰾⰻ ⰼ ⱅⰻ. ⱆⰸⱐⱃⱑⱎⱔ ⰻⱄ҃ⰰ ⱈⱁⰴⱔⱋⰰ ⱂⱁ ⰿⱁⱃⱓ. ⰺ ⰱⰾⰻⰸⱏ ⰽⱁⱃⰰⰱⰾⱑ ⰱⱏⰹⰲⱏⱎⰰ ⰻ ⱆⰱⱁⱑⱎⱔ ⱄⱔ.
6:20
ⱁⱀⱏ ⰶⰵ ⰳⰾ҃ⰰ ⰻⰿⱏ. ⰰⰸⱏ ⰵⱄⰿⱏ ⱀⰵ ⰱⱁⰻⱅⰵ ⱄⱔ.
6:21
ⱈⱁⱅⱑⰰⱈⱘ ⰶⰵ ⰻ ⱂⱃⰻⱗⱅⰻ ⰲⱏ ⰽⱁⱃⰰⰱⱐ. ⰻ ⰰⰱⰻⰵ ⰱⱏⰹⱄⱅⱏ ⰽⱁⱃⰰⰱⰾⱐ ⱀⰰ ⰶⰵⰿⰻ ⰲⱐ ⱀⱙⰶⰵ ⱑⰴⱑⰰⱈⱘ ::
6:22
Ⰲⱏ ⱆⱅⱃⱑⰻ ⰴⱐⱀⱐ ⱀⰰⱃⱁⰴⱏ ⰻⰶⰵ ⱄⱅⱁⱑⰰⱎⰵ ⱁⰱ ⱁⱀⱏ ⱂⱁⰾⱏ ⰿⱁⱃⱑ. ⰲⰻⰴⱑⰲⱏ ⱑⰽⱁ ⰽⱁⱃⰰⰱⰾⱑ ⰻⱀⱁⰳⱁ ⱀⰵ ⰱⱑ ⱅⱆ. ⱅⱏⰽⱏⰿⱁ ⰵⰴⰻⱀⱏ ⱅⱏ. ⰲⱏ ⱀⱐⰶⰵ ⰲⱐⱀⰻⰴⱘ ⱆⱍⰵⱀⰻⱌⰻ ⰵⰳⱁ. ⰺ ⱑⰽⱁ ⱀⰵ ⰲⱐⱀⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ ⰻⱄ҃ ⰲⱏ ⰽⱁⱃⰰⰱⱐ. ⱀⱏ ⰵⰴⰻⱀⰻ ⱆⱍⰵⱀⰻⱌⰻ ⰵⰳⱁ ⰻⰴⱘ.
6:23
ⰻ ⰻⱀⰻ ⱂⱃⰻⰴⱘ ⰽⱁⱃⰰⰱⰾⰻ ⱁⱅⱏ ⱅⰻⰲⰵⱃⰻⱑⰴⱏⰹ. ⰱⰾⰻⰸⱏ ⰿⱑⱄⱅⰰ ⰻⰴⰵⰶⰵ ⱑⱄⱔ ⱈⰾⱑⰱⱏⰹ. ⱈⰲⰰⰾⱘ ⰲⱏⰸⰴⰰⰲⱏⱎⱓ !ⰳⱓ.
6:24
ⰵⰳⰴⰰ ⰶⰵ ⰲⰻⰴⱑⱎⱔ ⱀⰰⱃⱁⰴⰻ ⱑⰽⱁ ⰻⱄ҃ⰰ ⱀⰵ ⰱⱏⰹⱄⱅⱏ ⱅⱆ ⱀⰻ ⱆⱍⰵⱀⰻⰽⱏ ⰵⰳⱁ. ⰲⱐⰾⱑⰸⱘ ⱄⰰⰿⰻ ⰲⱏ ⰽⱁⱃⰰⰱⰾⱔ. ⰻ ⱂⱃⰻⰴⱘ ⰲⱏ ⰽⰰⱂⰵⱃⱏⱀⰰⱆⰿⱏ. ⰺ҅ⱄⰽⱘⱎⱅⰵ ⰻⱄ҃ⰰ.
6:25
ⰺ ⱁⰱⱃⱑⱅⱏⱎⰵ ⰻ ⱁⰱ ⱁⱀⱏ ⱂⱁⰾⱏ ⰿⱁⱃⱑ ⱃⱑⱎⱔ ⰵⰿⱆ. ⱆⱍⰻⱅⰵⰾⱓ ⰽⱁⰳⰴⰰ ⱄⱑⰿⱁ ⱂⱃⰻⰴⰵ.
6:26
ⱁⱅⱏⰲⱑⱎⱅⰰ ⰻⰿⱏ ⰻⱄ҃ⱏ ⰻ ⱃⰵⱍⰵ. ⰰⰿⰻⱀⱐ ⰰⰿⱀⱐ ⰳⰾ҃ⱙ ⰲⰰⰿⱏ. ⰺⱎⱅⰵⱅⰵ ⰿⰵⱀⰵ ⱀⰵ ⱑⰽⱁ {ⰻ} ⰲⰻⰴⱑⱄⱅⰵ ⰸⱀⰰⰿⰵⱀⰻⰵ. ⱀⱏ ⱑⰽⱁ ⱑⰾⰻ ⰵⱄⱅⰵ ⱈⰾⱑⰱⱏⰹ ⰻ ⱀⰰⱄⱏⰹⱅⰻⱄⱅⰵ ⱄⱔ. ::
6:27
Ⰴⱑⰾⰰⰻⱅⰵ ⱀⰵ ⰱⱃⰰⱎⱏⱀⱁ ⰳⱏⰹⰱⰾⱙⱎⱅⰵⰵ. ⱀⱏ ⰱⱃⰰⱎⱏⱀⱁ ⱂⱃⱑⰱⱏⰹⰲⰰⱙⱋⰵⰵ ⰲⱏ ⰶⰻⰲⱁⱅⱑ ⰲⱑⱌⱐⱀⱑⰵⰿⱐ. ⰵⰶⰵ ⱄⱀ҃ⱏ ⱍⰾⰲ҃ⱄⰽⱏⰹ ⰲⰰⰿⱏ ⰴⰰⱄⱅⱏ. ⱄⰵⰳⱁ ⰱⱁ ⱁⱅ҃ⱌⱏ ⰸⱀⰰⰿⰵⱀⰰ ⰱ҃ⱏ.
6:28
ⱃⱑⱎⱔ ⰸⰵ ⰽⱏ ⱀⰵⰿⱆ ⱍⱅⱁ ⱄⱏⱅⰲⱁⱃⰻⰿⱏ ⰴⰰ ⰴⱑⰾⰰⰵⰿⱏ ⰴⱑⰾⰰ ⰱⰶ҃ⰻⱑ.
6:29
ⱁⱅⱏⰲⱑⱋⰰ ⰻⱄ҃ⱏ ⰻ ⱃⰵⱍⰵ ⰻⰿⱏ. ⱄⰵ ⰵ҅ⱄⱅⱏ ⰴⱑⰾⱁ ⰱⰶ҃ ⰵ҅. ⰴⰰ ⰲⱑⱃⱆⱆⱅⰵ ⰲⱏ ⱅⱏ. ⰵⰳⱁⰶⰵ ⱂⱁⱄⱏⰾⰰ ⱁⱀⱏ.
6:30
ⱃⱑⱎⱔ ⰶⰵ ⰵⰿⱆ ⰽⱁⰵ ⱆⰱⱁ ⱅⱏⰹ ⱅⰲⱁⱃⰻⱎⰻ ⰸⱀⰰⰿⰵⱀⰻⰵ ⰴⰰ ⰲⰻⰴⰻⰿⱏ ⰻ ⰲⱑⱃⱘ ⰻⰿⰵⰿⱏ ⱅⰵⰱⱑ. ⱍⱅⱁ ⰴⱑⰾⰰⰵⱎⰻ.
6:31
ⱁⱅⱏⱌⰻ ⱀⰰⱎⰻ ⱑⱄⱔ ⰿⰰⱀⱏⱀⱘ ⰲⱏ ⱂⱆⱄⱅⱏⰹⱀⰻ. ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ. ⱈⰾⱑⰱⱏ ⱄⱀ҃ⰱⱄⰵ ⰴⰰⱄⱅⱏ ⰻⰿⱏ ⱑⱄⱅⰻ.
6:32
ⱃⰵⱍⰵ ⰻⰿⱏ ⰻⱄ҃. ⰰⰿⰻⱀⱐ ⰰⰿⱀⱐ ⰳⰾ҃ⱙ ⰲⰰⰿⱏ. ⱀⰵ ⰿⱁⱄⰻ ⰴⰰⱄⱅⱏ ⰲⰰⰿⱏ ⱈⰾⱑⰱⱏ ⱄⱏ ⱀⰵⰱ҃ⱄⰵ. ⱀⱏ ⱁⱅ҃ⱌⱏ ⰿⱁⰻ ⰴⰰⱄⱅⱏ ⰲⰰⰿⱏ ⱈⰾⱑⰱⱏ ⰻⱄⱅⰻⱀⱏⱀⱏⰹ ⱄⱏ ⱀⰵⰱⰵⱄⰵ.
6:33
ⱈⰾⱑⰱⱏ ⰱⱁ ⰱⰶ҃ⰻⰻ ⰵⱄⱅⱏ ⱄⱏⱈⱁⰴⱔⰻ ⱄⱀ҃ⰱⱄⰵ. ⰻ ⰴⰰⱗⰻ ⰶⰻⰲⱁⱅⰰ ⰿⰻⱃⱆ :: ⰽ!ⱌ ::
6:34
Ⱃⱑⱎⱔ ⰶⰵ ⰽⱏ ⱀⰵⰿⱆ ⰳ҃ⰻ ⰲⱏⱄⰵⰳⰴⰰ ⰴⰰⰶⰴⱏ ⱀⰰⰿⱏ ⱈⰾⱑⰱⱏ ⱄⱐ.
6:35
ⱃⰵⱍⰵ ⰶⰵ ⰻⰿⱏ ⰻⱄ҃ⱏ ⰰⰸⱏ ⰵⱄⰿⱏ ⱈⰾⱑⰱⱏ ⰶⰻⰲⱁⱅⱏⱀⱏⰹⰻ. ⰳⱃⱔⰴⱏⰹ ⰽⱏ ⰿⱐⱀⱑ ⱀⰵ ⰻⰿⰰⱅⱏ ⰲⱏⰸⰰⰰ[ⰾ]ⰽⰰⱅⰻ ⱄⱔ. ⰻ ⰲⱑⱃⱆⱗⰻ ⰲⱏ ⰿⱔ ⱀⰵ ⰻⰿⰰⱅⱏ ⰲⱏⰶⰴⱔⰴⰰⱅⰻ ⱄⱔ ⱀⰻⰽⱁⰳⰴⰰⰶⰵ.
6:36
ⱀⱏ ⱃⱑⱈⱏ ⰲⰰⰿⱏ ⱑⰽⱁ ⰻ ⰲⰻⰴⱑⱄⱅⰵ ⰿⱔ ⰻ ⱀⰵ ⰲⱑⱃⱆⱆⱅⰵ.
6:37
ⰲⱏⱄⰵ ⰵⰶⰵ ⰴⰰⱄⱅⱏ ⰿⱐⱀⱑ ⱁⱅⱏⱌⱏ ⰽⱏ ⰿⱐⱀⱑ ⱂⱃⰻⰴⰵⱅⱏ. ⰺ ⰳⱃⱔⰴⱘⱎⱅⰰⰰⰳⱁ ⰽⱁ ⰿⱐⱀⱑ ⱀⰵ ⰻⰶⰴⰵⱀⱘ ⰲⱁⱀⱏ.
6:38
ⱑⰽⱁ ⱄⱏⱀⰻⰴⱏ ⱄⱀ҃ⰱⱄⰵ. ⰴⰰ ⱀⰵ ⱅⰲⱁⱃⱘ ⰲⱁⰾⱔ ⰿⱁⰵⱗ. ⱀⱏ ⰲⱁⰾⱙ ⱂⱁⱄⱏⰾⰰⰲⱏⱎ ⰰ҅ⰳⱁ ⰿⱔ ::
6:39
Ⰳⰵ ⰶⰵ ⰵⱄⱅⱏ ⰲⱁⰾⱑ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ ⱁⱅ҃ⱌⰰ. ⰴⰰ ⰲⱐⱄⱑⰽⱁ ⰵⰶⰵ ⰴⰰⱄⱅⱏ ⰿⰻ. ⱀⰵ ⱂⱁⰳⱆⰱⰾⱙ ⱁⱅⱏ ⱀⰵⰳⱁ ⱀⱏ ⰲⱐⱄⰽⱃⱑⱎⱘ ⰻ ⰲⱏ ⱂⱁⱄⰾⱑⰴⱐⱀⰻⰻ ⰴⰵⱀⱐ.
6:40
ⱄⰵ ⰱⱁ ⰵⱄⱅⱏ ⰲⱁⰾⱑ ⱁⱅ҃ⱌⰰ ⰿⱁⰵⰳⱁ. ⰴⰰ ⰲⱐⱄⱑⰽⱏ ⰲⰻⰴⱔⰻ ⱄⱀ҃ⰰ ⰻ ⰲⱑⱃⱆⱗⰻ ⰲⱐ ⱀⰵⰳⱁ. ⰺⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ. ⰺ ⰲⱐⱄⰽⱃⱑⱎⱘ ⰻ ⰰⰸⱏ ⰲⱏ ⱂⱁⱄⰾⱑⰴⱐⱀⰻⰻ ⰴⰵⱀⱐ.
6:41
ⱃⱏⱂⱏⱅⰰⰰⱈⱘ ⰶⰵ ⰻⱓⰴⰵⰻ ⱁ ⱀⰵⰿⱐ ⱑⰽⱁ ⱃⰵⱍⰵ ⰰⰸⱏ ⰵⱄⰿⱏ ⱈⰾⱑⰱⱏ ⱄⱏⱎⰵⰴⱏⰹⰻ ⱄⱏ ⱀⰵⰱⰵⱄⰵ.
6:42
ⰺ ⰳⰾ҃ⰰⰰⱈⱘ. ⱀⰵ ⱄⱐ ⰾⰻ ⰵⱄⱅⱏ ⰻⱄ҃. ⱄⱀ҃ⱏ ⰻⱁⱄⰻⱇⱁⰲⱏ. ⰵⰿⱆⰶⰵ ⰿⱏⰹ ⰸⱀⰰⰵⰿⱏ ⱁⱅ҃ⱌⰰ ⰻ ⰿⰰⱅⰵⱃⱐ. ⰽⰰⰽⱁ ⱆⰱⱁ ⱄⱐ ⰳⰾ҃ⰵⱅⱏ ⱑⰽⱁ ⱄⱀ҃ⰱⱄⰵ ⱄⱏⱀⰻⰴⱏ.
6:43
ⱁⱅⱏⰲⱑⱋⰰ ⰻⱄ҃ ⰻ҅ ⱃⰵⱌⱔ ⰻⰿⱏ. ⱀⰵ ⱃⱏⱂⱐⱎⱅⰻⱅⰵ ⰿⰵⰶⰴⱓ ⱄⱁⰱⱁⱙ.
6:44
ⱀⰻⰽⱅⱁⰶⰵ ⱀⰵ ⰿⱁⰶⰵⱅⱏ ⱂⱃⰻⱅⰻ ⰽⱏ ⰿⱐⱀⱑ. ⰰⱎⱅⰵ ⱀⰵ ⱁⱅ҃ⱌⱏ ⱂⱁⱄⱏⰾⰰⰲⱏⰹⰻ ⰿⱔ ⱂⱃⰻⰲⰾⱑⱍⰵⱅⱏ ⰵⰳⱁ. ⰺ ⰰⰸⱏ ⰲⱏⱄⰽⱃⱑⱎⱘ ⰻ ⰲⱏ ⱂⱁⱄⰾⱑⰴⱐⱀⰻⰻ ⰴⱐⱀⱐ :: ⰽ!ⱌ ::
6:45
ⰵⱄⱅⱏ ⱂⰻⱄⰰⱀⱁ ⰲⱏ ⱂⱃⱁⱃⱁⱌⱑⱈⱏ. ⰺ ⰱⱘⰴⱘⱅⱏ ⰲⱐⱄⰻ ⱆⱍⰵⱀⰻ !ⰱⰳⱁⰿⱐ. ⰲⱐⱄⱑⰽⱏ ⱄⰾⱏⰹⱎⰰⰲⱏⰹ ⱁⱅ҃ⱌⰰ ⰻ ⱀⰰⰲⱏⰹⰽⱏ ⱂⱃⰻⰴⰵⱅⱏ ⰽⱏ ⰿⱐⱀⱑ.
6:46
ⱀⰵ ⱑⰽⱁ ⱁⱅⱐⱌⰰ ⰲⰻⰴⱑⰾⱏ ⰵⱄⱅⱏ ⱅⱏⰽⱏⰿⱁ. ⱅⱏⰽⰿⱁ ⱄⱘⰻ ⱁⱅⱏ ⰱ҃ⰰ. ⱄⱐ ⰲⰻⰴⱑ ⱁⱅ҃ⱌⰰ.
6:47
ⰰⰿⰻⱀ ⰰ҅ⰿⰻⱀ ⰳⰾ҃ⱙ ⰲⰰⰿⱏ. ⰲⱑⱃⱆⱗⰻ ⰲⱐ ⰿⱔ ⰻⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ. ::
6:48
ⰰⰸⱏ ⰵⱄⰿⱏ ⱈⰾⱑⰱⱏ ⰶⰻⰲⱁⱅⱏⱀⱏⰹ.
6:49
!Ⱁⱅⱌⰻ ⰲⰰⱎⰻ ⱑⱄⱔ ⰿⰰⱀⱀⱘ ⰲⱏ ⱂⱆⱄⱅⱏⰹⱀⰻ ⰻ ⱁ҅уⰿⱐⱃⱑⱎⱔ.
6:50
ⱄⱐ ⰵⱄⱅⱏ ⱈⰾⱑⰱⱏ ⱄⱏⱈⱁⰴⱔⰻ ⱄⱏ ⱀⰵⰱⰵⱄⰵ. ⰴⰰ ⰰⱎⱅⰵ ⱁⱅⱏ ⱀⰵⰳⱁ ⰽⱅⱁ ⱑⱄⱅⱏ ⱀⰵ ⱆⰿⱐⱃⰵⱅⱏ.
6:51
ⰰⰸⱏ ⰵⱄⰿⱏ ⱈⰾⱑⰱⱏ ⰶⰻⰲⱏⰹ ⱄⱏⱎⰵⰴⱏⰹ ⱄⱀ҃ⰱⱄⰵ. ⰰⱎⱅⰵ ⰽⱅⱁ ⱄⱏⱀⱑⱄⱅⱏ ⱁⱅⱏ ⱈⰾⱑⰱⰰ ⱄⰵⰳⱁ ⰶⰻⰲⱏ ⰱⱘⰴⰵⱅⱏ ⰲⱏ ⰲⱑⰽⱏ. ⱈⰾⱑⰱⱏ ⰱⱁ ⰻⰶⰵ ⰰⰸⱏ ⰴⰰⰿⱐ ⱂⰾⱐⱅⱐ ⰿⱁⱑ ⰵⱄⱅⱏ. ⱙⰶⰵ ⰰⰸⱏ ⰴⰰⰿⱐ. ⰸⰰ ⰶⰻⰲⱁⱅⱏ ⰿⰻⱃⰰ
6:52
ⱂⱐⱃⱑⰰⱈⱘ ⰶⰵ ⱄⱔ ⰻⱓⰴⰵⰻ. ⰿⰵⰶⰴⱓ ⱄⱁⰱⱁⱙ ⰳⰾ҃ⱙⱎⱅⰵ. ⰽⰰⰽⱁ ⰿⱁⰶⰵⱅⱁ ⱄⱐ ⰴⰰⱅⰻ ⱂⰾⱏⱅⱐ ⱄⰲⱁⱙ ⱑⱄⱅⰻ ⱀⰰⰿⱏ.
6:53
ⱃⰵⱍⰵ ⰶⰵ ⰻⰿⱏ ⰻⱄ҃. ⰰⰿⰻⱀⱏ ⰰⰿⱀ ⰳⰾ҃ⱙ ⰲⰰⰿⱏ ⰰⱎⱅⰵ ⱀⰵ ⱄⱏⱀⱑⱄⱅⰵ ⱂⰾⱏⱅⰻ ⱄⱀ҃ⰰ !ⱍⰾⱄ[ⰽⰰⰰⰳⱁ]. ⰻ ⱂⰻⰵⱅⰵ ⰽⱃⱏⰲⰵ ⰵⰳⱁ. ⰶⰻⰲⱁⱅⰰ ⱀⰵ ⰻⰿⰰⱅⰵ ⰲⱐ ⱄⰵⰱⱑ.
6:54
ⱑⰴⱏⰹ ⰿⱁⱙ ⱂⰾⱏⱅⱐ ⰻ ⱂⰻⱗⰻ ⰿⱁⱙ ⰽⱃⱏⰲⱐ. ⰺⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ. ⰻ ⰰⰸⱏ ⰲⱐⱄⰽⱃⱑⱎⱘ ⰻ ⰲⱏ ⱂⱁⱄⰾⱑⰴⱐⱀⰻⰻ ⰴⱐⱀⱐ :: ⰽ!ⱌ ::
6:55
ⱂⰾⱏⱅⱐ ⰱⱁ ⰿⱁⱑ ⰻⱄⱅⰻⱀⱏⱀⱁ ⰵⱄⱅⱏ ⰱⱃⰰⱎⱏⱀⱁ. ⰺ ⰽⱃⱏⰲⱏ ⰿⱁⱑ ⰻⱄⱅⰻⱀⱏⱀⱁ ⰵⱄⱅⱏ ⱂⰻⰲⱁ ::
6:56
Ⱑⰴⱏⰹ ⰿⱁⱙ ⱂⰾⱏⱅⱏ ⰻ ⱂⰻⱗⰻ ⰿⱁⱙ ⰽⱃⱏⰲⱐ. ⰲⱐ ⰿⱐⱀⱑ ⱂⱃⱑⰱⱏⰹⰲⰰⰰⱅⱏ ⰻ ⰰⰸⱏ ⰲⱐ ⱀⰵⰿⱐ.
6:57
ⱑⰽⱁⰶⰵ ⱂⱁⱄⱏⰾⰰ ⰿⱔ ⰶⰻⰲⱘⰻ ⱁⱅ҃ⱌⱏ. ⰺ҅ ⰰⰸⱏ ⰶⰻⰲⱘ ⱁⱅⱏⱌⰰ ⱃⰰⰴⰻ.
6:58
ⱄⱐ ⰵⱄⱅⱏ ⱈⰾⱑⰱⱏ ⱄⱏⱎⰵⰴⱏⰹ ⱄⱀ҃ⰱⱄⰵ. ⱀⰵ ⱑⰽⱁⰶⰵ ⱑⱄⱔ ⱁⱅ҃ⱌⰻ ⰲⰰⱎⰻ ⰿⰰⱀⸯⱀⱘ. ⰺ ⱆⰿⱐⱃⱑⱎⱔ. ⱑⰴⱔⰻ ⱈⰾⱑⰱⱏ ⱄⱏ ⰶⰻⰲⱏ ⰱⱘⰴⰵⱅⱏ ⰲⱏ ⰲⱑⰽⱏ.
6:59
ⱄⰻ ⱃⰵⱍⰵ ⱀⰰ ⱄⱁⱀⱏⰿⰻⱋⰻ ⱆⱍⱔ ⰲⱏ ⰽⰰⱂⰵⱃⱏⱀⰰⱆⰿⱑ.
6:60
ⰿⱏⱀⱁⰷⰻ ⰶⰵ ⱄⰾⱏⰹⱎⰰⰲⱏⱎⰵ ⱁⱅⱏ ⱆⱍⰵⱀⰻⰽⱏ ⰵⰳⱁ ⱃⱑⱎⱔ. ⰶⰵⱄⱅⱁⰽⱁ ⰵⱄⱅⱏ ⱄⰾⱁⰲⱁ ⱄⰵ ⰽⱅⱁ ⰿⱁⰶⰵⱅⱏ ⰵⰳⱁ ⱄⰾⱆⱎⰰⱅⰻ.
6:61
ⰲⱑⰴⱏⰹ ⰶⰵ ⰻⱄ҃ⱏ ⰲⱏ ⱄⰵⰱⱑ. ⱑⰽⱁ ⱃⱏⱂⱏⱎⱅⱘⱅⱏ ⱁ ⱄⰵⰿⱐ ⱆⱍⰵⱀⰻⱌⰻ ⰵⰳⱁ. ⱃⰵⱍⰵ ⰻⰿⱏ ⱄⰵⰾ!ⰲⱏⰹ ⰱⰾⰰⰸⱀⰻⱅⱏ.
6:62
ⰰⱋⰵ ⱆⰱⱁ ⱆⰸⱐⱃⰻⱅⰵ ⱄⱀ҃ⰰ !ⱍⰾⱁⰲⱍⱄⰽⰰⰰⰳⱁ ⰲⱏⱄⱈⱁⰴⱔⱋⰰ ⰻⰴⰵⰶⰵ ⰱⱑ ⱂⱃⱑⰶⰴⰵ.
6:63
ⰴⱈ҃ⱏ ⰵⱄⱅⱏ ⰻⰶⰵ ⰶⰻⰲⰾⱑⰰⱅⱏ. ⱁⱅⱏ ⱂⰾⱏⱅⰻ ⱀⱑ ⱂⱁⰾⱐⰷⱔ ⱀⰻⰽⱁⰵⱗⰶⰵ. ⰳⰾ҃ⱏⰹ ⱗⰶⰵ ⰰⰸⱏ ⰳⰾ҃ⰰⱈⱏ ⰲⰰⰿⱏ. ⰴⱈ҃ⱏ ⱄⱘⱅⱏ ⰻ ⰶⰻⰲⱁⱅⱏ ⱄⱘⱅⱏ.
6:64
ⱀⱏ ⱄⱘⱅⱏ ⱁⱅⱏ ⰲⰰⱄⱏ ⰵⰴⰻⱀⰻ ⰻⰶⰵ ⱀⰵ ⰲⱑⱃⱆⱙⱅⱏ. ⰲⱑⰴⱑⰰⱎⰵ ⰱⱁ ⰻⱄⰽⱁⱀⰻ ⰻⱄ҃ⱏ. ⰽⱅⱁ ⱄⱘⱅⱏ ⱀⰵ ⰲⱑⱃⱆⱙⱎⱅⰵⰻ. ⰺ ⰽⱅⱁ ⰵⱄⱅⱏ ⱈⱁⱅⱔⰻ ⱂⱃⱑⰴⰰⱅⰻ ⰻ.
6:65
ⰺ ⰳⰾ҃ⰰⱎⰵ ⱄⰵⰳⱁ ⱃⰰⰴⰻ ⱃⱑⱈⱏ ⰲⰰⰿⱏ. ⱑⰽⱁ ⱀⰻⰽⱅⱁⰶⰵ ⱀⰵ ⰿⱁⰶⰵⱅⱏ ⱂⱃⰻⱅⰻ ⰽⱏ ⰿⱐⱀⱑ. ⰰⱎⱅⰵ ⱀⰵ ⰱⱘⰴⰵⱅⱏ ⰴⰰⱀⱁ ⰵⰿⱆ ⱁⱅⱏ ⱁⱌ҃ⰰ ⰿⱁⰵⰳⱁ.
6:66
ⱁⱅⱏ ⱄⰵⰳⱁ ⰿⱐⱀⱁⰷⰻ ⱁⱅⱏ ⱆⱍⰵⱀⰻⰽⱏ ⰵⰳⱁ ⰻⰴⱘ ⰲⱏⱄⱂⱔⱅⱐ. ⰺ ⰽ ⱅⱁⰿⱆ ⱀⰵ ⱈⱁⰶⰴⰰⰰⱈⱘ ⱄⱏ ⱀⰻⰿⱐ ::
6:67
Ⱃⰵⱍⰵ ⰶⰵ ⰻⱄ҃ⱏ ⱁⰱⱑⰿⰰ ⱀⰰ ⰴⰵⱄⱔⱅⰵ. ⰵⰴⰰ ⰻ ⰲⱏⰹ ⱈⱁⱎⱅⰵⱅⰵ ⰻⱅⰻ.
6:68
ⱁⱅⱏⰲⱑⱎⱅⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱐ. ⰳ҃ⰻ ⰽⱏ ⰽⱁⰿⱆ ⰻⰴⰵⰿⱏ. ⰳⰾ҃ⱏⰹ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ ⰻⰿⰰⱎⰻ.
6:69
ⰺ ⰿⱏⰹ ⰲⱑⱃⱁⰲⰰⱈⱁⰿⱏ ⰻ ⱂⱁⰸⱀⰰⱈⱁⰿⱏ. ⱑⰽⱁ ⱅⱏⰹ ⰵⱄⰻ [!ⱈⱐ] ⱄⱀ҃ⱏ ⰱ҃ⰰ ⰶⰻⰲⰰⰰⰳⱁ. :: ⰽ!ⱌ ::
6:70
Ⱁⱅⱏⰲⱑⱎⱅⰰ ⰻⰿⱏ ⰻⱄ҃ⱏ. ⱀⰵ ⰰⰸⱏ ⰾⰻ ⰲⰰⱄⱏ ⰴⰲⰰ ⱀⰰ ⰴⰵⱄⱔⱅⰵ ⰻⰸⰱⱏⱃⰰⱈⱏ. ⰺ ⱁⱅⱏ ⰲⰰⱄⱏ ⰵ{ⰴⰻⱀⱏ}ⰴⰻⱀⱏ ⰴⰻⱑⰲⱁⰾⱏ ⰵⱄⱅⱏ.
6:71
ⰳⰾ҃ⰰⰰⱎⰵ ⰶⰵ ⰻⱓⰴⱘ ⱄⰻⰿⱁⱀⱁⰲⰰ. ⰺⱄⰽⰰⱃⰻⱁⱅⰰ. ⱄⱐ ⰱⱁ ⱈⱁⱅⱑⰰⱎⰵ ⱂⱃⱑⰴⰰⱅⰻ ⰻ. ⰵⰴⰻⱀⱏ ⱄⱏⰹ ⱁⱅⱏ ⱁⰱⱁⱓ ⱀⰰ ⰴⰵⱄⰵ!ⱅ. ::