ЕВАНГЕЛИЕ ЕЖЕ Ѿ ІОАННА
5:1
Ⱂⱁ ⱄⰻⱈⱏ ⰶⰵ ⰱⱑ ⱂⱃⰰⰸⰴⱐⱀⰻⰽⱏ ⰻⱓⰴⰵⰻⱄⰽⱏ. Ⰺ ⰲⱐⰸⰻⰴⰵ ⰻⱄ҃ ⰲⱏ ⰵⱃⱆⱄⰰⰾⰻⰿⱏ.
5:2
ⰵⱄⱅⱏ ⰶⰵ ⰲⱏ !ⰵⱃⱄⰿⱑⱈⱏ ⱀⰰ ⱁⰲⱐⱍⰻ ⰽⱘⱂⱑⰾⰻ. ⱑⰶⰵ ⱀⰰⱃⰻⱌⰰⰰⱅⱏ ⱄⱔ ⰵⰲⱃⰵⰻⱄⰽⱏⰹ ⰲⰻⱅⰵⰸⰴⰰ. ⱂⱔⱅⱐ ⱂⱃⰻⱅⰲⱁⱃⱏ ⰻⰿⱘⱎⱅⰻ.
5:3
ⰲⱏ ⱅⱑⱈⱏ ⰾⰵⰶⰰⰰⱎⰵ ⰿⱏⱀⱁⰶⱐⱄⱅⰲⱁ ⰱⱁⰾⱔⱎⱅⰻⰻⱈⱏ. ⱄⰾⱑⱂⱏ ⱈⱃⱁⰿⱏ. ⱄⱆⱈⱏ. ⱍⰰⱙⱋⰻⰻⱈⱏ ⰴⰲⰻⰶⰵⱀⰻⱑ ⰲⱁⰴⱑ.
5:4
!ⰰⱀⰳⰾ ⰱⱁ ⰳⱀ҃ⱐ ⱀⰰ ⰲⱐⱄⱑ ⰾⱑⱅⰰ ⱄⱏⱈⱁⰶⰴⰰⰰⱎⰵ ⰲⱏ ⰽⱘⱂⱑⰾⱐ. ⰺ ⰲⱏⰸⰿⱘⱎⱅⰰⰰⱎⰵ ⰲⱁⰴⱘ. ⰺ ⰻⰶⰵ ⱂⱃⱏⰲⱑⰵ ⰲⱏⰾⰰⰶⰰⰰⱎⰵ ⱂⱁ ⰲⱏⰸⰿⱘⱎⱅⰵⱀⰻⰻ ⰲⱁⰴⱏⰹ. ⱄⱏⰴⱃⰰⰲⱏ ⰱⱏⰹⰲⰰⰰⱎⰵ. ⱑⱌⱑⰿⱏ ⰶⰵ ⱀⰵⰴⱘⰳⱁⰿⱏ ⱁⰴⱃⱏⰶⰻⰿⱏ ⰱⱏⰹⰲⰰⰰⱎⰵ.
5:5
Ⰱⱑ ⰶⰵ ⱅⱆ ⰵⰴⰻⱀⱏ ⱍⰾⰲ҃ⰽⱏ. !ⰼ. ⰺ ⱁⱄⰿⱐ ⰾⱑⱅⱏ ⰻⰿⱏⰹ ⰲⱏ ⱀⰵⰴⱘⰷⱑ ⱄⰲⱁⰵⰿⱐ.
5:6
ⱄⰵⰳⱁ ⰲⰻⰴⱑⰲⱏ ⰻⱄ҃ ⰾⰵⰶⱔⱎⱅⰰ. ⰺ ⱃⰰⰸⱆⰿⱑⰲⱏ. ⱑⰽⱁ ⰿⱏⱀⱁⰳⰰ ⰾⱑⱅⰰ ⱙⰶⰵ ⰻⰿⱑⰰⱎⰵ. ⰳⰾ҃ⰰ ⰵⰿⱆ ⱈⱁⱎⱅⰵⱎⰻ ⰾⰻ ⱌⱑⰾⱏ ⰱⱏⰹⱅⰻ.
5:7
ⱁⱅⱏⰲⱑⱋⰰ ⰵⰿⱆ ⱀⰵⰴⱘⰶⱏⱀⱏⰹ. ⰵⰻ ⰳ҃ⰻ ⱍⰾ҃ⰽⰰ ⰶⰵ ⱀⰵ ⰻⰿⰰⰿⱏ. ⰴⰰ ⰵⰳⰴⰰ ⰲⱏⰸⰿⱘⱅⰻⱅⱏ ⱄⱔ ⰲⱁⰴⰰ. ⰲⱏⰲⱃⱏⰶⰵⱅⱏ ⰿⱔ ⰲⱏ ⰽⱘⱂⱑⰾⱐ. ⰵⰳⰴⰰ ⰶⰵ ⱂⱃⰻⱈⱁⰶⰴⱘ ⰰⰸⱏ. ⰺⱀⱏ ⱂⱃⱑⰶⰴⰵ ⰿⰵⱀⰵ ⰲⱏⰾⰰⰸⰻⱅⱏ.
5:8
ⰳⰾ҃ⰰ ⰵⰿⱆ ⰻⱄ҃ : ⰲⱏⱄⱅⰰⱀⰻ ⰲⱏⰸⱏⰿⰻ ⱁⰴⱃⱏ ⱅⰲⱁⰻ. ⰺ ⰻⰴⰻ ⰲⱏ ⰴⱁⰿⱏ ⱄⰲⱁⰻ.
5:9
ⰺ ⰰⰱⱐⰵ ⱌⱑⰾⱏ ⰱⱏⰹⱄⱅⱏ ⱍⰾ҃ⰽⱏ. ⰺ ⰲⱐⰸⱔⱅⱏ ⱁⰴⱃⱏ ⱄⰲⱁⰻ. ⰻ ⱈⱁⰶⰴⰰⰰⱎⰵ
5:91
ⰱⱑ ⰶⰵ ⱄⱁⰱⱁⱅⰰ ⰲⱏ ⱅⱏ ⰴⱐⱀⱐ.
5:10
ⰳⰾ҃ⰰⱈⱘ ⰶⰵ ⰻⱓⰴⰵⰻ ⰻⱄⱌⱑⰾⱑⰲⱏⱎⱓⱆⰿⱆ. ⱄⱁⰱⱁⱅⰰ ⰵⱄⱅⱏ ⰻ ⱀⰵ ⰴⱁⱄⱅⱁⰻⱅⱏ ⱅⰵⰱⱑ ⰲⱐⰸⱔⱅⰻ ⱁⰴⱃⰰ ⱅⰲⱁⰵⰳⱁ.
5:11
ⱁⱀⱏ ⰶⰵ ⱁⱅⱏⰲⱑⱎⱅⰰ ⰻⰿⱏ. ⰺⰶⰵ ⰿⱔ ⱄⱏⱅⰲⱁⱃⰻ ⱌⱑⰾⰰ ⱅⱏ ⰿⱏⱀⱑ ⱃⰵⱍⰵ. ⰲⱐⰸⱐⰿⰻ ⱁⰴⱃⱏ ⱅⰲⱁⰻ ⰻ ⱈⱁⰴⰻ.
5:12
ⰲⱏⱂⱃⱁⱄⰻⱎⱔ ⰶⰵ ⰻ ⰽⱏⱅⱁ ⰵⱄⱅⱏ !ⱍⰽⱏ ⱃⰵⰽⱏⰹ ⱅⰵⰱⱑ. ⰲⱐⰸⱐⰿⰻ ⱁⰴⱃⱏ ⱅⰲⱁⰻ ⰻ ⱈⱁⰴⰻ.
5:13
ⰺⱄⱌⱑⰾⱑⰲⱏⰹ ⰶⰵ ⱀⰵ ⰲⱑⰴⱑⰰⱎⰵ ⰽⱅⱁ ⰵⱄⱅⱏ ⰺⱄ҃ ⰱⱁ ⱆⰽⰾⱁⱀⰻ ⱄⱔ ⱀⰰⱃⱁⰴⱆ ⱄⱘⱎⱅⱓ ⱀⰰ ⰿⱑⱄⱅⱑ.
5:14
ⱂⱁ ⱅⱁⰿⱐ ⰶⰵ ⱁⰱⱃⱑⱅⰵ ⰻ ⰻⱄ҃. ⰲⱏ !ⱌⱃⰽⰲⰵ. ⰺ ⱃⰵⱍⰵ ⰵⰿⱆ. ⱄⰵ ⱌⱑⰾⱏ ⰱⱏⰹⱄⱅ ⰽ ⱅⱁⰿⱆ ⱀⰵ ⱄⱏⰳⱃⱑⱎⰰⰻ. ⰴⰰ ⱀⰵ ⰳⱁⱃⰵ ⱍⱅⱁ ⰱⱘⰴⰵⱅⱏ.
5:15
ⰺⰴⰵ ⰶⰵ ⱍⰾⰲ҃ⰽⱏ ⰻ ⱂⱁⰲⱑ[ⰴⱑ] ⰻⱓⰴⰵⱁⰿⱏ. ⱑⰽⱁ ⰻⱄ҃. ⰵⱄⱅⱏ ⰻⰶⰵ ⰻ ⱄⱏⱅⰲⱁⱃⰻ ⱌⱑⰾⰰ :: ⰽ!ⱌ ::
5:16
ⰺ҅ ⱄⰵⰳⱁ ⱃⰰⰴⰻ ⰳⱁⱀⱑⰰⱈⱘ ⰻⱓⰴⰵⰻ ⰻⱄ҃ⰰ. ⰻ ⰻⱄⰽⰰ{ⰰⱈⱘ} ⰰⱈⱘ ⰵⰳⱁ ⱆⰱⰻⱅⰻ. ⰸⰰⱀⰵ ⱄⰻ ⱅⰲⱁⱃⱑⰰⱎⰵ ⰲⱏ ⱄⱁⰱⱁⱅⱘ.
5:17
Ⰺⱄ ⰶⰵ ⱁⱅⱏⰲⱑⱎⱅⰰⰲⰰⱎⰵ ⰻⰿⱏ :: ⱁⱅ҃ⱌⱏ ⰿⱁⰻ ⰴⱁ ⱄⰵⰾⱑ ⰴⱑⰾⰰⰰⱅⱏ. ⰻ ⰰⰸⱏ ⰴⱑⰾⰰⱙ.
5:18
ⱄⰵⰳⱁ ⰶⰵ ⱃⰰⰴⰻ ⰻⱄⰽⰰⰰⱈⱘ ⱂⰰⱍⰵ ⰻⱓⰴⰵⰻ ⰵⰳⱁ ⱆⰱⰻⱅⰻ. ⱑⰽⱁ ⱀⰵ ⱅⱏⰽⰿⱁ ⱃⰰⰸⰰⱃⱑⰰⱎⰵ ⱄⱁⰱⱁⱅⱘ. ⱀⱏ ⰹ ⱁⱌ҃ⰰ ⱄⰲⱁⰵⰳⱁ ⰳⰾ҃ⰰⰰⱎⰵ ⰱ҃ⰰ. {ⱃⰰ} ⱃⰰⰲⰵⱀⱏ ⱄⱔ ⱅⰲⱁⱃⱔ ⰱ҃ⱆ.
5:19
ⱁⱅⱏⰲⱑⱎⱅⰰ ⰶⰵ ⰻⱄ҃ⱏ ⰻ ⱃⰵⱍⰵ ⰻⰿⱏ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱀⰵ ⰿⱁⰶⰵⱅⱏ ⱄⱀ҃ⱏ ⱁ ⱄⰵⰱⱑ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ. ⰰⱎⱅⰵ ⱀⰵ ⰵⰶⰵ ⰲⰻⰴⰻⱅⱏ ⱁⱅ҃ⱌⰰ ⱅⰲ{ⱃ}ⱁⱃⱔⱋⰰ. ⱑⰶⰵ ⰱⱁ ⱁⱀⱏ ⱅⰲⱁⱃⰻⱅⱏ. ⱄⰻ ⰻ ⱄⱀ҃ⱏ ⱅⰰⰽⱁⰶⰴⰵ. ⱅⰲⱁⱃⰻⱅⱏ.
5:20
ⱁⱅ҃ⱌ [ⰱ]ⱁ ⰾⱓⰱⰻⱅⱏ ⱄⱀ҃ⰰ. ⰻ ⰲⱐⱄⱑ ⱂⱁⰽⰰⰸⰰⰰⱅⱏ ⰵⰿⱆ ⱑⰶⰵ ⱄⰰⰿⱏ ⱅⰲⱁⱃⰻⱅⱏ. ⰺ ⰱⱁⰾⱐⱎⰰⰰ ⱄⰻⱈⱏ ⱂⱁⰽⰰⰶⰵⱅⱏ ⰵⰿⱆ ⰴⱑⰾⰰ. ⰴⰰ ⰲⱏⰹ ⱍⱓⰴⰻⱅⰵ ⱄⱔ.
5:21
ⱑⰽⱁ ⰱⱁ ⱁⱌ҃ⱏ ⰲⱐⱄⰽⱃⱑⱎⰰⰰⱅⱏ ⰿⱃⱏⱅⰲⱏⰹⱗ ⰻ ⰶⰻⰲⰻⱅⱏ. ⱅⰰⰽⱁ ⰻ ⱄⱀ҃ⱏ ⱗⰶⰵ ⱈⱁⱎⱅⰵⱅⱏ ⰶⰻⰲⰻⱅⱏ.
5:22
ⱁⱅ҃ⱌⱏ ⰱⱁ ⱀⰵ ⱄⱘⰴⰻⱅⱏ ⱀⰻⰽⱁⰿⱆⰶⰵ. ⱀⱏ ⱄⱘⰴⱏ ⰲⰵⱄⱐ ⰴⰰⱄⱅⱏ ⱄⱀ҃ⱁⰲⰻ.
5:23
ⰴⰰ ⰲⱏⱄⰻ ⱍⱅⱘⱅⱏ ⱄⱀ҃ⰰ ⱑⰽⱁⰶⰵ ⱍⱅⱘⱅⱏ ⱁⱅ҃ⱌⰰ. ⰺ ⰻⰶⰵ ⱀⰵ ⱍⱅⰵⱅⱏ ⱄⱀ҃ⰰ ⱀⰵ ⱍⱐⱅⰵⱅⱏ ⱁⱅ҃ⱌⰰ. ⱂⱁⱄⱏⰾⰰⰲⱏⱎⰰⰰⰳⱁ ⰻ.
5:24
Ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱄⰾⱆⱎ ⱗ҅ⰻ ⱄⰾⱁⰲⰵⱄⰵ ⰿⱁⰵⰳⱁ. ⰻ ⰲⱑⱃⱘ ⰵⰿⰾⱔ ⱂⱁⱄⱏⰾⰰⰲⱏⱎⱓⰿⱆ ⰿⱔ. ⰺⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ. ⰺ ⱀⰰ ⱄⱘⰴⱏ ⱀⰵ ⱂⱃⰻⰴⰵⱅⱏ. ⱀⱏ ⱂⱃⱑⰻⰴⰵⱅⱏ ⱁⱅⱏ ⱄⱏⰿⱃⱏⱅⰻ ⰲⱏ ⰶⰻⰲⱁⱅⱏ.
5:25
ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ ⰻ ⱀⱏⰹⱀⱑ ⰵⱄⱅⱏ. ⰵⰳⰴⰰ ⰿⱃⱏⱅⰲⰻⰻ ⱆⱄⰾⱏⰹⱎⱔⱅⱏ ⰳⰾ҃ⱄⱏ ⱄⱀⰰ ⰱⰶ҃ⰻⱑ. ⰺ ⱆⱄⰾⱏⰹⱎⰰⰲⱏⱎⰵⰻ ⱁⰶⰻⰲⱘⱅⱏ.
5:26
ⱑⰽⱁⰶⰵ ⰱⱁ ⱁⱅ҃ⱌⱏ ⰶⰻⰲⱁⱅⰰ ⰻⰿⰰⱅⱏ ⰲⱐ ⱄⰵⰱⱑ. ⱅⰰⰽⱁ ⰴⰰⱄⱅⱏ ⰻ ⱄⱀ҃ⱁⰲⰻ ⰶⰻⰲⱁⱅⰰ ⰻⰿⱑⱅⰻ ⰲⱐ ⱄⰵⰱⱑ.
5:27
ⰻ ⱁⰱⰾⰰⱄⱅⱏ ⰴⰰⱄⱅⱏ ⰵⰿⱆ ⰻ ⱄⱘⰴⱏ ⱅⰲⱁⱃⰻⱅⰻ. ⱑⰽⱁ ⱄⱀ҃ⱏ ⱍⰾⰲ҃ⱄⰽⱏⰹ ⰵⱄⱅⱏ.
5:28
ⱀⰵ ⰴⰻⰲⰻⱅⰵ ⱄⱔ ⱄⰵⰿⱆ. ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ. ⰲⱐ ⱀⱓⰶⰵ ⰲⱐⱄⰻ ⱄⱁⱎⱅⰵⰻ ⰲⱏ ⰳⱃⱁⰱⱑⱈⱏ. ⱆⱄⰾⱏⰹⱎⱔⱅⱏ ⰳⰾ҃ⱄⱏ ⱄⱀ҃ⰰ ⰱⰶ҃ⰻⱑ.
5:29
ⰻ ⰻⰸⰻⰴⱘⱅⱏ ⱄⱏⱅⰲⱁⱃⱐⱎⰵⰻ ⰱⰾⰰⰳⰰⰰ ⰲⱏ ⰲⱐⱄⰽⱃⱑⱎⰵⱀⰻⰵ ⰶⰻⰲⱁⱅⱆ. ⰰ ⱄⱏⱅⰲⱁⱃⱐⱎⰵⰻ ⰸⱏⰾⰰⰰ ⰲⱏ ⰲⱐⱄⰽⱃⱑⱎⰵⱀⰻⰵ ⱄⱘⰴⱆ.
5:30
ⱀⰵ ⰿⱁⰳⱘ ⰰⰸⱏ ⱁ ⱄⰵⰱⱑ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ. ⱑⰽⱁⰶⰵ ⱄⰾⱏⰹⱎⱘ ⱄⱘⰶⰴⱘ. ⰻ ⱄⱘⰴⱐ ⰿⱁⰻ ⱂⱃⰰⰲⱐⰴⰵⱀⱏ ⰵⱄⱅⱏ. ⱑⰽⱁ ⱀⰵ ⰻⱎⱅⱘ ⰲⱁⰾⱔ ⰿⱁⰵⱗ. ⱀⱏ ⰲⱁⰾⱙ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ ⱁⱅ҃ⱌⰰ :: ⰽ!ⱌ.
5:31
ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰿⱐⱀⱑ. ⱄⱏⰲⱑⱅⰵⰾⱐⱄⱅⰲⱁ ⰿⱁⰵ ⱀⱑⱄⱅⱏ ⰻⱄⱅⰻⱀⱏⱀⱁ.
5:32
ⰺⱀⱏ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱆⱗⰻ ⱁ ⰿⰵⱀⱑ. ⰺ ⰲⱑⰿⱐ ⱑⰽⱁ ⰻⱄⱅⰻⱀⱐⱀⱁ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰵⰶⰵ ⱄⱏⰲⱑⰴⱑⱅⰵⰾⱐⱄⱅⰲⱆⱅⱏ ⱁ ⰿⱏⱀⱑ.
5:33
ⰲⱏⰹ ⱂⱁⱄⱏⰾⰰⱄⱅⰵ ⰽⱏ ⰻⱁ{ⱁ}ⰰⱀⱆ. ⰺ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱁ ⰻⱄⱅⰻⱀⱑ.
5:34
ⰰⰸⱏ ⰶⰵ ⱀⰵ ⱁⱅⱏ ⱍⰾ҃ⰽⰰ ⱄⱏⰲⱑⰴⱑⱅⰵⰾⱐⱄⱅⰲⰰ ⱂⱃⰻⰵⰿⰾⱙ. ⱀⱏ ⱄⰻ ⰳⰾ҃ⱙ ⰴⰰ ⰲⱏⰹ ⱄⱂ҃ⱄⱀⰻ ⰱⱘⰴⰵⱅⰵ.
5:35
ⱁⱀⱏ ⰱⱑ ⱄⰲⱑⱅⰻⰾⱐⱀⰻⰽⱏ ⰳⱁⱃⱔ ⰻ ⱄⰲⱐⱅⱔ. ⰲⱏ[ⰹ] ⰶⰵ ⱈⱁⱅⱑⱄⱅⰵ ⰲⱏⰸⰴⱃⰰⰴⱁⰲⰰⱅⰻ ⱄⱔ ⰲⱏ ⰳⱁⰴⰻⱀⱘ ⱄⰲⱐⱅⱑⱀⰻⱑ ⰵⰳⱁ.
5:36
ⰰⰸⱏ ⰶⰵ ⰻⰿⰰⰿⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰱⱁⰾⰵ ⰻⱁⰰⱀⱁⰲⰰ. ⰴⱑⰾⰰ ⰱⱁ ⱑⰶⰵ ⰴⰰⱄⱅⱏ ⰿⱏⱀⱑ ⱁⱅ҃ⱌⱏ ⰴⰰ ⱄⱏⰲⱃⱏⱎⱘⱑ. ⱅⰰ ⰴⱑⰾⰰ ⱑⰶⰵ ⱅⰲⱁⱃⱙ. ⱄⱏⰲⱑⰴⱑⱅⰵⰾⱏⱄⱅⰲⱆⱙⱅⱏ ⱁ ⰿⱐⱀⱑ. ⱑⰽⱁ ⱁⱅⰵⱌⱏ ⰿⱔ ⱂⱁⱄⱏⰾⰰ.
5:37
ⰻ ⱂⱁⱄⱏⰾⰰⰲⱏⰹ ⰿⱔ ⱁⱅ҃ⱌⱏ. ⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱁ ⰿⱐⱀⱑ. ⱀⰻ ⰳⰾⰰⱄⰰ ⰵⰳⱁ ⱀⰻⰽⱏⰴⰵⰶⰵ ⱄⰾⱏⰹⱎⰰⱄⱅⰵ. ⱀⰻ ⰲⰻⰴⱑⱀⰻⱑ ⰵⰳⱁ ⰲⰻⰴⱑⱄⱅⰵ.
5:38
ⰺ ⱄⰾⱁⰲⰵⱄⰵ ⰵⰳⱁ ⱀⰵ ⰻⰿⰰⱅⰵ ⱂⱃⱑⰱⱏⰹⰲⰰⱙⱎⱅⰰ ⰲⱏ ⰲⰰⱄⱏ. ⰸⰰⱀⰵ ⰵⰳⱁⰶⰵ ⱅⱏ ⱂⱁⱄⱏⰾⰰ ⱄⰵⰿⱆ ⰲⱏⰹ ⰲⱑⱃⱏⰹ ⱀⰵ ⰵⰿⰾⰵⱅⰵ.
5:39
ⰺⱄⱂ{ⱄ}ⱏⰹⱅⰰⰺⱅⰵ ⰽⱏⱀⰻⰳⱏⰹ ⱑⰽⱁ ⰲⱏⰹ ⰿⱏⱀⰻⱅⰵ ⰲⱏ ⱀⰻⱈⱏ ⰺⰿⱑⱅⰻ ⰶⰻⰲⱁⱅⱏ ⰲⱑⱍⱏⱀⱏⰹ. ⰺ ⱅⱏⰻ ⱄⱘⱅⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙⱎⱅⱔ ⱁ ⰿⱐⱀⱑ.
5:40
ⰺ ⱀⰵ ⱈⱁⱋⰵⱅⰵ ⱂⱃⰻⱅⰻ ⰽⱏ ⰿⱐⱀⱑ. ⰴⰰ ⰶⰻⰲⱁⱅⱏ ⰻⰿⰰⱅⰵ.
5:41
ⱄⰾⰰⰲⱏⰹ ⱁⱅⱏ ⱍⰾ҃ⰽⱏ ⱀⰵ !ⱂⱃⰻⰵⰿⰾⱙ
5:42
ⱀⱏ ⱃⰰⰸⱆⰿⱑⱙ ⰲⱏⰹ ⱑⰽⱁ ⰾⱙⰱⱐⰲⰵ ⰱⰶ҃ⰻⱗ ⱀⰵ ⰻⰿⰰⱅⰵ ⰲⱐ ⱄⰵⰱⱑ.
5:43
ⰰⰸⱏ ⱂⱃⰻⰴⱏ ⰲⱏ ⰹⰿⱔ ⱁⱅ҃ⱌⰰ ⰿⱁⰵⰳⱁ ⰻ ⱀⰵ ⱂⱃⰻⰵⰿⰾⰵⱅⰵ ⰿⰵⱀⰵ. ⰰⱎⱅⰵ ⰻⱀⱏ ⱂⱃⰻⰴⰵⱅⱏ ⰲⱏ ⰹ[ⰿⱔ] ⱄⰲⱁⰵ ⱅⱁⰳⱁ ⱂⱃⰻⰵⰿⰾⰵⱅⰵ.
5:44
ⰽⰰⰽⱁ ⰲⱏⰹ ⰿⱁⰶⰵⱅⰵ ⰲⱑⱃⱁⰲⰰⱅⰻ ⱄⰾⰰⰲⱘ ⰴⱃⱆⰳⱏ ⱁⱅⱏ ⰴⱃⱆⰳⰰ ⱂⱃⰻⰵⰿⰾⱙⱎⱅⰵ. ⰺ҅ ⱄⰾⰰⰲⱏⰹ ⱑⰶⰵ ⱁⱅⱏ ⰵⰴⰻⱀⰰⰰⰳⱁ ⰱ҃ⰰ ⱀⰵ ⰻⱋⰵⱅⰵ.
5:45
ⱀⰵ ⰿⱐⱀⰻⱅⰵ ⱑⰽⱁ ⰰⰸⱏ ⱀⰰ ⰲⱏⰹ ⱃⰵⰽⱘ ⰽⱏ ⱁⱅⱏⱌⱆ. ⰵⱄⱅⱏ ⰻⰶⰵ ⱀⰰ ⰲⱏⰹ ⰳⰾ҃ⱅⱏ ⰿⱁⱄⰻ. ⱀⰰ ⱀⰵⰳⱁⰶⰵ ⰲⱏⰹ ⱆⱂⱏⰲⰰⱄⱅⰵ.
5:46
ⰰⱎⱅⰵ ⰱⱁ ⰱⰻⱄⱅⰵ ⰲⱑⱃⱘ ⰻⰿⰰⰾⰻ ⰿⱁⱄⰵⱁⰲⰻ. ⰲⱑⱃⱘ ⰱⰻⱄⱅⰵ ⱗⰾⰻ ⰻ ⰿⱐⱀⱑ. ⱁ ⰿⱐⱀⱑ ⰱⱁ ⱅⱏ ⱂⰻⱄⰰ.
5:47
ⰰⱋⰵ ⰾⰻ ⱅⱁⰳⱁ ⰽⱏⱀⰻⰳⰰⰿⱏ ⰲⱑⱃⱏⰹ ⱀⰵ ⰵⰿⰾⰵⱅⰵ. ⰽⰰⰽⱁ ⰿⱁⰻⰿⱏ ⰳⰾ҃ⰿⱏ ⰲⱑⱃⱘ ⰵ!ⰻⰿⰵⱅⰵ.