ЕВАНГЕЛИЕ ЕЖЕ Ѿ ІОАННА
4:1
Ⰵⰳⰴⰰ ⰶⰵ ⱆⰲⱑⰴⱑ ⰳ҃ⱏ ⱑⰽⱁ ⱆⱄⰾⱏⰹⱎⰰⱎⱔ ⱇⰰⱃⰻⱄⱑⰻ. ⱑⰽⱁ ⰻⱄ҃ⱏ ⰿⱏⱀⱁⰶⰰⰻⱎⱔ ⱆⱍⰵⱀⰻⰽⱏⰹ ⱅⰲⱁⱃⰻⱅⱏ. ⰺ ⰽⱃⱏⱎⱅⰰⰰⱅⱏ ⱀⰵⰶⰵ ⰻⱁⰰⱀⱏ.
4:2
ⰰ ⰻⱄ҃ⱏ ⱄⰰⰿⱏ ⱀⰵ ⰽⱃⱏⱎⱅⰰⰰⱎⰵ ⱀⱏ ⱆⱍⰵⱀⰻⱌⰻ ⰵⰳⱁ.
4:3
ⱁⱄⱅⰰⰲⰻ ⰻⱓⰴⰵⱙ. ⰻ ⰻⰴⰵ ⱂⰰⰽⱏⰹ ⰲⱏ ⰳⰰⰾⰻⰾⰵⱙ.
4:4
ⰴⱁⱄⱅⱁⱑⰰⱎⰵ ⰶⰵ ⰵⰿⱆ ⱂⱃⱁⰻⱅⰻ ⱄⰽⱁⰸⱑ ⱄⰰⰿⰰⱃⰻⱙ ::
4:5
Ⱂⱃⰻⰴⰵ ⰶⰵ ⰻⱄ҃ⱏ ⰲⱏ ⰳⱃⰰⰴⱏ. ⱄⰰⰿⰰⱃⱐⱄⰽⱏ. ⱀⰰⱃⰻⱌⰰⰵⰿⱏⰹ ⱄⱛⱈⰰⱃⱐ. ⰺⱄⰽⱃⱐ ⰲⱐⱄⰻ ⱙⰶⰵ ⰴⰰⱄⱅⱏ ⰻⱑⰽⱁⰲⱏ ⰻⱁⱄⰻⱇⱆ ⱄⱀ҃ⱆ ⱄⰲⱁⰵⰿⱆ.
4:6
ⰱⱑ ⰶⰵ ⱅⱆ ⱄⱅⱆⰴⰵⱀⰵⱌⱏ ⰻⱑⰽⱁⰲⰾⱐ. ⰺⱄ҃ ⰶⰵ ⱅⱃⱆⰶⰴⱏ ⱄⱔ ⱁⱅⱏ ⱂⱁⱅⰻ. ⱄⱑⰴⱑⰰⱎⰵ ⱅⰰⰽⱁ ⱀⰰ ⱄⱅⱆⰴⰵⱀⱐⱌⰻ. ⰳⱁⰴⰻⱀⰰ ⰱⱑ ⱑⰽⱁ ⱎⰵⱄⱅⰰⰰ.
4:7
ⱂⱃⰻⰴⰵ ⰶⰵⱀⰰ ⱁⱅⱏ ⱄⰰⰿⰰⱃⰻⱗ ⱂⱁⱍⱃⱑⱅⱏ ⰲⱁⰴⱏⰹ. ⰳⰾ҃ⰰ ⰻⱄ҃ⱏ ⰴⰰⰶⰴⱏ ⰿⰻ ⱂⰻⱅⰻ.
4:8
ⱆⱍⰵⱀⰻⱌⰻ ⰱⱁ ⰵⰳⱁ ⱁⱎⱏⰾⰻ ⰱⱑⰰⱈⱘ ⰲⱏ ⰳⱃⰰⰴⱏ. ⰴⰰ ⰱⱃⰰⱎⱏⱀⰰ ⰽⱆⱂⱔⱅⱏ.
4:9
ⰳⰾ҃ⰰ ⰶⰵ ⰵⰿⱆ ⰶⰵⱀⰰ ⱄⰰⰿⰰⱃⱑⱀⱏⰹⱀⰻ. ⰽⰰⰽⱁ ⱅⱏⰹ ⰻⱓⰴⰵⰻ ⱄⱏⰹ ⱁⱅⱏ ⰿⰵⱀⰵ ⱂⰻⱅⰻ ⱂⱃⱁⱄⰻⱎⰻ. ⰶⰵⱀⱏⰹ ⱄⰰⰿⰰⱃⱑⱀⱏⰹⱀⱔ ⱄⱘⱎⱅⰵ. ⱀⰵ ⱂⱃⰻⰽⰰⱄⰰⱙⱅⱏ ⰱⱁ ⱄⱔ ⰻⱓⰴⰵⰻ ⱄⰰⰿⰰⱃⱑⱀⰵⱈⱏ.
4:10
ⱁⱅⱏⰲⱑⱎⱅⰰ ⰻⱄ҃ⱏ ⰻ ⱃⰵⱍⰵ ⰵⰻ. ⰰⱎⱅⰵ ⰱⰻ ⰲⱑⰴⱑⰾⰰ ⰴⰰⱃⱏ ⰱⰶ҃ⰹⰻ. ⰺ ⰽⱅⱁ ⰵⱄⱅⱏ ⰳⰾ҃ⱔⰻ ⱅⰻ ⰴⰰⰶⰴⱐ ⰿⰻ ⱂⰻⱅⰻ. ⱅⱏⰹ ⰱⰻ ⱂⱃⱁⱄⰻⰾⰰ ⱆ ⱀⰵⰳⱁ ⰻ ⰴⰰⰾⱏ ⱅⰻ ⰱⰻ ⰲⱁⰴⱘ ⰶⰻⰲⱘ.
4:11
ⰳⰾ҃ⰰ ⰵⰿⱆ ⰶⰵⱀⰰ ⰳ҃ⰻ ⱀⰻ ⱂⱁⱍⱃⱏⱂⰰⰾⰰ ⰻⰿⰰⱎⰻ. ⰻ ⱄⱅⱆⰴⰵⱀⰵⱌⱏ ⰵⱄⱅⱏ ⰳⰾⱘⰱⱁⰽⱏ. ⱁⱅⱏ ⰽⱘⰴⱘ ⱆⰱⱁ ⰻⰿⰰⱎⰻ ⰲⱁⰴⱘ ⰶⰻⰲⱘ.
4:12
ⰵⰴⰰ ⱅⱏⰹ ⰱⱁⰾⰵⰻ ⰵⱄⰻ ⱁⱅⱏⱌⰰ ⱀⰰⱎⰵⰳⱁ ⰻⱑⰽⱁⰲⰰ. ⰺⰶⰵ ⰴⰰⱄⱅⱏ ⱀⰰⰿⱏ ⱄⱅⱆⰴⰵⱀⰵⱌⱏ ⱄⱐ. ⰺ ⱅⱏ ⰻⰸ ⱀⰵⰳⱁ ⱂⰻⱅⱏ ⰻ ⱄⱀ҃ⰲⰵ ⰵⰳⱁ ⰻ ⱄⰽⱁⱅⰻ ⰵⰳⱁ.
4:13
ⱁⱅⱏⰲⱑⱎⱅⰰ ⰻⱄ҃ⱏ ⰻ ⱃⰵⱍⰵ ⰵⰻ. ⰲⱐⱄⱑⰽⱏ ⱂⰻⱗⰻ ⱁⱅⱏ ⰲⱁⰴⱏⰹ ⱄⰵⱗ ⰲⱐⰶⱔⰶⰴⰵⱅⱏ ⱄⱔ ⱂⰰⰽⱏⰹ.
4:14
ⰰ ⰻⰶⰵ ⱂⰻⰵⱅⱏ ⱁⱅⱏ ⰲⱁⰴⱏⰹ ⱙⰶⰵ ⰰⰸⱏ ⰴⰰⰿⱐ ⰵⰿⱆ. ⱀⰵ ⰲⱐⰶⰴⱔⰴⰰⰰⱅⱏ ⱄⱔ ⰲⱏ ⰲⱑⰽⱏ.
4:14
ⱀⱏ ⰲⱁⰴⰰ ⱙⰶⰵ ⰰⰸⱏ ⰴⰰⰿⱐ ⰵⰿⱆ. ⰱⱘⰴⰵⱅⱏ ⰲⱏ ⱀⰵⰿⱐ ⰻⱄⱅⱁⱍⱐⱀⰻⰽⱏ ⰲⱁⰴⱏⰹ. ⰲⱏⱈⱁⰴⱔⱋⱔ ⰲⱏ ⰶⰻⰲⱁⱅⱏ ⰲⱑⱍⱏⱀⱏⰹ.
4:15
ⰳⰾ҃ⰰ ⰽⱏ ⱀⰵⰿⱆ ⰶⰵⱀⰰ. ⰳ҃ⰻ ⰴⰰⰶⰴⱏ ⰿⰻ ⱄⰻⱙ ⰲⱁⰴⱘ. ⰴⰰ ⱀⰻ ⰶⱔⰶⰴⱘ ⱀⰻ ⱂⱃⰻⱈⱁⰶⰴⱘ ⱄⱑⰿⱁ ⱂⱁⱍⱃⱏⱂⰰⱅⱏ.
4:16
ⰳⰾ҃ⰰ ⰵⰻ ⰻⱄ҃. ⰺⰴⰻ ⱂⱃⰻⰸⱁⰲⰻ ⰿⱘⰶⱐ ⱅⰲⱁⰻ. ⰺ ⱂⱃⰻⰴⰻ ⱄⱑⰿⱁ.
4:17
ⱁⱅⱏⰲⱑⱎⱅⰰ ⰶⰵⱀⰰ ⰻ ⱃⰵⱍⰵ ⰵⰿⱆ. ⱀⰵ ⰻⰿⰰⰿⱏ ⰿⱘⰶⰰ. ⰳⰾ҃ⰰ ⰵⰻ ⰻⱄ҃ⱏ. ⰴⱁⰱⱃⱑ ⱃⰵⱍⰵ ⱑⰽⱁ ⰿⱘⰶⰰ ⱀⰵ ⰻⰿⰰⰿⱏ.
4:18
ⱂⱔⱅⱐ ⰱⱁ ⰿⱘⰶⱐ ⰻⰿⱑⰾⰰ ⰵⱄⰻ. ⰺ ⱀⱏⰹⱀⱑ ⰵⰳⱁⰶⰵ ⰻⰿⰰⱎⰻ ⱀⱑⱄⱅⱏ ⱅⰻ ⰿⱘⰶⱏ. ⱄⰵ ⰲⱏ ⰹⱄⱅⰻⱀⱘ ⱃⰵⱍⰵ.
4:19
ⰳⰾ҃ⰰ ⰵⰿⱆ ⰶⰵⱀⰰ. ⰳ҃ⰻ ⰲⰻⰶⰴⱘ ⱑⰽⱁ !ⱂⱃⰽⱏ ⰵⱄⰻ ⱅⱏⰹ.
4:20
ⱁⱅⱏⱌⰻ ⱀⰰⱎⰻ ⰲⱏ ⰳⱁⱃⱑ ⱄⰵⰻ ⱂⱁⰽⰾⱁⱀⰻⱎⱔ ⱄⱔ. ⰺ ⰲⱏⰹ ⰳⰾ҃ⱅⰵ ⱑⰽⱁ ⰲⱏ !ⰵⰿⱑ ⰵⱄⱅⱏ ⰿⱑⱄⱅⱁ ⰺⰴⰵⰶⰵ ⰽⰾⰰⱀⱑⱅⰻ ⱄⱔ ⱂⱁⰴⱁⰱⰰⰰⱅⱏ.
4:21
ⰳⰾ҃ⰰ ⰵⰻ ⰻⱄ҃. ⰶⰵⱀⱁ ⰲⱑⱃⱘ ⰻⰿⰻ ⰿⰻ ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ. ⰵⰳⰴⰰ ⱀⰻ ⰲⱏ ⰳⱁⱃⱑ ⱄⰵⰻ ⱀⰻ ⰲⱏ !ⰻⰿⱑⱈⱏ ⱂⱁⰽⰾⱁⱀⰻⱅⰵ ⱄⱔ ⱁⱅ҃ⱌⱓ.
4:22
ⰲⱏⰹ ⰽⰾⰰⱀⱑⰰⱅⰵ ⱄⱔ ⰵⰳⱁⰶⰵ ⱀⰵ ⰲⱑⱄⱅⰵ. ⰿⱏⰹ ⰶⰵ ⰽⰾⰰⱀⱑⰵⰿⱏ ⱄⱔ ⰵⰶⰵ ⰲⱑⰿⱏ. ⱑⰽⱁ ⱄⱂ҃ⱄⱀⰻⰵ ⱁⱅⱏ ⰻⱓⰴⰵⰻ ⰵⱄⱅⱏ.
4:23
ⱀⱏ ⰳⱃⱔⰴⰵⱅⱏ ⰳⱁⰴⰻⱀⰰ ⰻ ⱀⱏⰹⱀⱑ ⰵⱄⱅⱏ. ⰵⰳⰴⰰ ⰻⱄⱅⰻⱀⱐⱀⰻ ⱂⱁⰽⰾⱁⱀⱐⱀⰻⱌⰻ {...} ⱂⱁⰽⰾⱁⱀⱔⱅⱏ ⱄⱔ ⱁⱅ҃ⱌⱓ. ⰴⱈ҃ⱁⰿⱐ ⰻ ⰻⱄⱅⰻⱀⱁⱙ. ⰺⰱⱁ ⱁⱅⱌⱏ ⱅⰰⱌⱑⱈⱏ ⰻⱎⱅⰵⱅⱏ ⱂⱁⰽⰾⰰⱀⱑⱙⱎⱅⰻⱈⱏ ⱄⱔ ⰵⰿⱆ.
4:24
ⰴⱈ҃ⱏ ⰵⱄⱅⱏ ⰱ҃ⱏ. ⰺ ⰻⰶⰵ ⰽⰾⰰⱀⱑⰰⱅⱏ ⱄⱔ ⰵⰿⱆ ⰴⱈ҃ⰿⱐ ⰻ ⰻⱄⱅⰻⱀⱁⱙ ⰴⱁⱄⱅⱁⰻⱅⱏ ⰽⰾⰰⱀⱑⱅⰻ ⱄⱔ.
4:25
ⰳⰾ҃ⰰ ⰵⰿⱆ ⰶⰵⱀⰰ. ⰲⱑⰿⱐ ⱑⰽⱁ ⰿⰵⱄⰻⱑ ⱂⱃⰻⰴⰵⱅⱏ ⱃⰵⰽⱁⰿⱏⰹ !ⱈⱏ. ⰵⰳⰴⰰ ⱅⱏ ⱂⱃⰻⰴⰵⱅⱏ ⰲⱐⰸⰲⱑⱄⱅⰻⱅⱏ ⱀⰰⰿⱏ ⰲⱐⱄⱑ.
4:26
ⰳⰾ҃ⰰ ⰵⰻ ⰻⱄ҃. ⰰⰸⱏ ⰵⱄⰿⱏ ⰳⰾ҃ⱔⰻ ⱄⱏ ⱅⱁⰱⱁⱙ.
4:27
ⰺ ⱅⱏⰳⰴⰰⰶⰴⰵ ⱂⱃⰻⰴⱘ ⱆⱍⰵⱀⰻⱌⰻ ⰵⰳⱁ. ⰺ ⱍⱆⰶⰴⰰⰰⱈⱘ ⱄⱔ ⱑⰽⱁ ⱄⱏ ⰶⰵⱀⱁⱙ ⰳⰾ҃ⰰⰰⱎⰵ. ⰺ ⱀⰻⰽⱅⱁⰶⰵ ⱀⰵ ⱃⰵⱍⰵ ⱍⰵⱄⱁ ⰻⱎⱅⰵⱎⰻ. ⰺⰾⰻ ⱍⱅⱁ ⰳⰾ҃ⰵⱎⰻ ⱄⱏ ⱀⰵⱙ.
4:28
ⱁⱄⱅⰰⰲⰻ ⰶⰵ ⰲⱁⰴⱁⱀⱁⱄⱏ ⱄⰲⱁⰻ ⰶⰵⱀⰰ. ⰺ ⰻⰴⰵ ⰲⱏ ⰳⱃⰰⰴⱏ. ⰺ ⰳⰾ҃ⰰ ⱍⰾ҃ⰽⰿⱏ.
4:29
ⱂⱃⰻⰴⱑⱅⰵ ⰻ ⰲⰻⰴⰻⱅⰵ ⱍⰾ҃ⰽⰰ ⰺ҅ⰶⰵ ⱃⰵⱍⰵ ⰿⰻ ⰲⱐⱄⱑ ⰵⰾⰻⰽⱁ ⱄⱏⱅⰲⱁⱃⰻⱈⱏ. ⰵⰴⰰ ⱅⱏ ⰵⱄⱅⱏ !ⱈⱏ.
4:30
ⰺⰸⰻⰴⱘ ⰶⰵ ⰻⰸ ⰳⱃⰰⰴⰰ ⰻ ⰳⱃⱔⰴⱑⰰⱈⱘ ⰽⱏ ⱀⰵⰿⱆ.
4:31
ⰿⰵⰶⰴⱓ ⰶⰵ ⱄⰻⰿⱏ ⰿⱁⰾⱑⰰⱈⱘ ⰻ ⱆⱍⰵⱀⰻⱌⰻ ⰵⰳⱁ. ⰳⰾ҃ⱙⱋⰵ ⱃⰰⰲⱐⰲⰻ ⱑⰶⰴⱏ.
4:32
ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ. ⰰⰸⱏ ⰱⱃⰰⱎⱏⱀⱁ ⰻⰿⰰⰿⱏ ⱑⱄⱅⰻ ⰵⰳⱁⰶⰵ ⰲⱏⰹ ⱀⰵ ⰲⱑⱄⱅⰵ.
4:33
ⰳⰾ҃ⰰⱈⱘ ⰶⰵ ⱆⱍⰵⱀⰻⱌⰻ ⰽⱏ ⱄⰵⰱⱑ. ⰵⰴⰰ ⰽⱅⱁ ⱂⱃⰻⱀⰵⱄⰵ ⰵⰿⱆ ⱑⱄⱅⰻ.
4:34
ⰳⰾ҃ⰰ ⰻⰿⱏ ⰻⱄ҃ⱏ. ⰿⱁⰵ ⰱⱃⰰⱎⱏⱀⱁ ⰵⱄⱅⱏ ⰴⰰ ⱅⰲⱁⱃⱙ ⰲⱁⰾⱙ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺ ⱄⱏⰲⱃⱏⱎⱘ ⰴⱑⰾⰰ ⰵⰳⱁ.
4:35
ⱀⰵ ⰲⱏⰹ ⰾⰻ ⰳⰾ҃ⰵⱅⰵ ⱑⰽⱁ ⰵⱎⱅⰵ ⱍⰵⱅⱏⰹⱃⰻ ⰿⱑⱄⱔⱌⰻ ⱄⱘⱅⱏ. ⰺ ⰶⱔⱅⰲⰰ ⱂⱃⰻⰴⰵⱅⱏ. ⱄⰵ ⰳⰾ҃ⱙ ⰲⰰⰿⱏ. ⰲⱐⰸⰲⰵⰴⱑⱅⰵ ⱁⱍⰻ ⰲⰰⱎⰻ ⰻ ⰲⰻⰴⰻⱅⰵ ⱀⰻⰲⱏⰹ. ⱑⰽⱁ ⱂⰾⰰⰲⱏⰹ ⱄⱘⱅⱏ ⰽⱏ ⰶⱔⱅⰲⱑ ⱓⰶⰵ.
4:36
ⰺ ⰶⱐⱀⱔⰻ ⰿⱏⰸⰴⱘ ⱂⱃⰻⰵⰿⰾⰵⱅⱏ. ⰺ ⱄⱏⰱⰻⱃⰰⱗⰻ ⱂⰾⱁⰴⱏ ⰲⱏ ⰶⰻⰲⱁⱅⱏ ⰲⱑⱍⱏⱀⱏⰹ. ⰴⰰ ⰻ ⱄⱑⱗⰻ ⰲⱏⰽⱆⱂⱑ ⱃⰰⰴⱆⱆⱅⱏ ⱄⱔ ⰻ ⰶⱐⱀⱔⰻ.
4:37
ⱁ ⱄⰵⰿⱐ ⰱⱁ ⰵⱄⱅⱏ ⱄⰾⱁⰲⱁ ⰻⱄⱅⱁⰲⱁⰵ. ⱑⰽⱁ ⰻⱀⱏ ⰵⱄⱅⱏ ⱄⱑ ⰻ҅. ⰺ ⰻⱀⱏ ⰵⱄⱅⱏ ⰶⱐⱀⱔⰻ.
4:38
ⰰⰸⱏ ⱂⱁⱄⱏⰾⰰⱈⱏ ⰲⱏⰹ ⰶⱔⱅⱏ. ⰺⰴⰵⰶⰵ ⰲⱏⰹ ⰿⰵ ⱅⱃⱆⰴⰻⱄⱅⰵ ⱄⱔ. ⰺⱀⰻ ⱅⱃⱆⰴⰻⱎⱔ ⱄⱔ ⰻ ⰲⱏⰹ ⰲⱏ ⱅⱃⱆⰴⱏⰹ ⰻⱈⱏ ⰲⱐⱀⰻⰴⰵⱅⰵ.
4:39
ⱁⱅⱏ ⰳⱃⰰⰴⰰ ⰶⰵ ⱅⱁⰳⱁ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱐ ⱀⰵⰳⱁ. ⱁⱅⱏ ⱄⰰⰿⰰⱃⱑⱀⱏ. ⰸⰰ ⱄⰾⱁⰲⱁ ⰶⰵⱀⱑ ⱄⱏⰲⱑⰴⱑⱅⰵⰾⱐⱄⱅⰲⱆⱙⱎⱅⰻ. ⱑⰽⱁ ⱃⰵⱍⰵ ⰿⰻ ⰲⱐⱄⱑ ⰵⰾⰻⰽⱁ ⱄⱏⱅⰲⱁⱃⰻⱈⱏ.
4:40
ⰵⰳⰴⰰ ⰶⰵ ⱂⱃⰻⰴⱘ ⱄⰰⰿⰰⱃⱑⱀⰵ ⰽⱏ ⱀⰵⰿⱆ. ⰿⱁⰾⱑⰰⱈⱘ ⰻ ⰴⰰ ⰱⰻ ⱂⱃⱑⰱⱏⰹⰾⱏ ⱆ ⱀⰻⱈⱏ. ⰺ ⱂⱃⱑⰱⱏⰹⱄⱅⱏ ⱅⱆ ⰴⱏⰲⰰ ⰴⱐⱀⰻ.
4:41
ⰺ ⰿⱏⱀⱁⰳⱁ ⱂⰰⱍⰵ ⰲⱑⱃⱁⰲⰰⱎⱔ ⰸⰰ ⱄⰾⱁⰲⱁ ⰵⰳⱁ.
4:42
ⰶⰵⱀⱑ ⰶⰵ ⰳⰾ҃ⱈⱘ. ⱑⰽⱁ ⱓⰶⰵ ⱀⰵ ⰸⰰ ⱅⰲⱁⱙ ⰱⰵⱄⱑⰴⱘ ⰲⱑⱃⱆⰵⰿⱏ. ⱄⰰⰿⰻ ⰱⱁ ⱄⰾⱏⰹⱎⰰⱈⱁⰿⱏ ⰻ ⰲⱑⰿⱏ. ⱑⰽⱁ ⱄⱐ ⰵⱄⱅⱏ ⰲⱏ ⰹⱄⱅⰻⱀⱘ ⱄⱂ҃ⱄⱏ ⰿⰻⱃⰰ !ⱈⱏ :: ⰽ!ⱌ ::
4:43
Ⱂⱁ ⰴⱏⰲⱁⱓ ⰶⰵ ⰴⱏⱀⱆ ⰻⰸⰻⰴⰵ ⱁⱅⱏ ⱅⱘⰴⱆ. ⰻ ⰺⰴⰵ ⰲⱏ ⰳⰰⰾⰻⰾⰵⱙ.
4:44
ⱄⰰⰿⱏ ⰱⱁ ⰻⱄ҃ⱏ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱑⰽⱁ !ⱂⱃⰽⱏ ⰲⱏ ⱄⰲⱁⰵⰿⱐ ⱁⱅⱏⱍⱏⱄⱅⰲⰻⰻ ⱀⰵ ⰻⰿⰰⱅⱏ ⱍⱐⱄⱅⰻ.
4:45
ⰵⰳⰴⰰ ⰶⰵ ⱂⱃⰻⰴⰵ ⰲⱏ ⰳⰰⰾⰻⰾⱑⱙ. ⱂⱃⰻⱗⱄⱔ ⰻ ⰳⰰⰾⰻⰾⱑⰰⱀⰵ. ⰲⱐⱄⱑ ⰲⰻⰴⱑⰲⱏⱎⰵ ⰵⰾⰻⰽⱁ ⱄⱏⱅⰲⱁⱃⰻ ⰲⱏ !ⰺⰿⱑⱈⱏ. !ⰺⰿⱑⱈⱏ. ⰲⱏ ⱂⱃⰰⰸⰴⱐⱀⰻⰽⱏ. ⰺ ⱅⰻ ⰱⱁ ⱂⱃⰻⰴⱘ ⰲⱏ ⱂⱃⰰⰸⰴⱐⱀⰻⰽⱏ.
4:46
ⱂⱃⰻⰴⰵ ⰶⰵ ⱂⰰⰽⱏⰹ ⰻⱄ҃ ⰲⱏ ⰽⰰⱀⰰ ⰳⰰ[ⰾⰻ]ⰾ ⱘ҅. ⰻⰴⰵⰶⰵ ⱄⱏⱅⰲⱁⱃⰻ ⱁⱅⱏ ⰲⱁⰴⱏⰹ ⰲⰻⱀⱁ :: :: ⰸ!ⱍ :: Ⰱⱑ ⰶⰵ ⰵⱅⰵⱃⱏ ⱌⱄ҃ⱃⱏ ⰿⱘⰶⱏ. ⰵⰳⱁⰶⰵ ⱄⱀ҃ⱏ ⰱⱁⰾⱑⰰⱎⰵ ⰲⱏ ⰽⰰⱂⰵⱃⱐⱀⰰⱆⰿⱑ.
4:47
ⱄⱐ ⱄⰾⱏⰹⱎⰰⰲⱏ ⱑⰽⱁ ⰻⱄ҃ ⱂⱃⰻⰴⰵ ⱁⱅⱏ ⰻⱓⰴⰵⱗ ⰲⱏ ⰳⰰⰾⰻⰾⱑⱘ. ⰻⰴⰵ ⰽⱏ ⱀⰵⰿⱆ ⰻ ⰿⱁⰾⱑⰰⱎⰵ ⰻ. ⰴⰰ ⱄⱏⱀⰻⰴⰵⱅⱏ ⰻ ⰺⱄⱌⱑⰾⰻⱅⱏ ⱄⱀ҃ⰰ ⰵⰳⱁ. ⰱⱑ ⰱⱁ ⱆⰿⰻⱃⰰⱗ.
4:48
ⱃⰵⱍⰵ ⰶⰵ ⰽⱏ ⱀⰵⰿⱆ ⰻⱄ҃ⱏ. ⰰⱎⱅⰵ ⰸⱀⰰⰿⰵⱀⰻⰻ ⰻ ⱍⱓⰴⰵⱄⱏ ⱀⰵ ⰲⰻⰴⰻⱅⰵ. ⱀⰵ ⰻⰿⰰⱅⰵ ⰲⱑⱃⱏⰹ ⱗⱅⰻ.
4:49
ⰳⰾ҃ⰰ ⰽⱏ ⱀⰵⰿⱆ ⱌⱄ҃ⱃⱏ ⰿⱘⰶⱏ. ⰳ҃ⰻ ⱄⱏⱀⰻⰴⰻ ⱂⱃⱑⰶⰴⰵ ⰴⰰⰶⰵ ⱀⰵ ⱆⰿⱐⱃⰵⱅⱏ ⱁⱅⱃⱁⱍⱔ ⰿⱁⰵ.
4:50
ⰳⰾ҃ⰰ ⰽⱏ ⱀⰵⰿⱆ ⰻⱄ҃ⱏ ⰻⰴⰻ ⱄⱀ҃ⱏ ⱅⰲⱁⰻ ⰶⰻⰲⱏ ⰵⱄⱅⱏ ⰺ ⰲⱑⱃⱘ ⰵⰿⱏ ⱍⰾⰲ҃ⰽⱏ ⱄⰾⱁⰲⰵⱄⰻ ⰵⰶⰵ ⱃⰵⱍⰵ ⰵⰿⱆ ⰻⱄ҃ [ⰻ]ⰴⱑⰰⱎⰵ.
4:51
ⰰⰱⰻⰵ ⰶⰵ ⱄⱏⱈⱁⰴⱔⱋⱓ ⰵⰿⱆ. ⱄⰵ ⱃⰰⰱⰻ ⰵⰳⱁ ⱄⱏⱃⱑⱅⱘ ⰻ ⰳⰾ҃ⱙⱋⰵ. ⱑⰽⱁ ⱄⱀ҃ⱏ ⱅⰻ ⰶⰻⰲⱏ ⰵⱄⱅⱏ.
4:52
ⰲⱏⱂⱃⰰⱎⰰ ⰶⰵ ⰳⱁⰴⰻⱀⱏⰹ ⱁⱅⱏ ⱀⰻⱈⱏ. ⰲⱏ ⰽⱘⱙ ⱄⱆⰾⱑⰵ ⰵⰿⱆ ⰱⱏⰹ!ⱄ ⱃⱑⱎⱔ ⰶⰵ ⰵⰿⱆ ⱑⰽⱁ ⰲⱏⱍⰵⱃⰰ ⰲⱏ ⰳⱁⰴⰻⱀⱘ ⱄⰵⰴⰿⱘⱙ ⱁⱄⱅⰰⰲⰻ ⰻ ⱁⰳⱀⱐ
4:53
ⱃⰰⰸⱆⰿⱑ ⰶⰵ {ⱁ} ⱁⱌ҃ⱏ ⱑⰽⱁ ⱅⰰ ⰱⱑ ⰳⱁⰴⰻⱀⰰ ⰲⱐ ⱀⱓⰶⰵ ⱃⰵⱍⰵ ⰵⰿⱆ ⰻⱄ҃ ⱑⰽⱁ ⱄⱀ҃ⱏ ⱅⰲⱁⰻ ⰶⰻⰲⱏ ⰵⱄⱅⱏ. ⰺ ⰲⱑⱃⱁⰲⰰ ⱄⰰⰿⱏ ⰻ ⰲⰵⱄⱐ ⰴⱁⰿⱏ ⰵⰳⱁ.
4:54
ⱄⰵ ⱂⰰⰽⱏⰹ ⰲⱏⱅⱁⱃⱁⰵ ⱍⱓⰴⱁ ⱄⱏⱅⰲⱁⱃⰻ ⰻⱄ҃ⱏ ⱂⱃⰻⱎⰵⰴⱏ ⱁⱅⱏ ⰺ҅ⱓⰴⰵⱗ ⰲⱏ ⰳⰰⰾⰻⰾⱑⱙ :: ⰽ!ⱌ ::