ЕВАНГЕЛИЕ ЕЖЕ Ѿ ІОАННА
20:1
Ⰲⱏ ⰵⰴⰻⱀⱘ ⰶⰵ ⱄⱁⰱⱁⱅⱏ. ⰿⰰⱃⰻⱑ ⰿⰰⰳⰴⰰⰾⰻⱀⰻ ⱂⱃⰻⰴⰵ ⰸⰰ ⱆⱅⱃⰰ. ⰵⱎⱅⰵ ⱄⱘⱎⱅⰻ ⱅⱏⰿⱑ ⱀⰰ ⰳⱃⱁⰱⱏ. ⰺ ⰲⰻⰴⱑ ⰽⰰⰿⰵⱀⱐ ⰲⱐⰸⱔⱅⱏ ⱁⱅⱏ ⰳⱃⱁⰱⰰ.
20:2
ⱅⰵⱍⰵ ⰶⰵ ⰻ ⱂⱃⰻⰴⰵ ⰽⱏ ⱄⰻⰿⱁⱀⱆ ⱂⰵⱅⱃⱆ. ⰺ ⰽⱏ ⰴⱃⱆⰳⱆⰿⱆ ⱆⱍⰵⱀⰻⰽⱆ. ⰵⰳⱁⰶⰵ ⰾⱓⰱⰾⱑⰰⱎⰵ ⰻⱄ҃ⱏ. ⰺ ⰳⰾ҃ⰰ ⰻⰿⰰ ⰲⱏⰸⱔⱄⱔ ⰳ҃ⰰ ⱁⱅⱏ ⰳⱃⱁⰱⰰ. ⰺ ⱀⰵ ⰲⱑⰿⱐ ⰽⱏⰴⰵ ⱂⱁⰾⱁⰶⰻⱎⱔ ⰻ.
20:3
ⰺⰸⰻⰴⰵ ⰶⰵ ⱂⰵⱅⱃⱏ ⰻ ⰴⱃⱆⰳⱏⰹ ⱆⱍⰵⱀⰻⰽⱏ. ⰺ ⰻⰴⱑⰰⱎⰵⱅⰵ ⰽⱏ ⰳⱃⱁⰱⱆ.
20:4
ⱅⰵⱍⰰⰰⱎⰵⱅⰵ ⰶⰵ ⱁⰱⰰ ⰲⱏ ⰽⱆⱂⱑ. ⰺ ⰴⱃⱆⰳⱏⰹ ⱆⱍⰵⱀⰻⰽⱏ ⱅⰵⱍⰵ ⱄⰽⱁⱃⱑⰵ ⱂⰵⱅⱃⰰ. ⰺ ⱂⱃⰻⰴⰵ ⱂⱃⱑⰶⰴⰵ ⰽⱏ ⰳⱃⱁⰱⱆ.
20:5
ⰺ ⱂⱃⰻⱀⰻⰽⱏ ⰲⰻⰴⱑ ⱃⰻⰸⱏⰹ ⰾⰵⰶⱔⱎⱅⱔ. ⱁⰱⰰⱍⰵ ⱀⰵ ⰲⱐⱀⰻⰴⰵ ::
20:6
Ⱂⱃⰻⰴⰵ ⰶⰵ ⰻ ⱄⰻⰿⱁⱀⱐ ⱂⰵⱅⱃⱏ ⰲⱏ ⱄⰾⱑⰴⱏ ⰵⰳⱁ. ⰺ ⰲⱐⱀⰻⰴⰵ ⱂⱃⱑⰶⰴⰵ ⰲⱏ ⰳⱃⱁⰱⱏ. ⰺ ⰲⰻⰴⱑ ⱃⰻⰸⱏⰹ ⰾⰵⰶⱔⱎⱅⱔ.
20:7
ⰺ ⱛ҅ⰴⰰⱃⱐ ⰻⰶⰵ ⰱⱑ ⱀⰰ ⰳⰾⰰⰲⱑ ⰵⰳⱁ. ⱀⰵ ⱄⱏ ⱃⰻⰸⰰⰿⰻ ⰾⰵⰶⱔⱎⱅⱐ. ⱀⱏ ⱁⱄⱁⰱⱐ ⱄⱏⰲⰻⱅⱏ ⱀⰰ ⰵⰴⰻⱀⱁⰿⱐ ⰿⱑⱄⱅⱑ.
20:8
ⱅⱏⰳⰴⰰ ⰶⰵ ⰲⱐⱀⰻⰴⰵ. ⰺ ⰴⱃⱆⰳⱏⰹ ⱆⱍⰵⱀⰻⰽⱏ ⱂⱃⰻⱎⰵⰴⱏⰹ ⱂⱃⱑⰶⰴⰵ ⰽⱏ ⰳⱃⱁⰱⱆ. ⰺ ⰲⰻⰴⱑ ⰻ ⰲⱑⱃⱁⰲⰰ.
20:9
ⱀⰵ ⱆ ⰱⱁ ⰲⱑⰴⱑⰰⱈⱘ ⰽⱏⱀⰻⰳⱏ. ⱑⰽⱁ ⱂⱁⰴⱁⰱⰰⰰⱅⱏ ⰵⰿⱆ ⱁⱅⱏ ⰿⱃⱏⱅⰲⱏⰹⱈⱏ ⰲⱏⱄⰽⱃⱏⱄⱀⱘⱅⰻ.
20:10
ⰺⰴⰵⱅⰵ ⰶⰵ ⱂⰰⰽⱏⰹ ⰽⱏ ⱄⰵⰱⱑ ⱆⱍⰵⱀⰻⰽⰰ ::
20:11
Ⰿⰰⱃⰻⱑ ⰶⰵ ⱄⱅⱁⱑⱎⰵ ⱆ ⰳⱃⱁⰱⰰ ⰲⱐⱀⱑ ⱂⰾⰰⱍⱘⱎⱅⰻ ⱄⱔ. ⱑⰽⱁ ⰶⰵ ⱂⰾⰰⰽⰰⰰⱎⰵ ⱄⱔ. ⱂⱃⰻⱀⰻⱍⰵ ⰲⱏ ⰳⱃⱁⰱⱏ.
20:12
ⰺ ⰲⰻⰴⱑ ⰴⱏⰲⰰ ⰰⱀ!ⰼⰾⰰ ⰲⱏ ⰱⱑⰾⰰⱈⱏ ⱄⱑⰴⱔⱎⱅⰰ. ⰵⰴⰻⱀⱁⰳⱁ ⱆ ⰳⰾⰰⰲⱏⰹ. ⰺ ⰵⰴⰻⱀⱁⰳⱁ ⱆ ⱀⱁⰳⱆ. ⰺⰴⰵⰶⰵ ⰱⱑ ⰾⰵⰶⰰⰾⱁ ⱅⱑⰾⱁ ⰻⱄ҃ⰲⱁ.
20:13
ⰺ ⰳⰾ҃ⰰⱄⱅⰵ ⰵ҅҅ⰻ ⱁⱀⰰ. ⰶⰵⱀⱁ ⱍⱅⱁ ⱂⰾⰰⱍⰵⱎⰻ ⱄⱔ. ⰳⰾ҃ⰰ ⰻⰿⰰ ⱑⰽⱁ ⰲⱐⰸⱔⱄⱔ ⰳ҃ⰰ ⰿⱁⰵⰳⱁ. ⰺ ⱀⰵ ⰲⱑⰿⱐ ⰽⱐⰴⰵ ⱂⱁⰾⱁⰶⰻⱎⱔ ⰻ.
20:14
ⱄⰵ ⱃⰵⰽⱏⱎⰻ ⱁⰱⱃⰰⱅⰻ ⱄⱔ ⰲⱐⱄⱂⱔⱅⱐ. ⰺ ⰲⰻⰴⱑ ⰻⱄ҃ⰰ ⱄⱅⱁⱗⱎⱅⰰ. ⰺ ⱀⰵ ⰲⱑⰴⱑⰰⱎⰵ ⱑⰽⱁ ⰻⱄ҃ⱏ ⰵⱄⱅⱏ.
20:15
ⰳⰾ҃ⰰ ⰵⰻ ⰻⱄ҃ⱏ ⰶⰵⱀⱁ ⱍⱅⱁ ⱄⱔ ⱂⰾⰰⱍⰵⱎⰻ ⰽⱁⰳⱁ ⰻⱎⱅⰵⱎⰻ. ⱁⱀⰰ ⰶⰵ ⰿⱐⱀⱔⱎⱅⰻ ⱑⰽⱁ ⰲⱃⱏⱅⱁⰳⱃⰰⰴⰰⱃⱐ ⰵⱄⱅⱏ. ⱃⰵⱍⰵ ⰵⰿⱆ ⰳ҃ⰻ .ⰰⱎⱅⰵ ⱅⱏⰹ ⰵⱄⰻ ⰲⱏⰸⱔⰾⱏ. ⱂⱁⰲⱑⰶⰴⱐ ⰿⱐⱀⱑ ⰽⱏⰴⰵ ⰻ ⰵⱄⰻ ⱂⱁⰾⱁⰶⰻⰾⱏ. ⰺ ⰰⰸⱏ ⰺ ⰲⱐⰸⱏⰿⱘ.
20:16
ⰳⰾ҃ⰰ ⰵⰻ ⰻⱄ҃ⱐ ⰿⰰⱃⰻⰵ. ⱁⰱⱃⰰⱎⱅⱐⱎⰻ ⰶⰵ ⱄⱔ ⱁⱀⰰ ⰳⰾ҃ⰰ ⰵⰿⱆ. ⰵⰲⱃⰵⰻⱄⰽⱏⰹ ⱃⰰⰲⰲⱆⱀⰻ. ⰵⰶⰵ ⱀⰰⱃⰵⱍⰵⱅⱏ ⱄⱔ ⱆⱍⰻⱅⰵⰾⱓ.
20:17
ⰳⰾ҃ⰰ ⰵⰻ ⰺⱄ҃ⱏ. ⱀⰵ ⱂⱃⰻⰽⰰⱄⰰⰻ ⱄⱔ ⰿⱐⱀⱑ. ⱀⰵ ⱆ ⰱⱁ ⰲⱐⰸⰻⰴⱏ ⰽⱏ ⱁⱅ҃ⱌⱓ ⰿⱁⰵⰿⱆ. ⰺⰴⰻ ⰶⰵ ⰽⱏ ⰱⱃⰰⱅⱃⰻ ⰿⱁⰵⰻ ⰺ ⱃⱐⱌⰻ ⰻⰿⱏ. ⰲⱏⱄⱈⱁⰶⰴⱘ ⰽⱏ ⱁⱅ҃ⱌⱓ ⰿⱁⰵⰿⱏⰹ ⰻ ⱁⱌ҃ⱓ ⰲⰰⱎⰵⰿⱆ. ⰺ ⰱ҃ⱆ ⰿⱁⰵⰿⱆ ⰻ ⰱ҃ⱆ ⰲⰰⱎⰵⰿⱆ.
20:18
ⱂⱃⰻⰴⰵ ⰿⰰⱃⰻⱑ ⰿⰰⰳⰴⰰⰾⰻⱀⰻ ⰲⱐⰸⰲⱑⱎⱅⰰⱙⱎⱅⰻ ⱆⱍⰵⱀⰻⰽⱁⰿⱏ ⱑⰽⱁ ⰲⰻⰴⱑ ⰳ҃ⰰ. ⰺ ⱄⰻ ⱃⰵⱍⰵ ⰵⰻ :: ⰽ!ⱌ ::
20:19
Ⱄⱘⱎⱅⰻ ⰶⰵ ⱂⱁⰸⰴⱑ ⰲⱐ ⱅⱏ ⰴⰵⱀⱐ. ⰲⱐ ⰵⰴⰻⱀⱘ ⱄⱁⰱⱁⱅⱏ. ⰺ ⰴⰲⱐⱃⰵⰿⱏ ⰸⰰⱅⰲⱁⱃⰵⱀⱁⰿⱏ. ⰺⰴⰵⰶⰵ ⰱⱑⰰⱈⱘ ⱆⱍⰵⱀⰻⱌⰻ ⰵⰳⱁ ⱄⱏⰱⱏⱃⰰⱀⰻ. ⰸⰰ ⱄⱅⱃⰰⱈⱏ ⰻⱓⰴⰵⰻⱄⰽⱏ. ⱂⱃⰻⰴⰵ ⰻⱄ҃ⱏ. ⰺ ⱄⱅⰰ ⱂⱁ ⱄⱃⱑⰴⱑ ⰻ ⰳⰾ҃ⰰ ⰻⰿⱏ ⰿⰻⱃⱏ ⰲⰰⰿⱏ.
20:20
ⰺ ⱄⰵ ⱃⰵⰽⱏ ⱂⱁⰽⰰⰸⰰ ⰻⰿⱏ ⱃⱘⱌⱑ ⰻ ⱀⱁⰷⱑ ⰻ ⱃⰵⰱⱃⰰ ⱄⰲⱁⱑ. Ⰲⱏⰸⰴⱃⰰⰴⱁⰲⰰⱎⱔ ⰶⰵ ⱄⱔ ⱆⱍⰵⱀⰻⱌⰻ ⰲⰻⰴⱑⰲⱏⱎⰵ ⰳ҃ⰰ.
20:21
Ⱃⰵⱍⰵ ⰻⰿⱏ ⰻⱄ҃. ⱂⰰⰽⱏⰹ. ⰿⰻⱃⱏ ⰲⰰⰿⱏ. ⱑⰽⱁⰶⰵ ⱂⱁⱄⱏⰾⰰ ⰿⱔ ⱁⱅⱏⱌⱏ ⰻ ⰰⰸⱏ ⱄⱏⰾⱘ ⰲⱏⰹ.
20:22
ⰺ҅ ⱄⰵ ⱃⰵⰽⱏ ⰴⱆⱀⱆ ⰻ ⰳⰾ҃ⰰ ⰻⰿⱏ. ⱂⱃⰻⰻⰿⱑⱅⰵ ⰴⱈ҃ⰰ ⱄⱅ҃ⰰ.
20:23
ⰺⰿⱏⰶⰵ ⱁⱅⱏⱂⱆⱄⱅⰻⱅⰵ ⰳⱃⱑⱈⱏⰹ. ⱁⱅⱏⱂⱆⱄⱅⱔⱅⱏ ⱄⱔ ⰻⰿⱏ. {ⰻ ⰻⰿⰶⰵ ⰴⱃⱐⰶⰻⱅⰵ ⰴⱃⱐⰶⰵⱅⱄⰵ ⰻⰿⱐ .} ⱄⱔ ⰻⰿⱏ ::
20:24
Ⱅⱁⰿⰰ ⰶⰵ ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ ⱀⰰⱃⰻⱌⰰⰵⰿⱏⰹ ⰱⰾⰻⰸⱀⰵⱌⱏ. ⱀⰵ ⰱⱑ ⱅⱆ ⱄⱏ ⱀⰻⰿⰻ ⰵⰳⰴⰰ ⱂⱃⰻⰴⰵ ⰻⱄ҃.
20:25
ⰳⰾ҃ⰰⰰⱈⱘ ⰶⰵ ⰵⰿⱆ ⰴⱃⱆⰷⰻⰻ ⱆⱍⰵⱀⰻⱌⰻ ⰲⰻⰴⱑⱈⱁⰿⱏ ⰳ҃ⰰ. ⱁⱀⱏ ⰶⰵ ⱃⰵⱍⰵ ⰻⰿⱏ. ⰰⱎⱅⰵ ⱀⰵ ⰲⰻⰶⰴⱘ ⱀⰰ ⱃⱘⰽⱆ ⰵⰳⱁ ⱑⰸⰲⱏⰹ ⰳⰲⱁⰸⰴⰵⰻⱀ ⱗ҅. ⰺ ⰲⱏⰾⱁⰶⱘ ⱃⱘⰽⱏⰹ ⰿⱁⰵⱗ ⰲⱏ ⱃⰵⰱⱃⰰ ⰵⰳⱁ. ⱀⰻ ⰲⱏⰾⱁⰶ[ⱘ] ⱂⱃⱏⱄⱅⰰ ⰿⱁⰵⰳⱁ ⰲⱏ ⱑⰸⰲⱘ ⰳⰲⱁⰸⰴⰻⰻⱀⱘⱙ. ⱀⰵ ⰻⰿⱘ ⰲⱑⱃⱏⰹ ::
20:26
ⰺ҅ ⱂⱁ ⱁⱄⰿⰻ ⰴⰵⱀⱏ ⱂⰰⰽⱏⰹ ⰱ ⰰ҅ⱈⱘ ⰲⱏⱀⱘⱅⱃⱐ ⱆⱍⰵⱀⰻⱌⰻ ⰵⰳⱁ. ⰺ ⱅⱁⰿⰰ ⱄⱏ ⱀⰻⰿⰻ. Ⱂⱃⰻⰴⰵ ⰻⱄ҃ ⰴⰲⱐⱃⰵⰿⱐ ⰸⰰⱅⰲⱁⱃⰵⱀⰰⰿⱏ. ⰺ ⱄⱅⰰ ⱂⱁ ⱄⱃⱑⰴⱑ ⰻ ⱃⰵⱍⰵ ⰿⰻⱃⱏ ⰲⰰⰿⱏ.
20:27
Ⱂⱁ ⱅⱁⰿⱐ ⰳⰾ҃ⰰ ⱅⱁⰿⱑ. ⱂⱃⰻⱀⰵⱄⰻ ⱂⱃⱏⱄⱅⰰ ⱅⰲⱁⰵ{ⰵ}ⰳⱁ ⱄⱑⰿⱁ. ⰺ ⰲⰻⰸⰶⱐ ⱃⱘⱌⱑ ⰿⱁⰻ. ⰺ҅ ⱂⱃⰻⱀⰵⱄⰻ ⱃⱘⰽⱘ ⱅⰲⱁⱙ. ⰺ ⰲⱏⰾⱁⰶⰻ ⰲⱏ ⱃⰵⰱⱃⰰ ⰿⱁⱑ. ⰺ ⱀⰵ ⰱⱘⰴⰻ ⱀⰵⰲⱑⱃⰵⱀⱏ ⱀⱏ ⰲⱑⱃⰵⱀⱏ.
20:28
ⰺ ⱁⱅⱏⰲⱑⱎⱅⰰ ⱅⱁⰿⰰ ⰻ ⱃⰵⱍⰵ ⰵⰿⱆ. !ⰳⱐ ⰿⱁⰻ ⰱ҃ⱏ ⰿⱁⰻ.
20:29
ⰳⰾ҃ⰰ ⰵⰿⱆ ⰻⱄ҃ⱏ ⱑⰽⱁ ⰲⰻⰴⱑⰲⱏ ⰿⱔ ⰲⱑⱃⱁⰲⰰ. ⰱⰾⰰⰶⰵⱀⰻ ⱀⰵ ⰲⰻⰴⱑⰲⱏ. ⱎⰵⰻ ⰺ ⰲⱑⱃⱁⰲⰰⰲⱏⱎⰵⰻ.
20:30
ⰿⱏⱀⱁⰳⰰ ⰶⰵ ⰻⱀⰰ ⰸⱀⰰⰿⰵⱀⰻⱑ ⱄⱏⱅⰲⱁⱃⰻ ⰻⱄ҃ ⱂⱃⱑⰴⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ. ⱑⰶⰵ ⱀⰵ ⱄⱘⱅⱏ ⱂⰻⱄⰰⱀⰰ ⰲⱏ ⰽⱏⱀⰻⰳⰰⱈⱏ ⱄⰻⱈⱏ.
20:31
ⱄⰻ ⰶⰵ ⱂⰻⱄⰰⱀⰰ ⰱⱏⰹⱎⱔ. ⰴⰰ ⰲⱑⱃⱘ ⰻⰿⰵⱅⰵ ⱑⰽⱁ ⰻⱄ҃ ⰵⱄⱅⱏ !ⱈⱏ ⱄⱀ҃ⱏ ⰱⰶ҃ⰹⰻ. ⰺ ⰴⰰ ⰲⱑⱃⱘⱙⱎⱅⰵ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ ⰻⰿⰰⱅⰵ ⰲⱏ ⰹⰿⱔ ⰵⰳⱁ :: ⰽ!ⱌ ::