ЕВАНГЕЛИЕ ЕЖЕ Ѿ ІОАННА
19:1
Ⱅⱏⰳⰴⰰ ⰶⰵ ⱂⰻⰾⰰⱅⱏ ⱂⱁⱗⱅⱏ ⰻⱄ҃ⰰ ⰻ ⱅⰵⱂⰵ.
19:2
ⰺ ⰲⱁⰻⱀⰻ ⱄⱏⱂⰾⰵⱅⱏⱎⰵ ⰲⱑⱀⰵⱌⱏ ⱁⱅⱏ ⱅⱃⱏⱀⰻⱑ. ⰲⱏⰸⰾⱁⰶⰻⱎⱔ ⱀⰰ ⰳⰾⰰⰲⱘ ⰵⰿⱆ. ⰺ ⰲⱏ ⱃⰻⰸⱘ ⱂⱃⰰⱂⱃⱘⰴⱏⱀⱘ ⱁⰱⰾⱑⱎⱔ ⰻ.
19:3
ⰺ ⰳⰾ҃ⰰⱈⱘ. ⱃⰰⰴⱆⰻ ⱄⱔ ⱌⱄ҃ⱃⱓ ⰻⱓⰴⰵⰻⱄⰽⱏ. ⰺ ⰱⰻⱑⱈⱘ ⰻ ⱂⱁ ⰾⰰⱀⰻⱅⰰⰿⰰ.
19:4
ⰺⰸⰻⰴⰵ ⰶⰵ ⱂⰰⰽⱏⰹ ⱂⰻⰾⰰⱅⱏ ⰲⱁⱀⱏ. ⰺ ⰳⰾ҃ⰰ ⰻⰿⱏ ⱄⰵ ⰻⰸⰲⱁⰶⰴⱘ ⰻ ⰲⰰⰿⱏ ⰲⱁⱀⱏ. ⰴⰰ ⱃⰰⰸⱆⰿⱑⰰⱅⰵ ⱑⰽⱁ ⰲⱐ ⱀⰵⰿⱐ ⰲⰻⱀⱏⰹ ⱀⰵ ⱁⰱⱃⱑⱅⰰⱙ ⱀⰻ ⰵⰴⰻⱀⱁⱗ.
19:5
ⰺⰸⰻⰴⰵ ⰶⰵ ⰻⱄ҃ ⰲⱁⱀⱏ ⱀⱁⱄⱔ ⱅⱃⱏⱀⱁⰲⱏ ⰲⱑⱀⰵⱌⱏ. ⰺ ⱂⱃⰰⱂⱃⱘⰴⱐⱀⱘⱙ ⱃⰻⰸⱘ. ⰺ ⰳⰾ҃ⰰ ⰻⰿⱏ ⱄⰵ ⱍⰾⰲ҃ⰽⱏ :: ⰽ!ⱌ .
19:6
Ⰵⰳⰴⰰ ⰶⰵ ⰻ ⰲⰻⰴⱑⱎⱔ ⰰⱃⱈⰻⰵⱃⰵⰻ ⰻ ⱄⰾⱆⰳⱏⰹ. ⰲⱏⰸⱏⱂⰻⱎⱔ ⰳⰾ҃ⱙⱎⱅⰵ. ⱂⱃⱁⱂⱐⱀⰻ ⰻ ⱂⱃⱁⱂⱐⱀⰻ ⰻ. !Ⰳⰾⰰ ⰻⰿⱏ ⱂⰻⰾⰰⱅⱏ. ⱂⱁⰻⰿⱑⱅⰵ ⰲⱏⰹ ⰻ ⱂⱃⱁⱂⱐⱀⱑⱅⰵ. Ⰰⰸⱏ ⰱⱁ ⱀⰵ ⱁⰱⱃⱑⱅⰰⱙ ⰲⱐ ⱀⰵⰿⱐ ⰲⰻⱀⱏⰹ.
19:7
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱓⰴⰵⰻ. ⰿⱏⰹ ⰸⰰⰽⱁⱀⱏ ⰻⰿⰰⰿⱏ ⰻ ⱂⱁ ⰸⰰⰽⱁⱀⱆ ⱀⰰⱎⰵⰿⱆ ⰴⰾⱏⰶⰵⱀⱏ ⰵⱄⱅⱏ ⱆⰿⱐⱃⱑⱅⰻ. ⱑⰽⱁ ⱄⱀ҃ⱐ ⰱⰶ҃ⰹⰻ ⱅⰲⱁⱃⰻⱅⱏ ⱄⱔ.
19:8
Ⰵⰳⰴⰰ ⰶⰵ ⱄⰾⱏⰹⱎⰰ ⱂⰻⰾⰰⱅⱏ ⱄⰵ ⱄⰾⱁⰲⱁ. ⱂⰰⱍⰵ ⱆⰱⱁⱑ ⱄⱔ
19:9
ⰻ ⰲⱐⱀⰻⰴⰵ ⰲⱏ ⱂⱃⰵⱅⱁⱃⱏ ⱂⰰⰽⱏⰹ. ⰺ ⰳⰾ҃ⰰ ⰻⱄ҃ⰲⰻ. ⱁⱅⱏ ⰽⱘⰴⱆ ⰵⱄⰻ ⱅⱏⰹ. ⰺⱄ҃ ⰶⰵ ⱁⱅⱏⰲⱑⱅⰰ ⱀⰵ ⱄⱏⱅⰲⱁⱃⰻ ⰵⰿⱆ ::
19:10
!Ⰳⰾⰰ ⰵⰿⱆ ⱂⰻⰾⰰⱅⱏ. ⰿⱐⱀⱑ ⰾⰻ ⱀⰵ ⰳⰾ҃ⰵⱎⰻ. ⱀⰵ ⰲⱑⱄⰻ ⰾⰻ ⱑⰽⱁ ⰲⰾⰰⱄⱅⱐ ⰻⰿⰰⰿⱏ ⱂⱃⱁⱂⱔⱅⰻ ⱅⱔ. ⰻ ⰲⰾⰰⱄⱅⱐ ⰻⰿⰰⰿⱏ ⱂⱆⱄⱅⰻⱅⰻ ⱅⱔ.
19:11
ⱁⱅⱏⰲⱑⱎⱅⰰ ⰻⱄ҃. ⱀⰵ ⰻⰿⰰⱎⰻ ⱁⰱⰾⰰⱄⱅⰻ ⱀⰰ ⰿⱐⱀⱑ ⱀⰻⰽⱁⰵⱗⰶⰵ. ⰰⱋⰵ ⱀⰵ ⰱⰻ ⱅⰻ ⰴⰰⱀⱁ ⱄⱏ ⰲⱏⰹⱎⰵ. ⱄⰵⰳⱁ ⱃⰰⰴⰻ ⱂⱃⱑⰴⰰⰲⱏⰹ ⰿⱔ ⱅⰵⰱⱑ ⰱⱁⰾⰻⰻ ⰳⱃⱑⱈⱏ ⰻⰿⰰⱅⱏ. ⱁⱅⱏ ⱅⱁⰳⱁ ⱂⰻⰾⰰⱅⱏ ⰻⱄⰽⰰⰰⱎⰵ ⱂⱆⱄⱅⰻⱅⰻ ⰻ.
19:12
ⰺⱓⰴⰵⰻ ⰶⰵ ⰲⱏⱂⰻⱑ[ⱈⱘ] ⰳⰾ҃ⱙⱎⱅⰵ. ⰰⱎⱅⰵ ⱄⰵⰳⱁ ⱂⱆⱄⱅⰻⱎⰻ ⱀⱑⱄⰻ ⰴⱃⱆⰳⱏ ⰽⰵⱄⰰⱃⱁⰲⰻ. ⰲⱐⱄⱑⰽⱏ ⰻⰶⰵ ⱄⱔ ⱅⰲⱁⱃⰻⱅⱏ !ⱌⱃⱏ. ⱂⱃⱁⱅⰻⰲⰻⱅⱏ ⱄⱔ ⰽⰵⱄⰰⱃⱁⰲⰻ :: --.
19:13
ⱂⰻⰾⰰⱅⱏ ⰶⰵ ⱄⰾⱏⰹⱎⰰⰲⱏ ⱅⰰ ⱄⰾⱁⰲⰵⱄⰰ. ⰻⰸⰲⰵⰴⰵ ⰲⱁⱀⱏ ⰻⱄ҃ⰰ. ⰺ ⱄⱑⰴⰵ ⱀⰰ ⱄⱘⰴⰻⰻⱎⱅⰻ. ⱀⰰ ⰿⱑⱄⱅⱑ ⱀⰰⱃⰻⱌⰰⰵⰿⱑⰿⱐ ⰾⰻⱅⱁⱄⱅⱃⱁⱅⱑ. ⰵⰲⰲⱃⱑⰻⱄⰽⱏⰹ ⰶⰵ ⰳⰰⰲⰲⰰⱅⰰ.
19:14
ⰱⱑ ⰶⰵ ⱂⰰⱃⰰⱄⰽⰵⰲⱐⰼⰻⰻ ⱂⰰⱄⱌⱑ. ⰳⱁⰴⰻⱀⰰ ⰱⱑ ⱑⰽⱁ ⱎⰵⱄⱅⰰⰰ. ⰺ ⰳⰾ҃ⰰ ⰻⱓⰴⰵⱁⰿⱏ ⱄⰵ ⱌⱄ҃ⱃⱏ ⰲⰰⱎⱏ.
19:15
ⱁⱀⰻ ⰶⰵ ⰲⱏⱂⰻⱑⱈⱘ ⰲⱏⰸⱐⰿⰻ ⰲⱏⰸⱐⰿⰻ ⱂⱃⱁⱂⱐⱀⰻ ⰻ. ⰳⰾ҃ⰰ ⰻⰿⱏ ⱂⰻⰾⰰⱅⱏ. ⱌⱄ҃ⱃⱑ ⰾⰻ ⰲⰰⱎⰵⰳⱁ ⱂⱃⱁⱂⱏⱀⱘ. ⱁⱅⱏⰲⱑⱎⱅⰰⱎⱔ ⰰⱃⱈⰻⰵⱃⰵⰻ. ⱀⰵ ⰻⰿⰰⰿⱏ ⱌⱄ҃ⱃⱑ. ⱅⱐⰽⰿⱁ ⰽⰵⱄⰰⱃⰰ.
19:16
ⱅⱏⰳⰴⰰ ⰶⰵ ⱂⱃⱑⰴⰰⱄⱅⱏⰹ ⰻⰿⱏ ⰴⰰ ⰻ ⱂⱃⱁⱂⱏⱀⱘⱅⱏ :: ⰽ!ⱌ :: ⱁⱀⰻ ⰶⰵ ⱂⱁⰵⰿⱏⱎⰵ ⰻⱄ҃ⰰ ⰲⱑⱄⱔ.
19:17
ⰺ ⱄⰰⰿⱏ ⱄⰻ ⱀⰵⱄⱏⰹ !ⰽⱃⱄⱅⱏ. ⰺ҅ⰸⰻⰴⰵ ⰲⱏ ⱀⰰⱃⰻⱌⰰⰵⰿⱁⰵ ⰽⱃⰰⱀⰻⰵⰲⱁ ⰿⱑⱄⱅⱁ. ⰵⰶⰵ ⰳⰾ҃ⰵⱅⱏ ⱄⱔ ⰵⰲⱃⰵⰻⱄⰽⱏⰹ ⰳⱁⰾⰳⱁⱅⰰ.
19:18
ⰺⰴⰵⰶⰵ ⰻ ⱂⱃⱁⱂⱔⱄⱔ. ⰺ ⱄⱏ ⱀⰻⰿⱐ ⰻⱀⰰ ⰴⱏⰲⰰ. ⱄⱘⰴⱆ ⰻ ⱁⰲⱘⰴⱆ. ⱂⱁ ⱄⱃⱑⰴⱑ ⰶⰵ ⰻⱄ҃ⰰ.
19:19
ⱀⰰⱂⰻⱄⰰ ⰶⰵ ⰻ ⱅⰻⱅⰾⰰ ⱂⰻⰾⰰⱅⱏ. ⰺ ⱂⱁⰾⱁⰶⰻ ⱀⰰ !ⰽⱃⱄⱅⱑ. ⰱⱑ ⰶⰵ ⱀⰰⱂⰻⱄⰰⱀⱁ ⰻⱄ҃ ⱀⰰⰸⰰⱃⱑⰻ ⱌⱄ҃ⱃⱏ ⰻⱓⰴⰵⰻⱄⰽⱏ.
19:20
ⱄⰵⰳⱁ ⰶⰵ ⱅⰻⱅⰾⰰ ⰿⱏⱀⱁⰷⰻ ⱍⰻⱄⱔ ⱁⱅⱏ ⰻⱓⰴⱑⰻ. ⱑⰽⱁ ⰱⰾⰻⰸⱏ ⰱⱑ ⰿⱑⱄⱅⱁ ⰳⱃⰰⰴⰰ. ⰺⰴⰵⰶⰵ ⱂⱃⱁⱂⱔⱄⱔ ⰻⱄ҃ⰰ. ⰺ ⰱⱑ ⱀⰰⱂⰻⱄⰰⱀⱁ ⰵⰲⱃⱑⰻⱄⰽⱏⰹ ⰳⱃⱏⱍⱏⱄⰽⱏⰹ ⰻ ⰾⰰⱅⰻⱀⱏⱄⰽⱏⰹ :: -- ::
19:21
!Ⰳⰾⰰⰰⱈⱘ ⰶⰵ ⱂⰻⰾⰰⱅⱁⰲⰻ ⰰⱃⱈⰻⰵⱃⰵⰻ ⰻⱓⰴⰵⰻⱄⱌⰻⰻ. ⱀⰵ ⱂⰻⱎⰻ !ⱌⱃⱏ ⰻⱓⰴⰵⰻⱄⰽⱏ. ⱀⱏ ⱑⰽⱁ ⱄⰰⰿⱏ ⱃⰵⱍⰵ. ⱌⱄ҃ⱃⱏ ⰵⱄⰿⱏ ⰻⱓⰴⰵⰻⱄⰽⱏ.
19:22
ⱁⱅⱏⰲⱑⱎⱅⰰ ⱂⰻⰾⰰⱅⱏ. ⰵⰶⰵ ⱂⰻⱄⰰⱈⱏ ⱂⰻⱄⰰⱈⱏ ::
19:23
Ⰲⱁⰻⱀⰻ ⰶⰵ ⰵⰳⰴⰰ ⱂⱃⱁⱂⱔⱄⱔ ⰻⱄ҃ⰰ ⱂⱃⰻⱗⱄⱔ [ⱃⰻ]ⰸⱏⰹ ⰵⰳⱁ. ⰺ ⱄⱏⱅⰲⱁⱃⰻⱎⱔ ⱍⰵⱅⱏⰹⱃⰻ ⱍ!ⱄⰻ. ⰽⱁⰿⱆⰶⱏⰴⱁ ⰲⱁⰻⱀⱆ ⱍⱔⱄⱅⱐ. ⰻ ⱈⰻⱅⱁⱀⱏ. ⰱⱑ ⰶⰵ ⱈⰻⱅⱁⱀⱏ ⱀⰵ ⱎⱏⰲⰵⱀⱏ. ⱄⱏ ⰲⱃⱏⱈⱆ ⰻⱄⱅⱏⰽⰰⱀⱏ ⰲⱐⱄⱐ.
19:24
ⱃⱑⱎⱔ ⰶⰵ ⰽⱏ ⱄⰵⰱⱑ ⱀⰵ ⱂⱃⱑⰴⰵⱃⱑⰿⱏ ⰵⰳⱁ. ⱀⱏ ⰿⰵⱅⱑⰿⱐ ⰶⱃⱑⰱⰻⱗ ⰽⱁⰿⱆ ⰱⱘⰴⰵⱅⱏ. ⰴⰰ ⱄⱏⰱⱘⰴⱘⱅⱏ ⱄⱔ ⰽⱏⱀⰻⰳⱏⰹ ⰳⰾ҃ⱙⱎⱅⱔⱗ. ⱃⰰⰸⰴⱑⰾⰻⱎⱔ ⱄⰵⰱⱑ ⱃⰻⰸⱏⰹ ⰿⱁⱗ. ⰺ ⱁ ⰿⰰⱅⰻⰸⰿⱏ ⰿⱁⰻ ⰿⰵⱅⰰⱎⱔ ⰶⱃⱑⰱⰻⱗ. ⰲⱁⰻⱀⰻ ⰶⰵ ⱆⰱⱁ ⱄⰻ ⱄⱏⱅⰲⱁⱃⰻⱎⱔ ::
19:25
Ⱄⱅⱁⱑⱈⱘ ⰶⰵ ⱂⱃⰻ !ⰽⱃⱄⱅⱑ ⰻⱄ҃ⰲⱑ ⰿⰰⱅⰻ ⰵⰳⱁ ⰻ ⱄⰵⱄⱅⱃⰰ ⰿⰰⱅⰵⱃⰵ ⰵⰳⱁ. ⰿⰰⱃⰻⱑ ⰽⰾⰵⱁⱂⱁⰲⰰ. ⰺ ⰿⰰⱃⰻⱑ ⰿⰰⰳⰴⰰⰾⰻⱀⰻ.
19:26
ⰺⱄ҃ ⰶⰵ ⰲⰻⰴⱑⰲⱏ ⰿⰰⱅⰵⱃⱐ. ⰺ ⱆⱍⰵⱀⰻⰽⰰ ⱄⱅⱁⱗⱎⱅⰰ ⰵⰳⱁⰶⰵ ⰾⱓⰱⰾⱑⰰⱎⰵ. ⰳⰾ҃ⰰ ⰿⰰⱅⰵⱃⰻ ⱄⰲⱁⰵⰻ. ⰶⰵⱀⱁ ⱄⰵ ⱄⱀ҃ⱏ ⱅⰲⱁⰻ.
19:27
ⱂⱁ ⱅⱁⰿⱐ ⰶⰵ ⰳⰾ҃ⰰ ⱆⱍⰵⱀⰻⰽⱆ ⱄⰵ ⰿⰰⱅⰻ ⱅⰲⱁⱑ. ⰺ ⱁⱅⱏ ⱅⱁⰳⱁ ⱍⰰⱄⰰ ⱂⱁⱗⱅⱏ ⱙ ⱆⱍⰵⱀⰻⰽⱏ ⰲⱏ ⱄⰲⱁⱑ ⱄⰻ.
19:28
ⱂⱁ ⱄⰵⰿⱐ ⰲⱑⰴⱏⰹ ⰻⱄ҃ⱏ. ⱑⰽⱁ ⰲⱐⱄⱑ ⱓⰶⰵ ⱄⱏⰲⱃⱏⱎⰻⱎⱔ ⱄⱔ ⱁ ⱀⰵⰿⱐ. -- ⰴⰰ ⱄⱏⰱⱘⰴⱘⱅⱏ ⱄⱔ ⰽⱏ[ⱀⰻ]ⰳⱏⰹ. ⰳⰾ҃ⰰ ⰶⱔⰶⰴⱘ.
19:29
ⱄⱏⱄⱘⰴⱏ ⰶⰵ ⱄⱅⱁⱑⰰⱎⰵ ⱂⰾⱏⱀⱏ ⱁⱌⸯⱅⰰ. ⱁⱀⰻ ⰶⰵ ⰻⱄⱂⰾⱏⱀⱐⱎⰵ ⰳⱘⰱⱘ ⱁⱌⱐⱅⰰ. ⱀⰰ ⱛ҅ⱄⱁⱂⱏ ⰲⱏⰸⱀⰵⰸⱏⱎⰵ. ⱂⱃⰻⰴⱑⱎⱔ ⰽⱏ ⱆⱄⱅⱁⰿⱏ ⰵⰳⱁ.
19:30
ⰵⰳⰴⰰ ⰶⰵ ⱂⱃⰻⱗⱅⱏ ⱁⱌⱐⱅⰰ ⰻⱄ҃ⱏ. ⱃⰵⱍⰵ. ⱄⱏⰲⱃⱏⱎⰻ ⱄⱔ :: --. ⰺ ⱂⱃⱑⰽⰾⱁⱀⱐ ⰳⰾⰰⰲⱘ ⱂⱃⱑⰴⰰⱄⱅⱏ ⰴⱈ҃ⱏ ::
19:31
Ⰺⱓⰴⰵⰻ ⰶⰵ ⱂⱁⱀⰵⰶⰵ ⱂⰰⱃⰰⱄⰽⰵⰲⱐⰼⰻ ⰱⱑ. ⰴⰰ ⱀⰵ ⱁⱄⱅⰰⱀⱘⱅⱏ !ⱀⰽⱄⱅⱑ ⱅⱑⰾⰵⱄⰰ. ⰲⱏ ⱄⱁⰱⱁⱅⱘ. ⰱⱑ ⰱⱁ ⰲⰵⰾⰻⰽⱏ ⰴⰵⱀⱐ ⱅⱁⱗ ⱄⱁⰱⱁⱅⱏⰹ. ⰿⱁⰾⰻⱎⱔ ⱂⰻⰾⰰⱅⰰ ⰴⰰ ⱂⱃⱑⰱⰻⱙⱅⱏ ⰳⱁⰾⱑⱀⰻ ⰻⱈⱏ. ⰺ ⰲⱏⰸⱏⰿⱘⱅⱏ ⱗ.
19:32
ⱂⱃⰻⰴⱘ ⰶⰵ ⰲⱁⰻⱀⰻ. ⰺ ⱂⱃⱏⰲⱁⱆⰿⱆ ⱂⱃⱑⰱⰻⱎⱔ ⰳⱁⰾⱑⱀⰻ. ⰺ ⰴⱃⱆⰳⱆⰿⱆ ⱂⱃⱁⱂⱔⱅⱆⰿⱆ ⱄⱏ ⱀⰻⰿⱐ.
19:33
ⱀⰰ ⰻⱄ҃ⰰ ⰶⰵ ⱂⱃⰻⱎⰵⰴⱏⱎⰵ ⱑⰽⱁ ⰲⰻⰴⱑⱎⱔ ⰻ ⱓⰶⰵ ⱆⰿⱐⱃⱐⱎⱏ. ⱀⰵ ⱂⱃⱑⰱⰻⱎⱔ ⰵⰿⱆ ⰳⱁⰾⱑⱀ ⱓ҅.
19:34
ⱀⱏ ⰵⰴⰻⱀⱏ ⱁⱅⱏ ⰲⱁⰻⱀⱏ. ⰽⱁⱂⰻⰵⰿⱐ ⰵⰿⱆ ⱃⰵⰱⱃⰰ ⱂⱃⱁⰱⱁⰴⰵ. ⰺ ⰻⰸⰻⰴⰵ ⰰⰱⰻⰵ ⰽⱃⱏⰲⱏ ⰻ ⰲⱁⰴⰰ.
19:35
ⰺ ⰲⰻⰴⱑⰲⱏ ⰻ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ. ⰺ ⰻⱄⱅⰻⱀⱏⱀⱁ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰵⰳⱁ :: ⰽ!ⱌ :: ⰺ҅ ⱅⱏ ⰲⱑⱄⱅⱏ ⱑⰽⱁ ⰻⱄⱅⰻⱀⱘ ⰳⰾ҃ⰵⱅⱏ. ⰴⰰ ⰲⱏⰹ ⰲⱑⱃⱘ ⰻⰿⰵⱅⰵ.
19:36
ⰱⱏⰹⱎⱔ ⰱⱁ ⱄⰻ ⰴⰰ ⱄⱏⰱⱘⰴⱘⱅⱏ [ⱄⱔ] ⰽⱏⱀⰻⰳⱏⰹ. ⰽⱁⱄⱅⱐ ⱀⰵ ⱄⱏⰽⱃⱆ[ⱎⰻ]ⱅⱏ ⱄⱔ ⰵⰳⱁ.
19:37
ⰺ ⱂⰰⰽⱏⰹ ⰴⱃⱆⰳⱏⰹⱗ ⰽⱐⱀⰻⰳⱏⰹ ⰳⰾ҃ⱙⱅⱏ. ⰲⱐⰸⱐⱃⱔⱅⱏ ⱀⰰ ⱀⱐ ⰵⰳⱁⰶⰵ ⱂⱃⱁⰱⰰⱄⱔ :: ⰽ!ⱌ ::
19:38
Ⱂⱁ ⱄⰻⱈⱏ ⰶⰵ ⰿⱁⰾⰻ ⱂⰻⰾⰰⱅⰰ ⰻⱁⱄⰻⱇⱏ. ⰺⰶⰵ ⰱⱑ ⱁⱅⱏ ⰰⱃⰻⰿⰰⱅⱑⱗ. ⱄⱔⰻ ⱆⱍⰵⱀⰻⰽⱏ ⰻⱄ҃ⰲⱏ. ⱅⰰⰻⱀⱏ ⰶⰵ ⰸⰰ ⱄⱅⱃⰰⱈⱏ ⰻⱓⰴⰵⰻⱄⰽⱏ. ⰴⰰ ⰲⱏⰸⱐⰿⰵⱅⱏ ⱅⱑⰾⱁ ⰻⱄ҃ⰲⱁ. ⰻ ⱂⱁⰲⰵⰾⱑ ⱂⰻⰾⰰⱅⱏ. ⱂⱃⰻⰴⰵ ⰶⰵ ⰻ ⰲⱐⰸⱔⱅⱏ ⱅⱑⰾⱁ ⰻⱄ҃ⰲⱁ.
19:39
Ⱂⱃⰻⰴⰵ ⰶⰵ ⰻ ⱀⰻⰽⱁⰴⰻⰿⱏ ⱂⱃⰻⱎⰵⰴⱏⰹ ⰽⱏ ⰻⱄ҃ⰲⰻ ⱀⱁⱎⱅⰻⱙ ⱂⱃⱑⰶⰴⰵ. ⱀⰵⱄⱏⰹ ⱄⱏⰿⱑⱎⰵⱀⰻⰵ ⰸⰿⱃⱏⱀⱀⱁ ⰻ ⰰⰾⰳⱆⰻⱀⱁ. ⱑⰽⱁ ⰻ ⰾⰻⱅⱃⱏ ⱄⱏⱅⱁ.
19:40
Ⱂⱃⰻⱗⱄⱅⰵ ⰶⰵ ⱅⱑⰾⱁ ⰻⱄ҃ⰲⱁ. ⰺ ⱁⰱⰻⱄⱅⰵ ⰵ ⱃⰻⰸⰰⰿⰻ ⱄⱏ ⰰⱃⱁⰿⰰⱅⱏⰹ. ⱑⰽⱁⰶⰵ ⱁⰱⱏⰹⱍⰰⰻ ⰵⱄⱅⱏ ⰻⱓⰴⱑⱁⰿⱏ ⱂⱁⰳⱃⱑⰱⰰⱅⰻ.
19:41
ⰱⱑ ⰶⰵ ⱀⰰ ⰿⱑⱄⱅⱑ ⰻⰴⰵⰶⰵ ⰻ ⱂⱃⱁⱂⱔⱄⱔ. ⰲⱃⱏⱅⱏⱂⱏ. ⰺ ⰲⱏ ⰲⱃⱏⱅⱏⱂⱑ ⰳⱃⱁⰱⱏ ⱀⱁⰲⱏ. ⰲⱐ ⱀⰵⰿⱐⰶⰵ ⱀⰻⰽⱁⰾⰻⰶⰵ ⱀⰻⰽⱏⱅⱁⰶⰵ ⱀⰵ ⰱⱑ ⱂⱁⰾⱁⰶⰵⱀⱏ.
19:42
ⱅⱆ ⰶⰵ ⰸⰰ ⱂⰰⱃⰰⱄⰽⰵⰲⱐⰼⰻⱙ ⰻⱓⰴⱑⰻⱄⰽⱘ. ⱑⰽⱁ ⰱⰾⰻⰸⱏ ⰱⱑⰰⱎⰵ ⰳⱃⱁⰱⱏ. ⱂⱁⰾⱁⰶⰻⱄⱅⰵ ⰻⱄ҃ⰰ :: ⰽ!ⱌ ::