ЕВАНГЕЛИЕ ЕЖЕ Ѿ ІОАННА
15:1
ⰰⰸⱏ ⰵⱄⰿⱏ ⰾⱁⰸⰰ ⰻⱄⱅⰻⱀⱏⱀⰰⱑ. ⰺ ⱁⱅ҃ⱌⱏ ⰿⱁⰻ ⰴⱑⰾⰰⱅⰵⰾⱐ ⰵⱄⱅⱏ.
15:2
ⰲⱐⱄⱑⰽⱘ ⱃⰰⰸⰳⱘ ⱀⰵ ⱅⰲⱁⱃⱔⱎⱅⱘⱙ ⱂⰾⱁⰴⰰ. ⰺⰸⱏⰿⰵⱅⱏ ⱙ. ⰺ ⰲⱐⱄⱑⰽⱘ ⱅⰲⱁ{ⱅⰲⱁ}ⱃⱔⱎⱅⱘ ⱂⰾⱁⰴⱏ ⱁⱅⱃⱑⰱⰻⱅⱏ ⱙ ⰴⰰ ⱂⰾⱁⰴⱏ ⰱⱁⰾⰻⰻ ⱄⱏⱅⰲⱁⱃⰻⱅⱏ.
15:3
Ⱆⰶⰵ ⰲⱏⰹ ⱍⰻⱄⱅⰻ ⰵⱄⱅⰵ. ⰸⰰ ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⰲⰰⰿⱏ.
15:4
ⰱⱘⰴⱑⱅⰵ ⰲⱏ ⰿⱏⱀⱑ ⰻ ⰰⰸⱏ ⰲⱏ ⰲⰰⱄⱏ. ⱑⰽⱁⰶⰵ ⱃⱁⰸⰳⰰ ⱀⰵ ⰿⱁⰶⰵⱅⱏ ⱂⰾⱁⰴⰰ ⱅⰲⱁⱃⰻⱅⰻ ⱁ ⱄⰵⰱⱑ. ⰰⱎⱅⰵ ⱀⰵ ⰱⱁⰴⰵⱅⱏ ⱀⰰ ⰾⱁⰸⱑ ⱅⰰⰽⱁ ⰻ ⰲⱏⰹ. ⰰⱎⱅⰵ ⰲⱐ ⰿⱐⱀⱑ ⱀⰵ ⱂⱃⱑⰱⱘⰴⰵⱅⰵ.
15:5
ⰰⰸⱏ ⰵⱄⰿⱏ ⰾⱁⰸⰰ ⰲⱏⰹ ⱃⰰⰶⰴⰻⰵ. ⰺⰶⰵ ⰱⱘⰴⰵⱅⱏ ⰲⱏ ⰿⱐⱀⱑ ⰻ ⰰⰸⱏ ⰲⱏ ⱀⰵⰿⱐ. ⱄⱏⱅⰲⱁⱃⰻⱅⱏ ⱂⰾⱁⰴⱏ ⰿⱏⱀⱁⰳⱏ. ⱑⰽⱁ ⰱⰵⰸ ⰿⰵⱀⰵ ⱀⰵ ⰿⱁⰶⰵⱅⰵ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ.
15:6
ⰰⱎⱅⰵ ⰽⱅⱁ ⰲⱏ ⰿⱐⱀⱑ ⱀⰵ ⱂⱃⱑⰱⱘⰴⰵⱅⱏ. ⰺⰸⰲⱃⱏⰶⰵⱅⱏ ⱄⱔ ⰲⱁⱀⱏ ⱑⰽⱁⰶⰵ ⱃⱁⰸⰳⰰ ⰻ ⰺⱄⱏⱎⰵⱅⱏ. ⰺ ⱄⱏⰱⰻⱃⰰⱙⱅⱏ ⱙ ⰻ ⰲⱏ ⱁⰳⱀⱐ ⰲⱏⰾⰰⰳⰰⱙⱅⱏ ⰻ ⱄⱏⰳⰰⱃⰰⰰⱅⱏ.
15:7
ⰰⱎⱅⰵ ⱂⱃⱑⰱⱘⰴⰵⱅⰵ ⰲⱏ ⰿⱐⱀⱑ. ⰺ ⰳⰾ҃ⰻ ⰿⱁⰻ ⰲⱏ ⰲⰰⱄⱏ ⱂⱃⱑⰱⱘⰴⱘⱅⱏ. Ⰵⰿⱆⰶⰵ ⰽⱁⰾⰻⰶⱏⰴⱁ ⱈⱁⱎⱅⰵⱅⰵ ⱂⱃⱁⱄⰻⱅⰵ ⰻ ⰱⱘⰴⰵⱅⱏ ⰲⰰⰿⱏ ::
15:8
ⱁ҅ ⱄⰵⰿⱐ ⱂⱃⱁⱄⰾⰰⰲⰻ ⱄⱔ ⱁⱅ!ⱌⱏ ⰿⱁⰻ. ⰴⰰ ⱂⰾⱁⰴⱏ ⰿⱏⱀⱁⰳⱏ ⱄⱏⱅⰲⱁⱃⰻⱅⰵ. ⰺ ⰱⱘⰴⰵⱅⰵ ⰿⱁⰻ ⱆⱍⰵⱀⰻⱌⰻ.
15:9
ⱑⰽⱁⰶⰵ ⰲⱏⰸⰾⱓⰱⰻ ⰿⱔ ⱁⱌ҃ⱏ ⰻ ⰰⰸⱏ ⰲⱏⰸⰾⱓⰱⰻⱈⱏ ⰲⱏⰹ. ⰱⱘⰴⱑⱅⰵ ⰲⱏ ⰾⱓⰱⱐⰲⰻ ⰿⱁⰵⰻ.
15:10
ⰰⱋⰵ ⰸⰰⱂⱁⰲⱑⰴⰻ ⰿⱁⱗ ⱄⱏⰱⰾⱓⰴⰵⱅⰵ. ⱂⱃⱑⰱⱘⰴⰵⱅⰵ ⰲⱏ ⰾⱓⰱⱐⰲⰻ ⰿⱁⰵⰻ. ⱑⰽⱁⰶⰵ ⰰⰸⱏ ⰸⰰⱂⱁⰲⱑⰴⰻ ⱁⱅ҃ⱌⰰ ⰿⱁⰵ[ⰳⱁ] ⱄⱏⰱⰾⱓⱄⱏ. ⰺ ⱂⱃⱑⰱⱏⰹⰲⰰⱙ ⰲⱏ ⱀⰵⰳⱁ ⰾⱓⰱⱐⰲⰵ.
15:11
ⱄⰵ ⰳⰾ҃ⰰⱈⱏ ⰲⰰⰿⱏ. ⰴⰰ ⱃⰰⰴⱁⱄⱅⱐ ⰿⱁⱑ {ⱄⱏ} {ⰲⰰⰿⰻ} =ⰲⱏ= =ⰲⰰⱄⱏ= ⰱⱘⰴⰵⱅⱏ. ⰺ ⱃⰰⰴⱁⱄⱅⱐ ⰲⰰⱎⰰ ⰻⱄⱂⰾⱏⱀⰻⱅⱏ ⱄⱔ.
15:12
ⱄⰻ ⰵⱄⱅⱏ ⰸⰰⱂⱁⰲⱑⰴⱐ ⰿⱁⱑ. ⰴⰰ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ ⱑⰽⱁⰶⰵ ⰲⱏⰸⰾⱓⰱⰻⱈⱏ ⰲⱏⰹ.
15:13
ⰱⱁⰾⱐⱎⱔ ⱄⰵⱗ ⰾⱓⰱⱐⰲⰵ ⱀⰻⰽⱅⱁⰶⰵ [ⱀⰵ] ⰻⰿⰰⱅⱏ. ⰴⰰ ⰽⱅⱁ ⰴⱎ҃ⱘ ⱄⰲⱁⱙ ⱂⱁⰾⱁⰶⰻⱅⱏ ⰸⰰ ⰴⱃⱆⰳⱏⰹ ⱄⰲⱁⱗ. ::
15:14
Ⰲⱏⰹ ⰴⱃⱆⰷⰻ ⰿⱁⰻ ⰵⱄⱅⰵ. ⰰⱎⱅⰵ ⱅⰲⱁⱃⰻⱅⰵ ⰵⰾⰻⰽⱁ ⰰⰸⱏ ⰸⰰⱂⱁⰲⱑⰴⰰⱙ ⰲⰰⰿⱏ.
15:15
Ⱓⰶⰵ ⱀⰵ ⰳⰾ҃ⱙ ⰲⰰⱄⱏ ⱃⰰⰱⱏ. ⱃⰰⰱⱏ ⰱⱁ ⱀⰵ ⰲⱑⱄⱅⱏ ⱍⱅⱁ ⱅⰲⱁⱃⰻⱅⱏ ⰳ҃ⱏ ⰵⰳⱁ. ⰲⱏⰹ ⰶⰵ ⱃⱑⱈⱏ ⰴⱃⱆⰳⱏⰹ. ⱑⰽⱁ ⰲⱐⱄⱑ ⱑⰶⰵ ⱄⰾⱏⰹⱎⰰⱈⱏ ⱁⱅⱏ ⱁⱅ҃ⱌⰰ ⰿⱁⰵⰳⱁ. ⱄⱏⰽⰰⰸⰰⱈⱏ ⰲⰰⰿⱏ.
15:16
ⱀⰵ ⰲⱏⰹ ⰿⰵⱀⰵ ⰻⰸⰱⱏⱃⰰⱄⱅⰵ ⱀⱏ ⰰⰸⱏ ⰻⰸⰱⱏⱃⰰⱈⱏ ⰲⱏⰹ ⰻ ⱂⱁⰾⱁⰶⰻⱈⱏ ⰲⱏⰹ. ⰴⰰ ⰲⱏⰹ ⰻⰴⰵⱅⰵ ⰻ ⱂⰾⱁⰴⱏ ⱂⱃⰻⱀⰵⱄⰵⱅⰵ. ⰺ ⱂⰾⱁⰴⱏ ⰲⰰⱎⱏ ⱂⱃⱑⰱⱘⰴⰵⱅⱏ. ⰴⰰ ⰵⰳⱁⰶⰵ ⰽⱁⰾⰻⰶⱏⰴⱁ ⱂⱃⱁⱄⰻⱅⰵ. ⱁⱅⱏ ⱁⱅ҃ⱌⰰ ⰲⱏ ⰹⰿⱔ ⰿⱁⰵ ⰴⰰⱄⱅⱏ ⰲⰰⰿⱏ. ::
15:17
Ⱄⰻ ⰸⰰⱂⱁⰲⱑⰴⰰⱙ ⰲⰰⰿⱏ ⰴⰰ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ.
15:18
ⰰⱎⱅⰵ ⰿⰻⱃⱏ ⰲⰰⱄⱏ ⱀⰵⱀⰰⰲⰻⰴⰻⱅⱏ. ⰲⱑⰴⰻⱅⰵ ⱑⰽⱁ ⰿⰵⱀⰵ ⱂⱃⱑⰶⰴⰵ ⰲⰰⱄⱏ ⰲⱏⰸⱀⰵⱀⰰⰲⰻⰴⱑ.
15:19
ⰰⱎⱅⰵ ⱁⱅⱏ ⰿⰻⱃⰰ ⰱⰻⱄⱅⰵ ⰱⱏⰹⰾⰻ. ⰿⰻⱃⱏ ⱆⰱⱁ ⱄⰲⱁⰵ ⰾⱓⰱⰻⰾⱏ ⰱⰻ. ⱑⰽⱁ ⰶⰵ ⱁⱅⱏ ⰿⰻⱃⰰ ⱀⱑⱄⱅⰵ. ⱀⱏ ⰰⰸⱏ ⰻⰸⰱⱏⱃⰰⱈⱏ ⰲⱏⰹ ⱁⱅⱏ ⰿⰻⱃⰰ. ⱄⰵⰳⱁ ⱃⰰⰴⰻ ⱀⰵⱀⰰⰲⰻⰴⰻⱅⱏ ⰲⰰⱄⱏ ⰿⰻⱃⱏ.
15:20
Ⱂⱁⰿⱐⱀⰻⱅⰵ ⱄⰾⱁⰲⱁ ⰵⰶⰵ ⰰⰸⱏ ⱃⱑⱈⱏ ⰲⰰⰿⱏ. ⱀⱑⱄⱅⱏ ⱃⰰⰱⱏ ⰱⱁⰾⰵⰻ ⰳ҃ⰰ ⱄⰲⱁⰵⰳⱁ. Ⰰⱎⱅⰵ ⰿⰵⱀⰵ ⰻⰸⰳⱏⱀⰰⱎⱔ ⰻ ⰲⰰⱄⱏ ⰻⰶⰴⰵⱀⱘⱅⱏ. ⰰⱎⱅⰵ ⱄⰾⱁⰲⱁ ⰿⱁⰵ ⱄⱏⰱⰾⱓⱄⱔ ⰻ ⰲⰰⱎⰵ ⱄⱏⰱⰾⱓⰴⱘⱅⱏ.
15:21
ⱀⱏ ⱄⰻ ⰲⱐⱄⱑ ⱄⱏⱅⰲⱁⱃⱔⱅⱏ ⰲⰰⰿⱏ ⰸⰰ ⰻⰿⱔ ⰿⱁⰵ ⱑⰽⱁ ⱀⰵ ⰲⱑⰴⱔⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
15:22
ⰰ҅ⱋⰵ ⱀⰵ ⰱⰻⰿⱐ ⱂⱃⰻⱎⰵⰾⱏ ⰻ ⰳⰾ҃ⰰⰾⱏ ⰻⰿⱏ. ⰳⱃⱑⱈⰰ ⱀⰵ ⰱⱘ ⰻⰿⱑⰾⰻ. ⱀⱏⰹⱀⱑ ⰶⰵ ⰻ ⰲⰻⱀⱏⰹ ⱀⰵ ⰻⰿⱘⱅⱏ ⱁ ⰳⱃⱑⱄⱑ ⱄⰲⱁⰵⰿⱏ.
15:23
ⱀⰵⱀⰰⰲⰻⰴⱔⰻ ⰿⰵⱀⰵ ⰻ ⱁⱅ҃ⱌⰰ ⰿⱁⰵⰳⱁ ⱀⰵⱀⰰⰲⰻⰴⰻⱅⱏ.
15:24
ⰰⱎⱅⰵ ⰴⱑⰾⱏ ⱀⰵ ⰱⰻⰿⱐ ⱄⱏⱅⰲⱁⱃⰻⰾⱏ ⰲⱏ ⱀⰻⱈⱏ. ⰺⱈⱏⰶⰵ ⰻⱀⱏ ⱀⰻⰽⱅⱁⰶⰵ ⱄⱏⱅⰲⱁⱃⰻ. ⰳⱃⱑⱈⰰ ⱀⰵ ⰱⱘ ⰻⰿⱑⰾⰻ. ⱀⱏⰹⱀⱑ ⰶⰵ ⰻ ⰲⰻⰴⱑⱎⱔ ⰻ ⰲⱏⰸⱀⰵⱀⰰⰲⰻⰴⱑⱎⱔ ⰻ ⰿⰵⱀⰵ ⰻ ⱁⱅ҃ⱌⰰ ⰿⱁⰵⰳⱁ.
15:25
ⱀⱏ ⰴⰰ ⱄⱏⰱⱘⰴⰵⱅⱏ ⱄⱔ ⱄⰾⱁ[ⰲⱁ] ⱂⰻⱄⰰⱀⱁⰵ ⰲⱏ ⰸⰰⰽⱁⱀⱑ ⰻⱈⱏ. ⱑⰽⱁ ⰲⱏⰸⱀⰵⱀⰰⰲⰻⰴⱑⱎⱔ ⰿⱔ ⱄⱂⱏⰹⱅⰻ.
15:26
ⰵ҅ⰳⰴⰰ ⰶⰵ ⱂⱃⰻⰴⰵⱅⱏ ⱂⰰⱃⰰⰽⰾⰻⱅⱏ. ⰵⰳⱁⰶⰵ ⰰⰸⱏ ⱂⱁⱄⱏⰾⱙ ⰲⰰⰿⱏ. ⱁⱅⱏ ⱁⱅ҃ⱌⰰ ⰴⱈ҃ⱏ ⰻⱄⱅⰻⱀⱏⱀⱏⰹ. ⰺⰶⰵ ⱁⱅⱏ ⱁⱅ҃ⱌⰰ ⰻⱄⱈⱁⰴⰻⱅⱏ. ⱅⱏ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⱏ ⱁ ⰿⱏⱀⱑ.
15:27
ⰺ ⰲⱏⰹ ⰶⰵ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⰵ. ⱑⰽⱁ ⰻⱄⰽⱁⱀⰻ ⱄⱏ ⰿⱏⱀⱁⱙ ⰵⱄⱅⰵ.