ЕВАНГЕЛИЕ ЕЖЕ Ѿ ІОАННА
13:1
Ⱂⱃⱑⰶⰴⰵ ⰶⰵ ⱂⱃⰰⰸⰴⱐⱀⰻⰽⰰ ⱂⰰⱄⱌⱑ. ⰲⱑⰴⱏⰹ ⰻⱄ҃ ⱑⰽⱁ ⱂⱃⰻⰴⰵ ⰵⰿⱆ ⰳⱁⰴⰻⱀⰰ. ⰴⰰ ⱂⱃⱑⰻⰴⰵⱅⱏ ⱁⱅⱏ ⰿⰻⱃⰰ ⱄⰵⰳⱁ ⰽⱏ ⱁⱅ҃ⱌⱓ. ⰲⱐⰸⰾⱓⰱⱐ ⱄⰲⱁⱗ ⱄⱘⱋⱔⱗ ⰲⱁ ⰲⱐⱄⰵⰿⱐ ⰿⰻⱃⱑ. ⰴⱁ ⰽⱁⱀⱐⱌⰰ ⰲⱐⰸⰾⱓⰱⰻ ⱗ ::
13:2
ⰺ ⰲⰵⱍⰵⱃⰻ ⰱⱏⰹⰲⱏⱎⰻ. ⰴⰻⱑⰲⱁⰾⱆ ⱓⰶⰵ ⰲⱏⰾⱁⰶⱏⱎⱓ ⰲⱏ ⱄⱃⰴ҃ⱌⰵ ⰻⱓⰴⱑ. ⱄⰻⰿⱁⱀⱁⰲⱆ ⰻⱄⰽⰰⱃⰻⱁⱅⱏⱄⰽⱆⰿⱆ :: ⰴⰰ ⰻ ⱂⱃⱑⰴⰰⱄⱅⱏ.
13:3
ⰲⱑⰴⱏⰹ ⰻⱄ҃ ⱑⰽⱁ ⰲⱐⱄⱑ ⰴⰰⱄⱅⱏ ⰵⰿⱆ ⱁⱅ҃ⱌⱏ ⰲⱏ ⱃⱘⱌⱑ. ⰺ ⱑⰽⱁ ⱁⱅⱏ ⰱ҃ⰰ ⰻⰸⰻⰴⰵ ⰻ ⰽⱏ ⰱ҃ⱆ ⰳⱃⱔⰴⰵⱅⱏ.
13:4
ⰲⱏⱄⱅⰰ ⱄⱏ ⰲⰵⱍⰵⱃⱔ ⰻ ⱂⱁⰾⱁⰶⰻ ⱃⰻⰸⱏⰹ. ⰺ ⱂⱃⰻⰵⰿⱏ ⰾⰵⱀⱅ ⰻ҅ ⱂⱃⱑⱂⱁⱑⱄⰰ ⱄⱔ.
13:5
Ⱂⱁ ⱅⱁⰿⱐ ⰶⰵ ⰲⱏⰾⰻ ⰲⱁⰴⱘ ⰲⱏ ⱆⰿⱏⰹⰲⰰⰾⱐⱀⰻⱌⱘ. ⰺ ⱀⰰⱍⱔⱅⱏ ⱆⰿⱏⰹⰲⰰⱅⰻ ⱀⱁⰷⱑ ⱆⱍⰵⱀⰻⰽⱁⰿⱏ. ⰺ ⱁⱅⰻⱃⰰⱅⰻ ⰾⰵⱀⱅⰻⰵⰿⱐ. ⰺⰿⱏⰶⰵ ⰱⱑ ⱂⱃⱑⱂⱁⱑⱄⰰⱀⱏ.
13:6
ⱂⱃⰻⰴⰵ ⰶⰵ ⰽⱏ ⱄⰻⰿⱁⱀⱆ ⱂⰵⱅⱃⱆ. ⰺ ⰳⰾ҃ⰰ ⰵⰿⱆ ⱅⱏ. ⰳ҃ⰻ. ⱅⱏⰹ ⰾⰻ ⰿⱁⰻ ⱆⰿⱏⰹⰵⱎⰻ ⱀⱁⰷⱑ.
13:7
ⱁⱅⱏⰲⱑⱎⱅⰰ ⰻⱄ҃ ⰻ ⱃⰵⱍⰵ ⰵⰿⱆ. ⰵⰶⰵ ⰰⰸⱏ ⱅⰲⱁⱃⱙ ⱅⱏⰹ ⱀⰵ ⰲⱑⱄⰻ ⱀⱏⰹⱀⱑ. ⱃⰰⰸⱆⰿⱑⰵⱎⰻ ⰶⰵ ⱂⱁ ⱄⰻⱈⱏ.
13:8
ⰳⰾ҃ⰰ ⰵⰿⱆ ⱂⰵⱅⱃⱏ ⱀⰵ ⱆⰿⱏⰹⰵⱎⰻ ⱀⱁⰳⱆ ⰿⱁⰵⱓ ⰲⱐ ⰲⱑⰽⱏ. ⱁⱅⱏⰲⱑⱎⱅⰰ ⰵⰿⱆ ⰻⱄ҃. ⰰⱎⱅⰵ ⱀⰵ ⱆⰿⱏⰹⱙ ⱅⰵⰱⰵ. ⱀⰵ ⰻⰿⰰⱎⰻ ⱍⱔⱄⱅⰻ ⱄⱏ ⰿⱏⱀⱁⱙ.
13:9
ⰳⰾ҃ⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱏ. ⰳ҃ⰻ ⱀⰵ ⱀⱁⰷⱑ ⰿⱁⰻ ⱅⱏⰽⰿⱁ. ⱀⱏ ⰻ ⱃⱘⱌⱑ ⰻ ⰳⰾⰰⰲⱘ.
13:10
ⰳⰾ҃ⰰ ⰵⰿⱆ ⰻⱄ҃ⱏ. ⰺⰸⰿⱏⰲⰵⱀⱏⰹ ⱀⰵ ⱅⱃⱑⰱⱆⱆⱅⱏ ⱅⰽⰿⱁ ⱀⱁⰷⱑ ⱆⰿⱏⰹⱅⰻ. ⰵⱄⱅⱏ ⰱⱁ ⰲⰵⱄⱐ ⱍⰻⱄⱅⱏ. ⰺ ⰲⱏⰹ ⱍⰻⱄⱅⰻ ⰵⱄⱅⰵ :: ⰽ!ⱌ :: :: ⱀⱏ ⱀⰵ ⰲⱐⱄⰻ.
13:11
ⰲⱑⰴⱑⰰⱎⰵ ⰱⱁ ⱂⱃⱑⰴⰰⱙⱎⱅⰰⰰⰳⱁ ⰻ. ⱄⰵⰳⱁ ⱃⰰⰴⰻ ⱃⰵⱍⰵ ⱑⰽⱁ ⱀⰵ ⰲⱐⱄⰻ ⰵⱄⱅⰵ ⱍⰻⱄⱅⰻ.
13:12
ⰵⰳⰴⰰ ⰶⰵ ⱆⰿⱏⰹ ⱀⱁⰷⱑ ⰻⱈⱏ. ⱂⱃⰻⱗⱅⱏ ⱃⰻⰸⱏⰹ ⱄⰲⱁⱗ ⰻ ⰲⱏⰸⰾⰵⰶⰵ ⱂⰰⰽⱏⰹ. ⰺ ⱃⰵⱍⰵ ⰻⰿⱏ. ⰲⱑⱄⱅⰵ ⰾⰻ ⱍⱅⱁ ⱄⱏⱅⰲⱁⱃⰻⱈⱏ ⰲⰰⰿⱏ.
13:13
ⰲⱏ[ⰹ] ⰳⰾ҃ⰰⰰⱎⰵⱅⰵ ⰿⱔ ⱆⱍⰻⱅⰵⰾⱑ ⰻ ⰳ҃ⰰ. ⰺ ⰴⱁⰱⱃⱑ ⰳⰾ҃ⰵⱅⰵ ⰵⱄⰿⱏ ⰱⱁ.
13:14
ⰰⱎⱅⰵ ⱆⰱⱁ ⰰⰸⱏ ⱆⰿⱏⰹⱈⱏ ⰲⰰⱎⰻ ⱀⱁⰷⱑ !ⰳⱐ ⰻ ⱆⱍⰻⱅⰵⰾⱐ. ⰺ ⰲⱏⰹ ⰴⰾⱏⰶⱐⱀⰻ ⰵⱄⱅⰵ ⰴⱃⱆⰳⱏ ⰴⱃⱆⰳⱆ ⱆⰿⱏⰹⰲⰰⱅⰻ ⱀⱁⰷⱑ.
13:15
ⱁⰱⱃⰰⰸⱏ ⰱⱁ ⰴⰰⱈⱏ ⰲⰰⰿⱏ. ⰴⰰ ⱑⰽⱁⰶⰵ ⰰⰸⱏ ⱄⱏⱅⰲⱁⱃⰻⱈⱏ ⰲⰰⰿⱏ. ⰺ ⰲⱏⰹ ⱅⰲⱁⱃⰻⱅⰵ.
13:16
ⰰⰿⰻⱀⱐ ⰰⰿⰻⱀ ⰳⰾ҃ⰰⰳⰾⱙ ⰲⰰⰿⱏ. ⱀⱑⱄⱅⱏ ⱃⰰⰱⱏ ⰱⱁⰾⰵⰻ ⰳ҃ⰰ ⱄⰲⱁⰵⰳⱁ. ⱀⰻ !ⰰⱂⰾⱏ ⰱⱁⰾⰵⰻ ⱂⱁⱄⱏⰾⰰⰲⱏⱎⰰⰰⰳⱁ ⰻ.
13:17
ⰰⱋⰵ ⱄⰻ ⰲⱑⱄⱅⰵ ⰱⰾⰰⰶⰵⱀⰻ ⰵⱄⱅⰵ ⰰⱎⱅⰵ ⱅⰲⱁⱃⰻⱅⰵ ⱑ.
13:18
ⱀⰵ ⱁ ⰲⱐⱄⱑⱈⱏ ⰲⰰⱄⱏ ⰳⰾ҃ⱙ. ⰰⰸⱏ ⰱⱁ ⰲⱑⰿⱐ ⱗⰶⰵ ⰻⰸⰱⱏⱃⰰⱈⱏ. ⱀⱏ ⰴⰰ ⰽⱏⱀⰻⰳⱏⰹ ⱄⱏⰱⱘⰴⱘⱅⱏ ⱄⱔ. ⱑⰴⱏⰹ ⱄⱏ ⰿⱏⱀⱁⱙ ⱈⰾⱑⰱⱏ ⰲⱏⰸⰴⰲⰻⰶⰵ ⱀⰰ ⰿⱔ ⱂⱃⱑⰾⱐⱋⰵⱀⰻⰵ ⱄⰲⱁⰵ.
13:19
ⱁⱅⱏ ⱄⰵⰾⱑ ⰳⰾ҃ⱙ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱘⰴⰵⱅⱏ. ⰴⰰ ⰵⰳⰴⰰ ⰱⱘⰴⰵⱅⱏ ⰲⱑⱃⱘ ⰻⰿⰵⱅⰵ ⱑⰽⱁ ⰰⰸⱏ ⰵⱄⰿⱏ.
13:20
ⰰⰿⰻⱀ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱂⱃⰻⰵⰿⰾⱔⰻ ⰰⱎⱅⰵ ⰽⱁⰳⱁ ⱂⱁⱄⱏⰾⱙ ⰿⰵⱀⰵ ⱂⱃⰻⰵⰿⰾⰵⱅⱏ. ⰰ ⱂⱃⰻⰵⰿⰾⱔⰻ ⰿⰵⱀⰵ ⱂⱃⰻⰵⰿⰾⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰻ ⰿⱔ. ::
13:21
Ⱄⰻ ⱃⰵⰽⱏ ⰻⱄ҃ ⰲⱏⰸⰿⱘⱅⰻ ⱄⱔ ⰴⱈ҃ⰿⱏ. ⰺ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⰻ ⱃⰵⱍⰵ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰵⰴⰻⱀⱏ ⱁⱅⱏ ⰲⰰⱄⱏ ⱂⱃⱑⰴⰰⱄⱅⱏ ⰿⱔ.
13:22
ⱄⱏⰸⰻⱃⰰⱈⱘ ⰶⰵ ⱄⱔ ⰿⰵⰶⰴⱓ ⱄⱁⰱⱁⱙ ⱆⱍⰵⱀⰻⱌⰻ. ⱀⰵ ⰴⱁⰿⱏⰹⱄⰾⱔⱎⱅⰵ ⱁ ⰽⱁⰿⱐ ⰳⰾ҃ⰵⱅⱏ.
13:23
ⰱⱑ ⰶⰵ ⰵⰴⰻⱀⱏ ⰲⱏⰸⰾⰵⰶⱔ ⱁⱅⱏ ⱆⱍⰵⱀⰻⰽⱏ ⰵⰳⱁ ⱀⰰ ⰾⱁⱀⱑ ⰻⱄ҃ⰲⱑ. ⰵⰳⱁⰶⰵ ⰾⱓⰱⰾⱑⰰⱎⰵ ⰻⱄ҃.
13:24
ⱂⱁⰿⰰⱀⱘ ⰶⰵ ⱄⰵⰿⱆ ⱄⰻⰿⱁⱀⱏ ⱂⰵⱅⱃⱏ ⰲⱏⱂⱃⱁⱄⰻⱅⰻ ⰽⱅⱁ ⱆⰱⱁ ⰵⱄⱅⱏ ⱁ ⱀⰵⰿⱐⰶⰵ ⰳⰾ҃ⰵⱅⱏ.
13:25
ⱀⰰⱂⰰⰴⱏ ⰶⰵ ⱅⱏ ⱅⰰⰽⱁ ⱀⰰ ⱂⱃⱏⱄⰻ ⰻⱄ҃ⰲⱏⰹ ⰳⰾ҃ⰰ ⰵⰿⱆ ⰳ҃ⰻ ⰽⱅⱁ ⰵⱄⱅⱏ.
13:26
ⱁⱅⱏⰲⱑⱎⱅⰰ ⰻⱄ҃. ⱅⱏ ⰵⱄⱅⱏ ⰵⰿⱆⰶⰵ ⰰⰸⱏ ⱁⰿⱁⱍⱏ ⱈⰾⱑⰱⱏ ⱂⱁⰴⰰⰿⱏ. ⰺ ⱁⰿⱁⱍⱐ ⱈⰾⱑⰱⱏ ⰴⰰⱄⱅⱏ ⰻⱓⰴⱑ ⱄⰻⰿⱁⱀⱓ ⰻⱄⰽⰰⱃⰻⱁⱅⱏⱄⰽⱆⰿⱆ.
13:27
ⰻ ⱂⱁ ⱈⰾⱑⰱⱑ ⱅⱏⰳⰴⰰ ⰲⱏⱀⰻⰴⰵ ⰲⱁ ⱀⱐ ⱄⱁⱅⱁⱀⰰ. ⰳⰾ҃ⰰ ⰵⰿⱆ ⰻⱄ҃ ⰵⰶⰵ ⱅⰲⱁⱃⰻⱎⰻ ⱄⱏⱅⰲⱁⱃⰻ ⱄⰽⱁⱃⱁ.
13:28
ⱄⰵⰳⱁ ⰶⰵ ⱀⰻⰽⱅⱁⰶⰵ ⱀⰵ ⱃⰰⰸⱆⰿⱑ ⰲⱏⰸⰾⰵⰶⱔⱎⱅⰻⱈⱏ. ⰽⱏ ⱍⰵⱄⱁⰿⱆ ⱃⰵⱍⰵ ⰵⰿⱆ.
13:29
ⰵⰴⰻⱀⰻ ⰿⱐⱀⱑⰰⱈⱘ ⱂⱁⱀⰵⰶⰵ ⱄⰽⱃⰻⱀⰻⱌⱘ ⰻⰿⱑⰰⱎⰵ ⰻⱓⰴⰰ. ⱑⰽⱁ ⰳⰾ҃ⱅⱏ ⰵⰿⱆ ⰻⱄ҃ⱏ. ⰽⱆⱂⰻ ⰵⰳⱁⰶⰵ ⱅⱃⱑⰱⱆⰵⰿⱏ ⱀⰰ ⱂⱃⰰⰸⰴⱐⱀⰻⰽⱏ. ⰾⰻ ⱀⰻⱎⱅⰻⰿⱏ ⰴⰰ ⱀⱑⱍⱏⱅⱁ ⰴⰰⱄⱅⱏ.
13:30
ⱂⱃⰻⰵⰿⱏ ⰶⰵ ⱁⱀⱏ ⱈⰾⱑⰱⱏ. ⰺⰸⰻⰴⰵ ⰰⰱⰻⰵ. ⰱⱑ ⰶⰵ ⱀⱁⱎⱅⱏ
13:31
ⰵⰳⰴⰰ ⰻⰸⰻⰴⰵ. ⰳⰾ҃ⰰ ⰶⰵ ⰻⱄ҃. Ⱀⱏⰹⱀⱑ ⱂⱃⱁⱄⰾⰰⰲⰻ ⱄⱔ ⱄⱀ҃ⱏ ⱍⰾⰲ҃ⱍⱄⰽⱏⰹ. ⰻ ⰱ҃ⱏ ⱂⱃⱁⱄⰾⰰⰲⰻ ⱄⱔ ⱁ ⱀⰵⰿⱐ.
13:32
ⰰⱎⱅⰵ ⰱ҃ⱏ ⱂⱃⱁⱄⰾⰰⰲⰻ ⱄⱔ ⱁ ⱀⰵⰿⱐ. ⰺ ⰱ҃ⱏ ⱂⱃⱁⱄⰾⰰⰲⰻⱅⱏⰹ ⰻ ⰲⱐ ⱄⰵⰱⱑ. ⰺ ⰰⰱⰻⰵ ⱂⱃⱁⱄⰾⰰⰲⰻⱅⱏ ⰹ.
13:33
ⱍⱔⰴⱏⱌⰰ ⰵⱋⰵ ⰿⰰⰾⱁ ⱄⱏ ⰲⰰⰿⰻ ⰵⱄⰿⱏ. ⰲⱏⰸⰻⱎⱅⰵⱅⰵ ⰿⰵⱀⰵ. ⰺ ⱑⰽⱁⰶⰵ ⱃⱑⱈⱏ ⰻⱓⰴⰵⱁⰿⱏ. ⱑⰽⱁ ⱑⰿⱁⰶⰵ ⰰⰸⱏ ⰻⰴⱘ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻ[ⱅⰻ]. ⰺ ⰲⰰⰿⱏ ⰳⰾ҃ⱙ ⱀⱏⰹⱀⱑ.
13:34
ⰸⰰⱂⱁⰲⱑⰴⱐ ⱂⱁⰲⱑⰴⰰⱙ ⰲⰰⰿⱏ. ⰴⰰ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ ⱑⰽⱁⰶⰵ ⰲⱐⰸⰾⱓⰱⰻⱈⱏ ⰲⱏⰹ. ⰴⰰ ⰻ ⰲⱏⰹ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ.
13:35
ⱁ ⱄⰵⰿⱐ ⱃⰰⰸⱆⰿⱑⱙⱅⱏ ⰲⱐⱄⰻ. ⱑⰽⱁ ⰿⱁⰻ ⱆⱍⰵⱀⰻⱌⰻ ⰵⱄⱅⰵ. ⰰⱋⰵ ⰾⱓⰱⱐⰲⱐ ⰻⰿⰰⱅⰵ ⰿⰵⰶⰴⱓ ⱄⱁⰱⱁⱙ.
13:36
!Ⰳⰾⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱏ. ⰳ҃ⰻ ⰽⰰⰿⱁ ⰻⰴⰵⱎⰻ. ⱁⱅⱏⰲⱑⱎⱅⰰ ⰻⱄ҃ⱏ ⱑⰿⱁⰶⰵ ⰰⰸⱏ ⰻⰴⱘ ⱀⰵ ⰿⱁⰶⰵⱎⰻ ⱀⱏⰹⱀⱑ ⱂⱁ ⰿⱐⱀⱑ ⰻⱅⰻ. ⱂⱁⱄⰾⱑⰴⱐ ⰶⰵ ⱂⱁ ⰿⱐⱀⱑ ⰻⰴⰵⱎⰻ.
13:37
ⰳ҃ⰻ ⱂⱁ ⱍⱏⱅⱁ ⱀⰵ ⰿⱁⰳⱘ ⱀⱏⰹⱀⱑ ⱂⱁ ⱅⰵⰱⱑ ⰻⱅⰻ. ⱀⱏⰹⱀⱑ ⰴⱎ҃ⱘ ⰿⱁⱙ ⰸⰰ ⱅⱔ ⱂⱁⰾⱁⰶⱘ.
13:38
ⱁⱅⱏⰲⱑⱎⱅⰰ ⰵⰿⱆ ⰻⱄ҃ⱏ ⰴⱎ҃ⱘ ⰾⰻ ⱅⰲⱁⱙ ⰸⰰ ⰿⱔ ⱂⱁⰾⱁⰶⰻⱎⰻ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⱅⰵⰱⱑ. ⱀⰵ ⰲⱏⰸⰳⰾⰰⱄⰻⱅⱏ ⰽⱁⰽⱁⱅⱏ ⰴⱁⱀⱐⰴⰵⰶⰵ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ ⱅⱃⰻ ⰽⱃⰰⱅⱏⰹ ::