ЕВАНГЕЛИЕ ЕЖЕ Ѿ ІОАННА
12:1
Ⰺ҅ⱄ ⰶⰵ ⱂⱃⱑⰶⰴⰵ ⱎⰵⱄⱅⰻ ⰴⰵⱀⱏ ⱂⰰⱄⱈⱏⰹ. ⱂⱃⰻⰴⰵ ⰲⱐ ⰲⰻⱅⰰⱀⰻⱙ. ⰺⰴⰵⰶⰵ ⰱⱑ ⰾⰰⰸⰰⱃⱏ ⱆⰿⰵⱃⱁⰻ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⰻⱈⱏ.
12:2
ⱄⱏⱅⰲⱁⱃⰻⱎⱔ ⰶⰵ [ⰵ]ⰿⱆ ⰲⰵⱍⰵⱃⱙ ⱅⱆ. ⰺ ⰿⰰⱃⱏⱅⰰ ⱄⰾⱆⰶⰰⰰⱎⰵ. ⰾⰰⰸⰰⱃⱏ ⰶⰵ ⰵⰴⰻⱀⱏ ⰱⱑ ⱁⱅⱏ ⰲⱏⰸⰾⰵⰶⱔⱎⱅⰻⰻⱈⱏ ⱄⱏ ⱀⰻⰿⱏ.
12:3
ⰿⰰⱃⰻⱑ ⰶⰵ ⱂⱃⰻⰵⰿⱏⱎⰻ ⰾⰻⱅⱃⱘ ⱈⱃⰻⰸⰿⱏⰹ. ⱀⰰⱃⰴⰰ ⱂⰻⱄⱅⰻⰽⰻⱗ ⰿⱏⱀⱁⰳⱁⱌⱑⱀⱏⱀⱏⰹ. ⱂⱁⰿⰰⰸⰰ ⱀⱁⰷⱑ ⰻⱄ҃ⰲⱑ. ⰺ ⱁⱅⱃⱏ ⰲⰾⰰⱄⱏⰹ ⱄⰲⱁⰻⰿⰻ ⱀⱁⰷⱑ ⰵⰳⱁ. Ⱈⱃⰰⰿⰻⱀⰰ ⰶⰵ ⰻⱄⱂⰾⱏⱀⰻ ⱄⱔ ⱁⱅⱏ ⰲⱁⱀⱔ ⱈⱃⰻⰸⰿⱏⱀⱏⰹⱗ ::
12:4
!Ⰳⰾⰰ ⰶⰵ ⰵⰴⰻⱀⱏ ⱁⱅⱏ ⱁ[у]ⱍⰵⱀⰻⰽⱏ ⰵⰳⱁ. ⰻⱓⰴⰰ ⱄⰻⰿⱁⱀⱐ ⰻ҅ⱄⰽⰰⱃⰻⱁⱅⱏⱄⰽⱏⰹ. ⰺⰶⰵ ⰻ ⱈⱁⱅⱑⰰⱎⰵ ⱂⱃⱑⰴⰰⱅⰻ.
12:5
ⱍⰵⱄⱁ ⱃⰰⰴⰻ ⰿⱛⱃⱁ ⱄⰵ ⱀⰵ ⱂⱃⱁⰴⰰⱀⱁ ⰱⱏⰹⱄⱅⱏ. ⱀⰰ !ⱅ ⱂⱑⱀⱔⰷⱏ. ⰺ ⰴⰰⱀⱁ ⱀⰻⱋⰻⰻⰿⱏ.
12:6
ⱄⰵ ⱃⰵⱍⰵ ⱀⰵ ⱑⰽⱁ ⱁ ⱀⰻⱎⱅⰻⰻⱈⱏ ⱂⰵⱍⰰⰰⱎⰵ ⱄⱔ. ⱀⱏ ⱑⰽⱁ ⱅⰰⱅⱐ ⰱⱑ. ⰺ ⱄⰽⱃⰻⱀⰻⱌⱘ ⰻⰿⱏⰹ. ⰺ ⰲⱐⰿⱑⱅⰰⰵⰿⰰ ⱀⱁⱎⰰⰰⱎⰵ.
12:7
ⱃⰵⱍⰵ ⰶⰵ ⰻⱄ҃ ⱀⰵ ⰴⱑⰻ ⱗ ⰲⱏ ⰴⰵⱀⱐ ⱂⱁⰳⱃⰵⰱⰵⱀⰻⱑ ⰿⱁⰵⰳⱁ ⱄⱏⰱⰾⱓⰴⰵ ⱙ.
12:8
ⱀⰻⱎⱅⱔⱗ ⰱⱁ ⱄⱏ ⱄⱁⰱⱁⱙ ⰲⱏⱄⰵⰳⰴⰰ ⰻⰿⰰⱅⰵ. ⰰ ⰿⰵⱀⰵ ⱀⰵ ⰲⱏⱄⰵⰳⰴⰰ ⰻⰿⰰⱅⰵ.
12:9
ⱃⰰⰸⱆⰿⱑ ⰶⰵ ⱀⰰⱃⱁⰴⱏ ⰿⱏⱀⱁⰳⱏ ⱁⱅⱏ ⰻⱓⰴⰵⰻ. ⱑⰽⱁ ⱅⱆ ⰵⱄⱅⱏ. ⰺ ⱂⱃⰻⰴⱘ ⱀⰵ ⰻⱄ҃ⰰ ⱃⰰⰴⰻ ⱅⱏⰽⱏⰿⱁ. ⱀⱏ ⰴⰰ ⰻ ⰾⰰⰸⰰⱃⰰ ⰲⰻⰴⱔⱅⱏ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⱈⱏ.
12:10
ⱄⱏⰲⱑⱎⱅⰰⱎⱔ ⰶⰵ ⰰⱃⱈⰻⰵⱃⰵⰻ. ⰴⱁ ⰻ ⰾⰰⰸⰰⱃⰰ ⱆⰱⰻⱙⱅⱏ.
12:11
ⱑⰽⱁ ⰿⱏⱀⱁⰷⰻ ⰵⰳⱁ ⱃⰰⰴⰻ ⰻⰴⱑⰰⱈⱘ ⰻⱓⰴⰵⰻ. ⰺ ⰲⱑⱃⱁⰲⰰⱈⱘ ⰲⱏ ⰻⱄ҃ⰰ.
12:12
ⰲⱏ ⱆⱅⱃⱑⰻ ⰶⰵ ⰴⰵⱀⱐ ⱀⰰⱃⱁⰴⱏ ⰿⱏⱀⱁⰳⱏ. ⱂⱃⰻⱎⰵⰴⱏⰹ ⰲⱏ ⱂⱃⰰⰸⰴⱐⱀⰻⰽⱏ. ⱄⰾⱏⰹⱎⰰⰲⱏⱎⰵ ⱑⰽⱁ ⰻⱄ҃ ⰳⱃⱔⰴⰵⱅⱏ ⰲⱏ !ⰻⰿⱏ.
12:13
ⱂⱃⰻⱗⱄⱔ ⰲⱑⰻⰵ ⱁⱅⱏ ⱇⰻⱀⰻⰽⱏ. ⰺ ⰻⰸⰻⰴⱘ ⱂⱃⱁⱅⰻⰲⱘ ⰵⰿⱆ. ⰺ ⰸⱏⰲⰰⰰⱈⱘ ⰳⰾ҃ⱙⱎⱅⰵ. ⱉ҅ⱄⰰⱀⸯⱀⰰ !ⰱⰾⰳⱄⰲⱀⱏ ⰳⱃⱔⰴⱔⰻ ⰲⱏ ⰹⰿⱔ ⰳⱀ҃ⰵ. ⱌⱄ҃ⱃⱏ !ⰺⰾⰲⱏ.
12:14
ⱁⰱⱃⱑⱅⱏ ⰶⰵ ⰻⱄ҃ ⱁⱄⱐⰾⱔ ⰲⱐⱄⱑⰴⰵ ⱀⰰ ⱀⰵ. ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ.
12:15
ⱀⰵ ⰱⱁⰻ ⱄⱔ ⰴⱏⱋⰻ ⱄⰻⱁⱀⱁⰲⰰ. ⱄⰵ ⱌⱄ҃ⱃⱐ ⱅⰲⱁⰻ ⰳⱃⱔⰴⰵⱅⱏ. ⱄⱑⰴⱔ ⱀⰰ ⰶⱃⱑⰱⱔⱅⰵ ⱁⱄⱏⰾⰻ.
12:16
ⱄⰻⱈⱏ ⰶⰵ ⱀⰵ ⱃⰰⰸⱆⰿⱑⱎⱔ ⱆⱍⰵⱀⰻⱌⰻ ⰵⰳⱁ ⱂⱃⱑⰶⰴⰵ. ⱀⱏ ⰵⰳⰴⰰ ⱂⱃⱁⱄⰾⰰⰲⰻ ⱄⱔ ⰻⱄ҃. ⱅⱏⰳⰴⰰ ⱂⱁⰿⱑⱀⱘⱎⱔ. ⱑⰽⱁ ⱄⰻ ⰱⱑⱎⱔ ⱁ ⱀⰵⰿⱐ ⱂⰻⱄⰰⱀⰰ. ⰺ ⱄⰻ ⱄⱏⱅⰲⱁⱃⰻⱎⱔ ⰵⰿⱆ.
12:17
Ⱄⱏⰲⱑⰴⱑⱅⰵⰾⱐⱄⱅⰲⱁⰲⰰⰰⱎⰵ ⰶⰵ ⱀⰰⱃⱁⰴⱏ ⰻⰶⰵ ⰱⱑ ⱄⱏ ⱀⰻⰿⱐ. ⰵⰳⰴⰰ ⰾⰰⰸⰰⱃⰰ ⰲⱏⰸⱏⰲⰰ ⱁⱅⱏ ⰳⱃⱁⰱⰰ. ⰺ ⰲⱐⱄⰽⱃⱑⱄⰻ ⰵⰳⱁ ⱁⱅⱏ ⰿⱃⱏⱅⰲⱏⰹⱈⱏ.
12:18
ⱄⰵⰳⱁ ⱃⰰⰴⰻ ⰻ ⱂⱃⱁⱅⰻⰲⱘ ⰵⰿⱆ ⰻⰸⰻⰴⰵ ⱀⰰⱃⱁⰴⱏ. ⱑⰽⱁ ⱄⰾⱏⰹⱎⰰⱎⱔ ⰻ ⱄⱏⱅⰲⱁⱃⱐⱎⱐ ⱄⰵ ⰸⱀⰰⰿⰵⱀⰻⰵ :: ⰽ!ⱌ.
12:19
Ⱇⰰⱃⰻⱄⰵⰻ ⰶⰵ ⱃⱑⱎⱔ ⰽⱏ ⱄⰵⰱⱑ. ⰲⰻⰴⰻⱅⰵ ⱑⰽⱁ ⱀⰻⰽⰰⰽⱁⰶⰵ ⱂⱁⰾⱐⰷⰰ ⰵⱄⱅⱏ. ⱄⰵ ⰲⰵⱄⱐ ⰿⰻⱃⱏ ⱂⱁ ⱀⰵⰿⱐ ⰻⰴⰵⱅⱏ ::
12:20
Ⰱⱑⰰⱈⱘ ⰶⰵ ⰵ!ⰾⰾⰻⱀⰻ ⰵⰴⰻⱀⰻ ⱁⱅⱏ ⰲⱏⱎⰵⰴⱏⱎⰻⰻⱈⱏ. ⰴⰰ ⱂⱁⰽⰾⱁⱀⱔⱅⱏ ⱄⱔ ⰲⱏ ⱂⱃⰰⰸⰴⱐⱀⰻⰽⱏ.
12:21
ⱄⰻⰻ ⰶⰵ ⱂⱃⰻⱄⱅⱘⱂⰻⱎⱔ ⰽⱏ ⱇⰻⰾⰻⱂⱆ. ⰺⰶⰵ ⰱⱑ ⱁⱅⱏ ⰲⰻⰴⱏ{ⰲ}ⱄⰰⰻⰴⱏⰹ ⰳⰰⰾⱑⰾⱑⰻⱄⰽ ⱗ҅. ⰺ ⰿⱁⰾⱑⱈⱘ ⰻ ⰳⰾ҃ⱙⱎⱅⰵ. ⰳ҃ⰻ ⱈⱁⱎⱅⰵⰿⱏ ⰻⱄ҃ⰰ ⰲⰻⰴⱑⱅⰻ.
12:22
Ⱂⱃⰻⰴⰵ ⱇⰻⰾⰻⱂⱏ ⰻ҅ ⰳⰾ҃ⰰ ⰰⱀⱐⰴⱃⱑⱁⰲⰻ. ⰺ ⱂⰰⰽⱏⰹ ⰰⱀⱐⰴⱃⱑⰰ ⰻ ⱇⰻⰾⰻⱂⱏ ⰳⰾⰰⱄⱅⰵ ⰻⱄ҃ⰲⰻ.
12:23
ⰺⱄ҃ ⰶⰵ ⱁⱅⱏⰲⱑⱎⱅⰰ ⰻⰿⰰ ⰳⰾ҃ⱔ. Ⱂⱃⰻⰴⰵ ⰳⱁⰴⰻⱀⰰ ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱄⱀ҃ⱏ ⱍⰾⰲ҃ⱄⰽⱏⰹ.
12:24
ⰰⰿⱀⱐ ⰰⰿⰻⱀⱏ ⰳⰾ҃ⱙ ⰲⰰⰿⱏ. ⰰⱎⱅⰵ ⰸⱃⱏⱀⱁ ⱂⱎⰵⱀⰻⱍⱐⱀⱁ ⱀⰵ ⱆⰿⱐⱃⰵⱅⱏ ⱂⰰⰴⱏ ⰲⱐ ⰸⰵⰿⰻ. ⱅⱁ ⰵⰴⰻⱀⱁ ⱂⱃⱑⰱⱏⰹⰲⰰⰰⱅⱏ. ⰰⱎⱅⰵ ⰾⰻ ⱆⰿⱐⱃⰵⱅⱏ ⰿⱏⱀⱁⰳⱏ ⱂⰾⱁⰴⱏ ⱄⱏⱅⰲⱁⱃⰻⱅⱏ.
12:25
ⰾⱓⰱⱔⰻ ⰴⱎ҃ⱘ ⱄⰲⱁⱙ ⱂⱁⰳⱆⰱⰻⱅⱏ ⱙ. ⰺ ⱀⰵⱀⰰⰲⰻⰴⱔⰻ ⰴⱎ҃ⱔ ⱄⰲⱁⰵⱗ. ⰲⱐ ⰿⰻⱃⱑ ⱄⰵⰿⱐ. ⰲⱏ ⰶⰻⰲⱁⱅⱑ ⰲⱑⱍⱏⱀⱑⰵⰿⱐ ⱄⱏⱈⱃⰰⱀⰻⱅⱏ ⱙ.
12:26
ⰰⱎⱅⰵ ⰽⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁ ⰿⱐⱀⱑ ⰴⰰ ⱈⱁⰴⰻⱅⱏ. ⰺ ⰻⰴⰵⰶⰵ ⰵⱄⰿⱏ ⰰⰸⱏ ⱅⱆ ⰻ ⱄⰾⱆⰳⰰ ⰿⱁⰻ ⰱⱘⰴⰵⱅⱏ. ⰺ ⰰⱎⱅⰵ ⰽⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁⱍⱐⱅⰵⱅⱏ ⰹ ⱁⱅ҃ⱌⱏ.
12:27
Ⱀⱏⰹⱀⱑ ⰴⱎ҃ⰰ ⰿⱁⱑ ⰲⱏⰸⰿⱘⱅⰻ ⱄⱔ. ⰺ ⱍⱅⱁ ⱃⰵⰽⱘ. !ⱁⱅⱍⰵ ⱄⱂ҃ⱄⰻ ⰿⱔ ⱁⱅⱏ ⰳⱁⰴⰻⱀⱏⰹ ⱄⰵⱗ. ⱀⱏ ⱄⰵⰳⱁ ⱃⰰⰴⰻ ⱂⱃⰻⰴⱏ ⱀⰰ ⰳⱁⰴⰻⱀⱘ ⱄⰻⱙ.
12:28
!ⱁⱅⱍⰵ ⱂⱃⱁⱄⰾⰰⰲⰻ ⰻⰿⱔ ⱅⰲⱁⰵ. ⱂⱃⰻⰴⰵ ⰶⰵ ⰳⰾⰰⱄⱏ ⱄⱀ҃ⰱⱄⰵ. ⰺ ⱂⱃⱁⱄⰾⰰⰲⰻⱈⱏ ⰻ ⱂⰰⰽⱏⰹ ⱂⱃⱁⱄⰾⰰⰲⰾⱙ.
12:29
ⱀⰰⱃⱁⰴⱏ ⰶⰵ ⱄⱅⱁⱗⰻ ⰺ ⱄⰾⱏⰹⱎⰰⰲⱏ. ⰳⰾ҃ⰰⰰⱈⱘ ⰳⱃⱁⰿⱏ ⰱⱏⰹⱄⱅⱏ. ⰺⱀⰻ ⰳⰾ҃ⰰⰰⱈⱘ ⰰⱀⰼ҃ⰾⱏ ⰳⰾ҃ⰰ ⰵⰿⱆ.
12:30
ⱁⱅⱏⰲⱑⱎⱅⰰ ⰻⱄ҃ ⰻ҅ {ⱃⰵ}ⱃⰵⱍⰵ. ⱀⰵ ⰿⰵⱀⰵ ⱃⰰⰴⰻ ⰳⰾⰰⱄⱏ ⱄⱐ ⰱⱏⰹⱄⱅⱏ ⱀⱏ ⰲⰰⱄⱏ ⱃⰰⰴⰻ.
12:31
ⱀⱏⰹⱀⱑ ⱄⱘⰴⱏ ⰵⱄⱅⱏ ⰿⰻⱃⱆ ⱄⰵⰿⱆ. Ⱀⱏⰹⱀⱑ ⰽⱏⱀⱔⰷⱏ ⰿⰻⱃⰰ ⱄⰵⰳⱁ ⰻⰸⰳⱏⱀⰰⱀⱏ ⰱⱘⰴⰵⱅⱏ ⰲⱁⱀⱏ.
12:32
ⰺ ⰰⰸⱏ ⰰⱎⱅⰵ ⰲⱐⰸⱀⰵⱄⰵⱀⱏ ⰱⱘⰴⱘ ⱁⱅⱏ ⰸⰵⰿⰾⱔ. ⰲⱐⱄⱔ ⱂⱃⰻⰲⰾⱑⰽⱘ ⰽⱏ ⱄⰵⰱⱑ.
12:33
ⱄⰵ ⰶⰵ ⰳⰾ҃ⰰⱎⰵ ⰽⰾⰵⱂⰾⱔ ⰽⱁⰵⱙ ⱄⱏⰿⱃⱏⱅⰻⱙ ⱈⱁⱅⱑⰰⱎⰵ ⱆⰿⱐⱃⱑⱅⰻ.
12:34
ⱁⱅⱏⰲⱑⱎⱅⰰ ⰵⰿⱆ ⱀⰰⱃⱁⰴⱏ. ⰿⱏⰹ ⱄⰾⱏⰹⱎⰰⱈⱁⰿⱏ ⱁⱅⱏ ⰸⰰⰽⱁⱀⰰ. ⱑⰽⱁ !ⱈⱏ ⱂⱃⱑⰱⱏⰹⰲⰰⰰⱅⱏ ⰲⱏ ⰲⱑⰽⱏ. ⰺ ⰽⰰⰽⱁ ⱅⱏⰹ ⰳⰾ҃ⰵⱎⰻ ⰲⱐⰸⱀⰵⱄⱅⰻ ⱄⱔ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⰾⰲ҃ⱍⱄⰽⱆⰿⱆ. ⰽⱅⱁ ⱄⱐ ⰵⱄⱅⱏ ⱄⱀ҃ⱏ ⱍⰾⰲ҃ⱍⱄⰽⱏ.
12:35
ⱃⰵⱍⰵ ⰶⰵ ⰻⰿⱏ ⰻⱄ҃. ⰵⱎⱅⰵ ⰲⱏ ⰿⰰⰾⱁ ⰲⱃⱑⰿⱔ ⱄⰲⱑⱅⱏ ⰲⱏ ⰲⰰⱄⱏ ⰵⱄⱅⱏ. ⱈⱁⰴⰻⱅⰵ ⰴⱁⱀⱐⰴⰵⰶⰵ ⱄⰲⱑⱅⱏ ⰻⰿⰰⱅⰵ. ⰴⰰ ⱅⱏⰿⰰ ⰲⰰⱄⱏ ⱀⰵ ⰻⰿⰵⱅⱏ. ⰺ ⱈⱁⰴⱔⰻ ⰲⱏ ⱅⱏⰿⱑ. ⱀⰵ ⰲⱑⱄⱅⱏ ⰽⰰⰿⱁ ⰻⰴⰵⱅⱏ.
12:36
ⰴⱁⱀⱐⰴⰵⰶⰵ ⱄⰲⱑⱅⱏ ⰻⰿⰰⱅⰵ. ⰲⱑⱃⱆⰻⱅⰵ ⰲⱏ ⱄⰲⱑⱅⰰ. ⰴⰰ ⱄⱀ҃ⰲⰵ ⱄⰲⱑⱅⱆ ⰱⱘⰴⰵⱅⰵ :: ⰽ!ⱌ :: Ⱄⰻ ⰳⰾ҃ⰰ ⰻⱄ҃. ⰺ ⱁⱎⰵⰴⱏ ⱄⱏⰽⱃⱏⰹ ⱄⱔ ⱁⱅⱏ ⱀⰻⱈⱏ.
12:37
ⱅⱁⰾⰻⰽⰰ ⰶⰵ ⰸⱀⰰ[ⰿⰵ]ⱀⰻⱑ ⱄⱏⱅⰲⱁⱃⱐⱎⱓ ⰵⰿⱆ ⱂⱃⱑⰴⱐ ⱀⰻⰿⰻ. ⱀⰵ ⰲⱑⱃⱁⰲⰰⰰⱈⱘ ⰲⱁ ⱀⱐ.
12:38
ⰴⰰ ⱄⱏⰱⱘⰴⰵⱅⱏ ⱄⱔ ⱄⰾⱁⰲⱁ ⰻⱄⰰⰻⱗ !ⱂⱃⰽⰰ ⰵⰶⰵ ⱃⰵⱍⰵ. ⰳ҃ⰻ ⰽⱅⱁ ⰲⱑⱃⱘ ⱗ ⱄⰾⱆⱈⱆ ⱀⰰⱎⰵⰿⱆ. ⰺ ⰿⱏⰹⱎⱏⱌⰰ ⰳⱀ҃ⱑ ⰽⱁⰿⱆ ⱁⱅⱏⰽⱃⱏⰹ ⱄⱔ.
12:39
ⱄⰵⰳⱁ ⱃⰰⰴⰻ ⱀⰵ ⰿⱁⰶⰰⰰⱈⱘ ⰲⱑⱃⱁⰲⰰⱅⰻ. ⱑⰽⱁ ⱂⰰⰽⱏⰹ ⱃⰵⱍⰵ ⰻⱄⰰⰻⱑ.
12:40
ⱁⱄⰾⱑⱂⰻ ⱁⱍⰻ ⰻⱈⱏ. ⰺ ⱁⰽⰰⰿⱑⱀⰻⰾⱏ ⰵⱄⱅⱏ ⱄⱃⰴ҃ⱌⰰ ⰻⱈⱏ. ⰴⰰ ⱀⰵ ⰲⰻⰴⱔⱅⱏ ⱁⱍⰻⰿⰰ. ⱀⰻ ⱃⰰⰸⱆⰿⱑⱙⱅⱏ ⱄⱃⰴ҃ⱌⰵⰿⱐ. ⰺ ⱁⰱⱃⰰⱅⱔⱅⱏ ⱄⱔ ⰻ ⰻⱄⱌⱑⰾⱙ ⱗ.
12:41
ⱄⰻ ⱃⰵⱍⰵ ⰻⱄⰰⰻⱑ. ⰵⰳⰴⰰ ⰲⰻⰴⱑ ⱄⰾⰰⰲⱘ ⰵⰳⱁ. ⰺ ⰳⰾ҃ⰰ ⱁ ⱀⰵⰿⱐ.
12:42
ⱁⰱⰰⱍⰵ ⱆⰱⱁ ⰻ ⱁⱅⱏ ⰽⱐⱀⱔⰸⱏ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱐ ⱀⰵⰳⱁ. ⱀⱏ ⱇⰰⱃⰻⱄⱑⰻ ⱃⰰⰴⰻ ⱀⰵ ⰻⱄⱂⱁⰲⱑⰴⰰⰰⱈⱘ. ⰴⰰ ⱀⰵ ⰻ ⱄⱏⱀⱐⰿⰻⱎⱅⱏ ⰻⰸⰳⱏⱀⰰⱀⰻ ⰱⱘⰴⱘⱅⱏ.
12:43
ⰲⱐⰸⰾⱓⰱⰻⱎⱔ ⰱⱁ ⱂⰰⱍⰵ ⱄⰾⰰⰲⱘ ⱍⰾⱍ҃ⰽⱘ ⱀⰵⰶⰵ ⱄⰾⰰⰲⱘ ⰱⰶ҃ⰻⱙ.
12:44
!Ⰺⱄ ⰶⰵ ⰲⱐⰸⱏⰲⰰ ⰻ ⱃⰵⱍⰵ. ⰲⱑⱃⱆⱗⰻ ⰲⱐ ⰿⱔ. ⱀⰵ ⰲⱑⱃⱆⱆⱅⱏ ⰲⱏ ⰿⱔ ⱀⱏ ⰲⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
12:45
ⰺ ⰲⰻⰴⱔⰻ ⰿⱔ ⰲⰻⰴⱑ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
12:46
ⰰⰸⱏ ⱄⰲⱑⱅⱏ ⰲⱐ ⰿⰻⱃⱏ ⱂⱃⰻⰴⱏ. ⰴⰰ ⰲⱐⱄⱑⰽⱏ ⰲⱑⱃⱆⱗⰻ ⰲⱐ ⰿⱔ ⰲⱐ ⱅⱐⰿⱑ ⱀⰵ ⱂⱃⱑⰱⱘⰴⰵⱅⱏ.
12:47
ⰺ ⰰⱎⱅⰵ ⰽⱅⱁ ⱆⱄⰾⱏⰹⱎⰻⱅⱏ ⰳⰾ҃ⱏⰹ ⰿⱁⱗ. ⰺ ⱀⰵ ⱄⱏⱈⱃⰰⱀⰻⱅⱏ ⰻⱈⱏ. ⰰⰸⱏ ⱀⰵ ⱄⱘⰶⰴⱘ ⰵⰿⱆ. ⱀⰵ ⱂⱃⰻⰴⱏ ⰱⱁ ⰴⰰ ⱄⱘⰶⰴⱙ ⰿⰻⱃⱆ. ⱀⱏ ⰴⰰ ⱄⱂ҃ⱄⱘ ⰿⰻⱃⱏ.
12:48
ⱁⱅⱏⰿⰵⱅⰰⱗⰻ ⱄⱔ ⰿⰵⱀⰵ ⰻ ⱀⰵ ⱂⱃⰻⰵⰿⰾⱔ ⰳⰾ҃ⱏ ⰿⱁⰻⱈⱏ. ⰺⰿⰰⱅⱏ ⱄⱘⰴⱔⱎⱅⰰⰰⰳⱁ ⰵⰿⱆ. ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⱅⱁ ⱄⱘⰴⰻⱅⱏ ⰵⰿⱆ ⰲⱏ ⱂⱁⱄⰾⱑⰴⱐⱀⰻⰻ ⰴⱐⱀⱐ.
12:49
ⱑⰽⱁ ⰰⰸⱏ ⱁ ⱄⰵⰱⱑ ⱀⰵ ⰳⰾ҃ⰰⱈⱏ. ⱀⱏ ⱂⱁⱄⱏⰾⰰⰲⱏⰹ ⰿⱔ ⱁⱅⱏⱌⱏ. ⱅⱏ ⰿⱐⱀⱑ ⰸⰰⱂⱁⰲⱑⰴⱐ ⰴⰰⱄⱅⱏ. ⱍⱅⱁ ⱃⰵⰽⱘ ⰻ ⱍⱅⱁ !ⰲⱏⰸⰳⰾⱙ.
12:50
ⰻ ⰲⱑⰿⱐ ⱑⰽⱁ ⰸⰰⱂⱁⰲⱑⰴⱐ ⰵⰳⱁ ⰶⰻⰲⱁⱅⱏ ⰲⱑⱍⱏⱀⱏⰹⰻ ⰵⱄⱅⱏ. ⱑⰶⰵ ⱆⰱⱁ ⰰⰸⱏ ⰳⰾ҃ⱙ. ⱑⰽⱁⰶⰵ ⱃⰵⱍⰵ ⰿⱏⱀⱑ ⱁⱅⱏⱌⱏ ⱅⰰⰽⱁ ⰳⰾ҃ⱙ :: ::