ЕВАНГЕЛИЕ ЕЖЕ Ѿ МАТѲЕꙖ
8:1
Ⱄⱏⱎⰵⰴⱏⱎⱆ ⰶⰵ ⰵⰿⱆ ⱄⱏ ⰳⱁⱃⱏⰹ. ⰲⱐ ⱄⰾⱑⰴⱏ ⰵⰳⱁ ⰻⰴⱘ ⱀⰰⱃⱁⰴⰻ ⰿⱏⱀⱁⰷⰻ.
8:2
ⰺ ⱄⰵ ⱂⱃⱁⰽⰰⰶⰵⱀⱏ ⱂⱃⰻⱄⱅⱘⱂⱐ. ⰽⰾⰰⱀⱑⱎⰵ ⱄⱔ ⰵⰿⱆ ⰳⰾ҃ⱔ. ⰳ҃ⰻ ⰰⱎⱅⰵ ⱈⱁⱋⰵⱎⰻ ⰿⱁⰶⰵⱎⰻ ⰿⱔ ⰻⱋⰻⱄⱅⰻⱅⰻ.
8:3
ⰻ ⱂⱃⱁⱄⱅⰵⱃⱏ ⱃⱘⰽⱘ ⰻⱄ҃ⱏ ⰽⱁⱄⱀⱘ ⰻ ⰳⰾ҃ⱔ. ⱈⱁⱋⱘ ⰻⱋⰻⱄⱅⰻ ⱄⱔ. ⰻ ⰰⰱⰻⰵ ⰻⱋⰻⱄⱅⰻ ⱄⱔ ⱁⱅⱏ ⱂⱃⱁⰽⰰⰸⱏⰹ.
8:4
ⰺ҅ ⱃⰵⱍⰵ ⰵⰿⱆ ⰻ҅ⱄⱏ ⰲⰻⰶⰴⱐ ⱀⰻⰽⱁⰿⱆⰶⰵ ⱀⰵ ⱂⱁⰲⱑⰶⰴⱐ. ⱀⱏ ⱎⰵⰴⱏ ⱂⱁⰽⰰⰶⰻ ⱄⱔ ⰰⱃⱈⰻⰵⱃⰵⱁⰲⰻ. ⰻ ⱀⰵⱄⰻ ⰴⰰⱃⱏ ⰻⰶⰵ ⱂⱁⰲⰵⰾⱑ ⰿⱁⱄⰻ ⰲⱏ ⱄⱏⰲⱑⰴⱑⱀⰻⰵ ⰻⰿⱏ.
8:5
Ⰲⱏⱎⰵⰴⱏⱎⱆ ⰶⰵ ⰵⰿⱆ ⰻⱄ҃ⰲⰻ. ⰲⱏ ⰽⰰⱂⰵⱃⱏⱀⰰⱆⰿⱏ. ⱂⱃⰻⱄⱅⱘⱂⰻ ⰽⱏ ⱀⰵⰿⱘ ⱄⱁⱅⱐⱀⰻⰽⱏ. ⰿⱁⰾⱔ ⰻ҅
8:6
ⰳⰾ҃ⱔ. ⰳ҃ⰻ ⱁⱅⱃⱁⰽⱏ ⰿⱁⰻ ⰾⰵⰶⰻⱅⱏ ⰲⱏ ⰴⱁⰿⱆ ⱁⱄⰾⰰⰱⰾⰵⱀⱏ. ⰾⱓⱅⱑ ⱑⰽⱁ ⱄⱅⱃⰰⰶⰴⱔ.
8:7
ⰺ ⰳⰾ҃ⰰ ⰵⰿⱆ ⰻⱄ҃ⱏ ⰰⰸⱏ ⱂⱃⰻⱎⰵⰴⱏ ⰻⱄⱌⱑⰾⱙ ⰻ.
8:8
ⰺ ⱁⱅⱏⰲⱑⱋⰰⰲⱏ ⱄⱁⱅⱐⱀⰻⰽⱏ ⱃⰵⱍⰵ ⰵⰿⱆ. ⰳ҃ⰻ. ⱀⱑⱄⰿⱏ ⰴⱁⱄⱅⱁⰻⱀⱏ ⰴⰰ ⰲⱏ ⰴⱁⰿⱏ ⰿⱁⰻ ⰲⱐⱀⰻⰴⰵⱎⰻ. ⱀⱏ ⱅⰽⱏⰿⱁ ⱃⱏⱌⰻ ⱄⰾⱁⰲⱁ. ⰺ ⰻⱄⱌⱑⰾⱑⰵⱅⱏ ⱁⱅⱃⱁⰽⱏ ⰿⱁⰻ.
8:9
ⰺⰱⱁ ⰰⰸⱏ ⱍⰾⰲ҃ⰽⱏ ⰵⱄⰿⱐ ⱂⱁⰴⱏ !ⰲⰾⰽⱁⱙ. ⰺⰿⱏⰹ ⱂⱁⰴⱏ ⱄⱁⰱⱁⱙ ⰲⱁⰻⱀⱏⰹ. ⰺ ⰳⰾ҃ⱙ ⱄⰵⰿⱆ ⰻⰴⰻ ⰻ ⰻⰴⰵⱅⱏ. ⰺ ⰴⱃⱆⰳⱆⰿⱆ ...... {ⰻ} ⱂⱃⰻⰴⰻ ⰻ ⱂⱃⰻⰴⰵⱅⱏ. ⰺ ⱃⰰⰱⱆ ⰿⱁⰵⰿⱆ ⱄⱏⱅⰲⱁⱃⰻ ⱄⰵ ⰻ ⱄⱏⱅⰲⱁⱃⰻⱅⱏ.
8:10
ⱄⰾⱏⰹⱎⰰⰲⱏ ⰶⰵ ⰻⱄ҃ⱏ. ⰴⰻⰲⰻ ⱄⱔ ⰵⰿⱆ. ⰺ ⱃⰵⱍⰵ ⰳⱃⱔⰴⱘⱎⱅⰻⰿⱏ ⱂⱁ ⱀⰵⰿⱐ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱀⰻ ⰲⱏ ⰻⰸ҃ⰾⰻ ⱅⱁⰾⰻⰽⱏⰹ ⰲⱑⱃⱏⰹ ⱀⰵ ⱁⰱⱃⱑⱅⱏ.
8:11
!Ⰳⰾⱙ ⰶⰵ ⰲⰰⰿⱏ ⱑⰽⱁ ⰿⱏⱀⱁⰷⰻ ⱁⱅⱏ ⰲⱏⱄⱅⱁⰽⱏ ⰻ ⰸⰰⱂⰰⰴⱏ ⱂⱃⰻⰴⱘⱅⱏ. ⰺ ⰲⱐⰸⰾⱔⰳⱘⱅⱏ ⱄⱏ ⰰⰲⱃⰰⰰⰿⱁⰿⱏ ⰻ ⰻⱄⰰⰽⱁⰿⱐ. ⰺ҅ ⰻⱑⰽⱁⰲⱁⰿⱐ. ⰲⱏ !ⱌⱃⱄⱅⰲⰻⰻ ⱀⰵⰱ҃ⱄⱌⱑⰵⰿⱐ.
8:12
ⰰ ⱄⱀ҃ⰲⰵ{ⰲⰵ} ⱌⱄ҃ⱅⰲⰻⱑ ⰻⰸⰳⱏⱀⰰⱀⰻ ⰱⱘⰴⱘⱅⱏ. ⰲⱏ ⱅⱏⰿⱘ ⰽⱃⱁⰿⱑⱎⱅⱐⱀⱙⱙ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱏ.
8:13
ⰺ ⱃⰵⱍⰵ ⰻⱄ҃ⱏ ⱄⱏⱅⱐⱀⰻⰽⱆ. ⰻⰴⰻ ⱑⰽⱁⰶⰵ ⰲⱑⱃⱁⰲⰰ ⰱⱘⰴⰻ ⱅⰵⰱⱑ. ⰽⱁ!ⱌ ⰺ҅ ⰻⱄⱌⱑⰾⱑ ⱁⱅⱃⱁⰽⱏ ⰵⰳⱁ ⰲⱁ ⱅⱏ ⱍⰰⱄⱏ :: ⰺ҅ ⰲⱏⰸⰲⱃⰰⱎⱅⱏ ⱄⱔ ⱄⱁⱅⱐⱀⰻⰽⱏ ⰲⱏ ⰴⱁⰿⱏ ⱄⰲⱁⰻ ⰲⱏ ⱅⱏ ⱍⰰⱄⱏ ⱁⰱⱃⱑⱅⰵ ⰻ ⱄⱏⰴⱃⰰⰲⱏ.
8:14
Ⰺ ⱂⱃⰻⱎⰵⰴⱏ ⰻⱄ҃ⱏ ⰲⱏ ⰴⱁⰿⱏ ⱂⰵⱅⱃⱁⰲⱏ. ⰲⰻⰴⱑ ⱅⱏⱋⱘ ⰵⰳⱁ ⰾⰵⰶⱔⱋⱘ. ⱁⰳⱀⰵⰿⱏ ⰶⰵⰳⱁⰿⱘ.
8:15
ⰺ ⱂⱃⰻⰽⱁⱄⱀⱘ ⱄⱔ ⱃⱘⱌⱑ ⰵⱗ. ⰺ ⱁⱄⱅⰰⰲⰻ ⱙ ⱁⰳⸯⱀⱐ. ⰺ ⰲⱏⱄⱅⰰ ⰻ ⱄⰾⱆⰶⰰⱎⰵ ⰵⰿⱆ.
8:16
Ⱂⱁⰸⰴⱑ ⰶⰵ ⰱⱏⰹⰲⱏⱎⱆ. ⱂⱃⰻⰲⱑⱄⱔ ⰽⱏ ⱀⰵⰿⱆ. ⰱⱑⱄⱏⱀⱏⰹ ⰿⱏⱀⱁⰳⱏⰹ. ⰺ҅ ⰻⰸⰳⱏⱀⰰ ⱄⰾⱁⰲⱁⰿⱏ ⰴⱈ҃ⱏⰹ . ⰺ҅ ⰲⱐⱄⱔ ⱀⰵⰴⱘⰶⱏⱀⱏⰹⱗ ⰻⱄⱌⱑⰾⰻ.
8:17
ⰴⰰ ⱄⱏⰱⱘⰴⰵⱅⱏ ⱄⱔ ⱃⰵⱍⰵⱀⱁⰵ ⱂⱃⱁⱃⱁⰽⱁⰿⱏ. ⰺⱄⰰⰻⰵⰿⱐ ⰳⰾ҃ⱙⱋⰵⰿⱐ. ⱅⱏ ⱀⰵⰴⱘⰳⱏⰹ ⱀⰰⱎⱔ ⱂⱃⰻⱗⱅⱏ. ⰻ ⰱⱁⰾⱑⰸⱀⰻ ⱂⱁⱀⰵⱄⰵ.
8:18
ⱆⰸⱐⱃⱑ ⰶⰵ ⰻⱄ҃ⱄⱏ ⰿⱐⱀⱁⰳⱏⰹ ⱀⰰⱃⱁⰴⱏⰹ ⱁⰽⱃⱏⱄⱅⱐ ⱄⰵⰱⰵ. ⱂⱁⰲⰵⰾⱑ ⰻⱅⰻ ⱀⰰ ⱁⱀⱏ ⱂⱁⰾⱏ.
8:19
ⰺ҅ ⱂⱃⰻⱄⱅⱘⱂⱐ ⰵⰴⰻⱀⱏ ⰽⱏⱀⰻⰶⱏⱀⰻⰽⱏ ⱃⰵⱍⰵ ⰵⰿⱆ. ⱆⱍⰻⱅⰵⰾⱓ ⰻⰴⱘ ⱂⱁ ⱅⰵⰱⱑ. ⱑⰿⱁⰶⰵ ⰽⱁⰾⰻⰶⱏⰴⱁ ⰻⰴⰵⱎⰻ.
8:20
ⰳⰾ҃ⰰ ⰵⰿⱆ ⰻⱄ҃ⱏ. ⰾⰻⱄⰻ ⱑⰸⰲⰻⱀⱏⰹ ⰻⰿⱘⱅⱏ. ⰺ ⱂⱅⰻⱌⱔ ⱀⰱ҃ⱄⰽⱏⰹⱗ ⰳⱀⱑⰸⰴⰰ. ⰰ ⱄⱀ҃ⱏ ⱍⰾⰲ҃ⱍⱄⰽⱏⰹ ⱀⰵ ⰻⰿⰰⱅⱏ ⰽⱏⰴⰵ ⰳⰾⰰⰲⱏⰹ ⱂⱁⰴⱏⰽⰾⱁⱀⰻⱅⰻ.
8:21
ⰴⱃⱆⰳⱏⰹⰻ ⰶⰵ ⱁⱅⱏ ⱆⱍⰵⱀⰻⰽⱏ ⱃⰵⱍⰵ ⰵⰿⱆ ⰳ҃ⰻ. ⱂⱁⰲⰵⰾⰻ ⰿⰻ ⱂⱃⱑⰶⰴⰵ ⰻⱅⰻ. ⰺ҅ ⱂⱁⰳⱃⰵⱅⰻ ⱁⱅ҃ⱌⰰ ⰿⱁⰵⰳⱁ.
8:22
ⰺ҅ⱄⱏ ⰶⰵ ⰳⰾ҃ⰰ ⰵⰿⱆ. ⰳⱃⱔⰴⰻ ⱂⱁ ⰿⱐⱀⱑ. ⰺ҅ ⱁⱄⱅⰰⰲⰻ ⰿⱃⱏⱅⰲⱏⰹⱗ ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱏⱌⱔ.
8:23
Ⰺ ⰲⱐⰾⱑⰸⱏⱎⱆ ⰵⰿⱆ ⰲⱏ ⰽⱁⱃⰰⰱⱐ. ⱂⱁ ⱀⰵⰿⱐ ⰻⰴⱘ ⱆⱍⰵⱀⰻⱌⰻ ⰵⰳⱁ.
8:24
ⰺ ⱄⰵ ⱅⱃⱘⱄⱏ ⰲⰵⰾⰻⰽⱏ ⰱⱏⰹⱄⱅⱏ ⰲⱏ ⰿⱁⱃⰻ. ⱑⰽⱁ ⱂⱁⰽⱃⱏⰹⰲⰰⱅⰻ ⱄⱔ ⰽⱁⱃⰰⰱⰾⱓ ⰲⰾⱏⱀⰰⰿⰻ. ⰰ ⱅⱏ ⱄⱏⱂⰰⱎⰵ.
8:25
ⰺ҅ ⱂⱃⰻⱎⰵⰴⱏⱎⰵ ⱆⱍⰵⱀⰻⱌⰻ ⰵⰳⱁ. ⰲⱏⰸⰱⱆⰴⰻⱎⱔ ⰻ ⰳⰾ҃ⱙⱋⰵ ⰳ҃ⰻ. !ⱄⱏⱂⱄ ⱀⱏⰹ ⱂⱁⰳⱏⰹⰱⰾⰵⰿⱏ.
8:26
ⰺ ⰳⰾ҃ⰰ ⰻⰿⱏ. ⱍⱅⱁ ⱄⱅⱃⰰⱎⰻⰲⰻ ⰵⱄⱅⰵ ⰿⰰⰾⱁⰲⱑⱃⰻ. ⱅⱁⰳⰴⰰ ⰲⱏⱄⱅⰰⰲⱏ ⰸⰰⱂⱃⱑⱅⰻ ⰲⱑⱅⱃⱁⰿⱐ ⰻ ⰿⱁⱃⱓ. ⰺ҅ ⰱⱏⰹⱄⱅⱏ ⱅⰻⱎⰻⱀⰰ ⰲⰵⰾⰻⱑ.
8:27
ⱍⰾⰲ҃ⱌⰻ ⰶⰵ ⱍⱓⰴⰻⱎⱔ ⱄⱔ ⰳⰾ҃ⱋⰵ. ⰽⱏⱅⱁ ⱄⱐ ⰵⱄⱅⱏ ⱑⰽⱁ ⰲⱑⱅⱃⰻ ⰻ ⰿⱁⱃⰵ ⱂⱁⱄⰾⱆⱎⰰⱙⱅⱏ ⰵⰳⱁ ::
8:28
Ⰺ ⱂⱃⰻⱎⰵⰴⱏⱎⱆ ⰵⰿⱆ ⰻⱄ҃ⰲⰻ ⱀⰰ ⱁⱀⱏ ⱂⱁⰾⱏ. ⰲⱏ ⱄⱅⱃⰰⱀⱘ ⰼⰵⱃⰼⰵⱄⰻⰻⱄⰽⱘ. ⱄⱏⱃⱑⱅⰵⱅⰵ ⰻ ⰴⱏⰲⰰ ⰱⱑⱄⱏⱀⰰ ⱁⱅⱏ ⰶⰰⰾⰻⰻ ⰺ҅ⱄⱈⱁⰴⱔⱋⰰ ⰾⱓⱅⱑ ⰷⱑⰾⱁ. ⱑⰽⱁ ⱀⰵ ⰿⱁⰶⰰⰰⱎⰵ ⱀⰻⰽⱅⱁⰶⰵ ⰿⰻⱀⱘⱅⰻ ⱂⱘⱅⰵⰿⱐ ⱅⱑⰿⱐ.
8:29
ⰺ҅ ⱄⰵ ⰲⱏⰸⱏⱂⰻⱄⱅⰵ ⰳⰾ҃ⱋⰰ. ⱍⱅⱁ ⰵⱄⱅⱏ ⱀⰰⰿⰰ ⰻ ⱅⰵⰱⱑ ⰻⱄ҃ⱄⰵ ⱄⱀ҃ⰵ ⰱⰶ҃ⰻⰻ. ⱂⱃⰻⱎⰵⰾⱏ ⰵⱄⰻ ⱄⱑⰿⱁ ⱂⱃⱑⰶⰴⰵ ⰲⱃⱑⰿⰵⱀⰵ ⰿⱘⱍⰻⱅⱏ ⱀⰰⱄⱏ.
8:30
ⰱⱑ ⰶⰵ ⰴⰰⰾⰵⱍⰵ ⱁⱅⱏ ⱀⰵⱙ ⱄⱅⰰⰴⱁ ⱄⰲⰻⱀⰻⰻ. ⰿⱏⱀⱁⰳⱁ ⱂⰰⱄⱁⰿⱁ.
8:31
ⰱⱑⱄⰻ ⰶⰵ ⰿⱁⰾⱑⱈⱘ ⰻ ⰳⰾ҃ⱙⱋⰵ. ⰰⱋⰵ ⰻⰸⰳⱁⱀⰻⱎⰻ ⱀⱏⰹ. ⱂⱁⰲⰵⰾⰻ ⱀⰰⰿⱏ {ⰻ} ⰻⱅⰻ ⰲⱏ ⱄⱅⰰⰴⱁ ⱄⰲⰻⱀⱁⰵ.
8:32
ⰺ ⱃⰵⱍⰵ ⰻⰿⱏ ⰻⰴⱑⱅⰵ. ⱁⱀⰻ ⰶⰵ ⰻⱎⰵⰴⱏⱎⰵ ⰻⰴⱘ ⰲⱏ ⱄⰲⰻⱀⰻⱗ. ⰺ ⰰⰱⱐⰵ ⱆⱄⱅⱃⱏⰿⰻ ⱄⱔ ⱄⱅⰰⰴⱁ ⰲⱐⱄⰵ ⱂⱁ ⰱⱃⱑⰳⱆ ⰲⱏ ⰿⱁⱃⰵ. ⰺ҅ ⱆⱅⱁⱂⱘ ⰲⱏ ⰲⱁⰴⰰⱈⱏ.
8:33
ⰰ ⱂⰰⱄⱘⱋⰵⰻ ⰱⱑⰶⰰⱎⱔ. ⰺ ⱎⰵⰴⱏⱎⰵ ⰲⱏ ⰳⱃⰰⰴⱏ ⰲⱏⰸⰲⱑⱄⱅⰻⱎⱔ ⰲⱐⱄⱑ. ⰺ ⱁ ⰱⱑⱄⱏⱀⱆⱓ.
8:34
ⰺ ⱄⰵ ⰲⰵⱄⱐ ⰳⱃⰰⰴⱏ ⰻⰸⰻⰴⱘ ⱂⱃⱁⱅⰻⰲⱘ ⰻⱄ҃ⰲⰻ. ⰺ ⰲⰻⰴⱑⰲⱏⱎⰵ ⰻ ⰿⱁⰾⰻⱎⱔ. ⰴⰰ ⰱⰻ ⱂⱃⱑⱎⰵⰾⱏ ⱁⱅⱏ ⱂⱃⱑⰴⱑⰾⱏ ⰻⱈⱏ.