ЕВАНГЕЛИЕ ЕЖЕ Ѿ МАТѲЕꙖ
7:1
Ⱀⰵ ⱁⱄⱘⰶⰴⰰⰻⱅⰵ ⰴⰰ ⱀⰵ ⱁⱄⱘⰶⰴⰵⱀⰻ ⰱⱘⰴⰵⱅⰵ.
7:2
ⰺⰿⱏⰶⰵ ⰱⱁ ⱄⱘⰴⱁⰿⱏ ⱄⱘⰴⰻⱅⰵ ⱄⱘⰴⱔⱅⱏ ⰲⰰⰿⱏ. ⰺ ⰲⱏ ⱀⱙⰶⰵ {ⰿⱑⱃⱘ} ⰿⱑⱃⱘ ⰿⱑⱃⰻⱅⰵ ⰲⱐⰸⰿⱑⱃⰻⱅⱏ ⱄⱔ ⰲⰰⰿⱏ.
7:3
Ⱍⱅⱁ ⰶⰵ ⰲⰻⰴⰻⱎⰻ ⱄⱘⱍⰵⱌⱏ ⰲⱏ ⱁⱌⱑ ⰱⱃⰰⱅⱃⰰ ⱅⰲⱁⰵⰳⱁ. ⰰ ⰱⱃⱏⰲⱏⱀⰰ ⰵⰶⰵ ⰵⱄⱅⱏ ⰲⱏ ⱁⱌⱑ ⱅⰲⱁⰵⰿⱐ ⱀⰵ ⱍⱓⰵⱎⰻ. ⰾⰻ ⰽⰰⰽⱁ ⱃⰵⱍⰵⱎⰻ ⰱⱃⰰⱅⱃⱆ ⱅⰲⱁⰵⰿⱆ. ⱁⱄⱅⰰⰲⰻ ⰻ ⰻⰸⱏⰿⱘ ⱄⱘⱍⰵⱌⱏ ⰻⰸ ⱁⱍⰵⱄⰵ ⱅⰲⱁⰵⰳⱁ. ⰺ ⱄⰵ ⰱⱃⱏⰲⱏⱀⱁ ⰲⱏ ⱁⱌⱑ ⱅⰲⱁⰵⰿⱐ.
7:5
ⰾⰻⱌⰵⰿⱑⱃⰵ. ⰺ҅ⰸⱐⰿⰻ ⱂⱃⱏⰲⱑⰵ ⰱⱃⱏⰲⱏⱀⱁ ⰻⰸ ⱁⱍⰵⱄⰵ ⱅⰲⱁⰵⰳⱁ . ⰺ҅ ⱅⱁⰳⰴⰰ ⱆⰸⱐⱃⰻⱎⰻ ⰻⰸⱔⱅⰻ ⱄⱘⱍⰵⱌⱏ ⰻⰸ ⱁⱍⰵⱄⰵ ⰱⱃⰰⱅⱃⰰ ⱅⰲⱁⰵⰳⱁ.
7:6
Ⱀⰵ ⰴⰰⰴⰻⱅⰵ ⱄⱅ҃ⰰⰳⱁ ⱂⱄⱁⰿⱏ. ⱀⰻ ⱂⱁⰿⱑⱅⰰⰻⱅⰵ ⰱⰻⱄⱐⱃⱏ ⰲⰰⱎⰻⱈⱏ ⱂⱃⱑⰴⱏ ⱄⰲⰻⱀⱐⱑⰿⰻ. ⰴⰰ ⱀⰵ ⱂⱁⱂⰵⱃⱘⱅⱏ ⰻⱈⱏ ⱀⱁⰳⰰⰿⰻ ⱄⰲⱁⰻⰿⰻ. ⰺ҅ ⰲⱃⰰⱋⱐⱎⰵ ⱄⱔ ⱃⰰⱄⱅⱃⱏⰳⱀⱘⱅⱏ ⰲⱏⰹ. ::
7:7
Ⱂⱃⱁⱄⰻⱅⰵ ⰻ ⰴⰰⱄⱅⱏ ⱄⱔ ⰲⰰⰿⱏ. ⰺ҅ⱋⱑⱅⰵ ⰻ ⱁⰱⱃⱔⱋⰵⱅⰵ. ⱅⰾⱏⱌⱑⱅⰵ ⰻ ⱁⱅⰲⱃⱏⰸⰵⱅⱏ ⱄⱔ ⰲⰰⰿⱏ.
7:8
ⰲⱐⱄⱑⰽⱏ ⰱⱁ ⱂⱃⱁⱄⱔⰻ ⱂⱃⰻⰵⰿⰾⰵⱅⱏ. ⰺ ⰻⱋⱔⰻ ⱁⰱⱃⱑⱅⰰⰰⱅⱏ. ⰺ ⱅⰾⱏⰽⱘⱋⱓⰿⱆ ⱁⱅⰲⱃⱏⰸⰰⰰⱅⱏ ⱄⱔ ::
7:9
ⰾⰻ ⰽⱅⱁ ⰵⱄⱅⱏ ⱁⱅⱏ ⰲⰰⱄⱏ ⱍⰾⰲ҃ⰽⱏ. ⰵⰳⱁⰶⰵ ⰰⱋⰵ ⱂⱃⱁⱄⰻⱅⱏ ⱄⱀ҃ⱏ ⱄⰲⱁⰻ ⱈⰾⱑⰱⰰ. ⰵⰴⰰ ⰽⰰⰿⰵⱀⱐ ⱂⱁⰴⰰⱄⱅⱏ ⰵⰿⱆ
7:10
ⰾⰻ ⰰⱋⰵ ⱃⱏⰹⰱⱏⰹ ⱂⱃⱁⱄⰻⱅⱏ. ⰵⰴⰰ ⰸⰿ ⱙ҅ ⱂⱁⰴⰰⱄⱅⱏ ⰵⰿⱆ.
7:11
ⰰⱋⰵ ⱆⰱⱁ ⰲⱏⰹ ⰾⱘⰽⰰⰲⱐⱀⰻ ⱄⱘⱎⱅⰵ. ⱆⰿⱑⰵⱅⰵ ⰴⰰⰰⱀⰻⱑ ⰱⰾⰰⰳⰰ ⰴⰰⱑⱅⰻ ⱍⱔⰴⱁⰿⱏ ⰲⰰⱎⰻⰿⱏ. ⰽⱁⰾⱐⰿⰻ ⱂⰰⱍⰵ ⱁⱅ҃ⱌⱏ ⰲⰰⱎⱏ ⰻⰶⰵ ⰵⱄⱅⱏ ⱀⱀⰱ҃ⱄⰵⱈⱏ. ⰴⰰⱄⱅⱏ ⰱⰾⰰⰳⰰⰰ ⱂⱃⱁⱄⱔⱋⰻⰻⰿⱏ ⰵⰳⱁ.
7:12
Ⰲⱐⱄⱑ ⱆⰱⱁ ⰵⰾⰻⰽⱁ ⰰⱋⰵ ⱈⱁⱋⰵⱅⰵ ⰴⰰ ⱅⰲⱁⱃⱔⱅⱏ ⰲⰰⰿⱏ ⱍⰾⰲ҃ⱌⰻ. ⱅⰰⰽⱁ ⰻ ⰲⱏⰹ ⱅⰲⱁⱃⰻⱅⰵ ⰻⰿⱏ. ⱄⰵ ⰱⱁ ⰵⱄⱅⱏ ⰸⰰⰽⱁⱀⱏ ⰻ ⱂⱃⱁⱃⱁⱌⰻ.
7:13
ⰲⱐⱀⰻⰴⱑⱅⰵ ⱘⰸⱏⰽⱏⰹⰿⰻ ⰲⱃⰰⱅⱏⰹ. ⱑⰽⱁ ⱂⱃⱁⱄⱅⱃⰰⱀⰰ ⰲⱃⰰⱅⰰ ⰻ ⱎⰻⱃⱁⰽⱏ ⱂⱘⱅⱐ. ⰲⱏⰲⱁⰴⱔⰻ ⰲⱏ ⱂⰰⰳⱆⰱⱘ. ⰺ ⰿⱏⱀⱁⰷⰻ ⱄⱘⱅⱏ ⰲⱏⱈⱁⰴⱔⱋⰻ ⰻⰿⱏ.
7:14
ⰽⱁⰾⱐ ⱘⰸⱏⰽⰰ ⰲⱃⰰⱅⰰ ⰻ ⱅⱑⱄⱀⱏ ⱂⱘⱅⱐ ⰲⱏⰲⱁⰴⱔⰻ ⰲⱏ ⰶⰻⰲⱁⱅⱏ. ⰺ ⰿⰰⰾⱁ ⰻⱈⱏ ⰵⱄⱅⱏ ⰻⰶⰵ ⰻ ⱁⰱⱃⱑⱅⰰⱙⱅⱏ.
7:15
Ⰲⱏⱀⰵⰿⰾⱑⱅⰵ ⱁⱅⱏ ⰾⱏⰶⰻⱈⱏ ⱂⱃⱁⱃⱁⰽⱏ. ⰺⰶⰵ ⱂⱃⰻⱈⱁⰴⱔⱅⱏ ⰽⱏ ⰲⰰⰿⱏ. ⰲⱏ ⱁⰴⰵⰶⰴⰰⱈⱏ ⱁⰲⱐⱍⰰⱈⱏ. ⰲⱐⱀⱘⱅⱃⱐ ⰶⰵ ⱄⱘⱅⱏ ⰲⰾⱏⱌⰻ ⱈⱏⰹⱎⱅⱐⱀⰻⱌⰻ.
7:16
ⱁⱅⱏ ⱂⰾⱁⰴⱏ ⰻⱈⱏ ⱂⱁⰸⱀⰰⰻⱅⰵ ⱗ. ⰵⰴⰰ ⱁⰱⰵⰿⰾⱙⱅⱏ ⱁⱅⱏ ⱅⱃⱏⱀⰻⱑ ⰳⱃⱁⰸⱀⱏⰹ. ⰾⰻ ⱁⱅⱏ ⱃⱑⱂⰻⱑ ⱄⰿⱁⰽⱏⰲⰻ.
7:17
ⱅⰰⰽⱁ ⰲⱐⱄⱑⰽⱁ ⰴⱃⱑⰲⱁ ⰴⱁⰱⱃⱁ. ⱂⰾⱁⰴⱏⰹ ⰴⱁⰱⱃⱏⰹ ⱅⰲⱁⱃⰻⱅⱏ. ⰰ ⰸⱏⰾⱁ ⰴⱃⱑⰲⱁ ⱂⰾⱁⰴⱏⰹ ⰸⱏⰾⱏⰹ ⱅⰲⱁⱃⰻⱅⱏ.
7:18
ⱀⰵ ⰿⱁⰶⰵⱅⱏ ⰴⱃⱑⰲⱁ ⰴⱁⰱⱃⱁ ⱂⰾⱁⰴⱏ ⰸⱁⰾⱏ ⱅⰲⱁⱃⰻⱅⰻ. ⱀⰻ ⰴⱃⱑⰲⱁ ⰸⱏⰾⱁ ⱂⰾⱁⰴⱏ ⰴⱁⰱⱃⱏ ⱅⰲⱁⱃⰻⱅⰻ.
7:19
ⰲⱐⱄⱑⰽⱁ ⰴⱃⱑⰲⱁ ⰵⰶⰵ ⱀⰵ ⱅⰲⱁⱃⰻⱅⱏ ⱂⰾⱁⰴⰰ{ⰴⰰ} ⰴⱁⰱⱃⰰ. ⱂⱁⱄⱑⰽⰰⱙⱅⱏ ⰻ ⰲⱏ ⱁⰳⱀⱐ ⰲⱐⰿⱑⱅⰰⱙⱅⱏ.
7:20
ⱅⱑⰿⱐ ⰶⰵ ⱆⰱⱁ ⱁⱅⱏ {ⱂⰾⱁ}ⱂⰾⱁⰴⱏ ⰻⱈⱏ ⱂⱁⰸⱀⰰⰵⱅⰵ ⱗ ::
7:21
Ⱀⰵ ⰲⱐⱄⱑⰽⱏ ⰳⰾ҃ⱔⰻ ⰿⱐⱀⱑ. ⰳ҃ⰻ ⰳ҃ⰻ ⰲⱐⱀⰻⰴⰵⱅⱏ ⰲⱏ ⱌⱄ҃ⱃⱄⱅⰲⰻⰵ ⱀⰵⰱ҃ⱄⰽⱁⰵ. ⱀⱏ ⱅⰲⱁⱃⱔⰻ ⰲⱁⰾⱙ ⱁⱅ҃ⱌⰰ ⰿⱁⰵⰳⱁ ⰻⰶⰵ ⰵⱄⱅⱏ ⱀⱀⰱ҃ⱈⱏ.
7:22
ⰿⱏⱀⱁⰷⰻ ⰱⱁ ⱃⰵⰽⱘⱅⱏ ⰿⱐⱀⱑ ⰲⱐ ⱅⱏ ⰴⰵⱀⱐ. ⰳ҃ⰻ ⰳ҃ⰻ. ⱀⰵ ⰲⱏ ⱅⰲⱁⰵ ⰾⰻ ⰻⰿⱔ !ⱂⱃⱍⱄⱅⰲⱁⰲⰰⱈⱁⰿⱏ. ⰻ ⱅⰲⱁⰻⰿⱐ ⰻⰿⰵⱀⰵⰿⱐ ⰱⱑⱄⱏⰹ ⰻⰸⰳⱁⱀⰻⱈⱁⰿⱏ. ⰻ ⱅⰲⱁⰻⰿⱐ ⰻⰿⰵⱀⰵⰿⱐ ⱄⰻⰾⱏⰹ ⰿⱏⱀⱁⰳⱏⰹ ⱄⱏⱅⰲⱁⱃⰻⱈⱁⰿⱏ.
7:23
ⰻ ⱅⱁⰳⰴⰰ ⰻⱄⱂⱁⰲⱑⰿⱐ ⰻⰿⱏ. ⱑⰽⱁ ⱀⰻⰽⱁⰾⰻⰶⰵ ⰸⱀⰰⱈⱏ ⰲⰰⱄⱏ. ⱁⱅⰻⰴⱑⱅⰵ ⱁⱅⱏ ⰿⰵⱀⰵ ⰴⱑⰾⰰⱙⱋⰵⰻ ⰱⰵⰸⰰⰽⱁⱀⰻⰵ ::
7:24
Ⰲⱐⱄⱑⰽⱏ ⱆⰱⱁ ⰻⰸⰵ ⱄⰾⱏⰹⱎⰻⱅⱏ ⱄⰾⱁⰲⰵⱄⰰ ⰿⱁⱑ ⱄⰻ ⰻ ⱅⰲⱁⱃⰻⱅⱏ ⱑ. ⱆⱂⱁⰴⱁⰱⰾⱙ ⰻ ⰿⱘⰶⱙ ⰿⱘⰴⱃⱆ. ⰻⰶⰵ ⱄⱁⰸⱏⰴⰰ ⱈⱃⰰⰿⰻⱀⱘ ⱄⰲⱁⱙ ⱀⰰ ⰽⰰⰿⰵⱀⰵ.
7:25
ⰺ҅ ⱄⱏⱀⰻⰴⰵ ⰴⱁⰶⰴⱏ ⰻ ⱂⱃⰻⰴⱘ ⱃⱑⰽⱏⰹ. ⰻ ⰲⱐⰸⰲⱑⰰⱎⱔ ⰲ{ⱃ}ⱑⱅⱃⰻ. ⰺ҅ ⱀⰰⱂⰰⰴⱘ ⱀⰰ ⱈⱂⰰⰿⰻⱀⱘ ⱅⱘ. ⰻ ⱀⰵ ⱂⰰⰴⰵ ⱄⱔ ⱁⱄⱀⱁⰲⰰⱀⰰ ⰱⱁ ⰱⱑ ⱀⰰ ⰽⰰⰿⰵⱀⰵ.
7:26
ⰻ ⰲⱐⱄⱑⰽⱏ ⱄⰾⱏⰹⱎⱔⰻ ⱄⰾⱁⰲⰵⱄⰰ ⰿⱁⱑ ⱄⰻ ⰻ ⱀⰵ ⱅⰲⱁⱃⱔⰻ ⰻⱈⱏ. ⱆⱂⱁⰴⱁⰱⰻⱅⱏ ⱄⱔ ⰿⱘⰶⱘ ⰱⱆⱙ. ⰺⰶⰵ ⱄⱁⰸⱏⰴⰰ ⱄⰲⱁⱙ ⱈⱃⰰⰿⰻⱀⱘ ⱀⰰ ⱂⱑⱄⱏⱌⱑ.
7:27
ⰺ ⱄⱏⱀⰻⰴⰵ ⰴⱁⰶⰴⱏ ⰻ ⱂⱃⰻⰴⱘ ⱃⱑⰽⱏⰹ ⰻ ⰲⱐⰸⰲⱑⰰⱎⱔ ⰲⱑⱅⱃⰻ ⰻ ⱁⱂⱐⱃⱑⱎⱔ ⱄⱔ ⱈⱃⰰⰿⰻⱀⱑ ⱅⱁⰻ. ⰺ ⱂⰰⰴⰵ ⱄⱔ. ⰺ ⰱⱑ ⱃⰰⰸⱃⱆⱎⰵⱀⰻⰵ ⰵⱗ ⰲⰵⰾⰻⰵ ⰷⱑⰾⱁ.
7:28
ⰺ҅ ⰱⱏⰹ!ⱄ ⰵⰳⰴⰰ ⱄⱏⰽⱁⱀⱐⱍⰰ ⰻⱄ҃ⱏ ⰲⱐⱄⱑ ⱄⰾⱁⰲⰵⱄⰰ ⱄⰻ. ⰴⰻⰲⰾⱑⱈⱘ ⱄⱔ ⱀⰰⱃⱁⰴⰻ ⱁ ⱆⱍⰵⱀⰻⰻ ⰵⰳⱁ.
7:29
ⰱⱑ ⰱⱁ ⱆⱍⱔ ⱑⰽⱁ ⰲⰾⰰⱄⱅⱐ ⰻⰿⱏⰹ. ⰺ ⱀⰵ ⱑⰽⱁ ⰽⱏⱀⰻⰶⱏⱀⰻⱌⰻ ⰻⱈⱏ ⰻ ⱇⰰⱃⰻⱄⱑⰻ.