ЕВАНГЕЛИЕ ЕЖЕ Ѿ МАТѲЕꙖ
5:24
ⱁⱄⱅⰰⰲⰻ ⱅⱆ ⰴⰰⱃⱏ ⱅⰲⱁⰻ ⱂⱃⱑⰴⱏ ⱁⰾⱏⱅⰰⱃⰵⰿⱏ. ⰺ ⱎⰵⰴⱏ ⱂⱃⱑⰶⰴⰵ ⱄⱏⰿⰻⱃⰻ ⱄⱔ. ⱄⱏ ⰱⱃⰰⱅⱃⱁⰿⱏ ⱄⰲⱁⰻⰿⱏ. ⰻ ⱅⱁⰳⰴⰰ ⱂⱃⰻⱎⰵⰴⱏ ⱂⱃⰻⱀⰵⱄⰻ ⰴⰰⱃⱏ ⱅⰲⱁⰻ ::
5:25
Ⰱⱘⰴⰻ ⱆⰲⱑⱋⰰⱗ ⱄⱔ ⱄⱏ ⱄⱘⱂⱐⱃⰵⰿⱐ ⱄⰲⱁⰻⰿⱐ ⱄⰽⱁⱃⱁ. ⰴⱁⱀⱐⰴⰵⰶⰵ ⰵⱄⰻ ⱀⰰ ⱂⱘⱅⰻ ⱄⱏ ⱀⰻⰿⱐ. ⰴⰰ ⱀⰵ ⱂⱃⱑⰴⰰⱄⱅⱏ ⱅⰵⰱⰵ ⱄⱘⰴⰻⰻ. ⰺ ⱄⱘⰴⰻⰻ ⱅⱔ ⱂⱃⱑⰴⰰⱄⱅⱏ ⱄⰾⱆⰷⱑ. ⰺ ⰲⱏ ⱅⰵⰿⱐⱀⰻⱌⱘ ⰲⱏⰲⱃⱏⰶⰵⱅⱏ ⱅⱔ.
5:26
ⰰⰿⰻⱀⱐ ⰳⰾ҃ⱙ ⱅⰵⰱⱑ ⱀⰵ ⰻⰸⰻⰴⰵⱎⰻ ⱁⱅⱏ ⱅⱘⰴⱑ. ⰴⱁⱀⱐⰴⰵⰶⰵ ⰲⱏⰸⰴⰰⱄⰻ ⱂⱁⱄⰾⱑⰴⱐⱀⰻⰻ ⰽⱁⰴⱃⰰⱀⱅⱏ ::
5:27
Ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹ!ⱄ ⰴⱃⰵⰲⱏⱀⰻⰿⱏ. ⱀⰵ ⱂⱃⱑⰾⱓⰱⱏⰹ ⱄⱏⱅⰲⱁⱃⰻⱎⰻ.
5:28
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⰻⰶⰵ ⰲⱐⰸⱐⱃⰻⱅⱏ ⱀⰰ ⰶⰵⱀⱘ ⱄⱏ ⱂⱁⱈⱁⱅⰻⱙ. ⱓⰶⰵ ⰾⱓⰱⱏⰹ ⱄⱏⱅⰲⱁⱃⰻ ⱄⱏ ⱀⰵⱙ ⰲⱏ ⱄⱃⰴ҃ⱌⰻ ⱄⰲⱁⰵⰿⱐ.
5:29
ⰰⱋⰵ ⰶⰵ ⱁⰽⱁ ⱅⰲⱁⰵ ⰴⰵⱄⱀⱁⰵ ⱄⱏⰱⰾⰰⰶⱀⰰⰰⱅⱏ ⱅⱔ. ⰺⰸⱐⰿⰻ ⰵ ⰻ ⰲⱃⱏⰸⰻ ⱁⱅⱏ ⱅⰵⰱⰵ. ⱆⱀⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰻⱈⱏ. ⰰ ⱀⰵ ⰲⱐⱄⰵ ⱅⱑⰾⱁ ⱅⰲⱁⰵ ⰲⱏⰲⱃⱏⰶⰵⱀⱁ ⰱⱘⰴⰵⱅⱏ ⰲⱏ ⰼⰵⱁⱀⱘ.
5:30
ⰺ ⰰⱎⱅⰵ ⰴⰵⱄⱀⰰ ⱅⰲⱁⱑ ⱃⱘⰽⰰ ⱄⱏⰱⰾⰰⰶⱀⰰⰰⱅⱏ ⱅⱔ ⱆⱄⱑⱌⰻ ⱙ. ⰻ ⰲⱃⱏⰸⰻ ⱁⱅⱏ ⱄⰵⰱⰵ. ⱆⱀⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰻⱈⱏ. ⰰ ⱀⰵ ⰲⱐⱄⰵ ⱅⱑⰾⱁ ⱅⰲⱁⰵ ⰻⰴⰵⱅⱏ ⰲⱏ ⰼⰵⱁⱀⱘ ::
5:31
ⱃⰵⱍⰵⱀⱁ ⰶⰵ ⰱⱏⰹⱄⱅⱏ. ⰺⰶⰵ ⰰⱎⱅⰵ ⱂⱆⱄⱅⰻⱅⱏ ⰶⰵⱀⱘ ⱄⰲⱁⱙ. ⰴⰰ ⰴⰰⱄⱅⱏ ⰵⰻ ⰽⱏⱀⰻⰳⱏⰹ ⱃⰰⱄⱂⱆⱄⱅⱏⱀⱏⰹⱗ.
5:32
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⱂⱆⱎⱅⰰⱗⰻ ⰶⰵⱀⱘ ⱄⰲⱁⱙ ⱃⰰⰸⰲⱑ ⱄⰾⱁⰲⰵⱄⰵ ⰾⱓⰱⱁⰴⱑⰻⱀⰰⰰⰳⱁ. ⱅⰲⱁⱃⰻⱅⱏ ⱙ ⱂⱃⱑⰾⱓⰱⱏⰹ ⰴⱑⰰⱅⰻ. ⰺ ⰻⰶⰵ ⱂⱁⰴⱏⱂⱑⰳⱘ ⱂⱁⰵⰿⰾⰵⱅⱏ ⱂⱃⱑⰾⱓⰱⱏⰹ ⱅⰲⱁⱃⰻⱅⱏ.
5:33
ⱂⰰⰽⱏⰹ ⱄⰾⱏⰹⱎⰰⱄⱅⰵ. ⱑⰽⱁ ⱃⰵⱍⰵⱀⱁ ⰱⱏⰹ!ⱄ ⰴⱃⰵⰲⱐⱀⰻⰻⰿⱏ. ⱀⰵ ⰲⱏ ⰾⱏⰶⱘ ⰽⰾⱏⱀⰵⱎⰻ ⱄⱔ. ⰲⱏⰸⰴⰰⱄⰻ ⰶⰵ !ⰳⰲⰻ ⰽⰾⱔⱅⰲⱏⰹ ⱅⰲⱁⱗ.
5:34
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⱀⰵ ⰽⰾⱔⱅⰻ ⱄⱔ ⱁⱅⱏⱀⱘⰴⱏ. ⱀⰻ !ⱀⰱⰿⱐ ⱑⰽⱁ ⱂⱃⱑⱄⱅⱁⰾⱏ ⰵⱄⱅⱏ ⰱⰶ҃ⰻⰻ.
5:35
ⱀⰻ ⰸⰵⰿⰾⰵⱙ. ⱑⰽⱁ ⱂⱁⰴⱏⱀⱁⰶⰻⰵ ⰵⱄⱅⱏ ⱀⱁⰳⰰⰿⰰ ⰵⰳⱁ. ⱀⰻ ⰻⰵⱃⱄ҃ⰾⰿⱏⰿⱏ ⱑⰽⱁ ⰳ!ⱃⰴⱏ ⰵⱄⱅⱏ ⰲⰵⰾⰻⰽⰰⰰⰳⱁ ⱌⱄ҃ⱃⱑ.
5:36
ⱀⰻ ⰳⰾⰰⰲⱁⱙ ⱄⰲⱁⰵⱙ ⰽⰾⱏⱀⰻ ⱄⱔ. ⱑⰽⱁ ⱀⰵ ⰿⱁⰶⰵⱎⰻ ⰲⰾⰰⱄⰰ ⰵⰴⰻⱀⱁⰳⱁ ⰱⱑⰾⰰ ⰾⰻ ⱍⱃⱏⱀⰰ ⱄⱏⱅⰲⱁⱃⰻⱅⰻ.
5:37
ⰱⱘⰴⰻ ⰶⰵ ⱄⰾⱁⰲⱁ ⰲⰰⱎⰵ ⰵⰻ ⰵⰻ. ⰺ҅ ⱀⰻ ⱀⰻ. ⰾⰻⱈⱁⰵ ⰱⱁ ⱄⰵⱙ ⱁⱅⱏ ⱀⰵⱂⱃⰻⱑⰸⱀⰻ ⰵⱄⱅⱏ.
5:38
Ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹ!ⱄ. ⱁⰽⱁ ⰸⰰ ⱁⰽⱁ ⰻ ⰸⱘⰱⱏ ⰸⰰ ⰸⱘⰱⱏ.
5:39
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⱀⰵ ⱂⱃⱁⱅⰻⰲⰻⱅⰻ ⱄⱔ ⰸⱏⰾⱆ. Ⱀⱏ ⰰⱋⰵ ⰽⱅⱁ ⱅⱔ ⱆⰴⰰⱃⰻⱅⱏ ⰲⱏ ⰴⰵⱄⱀⱘⱙ ⰾⰰⱀⰻⱅⱘ. ⱁⰱⱃⰰⱅⰻ ⰵⰿⱆ ⰻ ⰴⱃⱆⰳⱘⱙ.
5:40
ⰺ ⱈⱁⱅⱔⱋⱆⰿⱆ ⱄⱘⰴⱏ ⱂⱃⰻⱗⱅⰻ ⱄⱏ ⱅⱁⰱⱁⱙ ⰻ ⱃⰻⰸⱘ ⱅⰲⱁⱙ ⰲⱏⰸⱔⱅⰻ. ⱁⱅⱏⱂⱆⱄⱅⰻ ⰵⰿⱆ ⰻ ⱄⱃⰰⱍⰻⱌⱘ ⱅⰲⱁⱙ.
5:41
ⰻ ⰰⱋⰵ ⰽⱏⱅⱁ ⱂⱁⰻⰿⰵⱅⱏ ⱅⱔ ⱂⱁ ⱄⰻⰾⱑ. ⱂⱁⱂⱐⱃⰻⱋⰵ ⰵⰴⰻⱀⱁ. ⰺⰴⰻ ⱄⱏ ⱀⰻⰿⱐ ⰴⱐⰲⱑ ::
5:42
Ⱂⱃⱁⱄⱔⱎⱅⱆⰿⱆ ⱆ ⱅⰵⰱⰵ ⰴⰰⰻ. ⰺ ⱈⱁⱅⱔⱎⱅⰰⰳⱁ ⱁⱅⱏ ⱅⰵⰱⰵ ⰸⰰⱗⱅⰻ ⱀⰵ ⱁⱅⱏⰲⱃⰰⱅⰻ.
5:43
ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰵⱄⱅⱏ. ⰲⱏⰸⰾⱓⰱⰻⱎⰻ ⰻⱄⰽⱃⱐⱀⱑⰳⱁ ⱄⰲⱁⰵⰳⱁ. ⰺ ⰲⱐⰸⱀⰵⱀⰰⰲⰻⰴⰻⱎⰻ ⰲⱃⰰⰳⰰ ⱄⰲⱁⰵⰳⱁ.
5:44
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⰾⱓⰱⰻⱅⰵ ⰲⱃⰰⰳⱏⰹ ⰲⰰⱎⱔ. !ⰱⰾⰰⰳⱄⰾⰲⰻⱅⰵ ⰽⰾⱏⱀⱘⱎⱅⱔⱗ ⰲⱏⰹ. ⰴⱁⰱⱃⱁ ⱅⰲⱁⱃⰻⱅⰵ ⱀⰵⱀⰰⰲⰻⰴⱔⱎⱅⰻⰻⰿⱏ ⰲⰰⱄⱏ ⰺ ⰿⱁⰾⰻⱅⰵ ⰸⰰ ⱅⰲⱁⱃⱔⱋⱔⱗ ⰲⰰⰿⱏ ⱀⰰⱂⰰⱄⱅⰻ. ⰻ ⰻⰸⰳⱁⱀⱔⱋⱔⱗ ⰲⱏⰹ.
5:45
ⰴⰰ ⰱⱘⰴⰵⱅⰵ ⱄⱀ҃ⰲⰵ ⱁⱅ҃ⱌⰰ ⰲⰰⱎⰵⰳⱁ ⰻⰶⰵ ⰵⱄⱅⱏ ⱀⰰ ⱀⰵⰱ҃ⱄⱈⱏ. ⱑⰽⱁ ⱄⰾⱏⱀⱐⱌⰵ ⱄⰲⱁⰵ ⱄⱐⱑⰰⱅⱏ ⱀⰰ ⰸⱏⰾⱏⰹ ⰻ ⰱⰾⰰⰳⱏⰹ. ⰺ҅ ⰴⱏⰶⰴⰻⱅⱏ ⱀⰰ ⱂⱃⰰⰲⰵⰴⱏⱀⱏⰹ ⰻ ⱀⰰ ⱀⰵⱂⱃⰰⰲⰵⰴⱏⱀⱏⰹ.
5:46
ⰰⱋⰵ ⰱⱁ ⰾⱓⰱⰻⱅⰵ ⰾⱓⰱⱔⱋⱔⱗ ⰲⱏⰹ. ⰽⱘⱙ ⰿⱏⰸⰴⱘ ⰻⰿⰰⱅⰵ. ⱀⰵ ⰻ ⰿⱏⰹⱅⰰⱃⰵ ⰾⰻ ⱅⱁⰶⰴⰵ ⱅⰲⱁⱃⱔⱅⱏ.
5:47
ⰺ ⰰⱋⰵ ⱌⱑⰾⱆⰵⱅⰵ ⰴⱃⱆⰳⱏⰹ ⰲⰰⱎⱔ. ⱅⱁⰽⱏⰿⱁ ⱍⱅⱁ ⰾⰻⱈⱁ ⱅⰲⱁⱃⰻⱅⰵ. ⱀⰵ ⰻ ⰿⱏⰹⱅⰰⱃⰵ ⰾⰻ ⱅⰰⰽⱁ ⱅⰲⱁⱃⱔⱅⱏ.
5:48
ⰱⱘⰴⱑⱅⰵ ⱆⰱⱁ ⰲⱏⰹ ⱄⱏⰲⱃⱏⱎⰵⱀⰻ. ⱑⰽⱁ ⰻ ⱁⱅⰵⱌⱏ ⰲⰰⱎⱏ ⱀⰱ҃ⱄⰽⱏⰹ ⱄⱏⰲⱃⱏⱎⰵⱀⱏ ⰵⱄⱅⱏ ::