ЕВАНГЕЛИЕ ЕЖЕ Ѿ МАТѲЕꙖ
28:1
Ⰲⱏ ⰲⰵⱍⰵⱃⱏ ⰶⰵ ⱄⱁⰱⱁⱅⱏⱀⱏⰹ. ⱄⰲⰻⱅⰰⱙⱋⰻ ⰲⱏ ⱂⱃⱏⰲⱘⱙ ⱄⱁⰱⱁⱅⱘ. ⱂⱃⰻⰴⰵ ⰿⰰⱃⰻⱑ ⰿⰰⰳⰴⰰⰾⱏⰹⱀⰻ. ⰺ ⰴⱃⱆⰳⰰⱑ ⰿⰰⱃⰻⱑ ⰲⰻⰴⱑⱅⱏ ⰳⱃⱁⰱⰰ.
28:2
ⰺ ⱄⰵ ⱅⱃⱘⱄⱏ ⰱⱏⰹⱄⱅⱏ ⰲⰵⰾⰻⰻ. ⰰⱀⰼ҃ⰾ ⰱⱁ ⰳⱀ҃ⱐ ⱄⱏⱎⰵⰴⱏ ⱄ ⱀⰱ҃ⱄⰵ. ⰺ ⱂⱃⰻⱄⱅⱘⱂⱐ ⱁⱅⱏⰲⰰⰾⰻ ⰽⰰⰿⰵⱀⱐ ⱁⱅⱏ ⰴⰲⱐⱃⰵⰻ ⰳⱃⱁⰱⰰ. ⰺ ⱄⱑⰴⱑⰰⱎⰵ ⱀⰰ ⱀⰵⰿⱐ.
28:3
ⰱⱑ ⰱⱁ ⰸⱃⰰⰽⱏ ⰵⰳⱁ ⱑⰽⱁ{ⱁ} ⰿⰾⱏⱀⰻⰻ. ⰺ ⱁⰴⱑⱀⰻⰵ ⰵⰳⱁ ⰱⱑⰾⱁ ⱑⰽⱁ ⱄⱀⱑⰳⱏ.
28:4
ⱁⱅⱏ ⱄⱅⱃⰰⱈⰰ ⰶⰵ ⰵⰳⱁ ⱄⱏⱅⱃⱔⱄⱔ ⱄⱔ ⱄⱅⱃⱑⰳⱘⱎⱅⰵⰻ. ⰺ҅ ⰱⱏⰹⱎⱔ ⱑⰽⱁ ⰿⱃⱏⱅⰲⰻ.
28:5
ⱁⱅⱏⰲⱑⱎⱅⰰⰲⱏ ⰶⰵ ⰰⱀⰼ҃ⰾⱐ ⱃⰵⱍⰵ ⰶⰵⱀⰰⰿⰰ. ⱀⰵ ⰱⱁⰻⱅⰰ ⰲⱏⰹ ⱄⱔ. ⰲⱑⰿⱏ ⰱⱁ ⱑⰽⱁ ⰻⱄ҃ⰰ ⱂⱃⱁ{ⱂⱔ}ⱂⱔⱅⰰⰰⰳⱁ ⰻⱋⰵⱅⰰ.
28:6
ⱀⱑⱄⱅⱏ ⱄⱐⰴⰵ ⰲⱏⱄⱅⰰ ⰱⱁ ⱑⰽⱁⰶⰵ ⱃⰵⱍⰵ. ⱂⱃⰻⰴⱑⱅⰰ ⰲⰻⰴⰻⱅⰰ ⰿⱑⱄⱅⱁ. ⰺⰴⰵⰶⰵ ⰾⰵⰶⰰ !ⱈⱏ.
28:7
ⰺ ⱗⰴⱃⱁ ⱎⱐⰴⱏⱎⰻ ⱃⱐⱌⱑⱅⰰ ⱆⱍⰵⱀⰻⰽⱁⰿⱏ ⰵⰳⱁ. ⱑⰽⱁ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ. ⰺ ⱄⰵ ⰲⰰⱃⱑⰰⱅⱏ ⰲⱏⰹ ⰲⱏ ⰳⰰⰾⰻⰾⰵⰻ. ⱅⱆ ⰻ ⱆⰸⱐⱃⰻⱅⰵ ⱄⰵ ⱃⱑⱈⱏ ⰲⰰⰿⰰ.
28:8
Ⰺ ⱁⱅⱏⱎⰵⰴⱏⱎⰻ ⱗⰴⱃⱁ ⱁⱅⱏ ⰳⱃⱁⰱⰰ ⱄⱏ ⱄⱅⱃⰰⱈⱁⰿⱏ. ⰺ ⱃⰰⰴⱁⱄⱅⰻⱙ ⰲⰵⰾⰻⰵⱙ. ⱅⱑⱄⱅⰵ ⰲⱐⰸⰲⱑⱄⱅⰻⱅⱏ ⱆⱍⰵⱀⰻⰽⱁⰿⱏ ⰵⰳⱁ.
28:9
ⰺ ⱄⰵ ⰻⱄ҃ⱏ ⱄⱏⱃⱑⱅⰵ ⰻ ⰳⰾ҃ⱔ ⱃⰰⰴⱆⰻⱅⰰ ⱄⱔ. ⱁⱀⱑ ⰶⰵ ⱂⱃⰻⱄⱅⱘⱂⱐⱎⰻ ⱗⱄⱅⰵ ⱄⱔ ⰸⰰ ⱀⱁⰷⱑ ⰵⰳⱁ. ⰻ ⱂⱁⰽⰾⱁⱀⰻⱄⱅⰵ ⱄⱔ ⰵⰿⱆ.
28:10
ⱅⱏⰳⰴⰰ ⰳⰾ҃ⰰ ⰻⰿⰰ ⰻⱄ҃ⱏ ⱀⰵ ⰱⱁⰻⱅⰰ ⱄⱔ ⰻⰴⱑⱅⰰ ⰻ ⰲⱐⰸⰲⱑⱄⱅⰻⱅⰰ ⰱⱃⰰⱅⱃⰻⰻ ⰿⱁⰵⰻ. ⰴⰰ ⰻⰴⱘⱅⱏ ⰲⱏ ⰳⰰⰾⰻⰾⰵⱙ ⰻ ⱅⱆ ⰿⱔ ⰲⰻⰴⱔⱅⱏ.
28:11
ⰺⰴⱘⱎⱅⰰⰿⰰ ⰶⰵ ⰻⰿⰰ. ⱄⰵ ⰵⰴⰻⱀⰹ ⱁⱅⱏ ⰽⱆⱄⱅⱁⰴⰻⱗ ⱂⱃⰻⱎⰵⰴⱏⱎⰵ ⰲⱏ ⰳⱃⰰⰴⱏ. ⰲⱐⰸⰲⱑⱄⱅⰻⱎⱔ ⰰⱃⱈⰻⰵⱃⰵⱁⰿⱏ ⰲⱐⱄⱑ ⰱⱏⰹⰲⱏⱎⰰⰰ.
28:12
ⰺ ⱄⱏⰱⱏⱃⰰⱎⱔ ⱄⱔ ⱄⱅⰰⱃⱐⱌⰻ. ⱄⱏⰲⱑⱅⱏ ⰶⰵ ⱄⱏⱅⰲⱁⱃⱐⱎⰵ. ⱄⱏⱃⰵⰱⱃⱁ ⰿⱏⱀⱁⰳⱁ ⰴⰰⱎⱔ ⰲⱁⰻⱀⱁⰿⱏ.
28:13
ⰳⰾ҃ⱙⱎⱅⰵ. ⱃⱐⱌⱑⱅⰵ ⱑⰽⱁ ⱆⱍⰵⱀⰻⱌⰻ ⰵⰳⱁ ⱀⱁⱎⱅⱐⱙ. ⱂⱃⰻⱎⰵⰴⱏⱎⰵ ⱆⰽⱃⰰⰴⱘ ⰻ ⱀⰰⰿⱏ ⱄⱏⱂⱔⱎⱅⰵⰿⱏ.
28:14
ⰺ ⰰⱎⱅⰵ ⱄⰵ ⱆⱄⰾⱏⰹⱎⰰⱀⱁ ⰱⱘⰴⰵⱅⱏ ⱆ ⰻ҅ⰼⰵⰿⱁⱀⰰ. ⰿⱏⰹ ⱆⱅⱁⰾⰻⰿⱏⰹ ⰻ. ⰺ ⰲⱏⰹ ⰱⰵⱄ ⱂⰵⱍⰰⰾⰻ ⱄⱏⱅⰲⱁⱃⰻⰿⱏ.
28:15
ⱁⱀⰻ ⰶⰵ ⱂⱃⰻⰵⰿⱏⱎⰵ ⱄⱏⱃⰵⰱⱃⱁ. ⱄⱏⱅⰲⱁⱃⰻⱎⱔ ⱑⰽⱁⰶⰵ ⱀⰰⱆⱍⰵⱀⰻ ⰱⱏⰹⱎⱔ. ⰺ ⱂⱃⱁⰿⱐⱍⰵ ⱄⱔ ⱄⰾⱁⰲⱁ ⱄⰵ ⰲⱏ ⰹⱓⰴⰵⰻⱈⱏ ⰴⱁ ⱄⰵⰳⱁ ⰴⱐⱀⰵ ::
28:16
ⰵ҅ⰴⰻⱀⱏⰹ ⰶⰵ ⱀⰰ ⰴⰵⱄⱔⱅⰵ ⱆⱍⰵⱀⰻⰽⱏ. ⰺⰴⱘ ⰲⱏ ⰳⰰⰾⰻⰾⰵⱙ. ⰲⱏ ⰳⱁⱃⱘ ⱑⰿⱁⰶⰵ ⱂⱁⰲⰵⰾⱑ ⰻⰿⱏ ⰻⱄ҃ⱏ.
28:17
ⰺ҅ ⰲⰻⰴⱑⰲⱏⱎⰵ ⰻ ⱂⱁⰽⰾⱁⱀⰻⱎⱔ ⱄⱔ ⰵⰿⱆ. ⱁⰲⰻ ⰶⰵ ⱆⱄⱘⰿⱐⱀⱑⱎⱔ ⱄⱔ.
28:18
ⰺ ⱂⱃⰻⱄⱅⱘⱂⱐ ⰻⱄ҃ ⱃⰵⱍⰵ ⰻⰿⱏ ⰳⰾ҃ⱔ. ⰴⰰⱀⰰ ⰿⰻ ⰵⱄⱅⱏ ⰲⱐⱄⱑⰽⰰ ⰲⰾⰰⱄⱅⱐ. ⱀⰰ ⱀⰵⰱ҃ⱄⰵ ⰻ ⱀⰰ ⰸⰵⰿⰻ.
28:19
Ⱎⱐⰴⱏⱎⰵ ⱆⰱⱁ ⱀⰰⱆⱍⰻⱅⰵ ⰲⱐⱄⱔ !ⱗⰸⰽⱏⰹ. ⰽⱃⱐⱄⱅⱔⱎⱅⰵ ⱗ ⰲⱏ ⰹⰿⱔ ⱁⱅ҃ⱌⰰ ⰻ ⱄⱀ҃ⰰ ⰻ ⱄⱅ҃ⰰⰰⰳⱁ ⰴⱈ҃ⰰ.
28:20
ⱆⱍⱔⱋⰵ ⱗ ⰱⰾⱓⱄⱅⰻ. ⰲⱐⱄⱑ ⰵⰾⰻⰽⱁ ⰸⰰⱂⱁⰲⱑⰴⰰⱈⱏ ⰲⰰⰿⱏ. ⰺ҅ ⱄⰵ ⰰⰸⱏ ⱄⱏ ⰲⰰⰿⰻ ⰵⱄⰿⱏ ⰲⱐⱄⱔ ⰴⱐⱀⰻ ⰴⱁ ⱄⱏⰽⱁⱀⱐⱍⰰⱀⰻⱑ ⰲⱑⰽⰰ ⰰⰿⰻⱀⱐ :: .: ⰽ!ⱌ :: :: ::