ЕВАНГЕЛИЕ ЕЖЕ Ѿ МАТѲЕꙖ
25:1
Ⱅⱏⰳⰴⰰ ⱆⱂⱁⰴⱁⰱⰻⱅⱏ ⱄⱔ !ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ ⰴⰵⱄⱔⱅⰻ ⰴⱑⰲⱏ. ⱗⰶⰵ ⱂⱃⰻⰹⰿⱏⱎⱔ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ. ⰺⰸⰻⰴⱘ ⱂⱃⱁⱅⰻⰲⱆ ⰶⰵⱀⰻⱈⱆ ....
25:2
ⱂⱔⱅⱐ ⰶⰵ ⰱⱑ ⱁⱅⱏ ⱀⰻⱈⱏ ⰱⱆⰻ. ⰺ ⱂⱔⱅⱐ ⰿⱘⰴⱃⱏ.
25:3
ⰱⱆⱗ ⰱⱁ ⱂⱃⰻⰵⰿⱏⱎⱔ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ. ⱀⰵ ⰲⱐⰸⱔⱎⱔ ⱄⱏ ⱄⱁⰱⱁⱙ ⱁⰾⰵⰰ.
25:4
ⰰ ⰿⱘⰴⱃⱏⰹⱗ ⱂⱃⰻⱗⱎⱔ ⱁⰾ ⰻ҅. ⰲⱏ ⱄⱏⱄⱘⰴⱑⱈⱏ ⱄⱏ ⱄⰲⱑⱅⰻⰾⱏⱀⰻⰽⱏⰹ ⱄⰲⱁⰻⰿⰻ.
25:5
ⰽⱐⱄⱀⱔⱋⱆ ⰶⰵ ⰶⰵⱀⰻⱈⱆ. ⰲⱐⰸⰴⱃⱑⰿⰰⱄⱔ ⱄⱔ ⰲⱐⱄⱔ ⰻ ⱄⱏⱂⰰⰰⱈⱘ.
25:6
ⱂⱁⰾⱆ ⱀⱁⱎⱅⰻ ⰶⰵ ⰲⱏⱂⰾⱐ ⰱⱏⰹⱄⱅⱏ. ⱄⰵ ⰶⰵⱀⰻⱈⱏ ⰳⱃⱔⰴⰵⱅⱏ. ⰺⱄⱈⱁⰴⰻⱅⰵ ⰲⱐ ⱄⱏⱃⱑⱅⰵⱀⰻⰵ ⰵⰳⱁ.
25:7
ⱅⱏⰳⰴⰰ ⰲⱏⱄⱅⰰⱎⱔ ⰴⱑⰲⱏⰹ ⱅⱏⰹ ⰲⱐⱄⱔ. ⰻ ⱆⰽⱃⰰⱄⰻⱎⱔ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ.
25:8
ⰱⱆⱗ ⱃⱑⱎⱔ ⰿⱘⰴⱃⱏⰹⰻⰿⱏ. ⰴⰰⰴⰻⱅⰵ ⱀⰰⰿⱏ ⱁⱅⱏ ⱁⰾⱑⰰ ⰲⰰⱎⰵⰳⱁ. ⱑⰽⱁ ⱄⰲⱑⱅⰻⰾⱐⱀⰻⱌⰻ ⱀⰰⱎⰻ ⱆⰳⰰⱄⰰⱙⱅⱏ.
25:9
ⱁⱅⱐⰲⱑⱎⱅⰰⱎⱔ ⰶⰵ ⰿⱘⰴⱃⱏⰹⱗ ⰳⰾ҃ⱙⱎⱅⱔ. ⰵⰴⰰ ⰽⰰⰽⱁ ⱀⰵ ⰴⱁⱄⱅⰰⱀⰵⱅⱏ ⱀⰰⰿⱏ ⰻ ⰲⰰⰿⱏ. ⰺⰴⱑⱅⰵ ⰶⰵ ⱂⰰⱍⰵ ⰽⱏ ⱂⱃⱁⰴⰰⱙⱋⰻⰿⱏ ⰻ ⰽⱆⱂⰻⱅⰵ ⱄⰵⰱⱑ.
25:10
ⰺⰴⱘⱎⱅⰰⰿⱏ ⰶⰵ ⰻⰿⱏ ⰽⱆⱂⰻⱅⱏ ⱂⱃⰻⰴⰵ ⰶⰵⱀⰻⱈⱏ. ⰺ ⰳⱁⱅⱁⰲⱏⰹⱗ ⰲⱏⱀⰻⰴⱘ ⱄⱏ ⱀⰻⰿⱏ ⱀⰰ ⰱⱃⰰⰽⱏ. ⰺ ⰸⰰⱅⰲⱁⱃⰵⱀⱏⰹ ⰱⱏⰹⱎⱔ ⰴⰲⱐⱃⰻ.
25:11
ⱂⱁⱄⰾⱑⰴⱐ ⰶⰵ ⱂⱃⰻⰴⱘ ⰻ ⱂⱃⱁⱍⱔⱗ ⰴⱑⰲⱏⰹ. ⰳⰾ҃ⱙⱋⱔ ⰳ҃ⰻ ⰳ҃ⰻ ⱁⱅⱏⰲⱃⱏⰸⰻ ⱀⰰⰿⱏ.
25:12
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱀⰵ ⰲⱑⰿⱐ ⰲⰰⱄⱏ.
25:13
ⰱⱐⰴⰻⱅⰵ ⱆⰱⱁ ⱑⰽⱁ ⱀⰵ ⰲⱑⱄⱅⰵ ⰴⱐⱀⰻ ⱀⰻ ⱍⰰⱄⰰ :: ⰽ!ⱌ ::
25:14
Ⱑⰽⱁⰶⰵ ⰱⱁ ⱍⰾⰲ҃ⰽⱏ ⱁⱅⱏⱈⱁⰴⱔ ⱂⱃⰻⰸⱏⰲⰰ ⱄⰲⱁⱗ ⱃⰰⰱⱏⰹ. ⰺ ⱂⱃⱑⰴⰰⱄⱅⱏ ⰻⰿⱏ ⰻⰿⱑⱀⰻⰵ ⱄⰲⱁⰵ.
25:15
ⰺ ⱁⰲⱁⰿⱆ ⰶⰵ ⰴⰰⱄⱅⱏ ⱂⱔⱅⱐ ⱅⰰⰾⰰⱀⱏⱅⱏ. ⱁⰲⱁⰿⱆ ⰶⰵ ⰴⱏⰲⰰ. ⱁⰲⱁⰿⱆ ⰶⰵ ⰵⰴⰻⱀⱏ. ⰽⱁⰿⱆⰶⱏⰴⱁ ⱂⱃⱁⱅⰻⰲⱘ ⱄⰻⰾⱑ ⱄⰲⱁ ⰻ҅. ⰺ҅ ⱁⱅⰻⰴⰵ ⰰⰱⰻⰵ.
25:16
ⱎⰵⰴⱏ ⰶⰵ ⱂⱃⰻⰵⰿⱏⰹ. !ⰴ ⱅⰰⰾⰰⱀⱏⱅⱏ ⰴⱑⰾⰰ ⱁ ⱀⰻⱈⱏ. ⰺ ⱂⱃⰻⱁⰱⱃⱑⱅⰵ ⰴⱃⱆⰳⱘⱙ !ⰴ ⱅⰰⰾⰰⱀⱅⱏ.
25:17
ⱅⰰⰽⱁ ⰻ ⰻⰶⰵ ⰴⱏⰲⰰ. ⱂⱃⰻⱁⰱⱃⱑⱅⰵ ⰴⱃⱆⰳⰰⱑ ⰴⱏⰲⰰ.
25:18
ⰰ ⱂⱃⰻⰵⰿⱏⰹ ⰵⰴⰻⱀⱏ. ⱎⱏⰴⱏ ⱃⰰⱄⰽⱁⱂⰰ ⰸⰵⰿⰾⱙ. ⰺ ⱄⱏⰽⱃⱏⰹ ⱄⱏⱃⰵⰱⱃⱁ ⰳⱀ҃ⰰ ⱄⰲⱁⰵⰳⱁ.
25:19
ⱂⱁ ⰿⱐⱀⱁⰸⱑⱈⱏ ⰶⰵ ⰲⱃⱑⰿⰵⱀⰵⱈⱏ ⱂⱃⰻⰴⰵ !ⰳⱐ ⱃⰰⰱⱏ ⱅⱑⱈⱏ. ⰺ ⱄⱏⱅⱔⰸⰰ ⱄⱔ ⱄⱏ ⱀⰻⰿⰻ ⱁ ⱄⰾⱁⰲⰵⱄⰻ.
25:20
ⰺ ⱂⱃⰻⱄⱅⱘⱂⱐ ⱂⱃⰻⰻⰿⱏⰹ !ⰴ ⱅⰰⰾⰰⱀⱏⱅⱏ. ⱂⱃⰻⱀⰵⱄⰵ ⰴⱃⱆⰳⱘⱙ !ⰴ ⱅⰰⰾⰰⱀⱏⱅⱏ ⰳⰾ҃ⱔ. ⰳ҃ⰻ ⱂⱔⱅⱐ ⱅⰰⰾⰰⱀⱏⱅⱏ ⰿⰻ ⰵⱄⰻ ⱂⱃⱑⰴⰰⰾⱏ. ⱄⰵ ⰴⱃⱆⰳⱘⱙ !ⰴ ⱅⰰⰾⰰⱀⱏⱅⱏ ⱂⱃⰻⱁⰱⱃⱑⱅⱏ ⰻⰿⰻ.
25:21
ⱃⰵⱍⰵ ⰵⰿⱆ !ⰳⱐ ⰵⰳⱁ. ⰴⱁⰱⱃⱏⰹ ⱃⰰⰱⰵ ⰻ ⰱⰾⰰⰳⱏⰹ ⰻ҅ ⰲⱑⱃⱐⱀⰵ ⱁ ⰿⰰⰾⱑ ⰱⱑ ⰲⱑⱃⰵⱀⱏ. ⱀⰰⰴⱏ ⰿⱏⱀⱁⰳⱏⰹ ⱅⱔ ⱂⱁⱄⱅⰰⰲⰾⱙ. ⰲⱐⱀⰻⰴⰻ ⰲⱐ ⱃⰰⰴⱁⱄⱅⱐ ⰳ҃ⰻ ⱅⰲⱁⰵⰳⱁ.
25:22
ⱂⱃⰻⱄⱅⱘⱂⱐ ⰶⰵ ⰻ ⱂⱃⰻⰵⰿⱏⰹ ⰴⱏⰲⰰ ⱅⰰⰾⰰⱀⱏⱅⰰ ⱃⰵⱍⰵ. ⰳ҃ⰻ !ⰱ ⱅⰰⰾⰰⱀⱏⱅⰰ ⰿⰻ ⰵⱄⰻ ⱂⱃⱑⰴⰰⰾⱏ. ⱄⰵ ⰴⱃⱆⰳⰰⱑ ⰴⱏⰲⰰ ⱂⱃⰻⱁⰱⱃⱑⱅⱏ ⰻⰿⰰ.
25:23
ⱃⰵⱍⰵ ⰵⰿⱆ !ⰳⱐ ⰵⰳⱁ. ⰴⱁⰱⱃⱏⰹ ⱃⰰⰱⰵ ⰱⰾⰰⰳⱏⰹ ⰻ ⰲⱑⱃⱐⱀⰵ. ⱁ ⰿⰰⰾⱑ ⰱⱑ ⰲⱑⱃⰵⱀⱏ ⱀⰰⰴⱏ ⰿⱏⱀⱁⰳⱏⰹ ⱅⱔ ⱂⱁⱄⱅⰰⰲⰾⱙ. ⰲⱐⱀⰻⰴⰻ ⰲⱏ ⱃⰰⰴⱁⱄⱅⱐ ⰳ҃ⰻ ⱅⰲⱁⰵⰳⱁ.
25:24
ⱂⱃⰻⱄⱅⱘⱂⱐ ⰶⰵ ⰻ ⱂⱃⰻⰵⰿⱏⰹ ⰵⰴⰻⱀⱏ ⱅⰰⰾⰰⱀⱏⱅⱏ ⱃⰵⱍⰵ ⰳ҃ⰻ. ⰲⱑⰴⱑⱈⱏ ⱅⱔ ⱑⰽⱁ ⰶⰵⱄⱅⱁⰽⱏ ⰵⱄⰻ ⱍⰾ҃ⰽⱏ. ⰶⱐⱀⱔ ⰻⰴⰵⰶⰵ ⱀⱑⱄⰻ ⱄⱑⰾⱏ ⰻ ⱄⱏⰱⰻⱃⰰⱗ ⱙⰴⱆⰶⰵ ⱀⰵ ⱃⰰⱄⱅⱁⱍⱏ
25:25
ⰺⰾⰺ ⱆⰱⱁⱑⰲⱏ ⱄⱔ ⱎⰵⰴⱏ ⱄⱏⰽⱃⱏⰹⱈⱏ ⱅⰰⰾⰰⱀⱅⱏ ⱅⰲⱁⰻ ⰲⱐ ⰸⰵⰿⰻ. ⱄⰵ ⰻⰿⰰⱎⰻ ⱅⰲⱁⰵ.
25:26
ⱁⱅⱏⰲⱑⱎⱅⰰⰲⱏ ⰶⰵ ⰳ҃ⱏ ⰵⰳⱁ ⱃⰵⱍⰵ ⰵⰿⱆ. ⰸⱏⰾⱏⰹ ⱃⰰⰱⰵ ⰻ ⰾⱑⱀⱏⰹ. ⰲⱑⰴⱑⰰⱎⰵ ⱑⰽⱁ ⰶⱐⱀⱙ ⰻⰴⰵⰶⰵ ⱀⰵ ⱄⱑⰰⱈⱏ. ⰺ ⱄⱏⰱⰻⱃⰰⱙ ⱙⰴⱆⰶⰵ ⱀⰵ ⱃⰰⱄⱅⱁⱍⰻⱈⱏ.
25:27
ⱂⱁⰴⱁⰱⰰⰰⱎⰵ ⱅⰻ ⱆⰱⱁ ⰲⱏⰴⰰⱅⰻ ⱄⱏⱃⰵⰱⱃⱁ ⰿⱁⰵ ..... ⱅⱃⱏⰶⱏⱀⰻⰽⱁⰿⱏ. ⰺ҅ ⱂⱃⰻⱎⱐⰴⱏ ⰰⰸⱏ ⰲⱐⰸⱔⰾⱏ ⱆⰱⱁ ⰱⰻⰿⱐ ⱄⰲⱁⰵ ⱄⱏ ⰾⰻⱈⰲⱁⱙ.
25:28
ⰲⱐⰸⱐⰿⱑⱅⰵ ⱆⰱⱁ ⱁⱅⱏ ⱀⰵⰳⱁ ⱅⰰⰾⰰⱀⱏⱅⱏ. ⰺ ⰴⰰⰴⰻⱅⰵ ⰻⰿⱘⱋⱓⰿⱆ. !ⰺ. ⱅⰰⰾⰰⱀⱏⱅⱏ.
25:29
ⰺⰿⱘⱋⱓⰿⱆ ⰱⱁ ⰲⰵⱄⱐⰴⰵ ⰴⰰⱀⱁ ⰱⱘⰴⰵⱅⱏ ⰻ ⰻⰸⰱⱘⰴⰵⱅⱏ. ⰰ ⱁⱅⱏ ⱀⰵ ⰻⰿⱘⱎⱅⰰⰰⰳⱁ ⰻ ⰵⰶⰵ ⰰⱎⱅⰵ ⰿⱐⱀⰻⱅⱏ ⱄⱔ ⰻⰿⱏⰹ ⰲⱐⰸⱔⱅⱁ ⰱⱘⰴⰵⱅⱏ ⱁⱅⱏ ⱀⰵⰳⱁ :: ⰽ!ⱌ ::
25:30
ⰺ҅ ⱀⰵⰽⰾⱓⱍⰻⰿⰰⰰⰳⱁ ⱃⰰⰱⰰ ⰲⱏⰲⱃⱏⰷⱑⱅⰵ ⰲⱏ ⱅⱏⰿⱘ ⰽⱃⱁⰿⱑⱎⱅⱐⱀⱙⱙ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱏ ::
25:31
Ⰵⰳⰴⰰ ⱂⱃⰻⰴⰵⱅⱏ ⱄⱀ҃ⱏ !ⱍⰾⱄⰽⱏⰹ ⰲⱏ ⱄⰾⰰⰲⱑ ⱄⰲⱁⰵⰻ. ⰺ ⰲⱐⱄⰻ =ⱄⱅⰻ= ⰰⱀⰼ҃ⰾⰻ ⱄⱏ ⱀⰻⰿⱏ. ⱅⱏⰳⰴⰰ ⱄⱔⰴⰵⱅⱏ ⱀⰰ ⱂⱃⱑⱄⱅⱁⰾⱑ ⱄⰾⰰⰲⱏⰹ ⱄⰲⱁⰵⱗ.
25:32
ⰺ ⱄⱏⰱⰵⱃⱘⱅⱏ ⱄⱔ ⱂⱃⱑⰴⱏ ⱀⰻⰿⱐ ⰲⱐⱄⰻ ⱗⰸⱏⰹⱌⰻ. ⰺ ⱃⰰⰸⰾⱘⱍⰻⱅⱏ ⱗ ⰴⱃⱆⰳⱏ ⱁⱅⱏ ⰴⱃⱆⰳⰰ. ⱑⰽⱁⰶⰵ ⱂⰰⱄⱅⱏⰹⱃⱏ ⱃⰰⰶⰾⱘⱍⰰⰰⱅⱏ ⱁⰲⱏⱌⱔ ⱁⱅⱏ ⰽⱁⰸⱐⰾⰻⱎⱅⱏ.
25:33
ⰺ ⱂⱁⱄⱅⰰⰲⰻⱅⱏ ⱁⰲⱐⱌⱔ ⱁ ⰴⰵⱄⱀⱘⱙ ⱄⰵⰱⰵ. ⰰ ⰽⱁⰸⱐⰾⰻⱋⱔ ⱁ ⱎⱓⱙ.
25:34
ⱅⱏⰳⰴⰰ ⱃⰵⱍⰵⱅⱏ ⱌⱄ҃ⱃⱏ ⱄⱘⱎⱅⰻⰻⰿⱏ ⱁ ⰴⰵⱄⱀⱘⱙ ⰵⰳⱁ. ⱂⱃⰻⰴⱑⱅⰵ !ⰱⰾⰳⱀⰹ ⱁⱅⱏⱌⰰ {ⱌⰰ} ⰿⱁⰵⰳⱁ. ⱀⰰⱄⰾⱑⰴⱆⰻⱅⰵ ⱆⰳⱁⱅⱁⰲⰰⱀⱁⰵ ⰲⰰⰿⱏ ⱌⱄ҃ⱃⱄⱅⰲⰻⰵ. ⱁⱅⱏ ⱄⱏⰾⱁⰶⰵⱀⰻⱑ ⰲⱐⱄⰵⰳⱁ ⰿⰻⱃⰰ.
25:35
ⰲⱏⰸⰰⰾⰽⰰ {ⱄⱔ} ⱈⱏ ⰱⱁ ⱄⱔ ⰻ ⰴⰰⱄⱅⰵ ⰿⰻ ⱑⱄⱅⰻ. ⰲⱏⰶⰴⱔⰴⰰⱈⱏ ⱄⱔ ⰻ ⱀⰰⱂⱁⰻⱄⱅⰵ ⰿⱔ. ⱄⱅⱃⰰⱀⰵⱀⱏ ⰱⱑⱈⱏ ⰻ ⰲⱐⰲⱑⱄⱅⰵ ⰿⱔ.
25:36
ⱀⰰⰳⱏ ⰻ ⱁⰴⱑⱄⱅⰵ ⰿⱔ. ⰱⱁⰾⱑⱈⱏ ⰻ ⱂⱁⱄⱑⱅⰻⱄⱅⰵ ⰿⰵⱀⰵ. ⰲⱏ ⱅⰵⰿⱏⱀⰻⱌⰻ ⰱⱑⱈⱏ ⰻ ⱂⱃⰻⰴⰵⱅⰵ ⰽⱏ ⰿⱐⱀⱑ.
25:37
ⱅⱏⰳⰴⰰ ⱁⱅⱏⰲⱑⱎⱅⰰⱙⱅⱏ ⰵⰿⱆ ⱂⱃⰰⰲⰵⰴⱐⱀⰻⱌⰻ ⰳⰾ҃ⱙⱎⱅⰵ. ⰳ҃ⰻ ⰽⱁⰳⰴⰰ ⱅⱔ ⰲⰻⰴⱑⱈⱁⰿⱏ ⰰⰾⱍⱘⱋⰰ ⰺ ⱀⰰⱅⱃⱆⱈⱁⰿⱏ. ⰾⰻ ⰶⱔⰶⰴⱘⱋⰰ ⰻ ⱀⰰⱂⱁⰻⱈⱁⰿⱏ.
25:38
ⰽⱁⰳⰴⰰ ⰶⰵ ⱅⱔ ⰲⰻⰴⱑⱈⱁⰿⱏ ⱄⱅⱃⰰⱀⱏⱀⰰ ⰻ ⰲⱏⰲⱑⱄⱁⰿⱏ. ⰾⰻ ⱀⰰⰳⰰ ⰻ ⱁⰴⱑⱈⱁⰿⱏ.
25:39
ⰽⱁⰳⰴⰰ ⰶⰵ ⱅⱔ ⰲⰻⰴⱑⱈⱁⰿⱏ ⰱⱁⰾⱔⱎⱅⰰ ⰺⰾⰻ ⰲⱐ ⱅⰵⰿⱐⱀⰻⱌⰻ ⰻ ⱂⱃⰻⰴⱁⰿⱏ ⰽⱏ {ⰽⱏ} ⱅⰵⰱⱑ.
25:40
ⰺ ⱁⱅⱏⰲⱑⱎⱅⰰⰲⱏ !ⱌⱃⱏ ⱃⰵⱍⰵⱅⱏ ⰻⰿⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱂⱁⱀⰵⰶⰵ ⱄⱏⱅⰲⱁⱃⰻⱄⱅⰵ ⰵⰴⰻⱀⱁⰿⱆ ⱁⱅⱏ ⱄⰻⱈⱏ ⰿⰰⰾⱏⰹⱈⱏ ⰱⱃⰰⱅⱃⱏ ⰿⱁⰻⱈⱏ ⰿⱐⱀⱐⱎⰻⱈⱏ ⰿⱐⱀⱑ ⱄⱏⱅⰲⱁⱃⰻⱄⱅⰵ ::
25:41
Ⱅⱏⰳⰴⰰ ⱃⰵⱍⰵⱅⱏ ⰻ ⱄⱘⱋⰻⰿⱏ ⱁ {ⱎⱘ}ⱎⱘⱙ ⰵⰳⱁ. ⰺⰴⱑⱅⰵ ⱁⱅⱏ ⰿⰵⱀⰵ ⱂⱃⱁⰽⰾⱔⱅⰻⰻ ⰲⱏ ⱁⰳⱀⱏ ⰲⱑⱍⱏⱀⱏⰹ. ⱆⰳⱁⱅⱁⰲⰰⱀⱏⰹ ⰴⰻⱑⰲⱁⰾⱆ ⰻ ⰰⱀⰼ҃ⰾⱁⰿⱏ ⰵⰳⱁ.
25:42
ⰲⱏⰸⰰⰾⰽⰰⱈⱏ ⰱⱁ ⱄⱔ ⰻ ⱀⰵ ⰴⰰⱄⱅⰵ ⰿⰻ ⱑⱄⱅⰻ. ⰲⱐⰶⰴⱔⰴⰰⱈⱏ ⱄⱔ ⰻ ⱀⰵ ⱀⰰⱂⱁⰻⱄⱅⰵ ⰿⰵⱀⰵ.
25:43
ⱄⱅⱃⰰⱀⰵⱀⱏ ⰱⱑⱈⱏ ⰻ ⱀⰵ ⰲⱏⰲⱑⱄⱅⰵ ⰿⰵⱀⰵ. ⱀⰰⰳⱏ ⰻ ⱀⰵ ⱁⰴⱑⱄⱅⰵ ⰿⰵⱀⰵ. ⰱⱁⰾⰵⱀⱏ ⰻ ⰲⱏ ⱅⰵⰿⱐⱀⰻⱌⰻ ⰻ ⱀⰵ ⱂⱁⱄⱑⱅⰻⱄⱅⰵ ⰿⰵⱀⰵ.
25:44
Ⱅⱏⰳⰴⰰ ⱁⱅⱏⰲⱑⱎⱅⰰⱙⱅⱏ ⰻ ⱅⰻ ⰳⰾ҃ⱙⱋⰵ. ⰳ҃ⰻ ⰽⱁⰳⰴⰰ ⱅⱔ ⰲⰻⰴⱑⱈⱁⰿⱏ ⰰⰾⱍⱘⱋⰰ. ⰾⰻ ⰶⱔⰶⰴⱘⱎⱅⰰ ⰾⰻ ⱄⱅⱃⰰⱀⱏⱀⰰ ⰾⰻ ⱀⰰⰳⰰ. ⰾⰻ ⰱⱁⰾⱐⱀⰰ ⰾⰻ ⰲⱐ ⱅⰵⰿⱐⱀⰻⱌⰻ. ⰺ ⱀⰵ ⱂⱁⱄⰾⱆⰶⰻⱈⱁⰿⱏ ⱅⰵⰱⱑ.
25:45
ⱅⱏⰳⰴⰰ ⱁⱅⱏⰲⱑⱋⰰⰰⱅⱏ ⰻⰿⱏ ⰳⰾ҃ⱔ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱂⱁⱀⰵⰶⰵ ⱀⰵ ⱄⱏⱅⰲⱁⱃⰻⱄⱅⰵ ⰵⰴⰻⱀⱁⰿⱆ ⱁⱅⱏ ⱄⰻⱈⱏ ⰿⱐⱀⱐⱎⰻⱈⱏ ⱀⰻ ⰿⱐⱀⱑ ⱄⱏⱅⰲⱁⱃⰻⱄⱅⰵ.
25:46
ⰺ ⰻⰴⱘⱅⱏ ⱅⰻ ⰲⱏ ⰿⱘⰽⱘ ⰲⱑⱍⱏⱀⱘⱙ. ⰰ ⱂⱃⰰⰲⰵⰴⱐⱀⰻⱌⰻ ⰲⱏ ⰶⰻⰲⱁⱅⱏ ⰲⱑⱍⱏⱀⱏⰹ :: ⰽ!ⱌ ::