ЕВАНГЕЛИЕ ЕЖЕ Ѿ МАТѲЕꙖ
23:1
Ⱅⱏⰳⰴⰰ ⰻⱄ҃ ⰳⰾ҃ⰰ ⰽⱏ ⱀⰰⱃⱁⰴⱁⰿⱏ. ⰻ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ
23:2
ⰳⰾ҃ⱔ. ⱀⰰ ⰿⱁⱄⱑⱁⰲⱑ ⱄⱑⰴⰰⰾⰻⱋⰻ ⱄⱑⰴⱘ ⰽⱏⱀⰻⰶⱏⱀⰻⱌⰻ ⰻ ⱇⰰⱃⰻⱄⰵⰻ.
23:3
ⰲⱐⱄⱑ ⱆⰱⱁ ⰵⰾⰻⰽⱁ ⰰⱎⱅⰵ ⱃⰵⰽⱘⱅⱏ ⰲⰰⰿⱏ ⰱⰾⱓⱄⱅⰻ. ⱄⱏⰱⰾⱓⰴⰰⰻⱅⰵ ⰻ ⱅⰲⱁⱃⰻⱅⰵ. ⱂⱁ ⰴⱑⰾⱁⰿⱏ ⰶⰵ ⰻⱈⱏ ⱀⰵ ⱈⱁⰴⰻⰻⱅⰵ. ⰳⰾ҃ⱙⱅⱏ ⰱⱁ ⰻ ⱀⰵ ⱅⰲⱁⱃⱔⱅⱏ.
23:4
ⱄⱏⰱⰻⱃⰰⱙⱅⱏ ⰶⰵ ⰱⱃⱑⰿⰵⱀⰰ ⱅⱔⰶⱏⰽⰰ ⰻ ⱀⰵ ⱆⰴⱁⰱⱐ ⱀⱁⱄⰻⰿⰰ. ⰺ ⰲⱏⰸⰾⰰⰳⰰⱙⱅⱏ ⱀⰰ ⱂⰾⰵⱎⱅⰰ ⱍⰾⰲ҃ⱄⰽⰰ. ⰰ ⱂⱃⱏⱄⱅⱁⰿⱐ ⱄⰲⱁⰻⰿⱐ ⱀⰵ ⱈⱁⱅⱔⱅⱏ ⰴⰲⰻⰳⱀⱘⱅⰻ ⰻⱈⱏ.
23:5
ⰲⱐⱄⱑ ⰶⰵ ⰴⱑⰾⰰ ⱄⰲⱁⱑ ⱅⰲⱁⱃⱔⱅⱏ ⰴⰰ ⰲⰻⰴⰻⰿⰻ ⰱⱘⰴⱘⱅⱏ ⱍⰾⰲ҃ⰽⱏⰹ. ⱃⰰⱎⰻⱃⱑⱙⱅⱏ ⰶⰵ ⱈⱃⰰⱀⰻⰾⰻⱎⱅⰰ ⱄⰲⱁⱑ. ⰺ ⰲⰵⰾⰻⱍⰰⱙⱅⱏ ⱂⱁⰴⱏⰿⰵⱅⱏⰹ. ⰲⱐⱄⰽⱃⰻⰾⰻⱑ ⱃⰻⰸⱏ ⱄⰲⱁⰻⱈⱏ.
23:6
ⰾⱓⰱⱔⱅⱏ ⰶⰵ ⱂⱃⱑⰶⰴⰵⰲⱏⰸⰾⱑⰳⰰⱀⰻⱑ ⱀⰰ ⰲⰵⱍⰵⱃⱑⱈⱏ. ⰺ ⱂⱃⱑⰶⰴⰵⱄⱑⰴⰰⱀⰻⱑ ⱀⰰ ⱄⱁⱀⱏⰿⰻⱎⱅⰻⱈⱏ.
23:7
ⰺ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⱈⱏ ⰺ ⱀⰰⱃⰻⱌⰰⱅⰻ ⱄⱔ ⱁⱅⱏ ⱍⰾ҃ⰽⱏ ⱃⰰⰲⱐⰲⰻ.
23:8
ⰲⱏⰹ ⰶⰵ ⱀⰵ ⱀⰰⱃⰻⱌⰰⰻⱅⰵ ⱄⱔ ⱃⰰⰲⱏⰲⰻ. ⰵⰴⰻⱀⱏ ⰱⱁ ⰵⱄⱅⱏ ⰲⰰⱎⱏ ⱆⱍⰻⱅⰵⰾⱐ !ⱈⱏ. ⰲⱐⱄⰻ ⰶⰵ ⰲⱏⰹ ⰱⱃⰰⱅⱃⱐⱑ ⰵⱄⱅⰵ
23:9
ⰺ ⱁⱅⱏⱌⰰ ⱀⰵ ⱀⰰⱃⰻⱌⰰⰻⱅⰵ ⱄⰵⰱⱑ ⱀⰰ ⰸⰵⰿⰻ. ⰵⰴⰻⱀⱏ ⰱⱁ ⰵⱄⱅⱏ ⱁⱅ҃ⱌⱏ ⰲⰰⱎⱏ. ⰺⰶⰵ ⰵⱄⱅⱏ ⱀⱀⰱ҃ⱄⱈⱏ.
23:10
ⱀⰻ ⱀⰰⱃⰻⱌⰰⰻⱅⰵ ⱄⱔ ⱀⰰⱄⱅⰰⰲⱐⱀⰻⱌⰻ. ⱑⰽⱁ ⱀⰰⱄⱅⰰⰲⱐⱀⰻⰽⱏ ⰲⰰⱎⱏ ⰵⰴⰻⱀⱏ ⰵⱄⱅⱏ.
23:11
ⰰ ⰱⱁⰾⰵⰻ ⰲⰰⱄⱏ ⰴⰰ ⰱⱘⰴⰵⱅⱏ ⰲⰰⰿⱏ ⱄⰾⱆⰳⰰ.
23:12
Ⰰ ⰻⰶⰵ ⰲⱐⰸⱀⰵⱄⰵⱅⱏ ⱄⱔ ⱄⱏⰿⱑⱃⰻⱅⱏ ⱄⱔ. ⰺ ⱄⱏⰿⱑⱃⱑⱗⰻ ⱄⱔ ⰲⱐⰸⱀⰵⱄⰵⱅⱏ ⱄⱔ :: ⰽ!ⱌ.
23:13
Ⰳⱁⱃⰵ ⰲⰰⰿⱏ ⰽⱏⱀⰻⰳⱏⱍⰻⱗ. ⰻ ⱇⰰⱃⰻⱄⱑⰻ. ⰺ ⱛ҅ⱂⱁⰽⱃⰻⱅⰻ. ⱑⰽⱁ ⱄⱏⱀⱑⰴⰰⰰⱅⰵ ⰴⱁⰿⱏⰹ ⰲⱏⰴⱁⰲⰻⱌⱏ. ⰺ ⰲⰻⱀⱁⱙ ⰴⰰⰾⰵⱍⰵ ⰿⱁⰾⰻⱅⰲⱘ ⱅⰲⱁⱃⱔⱋⰵ. ⱄⰵⰳⱁ ⱃⰰⰴⰻ ⱂⱃⰻⰻⰿⰵⱅⰵ ⰾⰻⱎⰵ ⱁⱄⱘⰶⰴⰵⱀⰻⰵ.
23:14
Ⰳⱁⱃⰵ ⰲⰰⰿⱏ ⰽⱏⱀⰻⰽⱐⱍⰻⱗ ⰻ ⱇⰰⱃⰻⱄⱑⰻ. ⰾⰻⱌⰵⰿⱑⱃⰻ. ⱑⰽⱁ ⰸⰰⱅⰲⰰⱃⱑⰰⱅⰵ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ ⱂⱃⱑⰴⱏ ⱍⰾⰲ҃ⰽⱏ. ⰲⱏⰹ ⰱⱁ ⱀⰵ ⰲⱏⱈⱁⰴⰻ{ⰴⰻ}ⱅⰵ. ⱀⰻ ⰲⱏⱈⱁⰴⱔⱎⱅⰻⰻⱈⱏ ⱁⱄⱅⰰⰲⰾⱑⰰⱅⰵ ⰲⱏⱀⰻⱅⰻ.
23:15
Ⰳⱁⱃⰵ ⰲⰰⰿⱏ ⰽⱏⱀⰻⰳⱏⱍⰻⱗ ⰻ ⱇⰰⱃⰻⱄⱑⰻ ⱛ҅ⱂⱁⰽⱃⰻⱅⰻ. ⱑⰽⱁ ⱂⱃⱑⱈⱁⰴⰻⱅⰵ ⰿⱁⱃⰵ ⰻ ⱄⱆⱎⱘ ⱄⱏⱅⰲⱁⱃⰻⱅⰻ ⰵⰴⰻⱀⱁⰳⱁ ⱂⱃⰻⱎⰵⰾⱏⱌⰰ. ⰺ ⰵⰳⰴⰰ ⰱⱘⰴⰵⱅⱏ ⱅⰲⱁⱃⰻⱅⰵ ⰻ ⱄⱀ҃ⰰ ⰼⰵⱁⱀⱐⱀⱑ ⱄⱆⰳⱆⰱⱑⰻⱎⰰ ⰲⰰⱄⱏ.
23:16
Ⰳⱁⱃⰵ ⰲⰰⰿⱏ ⰲⱁⰶⰴⰻ ⱄⰾⱑⱂⰻⰻ ⰳⰾ҃ⱙⱎⱅⰵⰻ. ⰺⰶⰵ ⰰⱋⰵ ⰽⰾⱏⱀⰵⱅⱏ ⱄⱔ !ⱌⱃⰽⰲⱐⱙ. ⱀⰻⱍⱅⱁⰶⰵ ⰵⱄⱅⱏ. ⰰ ⰻⰶⰵ ⰽⰾⱏⱀⰵⱅⱏ ⱄⱔ ⰸⰾⰰⱅⱁⰿⱐ !ⱌⱃⰽⰲⱀⱏⰹⰿⱏ ⰴⰾⱏⰶⰵⱀⱐ ⰵⱄⱅⱏ.
23:17
ⰱⱆⰻ ⰻ ⱄⰾⱑⱂⰻⰻ. ⰽⱅⱁ ⰱⱁⰾⰵⰻ ⰵⱄⱅⱏ. ⰸⰾⰰⱅⱁ ⰾⰻ ⰾⰻ !ⱌⱃⰽⱏⰹ. !ⱄⰲⱋⰰⱙⱋⰻⱑ ⰸⰾⰰⱅⱁ.
23:18
ⰺ ⰻⰶⰵ ⰰⱋⰵ ⰽⰾⱐⱀⰵⱅⱏ ⱄⱔ ⱁⰾⱅⰰⱃⰵⰿⱐ. ⱀⰻⱍⱅⱁⰶⰵ ⰵⱄⱅⱏ. ⰰ ⰻⰶⰵ ⰽⰾⱐⱀⰵⱅⱏ ⱄⱔ ⰴⰰⱃⱁⰿⱐ ⰻⰶⰵ ⰵⱄⱅⱏ ⰲⱃⱏⱈⱆ ⰵⰳⱁ. ⰴⰾⱏⰶⰵⱀⱏ ⰵⱄⱅⱏ.
23:19
ⰱⱆⰻ ⰻ ⱄⰾⱑⱂⰻⰻ .. ⱍⱅⱁ ⰱⱁ ⰵⱄⱅⱏ ⰱⱁⰾⰵ. ⰴⰰⱃⱏ ⰾⰻ ⰻⰾⰻ ⱁⰾⱅⰰⱃⱐ !ⱄⰲⱋⰰⱗⰻ ⰴⰰⱃⱏ.
23:20
ⰽⰾⱏⱀⱏⰹⰻ ⱄⱔ ⱆⰱⱁ ⱁⰾⱅⰰⱃⰵⰿⱐ ⰽⰾⱐⱀⰵⱅⱏ ⱄⱔ ⰻⰿⱐ ⰻ ⱄⱘⱎⱅⰻⰻⰿⰻ ⰲⱃⱏⱈⱆ ⰵⰳⱁ.
23:21
ⰺ ⰽⰾⱏⱀⱏⰹⰻ ⱄⱔ !ⱌⱃⰽⰲⰻⱙ. ⰽⰾⱐⱀⰵⱅⱏ ⱄⱔ ⰵⱙ ⰻ ⰶⰻⰲⱘⱎⱅⰻⰿⱏ ⰲⱐ ⱀⰵⰻ.
23:22
ⰺ ⰽⰾⱏⱀⱏⰹⰻ ⱄⱔ ⱀⰱ҃ⱄⰵⰿⱐ. ⰽⰾⱐⱀⰵⱅⱏ ⱄⱔ ⱂⱃⱑⱄⱅⱁⰾⱁⰿⱏ. ⰱⰶ҃ⰻⰵⰿⱐ. ⰺ ⱄⱑⰴⱔⱋⰻⰿⱐ ⱀⰰ ⱀⰵⰿⱐ ::
23:23
Ⰳⱁⱃⰵ ⰲⰰⰿⱏ ⰽⱏⱀⰻⰳⱏⱍⰻⱗ ⰻ ⱇⰰⱃⰻⱄⱑⰻ. ⰾⰻⱌⰵⰿⱑⱃⰻ. ⱑⰽⱁ ⱁⱅⱏⰴⰵⱄⱔⱅⱏⱄⱅⰲⱆⰵⱅⰵ ⰿⱔⱅⱘ ⰻ ⰽⱁⱂⱃⱏ ⰺ҅ ⰽⱛⰿⰻⱀⱏ. ⰺ ⱁⱄⱅⰰⰲⰻⱄⱅⰵ ⱅⱔⰶⱐⱎⰰⰰ ⰸⰰⰽⱁⱀⰰ ⱄⱘⰴⱏ ⰻ ⰿⰻⰾⱁⱄⱅⱐ ⰻ ⰲⱑⱃⱘ. ⱄⰻ ⰶⰵ ⱂⱁⰴⱁⰱⰰⰰⱎⰵ ⱄⱏⱅⰲⱁⱃⰻⱅⰻ. ⰺ҅ ⱅⱑⱈⱏ ⱀⰵ ⱁⱄⱅⰰⰲⰻⱅⰻ.
23:24
Ⰲⱁⰶⰴⰻ ⱄⰾⱑⱂⰻⰻ. ⱁⱌⱑⰶⰴⰰⱙⱋⰵⰻ ⰿⱐⱎⰻⱌⱘ. ⰰ ⰲⰵⰾⱐⰱⱘⰴⱏ ⱂⱁⰳⰾⱏⱎⱅⰰⱙⱋⰵ.
23:25
Ⰳⱁⱃⰵ ⰲⰰⰿⱏ ⰽⱏⱀⰻⰶⱐⱀⰻⱌⰻ ⰻ ⱇⰰⱃⰻⱄⰵⰻ ⱛ҅ⱂⱁⰽⱃⰻⱅⰻ. ⱑⰽⱁ ⱁⱍⰻⱎⱅⰰⰰⱅⰵ ⰲⱐⱀⱑⱋⱏⱀⰵⰵ ⱄⱅⱐⰽⰾⱐⱀⰻⱌⰻ. ⰺ ⱂⰰⱃⱁⱂⱄⰻⰴⱑ. ⱘⱅⱃⱐⱘⰴⱘ ⰶⰵ ⱄⱘⱅⱏ. ⱂⰾⱏⱀⰻ ⱈⱏⰹⱎⱅⰵⱀⰻⱑ. ⰺ ⱀⰵⱍⰻⱄⱅⱁⱅⱏⰹ ::
23:26
Ⱇⰰⱃⰻⱄⰵⱓ ⱄⰾⱑⱂⰵ. ⱁⱍⰻⱄⱅⰻ ⱂⱃⱑⰶⰴⰵ ⰲⱐⱀⱘⱅⱃⱐⱀⰵⰵ ⱄⱅⰵⰽⰾⱐⱀⰻⱌⰻ. ⰺ ⱂⱁⱃⱁⱂⱄⰻⰴⱑ ⰴⰰ ⰱⱘⰴⰵⱅⱏ ⰻ ⰲⱐⱀⱑⱋⱐⱀⰵⰵ ⰻⰿⰰ ⱍⰻⱄⱅⱁ ::
23:27
Ⰳⱁⱃⰵ ⰲⰰⰿⱏ ⰽⱐⱀⰻⰶⱐⱀⰻⱌⰻ ⰻ ⱇⰰⱃⰻⱄⱑⰻ ⱛ҅ⱂⱁⰽⱃⰻⱅⰻ. ⱑⰽⱁ ⱂⱁⰴⱁⰱⰻⱅⰵ ⱄⱔ ⰳⱃⱁⰱⱁⰿⱏ ⱂⱁⰲⰰⱂⱐⱀⰵⱀⱁⰿⱏ. ⰺⰶⰵ ⰲⱐⱀⱑⱙⰴⱘ ⱆⰱⱁ ⱄⱘⱅⱏ ⰽⱃⰰⱄⱐⱀⰻ. ⰲⱏⱀⱘⱅⱃⱐⱘⰴⱘ ⰶⰵ ⱂⰾⱏⱀⰻ ⱄⱘⱅⱏ ⰽⱁⱄⱅⰻⰻ ⰿⱃⱏⱅⰲⱏⰹⰻⱈⱏ. ⰺ ⰲⱐⱄⱑⰽⱁⱗ ⱀⰵⱍⰻⱄⱅⱁⱅⱏⰹ.
23:28
ⱅⰰⰽⱁ ⰻ ⰲⱏⰹ ⰲⱐⱀⱑⱘⰴⱆ ⱆⰱⱁ ⰰⰲⰾⱑⰰⱅⰵ ⱄⱔ ⱍⰾⰲ҃ⰽⱁⰿⱏ ⱂⱃⰰⰲⰵⰴⱐⱀⰻ. ⰲⱏⱀⱘⱅⱃⱐⱘⰴⱆ ⰶⰵ ⰵⱄⱅⰵ ⱂⰾⱐⱀⰻ ⰾⰻⱌⰵⰿⱑⱃⰻⱑ ⰻ ⰱⰵⰸⰰⰽⱁⱀⰻⱑ ::
23:29
Ⰳⱁⱃⰵ ⰲⰰⰿⱏ ⰽⱏⱀⰻⰶⱏⱀⰻⱌⰻ ⰻ ⱇⰰ[ⱃⰻ]ⱄⱑⰻ ⰺ ⱛ҅ⱂⱁⰽⱃⰻⱅⰻ. ⱑ҅ⰽⱁ ⰸⰻⰶⰴⰵⱅⰵ ⰳⱃⱁⰱⱏⰹ ⱂⱃⱁⱃⱁⱍⱐⱄⰽ ⱗ҅ ⰺ ⰽⱃⰰⱄⰻⱅⰵ ⱃⰰⰽⱏⰹ ⱂⱃⰰⰲⰵⰴⱐⱀⱏⰹⱈⱏ
23:30
ⰺ ⰳⰾ҃ⰵⱅⰵ. ⰰⱎⱅⰵ ⰱⰻⰿⱏ ⰱⱏⰹⰾⰻ ⰲⱐ ⰴⱐⱀⰻ ⱁⱅⰵⱌⱏ ⱀⰰⱎⰻⱈⱏ. ⱀⰵ ⰱⰻⰿⱐ ⱆⰱⱁ ⱁⰱⰵⱋⱐⱀⰻⱌⰻ ⰻⰿⱏ ⰱⱏⰹⰾⰻ ⰲⱏ ⰽⱃⱏⰲⰻ ⱂⱃⱁⱃⱁⰽⱏ.
23:31
ⱅⱑⰿⱏ ⰶⰵ ⱄⰰⰿⰻ ⱄⱏⰲⱑⰴⱑⱅⰵⰾⱐⱄⱅⰲⱆⰵⱅⰵ ⱄⰵⰱⱑ. ⱑⰽⱁ ⱄⱀ҃ⱁⰲⰵ ⰵⱄⱅⰵ ⰻⰸⰱⰻⰲⱏⱎⰻⱈⱏ !ⱂⱃⰽⱏⰹ.
23:32
ⰺ ⰲⱏⰹ ⰻⱄⱂⰾⱏⱀⰻⱅⰵ ⰿⱑⱃⱘ ⱁⱅⰵⱌⱏ ⰲⰰⱎⰻⱈⱏ.
23:33
ⰸⰿⰻⱗ ⰻⱋⱔⰴⱐⱑ ⰵⱈⰻⰴⱏⱀⱁⰲⰰ ⰽⰰⰽⱁ ⱆⰱⱑⰶⰻⱅⰵ ⱁⱅⱏ ⱄⱘⰴⰰ ⰼⰵⱁⱀⱏⱄⰽⰰⰰⰳⱁ. ::
23:34
Ⱄⰵⰳⱁ ⱃⰰⰴⰻ ⱄⰵ ⰰⰸⱏ ⱄⱏⰾⱙ ⰽⱏ ⰲⰰⰿⱏ !ⱂⱃⰽⱏⰹ ⰻ ⱂⱃⱑⰿⱘⰴⱃⱏⰹ. ⰺ ⰽⱏⱀⰻⰶⱏⱀⰻⰽⱏⰹ. ⰺ ⱁⱅⱏ ⱀⰻⱈⱏ ⱆⰱⰻⰵⱅⰵ. ⰺ ⱂⱃⱁⱂⱐⱀⰵⱅⰵ. ⰺ ⱁⱅⱏ ⱀⰻⱈⱏ ⰱⱐⰵⱅⰵ ⱀⰰ ⱄⱁⱀⱐⰿⰻⱎⱅⰻⱈⱏ ⰲⰰⱎⰻⱈⱏ. ⰺ ⰻⰶⰴⰵⱀⰵⱅⰵ ⱁⱅⱏ ⰳⱃⰰⰴⰰ ⰲⱏ ⰳⱃⰰⰴⱏ.
23:35
ⰴⰰ ⱂⱃⰻⰴⰵⱅⱏ ⱀⰰ ⰲⱏⰹ ⰲⱐⱄⱑⰽⰰ ⰽⱃⱏⰲⱏ ⱂⱃⰰⰲⰵⰴⱏⱀⰰ. ⱂⱃⱁⰾⰻⰲⰰⰵⰿⰰ ⱀⰰ ⰸⰵⰿⰾⱙ. ⱁⱅⱏ ⰽⱃⱏⰲⰵ ⰰⰲⰵⰾⰰ ⱂⱃⰰⰲⰵⰴⱏⱀⰰⰰⰳⱁ. ⰴⱁ ⰽⱃⱐⰲⰵ ⰸⰰⱈⰰⱃⰻⱗ ⱄⱀ҃ⰰ ⰲⰰⱃⰰⱈⰻⰻⱀⰰ. ⰵⰳⱁⰶⰵ ⱆⰱⰻⱄⱅⰵ ⰿⰵⰶⰴⱓ !ⱌⱃⰽⰲⰻⱙ ⰻ ⱁⰾⱅⰰⱃⰵⰿⱐ.
23:36
ⰰⰿⰻⱀ ⰳⰾ҃ⱙ ⰲⰰⰿⱏ. ⱂⱃⰻⰴⱘⱅⱏ ⰲⱐⱄⱑ ⱄⰻ ⱀⰰ ⱃⱁⰴⱁⱄⱐ
23:37
:: !Ⰺⱃⰿⰵ. ⰻⰸⰱⰻⰲⱏⰹ !ⱂⱃⰽⱏⰹ. ⰺ҅ ⰽⰰⰿⰵⱀⰻⰵⰿⱐ ⱂⱁⰱⰻⰲⰰⱗ. ⱂⱁⱄⱏⰾⰰⱀⱏⰹⱗ ⰽⱏ ⱅⰵⰱⱑ. ⰽⱁⰾⱐ ⰽⱃⰰⱅⱏⰹ ⰲⱏⱄⱈⱁⱅⱑⱈⱏ ⱄⱏⰱⱏⱃⰰⱅⰻ ⱍⱔⰴⰰ ⱅⰲⱁⱑ. ⱑⰽⱁⰶⰵ ⱄⱏⰱⰻⱃⰰⰰⱅⱏ ⰽⱁⰽⱁⱎⱏ ⱂⱅⰵⱀⱏⱌⱔ ⱄⰲⱁⱗ ⱂⱁⰴⱏ ⰽⱃⰻⰾⱑ. ⰺ ⱀⰵ ⰲⱏⱄⱈⱁⱅⱑⱄⱅⰵ.
23:38
ⱄⰵ ⱁⱄⱅⰰⰲⰾⱑⰵⱅⱏ ⱄⱔ ⰲⰰⰿⱏ ⰴⱁⰿⱏ ⰲⰰⱎⱏ ⱂⱆⱄⱅⱏ. ⰳⰾ҃ⱙ ⰱⱁ ⰲⰰⰿⱏ ⱀⰵ ⰻⰿⰰⱅⰵ ⰲⰻⰴⱑⱅⰻ ⰿⰵⱀⰵ. ⰴⱁⱀⰴⰵⰶⰵ ⱃⰵⱍⰵⱅⰵ. !ⰱⰾⰳⱀⱏ ⰳⱃⱔⰴⱏⰹ ⰲⱏ ⰹⰿⱔ ⰳⱀ҃ⰵ ::