ⰺ ⰱⱏⰹⱄⱅⱏ ⰵⰳⰴⰰ ⱄⱏⰽⱁⱀⱐⱍⰰ ⰻⱄ҃ⱏ ⱄⰾⱁⰲⰵⱄⰰ ⱄⰻ. ⱂⱃⱑⰹⰴⰵ ⱁⱅⱏ ⰳⰰⰾⰻⰾⰵⱗ. ⰺ ⱂⱃⰻⰴⰵ ⰲⱏ ⱂⱃⱑⰴⱑⰾⱏⰹ ⰻⱓⰴⰵⰻⱄⰽⱏⰹ. ⱁⰱ ⱁⱀⱏ ⱂⱁⰾⱏ ⰻⱁⱃⱏⰴⰰⱀⰰ.

ⰺ ⱂⱁ ⱀⰵⰿⱐ ⰻⰴⱘ ⱀⰰⱃⱁⰴⰻ ⰿⱏⱀⱁⰷⰻ ⰻ ⰻⱄⱌⱑⰾⰻ ⱗ ⱅⱆ ::

Ⰺ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱇⰰⱃⰻⱄⱑⰻ ⰻⱄⰽⱆⱎⰰⱙⱎⱅⰵ ⰻ ⰳⰾ҃ⱙⱋⰵ. ⰰⱎⱅⰵ ⰴⱁⱄⱅⱁⰻⱅⱏ ⱍⰾ҃ⰽⱆ ⱂⱆⱄⱅⰻⱅⰻ ⰶⰵⱀⱘ ⱄⰲⱁⱙ. ⱂⱁ ⰲⱐⱄⱑⰽⱁⰻ ⰲⰻⱀⱑ.

ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⱀⱑⱄⱅⰵ ⰾⰻ ⱍⱐⰾⰻ. ⱑⰽⱁ ⱄⱏⱅⰲⱁⱃⰻ ⰻ ⰺⱄⰽⱁⱀⰻ ⰿⱘⰶⰵⱄⰽⱏ ⱂⱁⰾⱏ ⰻ ⰶⰵⱀⰵⱄⰽⱏ. ⱄⱏⱅⰲⱁⱃⰻⰾⱏ ⰵⱄⱅⱏ.

ⰺ ⱃⰵⱍⰵ ⱄⰵⰳⱁ ⱃⰰⰴⰻ ⱁⱄⱅⰰⰲⰻⱅⱏ ⱍⰾ҃ⰽⱏ ⱁⱅ҃ⱌⰰ ⱄⰲⱁⰵⰳⱁ ⰻ ⰿⰰⱅⰵⱃⱐ ⱄⰲⱁⱙ. ⰺ ⱂⱃⰻⰾⱑⱂⰻⱅⱏ ⱄⱔ ⰶⰵⱀⱑ ⱄⰲⱁⰵⰻ. ⰺ ⰱⱘⰴⰵⱅⰵ ⱁⰱⰰ ⰲⱏ ⱂⰾⱏⱅⱐ ⰵⰴⰻⱀⱘ.

ⱅⱑⰿⱐ ⰶⰵ ⱓⰶⰵ ⱀⱑⱄⱅⰵ ⰴⱏⰲⰰ ⱀⱏ ⰵⰴⰻⱀⰰ ⱂⰾⱏⱅⱏ. ⰵⰶⰵ {ⱆ}ⱆⰱⱁ ⰱ҃ⱏ ⱄⱏⱍⰵⱅⰰ ⱍⰾⰲ҃ⰽⱏ ⰴⰰ ⱀⰵ ⱃⰰⰸⰾⱘⱍⰰⰰⱅⱏ.

ⰳⰾ҃ⰰⱎⱔ ⰵⰿⱆ ⱍⱅⱁ ⱆⰱⱁ ⰿⱁⱄⰻ ⰸⰰⱂⱁⰲⱑⰴⱑ. ⰴⰰⱅⰻ ⰽⱏⱀⰻⰳⱏⰹ ⱃⰰⱄⱂⱆⱄⱅⱏⱀⱏⰹⱗ ⰻ ⱁⱅⱏⱂⱆⱄⱅⰻⱅⰻ ⱙ.

ⰳⰾ҃ⰰ ⰻⰿⱏ. ⱑⰽⱁ ⰿⱁⱄⰻ ⱂⱁ ⰶⰵⱄⱅⱁⱄⱃⱏⰴⱐⱓ ⰲⰰⱎⰵⰿⱆ ⱂⱁⰲⰵⰾⱑ ⰲⰰⰿⱏ. ⱁⱅⱏⱂⱆⱄⱅⰻⱅⰻ ⰶⰵⱀⱏⰹ ⰲⰰⱎⱔ. ⰺⱄⰽⱁⱀⰻ ⰶⰵ ⱀⰵ ⰱⱏⰹⱄⱅⱏ ⱅⰰⰽⱁ.

!Ⰳⰾⱙ ⰶⰵ ⰲⰰⰿⱏ. ⱑⰽⱁ ⰻⰶⰵ ⰰⱋⰵ ⱂⱆⱄⱅⰻⱅⱏ ⰶⰵⱀⱘ ⱄⰲⱁⱙ. ⱃⰰⰸⰲⱑ ⱄⰾⱁⰲⰵⱄⰵ ⱂⱃⱑⰾⱓⰱⱁⰴⱑⰻⱀⰰ. ⱅⰲⱁⱃⰻⱅⱏ ⱙ ⱂⱃⱑⰾⱓⰱⱏⰹ ⱅⰲⱁⱃⰻⱅⰻ. ⰺ҅ ⰶⰵⱀⱔⰻ ⱄⱔ ⱂⱁⰴⱏⰱⱑⰳⱁⱙ. ⱂⱃⱑⰾⱓⰱⱏⰹ ⱅⰲⱁⱃⰻⱅⱏ.

ⰻ ⰳⰾ҃ⱎⱔ ⰵⰿⱆ ⱆⱍⰵⱀⰻⱌⰻ ⰵⰳⱁ. ⰰⱎⱅⰵ ⱅⰰⰽⱁ ⰵⱄⱅⱏ ⰲⰻⱀⰰ ⱍⰾ҃ⰽⱆ ⱄⱏ ⰶⰵⱀⱁⱙ. ⱆⱀⱑⰵ ⰵⱄⱅⱏ ⱀⰵ ⰶⰵⱀⰻⱅⰻ ⱄⱔ.

ⱁⱀⱏ ⰶⰵ ⱃⰵⱍⰵ ⰻⰿⱏ. ⱀⰵ ⰲⱐⱄⰻ ⰲⱏⰿⱑⱄⱅⱔⱅⱏ ⱄⰾⱁⰲⰵⱄⰵ ⱄⰵⰳⱁ. ⱀⱏ ⰻⰿⱏⰶⰵ ⰴⰰⱀⱁ ⰵⱄⱅⱏ.

ⱄⱘⱅⱏ ⰱⱁ ⰽⰰⰶⰵⱀⰻⱌⰻ ⰻⰶⰵ ⰻⱍⱃⱑⰲⰰ ⰿ!ⱃⱀⱑ ⱃⱁⰴⰻⱎⱔ ⱄⱔ ⱅⰰⰽⱁ. ⰺ ⱄⱘⱅⱏ ⰽⰰⰶⰵⱀⰻⱌⰻ ⱗⰶⰵ ⰻⱄⰽⰰⰸⰻⱎⱔ !ⱍⰾⱌⰻ. ⰺ҅ ⱄⱘⱅⱏ ⰽⰰⰶⰵⱀⰻⱌⰻ ⰻⰶⰵ ⰻⱄⰽⰰⰸⰻⱎⱔ ⱄⱔ ⱄⰰⰿⰻ. ⱌⱄ҃ⱃⱄⱅⰲⰻⱑ ⱃⰰⰴⰻ ⱀ!ⰱⱄⰽⰰⰰⰳⱁ. ⰿⱁⰳⱏⰹ ⰲⱐⰿⱑⱎⱅⰰⱅⰻ ⰴⰰ ⰲⱐⰿⱑⱄⱅⰻⱅⱏ ::

Ⱅⱏⰳⰴⰰ ⱂⱃⰻⰲⱑⱄⱔ ⰽⱏ ⱀⰵⰿⱆ ⰴⱑⱅⰻ ⰴⰰ ⱃⱘⱌⱑ ⰲⱏⰸⰾⱁⰶⰻⱅⱏ ⱀⰰ ⱀⱔ. ⰺ ⱂⱁⰿⱁⰾⰻⱅⱏ ⱄⱔ. ⱆⱍⰵⱀⰻⱌⰻ ⰶⰵ ⰸⰰⱂⱃⱑⱅⰻⱎⱔ ⰻⰿⱏ.

ⰺⱄ҃ ⰶⰵ ⱃⰵⱍⰵ ⰻⰿⱏ. ⱁⱄⱅⰰⱀⱑⱅⰵ ⰴⱑⱅⰻⰻ ⰻ ⱀⰵ ⰱⱃⰰⱀⰻⱅⰵ ⰻⰿⱏ. ⱂⱃⰻⱅⰻ ⰽⱏ ⰿⱐⱀⱑ. ⱅⰰⰽⱁⰲⱏⰹⱈⱏ ⰱⱁ ⰵ҅ⱄⱅⱏ ⱌⱄ҃ⱃⱄⱅⰲⰻⰵ ⱀⰵⰱ҃ⱄⰽⱁⰵ.

ⰺ ⰲⱏⰸⰾⱁⰶⱏ ⱀⰰ ⱀⱔ ⱃⱘⱌⱑ ⱁⱅⰻⰴⰵ ⱁⱅⱏ ⱅⱆⰴⱑ ::

Ⰺ ⱄⰵ ⰵⱅⰵⱃⱏ ⱂⱃⰻⱄⱅⱘⱂⱐ ⱃⰵⱍⰵ ⰵⰿⱆ. ⱁ҅уⱍⰻⱅⰵⰾⱓ ⰱⰾⰰⰳⱏⰹ. ⱍⱅⱁ ⰱⰾⰰⰳⱁ ⱄⱏⱅⰲⱁⱃⱙ. ⰴⰰ ⰻⰿⰰⰿⱏ ⰶⰻⰲⱁⱅⱏ ⰲⱑⱍⱏⱀⱏⰹ.

ⱁⱀⱏ ⰶⰵ ⱃⰵⱍⰵ ⰵⰿⱆ. ⱍⱅⱁ ⰿⱔ ⰳⰾ҃ⰵⱎⰻ ⰱⰾⰰⰳⰰ. ⱀⰻⰽⱅⱁⰶⰵ ⰱⰾⰰⰳⱏ ⱅⱏⰽⰿⱁ ⰵⰴⰻⱀⱏ ⰱ҃ⱏ. ⰰⱎⱅⰵ ⰾⰻ ⱈⱁⱎⱅⰵⱎⰻ ⰲⱏ ⰶⰻⰲⱁⱅⱏ ⰲⱐⱀⰻⱅⰻ. ⱄⱏⰱⰾⱓⰴⰻ ⰸⰰⱂⱁⰲⱑⰴⰻ.

ⰳⰾ҃ⰰ ⰵⰿⱆ ⰽⱏⰹⱗ. ⰺⱄ҃ ⰶⰵ ⱃⰵⱍⰵ ⰵⰿⱆ. ⰵⰶⰵ ⱀⰵ ⱆⰱⱐⰵⱎⰻ. ⱀⰵ ⱂⱃⱑⰾⱓⰱⱏⰹ ⱄⱏⱅⰲⱁⱃⰻⱎⰻ ⱀⰵ ⱆⰽⱃⰰⰴⰵⱎⰻ. ⱀⰵ ⰾⱏⰶⰵⱄⱏⰲⱑⰴⱑⱅⰵⰾⱐ ⰱⱘⰴⰵⱎⰻ.

ⱍⱐⱅⰻ ⱁⱅ҃ⱌⰰ ⰻ ⰿⰰⱅⰵⱃⱐ. ⰺ ⰲⱏⰸⰾⱓⰱⰻⱎⰻ ⰻⱄⰽⱃⱐⱀⱑⰰⰳⱁ ⱄⰲⱁⰵⰳⱁ ⱑⰽⱁ ⱄⰰⰿⱏ ⱄⱔ.

ⰳⰾ҃ⰰ ⰵⰿⱆ ⱓⱀⱁⱎⰰ. ⰲⱐⱄⱑ ⱄⰻ ⱄⱏⱈⱃⰰⱀⰻⱈⱏ ⱁⱅⱏ ⱓⱀⱁⱄⱅⰻ ⰿⱁ ⱗ҅. ⱍⰵⱄⱁ ⰵⱄⰿⱏ ⰵⱎⱅⰵ ⱀⰵ ⰴⱁⰽⱁⱀⱐⱍⰰⰾⱏ.

ⱃⰵⱍⰵ ⰵⰿⱆ ⰻⱄ҃. ⰰⱎⱅⰵ ⱈⱁⱋⰵⱎⰻ ⱄⱏⰲⱃⱏⱎⰵⱀⱏ ⰱⱏⰹⱅⰻ. ⰺⰴⰻ ⱂⱃⱁⰴⰰⰶⰴⱏ ⰻⰿⱑⱀⰻⰵ ⱅⰲⱁⰵ. ⰺ ⰴⰰⰶⰴⱏ ⱀⰻⱎⱅⰻⰻⰿⱏ. ⰺ ⰻⰿⱑⱅⰻ ⰻⰿⰰⱎⰻ ⱄⱏⰽⱃⱁⰲⰻⱎⱅⰵ ⱀⰰ ⱀⰵⰱ҃ⱄⰵ. ⰺ ⱂⱃⰻⰴⰻ ⰲⱏ ⱄⰾⱑⰴⱏ ⰿⰵⱀⰵ.

Ⱄⰾⱏⰹⱎⰰⰲⱏ ⰶⰵ ⱓⱀⱁⱎⰰ ⱄⰾⱁⰲⱁ ⱁⱅⰻⰴⰵ ⱄⰽⱃⱏⰱⱔ. ⰱⱑ ⰱⱁ ⰻⰿ ⱗ҅ ⱄⱏⱅⱔⰶⰰⱀⰻⱑ ⰿⱏⱀⱁⰳⰰ.

ⰺⱄ҃ ⰶⰵ ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⱀⰵ ⱁ҅уⰴⱁⰱⱐ ⰲⱐⱀⰻⰴⰵⱅⱏ ⰱⱁⰳⰰⱅⱏ ⰲⱏ ⱌⱄ҃ⱃⰵⱄⱅⰲⰻⰵ ⱀⰱ҃ⱄⰽⱁⰵ ::

ⱂⰰⰽⱏⰹ ⰳⰾ҃ⱙ ⰲⰰⰿⱏ. ⱑⰽⱁ ⱆⰴⱁⰱⱑⰵ ⰵⱄⱅⱏ ⰲⰵⰾⱐⰱⱘⰴⱆ. ⱄⰽⰲⱁⰸⱑ ⱆⱎⰻ ⰻⰳⱏⰾⰻⱀⱑ ⱂⱃⱁⰻⱅⰻ. ⱀⰵⰶⰵ ⰱⱁⰳⰰⱅⱆ ⰲⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ ⰲⱐⱀⰻⱅⰻ.

ⱄⰾⱏⱎⰰ.... {ⰰ}ⰲⱏⱎⰵ ⰶⰵ ⱆⱍⰵⱀⰻⱌⰻ ⰴⰻⰲⰾⱑⰰⱈⱘ ⱄⱔ ⰷⱑⰾⱁ ⰳⰾ҃ⱙⱎⱅⰵ. ⰽⱅⱁ ⱆⰱⱁ ⰿⱁⰶⰵⱅⱏ !ⱄⱂⱀ ⰱⱏⰹⱅⰻ.

ⰲⱏⰸⱐⱃⱑⰲⱏ ⰶⰵ ⰻⱄ҃ ⱃⰵⱍⱔ ⰻⰿⱏ. ⱁⱅⱏ ⱍⰾⰲ҃ⰽⱏ ⱄⰵ ⱀⰵⰲⱏⰸⰿⱁⰶⱏⱀⱁ ⰵⱄⱅⱏ. ⰰ ⱁⱅⱏ ⰱ҃ⰰ ⰲⱐⱄⱑ ⰲⱏⰸⰿⱁⰶⱏⱀⰰ :: ⰽ!ⱌ.

Ⱅⱏⰳⰴⰰ ⱁⱅⱏⰲⱑⱎⱅⰰⰲⱏ ⱂⰵⱅⱃⱏ ⱃⰵⱍⰵ ⰵⰿⱆ. ⰳ҃ⰻ ⱄⰵ ⰿⱏⰹ ⱁⱄⱅⰰⰲⰻⱈⱁⰿⱏ ⰲⱐⱄⱑ ⰻ ⰲⱐ ⱄⰾⱑⰴⱏ ⱅⰵⰱⰵ ⰻⰴⱁⰿⱏ. ⱍⱅⱁ ⱆⰱⱁ ⰱⱘⰴⰵⱅⱏ ⱀⰰⰿⱏ.

ⰺⱄ҃ ⱃⰵⱍⰵ ⰻⰿⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰲⱏⰹ ⱎⰵⰴⱏⱎⰵⰻ ⱂⱁ ⰿⱏⱀⱑ ⰲⱏ ⱂⰰⰽⱏⰹⰱⱏⰹⱅⰻⰻ. ⰵⰳⰴⰰ ⱄⱔⰴⰵⱅⱏ ⱄⱀ҃ⱏ ⱍⰾⰲ҃ⱄⰽⱏⰹ. ⱀⰰ ⱂⱃⱑⱄⱅⱁⰾⱑ ⱄⰾⰰⰲⱏⰹ ⱄⰲⱁ ⱗ҅. Ⱄⱔⰴⰵⱅⰵ ⰻ ⰲⱏⰹ ⱀⰰ ⰴⱏⰲⱁⱓ ⱀⰰ ⰴⰵⱄⱔⱅⰵ ⱂⱃⱑⱄⱅⱁⰾⱆ. ⱄⱘⰴⱔⱎⱅⰵ ⱁⰱⱑⰿⰰ ⱀⰰ ⰴⰵⱄⱔⱅⰵ ⰽⱁⰾⱑⱀⱁⰿⰰ !ⰻⰸⰴⱃⰰⰻⰾⰲⰿⰰ.

ⰺ ⰲⱐⱄⱑⰽⱏ ⰻⰶⰵ ⱁⱄⱅⰰⰲⰻⱅⱏ ⰱⱃⰰⱅⱃⰻⱙ ⰾⰻ ⱄⰵⱄⱅⱃⱏⰹ. ⰾⰻ ⱁⱅ҃ⱌⰰ ⰾⰻ ⰿⰰⱅⰵⱃⱐ. ⰾⰻ ⰶⰵⱀⱘ ⰾⰻ ⰴⱑⱅⰻ. ⰾⰻ ⱄⰵⰾⰰ ⰾⰻ ⱈⱃⰰⰿⱏⰹ. ⰺⰿⰵⱀⰵ ⰿⱁⰵⰳⱁ ⱃⰰⰴⰻ. ⱄⱏⱅⱁⱃⰻⱌⰵⱙ ⱂⱃⰻⰿⰵⱅⱏ. ⰺ ⰶⰻⰲⱁⱅⱏ ⰲⱑⱍⱏⱀⱏⰹ ⱀⰰⱄⰾⱑⰴⰻⱅⱏ.

ⰿⱐⱀⱁⰷⰻ ⰶⰵ ⰱⱁⰴⱘⱅⱏ ⱂⱃⱏⰲⰻⰻ ⱂⱁⱄⰾⱑⰴⱐⱀⰻⰻ. ⰺ ⱂⱁⱄⰾⱑⰴⱐⱀⰻⰻ ⱂⱃⱏⰲⰻⰻ ::