ЕВАНГЕЛИЕ ЕЖЕ Ѿ МАТѲЕꙖ
18:1
Ⰲⱏ ⱅⱏ ⱍⰰⱄⱏ ⱂⱃⰻⱄⱅⱘⱂⰻⱎⱔ ⱆⱍⰵⱀⰻⱌⰻ ⰽⱏ ⰻⱄ҃ⱛ ⰳⰾ҃ⱎⱅⰵ. ⰽⱅⱁ ⱆⰱⱁ ⰱⱁⰾⰵⰻ ⰵⱄⱅⱏ ⰲⱏ ⱌⱄ҃ⱃⱅⰲⰻ ⱀⰵⰱ҃ⱄⱌ ⰵ҅ⰿⱐ ..
18:2
ⰺ ⱂⱃⰻⰸⱏⰲⰰⰲⱏ ⰻⱄ҃ⱏ ⱁⱅⱃⱁⱍⱔ. ⱂⱁⱄⱅⰰⰲⰻ ⰵ ⱂⱁ ⱄⱃⱑⰴⱑ ⰻⱈⱏ
18:3
ⰻ ⱃⰵⱍⰵ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⰰⱋⰵ ⱀⰵ ⱁⰱⱃⰰⱅⰻⱅⰵ ⱄⱔ ⰻ ⰱⱘⰴⰵⱅⰵ ⱑⰽⱁ ⰴⱑⱅⰻ. ⱀⰵ ⰻⰿⰰⱅⰵ ⰲⱐⱀⰻⱅⰻ ⰲⱏ ⱌⱄ҃ⱃⱄⱅⰲⰻⰵ ⱀⰵⰱ҃ⱄⰽⱁⰵ.
18:4
ⰺⰶⰵ ⰱⱁ ⱄⱔ ⱄⱏⰿⱑⱃⰻⱅⱏ ⱑⰽⱁ ⱁⱅⱃⱁⱍⱔ ⱄⰵ. ⱅⱏ ⰵⱄⱅⱏ ⰱⱁⰾⰵⰻ ⰲⱏ ⱌⱄ҃ⱃⱄⱅⰲⰻⰻ ⱀⰱ҃ⱄⱌⱑⰵⰿⱏ :: ⰽ!ⱌ.
18:5
ⰺ҅ ⰻⰶⰵ ⰽⱁⰾⰻⰶⱏⰴⱁ ⱂⱃⰻⰻⰿⰵⱅⱏ ⱁⱅⱃⱁⱍⱔ ⱅⰰⰽⱁⰲⱁ ⰵⰴⰻⱀⱁ. ⰲⱏ ⰹⰿⱔ ⰿⱁⰵ : ⰿⰵⱀⰵ ⱂⱃⰻⰵⰿⰾⰵⱅⱏ.
18:6
ⰺ ⰻⰶⰵ ⰰⱋⰵ ⱄⰽⰰⱀⰴⰰⰾⰻⱄⰰⰵⱅⱏ ⰵⰴⰻⱀⱁⰳⱁ ⱁⱅⱏ ⰿⰰⰾⱏⰹⱈⱏ ⱄⰻⱈⱏ ⰲⱑⱃⱆⱙⱋⰻⱈⱏ ⰲⱏ ⰿⱔ. ⱆⱀⱑⰵ ⰵⰿⱆ ⰵⱄⱅⱏ ⰴⰰ ⱁⰱⱑⱄⱔⱅⱏ ⰶⱃⱏⱀⱁⰲⱏ ⱀⰰ ⰲⱏⰹⰻ ⰵⰳⱁ ⱁⱄⱐⰾⱐⱄⰽⱏⰹ. ⰺ ⱂⱁⱅⱁⱂⱔⱅⱏ ⰹ ⰲⱏ ⱂⱘⱍⰻⱀⱑ ⰿⱁⱃⱐⱄⱅ ⰻ҅.
18:7
Ⰳⱁⱃⰵ ⰲⱐⱄⰵⰿⱆ ⰿⰻⱃⱆ ⱁⱅⱏ ⱄⰽⰰⱀⱏⰴⱑⰾⱏ. ⱀⰵⰲⱁⰾⱑ ⰱⱁ ⰵⱄⱅⱏ ⱂⱃⰻⱅⰻ ⱄⰽⰰⱀⱐⰴⰰⰾⱁⰿⱏ. ⱁⰱⰰⱍⰵ ⰳⱁⱃⰵ ⱍⰾ҃ⰽⱆ ⱅⱁⰿⱆ ⰻⰿⱐⰶⰵ ⱄⰽⰰⱀⱐⰴⰰⰾⱐ ⱂⱃⰻⱈⱁⰴⰻⱅⱏ.
18:8
Ⰰⱎⱅⰵ ⰾⰻ ⱃⱘⰽⰰ ⱅⰲⱁⱑ ⰾⰻ ⱀⱁⰳⰰ ⱅⰲⱁⱑ ⱄⱏⰱⰾⰰⰶⱀⱑⰵⱅⱏ ⱅⱔ. ⱁⱅⱏⱄⱑⱌⰻ ⰻ ⰻ ⱁⱅⱏⰲⱃⱏⰷⰻ ⱁⱅⱏ ⱄⰵⰱⰵ. ⰴⱁⰱⱃⱑⰰ ⱅⰻ ⰵⱄⱅⱏ ⰲⱏⱀⰻⱅⰻ ⰲⱏ ⰶⰻⰲⱁⱅⱏ ⱈⱃⱁⰿⱆ ⰾⰻ ⰱⱑⰴⱏⱀⱆ. ⱀⰵⰶⰵ ⰴⱐⰲⱑ ⱃⱘⱌⱑ ⰻ ⰴⱏⰲⱑ ⱀⱁⰷⱑ ⰻⰿⱘⱎⱅⱓ ⰲⱏⰲⱃⱏⰶⰵⱀⱆ ⰱⱏⰹⱅⰻ ⰲⱏ ⱁⰳⱀⱐ ⰲⱑⱍⱏⱀⱏⰹ.
18:9
ⰺ ⰰⱎⱅⰵ ⱁⰽⱁ ⱅⰲⱁⰵ ⱄⱏⰱⰾⰰⰶⱀⰰⰰⱅⱏ ⱅⱔ. ⰺⰸⱐⰿⰻ ⰵ ⰻ ⰲⱃⱏⰷⰻ ⱁⱅⱏ ⱄⰵⰱⰵ ⰴⱁⰱⱃⱑⰰ ⱅⰻ ⰵⱄⱅⱏ ⱄⱏ ⰵⰴⰻⱀⱑⰿⱐ ⱁⰽⱁⰿⱐ ⰲⱐ ⰶⰻⰲⱁⱅⱏ ⰲⱐⱀⰻⱅⰻ. ⱀⰵⰶⰵ ⰴⱐⰲⱑ ⱁⱍⰻ ⰻⰿⱘⱎⱅⱓ. ⰲⱏⰲⱃⱏⰶⰵⱀⱆ ⰱⱏⰹⱅⰻ ⰲⱏ ⰼⰵⱁⱀⱘ ⱁⰳⱀⱐⱀⱘⱙ ::
18:10
Ⰱⰾⱓⰴⱑⱅⰵ ⱄⱔ ⰻ ⱀⰵ ⱃⱁⰴⰻⱅⰵ ⱁ ⰵⰴⰻⱀⱁⰿⱏ ⱁⱅⱏ ⰿⰰⰾⱏⰹⱈⱏ ⱄⰻⱈⱏ. ⰳⰾ҃ ⰱⱁ ⰲⰰⰿⱏ. ⱑⰽⱁ ⰰⱀⰼ҃ⰾⰻ ⰻⱈⱏ ⱀⱀⰱ҃ⱄⱈⱏ. ⰲⱏ ⰹⱀⱘ ⰲⰻⰴⱔⱅⱏ ⰾⰻⱌⰵ ⱁⱅⱏⱌⰰ ⰿⱁⰵⰳⱁ ⱀⰱ҃ⱄⰽⰰⰰⰳⱁ.
18:11
ⱂⱃⰻⰴⰵ ⰱⱁ ⱄⱀ҃ⱏ ⱍⰾⰲ҃ⱍⱄⰽⱏⰹ ⰲⱏⰸⰻⱄⰽⰰⱅⱏ ⰻ ⱄⱂ҃ⱄⱅⱏ ⱂⱁⰳⱏⰹⰱⱏⱎⰰⰰⰳⱁ.
18:12
ⱍⱏⱅⱁ ⱄⱔ ⰲⰰⰿⱏ ⰿⱐⱀⰻⱅⱏ. ⰰⱎⱅⰵ ⰱⱘⰴⰵⱅⱏ ⰵⱅⰵⱃⱆ ⱍⰾⰲ҃ⰽⱆ !.ⱂ. ⱁⰲⰵⱌⱏ. ⰺ҅ ⰸⰰⰱⰾⱘⰴⰻⱅⱏ ⰵⰴⰻⱀⰰ ⱁⱅⱏ ⱀⰻⱈⱏ. ⱀⰵ ⱁⱄⱅⰰⰲⰻⱅⱏ ⰾⰻ ⰴⰵⰲⱔⱅⰻ ⰴⰵⱄⱔⱅⱏ ⰻ ⰴⰵⰲⱔⱅⰻ ⱀⰰ ⰳⱁⱃⰰⱈⱏ. ⰻ ⱎⰵⰴⱏ ⰻⱎⱅⰵⱅⱏ ⰸⰰⰱⰾⱘⰶⰴⱐⱎⱔⱗ.
18:13
ⰻ ⰰⱋⰵ ⱁⰱⱃⱔⱋⰵⱅⱏ ⱙ. ⰰⰿⰻⱀⱐ ⰳⰾ҃ⱙ ⰲⰰⰿⱏ .. ⱑⰽⱁ ⱃⰰⰴⱆⰵⱅⱏ ⱄⱔ ⱁ ⱀⰵⰻ ⱂⰰⱍⰵ. ⱀⰵⰶⰵ ⱁ ⰴⰵⰲⱔⱅⰻ ⰴⰵⱄⱔⱅⱏ ⰻ ⰴⰵⰲⱔⱅⰻ ⱀⰵ ⰸⰰⰱⰾⱘⰶⰴⱐⱎⰻⰻⱈⱏ.
18:14
ⱅⰰⰽⱁ ⱀⱑⱄⱅⱏ ⰲⱁⰾⱑ. ⱂⱃⱑⰴⱏ ⱁⱅⱏⱌⰵⰿⱐ ⰲⰰⱎⰻⰿⱏ ⱀⰱ҃ⱄⰽⱏⰹⰻⰿⱏ. ⰴⰰ ⱂⱁⰳⱏⰹⰱⱀⰵⱅⱏ ⰵⰴⰻⱀⱏ ⱁⱅⱏ ⰿⰰⰾⱏⰹⱈⱏ ⱄⰻⱈⱏ.
18:15
ⰰⱋⰵ ⰶⰵ ⱄⱏⰳⱃⱑⱎⰻⱅⱏ ⰽⱏ ⱅⰵⰱⱑ ⰱⱃⰰⱅⱃⱏ ⱅⰲⱁⰻ. ⰺⰴⰻ ⱁⰱⰾⰻⱍⰻ ⰻ ⰿⰵⰶⰴⱓ ⱄⱁⰱⱁⱙ ⰻ ⱅⱑⰿⱐ ⰵⰴⰻⱀⱑⰿⱐ. ⰰⱋⰵ ⱅⰵⰱⰵ ⱂⱁⱄⰾⱆⱎⰰⰰⱅⱏ ⱂⱃⰻⱁⰱⱃⱔⱋⰵⱎⰻ ⰱⱃⰰⱅⱃⱏ ⱅⰲⱁⰻ.
18:16
ⰰⱋⰵ ⰾⰻ ⱅⰵⰱⰵ ⱀⰵ ⱂⱁⱄⰾⱆⱎⰰⰰⱅⱏ .ⱂⱁⰻⰿⰻ ⱂⰰⰽⱏⰹ ⱄⱏ ⱄⱁⰱⱁⱙ ⰵⰴⰻⱀⱁⰳⱁ ⰾⰻ ⰴⰲⰰ. ⰴⰰ ⰲⱏ ⱆⱄⱅⱑⱈⱏ ⰴⱏⰲⱁⱓ ⰾⰻ ⱅⱃⰻⰻ ⱄⱏⰲⱑⰴⱑⱅⰵⰾⱐ ⱄⱅⰰⱀⰵⱅⱏ ⰲⱐⱄⱑⰽⱏ ⰳⰾ҃ⱏ.
18:17
ⰰⱋⰵ ⰶⰵ ⱀⰵ ⱂⱁⱄⰾⱆⱎⰰⰰⱅⱏ ⰻⱈⱏ. ⱃⱐⱌⰻ !ⱌⱃⰽⰲⰻ. ⰰⱎⱅⰵ ⰶⰵ ⰻ ⱁ ⱌⱃⰽⰲⰻ ⱀⰵ ⱃⱁⰴⰻⱅⰻ ⰲⱐⱍⱐⱀⰵⱅⱏ. ⰴⰰ ⰱⱘⰴⰵⱅⱏ ⱅⰻ ⱑⰽⱁ ⱗⰸⱏⰹⱍⱐⱀⰻⰽⱏ. ⰺ ⰿⱏⰹⱅⰰⱃⱐ.
18:18
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⰵⰾⰻⰽⱁ ⰰⱋⰵ ⱄⱏⰲⱔⰶⰵⱅⰵ ⱀⰰ ⰸⰵⰿⰻ. ⰱⱘⰴⰵⱅⱏ ⱄⱏⰲⱔⰸⰰⱀⱁ ⱀⰰ ⱀⰵⰱⰵⱄⰵⱈⱏ. ⰺ ⰵⰾⰻⰽⱁ ⰰⱎⱅⰵ ⱃⰰⰸⰴⱃⱑⱎⰻⱎⰻ ⱀⰰ ⰸⰵⰿⰻ. ⰱⱘⰴⰵⱅⱏ ⱃⰰⰸⰴⱃⱑⱎⰵⱀⱁ ⱀⰰ ⱀⰱ҃ⱄⱈⱏ.
18:19
Ⱂⰰⰽⱏⰹ ⰰⰿⰻⱀⱏ ⰳⰾ҃ ⰲⰿⱏ. ⱑⰽⱁ ⰰⱎⱅⰵ ⰴⱏⰲⰰ ⱁⱅⱏ ⰲⰰⱄⱏ ⱄⱏⰲⱑⱎⱅⰰⰰⱅⰵ ⱀⰰ ⰸⰵⰿⰻ ⱁ ⰲⱐⱄⱑⰽⱁⰻ ⰲⰵⱎⱅⰻ ⰵⱗⰶⰵ ⰽⱁⰾⰻⰶⱏⰴⱁ ⱂⱃⱁⱄⰻⱅⰵ ⰱⱘⰴⰵⱅⱏ ⰻⰿⰰ. ⱁⱅⱏ ⱁⱅ҃ⱌⰰ ⰿⱁⰵⰳⱁ ⰻⰶⰵ ⰵⱄⱅⱏ ⱀⱀⰱ҃ⱄⱈⱏ.
18:20
ⰺⰴⰵⰶⰵ ⰱⱁ ⰵⱄⱅⰵ ⰴⱏⰲⰰ .ⰾⰻ ⱅⱃⱐⰵ ⱄⱏⰱⱃⰰⱀⰻ ⰲⱏ ⰹⰿⱔ ⰿ ⰵ҅. ⱅⱆ ⰵⱄⰿⱏ ⱂⱁ ⱄⱃⱑⰴⱑ ⰻⱈⱏ :: ⰽ!ⱌ.
18:21
ⱅⱏⰳⰴⰰ ⱂⱃⰻⱄⱅⱘⱂⱐ ⰽⱏ ⱀⰵⰿⱆ ⱂⰵⱅⱃⱏ ⱃⰵⱍⰵ. ⰳ҃ⰻ ⰽⱁⰾⱐ ⰽⱃⰰⱅⱏⰹ ⱄⱏⰳⱃⱑⱎⰻⱅⱏ ⰱⱃⰰⱅⱃⱏ ⰿⱁⰻ ⰲⱏ ⰿⱔ. ⰺ ⱁⱅⱏⱂⱆⱎⱅⱘ ⰵⰿⱆ. ⰴⱁ ⱄⰵⰴⰿⱐ ⰽⱃⰰⱅⱏ ⰾⰻ.
18:22
ⰳⰾ҃ⰰ ⰵⰿⱆ ⰻⱄ҃ⱏ. ⱀⰵ ⰳⰾ҃ⱙ ⱅⰵⰱⱑ ⰴⱁ ⱄⰵⰴⰿⱐ ⰽⱃⰰⱅⱏ. ⱀⱏ ⰴⱁ ⱄⰵⰴⰿⱐ ⰴⰵⱄⱔⱅⱏ ⰽⱃⰰⱅⱏ ⱄⰵⰴⰿⰻⱌⰵⱙ ::
18:23
Ⱄⰵⰳⱁ ⱃⰰⰴⰻ ⱆⱂⱁⰴⱁⰱⰻⰾⱁ ⱄⱔ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ ⱍⰾⰲ҃ⰽⱆ ⱌⱄ҃ⱃⱓ. ⰺⰶⰵ ⰲⱏⱄⱈⱁⱅⱑ ⱄⱏⱅⱔⰸⰰⱅⰻ ⱄⱔ ⱁ ⱄⰾⱁⰲⰵⱄⰻ. ⱄⱏ ⱃⰰⰱⱏⰹ ⱄⰲⱁⰻⰿⰻ.
18:24
ⱀⰰⱍⰵⱀⱏⱎⱓ ⰶⰵ ⰵⰿⱆ ⱄⱏⱅⱔⰸⰰⱅⰻ ⱄⱔ ⱁ ⱄⰾⱁⰲⰵⱄⰻ. ⱂⱃⰻⰲⱑⱄⱔ ⰵⰿⱆ ⰴⰾⱏⰶⱏⱀⰻⰽⱏ ⰵⰴⰻⱀⱏ. ⱅⱏⰿⱁⱙ ⱅⰰⰾⰰⱀⱏⱅⱏ.
18:25
ⱀⰵ ⰻⰿⱘⱎⱅⱓ ⰶⰵ ⰵⰿⱆ ⰲⱏⰸⰴⰰⱅⰻ. ⱂⱁⰲⰵⰾⱑ ⰳ҃ⱏ ⰵⰳⱁ ⰴⰰ ⱂⱃⱁⰴⰰⰴⱔⱅⱏ ⰹ ⰻ ⰶⰵⱀⱘ ⰵⰳⱁ ⰻ ⱍⱔⰴⰰ. ⰺ ⰲⱐⱄⰵ ⰵⰾⰻⰽⱁ ⰻⰿⱑⰰⱎⰵ. ⰺ ⱁⱅⱏⰴⰰⱅⰻ ⰻ.
18:26
ⱂⰰⰴⱏ ⱆⰱⱁ ⱃⰰⰱⱁⱅⱏ. ⰽⰾⰰⱀⱑⱎⰵ ⱄⱔ ⰵⰿⱆ ⰳⰾ҃ⱔ. ⰳ҃ⰻ ⱂⱁⱅⱃⱏⱂⰻ ⱀⰰ ⰿⱐⱀⱑ ⰻ ⰲⱐⱄⱑ ⰲⱏⰸⰴⰰⰿⱏ ⱅⰻ.
18:27
ⰿⰻⰾⱁⱄⱃ҃ⰴⰲⰰⰲⱏ ⰶⰵ ⰳ҃ⱏ ⱃⰰⰱⰰ ⱅⱁⰳⱁ. ⱂⱆⱄⱅⰻ ⰻ ⰻ ⰴⰾⱏⰳⱏ ⱁⱅⱏⱂⱆⱄⱅⰻ ⰵⰿⱆ.
18:28
ⰺⱎⱐⰴⱏ ⰶⰵ ⱃⰰⰱⱁⱅⱏ. ⱁⰱⱃⱑⱅⰵ ⰵⰴⰻⱀⱁⰳⱁ ⱁⱅⱏ ⰽⰾⰵⰲⱃⱑⱅⱏ ⱄⰲⱁⰻⱈⱏ. ⰺⰶⰵ ⰱⱑ ⰴⰾⱏⰶⰵⱀⱏ ⰵⰿⱆ ⱄⱏⱅⱁⰿⱏ ⱂⱑⱀⱔⰷⱏ. ⰺ ⰻⰿⱏ ⰴⰰⰲⰾⱑⱎⰵ ⰻ ⰳⰾ҃ⱔ. ⰴⰰⰶⰴⱐ ⰿⰻ ⰻⰿⱏⰶⰵ ⰵⱄⰻ ⰴⰾⱏⰶⰵⱀⱏ.
18:29
ⱂⰰⰴⱏ ⰶⰵ ⰽⰾⰵⰲⱃⱑⱅⱏ ⰿⱁⰾⱑⱎⰵ ⰻ ⰳⰾ҃ⱔ. ⱂⱁⱅⱃⱏⱂⰻ ⱀⰰ ⰿⱏⱀⱑ ⰻ ⰲⱐⱄⰵ ⰲⱏⰸⰴⰰⰿⱏ ⱅⰻ.
18:30
ⱁⱀⱏ ⰶⰵ ⱀⰵ ⱈⱁⱅⱑⱎⰵ. ⱀⱏ ⰲⰵⰴⱏ ⰲⱏⱄⰰⰴⰻ ⰻ ⰲⱏ ⱅⰵⰿⱐⱀⰻⱌⱘ. ⰴⱁⱀⱐⰴⰵⰶⰵ ⰲⱏⰸⰴⰰⱄⱅⱏ ⰵⰿⱆ ⰲⰵⱄⱐ ⰴⰾⱏⰳⱏ.
18:31
ⰲⰻⰴⱑⰲⱏⱎⰵ ⰶⰵ ⱆⰱⱁ ⰽⰾⰵⰲⱃⱑⱅⰻ ...... ⰱⱏⰹⰲⱏⱎⰰ ⱄⱏⰶⰰⰾⰻⱎⱔ ⱄⰻ ⰷⱑⰾⱁ. ⰺ ⱂⱃⰻⱎⰵⰴⱏⱎⰵ ⱄⱏⰽⰰⰸⰰⱎⱔ ⰳⱀ҃ⱆ ⱄⰲⱁⰵⰿⱆ ⰲⱐⱄⱑ ⰱⱏⰹⰲⱏⱎⰰⰰ.
18:32
ⱅⱏⰳⰴⰰ ⱂⱃⰻⰸⱏⰲⰰⰲⱏ ⰹ ⰳ҃ⱏ ⰵⰳⱁ ⰳⰾ҃ⰰ ⰵⰿⱆ. ⱃⰰⰱⰵ ⰾⱘⰽⰰⰲⱏⰹ. ⰲⱐⱄⱏ ⰴⰾⱏⰳⱏ ⱅⰲⱁⰻ ⱁⱅⱏⱂⱆⱄⱅⰻⱈⱏ ⱅⰵⰱⱑ. ⱂⱁⱀⰵⰶⰵ ⱆⰿⱁⰾⰻ ⰿⱔ.
18:33
ⱀⰵ ⱂⱁⰴⱁⰱⰰⱎⰵ ⰾⰻ ⰻ ⱅⰵⰱⱑ ⱂⱁⰿⰻⰾⱁⰲⰰⱅⰻ ⰽⰾⰵⰲⱃⱑⱅⰰ ⱅⰲⱁⰵⰳⱁ. ⱑⰽⱁ ⰻ ⰰⰸⱏ ⱅⱔ ⱂⱁⰿⰻⰾⱁⰲⰰⱈⱏ ::
18:34
ⰺ ⱂⱃⱁⰳⱀⱑⰲⰰⰲⱏ ⱄⱔ !ⰳⱐ ⰵⰳⱁ. ⱂⱃⱑⰴⰰⱄⱅⱏ ⰹ ⰿⱘⱍⰻⱅⰵⰾⰵⰿⱏ. ⰴⱁⱀⱐⰴⰵⰶⰵ ⰲⱏⰸⰴⰰⱄⱅⱏ ⰲⱐⱄⱐ ⰴⰾⱏⰳⱏ ⱄⰲⱁⰻ.
18:35
Ⱅⰰⰽⱁ ⰻ ⱁⱅⰵⱌⱏ ⰿⱁⰻ ⱀⰱ҃ⱄⰽⱏ ⱄⱏⱅⰲⱁⱃⰻⱅⱏ ⰲⰰⰿⱏ. ⰰⱋⰵ ⱀⰵ ⱁⱅⱏⱂⱆⱋⰰⰰⱅⰵ ⰽⱁⰶⱏⰴⱁ ⰱⱃⰰⱅⱃⱆ ⱄⰲⱁⰵⰿⱆ ⱁⱅⱏ ⱄⱃⰴ҃ⱌⱏ ⰲⰰⱎⰻⱈⱏ :: ⰽ!ⱌ.