ЕВАНГЕЛИЕ ЕЖЕ Ѿ МАТѲЕꙖ
12:1
Ⰲⱏ ⱅⱁ ⰲⱃⱑⰿⱔ ⱂⱃⰻⰴⰵ ⰻⱄ҃ⱏ ⱄⰽⰲⱁⰸⱑ ⱄⱑⰰⱀⰻⱑ. ⱆⱍⰵⱀⰻⱌⰻ ⰶⰵ ⰵⰳⱁ ⰲⱏⰸⰰⰰⰾⰽⰰⱎⱔ ⱄⱔ. ⰻ ⱀⰰⱍⱔⱄⱔ ⰲⱏⱄⱅⱃⱏⰳⰰⱅⰻ ⰽⰾⰰⱄⱏⰹ ⰻ ⱑⱄⱅⰻ
12:2
ⱇⰰⱃⰻⱄⱑⰻ ⰶⰵ ⰲⰻⰴⱑⰲⱏⱎⰵ ⱃⱑⱎⱔ ⰵⰿⱆ. ⱄⰵ ⱆⱍⰵⱀⰻⱌⰻ ⱅⰲⱁⰻ ⱅⰲⱁⱃⱔⱅⱏ. ⰵⰳⱁⰶⰵ ⱀⰵ ⰴⱁⱄⱅⱁⰻⱅⱏ ⱅⰲⱁⱃⰻⱅⰻ ⰲⱏ ⱄⱁⰱⱁⱅⱏⰹ.
12:3
Ⱁⱀⱏ ⰶⰵ ⱃⰵⱍⰵ ⰻⰿⱏ. ⱀⱑⱄⱅⰵ ⰾⰻ ⱍⱏⰾⰻ ⱍⱏⱅⱁ ⱄⱏⱅⰲⱁⱃⰻ !ⰴⰲⱏ ⰵⰳⰴⰰ ⰲⱏⰸⰰⰰⰾⰽⰰ ⱄⰰⰿⱏ. ⰺ ⱄⱘⱋⰻ ⱄⱏ ⱀⰻⰿⱐ.
12:4
ⰽⰰⰽⱁ ⰲⱐⱀⰻⰴⰵ ⰲⱏ ⱈⱃⰰⰿⱏ ⰱⰶ҃ⰻⰻ. ⰺ ⱈⰾⱑⰱⱏⰹ ⱂⱃⱑⰴⱏⰾⱁⰶⰵⱀⰻⱑ ⱄⱏⱀⱑⱄⱅⱏ. ⰺⱈⱏⰶⰵ ⱀⰵ ⰴⱁⱄⱅⱁⰻⱀⱁ ⰵⰿⱆ ⰱⱑ ⱑⱄⱅⰻ. ⱀⰻ ⱄⱘⱋⰻⰿⱏ ⱄⱏ ⱀⰻⰿⱏ. ⱅⱏⰽⱏⰿⱁ ⰻⰵⱃⰵⱁⰿⱏ ⰵⰴⰻⱀⱑⰿⱏ.
12:5
ⰾⰻ ⱀⱑⱄⱅⰵ ⱍⱏⰾⰻ ⰲⱏ ⰸⰰⰽⱁⱀⱑ. ⱑⰽⱁ ⰲⱏ ⱄⱁⰱⱁⱅⱏⰹ ⰻⰵⱃⰵⰻ ⰲⱏ !ⱌⱏⱃⰽⰲⰵ ⱄⱁⰱⱁⱅⱏⰹ ⱄⰽⰲⱃⱏⱀⱔⱅⱏ. ⰺ ⱀⰵⱂⱁⰲⰻⱀⱐⱀⰻ ⱄⱘⱅⱏ.
12:6
ⰳⰾ҃ⱙ ⰲⰰⰿⱏ. ⱑⰽⱁ !ⱌⱃⰽⰲⰵ. ⰺ ⰱⱁⰾⰵⰻ ⰵⱄⱅⱏ ⱄⱏⰴⰵ.
12:7
ⰰⱋⰵ ⰾⰻ ⰱⰻⱄⱅⰵ ⰲⱑⰴⱑⰾⰻ. ⱍⱏⱅⱁ ⰵⱄⱅⱏ ⰿⰻⰾⱁⱄⱅⰻ ⱈⱁⱎⱅⱘ ⰰ ⱀⰵ ⰶⱃⱏⱅⰲⱑ. ⱀⰻⰽⱁⰾⰻⰶⰵ ⱆⰱⱁ ⰱⰻⱄⱅⰵ ⱁⱄⱘⰴⰻⰾⰻ ⱀⰵⱂⱁⰲⰻⱀⱏⱀⱏⰹⱈⱏ.
12:8
!ⰳⱐ ⰱⱁ ⰵⱄⱅⱏ ⱄⱁⰱⱁⱅⱑ ⱄⱀ҃ⱏ ⱍⰾⱁⰲⱑⱍⱄⰽⱏⰹ ::
12:9
ⰺ ⱂⱃⱑⱎⰵⰴⱏ ⱁⱅⱏ ⱅⱘⰴⱑ ⰻⱄ҃ⱏ. ⱂⱃⰻⰴⰵ ⱀⰰ ⱄⱁⱀⱐⰿⰻⱎⱅⰵ ⰻⱈⱏ.
12:10
ⰺ ⱄⰵ ⱍⰾⰲ҃ⰽⱏ ⰱⱑ ⱅⱆ. ⱃⱘⰽⱘ ⰻⰿⱏⰹ ⱄⱆⱈⱘ. ⰺ ⰲⱏⱂⱃⱁⱄⰻⱎⱔ ⰻ ⰳⰾ҃ⱙⱋⰵ. ⰰⱋⰵ ⰴⱁⱄⱅⱁⰻⱅⱏ ⰲⱏ ⱄⱁⰱⱁⱅⱘ ⱌⱑⰾⰻⱅⰻ. ⰴⰰ ⱀⰰ ⱀⱐ !ⰲⱏⰸⰳⰾⱙⱅⱏ.
12:11
ⱁⱀⱏ ⰶⰵ ⱃⰵⱍⰵ ⰻⰿⱏ. ⰽⱅⱁ ⰵⱄⱅⱏ ⱁⱅⱏ ⰲⰰⱄⱏ ⱍⰾⰲ҃ⰽⱏ. ⰺⰶⰵ ⰻⰿⰰⱅⱏ ⱁⰲⱐⱍⱔ ⰵⰴⰻⱀⱁ. ⰺ҅ ⰰⱋⰵ ⰲⱏⱂⰰⰴⰵⱅⱏ ⱄⱔ ⰲⱏ ⱑⰿⱘ ⰲⱏ ⱄⱁⰱⱁⱅⱘ. ⱀⰵ ⰻⰸⱐⰿⰵⱅⱏ ⰾⰻ ⰵⰳⱁ.
12:12
ⰽⱁⰾⱐⰿⰻ ⱆⰱⱁ ⰾⱆⱍⰵⰻ ⰵⱄⱅⱏ ⱍⰾⰲ҃ⰽⱏ ⱁⰲⱐⱍⱔⱅⰵ. ⱅⱑⰿⱐ ⰶⰵ ⰴⱁⱄⱅⱁⰻⱅⱏ ⰲⱏ ⱄⱁⰱⱁⱅⱘ ⰴⱁⰱⱃⱁ ⱅⰲⱁⱃⰻⱅⰻ.
12:13
ⱅⱏⰳⰴⰰ ⰳⰾ҃ⰰ !ⱍⰲⰽⱆ. ⱂⱃⱁⱄⱅⱐⱃⰻ ⱃⱘⰽⱘ ⰻ ⱂⱃⱁⱄⱅⱐⱃⱑ. ⰺ ⱆⱅⰲⱃⱏⰴⰻ ⱄⱔ ⱌⱑⰾⰰ ⱑⰽⱁ ⰻ ⰴⱃⱆⰳⰰⱑ ::
12:14
Ⱇⰰⱃⰻⱄⱑⰻ ⰶⰵ ⰻⱎⰵⰴⱏⱎⰵ ⱄⱏⰲⱑⱅⱏ ⱄⱏⱅⰲⱁⱃⰻⱎⱔ ⱀⰰ ⱀⱐ. ⰽⰰⰽⱁ ⰻ ⱂⱁⰳⱆⰱⱔⱅⱏ.
12:15
ⰺⱄ҃ⱏ ⰶⰵ ⱃⰰⰸⱆⰿⱑⰲⱏ ⱁⱅⰻⰴⰵ ⱁⱅⱏ ⱅⱘⰴⱑ. Ⰺ ⱂⱁ ⱀⰵⰿⱐ ⰻⰴⱘ ⱀⰰⱃⱁⰴⰻ ⰿⱐⱀⱁⰷⰻ. ⰺ ⰻⱄⱌⱑⰾⰻ ⱗ ⰲⱐⱄⱔ.
12:16
ⰺ ⰸⰰⱂⱃⱑⱅⰻ ⰻⰿⱏ ⰴⰰ ⱀⰵ ⱑⰲⱑ ⰵⰳⱁ ⱄⱏⱅⰲⱁⱃⱔⱅⱏ.
12:17
ⰴⰰ ⱄⱏⰱⱘⰴⰵⱅⱏ ⱄⱔ ⱃⰵⱍⰵⱀⱁⰵ !ⱂⱃⰽⱁⰿⱐ ⰻⱄⰰⰻⰵⰿⱐ ⰳⰾ҃ⱋⰵⰿⱐ.
12:18
ⱄⰵ ⱁⱅⱃⱁⰽⱏ ⰿⱁⰻ ⰵⰳⱁⰶⰵ ⰻⰸⰲⱁⰾⰻⱈⱏ. ⰲⱐⰸⰾⱓⰱⰾⰵⱀⱏⰹ ⰿⱁⰻ. ⱀⰰ ⱀⱐⰶⰵ ⰱⰾⰰⰳⱁⰻⰸⰲⱁⰾⰻ ⰴⱎ҃ⰰ ⰿⱁⱑ. ⱂⱁⰾⱁⰶⱘ ⰴⱈ҃ⱏ ⰿⱁⰻ. ⱀⰰ ⱀⰵⰿⱐ. ⰺ ⱄⱘⰴⱏ ⱗⰸⰽⰿⱐ ⰲⱐⰸⰲⱑⱄⱅⰻⱅⱏ.
12:19
ⱀⰵ ⱂⱃⱑⱃⰵⱍⰵⱅⱏ. ⱀⰻ ⰲⱏⰸⱏⱂⰻⰵⱅⱏ. ⱀⰵ ⱆⱄⰾⱏⰹⱎⰻⱅⱏ ⱀⰻⰽⱅⱁⰶⰵ ⱀⰰ ⱃⰰⱄⱂ[ⱘ]ⱅⰻⱈⱏ ⰳⰾⰰⱄⰰ ⰵⰳⱁ.
12:20
ⱅⱃⱐⱄⱅⰻ ⱄⱏⰽⱃⱆⱎⰵⱀⱏⰹ ⱀⰵ ⱂⱃⱑⰾⱁⰿⰻⱅⱏ. ⰺ ⱂⱃⱏⱅⰰ ⰲⱏⱀⰵⰿⱏⱎⰰ ⱄⱔ ⱀⰵ ⱆⰳⰰⱄⰻⱅⱏ. ⰴⱁⱀⱐⰴⰵⰶⰵ ⰲⱐⰸⰲⰵⰴⰵⱅⱏ ⱀⰰ ⱂⱁⰱⱑⰴⱘ ⱄⱘⰴⱏ.
12:21
ⰺ ⱀⰰ ⰻⰿⱔ ⰵⰳⱁ !ⱗⰸⱌⰻ ⱆⱂⱏⰲⰰⱙⱅⱏ.
12:22
Ⱅⱏⰳⰴⰰ ⱂⱃⰻⰲⱑⱄⱔ ⰽⱏ ⱀⰵⰿⱆ ⰱⱑⱄⱏⱀⱘⱙⱋⱐ ⱄⱔ ⱄⰾⱑⱂⱏ ⰻ ⱀⱑⰿⱏ ⰻ ⰻⱄⱌⱑⰾⰻ ⰻ. ⱑⰽⱁ ⱄⰾⱑⱂⱏ ⰹ ⱀⱑⰿⱏ ⰳⰾ҃ⰰⱎⰵ ⰻ ⰳⰾⱔⰴⰰⱎⰵ.
12:23
ⰺ ⰴⰻⰲⰾⱑⱈⱘ ⱄⱔ ⰲⱐⱄⰻ ⱀⰰⱃⱁⰴⰻ ⰳⰾ҃ⱙⱋⰵ. ⰵⰴⰰ ⱄⱐ ⰵⱄⱅⱏ ⱄⱀ҃ⱏ !ⰴⰲⱏ
12:24
Ⱇⰰⱃⰻⱄⰵⰻ ⰶⰵ ⱄⰾⱏⰹⱎⰰⰲⱏⱎⰵ ⱃⱑⱎⱔ. ⱄⱐ ⱀⰵ ⰻⰸⰳⱁⱀⰻⱅⱏ ⰱⱑⱄⱏ. ⱅⱏⰽⰿⱁ ⱁ ⰲⰵⰾⱐⰸⱑⰲⱁⰾⱑ ⰽⱏⱀⱔⰷⰻ ⰱⱑⱄⱏ.
12:25
Ⰲⱑⰴⱏⰹ ⰶⰵ ⰿⱏⰹⱄⰾⰻ ⰻⱈⱏ ⱃⰵⱍⰵ ⰻⰿⱏ. ⰲⱐⱄⱑⰽⱁ !ⱌⱑⱄⱃⱄⱅⰲⱁ ⱃⰰⰸⰴⱑⰾⱏ ⱄⱔ ⱀⰰ ⱄⱔ. ⰸⰰⱂⱆⱄⱅⱑⰵⱅⱏ ⰺ ⰲⱏⱄⱑⰽⱏ ⰳⱃⰰⰴⱏ ⰾⰻ ⰴⱁⰿⱏ ⱃⰰⰸⰴⱑⰾⱏ ⱄⱔ ⱀⰰ ⱄⱔ ⱀⰵ ⱄⱅⰰⱀⰵⱅⱏ.
12:26
ⰺ ⰰⱋⰵ ⱄⱁⱅⱁⱀⰰ ⱄⱁⱅⱁⱀⱘ ⰻⰸⰳⱁⱀⰻⱅⱏ. ⱀⰰ ⱄⱔ ⱃⰰⰸⰴⱑⰾⰻⰾⱏ ⱄⱔ ⰵⱄⱅⱏ ⰽⰰⰽⱁ ⱆⰱⱁ ⱄⱅⰰⱀⰵⱅⱏ ⱌⱄ҃ⱅⰲⰻⰵ ⰵⰳⱁ.
12:27
ⰺ ⰰⱎⱅⰵ ⰰⰸⱏ ⱁ ⰲⰵⰾⱏⰷⱑⰲⱁⰾⱑ ⰻⰸⰳⱁⱀⱙ ⰱⱑⱄⱏⰹ. ⱄⱀ҃ⰲⰵ ⰲⰰⱎⰻ ⱁ ⰽⱁⰿⱐ ⰻⰸⰳⱁⱀⱔⱅⱏ. Ⱄⰵⰳⱁ ⱃⰰⰴⰻ ⱅⰻ ⰲⰰⰿⱏ ⰱⱘⰴⱘⱅⱏ ⱄⱘⰴⰻⱗ.
12:28
ⰰⱋⰵ ⰾⰻ ⱁ ⰴⱆⱄⱑ ⰱⰶ҃ⰻⰻ. ⰰⰸⱏ ⰻⰸⰳⱁⱀⱙ ⰱⱑⱄⱏⰹ. ⱆⰱⱁ ⱂⱁⱄⱅⰻⰶⰵ ⱀⰰ ⰲⰰⱄⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
12:29
ⰾⰻ ⰽⰰⰽⱁ ⰿⱁⰶⰵⱅⱏ ⰽⱏⱅⱁ ⰲⱐⱀⰻⱅⰻ ⰲⱏ ⰴⱁⰿⱏ ⰽⱃⱑⱂⱏⰽⰰⰰⰳⱁ. ⰺ ⱄⱏⱄⱘⰴⱏⰹ ⰵⰳⱁ ⱃⰰⱄⱈⱏⰹⱅⰻⱅⰻ. ⰰⱋⰵ ⱀⰵ ⱂⱃⱏⰲⱑⰵ ⱄⱏⰲⱔⰶⰵⱅⱏ ⰽⱃⱑⱂⱏⰽⰰⰰⰳⱁ. ⰺ ⱅⱁⰳⰴⰰ ⰴⱁⰿⱏ ⰵⰳⱁ ⱃⰰⱄⱈⱏⰹⱅⰻⱅⱏ. ⰸ!ⱍ.
12:30
Ⰺⰶⰵ ⱀⱑⱄⱅⱏ ⱄⱏ ⰿⱀⱁⱙ ⱀⰰ ⰿⱔ ⰵⱄⱅⱏ. ⰺ ⰻⰶⰵ ⱀⰵ ⱄⱏⰱⰻⱃⰰⰰⱅⱏ ⱄⱏ ⰿⱀⱁⱙ ⱃⰰⱄⱅⰰⱍⰰⰰⱅⱏ.
12:31
ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ ⰲⱐⱄⱑⰽⱏ ⰳⱃⱑⱈⱏ ⰻ ⱈⱆⰾⰰ ⱁⱅⱏⱂⱆⱄⱅⰻⱅⱏ ⱄⱔ ⱍⰾⱁⰲⱑⰽⱁⰿⱏ. ⰰ ⱑⰶⰵ ⱀⰰ ⰴⱈ҃ⱏ ⱈⱆⰾⰰ ⱀⰵ ⱁⱅⱏⱂⱆⱄⱅⰻⱅⱏ ⱄⱔ ⱍⰾ҃ⰽⰿⱏ
12:32
ⰺ ⰻⰶⰵ ⰽⱁⰾⰻⰶⱏⰴⱁ ⱃⰵⱍⰵⱅⱏ ⱄⰾⱁⰲⱁ ⱀⰰ ⱄⱀ҃ⱏ ⱍⰾⰲ҃ⱍⱄⰽⱏⰹ. ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ. ⰰ ⰻⰶⰵ ⱃⰵⱍⰵⱅⱏ ⱀⰰ ⰴⱈ҃ⱏ ⱄⱅ҃ⱏⰹ ⱀⰵ ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ. ⱀⰻ ⰲⱐ ⱄⱐ ⰲⱑⰽⱏ ⱀⰻ ⰲⱏ ⰱⱘⰴⱘⱋⰻⰻ.
12:33
ⰾⰻ ⱄⱏⱅⰲⱁⱃⰻⱅⰵ ⰴⱃⱑⰲⱁ ⰴⱁⰱⱃⱁ ⰻ ⱂⰾⱁⰴⱏ ⰵⰳⱁ ⰴⱁⰱⱃⱏ. ⰾⰻ ⱄⱏⱅⰲⱁⱃⰻⱅⰵ ⰴⱃⱑⰲⱁ ⰸⱏⰾⱁ ⰻ ⱂⰾⱁⰴⱏ ⰵⰳⱁ ⰸⱁⰾⱏ ⱁⱅⱏ ⱂⰾⱁⰴⰰ ⰱⱁ ⰴⱃⱑⰲⱁ ⱂⱁⰸⱀⰰⱀⱁ ⰱⱘⰴⰵⱅⱏ.
12:34
ⰺⱎⱅⱔⰴⱐⱑ ⰵⱈⰻⰴⱏⱀⱁⰲⰰ ⰽⰰⰽⱁ ⰿⱁⰶⰵⱅⰵ ⰴⱁⰱⱃⱁ ⰳⰾ҃ⰰⱅⰻ ⰸⱏⰾⰻ ⱄⱘⱋⰵ ⱁⱅⱏ ⰻⰸⰱⱏⰹⱅⱏⰽⰰ ⰱⱁ ⱄⱃⰴ҃ⱌⱆ ⱆⱄⱅⰰ ⰳⰾ҃ⱙⱅⱏ.
12:35
Ⰴⱁⰱⱃⱏⰹ ⱍⰾⰲ҃ⰽⱏ ⱁⱅⱏ ⰴⱁⰱⱃⰰⰳⱁ ⱄⱏⰽⱃⱁⰲⰻⱎⱅⰰ ⰻⰸⱀⱁⱄⰻⱅⱏ ⰴⱁⰱⱃⰰⱑ ⰺ ⰸⱏⰾⱏⰹ ⱍⰾⰲ҃ⰽⱏ ⱁⱅⱏ ⰸⱏⰾⰰⰰⰳⱁ ⱄⱏⰽⱃⱁⰲⰻⱎⱅⰰ ⰻⰸⱀⱁⱄⰻⱅⱏ ⰸⱏⰾ ⰰ҅.
12:36
ⰳⰾ҃ⱙ ⰶⰵ ⰲⰰⰿⱏ. ⱑⰽⱁ ⰲⱐⱄⱑⰽⱁ ⱄⰾⱁⰲⱁ ⱂⱃⰰⰸⰴⱏⱀⱁ. ⰵⰶⰵ ⰰⱋⰵ ⱃⰵⰽⱘⱅⱏ ⱍⰾⰲ҃ⱌⰻ. ⰲⱏⰸⰴⰰⰴⱔⱅⱏ ⱁ ⱀⰵⰿⱐ ⱄⰾⱁⰲⱁ. ⰲⱐ ⰴⰵⱀⱐ ⱄⱘⰴⱐⱀⱏⰹ.
12:37
ⱁⱅⱏ ⱄⰾⱁⰲⰵⱄⱏ ⰱⱁ ⱄⰲⱁⰻⱈⱏ. ⱁⱂⱃⰰⰲⱏⰴⰻⱎⰻ ⱄⱔ. ⰺ ⱄⰾⱁⰲⰵⱄⱏⰹ ⱄⰲⱁⰻⰿⰻ ⱄⱘⰴⰻⱎⰻ ⱄⰻ :: ⰽ!ⱌ
12:38
Ⱅⱏⰳⰴⰰ ⱁⱅⱏⰲⱑⱋⰰⱎⱔ ⰵⱅⰵⱃⰻ ⱁⱅⱏ ⰽⱏⱀⰻⰶⱏⱀⰻⰽⱏ. ⰺ ⱇⰰⱃⰻⱄⱑⰻ ⰳⰾ҃ⱙⱋⰵ. ⱆⱍⰻⱅⰵⰾⱓ ⱈⱁⱋⰵⰿⱏ ⱁⱅⱏ ⱅⰵⰱⰵ ⰸⱀⰰⰿⰵⱀⰻⰵ ⰲⰻⰴⱑⱅⰻ ::
12:39
Ⱉⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰻⰿⱏ. ⱃⱁⰴⱏ ⰾⱘⰽⰰⰲⱏ ⰻ ⰾⱓⰱⱁⰴⱑⰻ ⰸⱀⰰⰿⰵⱀⰻⱑ ⰻⱋⰵⱅⱏ. ⰺ ⰸⱀⰰⰿⰵⱀⰻⰵ ⱀⰵ ⰴⰰⱄⱅⱏ ⱄⱔ ⰵⰿⱆ. ⱅⱏⰽⰿⱁ ⰸⱀⰰⰿⰵⱀⰻⰵ ⰻⱁⱀⱏⰹ !ⱂⱃⰽⰰ.
12:40
ⱑⰽⱁ ⰱⱁ ⰱⱑ ⰻⱁⱀⰰ ⰲⱏ ⱍⱃⱑⰲⱑ ⰽⰻⱅⱁⰲⱑ. ⱅⱃⰻ ⰴⱐⱀⰻ ⰻ ⱅⱃⰻ ⱀⱁⱎⱅⰻ. ⱅⰰⰽⱁ ⰱⱘⰴⰵⱅⱏ ⱄⱀ҃ⱏ ⱍⰾⰲ҃ⱄⰽⱏⰹ. ⰲⱏ ⱄⱃⰴ҃ⱌⰻ ⰸⰵⰿⰾⱔ ⱅⱃⰻ ⰴⱀⰻ ⰻ ⱅⱃⰻ ⱀⱁⱎⱅⰻ.
12:41
ⰿⱘⰶⰻ ⱀⰻⱀⰵⰲⱐⰼⰻⱅⱐⱄⱅⰻⰻ ⰲⱏⱄⱅⰰⱀⱘⱅⱏ ⱀⰰ ⱄⱘⰴⱏ. ⱄⱏ ⱃⱁⰴⱁⰿⱐ ⱄⰻⰿⱐ ⰻ ⱁⱄⱘⰴⱔⱅⱏⰹⰻ. ⱑⰽⱁ ⱂⱁⰽⰰⰰⱎⱔ ⱄⱔ. ⱂⱃⱁⱂⱁⰲⱑⰴⰻⱙ ⰻⱁⱀⰻⱀⱁⱙ. ⰺ ⱄⰵ ⰱⱁⰾⰵⰻ ⰻⱁⱀⱏⰹ ⱄⱐⰴⰵ.
12:43
ⰵⰳⰴⰰ ⰶⰵ ⱀⰵⱍⰻⱄⱅⱏⰹ ⰴⱈ҃ⱏ ⰺ҅ⰸⰻⰴⰵⱅⱏ ⱁⱅⱏ ⱍⰾⰲ҃ⰽⰰ. ⱂⱃⱑⱈⱁⰴⰻⱅⱏ ⱄⰽⱁⰸⱑ ⰱⰵⰸⰴⱏⱀⰰⰰ ⰿⱑⱄⱅⰰ. ⰺⱎⱅⱔ ⱂⱁⰽⱁⱑ ⰻ ⱀⰵ ⱁⰱⱃⱑⱅⰰⰰⱅⱏ.
12:44
ⱅⱏⰳⰴⰰ ⱃⰵⱍⰵⱅⱏ. ⰲⱏⰸⰲⱃⰰⱎⱅⱘ ⱄⱔ ⰲⱏ ⱈⱃⰰⰿⱏ ⰿⱁⰻ. ⱁⱅⱏ ⱀⱙⰴⱆⰶⰵ ⰻⰸⰻⰴⱏ. ⰺ ⱂⱃⰻⱎⰵⰴⱏ ⱁⰱⱃⱔⱎⱅⰵⱅⱏ ⱂⱃⰰⰸⰴⰵⱀⱏ. ⱂⱁ ⰿⰵⱅⰵⱀⱏ. ⱆⰽⱃⰰⱎⰵⱀⱏ.
12:45
ⱅⱏⰳⰴⰰ ⰻⰴⰵⱅⱏ ⰻ ⱂⱁⰻⰿⰵⱅⱏ ⱄⱏ ⱄⱁⰱⱁⱙ ⱄⰵⰴⰿⱐ ⰻⱀⱑⱈⱏ ⰴⱈ҃ⱏ. ⰾⱓⱎⱅⱐⱎⱐ ⱄⰵⰱⰵ. ⰺ ⰲⱏⱎⰵⰴⱏⱎⰵ ⰶⰻⰲⱘⱅⱏ ⱅⱆ. ⰺ ⰱⱘⰴⱘⱅⱏ ⱂⱁⱄⰾⱑⰴⱐⱀⱑ ⱍⰾⰲ҃ⰽⰰ ⱅⱁⰳⱁ ⰳⱁⱃⱐⱎⰰ ⱂⱃⱏⰲⱏⰹⱈⱏ. ⱅⰰⰽⱁ ⰱⱘⰴⰵⱅⱏ ⰻ ⱃⱁⰴⱆ ⱄⰵⰿⱆ ⰾⱘⰽⰰⰲⱆⰵⰿⱆ ::
12:46
Ⰵⱋⰵ ⰵⰿⱆ ⰳⰾⰰⰳⱁⰾⱙⱋⱆ ⰽⱏ ⱀⰰⱃⱁⰴⱁⰿⱏ. ⱄⰵ ⰿⰰⱅⰻ ⰻ ⰱⱃⰰⱅⱃⱐⱑ ⰵⰳⱁ ⱄⱅⱁⱑⱈⱘ ⰲⱐⱀⱑ. ⰺⱄⰽⱘⱎⱅⱅⰵ ⰳⰾ҃ⱅⰻ ⰵⰿⱆ.
12:47
ⱃⰵⱍⰵ ⰶⰵ ⰽⱏ ⱀⰵⰿⱆ ⰵⰴⰻⱀⱏ. ⱄⰵ ⰿⰰⱅⰻ ⱅⰲⱁⱑ ⰻ ⰱⱃⰰⱅⱃⱐⱑ ⱅⰲⱁⱑ ⰲⱐⱀⱑ ⱄⱅⱁⱗⱅⱏ ⱈⱁⱅⱔⱋⰵ ⰳⰾ҃ⱅⰻ ⰽⱏ ⱅⰵⰱⱑ.
12:48
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰽⱏ ⰳⰾ҃ⱙⱎⱅⱓⰿⱆ. ⰽⱏⱅⱁ ⰵⱄⱅⱏ ⰿⰰⱅⰻ ⰿⱁⱑ ⰻ ⰽⱅⱁ ⱄⱘⱅⱏ ⰱⱃⰰⱅⱃⰻⱑ ⰿⱁⱑ.
12:49
ⰺ ⱂⱃⱁⱄⱅⰵⱃⱏ ⱃⱘⰽⱘ ⱀⰰ ⱆⱍⰵⱀⰻⰽⱏⰹ ⱄⰲⱁⱗ ⱃⰵⱍⰵ. ⱄⰵ ⰿⰰⱅⰻ ⰿⱁⱑ ⰻ ⰱⱃⰰⱅⱃⱐⱑ ⰿⱁⱑ.
12:50
ⰺⰶⰵ ⰱⱁ ⰰⱋⰵ ⱅⰲⱁⱃⰻⱅⱏ ⰲⱁⰾⱙ ⱁⱅ҃ⱌⰰ ⰿⱁⰵⰳⱁ ⰻⰶⰵ ⰵⱄⱅⱏ ⱀⰰ ⱀⰱ҃ⱄⱈⱏ. ⱅⱏ ⰱⱃⰰⱅⱃⱏ ⰿⱁⰻ ⰻ ⱄⰵⱄⱅ[ⱃ]ⰰ ⰻ ⰿⰰⱅⰻ ⰵⱄⱅⱏ.