ЕВАНГЕЛИЕ ЕЖЕ Ѿ МАТѲЕꙖ
10:1
ⰺ҅ ⱂⱃⰻⰸⱏⰲⰰ ⱁⰱⰰ ⱀⰰ ⰴⰵⱄⱔⱅⰵ ⱆⱍⰵⱀⰻⰽⰰ ⱄⰲⱁⱑ ⰴⰰⱄⱅⱏ ⰻⰿⱏ ⰲⰾⰰⱄⱅⱐ. ⱀⰰ !ⰴⱄⱈⱐ ⱀⰵⱍⰻⱄⱅⱏⰹⱈⱏ ⰴⰰ ⰻⰸⰳⱁⱀⱔⱅⱏ ⱗ҅. ⰺ҅ ⱌⱑⰾⰻⱅⰻ ⰲⱐⱄⱑⰽⱏ ⱀⰵⰴⱘⰳⱏ ⰻ ⰲⱐⱄⱑⰽⱘ ⰱⱁⰾⱑⰸⱀⱐ.
10:2
Ⱉⰱⱑⰿⰰ ⰶⰵ ⱀⰰ ⰴⰵⱄⱔⱅⰵ !ⰰⱂⰾⰿⰰ. ⰺ҅ ⰿⰵⱀⰰ ⱄⱘⱅⱏ ⱄⰵ. Ⱂⱃⱏⰲⱏⰹ ⱄⰻⰿⱁⱀⱏ . ⰺ҅ⰶⰵ ⱀⰰⱃⰵⱍⰵⱅⱏ ⱄⱔ ⱂⰵⱅⱃⱏ. ⰺ ⰰⱀⱐⰴⱃⱑⰰ ⰱⱃⰰⱅⱃⱏ ⰵⰳⱁ.
10:3
ⱇⰻⰾⰻⱂⱏ ⰻ ⰲⰰⱃⱅⱁⰾⱁⰿⱑⰻ. ⱅⱁⰿⰰ ⰻ ⰿⰰⱅⱐⱅⰵⰻ ⰿⱏⰹⱅⰰⱃⱐ. ⰻⱑⰽⱁⰲⱏ ⰰⰾⱐⱇⰵⱁⰲⱏ. ⰺ ⰽⰵⰾⰵⰲⰵⰻ ⱀⰰⱃⰵⱍⰵⱀⱏⰹ ⱅⰰⰴⰵⰻ.
10:4
ⱄⰻⰿⱁⱀⱏ ⰽⰰⱀⰰⱀⱑⰻ. ⰺⱓⰴⰰ ⰻⱄⰽⰰⱃⰻⱁⱅⱏⱄⰽⱏⰹ. ⰺⰶⰵ ⰻ ⱂⱃⱑⰴⰰⱄⱅⱏ.
10:5
Ⱄⰻⱗ ⱁⰱⰰ ⱀⰰ ⰴⰵⱄⱔⱅⰵ ⱂⱁⱄⱏⰾⰰ ⰻⱄ҃ⱏ. ⰸⰰⱂⱁⰲⱑⰴⰰⰲⱏ ⰻⰿⱏ ⰳⰾ҃ⱔ. ⱀⰰ ⱂⱘⱅⱐ !ⱗⰸⰽⱏ ⱀⰵ ⰻⰴⱑⱅⰵ. ⰺ ⰲⱏ ⰳⱃⰰⰴⱏ ⱄⰰⰿⰰⱃⱑⱀⱏ ⱀⰵ ⰲⱐⱀⰻⰴⱑⱅⰵ.
10:6
ⰺⰴⱑⱅⰵ ⰶⰵ ⱂⰰⱍⰵ ⰽⱏ ⱁⰲⱏⱌⰰⰿⱏ ⱂⱁⰳⱏⰹⰱⱏⱎⰻⰿⱏ ⰴⱁⰿⱆ !ⰻⰾⰲⰰ.
10:7
ⱈⱁⰴⱔⱋⰵ ⰶⰵ ⱂⱃⱁⱂⱁⰲⱑⰴⰰⰻⱅⰵ ⰳⰾ҃ⱋⰵ. ⱑⰽⱁ ⱂⱃⰻⰱⰾⰻⰶⰻ ⱄⱔ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ.
10:8
ⰱⱁⰾⱔⱋⱔⱗ ⱌⱑⰾⰻⱅⰵ. ⰿⱃⱏⱅⰲⱏⰹⱗ ⰲⱐⱄⰽⱃⱑⱎⰰⰻⱅⰵ. ⱂⱃⱁⰽⰰⰶⰵⱀⱏⰹⱗ ⱁⱍⰻⱎⱅⰰⰻⱅⰵ. ⰱⱑⱄⱏⰹ ⰻⰸⰳⱁⱀⰻⱅⰵ. ⱅⱆⱀⰵ ⱂⱃⰻⱗⱄⱅⰵ ⱅⱆⱀⰵ ⰴⰰⰴⰻⱅⰵ. ⰽ!ⱌ.
10:9
ⱀⰵ ⱄⱏⱅⱔⰶⰻⱅⰵ ⰸⰾⰰⱅⰰ ⱀⰻ ⱄⱏⱃⰵⰱⱃⰰ. ⱀⰻ ⰿⱑⰴⰻ ⱂⱃⰻ ⱂⱁⱑⱄⱑⱈⱏ ⰲⰰⱎⰻⱈⱏ.
10:10
ⱀⰻ ⰿⱁⱎⱏ[ⱀⱏⰹ] ⱀⰰ ⱂⱘⱅⰻ. ⱀⰻ ⰴⱏⰲⱁⱓ ⱃⰻⰸⱆ. ⱀⰻ ⱄⰰⱂⱁⰳⱏ ⱀⰻ ⰶⱏⰸⰾⰰ. ⰴⱁⱄⱅⱁⰻⱀⱏ ⰱⱁ ⰵⱄⱅⱏ ⰴⱑⰾⰰⱅⰵⰾⱐ ⰿⱏⰸⰴⱏⰹ ⱄⰲⱁ ⱗ҅.
10:11
Ⰲⱏ ⱀⱐⰶⰵ ⰽⱁⰾⰻⰶⱏⰴⱁ ⰳⱃⰰⰴⱏ ⰾⰻ ⰲⱐ ⰲⰵⱄⱐ ⰲⱐⱀⰻⰴⰵⱅⰵ. ⰺⱄⱂⱏⰹⱅⰰⰻⱅⰵ ⰽⱅⱁ ⰲⱐ ⱀⰵⰿⱐ ⰴⱁⱄⱅⱁⰻⱀⱏ ⰵⱄⱅⱏ. ⰺ ⱅⱆ ⱂⱃⱑⰱⱘⰴⰵⱅⰵ ⰴⱁⱀⱐⰴⰵⰶⰵ ⰻⰸⰻⰴⰵⱅⰵ.
10:12
Ⰲⱏⱈⱁⰴⱔⱎⱅⰵ ⰶⰵ ⰲⱏ ⰴⱁⰿⱏ ⱌⱑⰾⱆⰻⱅⰵ ⰻ.
10:13
ⰺ ⰰⱎⱅⰵ ⱆⰱⱁ ⰱⱘⰴⰵⱅⱏ ⰴⱁⰿⱏ ⰴⱁⱄⱅⱁⰻⱀⱏ. ⱂⱃⰻⰴⰵⱅⱏ ⰿⰻⱃⱏ ⰲⰰⱎⱏ ⱀⰰ ⱀⱐ. ⰰⱋⰵ ⰾⰻ ⰶⰵ ⱀⰵ ⰱⱘⰴⰵⱅⱏ ⰴⱁⱄⱅⱁⰻⱀⱏ. ⰿⰻⱃⱏ ⰲⰰⱎⱏ ⰽⱏ ⰲⰰⰿⱏ ⰲⱏⰸⰲⱃⰰⱅⰻⱅⱏ ⱄⱔ.
10:14
Ⰺ ⰻⰶⰵ ⰽⱁⰾⰻⰶⱏⰴⱁ ⱀⰵ ⱂⱃⰻⰻⰿⰵⱅⱏ ⰲⰰⱄⱏ. ⱀⰻ ⱂⱁⱄⰾⱆⱎⰰⰰⱅⱏ ⱄⰾⱁⰲⰵⱄⱏ ⰲⰰⱎⰻⱈⱏ. ⰺⱄⱈⱁⰴⱔⱋⰵ ⰻⰸ ⰴⱁⰿⱆ. ⰾⰻ ⰻⰸ ⰳⱃⰰⰴⰰ ⱅⱁⰳⱁ. ⱁⱅⱏⱅⱃⱔⱄⱑⱅⰵ ⱂⱃⰰⱈⱏ ⱁⱅⱏ ⱀⱁⰳⱏ ⰲⰰⱎⰻⱈⱏ.
10:15
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⰸⰵⰿⰻ ⱄⱁⰴⱁⰿⱐⱄⱌⱑⰻ ⰳⱁⰿⱁⱃⱐⱄⱌⱑⰻ. ⰲⱐ ⰴⰵⱀⱐ ⱄⱘⰴⱏⱀⱏⰹ. ⱀⰵⰶⰵ ⰳⱃⰰⰴⱆ ⱅⱁⰿⱆ ::
10:16
Ⱄⰵ ⰰⰸⱏ ⱄⱏⰾⱙ ⰲⱏⰹ ⱑⰽⱁ ⱁⰲⱐⱌⱔ ⱂⱁ ⱄⱃⱑⰴⱑ ⰲⰾⱏⰽⱏ. ⰱⱘⰴⱑⱅⰵ ⰶⰵ ⰿⱘⰴⱃⰻ ⱑⰽⱁ ⰸⰿⰻⱗ. ⰺ ⱌⱑⰾⰻ ⱑⰽⱁ ⰳⱁⰾⱘⰱⱐⰵ ::
10:17
Ⰲⱐⱀⰵⰿⰾⱑⱅⰵ ⰶⰵ ⱁⱅⱏ ⱍⰾⰲ҃ⰽⱏ. ⱂⱃⱑⰴⰰⰴⱔⱅⱏ ⰱⱁ ⰲⱏⰹ ⱀⰰ ⱄⱁⱀⱏⰿⱏⰹ. ⰺ ⱀⰰ ⱄⱏⱀⱐⰿⰻⱋⰻⱈⱏ ⰲⰰⱎⰻⱈⱏ ⱆⰱⰻⱙⱅⱏ ⰲⱏⰹ.
10:18
ⰺ ⱂⱃⱑⰴⱏ !ⰲⰾⰴⰽⱏⰹ ⰶⰵ ⰻ ⱌⱑⱄⰰⱃⱔ ⰲⰵⰴⰵⱀⰻ ⰱⱘⰴⰵⱅⰵ ⰿⰵⱀⰵ ⱃⰰⰴⰻ. ⰲⱐ ⱄⱏⰲⱑⰴⱑⱀⰻⰵ ⰻⰿⱏ ⰻ !ⱗⰸⰽⰿⱏ.
10:19
Ⰵⰳⰴⰰ ⰶⰵ ⱂⱃⱑⰴⰰⱙⱅⱏ ⰲⱏⰹ. ⱀⰵ ⱂⱌⱑⱅⰵ ⱄⱔ ⰽⰰⰽⱁ ⰾⰻ ⱍⱅⱁ ⰲⱏⰸⰳⰾⰰⰳⱁⰾⰵⱅⰵ ⰴⰰⱄⱅⱏ ⰱⱁ ⱄⱔ ⰲⰰⰿⱏ ⰲⱏ ⱅⱏ ⱍⰰⱄⱏ. ⱍⱅⱁ ⰳⰾ҃ⱅⰵ.
10:20
ⱀⰵ ⰲⱏⰹ ⰱⱁ ⰵⱄⱅⰵ ⰳⰾ҃ⱙⱋⰵⰻ. ⱀⱏ ⰴⱈ҃ⱏ ⱁⱅ҃ⱌⰰ ⰲⰰⱎⰵⰳⱁ ⰳⰾ҃ⱔⰻ ⰲⱏ ⰲⰰⱄⱏ.
10:21
ⱂⱃⱑⰴⰰⱄⱅⱏ ⰶⰵ ⰱⱃⰰⱅⱃⱏ ⰱⱃⰰⱅⱃⰰ ⱀⰰ ⱄⱏⰿⱃⱏⱅⱐ. ⰺ ⱁⱅⰵⱌⱏ ⱍⱔⰴⱁ. ⰺ ⰲⱏⱄⱅⰰⱀⱘⱅⱏ ⱍⱔⰴⰰ ⱀⰰ ⱃⱁⰴⰻⱅⰵⰾⱔ ⰻ ⱆⰱⱐⱙⱅⱏ ⱗ҅.
10:22
ⰺ ⰱⱘⰴⰵⱅⰵ ⱀⰵⱀⰰⰲⰻⰴⰻⰿⰻ ⰲⱐⱄⱑⰿⰻ. ⰻⰿⰵⱀⰵ ⰿⱁⰵⰳⱁ ⱃⰰⰴⰻ ⱂⱃⱑⱅⱃⱏⱂⱑⰲⱏⰹ ⰶⰵ ⰴⱁ ⰽⱁⱀⱐⱌⰰ ⱄⱐ !ⱄⱂⱀⱏ ⰱⱘⰴⰵⱅⱏ :: ⰽ!ⱌ ::
10:23
Ⰵⰳⰴⰰ ⰶⰵ ⰳⱁⱀⱔⱅⱏ ⰲⱏⰹ ⰲⱏ ⰳⱃⰰⰴⱑ ⱄⰵⰿⱐ. ⰱⱑⰳⰰⰻⱅⰵ ⰲⱏ ⰴⱃⱆⰳⱏⰹ. ⰰⰿⰻⱀⱐ ⰱⱁ ⰳⰾ҃ⱙ ⰲⰰⰿⱏ. ⱑⰽⱁ ⱀⰵ ⰻⰿⰰⱅⰵ ⰻⱄⰽⱁⱀⱐⱍⰰⱅⰻ ⰳⱃⰰⰴⱏ !ⰻⰸⰴⱃⰾⰲⱏ. ⰴⱁⱀⱐⰴⰵⰶⰵ ⱂⱃⰻⰴⰵⱅⱏ ⱄⱀ҃ⱏ ⱍⰾⰲ҃ⱍⱄⰽⱏⰹ ::
10:24
Ⱀⱑⱄⱅⱏ ⱆⱍⰵⱀⰻⰽⱏ ⱀⰰⰴⱏ ⱆⱍⰻⱅⰵⰾⰵⰿⱐ. ⱀⰻ ⱃⰰⰱⱏ ⱀⰰⰴⱏ !ⰳⰿⱐ ⱄⰲⱁⰻⰿⱐ.
10:25
ⰴⱁⰲⱐⰾⰵⱅⱏ ⱆⱍⰵⱀⰻⰽⱆ ⰴⰰ ⰱⱘⰴⰵⱅⱏ ⱑⰽⱁⰶⰵ ⱆⱍⰻⱅⰵⰾⱐ ⰵⰳⱁ. ⰻ ⱃⰰⰱⱆ ⱑⰽⱁ !ⰳⱐ ⰵⰳⱁ. Ⰺ ⰰⱎⱅⰵ ⰳⱁⱄⱂⱁⰴⰻⱀⰰ ⰴⱁⰿⱆ ⰲⰵⰾⱐⰸⱑⰲⱁⰾⰰ ⱀⰰⱃⱑⱎⱔ. ⰽⱁⰾⱐⰿⰻ ⱂⰰⱍⰵ ⰴⱁⰿⰰⱎⱅⱐⱀⱔⱗ ⰵⰳⱁ.
10:26
ⱀⰵ ⱆⰱⱁⰻⱅⰵ ⱄⱔ ⱆⰱⱁ ⰻⱈⱏ :: ⰸ!ⱍ. Ⱀⰻⱍⱅⱁⰶⰵ ⰱⱁ ⰵⱄⱅⱏ ⱂⱁⰽⱃⱏⰲⰵⱀⱁ ⰵⰶⰵ ⱀⰵ ⱁⱅⱏⰽⱃⱏⰲⰵⱀⱁ ⰱⱘⰴⰵⱅⱏ. ⰺ ⱅⰰⰻⱀⱁ ⰵⰶⰵ ⱀⰵ ⱆⰱⱑⰴⱑⱀⱁ ⰱⱘⰴⰵⱅⱏ.
10:27
ⰵⰶⰵ ⰳⰾ҃ⱙ ⰲⰰⰿⱏ ⰲⱏ ⱅⱏⰿⱑ. ⱃⱐⱌⱑⱅⰵ ⰲⱐ ⱄⰲⱑⱅⱑ. ⰺ ⰵⰶⰵ ⰲⱏ ⱆⱈⱁ ⱄⰾⱏⰹⱎⰻⱅⰵ. ⱂⱃⱁⱂⱁⰲⱑⰴⰻⱅⰵ ⱀⰰ ⰽⱃⱁⰲⱑⱈⱏ.
10:28
ⰺ ⱀⰵ ⱆⰱⱁⰻⱅⰵ ⱄⱔ ⱆⰱⰻⰲⰰⱙⱋⰻⱈⱏ ⱅⱑⰾⱁ. ⰺ ⰴⱎ҃ⱔ ⱀⰵ ⰿⱁⰳⱘⱎⱅⱏ ⱆⰱⰻⱅⰻ. ⰱⱁⰻⱅⰵ ⰶⰵ ⱄⱔ ⱂⰰⱍⰵ. ⰿⱁⰳⱘⱋⰰⰰⰳⱁ ⰻ ⰴⱎ҃ⱘ ⰻ ⱅⱑⰾⱁ ⱂⱁⰳⱆⰱⰻⱅⰻ ⰲⱏ ⰼ ⰵ҅ⱀⱀⱑ
10:29
ⱀⰵ ⰴⱐⰲⱑ ⰾⰻ ⱂⱐⱅⰻⱌⰻ ⱀⰰ ⱄⱄⰰⱃⰻⰻ ⰲⱑⱀⰻⰿⱑ ⰵⱄⱅⰵ. ⰺ ⱀⰻ ⰵⰴⰻⱀⰰ ⰶⰵ ⱁⱅⱏ ⱀⰵⱓ ⱀⰵ ⱂⰰⰴⰵⱅⱏ ⱀⰰ ⰸⰵⰿⰻ ⰱⰵⰸ ⱁⱅⱏⱌⰰ ⰲⰰⱎⰵⰳⱁ.
10:30
ⰲⰰⰿⱏ ⰶⰵ ⰻ ⰲⰾⰰⱄⰻ ⰳⰾⰰⰲⱏⰹ ⰲⱐⱄⰻ ⰻⱋⱏⱅⰵⱀⰻ ⱄⱘⱅⱏ. ⱀⰵ ⱆⰱⱁⰻⱅⰵ ⱄⱔ ⱆⰱⱁ ⰿⱏⱀⱁⰸⱑⱈⱏ ⱂⱅⰻⱌⱏ ⰾⱆⱍⱏⱎⰻ ⰲⱏⰹ ⰵⱄⱅⰵ.
10:32
Ⰲⱐⱄⱑⰽⱏ ⱆⰱⱁ ⰻⰶⰵ ⰻⱄⱂⱁⰲⱑⱄⱅⱏ ⰿⱔ ⱂⱃⱑⰴⱏ ⱍⰾⰲ҃ⰽⱏⰹ. ⰺⱄⱂⱁⰲⱑⰿⱏ ⰹ ⰻ ⰰⰸⱏ ⱂⱃⱑⰴⱏ ⱁⱅ҃ⱌⰿⱐ ⰿⱁⰻⰿⱏ ⰻⰶⰵ ⰵⱄⱅⱏ ⱀⰰ ⱀⰱ҃ⱄⱈⱏ.
10:33
ⰻⰶⰵ ⱁⱅⱏⰲⱃⱏⰶⰵⱅⱏ ⱄⱔ ⰿⰵⱀⰵ ⱂⱃⱑⰴⱏ !ⱍⰽⱏⰹ. ⱁⱅⱏⰲⱃⱏⰳⱘ ⱄⱔ ⰵⰳⱁ ⰻ ⰰⰸⱏ ⱂⱃⱑⰴⱏ ⱁⱅⱏⱌⰵⰿⱐ {ⰿⱐ} ⰻⰶⰵ ⰵⱄⱅⱏ ⱀⰰ ⱀⰱ҃ⱄⱈⱏ.
10:34
ⱀⰵ ⰿⱏⱀⰻⱅⰵ ⱑⰽⱁ ⱂⱃⰻⰴⱏ ⰲⱏⰲⱃⱑⱎⱅⰻ ⰿⰻⱃⰰ ⱀⰰ ⰸⰵⰿⰾⱙ. ⱀⰵ ⱂⱃⰻⰴⱏ ⰲⱏⰲⱃⱑⱋⱏ ⰿⰻⱃⰰ ⱀⱏ ⰿⰵⱍⱏ.
10:35
ⱂⱃⰻⰴⱏ ⰱⱁ ⱃⰰⰸⰾⱘⱍⰻⱅⱏ ⱍⰾⰲ҃ⰽⰰ. ⱀⰰ ⱁⱅ҃ⱌⰰ ⱄⰲⱁⰵⰳⱁ ⰺ ⰴⱏⱎⱅⰵⱃⱐ ⱀⰰ ⰿⰰⱅⰵⱃⱐ ⱄⰲⱁⱙ. ⰻ ⱀⰵⰲⱑⱄⱅⱘ ⱀⰰ ⱄⰲⰵⰽⱃⱁⰲⱐ ⱄⰲⱁⱙ.
10:36
ⰺ ⰲⱃⰰⰸⰻ ⱍⰾ҃ⰽⱆ ⰴⱁⰿⰰⱋⱐⱀⰻⰻ ⰵⰳⱁ ::
10:37
Ⰺⰶⰵ ⰾⱓⰱⰻⱅⱏ ⱁⱅ҃ⱌⰰ ⰾⰻ ⰿⰰⱅⰵⱃⱐ ⱂⰰⱍⰵ ⰿⰵⱀⰵ ⱀⱑⱄⱅⱏ ⰿⰵⱀⰵ ⰴⱁⱄⱅⱁⰻⱀⱏ ⰻ ⰺⰶⰵ ⰾⱓⰱⰻⱅⱏ ⱄⱀ҃ⱏ ⰾⰻ ⰴⱏⱎⱅⰵⱃⱐ ⱂⰰⱍⰵ ⰿⰵⱀⰵ. ⱀⱑⱄⱅⱏ ⰿⰵⱀⰵ ⰴⱁⱄⱅⱁⰻⱀⱏ.
10:38
ⰺ҅ ⰻⰶⰵ ⱀⰵ ⱂⱃⰻⰻⰿⰵⱅⱏ !ⰽⱃⱄⱅⰰ ⱄⰲⱁⰵⰳⱁ ⰻ ⰲⱏ ⱄⰾⱑⰴⱏ ⰿⰵⱀⰵ ⰳⱃⱔⰴⰵⱅⱏ. ⱀⱑⱄⱅⱏ ⰿⰵⱀⰵ ⰴⱁⱄⱅⱁⰻⱀⱏ.
10:39
Ⱁⰱⱃⱑⱅⱏⰹ ⰴⱎ҃ⱘ ⱄⰲⱁⱙ ⱂⱁⰳⱆⰱⰻⱅⱏ ⱙ҅. ⰰ ⰻⰶⰵ ⱂⱁⰳⱆⰱⰻⱅⱏ ⰴⱎ҃ⱘ ⱄⰲ ⱙ҅ ⰿⰵⱀⰵ ⱃⰰⰴⰻ ⱁⰱⱃⱔⱋⰵⱅⱏ ⱙ҅.
10:40
ⰺⰶⰵ ⰲⱏⰹ ⱂⱃⰻⰵⰿⰾⰵⱅⱏ ⰿⱔ ⱂⱃⰻⰵⰿⰾⰵⱅⱏ. ⰺ ⰻⰶⰵ ⱂⱃⰻⰵ ⰾ҅ⰵⱅⱏ ⰿⱔ ⱂⱃⰻⰵⰿⰾⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
10:41
Ⱂⱃⰻⰵⰿⰾⱔⰻ !ⱂⱃⰽⰰ ⰲⱏ ⰹⰿⱔ ⱂⱃⱁⱃⱁⱍⰵ ⰿⱐⰸⰴⱘ ⱂⱃⱁⱃⱁⱍⱘ ⱂⱃⰻⰵⰿⰾⰵⱅⱏ. ⰺ ⱂⱃⰻⰵⰿⰾⱔⰻ ⱂⱃⰰⰲⰵⰴⱐⱀⰻⰽⰰ. ⰲⱏ ⰹⰿⱔ ⱂⱃⰰⰲⰵⰴⱐⱀⰻⱍⰵ ⰿⱏⰸⰴⱘ ⱂⱃⰰⰲⰵⰴⱐⱀⰻⱍⱘ ⱂⱃⰻⰻⰿⰵⱅⱏ.
10:42
Ⰻ ⰻⰶⰵ ⰽⱁⰾⰻⰶⱐⰴⱁ ⱀⰰⱂⱁⰻⱅⱏ ⰵⰴⰻⱀⱁⰳⱁ ⱁⱅⱏ ⰿⰰⰾⱏⰹⱈⱏ ⱄⰻⱈⱏ. ⱍⰰⱎⱘ ⱄⱅⱆⰴⰵⱀⱏⰹ ⰲⱁⰴⱏⰹ. ⱅⱏⰽⰿⱁ ⰲⱏ ⰹⰿⱔ ⱆⱍⰵⱀⰻⰽⰰ. ⰰⰿⰻⱀⱐ ⰳⰾ҃ⰲⰿⱏ ⱀⰵ ⱂⱁⰳⱆⰱⰻⱅⱏ ⰿⱐⰸⰴⱏⰹ ⱄⰲⱁⰵⱗ.