ЕВАНГЕЛИЕ ЕЖЕ Ѿ МАРЪКА
3:1
ⰺ ⰲⱐⱀⰹⰴⰵ ⱂⰰⰽⱏⰹ ⰲⱐ ⱄⱏⱀⱐⰿⰻⱎⱅⰵ. ⰺ ⰱⱑ ⱅⱆ ⱍⰾⰲ҃ⰽⱏ ⱄⱆⱈⱘ ⱃⱘⰽⱘ ⰻⰿⱏⰹ.
3:2
ⰺ ⱀⰰⰸⰻⱃⰰⰰⱈⱘ ⰻ. ⰰⱋⰵ ⰲⱏ ⱄⱁⰱⱁⱅⱘ ⰻⱄⱌⱑⰾⰻⱅⱏ ⰹ. ⰴⰰ ⱀⰰ ⱀⱐ ⰲⱏⰸⰳⰾⰰⰳⱁⰾⱙⱅⱏ.
3:3
ⰺ ⰳⰾ҃ⰰ ! ⱍⰾⰽⱆ ⰻⰿⱘⱎⱅⱆⰿⱆ ⱄⱆⱈⱘ ⱃⱘⰽⱘ ⱄⱅⰰⱀⰻ ⱂⱁ ⱄⱃⱑⰴⱑ
3:4
ⰻ ⰳⰾ҃ⰰ ⰻⰿⱏ. ⰴⱁⱄⱅⱁⰻⱅⱏ ⰾⰻ ⰲⱏ ⱄⱁⰱⱁⱅⱘ ⰴⱁⰱⱃⱁ ⱅⰲⱁⱃⰻⱅⰻ ⰾⰻ ⰸⱏⰾⱁ ⱅⰲⱁⱃⰻⱅⰻ. ⰴⱎ҃ⱘ ⱄⱏⱂⰰⱄⱅⰻ ⰾⰻ ⱂⱁⰳⱆⰱⰻⱅⰻ. ⱁⱀⰻ ⰶⰵ ⰿⰾⱏⱍⰰⰰⱈⱘ. ⰺ
3:5
ⰲⱏⰸⱏⱃⱑⰲⱏ ⱀⰰ ⱀⱔ ⱄⱏ ⰳⱀⱑⰲⱁⰿⱏ. ⱄⰽⱃⱏⰱⱔ ⱁ ⱁⰽⰰⰿⰵⱀⰵⱀⰻ ⱄⱃⰴ҃ⱌⰰ ⰻⱈⱏ. ⰳⰾ҃ⰰ !ⱍⰽⱆ. ⱂⱃⱁⱄⱅⱐⱃⰻ ⱃⱘⰽⱘ ⱅⰲⱁⱙ ⰻ ⱂⱃⱁⱄⱅⱐⱃⱑ. ⰺ ⱆⱅⰲⱃⱏⰴⰻ ⱄⱔ ⱃⱘⰽⰰ ⰵⰳⱁ ⱌⱑⰾⰰ ⱑⰽⱁ ⰻ ⰴⱃⱆⰳⰰⱑ :: ⰽ!ⱌ ::
3:6
Ⰺ ⰰⰱⰻⰵ ⰻⱎⰵⰴⱏⱎⰵ ⱇⰰⱃⰻⱄⱑⰻ ⱄⱏ ⰹⱃⱁⰴⰻⱑⱀⱏⰹ. ⱄⱏⰲⱑⱅⱏ ⱅⰲⱁⱃⱑⱈⱘ ⱀⰰ ⱀⱐ ⰽⰰⰽⱁ ⰻ ⰱⱘ ⱂⱁⰳⱆⰱⰻⰾⰻ.
3:7
ⰺ҅ⱄⱏ ⰶⰵ ⱁⱅⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ ⰽⱏ ⰿⱁⱃⱓ. ⰺ ⰿⱏⱀⱁⰳⱏ ⱀⰰⱃⱁⰴⱏ ⱁⱅⱏ ⰳⰰⰾⰻⰾⰵⱗ ⱂⱁ ⱀⰵⰿⱐ ⰻⰴⰵ. ⰺ ⱁⱅⱏ ⰻⱓⰴⰵⱗ.
3:8
ⰺ ⱁⱅⱏ !ⰻⰾⰿⰰ. ⰺ ⱁⱅⱏ ⰻⰴⱆⰿⱑⱗ. ⰺ ⱄⱏ ⱁⱀⱁⰳⱁ ⱂⱁⰾⱆ ⰻⱁⱃⱏⰴⰰⱀⰰ. ⰺ ⱄⱘⱎⱅⰵⰻ ⱁ ⱅⱛⱃⱑ ⰻ ⱄⰻⰴⱁⱀⱑ. ⰿⱏⱁⰳⱁ ⰿⱏⱀⱁⰶⱏⱄⱅⰲⱁ. ⱄⰾⱏⰹⱎⰰⰲⱏⱎⰵ ⰵⰾⰻⰽⱁ ⱅⰲⱁⱃⱑⱎⰵ ⱂⱃⰻⰴⱘ ⰽⱏ ⱀⰵⰿⱆ.
3:9
ⰺ ⱃⰵⱍⰵ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ⰴⰰ ⰵⱄⱅⱏ ⱂⱃⰻ ⱀⰵⰿⱏ ⰾⰰⰴⰻⰻⱌⰰ ⱀⰰⱃⱁⰴⰰ ⱃⰰⰴⰻ. ⰴⰰ ⱀⰵ ⱄⱏⱅⱘⰶⰰⱙⱅⱏ ⰵⰿⱆ.
3:10
ⰿⱀⱁⰳⱏⰹ ⰱⱁ ⰻⱄⱌⱑⰾⰻ. ⱑⰽⱁ ⱀⰰⱂⰰⰴⰰⱈⱘ ⰵⰿⱐ ⱈⱁⱅⱔⱎⱅⰵ ⱂⱃⰻⰽⱁⱄⱀⱘⱅⰻ ⱄⱔ ⰵⰿⱐ. ⰵⰾⰻⰽⱁ ⰻⰿⱑⰰⱈⱘ ⱃⰰⱀⱏⰹ.
3:11
ⰺ ⰵⰳⰴⰰ ⰲⰻⰴⱑⰰⱈⱘ ⰻ !ⰴⱄⰻ ⱀⰵⱍⰻⱄⱅⰻⰻ ⱂⱃⰻⱂⰰⰴⰰⰰⱈⱘ ⰽⱏ ⱀⰵⰿⱆ. ⰺ ⰲⱏⱂⰻⱑⱈⱘ ⰳⰾ҃ⱎⱅⰵ ⱑⰽⱁ ⱅⱏⰹ ⰵⱄⰻ !ⱈⱏ ⱄⱀ҃ⱏ ⰱⰶ҃ⰻⰻ.
3:12
ⰺ ⰿⱏⱀⱁⰳⱁ ⱂⱃⱑⱎⱅⰰⰰⱎⰵ ⰻⰿⱏ. ⰴⰰ ⱀⰵ ⰰⰲⱑ ⱅⰲⱁⱃⱔⱅⱏ ⰵⰳⱁ.
3:13
Ⰺ ⰲⱐⰸⰻⰴⰵ ⱀⰰ ⰳⱁⱃⱘ ⰻ ⱂⱃⰻⰸⱏⰲⰰ ⱗⰶⰵ ⱄⰰⰿⱏ ⱈⱁⱅⱑ. ⰺ ⰻⰴⱘ ⰽⱏ ⱀⰵⰿⱆ.
3:14
ⰺ ⱄⱏⱅⰲⱁⱃⰻ ⰴⱏⰲⰰ ⱀⰰ ⰴⰵⱄⱔⱅⰵ ⰴⰰ ⰱⱘⰴⱘⱅⱏ ⱄⱏ ⱀⰻⰿⱐ. ⰺ ⰴⰰ ⱂⱁⱄⱏⰹⰾⰰⰰⱅⱏ ⱗ ⱂⱃⱁⱂⱁⰲⱑⰴⰰⱅⰻ.
3:15
ⰺ ⰻⰿⱑⱅⰻ ⱁⰱⰾⰰⱄⱅⱐ ⱌⱑⰾⰻⱅⰻ ⱀⰵⰴⱘⰳⱏⰹ ⰻ ⰻⰸⰳⱁⱀⰻⱅⰻ ⰱⱑⱄⱏⰹ.
3:16
ⰺ ⱀⰰⱃⰵⱍⰵ ⰻⰿⱔ ⱄⰻⰿⱁⱀⱆ ⱂⰵⱅⱃⱏ.
3:17
ⰻ ⰻⱑⰽⱁⰲⰰ ⰸⰵⰲⰵⰴⰵⱁⰲⰰ. ⰺ ⰻⱁⰰⱀⰰ ⰱⱃⰰⱅⱃⰰ ⰻⱑⰽⱁⰲⰾⱑ. ⰺ ⱀⰰⱃⰵⱍⰵ ⰻⰿⰰ ⰻⰿⰵⱀⱑ. ⰲⱁⰰⱀⰻⱃⱏⰼⰵⱄⱏ. ⰵⰶⰵ ⰵⱄⱅⱏ ⱄⱀ҃ⰰ ⰳⱃⱁⰿⱁⰲⰰ.
3:18
ⰺ ⰰⱀⱐⰴⱃⱑⱙ ⰻ ⱇⰻⰾⰻⱂⰰ. ⰺ ⰲⰰⱃⱅⱁⰾⱁⰿⱑⰰ. ⰺ ⰿⰰⱅⱏⱅⰵⰰ. ⰺ ⱅⱁⰿⱘ. ⰺ ⰻⱑⰽⱁⰲⰰ ⰰⰾⱇⰵⱁⰲⰰ. ⰺ ⱅⰰⰴⰵⰰ ⰻ ⱄⰻⰿⱁⱀⰰ. ⰽⰰⱀⰰⱀⱑⰰ.
3:19
ⰺ ⱓⰴⱘ ⰻⱄⰽⰰⱃⰻⱁⱅⱏⱄⰽⰰⰰⰳⱁ. ⰺⰶⰵ ⰻ ⱂⱃⱑⰴⰰⱄⱅⱏⰹ ⰻ. ⰺ ⱂⱃⰻⰴⱘ ⰲⱏ ⰴⱁⰿⱏ.
3:20
ⰺ ⱄⱏⰱⱏⱃⰰⱎⱔ ⱄⱔ ⱂⰰⰽⱏⰹ ⱀⰰⱃⱁⰴⰻ. ⱑⰽⱁ ⱀⰵ ⰿⱁⱋⰻ ⰻⰿⱏ ⱀⰻ ⱈⰾⱑⰱⰰ ⱄⱏⱀⱑⱄⱅⰻ.
3:21
ⰺ ⱄⰾⱏⰹⱎⰰⰲⱏⱎⰵ ⰻⰶⰵ ⰱⱑⰰⱈⱘ ⱆ ⱀⰵⰳⱁ. ⰺⰸⰻⰴⱘ ⱗⱅⰻ ⰻ. ⰳⰾ҃ⰰⱈⱘ ⰱⱁ ⱑⰽⱁ ⱀⰵⰻⱄⱅⱁⰲⱏ ⰵⱄⱅⱏ.
3:22
ⰺ ⰽⱏⱀⰻⰶⱏⱀⰻⱌⰻ ⱀⰻⰸⱏⱎⰵⰴⱏⱎⰵⰻ ⱁⱅⱏ !ⰻⰵⱃⰾⰿⰰ. ⰳⰾ҃ⱈⱘ ⱑⰽⱁ ⰲⰵⰾⱐⰷⱑⰲⱁⰾⱏ ⰻⰿⰰⱅⱏ. ⰺ ⱑⰽⱁ ⱁ ⰽⱐⱀⱔⰸⰻ ⰱⱑⱄⱏ ⰻⰸⰳⱁⱀⰻⱅⱏ ⰱⱑⱄⱏⰹ.
3:23
ⰺ ⱂⱃⰻⰸⱏⰲⰰⰲⱏ ⱗ ⰲⱏ ⱂⱃⰻⱅⱏⱍⰰⱈⱏ ⰳⰾ҃ⰰⱎⰵ ⰽⱏ ⱀⰻⰿⱏ. ⰽⰰⰽⱁ ⰿⱁⰶⰵⱅⱏ ⱄⱁⱅⱁⱀⰰ ⱄⱁⱅⱁⱀⱘ ⰻⰸⰳⱁⱀⰻⱅⰻ.
3:24
ⰺ ⰰⱎⱅⰵ ⱌⱄ҃ⱃⱄⱅⰲⱁ ⱀⰰ ⱄⱔ ⱃⰰⰸⰴⱑⰾⰻⱅⱏ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ ⱌⱑⱄⰰⱃⱐⱄⱅⰲⱁ ⱅⱁ.
3:25
ⰺ ⰰⱎⱅⰵ ⰴⱁⰿⱏ ⱀⰰ ⱄⱔ ⱃⰰⰸⰴⱑⰾⰻⱅⱏ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ ⰴⱁⰿⱁⱅⱏ.
3:26
ⰺ ⰰⱎⱅⰵ ⱄⱁⱅⱁⱀⰰ ⰲⱏⱄⱅⰰ ⱄⰰⰿⱏ ⱀⰰ ⱄⱔ ⰻ ⱃⰰⰸⰴⱑⰾⰻ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ. ⱀⱏ ⰽⱁⱀⱐⱍⰻⱀⱘ ⰻⰿⰰⱅⱏ.
3:27
ⱀⰻⰽⱅⱁⰶⰵ ⱀⰵ ⰿⱁⰶⰵⱅⱏ ⱄⱏⱄⱘⰴⱏ ⰽⱃⱑⱂⱏⰽⰰⰰⰳⱁ ⰲⱏⱎⰵⰴⱏ ⰲⱏ ⰴⱁⰿⱏ ⰵⰳⱁ ⱃⰰⱄⱈⱏⰹⱅⰻⱅⰻ. ⰰⱎⱅⰵ ⱀⰵ ⱂⱃⱑⰶⰴⰵ ⰽⱃⱑⱂⱏⰽⰰⰰⰳⱁ ⱄⱏⰲⱔⰶⰵⱅⱏ. ⰺ ⱅⱏⰳⰴⰰ ⰴⱁⰿⱏ ⰵⰳⱁ ⱃⰰⱄⱈⱏⰹⱅⰻⱅⱏ. ::
3:28
ⰰ҅ⰿⰻⱀⱐ ⰳⰾ҃ⱙ ⰲⰰⰿⱏ ⱑⰽⱁ ⰲⱐⱄⱑ ⱁⱅⱏⱂⱆⱄⱅⱔⱅⱏ ⱄⱔ ⱄⱀ҃ⰿⱏ ⱍⰾⰲ҃ⱑⱍⱏⱄⰽⱁⰿⱏ. ⱄⱏⰳⱃⱑⱎⰵⱀⰻⱑ ⰻ ⰲⰾⰰⱄⱇⰻⰿ ⱗ҅. ⰵⰾⰻⰽⱁ ⰰⱋⰵ ⰲⰾⰰⱄⱇⰻⰿⰻⱄⰰⱙⱅⱏ.
3:29
ⰰ ⰻⰶⰵ ⰲⰾⰰⱄⰲⰻⰿⰹⱄⰰⰰⱅⱏ ⱀⰰ ⱄⱅ҃ⱏⰹ ⰴⱈ҃ⱏ. ⱀⰵ ⰻⰿⰰⱅⱏ ⱁⱅⱏⱂⱆⱎⱅⰵⱀⰻⱑ ⰲⱏ ⰲⱑⰽⱏ. ⱀⱏ ⱂⱁⰲⰻⱀⰵⱀⱏ ⰵⱄⱅⱏ ⰲⱑⱍⱏⱀⱆⰿⱆ ⱄⱘⰴⱆ.
3:30
ⰸⰰⱀⰵ ⰳⰾ҃ⰰⰰⱈⱘ ⱑⰽⱁ ⰴⱈ҃ⱏ ⱀⰵⱍⰻⱄⱅⱏ ⰻⰿⰰⱅⱏ.
3:31
Ⱂⱃⰻⰴⰵ ⰶⰵ ⰿⰰⱅⰻ ⰵⰳⱁ ⰻ ⰱⱃⰰⱅⱃⰻⱑ. ⰺ ⰲⱐⱀⱑ ⱄⱅⱁⱗⱎⱅⰵ ⱂⱁⱄⱏⰾⰰⱎⱔ ⰽⱏ ⱀⰵⰿⱆ ⰳⰾⰰⱎⰰⱙⱎⱅⰵ ⰻ.
3:32
ⰺ ⱄⱑⰴⱑⰰⱎⰵ ⱁ ⱀⰵⰿⱐ ⱀⰰⱃⱁⰴⱏ. ⱃⱑⱎⱔ ⰶⰵ ⰵⰿⱆ ⱄⰵ ⰿⰰⱅⰻ ⱅⰲⱁⱑ ⰻ ⰱⱃⰰⱅⱃⰻⱑ ⱅⰲⱁⱑ ⰻ ⱄⰵⱄⱅⱃⱏⰹ ⱅⰲⱁⱗ ⰲⱐⱀⱑ ⰻⱎⱅⱘⱅⱏ ⱅⰵⰱⰵ.
3:33
ⰺ ⱁⱅⱏⰲⱑⱎⱅⰰ ⰻⰿⱏ ⰳⰾ҃ⱔ ⰽⱅⱁ ⰵⱄⱅⱏ ⰿⰰⱅⰻ ⰿⱁⱑ ⰾⰻ ⰱⱃⰰⱅⱃⱐⱑ ⰿⱁⱑ.
3:34
ⰺ ⱄⱏⰳⰾⱔⰴⰰⰲⱏ ⱄⱅⱁⱗⱎⱅⱔⱗ ⱁⰽⱃⱏⱄⱅⱐ ⰵⰳⱁ ⰳⰾ҃ⰰ. ⱄⰵ ⰿⰰⱅⰻ ⰿⱁⱑ ⰻ ⰱⱃⰰⱅⱃⰻⱑ ⰿⱁⱑ.
3:35
ⰺⰶⰵ ⰱⱁ ⰰⱎⱅⰵ ⱄⱏⱅⰲⱁⱃⰻⱅⱏ ⰲⱁⰾⱙ ⰱⰶ҃ⰻⱙ. ⱄⱏ ⰱⱃⰰⱅⱃⱏ ⰿⱁⰻ ⰻ ⱄⰵⱄⱅⱃⰰ ⰿⱁⱑ. ⰺ ⰿⰰⱅⰻ ⰵⱄⱅⱏ.