ЕВАНГЕЛИЕ ЕЖЕ Ѿ МАРЪКА
16:1
Ⰺ ⰿⰻⱀⱘⰲⱏⱎⰻ ⱄⱁⰱⱁⱅⱑ. ⰿⰰⱃⰻⱑ ⰿⰰⰳⰴⰰⰾⰻⱀⰻ. ⰺ҅ ⰿⰰⱃⰻⱑ ⰻⱑⰽⱁⰲⰾⱑ ⰻ ⱄⰰⰾⱁⰿⰻ. ⰽⱆⱂⰻⱎⱔ ⰰⱃⱁⰿⰰⱅⱏⰻ. ⰴⰰ ⱂⱃⰻⱎⰵⰴⱏⱎⱔ ⱂⱁⰿⰰⰶⱘⱅⱏ ⰹ.
16:2
ⰺ ⰷⱑⰾⱁ ⰸⰰ ⱆⱅⱃⰰ ⰲⱐ ⰵⰴⰻⱀⱘ ⱄⱁⰱⱁⱅⱏ. ⱂⱃⰻⰴⱘ ⱀⰰ ⰳⱃⱁⰱⱏ ⰲⱏⱄⰻⱑⰲⱏⱎⱓ ⱄⰾⱏⱀⱐⱌⱓ.
16:3
ⰺ ⰳⰾ҃ⰰⰰⱈⱘ ⰽⱏ ⱄⰵⰱⱑ. ⰽⱅⱁ ⱁⱅⱏⰲⰰⰾⰻⱅⱏ ⱀⰰⰿⱏ ⰽⰰⰿⰵⱀⱐ ⱁⱅⱏ ⰴⰲⱐⱃⰵⰻ ⰳⱃⱁⰱⰰ.
16:4
ⰺ ⰲⱏⰸⱐⱃⱑⰲⱏⱎⱔ ⰲⰻⰴⱑⱎⱔ ⱑⰽⱁ ⱁⱅⱏⰲⰰⰾⰵⱀⱏ ⰱⱑ ⰽⰰⰿⰵⱀⱐ. ⰱⱑ ⰱⱁ ⰲⰵⰾⰵⰻ ⰷⱑⰾⱁ.
16:5
ⰺ ⰲⱏⰾⱑⰸⱏⱎⱔ ⰲⱏ ⰳⱃⱁⰱⱏ ⰲⰻⰴⱑⱎⱔ ⱓⱀⱁⱎⱘ ⱄⱑⰴⱔⱎⱅⱐ ⱁ ⰴⰵⱄⱀⱘⱙ. ⱁⰴⱑⱀⱏ ⰲⱏ ⱁⰴⰵⰶⰴⱘ ⰱⱑⰾⱘ ⰻ ⱆⰶⰰⱄⱘ ⱄⱔ. ::
16:6
Ⱉⱀⱏ ⰶⰵ ⱃⰵⱍⰵ ⰻⰿⱏ. ⱀⰵ ⱆⰶⰰⱄⰰⰻⱅⰵ ⱄⱔ. ⰺⱄ҃ⰰ ⰻⱋⰵⱅⰵ ⱀⰰⰸⰰⱃⱑⱀⰻⱀⰰ ⱂⱃⱁⱂⱔⱅⰰⰰⰳⱁ. ⰲⱏⱄⱅⰰ ⱀⱑⱄⱅⱏ ⱄⱏⰴⰵ. ⱄⰵ ⰿⱑⱄⱅⱁ ⰻⰴⰵ ⰱⱑ ⱂⱁⰾⱁⰶⰵⱀⱏ.
16:7
ⱀⱏ ⰻ҅ⰴⱑⱅⰵ ⱃⱏⱌⱑⱅⰵ ⱆⱍⰵⱀⰻⰽⱁⰿⱏ ⰵⰳⱁ ⰻ ⱂⰵⱅⱃⱁⰲⰻ. ⱑⰽⱁ ⰲⰰⱃⱑⰰⱅⱏ ⰲⱏⰹ ⰲⱏ ⰳⰰⰾⰻⰾⰵⰻ. ⱅⱆ ⰻ ⰲⰻⰴⰻⱅⰵ ⱑⰽⱁⰶⰵ ⱃⰵⱍⰵ ⰲⰰⰿⱏ.
16:8
ⰺ ⰻⱎⰵⰴⱏⱎⱔ ⰱⱑⰶⰰⱎⱔ ⱁⱅⱏ ⰳⱃⱁⰱⰰ. ⰺ ⰻⰿⱑⰰⱎⰵ ⰶⰵ ⱗ ⱅⱃⰵⱂⰵⱅⱏ ⰻ ⱆⰶⰰⱄⱏ ⰻ ⱀⰻⰽⱁⰿⱆⰶⰵ ⱀⰻⱍⰵⱄⱁⰶⰵ ⱀⰵ ⱃⱑⱎⱔ ⰱⱁⱑⱈⱘ ⰱⱁ ⱄⱔ. :: ⰽ!ⱌ. ::
16:9
Ⰲⱐⱄⰽⱃⱐⱄⱏ ⰶⰵ ⰻⱄ҃ⱏ ⰸⰰ ⱆⱅⱃⰰ ⰲⱏ ⱂⱃⱏⰲⱏⰹ ⱄⱁⰱⱁⱅⱑ. ⱑⰲⰻ ⱄⱔ ⱂⱃⱑⰶⰴⰵ ⰿⰰⱃⰻⰻ ⰿⰰⰳⰴⰰⰾⰻⱀⰻ. ⰺⰶ ⱀ ⱗ҅ⰶⰵ ⰻⰸⰳⱏⱀⰰ !ⰶ ⰱⱑⱄⱏ.
16:10
ⱁⱀⰰ ⱎⱐⰴⱏⱎⰻ ⰲⱐⰸⰲⱑⱄⱅⰻ ⰱⱏⰹⰲⱏⱎⰻⰿⱏ ⱄⱏ ⱀⰻⰿⱏ. ⱂⰾⰰⱍⱘⱎⱅⰵⰿⱏ ⱄⱔ ⰻ ⱃⱏⰹⰴⰰⱙⱎⱅⰵⰿⱏ.
16:11
ⱁⱀⰻ ⰶⰵ ⱄⰾⱏⰹⱎⰰⰲⱏⱎⰵ ⱑⰽⱁ ⰶⰻⰲⱏ ⰵⱄⱅⱏ. ⰻ ⰲⰻⰴⱑⱀⱏ ⰱⱏⰹⱄⱅⱏ ⰵⱙ. ⱀⰵ ⱗⱄⱔ ⰲⱑⱃⱏⰹ.
16:12
ⱂⱁ ⱄⰻⱈⱏ ⰶⰵ ⰴⱐⰲⱑⰿⰰ ⱁⱅⱏ ⱀⰻⱈⱏ ⰳⱃⱔⰴⱘⱎⱅⰵⰿⰰ. ⱑⰲⰻ ⱄⱔ ⰻⱀⱑⰿⱐ ⱁⰱⱃⰰⰸⱁⰿⱐ. ⰺⰴⱘⱋⰵⰿⰰ ⱀⰰ ⱄⰵⰾⱁ.
16:13
ⰺ ⱅⰰ ⱎⰵⰴⱏⱎⰰ ⰲⱐⰸⰲⱑⱄⱅⰻⱄⱅⰵ ⱂⱃⱁⱍⰻⰻⰿⱏ. ⱀⰻ ⱅⱑⰿⰰ ⰶⰵ ⰲⱑⱃⱏⰹ ⱗⱄⱔ.
16:14
ⱂⱁⱄⰾⱑⰴⱐ ⰶⰵ ⰲⱐⰸⰾⰵⰶⱔⱎⱅⰵⰿⱏ ⰻⰿⱏ. ⰵⰴⰻⱀⱆⰵⰿⱆ ⱀⰰ ⰴⰵⱄⱔⱅⰵ ⱑⰲⰻ ⱄⱔ. ⰺ ⱂⱁⱀⱁⱄⰻ ⱀⰵⰲⱑⱃⱐⱄⱅⰲⰻⱓ ⰻⱈⱏ ⰻ ⰶⰵⱄⱅⱁⱄⱃⱏⰴⱐⱓ. ⱑⰽⱁ ⰲⰻⰴⱑⰲⱏⱎⰻⰻⰿⱏ ⰵⰳⱁ ⰲⱏⱄⱅⰰⰲⱏⱎⰰ ⰻⰸ ⰿⱃⱏⱅⰲⱏⰹⱈⱏ ⱀⰵ ⱗⱄⱔ ⰲⱑⱃⱏⰹ.
16:15
ⰺ ⱃⰵⱍⰵ ⰻⰿⱏ ⱎⰵⰴⱏⱎⰵ ⰲⱏ ⰲⰵⱄⱐ ⰿⰻⱃⱏ. ⱂⱃⱁⱂⱁⰲⱑⰴⰻⱅⰵ ⰵⰲⰰⱀⰼ҃ⰾⰻⰵ ⰲⱐⱄⰵⰻ ⱅⰲⰰⱃⰻ.
16:16
ⰺ ⰻⰶⰵ ⰲⱑⱃⱘ ⰻⰿⰵⱅⱏ ⰻ ⰽⱃⱏⱄⱅⰻⱅⱏ ⱄⱔ ⱄⱏⱂⰰⱄⰵⱀⱏ ⰱⱘⰴⰵⱅⱏ. ⰰ ⰻⰶⰵ ⱀⰵ ⰻⰿⰵⱅⱏ ⰲⱑⱃⱏⰹ ⱁⱄⱘⰶⰴⰵⱀⱏ ⰱⱘⰴⰵⱅⱏ ::
16:17
Ⰸⱀⰰⰿⰵⱀⰻⱑ ⰶⰵ ⰲⱑⱃⱆⱙⱎⱅⰻⰻⰿⱏ ⱄⰻ ⱂⱁⱄⰾⱑⰴⱏⱄⱅⰲⱆⱙⱅⱏ. ⰺⰿⰵⱀⰵⰿⱏ ⰿⱁⰻⰿⱏ ⰱⱑⱄⱏⰹ ⰻⰶⰴⰵⱀⱘⱅⱏ. !ⱗⰸⰽⱏⰹ !ⰲⱏⰸⰳⰾⰰⰳⰾⱙⱅⱏ ⱀⱁⰲⱏⰹ
16:18
ⰺ ⰲⱏ ⱃⰽⰰⱈⱏ ⰸⰿⰻⱗ ⰲⱐⰸⱏⰿⱘⱅⱏ. ⰰⱋⰵ ⰻ ⱄⱏⰿⱃⱏⱅⱏⱀⱁ ⱍⱅⱁ ⰻⱄⱂⰻⱙⱅⱏ ⱀⰻⱍⱏⱅⱁⰶⰵ ⰻⱈⱏ ⱀⰵ ⰲⱃⱑⰴⰻⱅⱏ. ⱀⰰ ⱀⰵⰴⱘⰶⱐⱀⰻⰽⱏⰹ ⱃⱘⰽⱏⰹ .... ⰲⱏⰸⰾⱁⰶⱔⱅⱏ. ⰻ ⱄⱏⰴⱃⰰⰲⰻ ⰱⱘⱅⱏ ::
16:19
!ⰳⱐ ⰶⰵ ⰻⱄ҃ⱏ ⱂⱁ ⰳⰾ҃ⰰⱀⰻⰻ ⰵⰳⱁ ⰽⱏ ⱀⰻⰿⱏ. ⰲⱐⰸⱀⰵⱄⰵ ⱄⱔ ⱀⰰ ⱀⰵⰱⱁ. ⰺ ⱄⱑⰴⰵ ⱁ ⰴⰵⱄⱀⱘⱙ ⰱ҃ⰰ.
16:20
ⱁⱀⰻ ⰶⰵ ⰻⱎⰵⰴⱏⱎⰵ ⱂⱃⱁⱂⱁⰲⱑⰴⱑⱎⱔ ⰲⱏⱄⱘⰴⱑ. !ⰳⱓ ⱂⱁⱄⱂⱑⱎⱏⱄⱅⰲⱆⱙⱎⱅⱆ. ⰺ ⱄⰾⱁⰲⱁ ⱆⱅⰲⱃⱏⰶⰴⰰⱙⱎⱅⱓ. ⱂⱁⱄⰾⱑⰴⱏⱄⱅⰲⱆⱙⱎⱅⰻⰻⰿⰻ ⰸⱀⰰⰿⰵⱀⰻⰿⰻ ⰰⰿⰻⱀⱐ. :: :: ⰅⰂⰀⰐⰠⰌⰅⰎⰋⰅ ⰑⰕⰟ ⰏⰀⰓⰟⰍⰀ :: ::