ЕВАНГЕЛИЕ ЕЖЕ Ѿ МАРЪКА
15:1
ⰺ ⰰⰱⱐⰵ ⱀⰰ ⱆⱅⱃⱑⰻ ⱄⱏⰲⱑⱅⱏ ⱄⱏⱅⰲⱁⱃⱐⱎⰵ ⰰⱃⱈⰻⰵⱃⰵⰻ ⰻ ⱄⱅⰰⱃⱐⱌⰻ. ⰻ ⰽⱏⱀⰻⰶⱏⱀⰻⰽⱏⰹ ⰻ ⰲⰵⱄⱐ ⱄⱏⱀⰵⰿⱏ. ⱄⱏⰲⱔⰸⰰⰲⱏⱎⰵ ⰻⱄ҃ⰰ ⰲⱑⱄⱔ. ⰻ ⱂⱃⱑⰴⰰⱎⱔ ⰻ ⱂⰻⰾⰰⱅⱁⰲⰻ.
15:2
ⰻ ⰲⱏⱂⱃⱁⱄⰻ ⰻ ⱂⰻⰾⰰⱅⱏ. ⱅⱏⰹ ⰾⰻ ⰵⱄⰻ ⱌⱄ҃ⱃⱏ ⰻⱓⰴⰵⰻⱄⰽⱏ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⱅⱏⰹ ⰳⰾ҃ⱎⰻ.
15:3
ⰺ ⰳⰾ҃ⱈⱘ ⱀⰰ ⱀⱐ ⰰⱃⱈⰻⰵⱃⰵⰻ ⰿⱏⱀⱁⰳⱁ. ⱁⱀⱏ ⰶⰵ ⱀⰻⱍⰵⱄⱁⰶⰵ ⱀⰵ ⱁⱅⱏⰲⱑⱎⱅⰰⰲⰰⰰⱎⰵ.
15:4
Ⱂⰻⰾⰰⱅⱏ ⰶⰵ ⱂⰰⰽⱏⰹ ⰲⱏⱂⱃⰰⱎⰰⰰⱎⰵ ⰻ ⰳⰾ҃ⱔ. ⱀⰵ ⱁⱅⱏⰲⱑⱎⱅⰰⰲⰰⰵⱎⰻ ⰾⰻ ⱀⰻⱍⰵⱄⱁⰶⰵ. ⰲⰻⰶⰴⱏ ⰽⱁⰾⰻⰽⱁ ⱀⰰ ⱅⱔ ⱄⱏⰲⱑⰴⱑⱅⰵⰾⱐⱄⱅⰲⱆⱙⱅⱏ.
15:5
ⰺⱄ҃ ⰶⰵ ⰽ ⱅⱁⰿⱆ ⱀⰻⱍⰵⱄⱁⰶⰵ ⱀⰵ ⱁⱅⱏⰲⱑⱎⱅⰰ. ⱑⰽⱁ ⰴⰻⰲⰻⱅⰻ ⱄⱔ ⱂⰻⰾⰰⱅⱁⰲⰻ.
15:6
ⱀⰰ ⰲⱐⱄⱑⰽⱏ ⰶⰵ ⱂⱃⰰⰸⰴⱐⱀⰻⰽⱏ ⱁⱅⱏⱂⱆⱎⱅⰰⰰⱎⰵ ⰻⰿⱏ. ⰵⰴⰻⱀⱁⰳⱁ ⱄⱏⰲⱔⰸⱐⱀⱑ ⰵⰳⱁⰶⰵ ⱂⱃⱁⱎⰰⰰⱈⱘ.
15:7
ⰱⱑ ⰶⰵ ⱀⰰⱃⰻⱌⰰⰵⰿⱏⰹ ⰲⰰⱃⰰⰲⰲⰰ ⱄⱏ ⱄⰲⱁⰻⰿⰻ ⰽⱁⰲⱐⱀⰻⰽⱏⰹ ⱄⱏⰲⱔⰸⰰⱀⱏ. ⰺⰶⰵ ⰲⱏ ⰽⱁⰲⱑ ⱆⰱⰻⰻⱄⱅⰲⱁ ⱄⱏⱅⰲⱁⱃⰻⱎⱔ.
15:8
ⰻ ⰲⱏⰸⱏⱂⰻⰲⱏⱎⰵ ⱀⰰⱍⱔⱄⱔ ⱂⱃⱁⱄⰻⱅⰻ ⱑⰽⱁⰶⰵ ⱂⱃⰻⱄⱀⱁ ⱅⰲⱁⱃⱑⰰⱎⰵ ⰻⰿⱏ.
15:9
ⱂⰻⰾⰰⱅⱏ ⰶⰵ ⱁⱅⱏⰲⱑⱎⱅⰰ ⰻⰿⱏ ⰳⰾ҃ⱔ. ⱈⱁⱎⱅⰵⱅⰵ ⰾⰻ ⰴⰰ ⱁⱅⱏⱂⱆⱎⱅⱘ ⰲⱏ {ⰲⱏ} ⱌⱄ҃ⱃⱑ ⰻⱓⰴⰵⰻⱄⰽⰰ.
15:10
ⰲⱑⰴⱑⰰⱎⰵ ⰱⱁ ⱑⰽⱁ ⰸⰰⰲⰻⱄⱅⰻ ⱃⰰⰴⰻ ⱂⱃⱑⰴⰰⱎⱔ ⰻ ⰰⱃⱈⰻⰵⱃⰵⰻ.
15:11
Ⰰⱃⱈⰻⰵⱃⰵⰻ ⰶⰵ ⱂⱁⰿⰰⱀⱘⱎⱔ ⱀⰰⱃⱁⰴⱆ. ⰴⰰ ⱂⰰⱍⰵ ⰲⰰⱃⰰⰲⱘ ⱁⱅⱏⱂⱆⱄⱅⰻⱅⱏ ⰻⰿⱏ.
15:12
Ⱂⰻⰾⰰⱅⱏ ⰶⰵ ⱂⰰⰽⱏⰹ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⱍⱅⱁ ⱆⰱⱁ ⱈⱁⱎⱅⰵⱅⰵ ⱄⱏⱅⰲⱁⱃⱙ ⰵⰳⱁⰶⰵ ⰳⰾ҃ⰵⱅⰵ ⱌⱄ҃ⱃⱑ ⰻⱓⰴⰵⰻⱄⰽⰰ.
15:13
ⱁⱀⰻ ⰶⰵ ⱂⰰⰽⱏⰹ ⰲⱏⰸⱐⱂⰻⱎⱔ ⱂⱃⱁⱂⱐⱀⰻ ⰻ.
15:14
ⱂⰻⰾⰰⱅⱏ ⰶⰵ ⰳⰾ҃ⰰⱎⰵ ⰻⰿⱏ ⱍⱅⱁ ⰱⱁ ⰸⱏⰾⱁ ⱄⱏⱅⰲⱁⱃⰻ. ⱁⱀⰻ ⰶⰵ ⰾⰻⱎⰵ ⰲⱏⰸⱏⱂⰻⱎⱔ ⱂⱃⱁⱂⱐⱀⰻ ⰻ.
15:15
Ⱂⰻⰾⰰⱅⱏ ⰶⰵ ⱈⱁⱅⱔ ⱀⰰⱃⱁⰴⱆ ⱂⱁⱈⱁⱅⱐ ⱄⱏⱅⰲⱁⱃⰻⱅⰻ. ⱂⱆⱄⱅⰻ ⰻⰿⱏ ⰲⰰⱃⰰⰲⱘ. ⰺ ⱂⱃⱑⰴⰰⱄⱅⱏ ⰻⱄ҃ⰰ ⰱⰻⰲⱏ. ⰴⰰ ⰻ ⱂⱃⱁⱂⱏⱀⱘⱅⱏ ::
15:16
Ⰲⱁⰻⱀⰻ ⰶⰵ ⰲⱑⱄⱔ ⰻⱄ҃ⰰ ⰲⱏⱀⱘⱅⱃⱐ ⱀⰰ ⰴⰲⱁⱃⱏ. ⰵⰶⰵ ⰵⱄⱅⱏ ⱂⱃⱑⱅⱁⱃⱏ. ⰺ ⱂⱃⰻⰸⱏⰲⰰⱎⱔ ⰲⱐⱄⱘ ⱄⱂⰻⱃⱘ.
15:17
ⰺ ⱁⰱⰾⱑⱎⱔ ⰻ ⰲⱏ ⱂⱃⰰⱂⱃⱘⰴⱏ. ⰺ ⰲⱏⰸⰾⱁⰶⰻⱎⱔ ⱀⰰ ⱀⱐ ⱄⱏⱂⰾⰵⱅⱏⱎⰵ ⱅⱃⱏⱀⱁⰲⱏ ⰲⱑⱀⰵⱌⱏ.
15:18
ⰺ ⱀⰰⱍⱔⱄⱔ ⱌⱑⰾⱁⰲⰰⱅⰻ ⰻ. ⱃⰰⰴⱆⰻ ⱄⱔ ⱌⱄ҃ⱃⱓ ⰻⱓⰴⰵⰻⱄⰽⱏ.
15:19
ⰺ ⰱⰻⱑⱈⱘ ⰻ ⱅⱃⱏⱄⱅⱐⱙ ⱂⱁ ⰳⰾⰰⰲⱑ. ⰻ ⱂⰾⱐⰲⰰⰰⱈⱘ ⱀⰰ ⱀⱐ. ⰺ ⱂⱃⱑⰳⱏⰹⰱⰰⱙⱎⱅⰵ ⰽⱁⰾⱑⱀⰰ ⰽⰾⰰⱀⱑⰰⱈⱘ ⱄⱔ ⰵⰿⱆ.
15:20
ⰻ ⰵⰳⰴⰰ ⱂⱁⱃⱘⰳⰰⱎⱔ ⱄⱔ ⰵⰿⱆ. ⱄⱏⰲⰾⱑⱎⱔ ⱄⱏ ⱀⰵⰳⱁ ⱂⱃⰰⱂⱃⱘⰴⱏ. ⰺ ⱁⰱⰾⱑⱎⱔ ⰻ ⰲⱏ ⱃⰻⰸⱏⰹ ⱄⰲ ⱗ҅. ⰺ ⰻⰸⰲⱑⱄⱔ ⰻ ⰴⰰ ⱂⱃⱁⱂⱏⱀⱘⱅⱏ ⰹ. ::
15:21
ⰺ ⰸⰰⰴⱑⱎⱔ ⰿⰻⰿⱁ ⱈⱁⰴⱔⱎⱅⱆ ⰵⰴⰻⱀⱁⰿⱆ ⱄⰻⰿⱁⱀⱆ ⰽⱛⱃⱑⱀⰻⱀⱆ ⰳⱃⱔⰴⱘⱎⱅⱓ ⱄⱏ ⱄⰵⰾⰰ. ⱁⱅ҃ⱌⱆ ⰰⰾⰵⰽⱄⱔⰴⱃⱁⰲⱆ. ⰻ ⱃⱛⱇⱁⰲⱆ. ⰴⰰ ⰲⱐⰸⱏⰿⰵⱅⱏ !ⰽⱄⱅⱏ ⰵⰳⱁ.
15:22
ⰻ ⱂⱃⰻⰲⱑⱄⱔ ⰻ ⱀⰰ ⰿⱑⱄⱅⱁ ⰳⱁⰾⱏⰳⱁⱅⰰ ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁ ⰽⱃⰰⱀⰻⰵⰲⱁ ⰿⱑⱄⱅⱁ.
15:23
ⰺ ⰴⰰⱑⱈⱘ ⰵⰿⱆ ⱂⰻⱅⰻ ⱁⱌⱏⱅⱏⱀⱁ ⰲⰻⱀⱁ. ⱁⱀⱏ ⰶⰵ ⱀⰵ ⱂⱃⰻⱗⱅⱏ.
15:24
ⰺ ⱂⱃⱁⱂⱐⱀⱏⱎⰵ ⰻ ⱃⰰⰸⰴⱑⰾⱐⱎⰵ ⱃⰻⰸⱏⰹ ⰵⰳⱁ ⰿⰵⱅⰰⱎⱔ ⰶⱃⱑⰱⰻⱗ ⱁ ⱀⱔ. ⰽⱅⱁ ⱍⱅⱁ ⰲⱐⰸⱐⰿⰵⱅⱏ.
15:25
ⰱⱑ ⰶⰵ ⰳⱁⰴⰻⱀⰰ ⱅⱃⰵⱅⰻⱑⰰ. ⰺ ⱂⱃⱁⱂⱔⱄⱔ ⰻ.
15:26
ⰺ ⰱⱑ ⱀⰰⱂⰻⱄⰰⱀⰻⰵ ⰲⰻⱀⱏⰹ ⰵⰳⱁ ⱀⰰⱂⰻⱄⰰⱀⱁ ⱌⱄ҃ⱃⱏ ⰻⱓⰴⰵⰻⱄⰽⱏ.
15:27
ⰺ ⱄⱏ ⱀⰻⰿⱐ ⱂⱃⱁⱂⱔⱎⱔ ⰴⱏⰲⰰ ⱃⰰⰸⰱⱁⰻⱀⰻⰽⰰ. ⰵⰴⰻⱀⱁⰳⱁ ⱁ ⰴⰵⱄⱀⱘⱙ. ⰰ ⰴⱃⱆⰳⰰⰰⰳⱁ ⱁ ⱎⱓⱙ ⰵⰳⱁ.
15:28
ⰺ ⱄⱏⰱⱏⰹⱄⱅⱏ ⱄⱔ ⱂⰻⱄⰰⱀⱁⰵ ⰵⰶⰵ ⰳⰾ҃ⱅⱏ. ⰺ҅ ⱄⱏ ⰱⰵⰸⰰⰽⱁⱀⱐⱀⰻⰽⱁⰿⰰ ⱂⱃⰻⱍⱏⱅⰵⱀⱏ ⰱⱏⰹⱄⱅⱏ.
15:29
ⰺ ⰿⰻⰿⱁ ⱈⱁⰴⱔⱎⱅⰵⰻ ⱈⱆⰾⱑⰰⱈⱘ ⰻ. ⰺ ⱂⱁⰽⱏⰹⰲⰰⱙⱎⱅⰵ ⰳⰾⰰⰲⰰⰿⰻ ⱄⰲⱁⰻⰿⰻ. ⰺ ⰳⰾ҃ⱎⱅⰵ ⱆⰲⰰ. ⱃⰰⰸⰰⱃⱑⱗⰻ !ⱌⱃⰽⰲⱏ. ⰻ ⱅⱃⱐⰿⰻ ⰴⱐⱀⱐⰿⰻ ⱄⱏⰸⰻⰴⰰⱗ
15:30
ⱄⱏⱂⰰⱄⰻ ⱄⱔ ⱄⰰⰿⱏ. ⰺ ⱄⱏⱀⰻⰴⰻ ⱄⱏ !ⰽⱃⱄⱅⰰ.
15:31
ⱅⰰⰽⱁⰶⰴⰵ ⰻ ⰰⱃⱈⰻⰵⱃⰵⰻ ⱃⱘⰳⰰⱙⱎⱅⰵ ⱄⱔ ⱄⱏ ⰽⱏⱀⰻⰶⱏⱀⰻⰽⱏⰹ. ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⰰⰰⱈⱘ. ⰺⱀⱏⰹ ⱄⱏⱂⰰⱄⰵ. ⰰⰾⰻ ⱄⰵⰱⰵ ⱀⰵ ⰿⱁⰶⰵⱅⱏ ⱄⱏⱂⰰⱄⱅⰻ
15:32
!ⱈⱏ ⱌⱄ҃ⱃⱏ ⰻⰸⰴⰰⰻⰾⰲⱏ. ⰴⰰ ⱄⱏⱀⰻⰴⰵⱅⱏ ⱀⱏⰹⱀⱑ ⱄⱏ !ⰽⱃⱄⱅⰰ. ⰴⰰ ⰲⰻⰴⰻⰿⱏ ⰻ ⰲⱑⱃⱘ ⰻⰿⰵⰿⱏ :: ⰺ ⱂⱃⱁⱂⱔⱅⰰⱑ ⱄⱏ ⱀⰻⰿⱐ ⱂⱁⱀⱁⱎⰰⰰⱎⰵⱅⰵ ⰵⰿⱆ.
15:33
Ⰱⱏⰹⰲⱏⱎⰻ ⰶⰵ ⰳⱁⰴⰻⱀⱑ ⱎⰵⱄⱅⱑⰻ. ⱅⱏⰿⰰ ⰱⱏⰹⱄⱅⱏ ⱂⱁ ⰲⱐⱄⰵⰻ ⰸⰵⰿⰻ ⰴⱁ ⰴⰵⰲⱔⱅⱏⰹⱗ ⰳⱁⰴⰻⱀⱏⰹ.
15:34
ⰺ ⰲⱏ ⰴⰵⰲⱔⱅⱘⱙ ⰳⱁⰴⰻⱀⱘ ⰲⱏⰸⱏⱂⰻ ⰻⱄ҃ⱏ ⰳⰾⰰⱄⱁⰿⱐ ⰲⰵⰾⰻⰵⰿⱐ ⰳⰾ҃ⱔ. ⰵⰾⱉⰻ ⰵⰾⱉⰻ ⰾⰻⰿⰰ ⱄⰰⰲⰰⱈⱅⰰⱀⰻ. ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁⰵ ⰱⰶ҃ⰵ ⰱⰶ҃ⰵ ⰿⱁⰻ ⰲⱏⱄⰽⱘⱙ ⰿⱔ ⱁⱄⱅⰰⰲⰻ.
15:35
ⰺ ⰵⰴⰻⱀⰻ ⱁⱅⱏ ⱄⱅⱁⱔⱎⱅⰻⱈⱏ. ⱄⰾⱏⰹⱎⰰⰲⱏⱎⰵ ⰳⰾ҃ⰰⰰⱈⱘ. ⰲⰻⰶⰴⱏ ⰻⰾⰻⱙ ⰳⰾⰰⱎⰰⰰⱅⱏ.
15:36
ⱅⰵⰽⱏ ⰶⰵ ⰵⰴⰻⱀⱏ ⰻⱄⱂⰾⱏⱀⱐ ⰳⱘⰱⱘ ⱁⱌⱏⱅⰰ. ⰺ ⰲⱐⰸⱀⰵⰸⱏ ⱀⰰ ⱅⱃⱏⱄⱅⱐ ⱀⰰⱂⰰⱑⱎⰵ ⰻ ⰳⰾ҃ⱔ. ⱀⰵ ⰴⱑⰻⱅⰵ ⰴⰰ ⰲⰻⰴⰻⰿⱏ. ⰰⱎⱅⰵ ⱂⱃⰻⰴⰵⱅⱏ ⰻⰾⰻⱑ ⱄⱏⱀⱔⱅⱏ ⰵⰳⱁ.
15:37
ⰺⱄ҃ ⰶⰵ ⱂⱆⱋⱏ ⰳⰾⰰⱄⱏ ⰲⰵⰾⰻⰻ ⰻⰸⰴⱏⱎⰵ. ⰺ ⱁⱂⱁⱀⰰ !ⱌⱃⰽⰲⱀⰰⱑ ⱃⰰⰸⰴⱏⱃⰰ ⱄⱔ ⱀⰰ ⰴⱏⰲⱁⰵ ⱄⱏ ⰲⱏⰹⱎⰵ ⰴⱁ ⱀⰻⰶⰵ.
15:39
Ⰲⰻⰴⱑⰲⱏ ⰶⰵ ⱄⱁⱅⱐⱀⰻⰽⱏ ⱄⱅⱁⱗⰻ ⱂⱃⱑⰿⱁ ⰵⰿⱆ. ⱑⰽⱁ ⱅⰰⰽⱁ ⰲⱐⰸⱏⱂⰻⰲⱏ ⰻⰸⰴⱏⱎⰵ. ⱃⰵⱍⰵ ⰲⱏ ⰹⱄⱅⰻⱀⱘ ⱍⰾ҃ⰽⱏ ⱄⱏ ⱄⱀ҃ⱏ ⰱⰶ҃ⰻⰻ ⰱⱑ.
15:40
ⰱⱑⰰⱈⱘ ⰶⰵ ⰻ ⰶⰵⱀⱏⰹ ⰻⰸⰴⰰⰾⰵⱍⰵ ⰸⱏⱃⱔⱎⱅⱔ. ⰲⱏ ⱀⰻⱈⱏⰶⰵ ⰱⱑ ⰻ ⰿⰰⱃⰻⱑ ⰿⰰⰳⰴⰰⰾⰻⱀⰻ. ⰺ ⰿⰰⱃⰻⱑ ⰻⱑⰽⱁⰲⰰ ⰿⰰⰾⰰⰵⰳⱁ. ⰺ ⰿⰰⱅⰻ ⰻⱁⱄⰻⱁⰲⰰ. ⰺ ⱄⰰⰾⱁⰿⰻ.
15:41
ⱗⰶⰵ ⰵⰳⰴⰰ ⰱⱑ ⰲⱏ ⰳⰰⰾⰻⰾⰵⰻ ⱂⱁ ⱀⰵⰿⱐ ⱈⱁⰶⰴⰰⰰⱈⱘ ⰻ ⱄⰾⱆⰶⰰⰰⱈⱘ ⰵⰿⱆ. ⰺ ⰻⱀⱏⰹ ⰿⱏⱀⱁⰳⱏⰹ ⰲⱏⱎⰵⰴⱏⱎⱔⱗ ⱄⱏ ⱀⰻⰿⱐ ⰲⱏ !ⰻⰾⰿⱏ.
15:42
ⰺ ⱓⰶⰵ ⱂⱁⰸⰴⱑ ⰱⱏⰹⰲⱏⱎⱓ. Ⱂⱁⱀⰵⰶⰵ ⰱⱑ ⱂⰰⱃⰰⱄⰽⰵⰲⱐⰼⰻⰻ ⱂⰰⱄⱌⱑ. ⰵⰶⰵ ⰵⱄⱅⱏ ⰽⱏ ⱄⱁⰱⱁⱅⱑ ::
15:43
Ⱂⱃⰻⰴⰵ ⰻⱁⱄⰻⱇⱏ ⱁⱅⱏ ⰰⱃⰻⰿⰰⱅⱑⱗ. ⰱⰾⰰⰳⱁⱁⰱⱃⰰⰸⰵⱀⱏ ⱄⱏⰲⱑⱅⱐⱀⰻⰽⱏ. ⰺⰶⰵ ⰻ ⱅⱏ ⰱⱑ ⱍⰰⱗ ⱌⱄ҃ⱃⱄⱅⰲⰻⱑ ⰱⰶ҃ⰻⱑ. ⰺ ⰴⱃⱏⰸⱀⱘⰲⱏ ⰲⱏⱀⰻⰴⰵ ⰽⱏ ⱂⰻⰾⰰⱅⱆ. ⰺ ⱂⱃⱁⱄⰻ ⱅⱑⰾⰰ ⰻⱄ҃ⰲⰰ.
15:44
ⱂⰻⰾⰰⱅⱏ ⰶⰵ ⰴⰻⰲⰻ ⱄⱔ ⰰⱎⱅⰵ ⱆⰶⰵ ⱆⰿⱏⱃⱑⱅⱏ. ⱂⱃⰻⰸⱏⰲⰰⰲⱏ ⱄⱏⱅⱏⱀⰻⰽⰰ ⰰⱎⱅⰵ ⱆⰶⰵ ⱆⰿⱐⱃⱑⱅⱏ.
15:45
ⰺ ⱆⰲⱑⰴⱑⰲⱏ ⱁⱅⱏ ⰽⰵⱀⱅⱛⱃⰻⱁⱀⰰ. ⰴⰰⱄⱅⱏ ⱅⱑⰾⱁ ⰻⱁⱄⰻⱇⱁⰲⰻ.
15:46
ⰺ ⰽⱆⱂⰾⱐ ⱂⰾⰰⱎⱅⰰⱀⰻⱌⱘ ⰻ ⱄⱏⱀⰵⰿⱏⰹ ⰻ ⱁⰱⰻⱅⱏⰹⰻ ⰲⱏ ⱂⰾⰰⱎⱅⰰⱀⰻⱌⱘ. ⰺ ⰲⱏⰾⱁⰶⰻ ⰲⱏ ⰳⱃⱁⰱⱏ. ⰺⰶⰵ ⰱⱑ ⰻⱄⱑⱍⰵⱀⱏ ⱁⱅⱏ ⰽⰰⰿⰵⱀⰵ. ⰺ ⱂⱃⰻⰲⰰⰾⰻ ⰽⰰⰿⰵⱀⱐ ⱀⰰ ⰴⰲⱐⱃⰻ ⰳⱃⱁⰱⱆ ::
15:47
Ⰿⰰⱃⰻⱑ ⰶⰵ ⰿⰰⰳⰴⰰⰾⰻⱀⰻ. ⰺ ⰿⰰⱃⰻⱑ ⰻⱁⱄⰻⱁⰲⰰ. ⰸⱐⱃⱑⰰⱎⰵⱅⰵ ⰽⱏⰴⰵ ⰻ ⱂⱁⰾⰰⰳⰰⰰⱈⱘ :: ⰽ!ⱌ ::