ЕВАНГЕЛИЕ ЕЖЕ Ѿ МАРЪКА
11:1
Ⰺ ⰵⰳⰴⰰ ⱂⱃⰻⰱⰾⰻⰶⰻ ⱄⱔ ⰲⱏ !ⰻⰿⱏ. ⰲⱏ ⰲⰻⱅⱏⱇⰰⰼⰻⱙ. ⰺ ⰲⰻⱅⰰⱀⰻⱙ. ⰽⱏ ⰳⱁⱃⱑ ⰵⰾⰵⱁⱀⱐⱄⱌⱑ. ⱂⱁⱄⱏⰾⰰ ⰴⱏⰲⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰻⱈⱏ.
11:2
ⰺ҅ ⰳⰾ҃ⰰ ⰻⰿⰰ. ⰺⰴⱑⱅⰰ ⰲⱐ ⰲⰵⱄⱐ ⱑⰶⰵ [ⰵ]ⱄⱅⱏ ⱂⱃⱑⰿⱁ ⰲⰰⰿⰰ. ⰺ ⰰⰱⰻⰵ ⰲⱏⱈⱁⰴⱔⱎⱅⰰ ⰲⱐ ⱀⱘⱙ ⱁⰱⱃⱔⱎⱅⰵⱅⰰ ⰶⱃⱑⰱⰵⱌⱏ ⱂⱃⰻⰲⱔⰸⰰⱀⱏ. ⱀⰰ ⱀⱐⰶⰵ ⱀⱑⱄⱅⱏ ⱀⰵ ⱆ ⱀⰻⰽⱅⱁⰶⰵ ⱁⱅⱏ !ⱍⰽⱏ ⰲⱐⱄⱑⰾⱏ. ⱁⱅⱃⱑⱎⱏⱎⰰ ⰻ ⱂⱃⰻⰲⰵⰴⱑⱅⰰ.
11:3
ⰺ ⰰⱋⰵ ⰲⰰⰿⰰ ⰽⱏⱅⱁ ⱃⰵⱍⰵⱅⱏ. ⱍⱅⱁ ⱄⰵ ⰴⱑⰰⱅⰰ. ⱃⱏⱌⱑⱅⰰ ⱑⰽⱁ !ⰳⱐ ⰵⰳⱁ ⱅⱃⱑⰱⱆⱆⱅⱏ. ⰺ ⰰⰱⱐⰵ ⱂⱁⱄⱏⰾⰵⱅⱏ ⰹ ⱄⱑⰿⱁ.
11:4
ⰺⰴⰵⱅⰵ ⰶⰵ ⰻ ⱁⰱⱃⱑⱅⰵⱅⰵ ⰶⱃⱑⰱⰵⱌⱏ ⱂⱃⰻⰲⱔⰸⰰⱀⱏ ⱂⱃⰻ ⰴⰲⱐⱃⰵⱈⱏ. ⰲⱐⱀⱑ ⱀⰰ ⱃⰰⱄⱂⱘⱅⰻⰻ. ⰺ ⱁⱅⱃⱑⱎⰰⰰⱎⰵⱅⰵ ⰻ.
11:5
ⰺ҅ ⰵⰴⰻⱀⰻ ⱁⱅⱏ ⱄⱅⱁⱗⱎⱅⰻⱈⱏ ⱅⱆ ⰳⰾ҃ⰰⱎⱔ ⰻⰿⰰ ⱍⱅⱁ ⰴⱑⰰⱅⰰ ⱁⱅⱃⱑⱎⰰⱙⱋⰰ ⰶⱃⱑⰱⰵⱌⱏ.
11:6
ⱁⱀⰰ ⰶⰵ ⱃⱑⱄⱅⰵ ⰻⰿⱏ. ⱑⰽⱁⰶⰵ ⰸⰰⱂⱁⰲⱑⰴⱑ ⰻⱄ҃ⱏ. ⱁⱄⱅⰰⰲⰻⱎⱔ ⱑ.
11:7
ⰺ ⱂⱃⰻⰲⱑⱄⱅⰵ ⰶⱃⱑⰱⰵⱌⱏ ⰽⱏ ⰻⱄ҃ⰲⰻ. ⰺ ⰲⱏⰸⰾⱁⰶⰻⱎⱔ ⱀⰰ ⱀⱐ ⱃⰻⰸⱏⰹ ⱄⰲ ⱗ҅. ⰻ ⰲⱐⱄⱑⰴⰵ ⱀⰰ ⱀⱐ.
11:8
ⰿⱏⱀⱁⰷⰻ ⰶⰵ ⱃⰻⰸⱏⰹ ⱄⰲⱁⱗ ⱂⱁⱄⱅⰻⰾⰰⰰⱈⱘ ⱂⱁ ⱂⱘⱅⰻ. ⰰ ⰴⱃⱆⰷⰻⰻ ⰲⱑⰻⰵ ⱃⱑⰸⰰⰰⱈⱘ ⱁⱅⱏ ⰴⱃⱑⰲⰰ. ⰺ ⱂⱁⱄⱅⰻⰾⰰⰰⱈⱘ ⱂⱁ ⱂⱘⱅⰻ.
11:9
ⰺ ⱂⱃⱑⰴⱏ ⱈⱁⰴⱔⱎⱅⰵ ⰻ ⰲⱏ ⱄⰾⱑⰴⱏ ⱈⱁⰴⱔⱎⱅⰵⰻ ⰲⱐⱂⰻⱑⱈⱘ ⰳⰾ҃ⱙⱎⱅⰵ. ⱉ҅ⱄⰰⱀⱏⱀⱀⰰ !ⰱⰾⰳⱄⰲⱀⱏ ⰳⱃⱔⰴⱏⰹ ⰲⱏ ⰹⰿⱔ ⰳⱀ҃ⰵ.
11:10
!ⰱⰾⱀⱁ ⰳⱃⱔⰴⱘⱎⱅⰵ ⱌⱄ҃ⱃⱄⱅⰲⰻⰵ ⰲⱏ ⰹⰿⱔ ⰳ҃ⰻ ⱁⱅ҃ⱌⰰ ⱀⰰⱎⰵⰳⱁ ⰴⰰⰲ҃ⰴⰰ. ⱉⱄⰰⱀⱀⰰ ⰲⱏ ⰲⱏⰹⱎⱏⱀⰻⰻⱈⱏ.
11:11
ⰺ ⰲⱐⱀⰻⰴⰵ ⰲⱏ !ⰵⱃⱄⰿⱏ ⰻⱄ҃ⱏ ⰻ ⰲⱏ !ⱌⱃⰽⰲⱏ. ⰺ !ⱄⱏⰳⰾⱔⰴⰰ ⰲⱐⱄⰵ. ⱂⱁⰸⰴⱑ ⱓⰶⰵ ⱄⱘⱎⱅⱆ ⱍⰰⱄⱆ. ⰺⰸⰻⰴⰵ ⰲⱏ ⰲⰻⱅⰰⱀ ⱙ҅. ⱄⱏ ⱁⰱⱑⰿⰰ ⱀⰰ ⰴⰵⱄⱔⱅⰵ.
11:12
ⰺ ⰲⱏ ⱆⱅⱃⱐⱀⰻⰻ ⰻⱎⰵⰴⱏⱎⰵⰿⱏ ⰻⰿⱏ ⱁⱅⱏ ⰲⰻⱅⰰⱀⰻⱗ. ⰲⱏⰸ[ⰰ]ⰾⰽⰰ.
11:13
ⰺ ⰲⰻⰴⱑⰲⱏ ⱄⰿⱁⰽⱁⰲⱏⱀⰻⱌⱘ ⰻⰸ ⰴⰰⰾⰵⱍⰵ. ⰺⰿⱘⱎⱅⱘ ⰾⰻⱄⱅⰲⱐⰵ. ⱂⱃⰻⰴⰵ ⰰⱎⱅⰵ ⱆⰱⱁ ⱁⰱⱃⱔⱎⱅⰵⱅⱏ ⱀⰰ ⱀⰵⰻ ⱍⱏⱅⱁ. ⰺ ⱂⱃⰻⱎⰵⰴⱏ ⰽⱏ ⱀⰵⰻ ⱀⰻⱍⰵⱄⱁⰶⰵ ⱀⰵ ⱁⰱⱃⱑⱅⰵ ⱀⰰ ⱀⰵⰻ ⱅⱏⰽⰿⱁ ⰾⰻⱄⱅⰲⰻⰵ. ⱀⰵ ⰱⱑ ⰱⱁ ⰲⱃⱑⰿⱔ ⱄⰿⱁⰽⱏⰲⰰⰿⱏ.
11:14
ⰺ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰵⰻ. ⰽⱏ ⱅⱁⰿⱆ ⱁⱅⱏ ⱅⰵⰱⰵ ⰲⱏ ⰲⱑⰽⱏ ⱀⰻⰽⱅⱁⰶⰵ ⱂⰾⱁⰴⰰ ⱀⰵ ⱄⱏⱀⱑⱄⱅⱏ. ⱄⰾⱏⰹⱎⰰⰰⱈⱘ ⰶⰵ ⱆⱍⰵⱀⰻⱌⰻ ⰵⰳⱁ.
11:15
ⰺ ⱂⱃⰻⰴⱘ ⰲⱏ !ⰻⰾⰿⱏ. ⰻ ⰲⱏⱎⰵⰴⱏ ⰻⱄ҃ⱏ ⰲⱏ ⱌⱃⰽ!ⰲⱏ. ⱀⰰⱍⱔⱅⱏ ⰻⰸⰳⱁⱀⰻⱅⰻ ⱂⱃⱁⰴⰰⱙⱎⱅ ⱗ҅. ⰺ ⰽⱆⱂⱆⱙⱋⱔⱗ ⰲ !ⱌⱃⰽⰲⰵ. ⰺ ⰴⱏⱄⰽⱏⰹ ⱅⱃⱏⰶⱏⱀⰻⰽⱏ. ⰺ ⱄⱑⰴⰰⰾⰻⱎⱅⰰ ⱂⱃⱁⰴⰰⱙⱎⱅⰻⱈⱏ ⰳⱁⰾⱘⰱⰻ ⰻⱄⱂⱃⱁⰲⱃⱏⰶⰵ.
11:16
ⰺ ⱀⰵ ⰴⰰⰴⱑⰰⱎⰵ ⱀⰻⰽⱁⰿⱆⰶⰵ ⰿⰻⰿⱁ ⱀⰵⱄⱅⰻ ⱄⱏⱄⱘⰴⱏ ⱄⰽⰲⱁⰸⱑ !ⱌⱃⰽⰲⱏ.
11:17
ⰺ ⱆⱍⰰⰰⱎⰵ ⰳⰾ҃ⱔ ⰻⰿⱏ. ⱀⱑⱄⱅⱏ ⰾⰻ ⱂⰻⱄⰰⱀⱁ. ⱑⰽⱁ ⱈⱃⰰⰿⱏ ⰿⱁⰻ ⱈⱃⰰⰿⱏ ⰿⱁⰾⰻⱅⰲⱑ. ⱀⰰⱃⰵⱍⰵⱅⱏ ⱄⱔ ⰲⱐⱄⱑⰿⱏ !ⱗⰸⰽⰿⱏ. ⰲⱏⰹ ⰶⰵ ⱄⱏⱅⰲⱁⱃⰻⱄⱅⰵ ⰻ ⰲⱃⱏⱅⱏⱂⱏ ⱃⰰⰸⰱⱁⰻⱀⰻⰽⱁⰿⱏ ::
11:18
ⰺ҅ ⱄⰾⱏⰹⱎⰰⱎⱔ ⰽⱏⱀⰻⰶⱏⱀⰻⱌⰻ ⰻ ⰰⱃⱈⰻⰵⱃⰵⰻ. ⰻ ⰻⱄⰽⰰⰰⱈⱘ ⰽⰰⰽⱁ ⰻ ⰱⱘ ⱂⱁⰳⱆⰱⰻⰾⰻ. ⰱⱁⱑⱈⱘ ⰱⱁ ⱄⱔ ⰵⰳⱁ. ⱑⰽⱁ ⰲⰵⱄⱐ ⱀⰰⱃⱁⰴⱏ ⰴⰻⰲⰾⱑⱈⱘ ⱄⱔ ⱁ ⱆⱍⰵⱀⰻⰻ ⰵⰳⱁ.
11:19
ⰺ ⱑⰽⱁ ⱂⱁⰸⰴⱑ ⰱⱏⰹⱄⱅⱏ ⰻⱄⱈⱁⰶⰴⰰⰰⱎⰵ ⰲⱁⱀⱏ ⰻⰸ ⰳⱃⰰⰴⰰ.
11:20
ⰺ ⰿⰻⰿⱁ ⱈⱁⰴⱔⱎⱅⰵ ⱓⱅⱃⱁ ⰲⰻⰴⱑⱎⱔ ⱄⰿⱁⰽⱁⰲⱐⱀⰻⱌⱘ ⱆⱄⱏⱈⱏⱎⱘ ⰻⱄ ⰽⱁⱃⰵⱀⰻⱑ.
11:21
ⰺ ⰲⱏⱄⱂⱁⰿⱑⱀⱘⰲⱏ ⱂⰵⱅⱃⱏ ⰳⰾ҃ⰰ ⰵⰿⱆ ⱃⰰⰲⱐⰲⰻ. ⰲⰻⰶⰴⱏ ⱄⰿⱁⰽⱁⰲⱏⱀⰻⱌⰰ ⱙⰶⰵ ⱂⱃⱁⰽⰾⱔⱅⱏ ⱆⱄⱏⱎⰵ.
11:22
ⰺ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⰳⰾ҃ⰰ ⰵⰿⱆ. ⰺⰿⱑⰻⱅⰵ ⰲⱑⱃⱘ ⰱⰶ҃ⰻⱙ.
11:23
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰻⰶⰵ ⱃⰵⱍⰵⱅⱏ ⰳⱁⱃⱑ ⱄⰵⰻ. ⰴⰲⰻⰳⱀⰻ ⱄⱔ ⰻ ⰲⱏⰲⱃⱏⰷⰻ ⱄⱔ ⰲⱏ ⰿⱁⱃⰵ. ⰺ ⱀⰵ ⱆⱄⱘⰿⱐⱀⰻⱅⱏ ⱄⱔ ⰲⱏ ⱄⱃⰴ҃ⱌⰻ ⱄⰲⱁⰵⰿⱐ. ⱀⱏ ⰲⱑⱃⱘ ⰻⰿⰵⱅⱏ. ⱑⰽⱁ ⰵⰶⰵ ⰳⰾ҃ⱅⱏ ⰱⱏⰹⰲⰰⰰⱅⱏ. ⰱⱘⰴⰵⱅⱏ ⰵⰿⱆ ⰵⰶⰵ ⰰⱎⱅⰵ ⱃⰵⱍⰵⱅⱏ ::
11:24
Ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ ⰲⱐⱄⱑ ⰵⰾⰻⰽⱁ ⰿⱁⰾⱔⱎⱅⰵ ⱄⱔ ⱂⱃⱁⱄⰻⱅⰵ. ⰲⱑⱃⱆⰻⱅⰵ ⱑⰽⱁ ⱂⱃⰻⰵⰿⰾⰵⱅⰵ. ⰺ ⰱⱘⰴⰵⱅⱏ ⰲⰰⰿⱏ.
11:25
ⰺ ⰵⰳⰴⰰ ⱄⱅⱁⰻⱅⰵ ⰿⱁⰾⱔⱎⱅⰵ ⱄⱔ. ⱁⱅⱏⱂⱆⱎⱅⰰⰻⱅⰵ ⰰⱎⱅⰵ ⱍⱅⱁ ⰻⰿⰰⱅⰵ ⱀⰰ ⰽⱁⰳⱁ ⰴⰰ ⰻ ⱁⱅⱌⱏ ⰲⰰⱎⱏ ⱀⰱ҃ⱄⰽⱏⰹ ⱁⱅⱏⱂⱆⱄⱅⰻⱅⱏ ⰲⰰⰿⱏ ⱄⱏⰳⱃⱑⱎⰵⱀⰻⱑ ⰲⰰⱎⰰ.
11:26
ⰰⱎⱅⰵ ⰾⰻ ⰲⱏⰹ ⱀⰵ ⱁⱅⱏⱂⱆⱄⱅⰻⱅⰵ. ⱀⰻ ⱁⱅⰵⱌⱏ ⰲⰰⱎⱏ ⰻⰶⰵ ⰲⱏ ⱀⰵⰱ҃ⱄⱈⱏ ⱁⱅⱏⱂⱆⱄⱅⰻⱅⱏ ⱂⱃⱑⰳⱃⱑⱎⰵⱀⰻⰻ ⰲⰰⱎⰻⱈⱏ.
11:27
ⰺ ⱂⱃⰻⰴⱘ ⱂⰰⰽⱏⰹ ⰲⱏ. !ⰻⱃⱄⰾⰿⱏ. ⰺ ⰲⱏ !ⱌⱃⰽⰲⰵ ⱈⱁⰴⱔⱎⱅⱓ ⰵⰿⱆ. ⱂⱃⰻⰴⱘ ⰽⱏ ⱀⰵⰿⱆ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⱌⰻ. ⰻ ⱄⱅⰰⱃⱐⱌⰻ.
11:28
ⰺ ⰳⰾ҃ⰰⱎⱔ ⰵⰿⱆ. ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⰻⱎⰻ. ⰺ ⰽⱅⱁ ⱅⰻ ⰴⰰⱄⱅⱏ ⱁⰱⰾⰰⱄⱅⱐ ⱄⰻⱙ ⰴⰰ ⱄⰻ ⱅⰲⱁⱃⰻⱎⰻ.
11:29
ⰺⱄ҃ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⰲⱏⱂⱃⱁⱎⱘ ⰻ ⱑⰸⱏ ⰲⱏⰹ ⰵⰴⰻⱀⱁⰳⱁ ⱄⰾⱁⰲⰵⱄⰵ. ⰺ ⱁⱅⱏⰲⱑⱎⱅⰰⰻⱅⰵ ⰿⰻ. ⰺ ⱃⰵⰽⱘ ⰲⰰⰿⱏ ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⱙ.
11:30
ⰽⱃⱐⱎⱅⰵⱀⰻⰵ ⰻⱁⰰⱀⱁⰲⱁ ⱁⱅⱏ ⰽⱘⰴⱘ ⰱⱑ. ⱄⱏ ⱀⰵⰱ҃ⱄ ⰾⰻ ⰻⰾⰻ ⱁⱅⱏ ⱍⰾ҃ⰽⱏ. ⱁⱅⱏⰲⱑⱎⱅⰰⰻⱅⰵ ⰿⰻ.
11:31
ⰻ ⰿⱏⰹⱎⰾⱑⰰⱈⱘ ⰽⱏ ⱄⰵⰱⱑ ⰳⰾ҃ⱙⱎⱅⰵ. ⰰⱎⱅⰵ ⱃⰵⱍⰵⰿⱏ ⱄⱀ҃ⰱⱄⰵ. ⱃⰵⱍⰵⱅⱏ ⱂⱁ ⱍⱅⱁ ⱆⰱⱁ ⱀⰵ ⰲⱑⱃⱁⰲⰰⱄⱅⰵ ⰵⰿⱆ.
11:32
ⰰⱎⱅⰵ ⱃⰵⱍⰵⰿⱏ ⱁⱅⱏ !ⱍⰽⱏ ⰱⱁⱑⰰⱈⱘ ⱄⱔ ⰾⱓⰴⰻⰻ. ⰲⱐⱄⰻ ⰱⱁ ⰻⰿⱑⰰⱈⱘ ⰻⱁⰰⱀⰰ ⱑⰽⱁ !ⱂⱃⰽⰰ.
11:33
ⰺ ⱁⱅⱏⰲⱑⱎⱅⰰⰲⱏⱎⰵ ⰳⰾ҃ⰰⱎⱔ ⰻⱄ҃ⰲⰻ ⱀⰵ ⰲⱑⰿⱐ. ⱀⰻ ⰰⰸⱏ ⰳⰾ҃ⱙ ⰲⰰⰿⱏ. ⰽⱁⰵⱙ ⰲⰾⰰⱄⱅⰻⱙ ⱄⰻ ⱅⰲⱁⱃⱙ.