ЕВАНГЕЛИЕ ЕЖЕ Ѿ ЛОУКꙐ
8:1
ⰱⱏⰹⱄⱅⱏ ⰶⰵ ⱂⱁ ⱅⱁⰿⱏ ⰻ ⱅⱏ ⱂⱃⱁⱈⱁⰶⰴⰰⰰⱎⰵ. ⱄⰽⱁⰸⱑ ⰳⱃⰰⰴⱏⰹ ⰻ ⰲⱐⱄⰻ. ⱂⱃⱁⱂⱁⰲⱑⰴⰰⱗ ⰻ ⰻ ⰱⰾⰰⰳⱁⰲⱑⱄⱅⱆⱗ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⰺ ⱁⰱⰰ ⱀⰰ ⰴⰵⱄⱔⱅⰵ ⱄⱏ ⱀⰻⰿⱐ.
8:2
ⰺ ⰶⰵⱀⱏⰹ ⰵⰴⰹⱀⱏⰹ ⱗⰶⰵ ⰱⱑⰰⱈⱘ ⰻⱄⱌⱑⰾⰵⱀⱏⰹ. ⱁⱅⱏ ⰴⱈ҃ⱏ ⰸⱐⰾⱐ ⰻ ⰱⱁⰾⱑⰸⱀⰻⰻ. ⰿⰰⱃⰻⱑ ⱀⰰⱃⰻⱌⰰⰵⰿⰰⱑ ⰿⰰⰳⰴⰰⰾⰻⱀⰻ. ⰺⰸ ⱀⰵⱗⰶⰵ ⰻⰸⰻⰴⰵ ⱄⰵⰴⰿⱐ ⰱⱑⱄⱏ.
8:3
ⰺ ⰻⱁⰰⱀⱀⰰ ⰶⰵⱀⰰ ⱈⱆⰸⰰⱀⱑ ⱂⱃⰻⱄⱅⰰⰲⱏⱀⰻⰽⰰ ⰻⱃⱁⰴⱁⰲⰰ. ⰻ ⱄⱆⱄⰰⱀⰰ ⰻ ⰻⱀⱏⰹ ⰿⱏⱀⱁⰳⱏⰹ. ⱗⰶⰵ ⱄⰾⱆⰶⰰⰰⱈⱘ ⰵⰿⱆ. ⱁⱅⱏ ⰻⰿⱑ{ ⰻ҅}ⱀⰻⰻ ⱄⰲⱁⰻⱈⱏ.
8:4
Ⱃⰰⰸⱆⰿⱑⱙⱎⱅⱓ ⰶⰵ ⱀⰰⱃⱁⰴⱆ ⰿⱏⱀⱁⰳⱆ. ⰺ ⰳⱃⱔⰴⱘⱋⰵⰿⱏ ⱁⱅⱏ ⰲⱐⱄⱑⱈⱏ ⰳⱃⰰⰴⱏ ⰽⱐ ⱀⰵⰿⱆ :: Ⱃⰵⱍⰵ ⰳ҃ⱏ ⱂⱃⰻⱅⱏⱍⱘ ⱄⰻⱙ ⰽⱏ ⱀⰻⰿⱏ.
8:5
ⰺⰸⰻⰴⰵ ⱄⱑⱗⰻ ⱄⱑⰰⱅⱏ ⱄⱑⰿⰵⱀⰵ ⱄⰲⱁⰵⰳⱁ. ⰺ ⰵⰳⰴⰰ ⱄⱑⰰⱎⰵ ⱁⰲⱁ ⱂⰰⰴⰵ ⱂⱃⰻ ⱂⱘⱅⰻ ⰻ ⱂⱁⱂⱏⱃⰰⱀⱁ ⰱⱏⰹⱄⱅⱏ. ⰺ ⱂⱅⰻⱌⱔ ⱀⰵⰱ҃ⱄⰽⱏⰹⱗ ⱂⱁⰸⱁⰱⰰⱎⱔ ⰵ.
8:6
ⰰ ⰴⱃⱆⰳⱁⰵ ⱂⰰⰴⰵ ⱀⰰ ⰽⰰⰿⰵⱀⰵ ⰻ ⱂⱃⱁⰸⱔⰱⱏ ⱆⱄⱏⱎⰵ. ⰸⰰⱀⰵ ⱀⰵ ⰻⰿⱑⰰⱎⰵ ⰲⰾⰰⰳⱏⰹ.
8:7
ⰰ ⰴⱃⱆⰳⱁⰵ ⱂⰰⰴⰵ ⱂⱁ ⱄⱃⱑⰴⱑ ⱅⱃⱏⱀⰻⱑ. ⰺ ⰲⱏⰸⰴⱃⰰⱄⱅⰵ ⱅⱃⱏⱀⰻⰵ ⰻ ⱂⱁⰴⰰⰲⰻ ⰵ.
8:8
ⰰ ⰴⱃⱆⰳⱁⰵ ⱂⰰⰴⰵ ⱀⰰ ⰸⰵⰿⰻ ⰴⱁⰱⱃⱑ. ⰺ ⱂⱃⱁⰸⱔⰱⱏ ⱄⱏⱅⰲⱁⱃⰻ ⱂⰾⱁⰴⱏ ⱄⱏⱅⱁⰽⱃⰰⱅⰻⱌⰵⱙ. ⱄⰵ ⰳⰾ҃ⱗ !ⰲⱏⰸⰳⰾⰰⱄⰻ. ⰻⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ.
8:9
ⰲⱏⱂⱃⰰⱎⰰⰰⱈⱘ ⰶⰵ ⰻ ⱆⱍⰵⱀⰻⱌⰻ ⰵⰳⱁ ⰳⰾ҃ⱙⱎⱅⰵ. ⱍⱅⱁ ⰵⱄⱅⱏ ⱂⱃⰻⱅⱏⱍⰰ ⱄⰻ.
8:10
ⱁⱀⱏ ⰶⰵ ⱃⰵⱍⰵ. ⰲⰰⰿⱏ ⰵⱄⱅⱏ ⰴⰰⱀⱁ ⰲⱑⰴⱑⱅⰻ ⱅⰰⰻⱀⱏⰹ !ⱌ!ⱄⱃⱄⱅⰲⰻⱑ ⰱⰶ҃ⰻⱑ. ⰰ ⱂⱃⱁⱍⰻⰻⰿⱏ ⰲⱏ ⱂⱃⰻⱅⱏⱍⰰⱈⱏ. ⰴⰰ ⰲⰻⰴⱔⱎⱅⰵ ⱀⰵ ⰲⰻⰴⱔⱅⱏ. ⰻ ⱄⰾⱏⰹⱎⱔⱎⱅⰵ ⱀⰵ ⱃⰰⰸⱆⰿⱑⱙⱅⱏ.
8:11
ⰵⱄⱅⱏ ⰸⰵ ⱂⱃⰻⱅⱏⱍⰰ ⱄⰻ. Ⱄⱑⰿⱔ ⰵⱄⱅⱏ ⱄⰾⱁⰲⱁ ⰱⰶ҃ⰻⰵ.
8:12
ⰰ ⰻⰶⰵ ⱂⱃⰻ ⱂⱘⱅⰻ ⱄⱘⱅⱏ ⱄⰾⱏⰹⱎⱔⱎⱅⰵⰻ. ⱂⱁ ⱅⱁⰿⱐ ⰶⰵ ⱂⱃⰻⰴⰵⱅⱏ ⰴⰻⱑⰲⱁⰾⱏ. ⰺ ⰲⱏⰸⱏⰿⰵⱅⱏ ⱄⰾⱁⰲⱁ ⱁⱅⱏ ⱄⱃⰴ҃ⱌⰰ ⰻⱈⱏ. ⰴⰰ ⱀⰵ ⰲⱑⱃⱏⰹ ⰵⰿⱏⱎⰵ ⱄⱂ҃ⱄⱀⰻ ⰱⱘⰴⱘⱅⱏ.
8:13
ⰰ ⰻⰶⰵ ⱀⰰ ⰽⰰⰿⰵⱀⰻⰻ. ⰹⰶⰵ ⰵⰳⰴⰰ ⱆⱄⰾⱏⰹⱎⱔⱅⱏ ⱄⱏ ⱃⰰⰴⱁⱄⱅⰻⱙ ⱂⱃⰻⰵⰿⰾⱙⱅⱏ ⱄⰾⱁⰲⱁ. ⰺ ⱄⰻⰻ ⰽⱁⱃⰵⱀⰵ ⱀⰵ ⰻⰿⱘⱅⱏ. ⰺⰶⰵ ⰲⱏ ⰲⱃⱑⰿⱔ ⰲⱑⱃⱘ ⰵⰿⰾⱙⱅⱏ. ⰺ ⰲⱏ ⰲⱃⱑⰿⱔ ⱀⰰⱂⰰⱄⱅⰻ ⱁⱄⱅⱘⱂⰰⱙⱅⱏ.
8:14
ⰰ ⱂⰰⰴⱏⱎⰵⰻ ⰲⱏ ⱅⱃⱏⱀⰻⰻ ⱄⰻⰻ ⱄⱘⱅⱏ ⱄⰾⱏⰹⱎⰰⰲⱏⱎⰵⰻ. ⰺ ⱁⱅⱏ ⰱ[ⰳⰰ]ⰰⱅⱐⱄⱅⰲⰻⱑ ⰻ ⱄⰾⰰⱄⱅⱐⰿⰻ ⰶⰻⱅⰵⰻⱄⰽⱏⰹⰻⰿⰻ ⱈⱁⰴⱔⱋⰵ ⱂⱁⰴⰰⰲⰾⱑⱙⱅⱏ ⱄⱔ. ⰺ ⱀⰵ ⰴⱁ ⰲⱃⱏⱈⰰ ⱂⰾⱁⰴⰰ ⱅⰲⱁⱃⱔⱅⱏ.
8:15
ⰰ ⰵⰶⰵ ⱀⰰ ⰴⱁⰱⱃⱑ ⰸⰵⰿⰻ ⱄⰻⰻ ⱄⱘⱅⱐ. ⰺⰶⰵ ⰴⱁⰱⱃⱁⰿⱐ ⱄⱃⱏⰴⱐⱌⰵⰿⱏ ⰻ ⰱⰾⰰⰳⱁⰿⱐ. ⱄⰾⱏⰹⱎⰰⰲⱏⱎⰵ ⱄⰾⱁⰲⱁ ⰴⱃⱏⰶⱔⱅⱏ. ⰺ ⱂⰾⱁⰴⱏ ⱅⰲⱁⱃⱔⱅⱏ ⰲⱏ ⱅⱃⱏⱂⱑⱀⰻⰻ. :: ::
8:16
Ⱀⰻⰽⱅⱁⰶⰵ ⱆⰱⱆ ⱄⰲⱑⱅⰻⰾⱐⱀⰻⰽⰰ ⰲⱏⰶⰵⰳⱏ. ⱂⱁⰽⱃⱏⰹⰲⰰⰰⱅⱏ ⰵⰳⱁ ⱄⱏⱄⱘⰴⱁⰿⱐ. ⰾⰻ ⱂⱁⰴⱏ ⱁⰴⱃⱏ ⱂⱁⰴⱏⰾⰰⰳⰰⰰⱅⱏ. ⱀⱏ ⱀⰰ ⱄⰲⱑⱎⱅⱏⱀⰻⰽⱏ ⰲⱏⰸⰾⰰⰳⰰⰰⱅⱏ. ⰴⰰ ⰲⱏⱈⱁⰴⱔⱎⱅⰵⰻ ⰲⰻⰴⱔⱅⱏ ⱄⰲⱑⱅⱏ.
8:17
ⱀⱑⱄⱅⱏ ⰱⱁ ⱅⰰⰻⱀⱁ ⰵⰶⰵ ⱀⰵ ⰰⰲⰻⱅⱏ ⱄⱔ. ⱀⰻ ⱆⱅⰰⰵⱀⱁ ⰵⰶⰵ ⱀⰵ ⰱⱘⰴⰵⱅⱏ ⱂⱁⰸⱀⰰⱀⱁ. ⰺ ⰲⱏ ⱑⰲⰾⰵⱀⰻⰵ ⱂⱃⰻⰴⰵⱅⱏ ::
8:18
Ⰱⰾⱓⰴⱑⱅⰵ ⱄⱔ ⱆⰱⱁ ⰽⰰⰽⱁ ⱄⰾⱏⰹⱎⰻⱅⰵ. ⰺⰶⰵ ⰱⱁ ⰻⰿⰰⱅⱏ ⰴⰰⱄⱅⱏ ⱄⱔ ⰵⰿⱆ. ⰰ ⰻⰶⰵ ⱀⰵ ⰻⰿⰰⱅⱏ. ⰻ ⰵⰶⰵ ⰿⱐⱀⰻⱅⱏ ⱄⱔ ⰻⰿⱑⱗ ⱁⱅⱏⰻⰿⰵⱅⱏ ⱄⱔ ⱁⱅⱏ ⱀⰵⰳⱁ ::
8:19
Ⱂⱃⰻⰴⱘ ⰶⰵ ⰽⱏ ⱀⰵⰿⱆ ⰿⰰⱅⰻ ⰻ ⰱⱃⰰⱅⱃⰻⱑ ⰵⰳⱁ. ⰺ ⱀⰵ ⰿⱁⰶⱑⰰⱈⱙ ⰱⰵⱄⱑⰴⱁⰲⰰⱅⰻ ⰽⱏ ⱀⰵⰿⱆ ⱀⰰⱃⱁⰴⱁⰿⱐ.
8:20
ⰺ ⰲⱐⰸⰲⱑⱄⱅⰻⱎⱔ ⰵⰿⱆ ⰳⰾ҃ⱘⱎⱅⰵ. ⱑⰽⱁ ⰿⰰⱅⰻ ⱅⰲⱁⱑ ⰻ ⰱⱃⰰⱅⱃⱐⱑ ⱅⰲⱁⱑ ⰲⱐⱀⱑ ⱄⱅⱁⱗⱅⱏ. ⰲⰻⰴⱑⱅⰻ ⱅⱔ ⱈⱁⱅⱔⱎⱅⰵ.
8:21
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰽⱏ ⱀⰻⰿⱏ. ⰿⰰⱅⰻ ⰿⱁⱑ ⰻ ⰱⱃⰰⱅⱃⱐⱑ ⰿⱁⱑ ⱄⰻⰻ ⱄⱘⱅⱏ. ⱄⰾⱏⰹⱎⱔⱋⰵⰻ ⱄⰾⱁⰲⱁ ⰱⰶ҃ⰻⰵ ⰻ ⱅⰲⱁⱃⱔⱎⱅⰵ ⰵ :: ⰽ!ⱌ ::
8:22
Ⰱⱏⰹⱄⱅⱏ ⰶⰵ ⰲⱏ ⰵⰴⰻⱀⱏ ⱁⱅⱏ ⰴⱏⱀⰵⰻ. ⰺ ⱅⱏ ⰲⱏⰾⱑⰸⰵ ⰲⱏ ⰽⱁⱃⰰⰱⱏ. ⰺ ⱆⱍⰵⱀⰻⱌⰻ{ⱌⰻ} ⰵⰳⱁ. ⰺ ⱃⰵⱍⰵ ⰽⱏ ⱀⰻⰿⱏ ⱂⱃⱑⱑⰴⱑⰿⱏ ⱀⰰ ⱁⱀⱏ ⱂⱁⰾⱏ ⰵⰸⰵⱃⰰ.
8:23
ⰺ ⰲⱏⱑⰴⱘ ⱑⰴⱘⱎⱅⰵⰿⱏ ⰶⰵ ⰻⰿⱏ. ⱆⱄⱏⱂⰵ. ⰺ ⱄⱏⱀⰻⰴⰵ ⰱⱘⱃⱑ ⰲⱑⱅⱃⱏⱀⰰ ⰲⱏ ⰵⰸⰵⱃⱁ. ⰺ ⰻⱄⰽⱁⱀⱐⱍⰰⰲⰰⰰⱈⱘ ⱄⱔ ⰻ ⰲⱏⰾⰰⰰⱈⱘ ⱄⱔ.
8:24
ⱂⱃⰻⱄⱅⱘⱂⱐⱎⰵ ⰶⰵ ⰲⱏⰸⰱⱆⰴⰻⱎⱔ ⰻ ⰳⰾ҃ⱙⱎⱅⰵ. . . . ⱀⰰⱄⱅⰰⰲⱏⱀⰻⱍⰵ ⱂⱁⰳⱏⰹⰱⰾⰵⰿⱐ. ⱁⱀⱏ ⰶⰵ ⰲⱏⱄⱅⰰⰲⱏ ⰸⰰⱂⱃⱑⱅⰻ ⰲⱑⱅⱃⱆ. ⰺ ⰲⰾⱏⱀⰵ[ⱀ]ⰻⱓ ⰲⱁⰴⱏⱀⱆⰿⱆ ⰻ [ⱆ]ⰾⰵⰶⰵ. ⰺ ⰱⱏⰹⱄⱅⱏ ⱅⰻⱎⰻⱀⰰ.
8:25
ⰺ ⱃⰵⱍⰵ ⰽⱏ ⱀⰻⰿⱏ. ⰽⱏⰴⰵ ⰵⱄⱅⱏ ⰲⱑⱃⰰ ⰲⰰⱎⰰ. ⱆⰱⱁⱑⰲⱏⱎⰵ ⰶⰵ ⱄⱔ. ⱍⱓⰴⰻⱎⱔ ⱄⱔ ⰳⰾ҃ⱙⱎⱅⰵ ⰽⱏ ⱄⰵⰱⱑ. ⰽⱏⱅⱁ ⱆⰱⱁ ⱄⱏ ⰵⱄⱅⱏ. ⱑⰽⱁ ⰻ ⰲⱑⱅⱃⱁⰿⱐ ⰲⰵⰾⰻⱅⱏ ⰻ ⰲⱁⰴⱑ. ⰺ ⱂⱁⱄⰾⱆⱎⰰⱙⱅⱏ ⰵⰳⱁ.
8:26
ⰺ ⱂⱃⱑⱑⰴⱘ ⱀⰰ ⰸⰵⰿⰾⱙ ⰳⰰⰴⰰⱃⰻⱀⱏⱄⰽⱘ{ⱙ}. ⱑⰶⰵ ⰵⱄⱅⱏ ⱁⰱ ⱁⱀⱏ ⱂⱁⰾⱏ ⰳⰰⰾⰻⰾⱑⱗ
8:27
ⰺⱎⰵⰴⱏⱎⱓ ⰶⰵ ⰵⰿⱆ ⱀⰰ ⰸⰵⰿⰾⱙ. ⱄⱏⱃⱑⱅⰵ ⰻ ⰿⱘⰶⱏ ⰵⰴⰻⱀⱏ ⱁⱅⱏ ⰳⱃⰰⰴⰰ. ⰺⰶⰵ ⰻⰿⱑ ⰱⱑⱄⱏⰹ ⱁⱅⱏ ⰾⱑⱅⱏ ⰿⱏⱀⱁⰳⱏ. ⰺ ⰲⱐ ⱃⰻⰸⱘ ⱀⰵ ⱁⰱⰾⰰⱍⰰⰰⱎⰵ ⱄⱔ. ⰺ ⰲⱏ ⱈⱃⰰⰿⱑ ⱀⰵ ⰶⰻⰲⱑⰰⱎⰵ. ⱀⱏ ⰲⱏ ⰳⱃⱁⰱⱑⱈⱏ.
8:28
ⱆⰸⱐⱃⱑⰲⱏ ⰶⰵ ⰻⱄ҃ⰰ ⰻ ⰲⱏⰸⱏⱂⰻⰲⱏ. ⱂⱃⰻⱂⰰⰴⰵ ⰽⱏ ⱀⰵⰿⱆ. ⰺ ⰳⰾⰰⱄⱁⰿⱐ ⰲⰵⰾⰻⰵⰿⱐ ⱃⰵⱍⰵ. ⱍⱅⱁ ⰵⱄⱅⱏ ⰿⱏⱀⱑ ⰻ ⱅⰵⰱⱑ ⰻⱄ҃ⰵ. ⱄⱀ҃ⰵ ⰱ҃ⰰ ⰲⱏⰹⱎⱏⱀⱑⰰⰳⱁ. ⰿⱁⰾⱙ ⱅⰻ ⱄⱔ ⱀⰵ ⰿⱘⱍⰻ ⰿⰵⱀⰵ.
8:29
ⱂⱃⱑⱎⱅⰰⰰⱎⰵ ⰱⱁ ⰴⱆⱈⱁⰲⰻ ⱀⰵⱍⰻⱄⱅⱆⱆⰿⱆ ⰺⰸⰻⱅⰻ ⱁⱅⱏ ⱍⰾ҃ⰽⰰ. ⱁⱅⱏ ⰿⱏⱀⱁⰳⱏ ⰱⱁ ⰾⱑⱅⱏ ⰲⱏⱄⱈⱏⰹⱎⱅⰰⰰⱎⰵ ⰻ. ⰺ ⰱⱔⰸⰰⰰⱈⱘ ⰻ ⱘⰶⰻ ⰶⰵⰾⱑⰸⱀⱏⰹ. ⰺ ⱂⱘⱅⱏⰹ ⱄⱅⱃⱑⰳⱘⱎⱅⰵⰻ. ⰺ ⱃⰰⱄⱅⱃⱏⰷⰰⰲⱏ ⱘⰸⱏⰹ. ⰳⱁⱀⰻⰿⱏ ⰱⱏⰹⰲⰰⰰⱎⰵ ⰱⱑⱄⱁⰿⱏ ⱄⰽⰲⱁⰸⱑ ⱂⱆⱄⱅⱏⰹⱀⱙ.
8:30
ⰲⱏⱂⱃⱁⱄⰻ ⰶⰵ ⰻ ⰻⱄ҃ⱏ ⰳⰾ҃ⱔ ⱍⱅⱁ ⱅⰻ ⰻⰿⱔ ⰵⱄⱅⱏ. ⱁⱀⱏ ⰶⰵ ⱃⰵⱍⰵ ⰾⰵⰼⰵⱁⱀⱏ. ⱑⰽⱁ ⰱⱑⱄⰻ ⰿⱏⱀⱁⰷⰻ ⰲⱏⱀⰻⰴⱘ ⰲⱁ ⱀⱐ.
8:31
ⰺ ⰿⱁⰾⱑⰰⱈⱘ ⰻ ⰴⰰ ⱀⰵ ⱂⱁⰲⰵⰾⰻⱅⱏ ⰻⰿⱏ ⰲⱏ ⰱⰵⰸⰴⱏⱀⱘ ⰻⱅⰻ
8:32
ⰱⱑ ⰶⰵ ⱅⱆ ⱄⱅⰰⰴⱁ ⱄⰲⰻⱀⰻⰻ ⰿⱏⱀⱁⰳⱁ ⱂⰰⱄⱁⰿⱁ ⰲⱏ ⰳⱁⱃⱑ. ⰺ ⰿⱁⰾⰻⱎⱔ ⰻ ⰴⰰ ⱂⱁⰲⰵⰾⰻⱅⱏ ⰻⰿⱏ ⰲⱏ ⱅⱏⰻ ⰲⱏⱀⰻⱅⰻ. ⰺ ⱂⱁⰲⰵⰾⱑ ⰻⰿⱏ.
8:33
ⰺⱎⰵⰴⱏⱎⰵ ⰸⱔ ⰱⱑⱄⰻ ⱁⱅⱏ ⱍⰾⰲ҃ⰽⰰ. ⰲⱏⱀⰻⰴⱘ ⰲⱏ ⱄⰲⰻⱀⰻⱗ. ⰺ ⱆⱄⱅⱃⱏⰿⰻ ⱄⱔ ⱄⱅⰰⰴⱁ ⱂⱁ ⰱⱃⱑⰳⱆ ⰲⱏ ⰵⰸ!ⱃⱁ ⰻ ⰻⱄⱅⱁⱂⰵ.
8:34
ⰲⰻⰴⱑⰲⱏⱎⰵ ⰶⰵ ⱂⰰⱄⱘⱎⱅⰵⰻ ⰱⱏⰹⰲⱏⱎⰵⰵ ⰱⱑⰶⰰⱎⱔ ⰻ ⰲⱏⰸⰲⱑⱄⱅⰻⱎⱔ ⰲⱏ ⰳⱃⰰⰴⱑ ⰻ ⰲⱏ ⱄⰵⰾⱑⱈⱏ.
8:35
ⰺⰸⰻⰴⱘ ⰶⰵ ⰲⰻⰴⱑⱅⱏ ⰱⱏⰹⰲⱏⱎⰰⰰⰳⱁ. ⰺ ⱂⱃⰻⰴⱁ ⰽⱏ ⰻⱄ҃ⰲⰻ. ⰺ ⱁⰱⱃⱑⱅⱘ ⱄⱑⰴⱔⱎⱅⰰ !ⱍⰽⰰ. ⰺⰸ ⱀⰵⰳⱁⰶⰵ ⰱⱑⱄⰻ ⰻⰸⰻⰴⱘ. ⱁⰱⰾⱏⱍⰵⱀⰰ ⰻ ⱄⱏⰿⱏⰹⱄⰾⱔⱎⱅⰰ ⱂⱃⰻ ⱀⱁⰳⱆ ⰻⱄ҃ⰲⱆ. ⰺ ⱆⰱⱁⱑⱎⱔ ⱄⱔ.
8:36
ⰲⱏⰸⰲⱑⱄⱅⰻⱎⱔ ⰶⰵ ⰻⰿⱏ ⰻ ⰲⰻⰴⱑⰲⱏⱎⰵⰻ ⰽⰰⰽⱁ ⱄⱏⱂⰰⱄⰵ ⱄⱔ ⰱⱑⱄⱏⱀⱁⰲⰰⰲⱏⰹ.
8:37
ⰺ ⰿⱁⰾⰻⱎⱔ ⰻ ⰲⱐⱄⱏ ⱀⰰⱃⱁⰴⱏ ⱁⰱⰾⰰⱄⱅⰻ ⰳⰰⰴⰰⱃⰻⱀⱏⱄⰽⱏⰹⱗ. ⱁⱅⰻⱅⰻ ⱁⱅⱏ ⱀⰻⱈⱏ. ⱑⰽⱁ ⱄⱅⱃⰰⱈⱁⰿⱐ ⰲⰵⰾⰻⰵⰿⱐ ⱁⰴⱃⱏⰶⰻⰿⰻ ⰱⱑⰰⱈⱘ. ⱁⱀⱏ ⰶⰵ ⰲⱏⰾⱑⰸⱏ ⰲⱏ ⰽⱁⱃⰰⰱⱏ ⰲⱏⰸⰲⱃⰰⱅⰻ ⱄⱔ.
8:38
Ⰿⱁⰾⱑⰰⱎⰵ ⰶⰵ ⱄⱔ ⰵⰿⱆ ⰿⱘⰶⱏ. ⰺⰸ ⱀⰵⰳⱁⰶⰵ ⰻⰸⰻⰴⱘ ⰱⱑⱄⰻ. ⰴⰰ ⰱⰻ ⱄⱏ ⱀⰻⰿⱐ ⰱⱏⰹⰾⱏ. ⰺⱄ҃ⱏ ⰶⰵ ⱁⱅⱏⱂⱆⱄⱅⰻ ⰻ ⰳⰾ҃ⱔ.
8:39
ⰲⱏⰸⰲⱃⰰⱅⰻ ⱄⱔ ⰲⱏ ⰴⱁⰿⱏ ⱅⰲⱁⰻ. ⰻ ⱂⱁⰲⱑⰴⰰⰻ ⰵⰾⰻⰽⱁ ⱅⰻ ⱄⱏⱅⰲⱁⱃⰻ ⰱ҃ⱏ. ⰺ ⰻⰴⰵ ⱂⱁ ⰲⱐⱄⰵⰿⱆ ⰳⱃⰰⰴⱆ. ⱂⱃⱁⱂⱁⰲⱑⰴⰰⱗ ⰵⰾⰻⰽⱁ ⱄⱏⱅⰲⱁⱃⰻ ⰵⰿⱆ ⰻⱄ҃ⱏ :: ⰽ!ⱌ ::
8:40
ⰱⱏⰹⱄⱅⱏ ⰶⰵ ⰵⰳⰴⰰ ⰲⱏⰸⰲⱃⰰⱅⰻ ⱄⱔ ⰻⱄ҃ⱏ ⱂⱃⰻⱗⱅⱏⰹ ⰻ ⱀⰰⱃⱁⰴⱏ. ⰱⱑⰰⱈⱘ ⰱⱁ ⰲⱐⱄⰻ ⱍⰰⱙⱎⱅⰵ ⰵⰳⱁ ::
8:41
Ⰺ ⱄⰵ ⱂⱃⰻⰴⰵ ⰿⱘⰶⱐ ⰽⱏ ⰻⱄ҃ⱆ. ⰵⰿⱆⰶⰵ ⰱⱑ ⰻⰿⱔ ⰻⰰⰻⱃⱏ. ⰺ ⱅⱏ ⰽⱏⱀⱔⰸⱏ ⱄⱏⱀⱐⰿⰻⱎⱅⱓ ⰱⱑ. ⰺ ⱂⰰⰴⱏ ⱂⱃⰻ ⱀⱁⰳⱆ ⰻⱄ҃ⰲⱆ. ⰿⱁⰾⱑⰰⱎⰵ ⰻ ⰲⱏⱀⰻⱅⰻ ⰲⱏ ⰴⱁⰿⱏ ⱄⰲⱁⰻ.
8:42
ⱑⰽⱁ ⰴⱏⱎⱅⰻ ⰻⱀⱁⱍⱔⰴⰰ ⰱⱑ ⰵⰿⱆ. ⱑⰽⱁ ⰴⱏⰲⱁⱓ ⱀⰰ ⰴⰵⱄⱔⱅⰵ ⰾⱑⱅⱆ. ⰻ ⱅⰰ ⱆⰿⰻⱃⰰⰰⱎⰵ. ⰵⰳⰴⰰ ⰻⰴⱑⰰⱎⰵ ⱀⰰⱃⱁⰴⰻ ⱆⰳⱀⱑⱅⰰⰰⱈⱘ ⰻ.
8:43
ⰺ ⰶⰵⱀⰰ ⱄⱘⱎⱅⰻ ⰲⱏ ⱅⱁⱍⰵⱀⰻⰻ ⰽⱃⱏⰲⰵ. ⱁⱅⱏ ⰴⱏⰲⱁⱙ ⱀⰰ ⰴⰵⱄⱔⱅⰵ ⰾⱑⱅⱆ. ⱑⰶⰵ ⰱⰰⰾⰻⱑⰿⱏ ⰻⰸⰴⰰⱑⰲⱏⱎⰻ ⰲⱐⱄⰵ ⰻⰿⱑⱀⰻⰵ. ⱀⰻ ⱁⱅⱏ ⰵⰴⰻⱀⱁⰳⱁ ⰶⰵ ⱀⰵ ⰿⱁⰶⰵ ⰻⱄⱌⱑⰾⱑⱅⰻ.
8:44
ⱂⱃⰻⱄⱅⱘⱂⱐⱎⰻ ⱄⱏ ⱄⰾⱑⰴⰰ ⰽⱁⱄⱀⱘ ⱄⱔ ⰲⱐⱄⰽⱃⰻⰾⰻⰻ ⱃⰻⰸⱏⰹ ⰵⰳⱁ. ⰺ ⰰⰱⰻⰵ ⱄⱅⰰ ⱅⱁⰽⱏ ⰽⱃⱏⰲⰵ ⰵⱗ.
8:45
ⰺ ⱃⰵⱍⰵ ⰻⱄ҃ⱏ. ⰽⱏⱅⱁ ⰵⱄⱅⱏ ⰽⱁⱄⱀⱘⰲⱏⰹ ⱄⱔ ⰿⱐⱀⱑ. ⱁⱅⱏⰿⰵⱅⰰⱙⱎⱅⰵⰿⱏ ⰶⰵ ⱄⱔ ⰲⱏⱄⱑⰿⱏ. ⱃⰵⱍⰵ ⱂⰵⱅⱃⱏ ⰻ ⰻⰶⰵ ⱄⱏ ⱀⰻⰿⱐ ⰱⱑⰰⱈⱘ. ⱀⰰⱄⱅⰰⰲⱏⱀⰻⱍⰵ ⱀⰰⱃⱁⰴⰻ ⱆⱅⱑⱎⱅⰰⱙⱅⱏ ⱅⱔ ⰻ ⰳⱀⰵⱅⱘⱅⱏ. ⰺ ⰳⰾ҃ⰵⱎⰻ ⰽⱏⱅⱁ ⰵⱄⱅⱏ ⰽⱁⱄⱀⱘⰲⱏⰹ ⱄⱔ ⰿⱐⱀⱑ.
8:46
ⰺⱄ҃ⱏ ⰶⰵ ⱃⰵⱍⰵ ⱂⱃⰻⰽⱁⱄⱀⱘ ⱄⱔ ⰿⱐⱀⱑ ⱀⱑⰽⱏⱅⱁ. ⰰⰸⱏ ⰱⱁ ⱌⱓⱈⱏ ⱄⰻⰾⱘ ⰻⱎⰵⰴⱏⱎⱓ ⰻⰸ ⰿⰵⱀⰵ.
8:47
ⰲⰻⰴⱑⰲⱏⱎⰻ ⰶⰵ ⰶⰵⱀⰰ ⱑⰽⱁ ⱀⰵ ⱆⱅⰰⰻ ⱄⱔ. ⱅⱃⰵⱂⰵⱋⱘⱋⰻ ⱃ҅ⰻⰴⰵ. ⰺ ⱂⰰⰴⱏⱎⰻ ⱂⱃⱑⰴⱏ ⱀⰻⰿⱏ. ⰸⰰ ⱀⱙⰶⰵ ⰲⰻⱀⱘ ⱂⱃⰻⰽⱁⱄⱀⱘ ⱄⱔ ⰵⰿⱏ. ⱂⱁⰲⱑⰴⱑ ⰵⰿⱆ ⱂⱃⱑⰴⱏ ⰲⱐⱄⱑⰿⰻ ⰾⱓⰴⱐⰿⰻ. ⰺ ⱑⰽⱁ ⰻⱄⱌⱑⰾⱑ ⰰⰱⰻⰵ.
8:48
ⱁⱀⱏ ⰶⰵ ⱃ[ⰵ]ⱍⰵ ⰵⰻ ⰴⱃⱏⰸⰰⰻ ⰴⱏⱎⱅⰻ ⰲⱑⱃⰰ ⱅⰲⱁⱑ ⱄⱂ҃ⱄⱅⱔ ⰻⰴⰻ ⰲⱏ ⰿⰻⱃⱏ.
8:49
ⰵⱋⰵ ⰵⰿⱆ ⰳⰾ҃ⱙⱎⱅⱆ. ⱂⱃⰻⰴⰵ ⰵⰴⰻⱀⱏ ⱁⱅⱏ ⰰⱃⱈⰻⱄⱛⱀⰰⰳⱁⰳⰰ ⰳⰾ҃ⱔ ⰵⰿⱆ. ⱑⰽⱁ ⱆⰿⱏⱃⱑⱅⱏ ⰴⱏⱎⱅⰻ ⱅⰲⱁⱑ ⱀⰵ ⰴⰲⰻⰶⰻ ⱆⱍⰻⱅⰵⰾⱑ.
8:50
ⰺⱄ҃ⱏ ⰶⰵ ⱄⰾⱏⰹⱎⰰⰲⱏ ⱁⱅⱏⰲⱑⱎⱅⰰ ⰵⰿⱆ ⰳⰾ҃ⱔ. ⱀⰵ ⰱⱁⰻ ⱄⱔ ⱅⱏⰽⰿⱁ ⰲⱑⱃⱆⰻ ⰻ ⱄⱂ҃ⱄⱀⰰ ⰱⱘⰴⰵⱅⱏ.
8:51
ⱂⱃⰻⱎⰵⰴⱏ ⰶⰵ ⰲⱏ ⰴⱁⰿⱏ ⱀⰵ ⰴⰰ ⱀⰻⰽⱁⰿⱆⰶⰵ ⰲⱐⱀⰻⱅⰻ ⱅⱁⰽⰿⱁ ⱂⰵⱅⱃⱁⰲⰻ. ⰻ ⰻⱁⰰⱀⱆ ⰻ ⰻⱑⰽⱁⰲⱆ. ⰺ ⱁⱅ҃ⱌⱓ ⱁⱅⱃⱁⰽⱁⰲⰻⱌⱔ ⰻ ⰿⰰⱅⰵⱃⰻ.
8:52
ⱃⱏⰹⰴⰰⰰⱈⱘ ⰶⰵ ⰲⱐⱄⰻ. ⰻ ⱂⰾⰰⰽⰰⰰⱈⱘ ⱄⱔ ⰵⱗ. ⱁⱀⱏ ⰶⰵ ⱃⰵⱍⰵ ⱀⰵ ⱂⰾⰰⱍⰻⱅⰵ ⱄⱔ ⰵⱗ. ⱀⱑⱄⱅⱏ ⱆⰿⱃⱏⰾⰰ ⱀⱏ ⱄⱏⱂⰻⱅⱏ.
8:53
ⰺ ⱃⱘⰳⰰⰰⱈⱘ ⱄⱔ ⰵⰿⱆ ⰲⱑⰴⱘⱎⱅⰵ ⱑⰽ[ⱁ] ⱆⰿⱐⱃⱑⱅⱏ.
8:54
ⱁⱀⱏ ⰶⰵ ⰻⰸⰳⱏⱀⰰⰲⱏ ⰲⱐⱄⱔ ⰲⱁⱀⱏ. ⰺ ⰵⰿⱏ ⱙ ⰸⰰ ⱃⱘⰽⱘ ⰲⱏⰸⰳⰾⰰⱄⰻ ⰳⰾ҃ⱔ. ⱁⱅⱃⱁⰽⱁⰲⰻⱌⰵ ⰲⱏⱄⱅⰰⱀⰻ.
8:55
ⰻ ⰲⱏⰸⰲⱃⰰⱅⰻ ⱄⱔ ⰴⱈ҃ⱏ ⰵⱗ. ⰺ ⰲⱏⱄⰽⱃⱏⱄⰵ ⰰⰱⰻⰵ. ⰺ ⱂⱁⰲⰵⰾⱑ ⰴⰰⱅⰻ ⰵⰻ ⱑⱄⱅⰻ.
8:56
ⰺ ⱆⰶⰰⱄⰵⱅⰵ ⱄⱔ ⱃⱁⰴⰻⱅⰵⰾⱑ ⰵⱗ. ⱁⱀⱏ ⰸⰵ ⰸⰰⱂⱃⱑⱅⰻ ⰻⰿⰰ ⱀⰵ ⱂⱁⰲⱑⰴⱑⱅⰻ ⱀⰻⰽⱁⰿⱆⰶⰵ ⰱⱏⰹⰲⱏ[ⱎ]ⰰⰳⱁ :: ⰽ!ⱌ ::