ⰵⰳⰴⰰ ⱄⱏⰽⱁⱀⱐⱍⰰ ⰲⱐⱄⱔ ⰳⰾ҃ⱏⰹ ⱄⰻⱗ. ⰲⱏ ⱄⰾⱆⱈⱏⰹ ⰾⱓⰴⰵⰿⱐ. ⰲⱏⱀⰻⰴⰵ {ⰲⱏ}ⰲⱏ ⰽⰰⱂⰵⱃⱏⱀⰰⱆⰿⱏ :: :: ⰸ!ⱍ ::

Ⱄⱏⱅⱏⱀⰻⰽⱆ ⰶⰵ ⰵⱅⰵⱃⱆ ⱃⰰⰱⱏ ⰱⱁⰾⱔ ⰸⱏⰾⱑ ⱆⰿⰻⱃⰰⰰⱎⰵ. ⰺⰶⰵ ⰱⱑ ⰵⰿⱆ ⱍⱏⱄⱅⰵⱀⱏ.

ⱄⰾⱏⰹⱎⰰⰲⱏ ⰶⰵ ⱁ ⰻⱄ҃ⱑ. ⱂⱁⱄⱏⰾⰰ ⰽⱏ ⱀⰵⰿⱆ ⱄⱅⰰⱃⱏⱌⱔ ⰻⱓⰴⰵⰻⱄⰽⱏⰹ. ⰿⱁⰾⱔ ⰻ ⰴⰰ ⱂⱃⰻⱎⰵⰴⱏ ⱄⱂ҃ⱄⱅⱏ ⱃⰰⰱⰰ ⰵⰳⱁ.

ⱁⱀⰻ ⰶⰵ ⱂⱃⰻⱎⰵⰴⱏⱎⰵ ⰽⱏ ⰻⱄ҃ⰲⰻ. ⰿⱁⰾⱑⰰⱈⱘ ⰻ ⱅⱏⱎⱅⱏⱀⱁ ⰳⰾ҃ⱙⱎⱅⰵ ⱑⰽⱁ ⰴⱁⱄⱅⱁⰻⱀⱏ ⰵⱄⱅⱏ. ⰵⰶⰵ ⰰⱎⱅⰵ ⰴⰰⱄⰻ ⰵⰿⱆ.

ⰾⱓⰱⰻⱅⱏ ⰱⱁ !ⱗⰸⰽⱏ ⱀⰰⱎⱏ. ⰺ ⱄⱏⱀⱐⰿⰻⱎⱅⰵ ⱅⱏ ⱄⱏⰸⱏⰴⰰ ⱀⰰⰿⱏ.

ⰻⱄ҃ⱏ ⰶⰵ ⰻⰴⱑⰰⱎⰵ ⱄⱏ ⱀⰻⰿⰻ. ⰵⱎⱅⰵ ⰶⰵ ⰵⰿⱆ ⱀⰵⰴⰰⰾⰵⱍⰵ ⱄⱘⱋⱆ ⱁⱅⱏ ⰴⱁⰿⱆ. ⱂⱁⱄⱏⰾⰰ ⰽⱏ ⱀⰵⰿⱆ ⰴⱃⱆⰳⱏⰹ ⱄⱏⱅⱐⱀⰻⰽⱏ ⰳⰾ҃ⱔ ⰵⰿⱆ. ⰳ҃ⰻ ⱀⰵ ⰴⰲⰻⰶⰻ ⱄⱔ. ⱀⱑⱄⰿⱏ ⰱⱁ [ⰴⱁ]ⱄⱅⱁⰻⱀⱏ ⰴⰰ ⱂⱁⰴⱏ ⰽⱃⱁⰲⱏ ⰿⱁⰻ ⰲⱏⱀⰻⰴⰵⱎⰻ.

ⱅⱑⰿⱐ ⰶⰵ ⱀⰻ ⱄⰵⰱⰵ ⰴⱁⱄⱅⱁⰻⱀⰰ ⱄⱏⱅⰲⱁⱃⰻⱈⱏ ⱂⱃⰻⱅⰻ ⰽⱏ ⱅⰵⰱⱑ. ⱀⱏ ⱃⱏⱌⰻ ⱄⰾⱁⰲⱁⰿⱏ ⰻ ⰻⱄⱌⱑⰾⱑⰵⱅⱏ ⱁⱅⱃⱁⰽⱏ ⰿⱁⰻ.

ⰺⰱⱁ ⰰⰸⱏ ⱍⰾⰲ҃ⰽⱏ ⰵⱄⰿⱏ ⱂⱁⰴⱏ ⰲⰾⰰⱄⱅⰵⰾⱏⰹ ⱆⱍⰻⱀⰵⱀⱏ. ⰺⰿⱑⱗ ⱂⱁⰴⱏ ⱄⱁⰱⱁⱙ ⰲⱁⱗ. ⰺ ⰳⰾ҃ⱙ ⱄⰵⰿⱆ ⰻⰴⰻ ⰻ ⰻⰴⰵⱅⱏ. ⰺ ⰴⱃⱆⰳⱆⰿⱆ ⱂⱃⰻⰴⰻ ⰻ ⱂⱃⰻⰴⰵⱅⱏ. ⰺ ⱃⰰⰱⱆ ⰿⱁⰵⰿⱆ ⱄⱏⱅⰲⱁⱃⰻ ⱄⰵ ⰻ ⱄⱏⱅⰲⱁⱃⰻⱅⱏ.

ⱄⰾⱏⱎⰰⰲⱏ ⰶⰵ ⱄⰵ ⰻⱄ҃ⱏ ⱍⱓⰴⰻ ⱄⱔ ⰵⰿⱆ. ⰺ ⱁⰱⱃⰰⱎⱅⱏ ⱄⱔ ⱂⱁⱄⰾⱑⰴⱆⱙⱎⱅⱆⰿⱆ ⱀⰰⱃⱁⰴⱆ ⱃⰵⱍⰵ. ⰳⰾ҃ⱙ ⰲⰰⰿⱏ ⱀⰻ ⰲⱏⰹ ⰻⰸ҃ⰾⰻ ⱅⱁⰾⰻⰽⱁⱗ ⰲⱑⱃⱏⰹ [ⱀⰵ] ⱁⰱⱃⱑⱅⱏ.

ⰺ ⰲⱏⰸⰲⱃⰰⱎⱅⱏⱎⰵ ⱄⱔ ⰲⱏ ⰴⱁⰿⱏ ⱂⱁⱄⱏⰾⰰⱀⰻⰻ. ⱁⰱⱃⱑⱅⱘ ⰱⱁⰾⱔⱎⱅⰰⰰⰳⱁ ⱃⰰⰱⰰ ⰻⱄⱌⱑⰾⱑⰲⱏⱎⰰ. :: ⰽ!ⱌ ::

ⰺ ⰱⱏⰹⱄⱅⱏ ⰲⱏ ⱂⱃⱁⱍⰻⰻ. ⰺⰴⱑⰰⱎⰵ ⰻⱄ҃ⱏ ⰲⱏ ⰳⱃⰰⰴⱏ ⱀⰰⱃⰻⱌⰰⰵⰿⱏⰹⰻ ⱀⰰⰻⱀⱏ. ⰺ ⱄⱏ ⱀⰻⰿⱐ ⰻⰴⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ ⱀⰰⱃⱁⰴⱏ ⰿⱏⱀⱁⰳⱏ.

ⱑⰽⱁ ⰶⰵ ⱂⱃⰻⰱⰾⰻⰶⰻ ⱄⱔ ⰽⱏ ⰲⱃⰰⱅⱁⰿⱏ ⰳⱃⰰⰴⰰ. ⰺ ⱄⰵ ⰻⰸⱀⱁⱎⰰⰰⱈⱘ ⱆⰿⰵⱃⱁⱎⱏ ⱄⱀ҃ⱏ ⰻⱀⱁⱍⱔⰴⱏ ⰿⰰⱅⰵⱃⰻ ⱄⰲⱁⰵⰻ. ⰺ ⱅⰰ ⰱⱑ ⰲⱏⰴⱁⰲⰰ. ⰺ ⱀⰰⱃⱁⰴⱏ ⱁⱅⱏ ⰳⱃⰰⰴⰰ ⰿⱏⱀⱁⰳⱏ ⰱⱑ ⱄⱏ ⱀⰵⱙ.

ⰺ ⰲⰻⰴⱑⰲⱏ ⱙ ⰳ҃ⱏ ! ⰿⰻⰾⱁⱄⱃⰴⱁⰲⰰ ⱙ. ⰺ ⱃⰵⱍⰵ ⰵⰻ ⱀⰵ ⱂⰾⰰⱍⰻ ⱄⱔ.

ⰺ ⱂⱃⰻⱄⱅⱘⱂⱐ ⰽⱁⱄⱀⱘ ⰲⱏ ⱁⰴⱃⱏ. ⱀⱁⱄⱔⱎⱅⰵⰻ ⰶⰵ ⱄⱅⰰⱎⱔ. ⰺ ⱃⰵⱍⰵ ⱓⱀⱁⱎⱔ ⱅⰵⰱⱑ ⰳⰾ҃ⱙ ⰲⱏⱄⱅⰰⱀⰻ.

ⰺ ⱄⱑⰴⰵ ⰿⱃⱏⱅⰲⱏⰹ ⰻ ⱀⰰⱍⱔⱅⱏ ⰳⰾ҃ⰰⱅⰻ. ⰺ ⰴⰰⱄⱅⱏⰹ ⰻ ⰿⰰⱅⰵⱃⰻ ⰵⰳⱁ.

Ⱂⱃⰻⱗⱅⱏ ⰶⰵ ⱄⱅ[ⱃ]ⰰⱈⱏ ⰲⱐⱄⱔ. ⰺ ⱄⰾⰰⰲⰾⱑⰰⱈⱘ ⰱ҃ⰰ ⰳⰾ҃ⱘⱎⱅⰵ. ⱑⰽⱁ ⱂ!ⱃⰽⱏ ⰲⰵⰾⰻⰽⱏ ⰲⱏⱄⱅⰰ ⰲⱏ ⱀⰰⱄⱏ. ⰺ ⱑⰽⱁ ⱂⱁⱄⱑⱅⰻ !ⰳⱐ ⰱ҃ⱏ ⰾⱓⰴⰵⰻ ⱄⰲⱁⰻⱈⱏ :: ⰽ!ⱌ ::

ⰺ ⰻⰸⰻⰴⰵ ⱄⰾⱁⰲⱁ ⱄⰵ ⱂⱁ ⰲⱐⱄⰵⰻ ⰻⱓⰴⰵⰻ ⱁ ⱀⰵⰿⱐ. ⰺ ⱂⱁ ⰲⱐⱄⰵⰻ ⱄⱅⱃⰰⱀⱑ.

ⰺ҅ ⰲⱐⰸⰲⱑⱄⱅⰻⱎⱔ ⰻⱁⰰⱀⱆ ⱆⱍⰵⱀⰻⱌⰻ [ⰵⰳⱁ] ⱁ ⰲⱐⱄⱑⱈⱏ ⱄⰻⱈⱏ.

ⰺ ⱂⱃⰻⰸⱏⰲⰰⰲⱏ ⰴⱏⰲⰰ ⰵⱅⰵⱃⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰻⱈⱏ ⰻⱁⰰⱀⱏ. ⱂⱁⱄⱏⰾⰰⰽⱏ ⰻⱄ҃ⰲⰻ ⰳⰾ҃ⱔ. ⱅⱏⰹ ⰾⰻ ⰵⱄⰻ ⰳⱃⱔⰴⱏⰹⰻ : ⰾⰻ ⰻⱀⱁⰳⱁ ⱍⰰⰵⰿⱏ.

ⱂⱃⰻⱎⱐⰴⱏⱎⰰ ⰶⰵ ⰽⱏ ⱀⰵⰿⱆ ⰿⱘⰶⰰ ⱃⱑⱄⱅⰵ. ⰺⱁⰰⱀⱏ ⰽ[ⱃⱏ]ⱄⱅⰻⱅⰵⰾⱐ ⱂⱁⱄⱏⰾⰰ ⱀⱏⰹ ⰽⱏ ⱅⰵⰱⱑ ⰳⰾ҃ⱔ. ⱅⱏⰹ ⰾⰻ ⰵⱄⰻ ⰳⱃⱔⰴⱏⰹⰻ ⰾⰻ ⰻⱀⱁⰳⱁ ⱍⰰⰵⰿⱏ.

ⰲⱏ ⱅⱏ ⱍⰰⱄⱏ ⰻⱄⱌⱑⰾⰻ ⰿⱏⱀⱁⰳⱏⰹ ⱁⱅⱏ ⱀⰵⰴⱘⰳⱏ. ⰺ ⱃⰰⱀⱏ ⰻ ⰴⱈ҃ⱏ ⰸⱏⰾⱏ. ⰺ ⰿⱏⱀⱁⰳⱁⰿⱏ ⱄⰾⱑⱂⱁⰿⱏ ⰴⰰⱃⱁⰲⰰ ⱂⱃⱁⰸⱐⱃⱑⱀⰻⰵ.

ⰺ ⱁⱅⱏⰲⱑⱎⱅⰰⰲⱏ ⰺⱄ҃ⱏ ⱃⰵⱍⰵ ⰻⰿⰰ. ⱎⱏⰴⱏⱎⰰ ⰲⱏⰸⰲⱑⱄⱅⰻⱅⰰ ⰻⱁⰰⱀⱁⰲⰻ. ⱑⰶⰵ ⰲⰻⰴⱑⱄⱅⰰ ⰻ ⱄⰾⱏⰹⱎⰰⱄⱅⰰ. ⱑⰽⱁ ⱄⰾⱑⱂⰻⰻ ⱂⱃⱁⰸⰻⱃⰰⱙⱅⱏ. ⱈⱃⱁⰿⰻⰻ ⱈⱁⰴⱔⱅⱏ. ⱂⱃⱁⰽⰰⰶⰵⱀⰻⰻ ⱁⱍⰻⱎⱅⰰⱙⱅⱏ ⱄⱔ. ⰳⰾⱆⱄⰻⰻ ⱄⰾⱏⰹⱎⱔⱅⱏ ⰿⱃⱏⱅⰲⰻⰻ ⰲⱏⱄⱅⰰⱙⱅⱏ. ⱀⰻⱎⱅⰻⰻ ⰱⰾⰰⰳⱁⰲⱑⱄⱅⱆⱙⱅⱏ.

ⰺ ⰱⰾⰰⰶⰵ ⱀⱏ ⰵⱄⱅⱏ ⰻⰶⰵ ⰰⱎⱅⰵ ⱀⰵ ⱄⱏⰱⰾⰰⰸⱀⰻⱅⱏ ⱄⱔ ⱁ ⰿⱐⱀⱑ.

ⱁⱎⰵⰴⱏⱎⰵⰿⰰ ⰶⰵ ⰲⱑⱄⱅⱐⱀⰻⰽⱁⰿⰰ ⰻⱁⰰⱀⱀⱁⰲⱁⰿⰰ :: Ⱀⰰⱍⱔⱅⱏ ⰳⰾ҃ⱅⰻ ⰽⱏ ⱀⰰⱃⱁⰴⱁⰿⱏ ⱁ ⰻⱁⰰⱀⱑ. ⱍⰵⱄⱁ ⰻⰸⰻⰴⰵⱅⰵ ⰲⱏ ⱂⱆⱄⱅⱏⰹⱀⱙ ⰲⰻⰴⱑⱅⱏ. ⱅⱃⱐⱄⱅⰻ ⰾⰻ ⰲⱑⱅⱃⱁⰿⱏ ⰴⰲⰻⰶⰵⰿⱏⰹ.

ⱀⱏ ⱍⰵⱄⱁ ⰻⰸⰻⰴⰵⱅⰵ ⰲⰻⰴⱑⱅⱏ. ⱍⰾ҃ⰽⰰ ⰾⰻ ⰿⱔⰽⱏⰽⰰⰿⰻ ⱃⰻⰸⰰⰿⰻ ⱁⰴⱑⱀⰰ. ⱄⰵ ⰻⰶⰵ ⰲⱏ ⱁⰴⰵⰶⰴⰻ ⱄⰾⰰⰲⱐⱀⱑ ⰺ ⱂⰻⱎⱅⰻ ⱄⱘⱎⱅⰵ. ⰲⱐ ⱌⱄ҃ⱃⱈⱏ ⱄⱘⱅⱏ.

ⱀⱏ ⱍⰵⱄⱁ ⰻⰸⰻⰴⰵⱅⰵ ⰲⰻⰴⱑⱅⱏ. !ⱂⱃⰽ ⰾⰻ ⰵⰻ ⰳⰾ҃ⱙ ⰲⰰⰿⱏ ⰻ ⰾⰻⱎⰵ !ⱂⱃⰽⰰ.

ⱄⱐ ⰵⱄⱅⱏ ⱁ ⱀⰵⰿⱐⰶⰵ ⱂⰻⱄⰰⱀⱁ ⰵⱄⱅⱏ. ⱄⰵ ⰰⰸⱏ ⱂⱁⱄⱏⰹⰾⰰⱙ ⰰⱀⰼ҃ⰾⱏ ⰿⱁⰻ ⱂⱃⱑⰴⱏ ⰾⰻⱌⰵⰿⱏ ⱅⰲⱁⰻⰿⱐ. ⰺⰶⰵ ⱆⰳⱁⱅⱁⰲⰰⰰⱅⱏ ⱂⱘⱅⱐ ⱅⰲⱁⰻ ⱂⱃⱑⰴⱏ ⱅⱁⰱⱁⱙ.

ⰳⰾ҃ⱙ ⰶⰵ {ⰲⰰ}ⰲⰰⰿⱏ. ⰱⱁⰾⰻⰻ ⱃⱁⰶⰴⰵⱀⱏⰹⱈⱏ ⰶⰵⱀⰰⰿⰻ !ⱂⱃⰽⱏ. ⰺⱁⰰⱀⰰ ⰽⱃⱏⱄⱅⰻⱅⰵⰾⱑ ⱀⰻⰽⱅⱁⰶⰵ ⱀⱑⱄⱅⱏ. ⰿⱐⱀ ⰺ҅ ⰶⰵ ⰲⱏ ⱌⱄ҃ⱃⱄⱅⰲⰻ ⰱⱁⰶⰻⰻ ⰱⱁⰾⰻⰻ ⰵⰳⱁ ⰵⱄⱅⱏ ::

ⰺ҅ ⰲⱐⱄⰻ ⰾⱓⰴⱐⰵ ⱄⰾⱏⰹⱎⰰⰲⱏⱎⰵ ⰻ ⰿⱏⰹⱅⰰⱃⰵ ⱁⱂⱃⰰⰲⱏⰴⰻⱎⱔ ⰱ҃ⰰ ⰽⱃⱏⱎⱅⱏⱎⰵ ⱄⱔ. ⰽⱃⱏⱎⱅⰵⱀⰻⰵⰿⱐ ⰻⱁⰰⱀⱁⰲⱁⰿⱏ.

ⱇⰰⱃⰻⱄⱑⰻ ⰶⰵ ⰻ ⰸⰰⰽⱁⱀⱐⱀⰻⱌⰻ. ⱄⱏⰲⱑⱅⱏ ⰱⰶ҃ⰻⰻ ⱁⱅⱏⰲⱃⱏⰳⱘ ⰲⱐ ⱄⰵⰱⱑ. ⱀⰵ ⰽⱃⱐⱋⱐⱎⰵ ⱄⱔ ⱁⱅⱏ ⱀⰵⰳⱁ.

Ⰽⱁⰿⱆ ⱆⰱⱁ ⱆⱂⱁⰴⱁⰱⰾⱙ ⱍⰾ҃ⰽⱏⰹ ⱃⱁⰴⰰ ⱄⰵⰳⱁ. ⰺ ⰽⱁⰿⱆ ⱄⱘⱅⱏ ⱂⱁⰴⱁⰱⱐⱀⰻ.

Ⱂⱁⰴⱁⰱⱐⱀⰻ ⱄⱘⱅⱏ ⱁⱅⱃⱁⱍⰻⱎⱅⰵⰿⱏ ⱄⱑⰴⱔⱎⱅⰵⰿⱐ ⱀⰰ ⱅⱃⱏⰶⰻⱎⱅⰻⱈⱏ. ⰺ ⱂⱃⰻⰳⰾⰰⱎⰰⱙⱎⱅⰵⰿⱏ ⰴⱃⱆⰳⱏ ⰴⱃⱆⰳⰰ. ⰺ ⰳⰾⰰⰳⱁⰾⱙⱎⱅⰵⰿⱏ. ⱂⰻⱄⰽⰰⱈⱁⰿⱏ ⰲⰰⰿⱏ ⰻ ⱀⰵ ⱂⰾⱔⱄⰰⱄⱅⰵ. ⱃⱏⰹⰴⰰⱈⱁⰿⱏ ⰲⰰⰿⱏ ⰻ ⱀⰵ ⱂⰾⰰⰽⰰⱄⱅⰵ ⱄⱔ.

Ⱂⱃⰻⰴⰵ ⰱⱁ ⰻⱁⰰⱀⱏ ⰽⱃⱏⱄⱅⰻⱅⰵⰾⱐ. ⱀⰻ ⱈⰾⱑⰱⰰ ⱑⰴⱏⰹ ⱀⰻ ⰲⰻⱀⰰ ⱂⰻⱗ. ⰻ ⰳⰾ҃ⱅⰵ ⰱⱑⱄⱏ ⰻⰿⰰⱅⱏ. ::

Ⱂⱃⰻⰴⰵ ⱄⱀ҃ⱏ ⱍⰾⰲ҃ⱍⱄⰽⱏⰹ. ⱑⰴⱏⰹ ⰻ ⱂⰻⱗ ⰻ ⰳⰾ҃ⱅⰵ. ⱄⰵ ⱍⰾⰲ҃ⰽⱏ ⱑⰴⱏⱌⰰ ⰻ ⰲⰻⱀⱁⱂⰻⰻⱌⰰ. ⰴⱃⱆⰳⱏ ⰿⱏⰻⱅⰰⱃⰵⰿⱏ ⰻ ⰳⱃⱑⱎⱏⱀⰻⰽⱁⰿⱏ.

ⰺ ⱁⱂⱃⰰⰲⱐⰴⰻ ⱄⱔ ⱀⱃⱑⰿⱘⰴⱃⱁⱄⱅⱐ ⱁⱅⱏ ⱍⱔⰴⱏ ⱄⰲⱁⰻⱈⱏ. ::

Ⰿⱁⰾⱑⰰⱎⰵ ⰶⰵ ⰻ ⰵⰴⰻⱀⱏ ⱁⱅⱏ ⱇⰰⱃⰻⱄⱑⰻ ⰴⰰ ⰱⰻ ⱑⰾⱏ ⱄⱏ ⱀⰻⰿⱏ. ⰺ ⰲⱏⱎⰵⰴⱏ ⰲⱏ ⰴⱁⰿⱐ ⱇⰰⱃⰻⱄⱑⱁⰲⱏ ⰲⱐⰸⰾⰵⰶⰵ.

ⰺ ⱄⰵ ⰶⰵⱀⰰ ⰲⱏ ⰳⱃⰰⰴⱑ ⱑⰶⰵ ⰱⱑ ⰳⱃⱑⱎⱏⱀⰻⱌⰰ. ⰺ ⱆⰲⱑⰴⱑⰲⱏⱎⰻ ⱑⰽⱁ ⰲⱐⰸⰾⰵⰶⰻⱅⱏ. ⰲⱏ ⱈⱃⰰⰿⰻⱀⱑ ⱇⰰⱃⰻⱄⱑⱁⰲⱑ. ⱂⱃⰻⱀⰵⱄⱏⱎⰻ ⰰⰾⰰⰲⰰⱄⱅⱃⱏ ⰿⱛⱃⱆ.

ⰺ ⱄⱅⰰⰲⱏⱎⰻ ⰸⰰⰴⰻ ⱂⱃⰻ ⱀⱁⰳⱆ ⰵⰳⱁ. ⱂⰾⰰⱍⱘⱎⱅⰻ ⱄⱔ ⱀⰰⱍⱔⱅⱏ ⰿⱁⱍⰻⱅⰻ ⱀⱁⰷⱑ ⰵⰳⱁ ⱄⰾⱏⰸⰰⰿⰻ. ⰻ ⰲⰾⰰⱄⱏⰹ ⰳⰾⰰⰲⱏⰹ ⱄⰲⱁⰵⱗ ⱁⱅⰻⱃⰰⰰⱎⰵ. ⰺ ⱁⰱⰾⱁⰱⱏⰹⰸⰰⰰⱎⰵ ⱀⱁⰷⱑ ⰵⰳⱁ ⰻ ⰿⰰⰸⰰⰰⱎⰵ ⰿⱛⱃⱁⰿⱐ.

ⰲⰻⰴⱑⰲⱏ ⰶⰵ ⱇⰰⱃⰻⱄⱑⰻ ⰲⱏⰸⱏⰲⰰⰲⱏⰹ ⰵⰳⱁ ⱃⰵⱍⰵ ⰲⱐ ⱄⰵⰱⱑ ⰳⰾ҃ⱔ. ⱄⱏ ⰰⱎⱅⰵ ⰱⰻ ⰱⱏⰹⰾⱏ !ⱂⱃⰽⱏ. ⰲⱑⰴⱑⰾⱏ ⰱⰻ ⱆⰱⱁ ⰽⱅⱁ ⰻ ⰽⰰⰽⱁⰲⰰ ⰶⰵⱀⰰ ⱂⱃⰻⰽⰰⱄⰰⰰⱅⱏ ⱄⱔ ⰵⰿⱐ. ⱑⰽⱁ ⰳⱃⱑⱎⱏⱀⰻⱌⰰ ⰵⱄⱅⱏ.

ⱁⱅⱏⰲⱑⱋⰰⰲⱏ ⰶⰵ ⰻⱄ҃ⱏ ⱃⰵⱍⰵ ⰽⱏ ⱀⰵⰿⱆ. ⱄⰻⰿⱁⱀⰵ ⰻⰿⰰⰿⱏ ⱅⰻ ⱀⱑⱍⱏⱅⱁ ⱃⰵⱎⱅⰻ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⱆⱍⰻⱅⰵⰾⱓ ⱃⱐⱌⰻ.

ⰴⱏⰲⰰ ⰴⰾⱏⰶⱐⱀⰻⰽⰰ ⰱⱑⱄⱅⰵ ⰸⰰⰻⰿⱁⰴⰰⰲⱏⱌⱆ ⰵⱅⰵⱃⱆ. ⰵⰴⰻⱀⱏ ⰱⱑ ⰴⰾⱏⰶⰵⱀⱏ ⱂⱔⱅⰻⱙ ⱄⱁⱅⱏ ⰴⰻⱀⰰⱃⱐ. ⰰ ⰴⱃⱆⰳⱏⰹ ⱂⱔⱅⱐⱙ ⰴⰵⱄⱔⱅⱏ.

ⱀⰵ ⰻⰿⱘⱋⰵⰿⰰ ⰶⰵ ⰻⰿⰰ ⰲⱏⰸⰴⰰⱅⰻ ⱁⰱⱑⰿⰰ ⰻⰿⰰ ⱁⱅⱏⰴⰰ. ⰽⱁⱅⱁⱃⱏⰹ ⱆⰱⱁ ⰵⱓ ⱂⰰⱍⰵ ⰲⱏⰸⰾⱓⰱⰻⱅⱏⰹ ⰻ.

ⱁⱅⱏⰲⱑⱎⱅⰰⰲⱏ ⰶⰵ ⱄⰻⰿⱁⱀⱏ ⱃⰵⱍⰵ. ⱀⰵⱂⱐⱎⱅⱓⱙ ⱑⰽⱁ ⰵⰿⱆⰶⰵ ⰲⱔⱎⱅⰵ ⱁⱅⱏⰴⰰ. ⱁⱀⱏ ⰶⱔ ⱃⰵⱍⰵ ⰵⰿⱆ. ⱂⱃⰰⰲⱑ ⱄⱘⰴⰻⰾⱏ ⰵⱄⰻ.

ⰺ ⱁⰱⱃⰰⱎⱅⱏ ⱄⱔ ⰽⱏ ⰶⰵⱀⱑ ⱃⰵⱍⰵ ⱄⰻⰿⱁⱀⱆ. ⰲⰻⰴⰻⱎⰻ ⰾⰻ ⱄⰻⱙ ⰶⰵⱀⱘ. ⰲⱏⱀⰻⰴⱏ ⰲⱏ ⰴⱁⰿⱏ ⱅⰲⱁⰻ. ⰲⱁⰴⱏⰹ ⱀⰰ ⱀⱁⰷⱑ ⰿⱁⰻ ⱀⰵ ⰴⰰⱄⱅⱏ. ⱄⰻ ⰶⰵ ⱄⰾⱏⰸⰰⰿⰻ ⱁⰿⱁⱍⰻ ⱀⱁⰸⱑ ⰿⱁⰻ. ⰺ ⰲⰾⰰⱄⱏⰹ ⱄⰲⱁⰻⰿⰹ ⱁⱅⱐⱃⰵ.

ⰾⱁⰱⱏⰸⰰⱀⱐⱑ ⰿⱐⱀⱑ ⱀⰵ ⰴⰰⱄⱅⱏ. ⱄⰻ ⰶⰵ ⱁⱅⱏⱀⰵⰾⰻ ⰲⱐⱀⰻⰴⱏ. ⱀⰵ ⱂⱃⱑⱄⱅⰰ ⱁⰱⰾⱁⰱⱏⰹⰸⰰⱙⱎⱅⰻ ⱀⱁⰳⱆ ⰿⱁⰵⱓ.

ⱁⰾⱑⰵⰿⱐ ⰳⰾⰰⰲⱏⰹ ⰿⱁⰵⱗ ⱀⰵ ⱂⱁⰿⰰⰸⰰ. ⱄⰻ ⰶⰵ ⱀⱁⰸⱑ ⰿⱁⰻ ⰿⰻⱃⱁⱙ ⱂⱁⰿⰰⰸⰰ.

ⰵⰳⱁⰶⰵ ⱃⰰⰴⰻ ⰳⰾ҃ⱙ ⱅⰻ. ⱁⱅⱏⱂⱆⱎⱅⰰⱙⱅⱏ ⱄⱔ ⰵⰻ ⰳⱃⱑⱄⰻ ⰿⱐⱀⱁⰸⰻ. ⱑⰽⱁ ⰲⱐⰸⰾⱓⰱⰻ ⰿⱏⱀⱁⰳⱁ. ⰰ ⰵⰿⱆⰶⰵ ⰿⱐⱀⰵ ⱁⱅⱏⰴⰰ ⱄⱔ. ⰿⱐⱀⱐⱎⱐⰿⰻ ⰾⱓⰱⰻⱅⱏ.

Ⱃⰵⱍⰵ ⰶⰵ ⰵⰻ ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ.

ⰻ ⱀⰰⱍⱔⱄⱔ ⰲⱏⰸⰾⰵⰶⱔⱋⰵⰻ ⱄⱏ ⱀⰻⰿⱐ ⰳⰾ҃ⰰⱅⰻ ⰲⱐ ⱄⰵⰱⱑ. ⰽⱅⱁ ⱄⱐ ⰵⱄⱅⱏ ⰻⰶⰵ ⰻ ⰳⱃⱑⱈⱏⰹ ⱁⱅⱏⱂⱆⱎⱅⰰⰰⱅⱏ.

ⱃⰵⱍⰵ ⰶⰵ ⰽⱏ ⰶⰵⱀⱑ. ⰲⱑⱃⰰ ⱅⰲⱁⱑ ⱄⱂ҃ⱄⱅⱔ ⰻⰴⰻ ⰲⱏ ⰿⰻⱃⱏ :: ⰽ!ⱌ ::