Ⰲⱏ ⱂⱔⱅⱁⰵ ⱀⰰ ⰴⰵⱄⱔⱅⰵ ⰾⱑⱅⱁ. ⰲⰾⰰⰴⱏⰹⱍⱏⱄⱅⰲⰰ ⱅⰻⰲⰵⱃⰻⱑ ⰽⰵⱄⰰⱃⱑ. ⱁⰱⰾⰰⰴⰰⱙⱎⱅⱆ ⱂⱁⱀⱅⱐⱄⰽⱆⰿⱆ ⱂⰻⰾⰰⱅⱆ ⰻⱓⰴⱑⰵⱙ. ⰺ ⱍⰵⱅⰲⱃⱏⱅⱁⰲⰾⰰⱄⱅⱏⱄⱅⰲⱆⱙⱎⱅⱆ ⰳⰰⰾⰻⰾⱑⰵⱙ ⰻⱃⱁⰴⱆ. ⱇⰻⰾⰻⱂⱆ ⰶⰵ ⰱⱃⰰⱅⱃⱆ ⰵⰳⱁ ⱍⰵⱅⰲⱃⱏⱅⱁⰲⰾⰰⱄⱅⱏⱄⱅⰲⱆⱙⱎⱅⱆ ⰻⱅⱆⱃⰻⰵⱙ ⰻ ⱅⱃⰰⱈⱁⱀⰻⱅⱏⱄⰽⱁⱙ ⱄⱅ[ⱃ]ⰰⱀⱁⱙ. ⰺ ⰾⱛⱄⰰⱀⰻⱓ ⱍⰵⱅⰲⱃⱏⱅⱁⰲⰾⰰⱄⱅⱏⱄⱅⰲⱆⱙⱎⱅⱆ. ⰰⰲⰻⰾⰻⱀⰻⰵⱙ

ⱂⱃⰻ ⰰⱃⱈⰻⰵⱃⰵⰻ ⰰⱀⱀⱑ ⰻ ⰽⰰⰻⱑⱇⱑ :: Ⰱⱏⰹⱄⱅⱏ ⰳⰾ҃ⱏ ⰱⰶ҃ⰹⰻ ⰽⱏ ⰻⱁⰰⱀⱆ ⰸⰰⱈⰰⱃⰻⰻⱀⱆ ⱄⱀ҃ⱆ ⰲⱏ ⱂⱆⱄⱅⱏⰹⱀⰻ.

ⰺ ⱂⱃⰻⰴⰵ ⰱⱁ ⰲⱐⱄⱘ ⱄⱅⱃⰰⱀⱘ ⰻⱁⱃⱏⰴⰰⱀⱏⱄⰽⱘⱙ. ⱂⱃⱁⱂⱁⰲⱑⰴⰰⱗ ⰽⱃⱏⱎⱅⰵⱀⰻⰵ ⱂⱁⰽⰰⰰⱀⰻⱑ. ⰲⱏ ⱁⱅⱏⱂⱆⱎⱅⰵⱀⰻⰵ ⰳⱃⱑⱈⱁⰿⱏ.

ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ ⰲⱏ ⰽⱏⱀⰻⰳⰰⱈⱏ ⱄⰾⱁⰲⰵⱄⱏ. ⰻⱄⰰⰻⱗ ⱂ!ⱃⰽⰰ ⰳⰾ҃ⱎⱅⰰ. Ⰳⰾⰰⱄⱏ ⰲⱏⱂⰻⱙⱎⱅⰰⰰⰳⱁ ⰲⱏ ⱂⱆⱄⱅⱏⰹⱀⰻ. ⱆⰳⱁⱅⱁⰲⰰⰻⱅⰵ ⱂⱘⱅⱐ ⰳⱀ҃ⱐ. ⱂⱃⰰⰲⱏⰹ ⱅⰲⱁⱃⰻⱅⰵ ⱄⱅⱐⰸⱔ ⰵⰳⱁ.

ⰲⱐⱄⱑⰽⰰ ⰴⱐⰱⱃⱐ ⰻⱄⱂⰾⱏⱀⰻⱅⱏ ⱄⱔ. ⰻ ⰲⱐⱄⱑⰽⰰ ⰳⱁⱃⰰ ⰻ ⱈⰾⱏⰿⱏ ⱄⱏⰿⱑⱃⰻⱅⱏ ⱄⱔ. ⰺ ⰱⱘⰴⱘⱅⱏ ⱄⱅⱃⱏⱂⱏⱅⱏⱀⰰⱑ ⰲⱏ ⱂⱃⰰⰲⰰⱑ. ⰺ ⱁⱄⱅⱃⰻⰻ ⰲⱏ ⱂⱘⱅⰻ ⰳⰾⰰⰴⱏⰽⱏⰹ.

ⰺ ⱆⰸⱐⱃⰻⱅⱏ ⰲⱐⱄⱑⰽⰰ ⱂⰾⱏⱅⱐ ⱄⱂ҃ⱄⱀⰻⰵ ⰱⰶ҃ⰻⰵ.

ⰳⰾ҃ⰰⰰⱎⰵ ⰶⰵ ⰻⱄⱈⱁⰴⱔⱎⱅⰻⰻⰿⱏ ⱀⰰⱃⱁⰴⱁⰿⱏ. ⰽⱃⱏⱄⱅⰻⱅⱏ ⱄⱔ ⱁⱅⱏ ⱀⰵⰳⱁ. ⰺⱎⱅⱔⰴⰻⱑ ⰵⱈⰻⰴⱏⱀⱁⰲⰰ. ⰽⱏⱅⱁ ⱄⱏⰽⰰⰸⰰ ⰲⰰⰿⱏ ⰱⱑⰶⰰⱅⰻ ⱁⱅⱏ ⰳⱃⱔⰴⱘⱎⱅⰰⰰⰳⱁ ⰳⱀⱑⰲⰰ.

ⱄⱏⱅⰲⱁⱃⰻⱅⰵ ⱆⰱⱁ ⱂⰾⱁⰴⱏⰹ ⰴⱁⱄⱅⱁⰻⱀⱏⰹ ⱂⱁⰽⰰⰰⱀⰻⱓ. ⰺ ⱀⰵ ⱀⰰⱍⰻⱀⰰⰻⱅⰵ ⰳⰾ҃ⰰⱅⰻ ⰲⱏ ⱄⰵⰱⱑ. ⱁⱅ҃ⱌⰰ ⰻⰿⰰⰿⱏ ⰰⰲⱃⰰⰿⰰ. ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⰿⱁⰶⰵⱅⱏ ⰱ҃ⱏ ⱁⱅⱏ ⰽⰰⰿⰵⱀⰻⱑ ⱄⰵⰳⱁ. ⰲⱐⰸⰴⰲⰻⰳⱀⱘⱅⰻ ⱍⱔⰴⰰ ⰰⰲⱃⰰⰰⰿⱆ.

Ⱓⰶⰵ ⰱⱁ ⱄⰵⰽⱏⰹⱃⰰ ⱂⱃⰻ ⰽⱁⱃⰵⱀⰻⰻ ⰴⱃⱑⰲⰰ ⰾⰵⰶⰻⱅⱏ. ⰲⱐⱄⱑⰽⱁ ⱆⰱⱁ ⰴⱃⱑⰲⱁ ⱀⰵ ⱅⰲⱁⱃⱔⱋⰵⰵ ⱂⰾⱁⰴⰰ ⰴⱁⰱⱃⰰ ⱂⱁⱄⱑⰽⰰⱙⱅⱏ ⰻ ⰲⱏ ⱁⰳⱀⱐ ⰲⱐⰿⱑⱅⰰⱙⱅⱏ .:

Ⰺ ⰲⱏⱂⱃⰰⱎⰰⰰⱈⱘ ⰻ ⱀⰰⱃⱁⰴⰻ ⰳⰾ҃ⱙⱋ. ⱍⱅⱁ ⱆⰱⱁ ⱄⱏⱅⰲⱁⱃⰻⰿⱏ.

ⱁⱅⱏⰲⱑⱎⱅⰰⰲⱏ ⰶⰵ ⰳⰾ҃ⰰ ⰻⰿⱏ. ⰺⰿⱑⱗⰻ ⰴⱐⰲⱑ ⱃⰻⰸⱑ ⰴⰰ ⱂⱁⰴⰰⱄⱅⱏ ⱀⰵ ⰻⰿⱘⱎⱅⱆⰿⱆ. ⰺ ⰻⰿⱑⱗⰻ ⰱⱃⰰⱎⱏⱀⰰ ⱅⰰⰽⱁⰶⰴⰵ ⰴⰰ ⱅⰲⱁⱃⰻⱅⱏ.

ⱂⱃⰻⰴⱘ ⰶⰵ ⰻ ⰿⱏⰹⱅⰰⱃⰵ ⰽⱃⱏⱄⱅⰻⱅⱏ ⱄⱔ. ⰺ ⱃⱑⱎⱔ ⰽⱏ ⱀⰵⰿⱆ. ⱆⱍⰻⱅⰵⰾⱓ ⱍⱅⱁ ⱄⱏⱅⰲⱁⱃⰻⰿⱏ.

ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ. ⱀⰻⱍⱅⱁⰶⰵ ⰱⱁⰾⰵ ⱂⱁⰲⰵⰾⱑⱀⰰⰰⰳⱁ ⰲⰰⰿⱏ ⱅⰲⱁⱃⰻⱅⰵ.

ⰲⱏⱂⱃⰰⱎⰰⰰⱈⱘ ⰶⰵ ⰻ ⰻ ⰲⱁⰻⱀⰻ ⰳⰾ҃ⱎⱅⰵ. ⰺ ⰿⱏⰹ ⱍⱏⱅⱁ ⱄⱏⱅⰲⱁⱃⰻⰿⱏ. ⰺ ⱃⰵⱍⰵ ⰽⱏ ⱀⰻⰿⱏ. ⱀⰻⰽⱁⰳⱁⰶⰵ ⱁⰱⰻⰴⰻⱅⰵ ⱀⰻ ⱁⰽⰾⰵⰲⰵⱅⰰⰻⱅⰵ. ⰺ ⰴⱐⰲⱐⰾⱐⱀⰻ ⰱⱘⰴⰵⱅⰵ ⱁⰱⱃⱁⰽⱏⰹ ⰲⰰⱎⰻⰿⰻ.

Ⱍⰰⱙⱎⱅⰵⰿⱏ ⰶⰵ ⰾⱓⰴⰵⰿⱏ ⰻ ⱂⱁⰿⱏⰹⱎⰾⱑⱙⱎⱅⰵⰿⱐ ⰲⱐⱄⱑⰿⱏ ⰲⱏ ⱄⱃⱏⰴⱐⱌⰻⱈⱏ ⱄⰲⱁⰻⱈⱏ. ⱁ ⰻⱁⰰⱀⱑ ⰵⰴⰰ ⱅⱏ ⰵⱄⱅⱏ !ⱈⱏ.

ⱁⱅⱏⰲⱑⱎⱅⰰⰲⰰⰰⱎⰵ ⰻⱁⰰⱀⱏ ⰲⱐⱄⱑⰿⱏ ⰳⰾ҃ⱔ. ⰰⰸⱏ ⱆⰱⱁ ⰲⱁⰴⱁⱙ ⰽⱃⱏⱎⱅⰰⱙ ⰲⱏⰹ. ⰳⱃⱔⰴⰵⱅⱏ ⰶⰵ ⰽⱃⱑⱂⰾⰵⰻ ⰿⰵⱀⰵ. ⰵⰿⱆⰶⰵ ⱀⱑⱄⰿⱏ ⰴⱁⱄⱅⱁⰻⱀⱏ ⱁⱅⱃⱑⱎⰻⱅⰻ ⱃⰵⰿⰵⱀⰵ ⱄⰰⱂⱁⰳⱏ ⰵⰳⱁ. ⱅⱏ ⰲⱏⰹ ⰽⱃⱐⱄⱅⰻⱅⱏ ⰴⱈ҃ⰿⱐ ⱄⱅ҃ⱏⰹⰿⱏ ⰻ !ⱁⰳⱀⰵⰿⱐ.

ⰵⰿⱆⰶⰵ ⰾⱁⱂⰰⱅⰰ ⰲⱏ ⱃⱘⱌⱑ ⰵⰳⱁ. ⰺ ⱂⱁⱅⱃⱑⰱⰻⱅⱏ ⰳⱆⰿⱐⱀⱁ ⱄⰲ ⰵ҅. ⰺ ⱄⱏⰱⰵⱃⰵⱅⱏ ⱂⱎⰵⱀⰻⱌⱘ ⰲⱏ ⰶⰻⱅⱐⱀⰻⱌⱘ ⱄⰲⱁⱙ. ⰰ ⱂⰾⱑⰲⱏⰹ ⱄⱏⰶⰵⰶⰵⱅⱏ ⱁⰳⱀⰵⰿⱐ ⱀⰵ ⰳⰰⱎⱘⱎⱅⰻⰻⰿⱐ.

ⰿⱏⱀⱁⰳⰰ ⰶⰵ ⰻ ⰻⱀⰰ ⱆⱅⱑⱎⰰⱗ ⰱⰾⰰⰳⱁⰲⱑⱄⱅⱏⱄⱅⰲⱁⰲⰰⱎⰵ ⰽⱏ ⰾⱓⰴⰵⰿⱐ. :: ⰽ!ⱌ ::

Ⰺⱃⱁⰴⱏ ⰶⰵ ⱍⰵⱅⰲⱃⱏⱅⱁⰲⰾⰰⱄⱅⱐⱀⰻⰽⱏ ⱁⰱⰾⰻⱍⰰⰵⰿⱏ ⰻⰿⱏ. ⱁ ⰻⱃⱁⰴⰻⱑⰴⱑ ⰶⰵⱀⱑ ⰱⱃⰰⱅⱃⰰ ⱄⰲⱁⰵⰳⱁ. ⰺ ⱁ ⰲⱐⱄⰵⰿⱐ ⰸⱐⰾⱑ ⰵⰶⰵ ⱄⱏⱅⰲⱁⱃⰻ ⰻⱃⱁⰴⱏ.

ⱂⱃⰻⰾⱁⰶⰻ ⰻ ⱄⰵ ⱀⰰⰴⱏ ⰲⱐⱄⱑⰿⰻ. ⰺ ⰸⰰⰽⰾⰵⱂⰵ ⰻⱁⰰⱀⰰ ⰲⱏ ⱅⰵⰿⱐⱀⰻⱌⰻ. ::

Ⰱⱏⰹⱄⱅⱏ ⰶⰵ ⰵⰳⰴⰰ ⰽⱃⱏⱄⱅⰻⱎⱔ ⱄⱔ ⰲⱐⱄⰻ ⰾⱓⰴⱐⰵ. ⰺⱄ҃ⱆ ⰽⱃⱐⱎⱅⱐⱎⱓ ⱄⱔ ⰻ ⰿⱁⰾⱔⱎⱅⱓ ⱄⱔ. ⱁⱅⰲⱃⱏⰸⰵ ⱄⱔ ⱀⰵⰱⱁ.

ⰺ ⱄⱏⱀⰻⰴⰵ ⰴⱈ҃ⱏ ⱄⱅ҃ⱏⰹⰻ ⱅⱑⰾⰵⱄⱏⱀⱏⰹⰿⱏ ⰸⱃⰰⰽⱁⰿⱏ. ⱑⰽⱁ ⰳⱁⰾⱘⰱⱐ ⱀⰰ ⱀⱐ. ⰺ ⰳⰾ҃ⱄⱏ ⱄⱀ҃ⰱⰵ ⰱⱏⰹⱄⱅⱏ ⰳⰾ҃ⱔ. ⱅⱏⰹ ⰵⱄⰻ ⱄⱀ҃ⱏ ⰿⱁⰻ ⰲⱏⰸⰾⱓⰱⰾⰵⱀⱏⰹ. ⱁ ⱅⰵⰱⱑ ⰱⰾⰰⰳⱁⰲⱁⰾⰻⱈⱏ.

ⰺ ⱅⱏ ⰱⱑ ⰻⱄ҃ⱏ ⱑⰽⱁ ⱅⱃⰵⰿⱏ ⰴⰵⱄⱔⱅⰵⰿⱏ ⰾⱑⱅⱏ ⱀⰰⱍⰻⱀⰰⱗ. ⱄⱀ҃ⱏ ⱄⱏⰹ ⱑⰽⱁ ⰿⱐⱀⰻⰿⱏ ⰱⱑ :: :: :: ⰺⱁⱄⰻⱇⱁⰲⱏ. ⰺⰾⰻⰵⰲⱏ.

ⰿⰰⱅⱅⰰⱅⱁⰲⱏ. :: ⰾⰵⰲⱐⰼⰻⰻⱀⱏ :: ⰿⰵⰾⱈⰻⰵⰲⱏ. ⰺ ⰰⱀⱀⰰⰵⰲⱏ :: ⰺⱁⱄⰻⱇⱁⰲⱏ ::

ⰿⰰⱅⱅⰰⱅⰻⰵⰲⱏ :: ⰰⰿⱁⱄⱁⰲⱏ :: ⱀⰰⱆⰿⱁⰲⱏ :: ⰵⱄⰾⰻ[ⰿ]ⱁⰲⱏ. :: ⱀⰰⰰⱀⰼⰵⱁⰲⱏ ::

ⰿⰰⰰⱅⱁⰲⱏ :: ⰿⰰⱅⰰⱅⰻⰵⰲⱏ :: ⱄⰵⰿⰵⱁⱀⱁⰲⱏ :: ⰺⱁⱄⰻⱇⱁⰲⱏ :: ⰺⱓⰴⰻⱀⱏ ::

ⰻⱁⰰⱀⰰⰵⰲⱏ :: ⱃⰻⱄⰻⰵⰲⱏ :: ⰸⱁⱃⱁⰲⰰⰲⰵⰾⰵⰲⱏ :: ⱄⰰⰾⰰⱅⰻⰾⰵⰲⱏ :: ⱀⰻⱃⰻⰵⰲⱏ ::

ⰿⰵⰾⱈⰻⰵⰲⱏ :: ⰰⰴⱏⰴⰻⰵⰲⱏ :: ⰽⰰⱄⰰⰿⱁⰲⱏ. ⰰⰾⰿⱁⰴⰰⱀⱁⰲⱏ. ⰺⱃⱁⰲⱏ ::

ⰺⱁⱄⰻⱁⰲⱏ :: ⰵⰾⰻⰵⰸⰵⱃⱁⰲⱏ. ⰺⱁⱃⰰⰿⱁⰲⱏ :: ⰿⰰⱅⱅⰰⱅⱁⰲⱏ :: ⰾⰵⰲⱐⰼⰻⰻⱀⱏ ::

ⱄⱛⰿⰵⱁⱀⱁⰲⱏ :: ⰺⱓⰴⱁⰲⱏ :: ⰻ[ⱁ]ⱄⰻⱇⱁⰲⱏ. ⰺⱁⰰⱀⰰⱀⰵⰲⱏ :: ⰵⰾⰻⰰⰽⰻⰿⱁⰲⱏ ::

ⰿⰵⰾⰵⰰⱀⱀⱁⰲⱏ :: ⰿⰰⰻⱀⰰⱀⱁⰲⱏ :: ⰿⰰⱅⱅⰰⱅⰰⰵⰲⱏ :: {ⰰ}ⱀⰰⱅⰰⱀⱁⰲⱏ. ⰴⰰⰲⱏⰹⰴⱁⰲⱏ ::

ⰺⰵⱄⰵⱁⰲⱏ :: ⱁⰲⰻⰴⱁⰲⱏ :: ⰲⱁⱁⰸⱁⰲⱏ :: ⱄⰰⰾⰿⱁⱀⱁⰲⱏ :: ⱀⰰⰰⱄⱁⱀⱁⰲⱏ ::

ⰰⰿⰻⱀⰰⰴⰰⰲⱁⰲⱏ :: ⰰⱃⰰⰿⱁⰲⱏ :: ⰺⱁ!ⱃⰰⰿⱁⰲⱏ :: ⰵⱄⱃⱁⰿⱁⰲⱏ :: ⱇⰰⱃⰵⱄⱁⰲⱏ :: ⰺⱓⰴⱁⰲⱏ ::

ⰺⱑⰽⱉⰲⱁⰲⱏ :: ⰺⱄⰰⰽⱁⰲⱏ. ⰰⰲⱃⰰⰰⰿⱁⰲⱏ. ⱅⰰⱃⰰⱀⱐ. ⱀⰰⱈⱁⱃⱁⰲⱏ ::

ⱄⰵⱃⱆⱈⱁⰲⱏ :: ⱃⰰⰳⰰⰲⱁⰲⱏ :: ⱇⰰⰾⰵ[ⰽ]ⱁⰲⱏ :: ⰵⰲⰵⱃⱁⰲⱏ :: ⱄⰰⰾⰰⱀⱐ.

ⰽⰰⰻⱀⰰⱀⱁⰲⱏ :: ⰰⱃⱇⰰⰽⱄⰰⰴⱁⰲⱏ :: ⱄⰻⰿⱁⰲⱏ :: ⱀⱁⰵⰲⱏ :: ⰾⰰⰿⰵⱈⱁⰲⱏ ::

ⰿⰰⱅⱆⱄⰰⰾⱐ :: ⰵⱀⱁⱈⱁⰲⱏ :: ⰺⰰⱃⰵⰴⱁⰲⱏ :: ⰿⰰⰾⰵⰾⰵⰻⰾⰵⰲⱏ :: ⰽⰰⰻⱀⱁⰲⱏ ::

ⰵⱀⱁⱄⱁⰲⱏ :: ⱄⰻⱅⱁⰲⱏ :: ⰰⰴⰰⰿⱁⰲⱏ ⰱⱁⰶ ⰺ҅ ::