ЕВАНГЕЛИЕ ЕЖЕ Ѿ ЛОУКꙐ
21:1
ⰲⱏⰸⱐⱃⱑⰲⱏ ⰶⰵ ⰲⰻⰴⱑ ⰲⱏⰿⱑⱅⰰⱙⱎⱅⱔⱗ ⰲⱏ ⰳⰰⰸⱁⱇⰻⰾⰰⰽⰻⱙ ⰴⰰⱃⱏⰹ ⱄⰲⱁⱗ ⰱ[ⱁ]ⰳⰰⱅⱏⰹⱗ.
21:2
ⰲⰻⰴⱑ ⰶⰵ ⰻ ⰵⰴⰻⱀⱘ ⰲⱏⰴⱁⰲⰻⱌⱘ ⱆⰱⱁⰳⱘ. ⰲⱏⰿⱑⱅⰰⱙⱎⱅⱘ ⱅⱆ ⰴⱏⰲⱑ ⰾⰵⱂⱅⱑ.
21:3
ⰻ ⱃⰵⱍⰵ ⰲⱏ ⰹⱄⱅⱏⰹⱀⱘ ⰳⰾ҃ⱙ [ⰲⰰ]ⰿⱏ. ⱑⰽⱁ ⰲⱏⰴⱁⰲⰻⱌⰰ ⱄⰻ ⱆⰱⱁⰳⰰⱑ. ⰱⱁⰾⰵ ⰲⱐⱄⱑⱈⱏ ⰲⱏⰲⱃⱏⰶⰵ. ⱄⰻ ⰳⰾ҃ⱔ ⰲⱏⰸⰳⰾⰰⱄⰻ ⰻⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ. :: ⰽ!ⱌ ::
21:4
ⰲⱐⱄⰻ ⰱⱁ ⱄⰻ ⱁⱅⱏ ⰻⰸⰱⱏⰹⱅⱏⰽⰰ ⱄⰲⱁⰵⰳⱁ ⰲⱏⰲⱃⱏⰳⱁ ⰲⱏ ⰴⰰⱃⱏⰹ ⰱⰶ҃ⰻⱗ. ⰰ ⱄⰻ ⱁⱅⱏ ⰾⰻⱎⰵⱀⰻⱑ ⱄⰲⱁⰵⰳⱁ. ⰲⱐⱄⰵ ⰻⰿⱑⱀⰻⰵ ⰵⰶⰵ ⰻⰿⱑ ⰲⱏⰲⱃⱏⰶⰵ ::
21:5
ⰺ҅ ⰵⰴⰻⱀⱑⰿⱏ ⰳⰾ҃ⱙⱎⱅⰵⰿⱐ ⱁ !ⱌⱃⰽⰲⰻ. ⱑⰽⱁ ⰽⰰⰿⰵⱀⰻⰵⰿⱐ ⰴⱁⰱⱃⱁⰿⱐ ⰻ ⱄⱏⱄⱘⰴⱏⰹ ⱆⰽⱃⰰⱎⰵⱀⰰ ⰵⱄⱅⱏ. ⱃⰵⱍⰵ.
21:6
ⱄⰻ ⱑⰶⰵ ⰲⰻⰴⰻⱅⰵ. ⱂⱃⰻⰴⱘⱅⱏ ⰴⱐⱀⱐⰵ ⰲⱐ ⱀⱔⰶⰵ ⱀⰵ ⱁⱄⱅⰰⱀⰵⱅⱏ. ⰽⰰⰿⰵⱀⱐ ⱀⰰ ⰽⰰⰿⰵⱀⰵ. ⰻⰶⰵ ⱀⰵ ⱃⰰⰸⱁⱃⰻⱅⱏ ⱄⱔ.
21:7
Ⰲⱏⱂⱃⱁⱄⰻⱎⱔ ⰶⰵ ⰻ ⰳⰾ҃ⱙⱎⱅⱓ. ⱆⱍⰻⱅⰵⰾⱓ. ⰽⱁⰳⰴⰰ ⱆⰱⱁ ⱄⰻ ⰱⱘⰴⱘⱅⱏ. ⰻ ⱍⱅⱁ ⰵⱄⱅⱏ ⰸⱀⰰⰿⰵⱀⰻⰵ ⰵⰳⰴⰰ ⱈⱁⱅⱔⱅⱏ ⱄⰻ ⰱⱏⰹⱅⰻ.
21:8
ⱁⱀⱏ ⰶⰵ ⱃⰵⱍⰵ. ⰱⰾⱓⰴⱑⱅⰵ ⱄⱔ ⰴⰰ ⱀⰵ ⱂⱃⱑⰾⱐⱋⰵⱀⰻ ⰱⱘⰴⰵⱅⰵ. ⰿⱏⱀⱁⰷⰻ ⰱⱁ ⱂⱃⰻⰴⱘⱅⱏ ⰲⱏ ⰹⰿⱔ ⰿⱁⰵ ⰳⰾ҃ⱙⱎⱅⰵ. ⱑⰽⱁ ⰰⰸⱏ ⰵⱄⰿⱏ ⰻ ⰲⱃⱑⰿⱔ ⱂⱃⰻⰱⰾⰻⰶⰻ [ⱄ]ⱔ. ⱀⰵ ⰻⰴⱑⱅⰵ ⱆⰱⱁ ⰲⱏ ⱄⰾⱑⰴⱏ ⰻⱈⱏ.
21:9
ⰵⰳⰴⰰ ⰶⰵ ⱆⱄⰾⱏⰹⱎⰻⱅⰵ ⰱⱃⰰⱀⰻ ⰻ ⱀⰵⱄⱅⱃⱁⰵⱀⰻⱑ. ⱀⰵ ⱆⰱⱁⰻⱅⰵ ⱄⱔ. ⱂⱁⰴⱁⰱⰰⰰⱅⱏ ⰱⱁ ⱄⰻⰿⱏ ⱂⱃⱑⰶⰴⰵ ⰱⱏⰹⱅⰻ. ⱀⱏ ⱀⰵ ⱆ ⰰⰱⰻⰵ ⰽⱁⱀⱐⱍⰻⱀⰰ.
21:10
ⱅⱏⰳⰴⰰ ⰳⰾ҃ⰰⱎⰵ ⰻⰿⱏ. ⰲⱏⱄⱅⰰⱀⰵⱅⱏ .. !ⱗⰸⰽⱏ ⱀⰰ !ⱗⰸⰽⱏ. ⰻ ⱌⱄ҃ⱃⱄⱅⰲⱁ ⱀⰰ ⱌⱑⱄⰰⱃⱐⱄⱅⰲⱁ.
21:11
ⱅⱃⱘⱄⰻ ⰶⰵ ⰲⰵⰾⰻⱌⰻ ⱂⱁ ⰿⱑⱄⱅⰰ. ⰻ ⰳⰾⰰⰴⰻ ⰻ ⰿⱁⱃⰻ ⰱⱘⰴⱘⱅⱏ. ⱄⱅⱃⰰⱈⱁⰲⰰⱀⰻⱑ ⰶⰵ. ⰻ ⰸⱀⰰⰿⰵⱀⰻⱑ ⱄ ⱀⰱ҃ⱄⰵ ⰲⰵⰾⰻⱑ ⰱⱘⰴⱘⱅⱏ ::
21:12
Ⱂⱃⱑⰶⰴⰵ ⰶⰵ ⱄⰻⱈⱏ [ⰲⱄⱈⱏ] [.] ⰲⱏⰸⰾⱁⰶⱔⱅⱏ ⱀⰰ ⰲⱏⰹ ⱃⱘⰽⱏⰹ ⱄⰲⱁⱗ. ⰻ ⰻⰶⰴⰵⱀⱘⱅⱏ ⱂⱃⱑⰴⰰⱙⱎⱅⰵ ⱀⰰ ⱄⱁⱀⱐⰿⰻⱎⱅⰰ ⰻ ⱅⰵⰿⱏⱀⰻⱌⱔ. ⰲⰵⰴⱁⰿⱏⰹ ⰽⱏ ⱌⱑⱄⰰⱃⰵⰿⱏ ⰻ ⰲⰾⰴ!ⰽⰿⱏ. ⰻⰿⰵⱀⰵ ⰿⱁⰵⰳⱁ ⱃⰰⰴⰻ.
21:13
ⱂⱃⰻⰽⰾⱓⱍⰻⱅⱏ ⰶⰵ ⱄⱔ ⰲⰰⰿⱏ ⰲⱏ ⱄⱏⰲⱑⰴⱑⱅⰵⰾⱐⱄⱅⰲⱁ ::
21:14
Ⱂⱁⰾⱁⰶⰻⱅⰵ ⱆⰱⱁ ⱀⰰ ⱄⱃⰴ҃ⱏⱌⰻⱈⱏ ⰲⰰⱎⰻⱈⱏ. ⱀⰵ ⱂⱃⱑⰶⰴⰵ ⱂⱆⱆⱍⰰⱅⰻ ⱄⱔ ⱁⱅⱏⰲⱑⱋⰰⱅⰻ.
21:15
ⰰⰸⱏ ⰱⱁ ⰴⰰⰿⱏ [ⰲⰿⱐ] ⱆⱄⱅⰰ ⰻ ⱂⱃⱑⰿⱘⰴⱃⱁⱄⱅⱏ. ⰵⰻⰶⰵ ⱀⰵ ⰲⱏⰸⰿⱁⰳⱘⱅⱏ ⱂⱃⱁⱅⰻⰲⰻⱅⰻ ⱄⱔ. ⰻ ⱁⱅⱏⰲⱑⱎⱅⰰⱅⰻ ⰲⱏⱄⰻ ⱂⱃⱁⱅⰻⰲⰾⱑⱙⱋⰵⰻ ⱄⱔ ⰲⰰⰿⱏ.
21:16
ⱂⱃⱑⰴⰰⱀⰻ ⰶⰵ ⰱⱁⰴⰵⱅⰵ ⱃⱁⰴⰻⱅⰵⰾⱏⰹ ⰻ ⰱⱃⰰⱅⱃⰻⱙ. ⰻ ⱃⱁⰴⱁⰿⱏ ⰻ ⰴⱃⱆⰳⱏⰹ. ⰺ ⱆⰿⱃⱏⱅⰲⱔⱅⱏ ⱁⱅⱏ ⰲⰰⱄⱏ.
21:17
ⰺ ⰱⱘⰴⰵ{ⰴⰵ}ⱅⰵ ⱀ[ⰵ]ⱀⰰⰲⰻⰴⰻⰿⰻ ⱁⱅⱏ ⰲⱄⱑⱈⱏ ⰻⰿⰵⱀⰵ ⰿⱁⰵⰳⱁ ⱃⰰⰴⰻ.
21:18
ⰻ ⰲⰾⰰⱄⱏ ⰳⰾⰰⰲⱏⰹ ⰲⰰⱎⰵⱗ ⱀⰵ ⱂⱁⰳⱏⰹⰱⰾⰵⱅⱏ
21:19
ⰲⱏ ⱅⱃⱏⱂⱑⱀⰻ ⰲⰰⱎⰵⰿⱏ ⱄⱏⱅⱔⰶⰻⱅⰵ ⰴⱎ҃ⱔ ⰲⰰⱎⱔ ::
21:20
Ⰵⰳⰴⰰ ⰶⰵ ⱆⰸⱐⱃⰻⱅⰵ ⱁⰱⱏⱄⱅⱁⰻⰿⱏ ⰲⱁⰻ !ⰻⰿⱏ. ⱅⱁⰳⰴⰰ ⱃⰰⰸⱆⰿⱑⰵⱅⰵ ⱑⰽⱁ ⱂⱃⰻⰱⰾⰻⰶⰻ ⱄⱔ ⰸⰰⱂⱆⱄⱅⱑⱀⰻⰵ ⰵⰿⱆ.
21:21
ⱅⱁⰳⰴⰰ ⱄⱘⱎⱅⰵ ⰲⱏ ⰹⱓⰴⰵⰻ ⰴⰰ ⰱⱑⰳⰰⱙⱅⱏ ⰲⱏ ⰳⱁⱃⱏⰹ. ⰺ ⰻⰶⰵ ⱂⱁ ⱄⱃⱑⰴⱑ ⰵⰳⱁ ⰴⰰ ⰻⱄⱈⱁⰴⱔⱅⱏ. ⰻ ⰻⰶⰵ ⰲⱏ ⱄⱅⱃⰰⱀⰰⱈⱏ ⰴⰰ ⱀⰵ ⰲⱏⱈⱁⰴⱔⱅⱏ ⰲⱏⱀⱏ.
21:22
ⱑⰽⱁ {ⰴⱐ} ⰴⱐⱀⱐⰵ ⰿⱏⱎⱅⰵⱀⰻⱓ ⱄⰻ ⱄⱘⱅⱏ. ⰴⰰ ⰻⱄⱂⰾⱏⱀⱔⱅⱏ ⱄⱔ ⰲⱐⱄⱑ ⱀⰰⱂⰻⱄⰰⱀⰰⰰ. ::
21:23
Ⰳⱁⱃⰵ ⰶⰵ ⱀⰵⱂⱃⰰⰸⰴⱏⱀⱏⰹⰻⰿⱏ ⰻ ⰴⱁⱗⱎⱅⰻⰿⱏ ⰲⱏ ⱅⱏⰹ ⰴⱐⱀⰻ. ⰱⱘⰴⰵⱅⱏ ⰱⱁ ⰱⱑⰴⰰ ⰲⰵⰾⰻⱑ ⱀⰰ ⰸⰵⰿⰻ. ⰻ ⰳⱀⱑⰲⱏ ⱀⰰ ⰾⱓⰴⰵⱈⱏ ⱄⰻⱈ
21:24
ⰻ ⱂⰰⰴⱘⱅⱏ ⰲⱏ ⱁⱄⱅⱃⰻⰻ ⰿⰵⱍⰰ. ⰻ ⱂⰾⱑⱀⰵⱀⰻ ⰱⱁⰴⱘⱅⱏ ⰲⱏ ⱗⰸⱏⰹⰽⱏⰹ ⰲⱐⱄⱔ. ⰺ !ⰵⱃⱄⰾⰿⱏ ⰱⱘⰴⰵⱅⱏ ⱂⱁⱂⰻⱃⰰⰵⰿⱏ ⱗⰸⰽⱏⰹ. ⰴⱁⱀⱐⰴⰵⰶⰵ ⱄⱏⰽ{ⱁ}ⱁⱀⱐⱍⰰⱙⱅⱏ ⱄⱔ ⰲⱃⱑⰿⰵⱀⰰ !ⱗⰸⰽⱏ. {ⰹ}
21:25
ⰻ ⰱⱘⰴⱘⱅⱏ ⰸⱀⰰⰿⰵⱀⰻⱑ ⰲⱏ ⱄⰾⱏⱀⱏⱌⰻ ⰻ ⰾⱆⱀⱑ. ⰻ ⰷⰲⱑⰸⰴⰰⱈⱏ. ⰺ ⱀⰰ ⰸⰵⰿⰻ ⱅⱘⰳⰰ !ⱗⰸⰽⰿⱏ. ⱁⱅⱏ ⱀⰵⱍⰰⰰⱀⰻⱑ ⱎⱓⰿⰰ ⰿⱁⱃⱏⱄⰽⰰⰰⰳⱁ ⰻ ⰲⱏⰸⰿⱘⱋⰵⱀⰻⱑ
21:26
ⰻⰸⰴⱏⰹⱈⰰⱙⱎⱅⰵⰿⱏ ⱍⰾ҃ⰽⰿⱏ ⱁⱅⱏ ⱄⱅⱃⰰⱈⰰ. ⰻ ⱍⰰⰰⱀⰻⱑ ⰳⱃⱔⰴⱘⱎⱅⰻⱈⱏ ⱀⰰ ⰲⱐⱄⰵⰾⰵⱀⱘⱙ. ⱄⰻⰾⱏⰹ ⰱⱁ ⱀⰱ҃ⱄⰽⱏⰹⱗ ⱂⱁⰴⰲⰻⰳⱀⱘⱅⱏ ⱄⱔ.
21:27
ⰺ ⱅⱏⰳⰴⰰ ⱆⰸⱐ[ⱃⰻ]ⱅⰵ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ ⱀⰰ ⱁⰱⰾⰰⱌⱑ. ⱄⱏ ⱄⰻⰾⱁⱙ ⰻ ⱄⰾⰰⰲⱁⱙ ⰿⱏⱀⱁⰳⱁⱙ.
21:28
ⱀⰰⱍⰻⱀⰰⱙⱎⱅⰵⰿⱏ ⰶⰵ ⱄⰻⰿⱏ ⰱⱏⰹⰲⰰⱅⰻ. ⰲⱏⱄⰽⰾⱁⱀⰻⱅⰵ ⱄⱔ ⰻ ⰲⱏⰸⰴⰲⰻⰳⱀⱑⱅⰵ ⰳⰾⰰ{ⰲⱏ}ⰲⱏⰹ ⰲⰰⱎⱔ. ⰸⰰⱀⰵ ⱂⱃⰻⰱⰾⰻⰶⰻ ⱄⱔ ⰻⰸⰱⰰⰲⰾⰵⱀⰻⰵ ⰲⰰⱎⰵ.
21:29
ⰺ ⱃⰵⱍⰵ ⰻⰿⱏ ⱂⱃⰻⱅⱏⱍⱘ. ⰲⰻⰴⰻⱅⰵ ⱄⰿⱁⰽⱁⰲⱐⱀⰻⱌⱘ ⰻ ⰲⱐⱄⱑ ⰴⱃⱑⰲⰰ.
21:30
ⰵⰳⰴⰰ ⱂⱃⱁⱎⰻⰱⰰⱙⱅⱏ ⱄⱔ ⱓⰶⰵ ⰲⰻⰴⱔⱋⰵ ⱁ ⱄⰵⰱⱑ ⰲⱑⱄⱅⰵ ⱑⰽⱁ ⱓⰶⰵ ⰱⰾⰻⰸⱏ ⰶⱔⱅⰲⰰ ⰵⱄⱅⱏ.
21:31
ⱅⰰⰽⱁ ⰻ ⰲⱏⰹ ⰵⰳⰴⰰ ⱆ[ⰸⱐ]ⱃⰻⱅⰵ ⱄⰻ ⰱⱏⰹⰲⰰⱙⱎⱅⰰ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
21:32
ⰰⰿⰹⱀ. ⰳⰾ҃ⱙ ⰲⰰⰿⱏ ⱑⰽⱁ ⱀⰵ ⰻⰿⰰⱅⱏ ⱂⱃⱑⰻⱅⰻ ⱃⱁⰴⱁⱄⱐ. ⰴⱁⱀⱐⰴⰵⰶⰵ ⰲⱐⱄⱑ ⰱⱘⰴⱘⱅⱏ.
21:33
ⱀⰵⰱⱁ ⰻ ⰸⰵⰿⰾⱑ ⰿⰻⰿⱁ ⰻⰴⰵⱅⱏ. ⰰ ⱄⰾⱁⰲⰵⱄⰰ ⰿⱁⱑ ⱀⰵ ⰿⰻⰿⱁ ⰻⰴⱙⱅⱏ :: Ⰲⱐⱀⰵⰿⰾⱑⱅⰵ ⰶⰵ ⱄⰵⰱⱑ ⰵⰴⰰ ⰽⱁⰳⰴⰰ ⱁⱅⱔⰶⰰⱙⱅⱏ ⱄⱃⰴ҃ⱌⰰ ⰲⰰⱎⰰ. ⱁⰱⱑⰴⰰⱀⰻⰻⰿⱐ ⰻ ⱂⱐⱑⱀⱐⱄⱅⰲⱁⰿⱐ. ⰺ ⱂⰵⱍⰰⰾⱐⰿⰻ ⰶⰻⱅⰵⰻⱄⰽⱏⰹⰻⰿⰻ. ⰺ ⱀⰰⰻⰴⰵⱅⱏ ⱀⰰ ⰲⱏⰹ ⰲⱏⱀⰵⰸⰰⰰⱂⱘ ⰴⱐⱀⱐ ⱅⱏ.
21:35
ⱑⰽⱁ ⱄⱑⱅⱐ ⰱⱁ ⱂⱃⰻⰴⰵⱅⱏ ⱀⰰ ⰲⱐⱄⱔ ⱄⱑⰴⱔⱎⱅⱔⱗ ⱀⰰ ⰾⰻⱌⰻ ⰲⱐⱄⰵⱗ ⰸⰵⰿⰾⱔ :
21:36
Ⰱⱐⰴⰻⱅⰵ ⱆⰱⱁ ⱀⰰ ⰲⱐⱄⱑⰽⱁ ⰲⱃⱑⰿⱔ ⰿⱁⰾⱔⱎⱅⰵ ⱄⱔ. ⰴⰰ ⱄⱏⱂⱁⰴⱁⰱⰻⱅⰵ ⱄⱔ ⱆⰱⱑⰶⰰⱅⰻ. ⰲⱏⱄⱑⱈⱏ ⱄⰻⱈⱏ ⱈⱁⱅⱔⱎⱅⰻⱈⱏ ⰱⱏⰹⱅⰻ. ⰻ ⱄⱅⰰⱅⰻ ⱂⱃⱑⰴⱏ ⱄⱀ҃ⱁⰿⱏ ⱍⰾⰲ҃ⱍⱄⰽⱁⰿⱐ ::
21:37
ⰱⱑ ⰶⰵ ⰲⱐ ⰴⱐⱀⰵ ⱆⱍⱔ ⰲⱏ !ⱌⱃⰽⰲⰵ. ⰰ ⱀⱁⱎⱅⰻⱙ ⰲⱏⰴⰲⰰⱃⱑⰰⱎⰵ ⱄⱔ ⰻⱄⱈⱁⰴⱔ ⰲⱏ ⰳⱁⱃⱑ ⱀⰰⱃⰻⱌⰰⰵⰿⱑⰻ ⰵⰾⰵⱁⱀⱏ.
21:38
ⰻ ⰲⱐⱄⰻ ⰾⱓⰴⰻⰵ ⰻⰸ ⱆⱅⱃⰰ ⱂⱃⰻⱈⱁⰶⰴⰰⰰⱈⱘ ⰽⱏ ⱀⰵⰿⱆ ⰲⱏ !ⱌⱃⰽⰲⱏ ⱂⱁⱄⰾⱆⱎⰰⱅⱏ ⰵⰳⱁ.