ЕВАНГЕЛИЕ ЕЖЕ Ѿ ЛОУКꙐ
18:1
ⰳⰾ҃ⰰⰰⱎⰵ ⰶⰵ ⰻ ⱂⱃⰻⱅⱏⱍⱘ ⰽⱏ ⱀⰻⰿⱏ. ⰽⰰⰽⱁ ⱂⱁⰴⱁⰱⰰⰰⱅⱏ ⰲⱏⱄⰵⰳⰴⰰ ⰿⱁⰾⰻⱅⰻ ⱄⱔ. ⰺ ⱀⰵ ⱄⱏⱅⱘⰶⰰⱅⰻ ⱄⰻ
18:2
ⰳⰾ҃ⱙ :: Ⱄⱁⰴⰻ ⰱⱑ ⰵⰴⰻⱀⱏ. ⰲⱏ ⰵⰴⰻⱀⱁⰿⱐ ⰳⱃⰰⰴⱑ. ⰱ҃ⰰ ⱀⰵ ⰱⱁⱗ ⱄⱔ ⰻ !ⱍⰽⱏ ⱀⰵ ⱄⱃⰰⰿⰾⱑⱗ ⱄⱔ.
18:3
ⰲⱏⰴⱁⰲⰰ ⰶⰵ ⰱⱑ ⰲⱏ ⰳⱃⰰⰴⱑ ⱅⱁⰿⱐ. ⰺ ⱂⱃⰻⱈⱁⰶⰴⰰⰰⱎⰵ ⰽⱏ ⱀⰵⰿⱆ ⰳⰾ҃ⱙⱎⱅⰻ. ⰿⱐⱄⱅⰻ ⰿⰵⱀⰵ ⱁⱅⱏ ⱄⱘⱂⱐⱃⱑ ⰿⱁⰵⰳⱁ.
18:4
ⰺ ⱀⰵ ⱈⱁⱅⱑⰰⱎⱔ ⱀⰰ ⰴⰾⱏⰷⱑ ⰲⱃⱑⰿⰵⱀⰻ. ⱂⱁⱄⰾⱑⰴⰻ ⰶⰵ ⱃⰵⱍⰵ ⰲⱐ ⱄⰵⰱⱑ. ⰰⱎⱅⰵ ⰻ ⰱ҃ⰰ ⱀⰵ ⰱⱁⱙ ⱄⱔ ⰻ ⱍⰾⰲ҃ⰽⱏ ⱀⰵ ⱄⱃⰰⰿⰾⱑⱙ ⱄⱔ.
18:5
ⰸⰰⱀⰵ ⱅⰲⱁⱃⰻⱅⱏ ⰿⰻ ⱅⱃⱆⰴⱏ ⰲⱏⰴⱁⰲⰻⱌⰰ ⱄⰻ. ⰴⰰ ⰿⱐⱋⱙ ⰵⱗ ⰴⰰ ⱀⰵ ⰴⱁ ⰽⱁⱀⱐⱌⰰ ⱂⱃⰻⱈⱁⰴⱔⱎⱅⰻ ⰸⰰⱄⱅⱁⰻⱅⱏ ⰿⰵⱀⰵ.
18:6
Ⱃⰵⱍⰵ ⰶⰵ ⰳ҃ⱏ ⱄⰾⱏⰹⱎⰻⱅⰵ ⱍⱏⱅⱁ ⱄⱘⰴⰻⰻ ⱀⰵⱂⱃⰰⰲⰵⰴⱏⱀⱏⰹ ⰳⰾ҃ⱅⱏ.
18:7
ⰰ ⰱ҃ⱏ ⱀⰵ ⰻⰿⰰⱅⱏ ⰾⰻ ⱄⱏⱅⰲⱁⱃⰻⱅⰻ ⰿⱐⱄⱅⰻ. ⰺⰸⰱⱏⱃⰰⱀⱏⰹⱈⱏ ⱄⰲⱁⰻⱈⱏ. ⰲⱏⱂⰻⱙⱎⱅⰻⰻⱈⱏ ⰽⱏ ⱀⰵⰿⱆ ⰴⰵⱀⱐ ⰻ ⱀⱁⱋⱐ. ⰻ ⱅⱃⱏⱂⰻⱅⱏ ⱀⰰ ⱀⰻⱈⱏ.
18:8
ⰳⰾ҃ⱙ ⰲⰰⰿⱏ. ⱑⰽⱁ ⱄⱏⱅⰲⱁⱃⰻⱅⱏ ⰿⰵⱄⱅⱐ ⰻⱈⱏ ⰲⱏ ⱄⰽⱁⱃⱑ :: ⰽ!ⱌ :: ⱁⰱⰰⱍⰵ ⱄⱀ҃ⱏ ⱍⰾⰲ҃ⱍⱐⱄⰽⱏⰹ ⱂⱃⰻⱎⰵⰴⱏ ⱆⰱⱁ ⱁⰱⱃⱔⱎⱅⰵⱅⱏ ⰾⰻ ⰲⱑⱃⱘ ⱀⰰ ⰸⰵⰿⰻ.
18:9
ⱃⰵⱍⰵ ⰶⰵ ⰻ ⰽⱏ ⰵⰴⰻⱀⱑⰿⱐ ⱀⰰⰴⱑⱙⱎⱅⰵⰿⱏ ⱄⱔ ⱀⰰ ⱄⱔ. ⱑⰽⱁ ⱄⱘⱅⱏ ⱂⱃⰰⰲⰵⰴⱏⱀⰻⱌⰻ. ⰻ ⱆⱀⰻⱍⱏⰶⰰⱙⱋⰵⰿⱏ ⱂⱃⱁⱍⱔⱗ ⱂⱃⰻⱅⱏⱍⱘ ⱄⰻⱙ ::
18:10
!Ⱍⰾⰲⰽⰰ ⰴⱏⰲⰰ ⰲⱏⱀⰻⰴⰵⱅⰵ ⰲⱏ !ⱌⱃⰽⰲⱏ ⱂⱁⰿⱁⰾⰻⱅⱏ ⱄⱔ. ⰵⰴⰻⱀⱏ ⱇⰰⱃⰻⱄⱑⰻ ⰰ ⰴⱃⱆⰳⱏⰹ ⰿⱏⰹⱅⰰⱃⱐ.
18:11
ⱇⰰⱃⰻⱄⱑⰻ ⱄⱅⰰⰲⱏ ⰲⱐ ⱄⰵⰱⱑ ⰿⱁⰾⱑⰰⱎⰵ ⱄⱔ. ⰱⰶ҃ⰵ ⱈⰲⰰⰾⱘ ⱅⰵⰱⱑ ⰲⱏⰸⰴⰰⱙ. ⱑⰽⱁ ⱀⱑⱄⰿⱏ ⱑⰽⱁ ⰻ ⱂⱃⱁⱍⰻⰻ ⱍⰾⰲ҃ⱌⰻ. ⱈⱏⰹⱋⱐⱀⰻⱌⰻ ⱀⰵⱂⱃⰰⰲⰵⰴⱐⱀⰻⱌⰻ. ⱂⱃⱑⰾⱓⰱⱁⰴⱑⰻ. ⰾⰻ ⱑⰽⱁ ⱄⱐ ⰿⱏⰹⱅⰰⱃⱐ.
18:12
ⱂⱁⱎⱅⱘ ⱄⱔ ⰴⱏⰲⰰ ⰽⱃⰰⱅⱏⰹ ⰲⱏ ⱄⱁⰱⱁⱅⱘ. ⰴⰵⱄⱔⱅⰻⱀⱘ ⰴⰰⱙ ⰲⱐⱄⰵⰳⱁ ⰵⰾⰻⰽⱁ ⱂⱃⰻⱅⱔⰶⱙ.
18:13
ⰰ ⰿⱏⰹⱅⰰⱃⱐ ⰻⰸ ⰴⰰⰾⰵⱍⰵ ⱄⱅⱁⱗ. ⱀⰵ ⱈⱁⱅⱑⰰⱎⰵ ⱀⰻ ⱁⱍⰻⱓ ⰲⱏⰸⰲⰵⱄⱅⰻ ⱀⰰ ⱀⰵⰱⱁ. ⱀⱏ ⰱⰻⱑⰰⱎⰵ ⱂⱃⱏⱄⰻ ⱄⰲⱁⱗ ⰳⰾ҃ⱔ. ⰱⰶ҃ⰵ ⰿⰻⰾⱁⱄⱅⰻⰲⱏ ⰱⱁⰴⰻ ⰿⱐⱀⱑ ⰳⱃⱑⱎⱏⱀⰻⰽⱆ.
18:14
ⰳⰾ҃ⱙ ⰲⰰⰿⱏ. ⱄⱏⱀⰻⰴⰵ ⱄⱐ ⱁⱂⱃⰰⰲⱏⰴⰰⱀⱏ ⰲⱏ ⰴⱁⰿⱏ ⱄⰲⱁⰻ. ⱂⰰⱍⰵ ⱁⱀⱁⰳⱁ. ⱑⰽⱁ ⰲⱐⱄⱑⰽⱏ ⰲⱏⰸⱀⱁⱄⱔⰻ ⱄⱔ ⱄⱏⰿⱑⱃⰻⱅⱏ ⱄⱔ. ⰻ ⱄⱏⰿⱑⱃⱑⱗⰻ ⱄⱔ ⰲⱏⰸⱀⰵⱄⰵⱅⱏ ⱄⱔ :: ⰽ!ⱌ ::
18:15
Ⱂⱃⰻⱀⱁⱎⰰⰰⱈⱘ ⰶⰵ ⰽⱏ ⱀⰵⰿⱆ ⰻ ⰿⰾⰰⰴⰵⱀⱏⱍⱔ. ⰴⰰ ⰱⰻ ⱄⱔ ⰻⱈⱏ ⰽⱁⱄⱀⱘⰾⱏ. ⰲⰻⰴⱑⰲⱏⱎⰵ ⰶⰵ ⱆⱍⰵⱀⰻⱌⰻ ⱂⱃⱑⱎⱅⰰⰰⱈⱘ ⰻⰿⱏ.
18:16
ⰺⱄ҃ ⰶⰵ ⱂⱃⰻⰸⱏⰲⰰ ⱗ ⰳⰾ҃ⰰ. ⱀⰵ ⰴⱑⰻⱅⰵ ⰴⱑⱅⰻⰻ ⱂⱃⰻⱈⱁⰴⰻⱅⰻ ⰽⱏ ⰿⱐⱀⱑ. ⰻ ⱀⰵ ⰱⱃⰰⱀⰻⱅⰵ ⰻⰿⱏ. ⱅⰰⰽⱁⰲⱏⰹⱈⱏ ⰱⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
18:17
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⰻⰶⰵ ⰰⱎⱅⰵ ⱀⰵ ⱂⱃⰻⰿⰵⱅⱏ ⱌⱄ҃ⱃⱄⱅⰲⰻⱑ ⰱⰶ҃ⰻⱑ ⱑⰽⱁ ⱁⱅⱃⱁⱍⱔ. ⱀⰵ ⰻⰿⰰⱅⱏ ⰲⱏⱀⰻⱅⰻ ⰲⱏ ⱀⰵ. :: ⱀⰵ!ⰴ. !!ⰻⰷ ::
18:18
Ⰺ ⰲⱏⱂⱃⱁⱄⰻ ⰻ ⰵⰴⰻⱀⱏ ⰽⱏⱀⱔ[ⰷⱐ] ⰳⰾ҃ⱔ. ⱆⱍⰻⱅⰵⰾⱓ ⰱⰾⰰⰳⱏⰹ ⱍⱏⱅⱁ ⱄⱏⱅⰲⱁⱃⱐ ⰶⰻⰲⱁⱅⱏ ⰲⱑⱍⱏⱀⱏⰹ ⱀⰰⱄⰾⱑⰴⱏⱄⱅⰲⱆⱙ.
18:19
ⱃⰵⱍⰵ ⰶⰵ ⰵⰿⱆ ⰻⱄ҃ⱏ ⱍⱏⱅⱁ ⰿⱔ ⰳⰾ҃ⰵⱎⰻ ⰱⰾⰰⰳⰰ. ⱀⰻⰽⱅⱁⰶⰵ ⰵ ⰱⰾⰰⰳⱏ ⱅⱏⰽⱏⰿⱁ ⰵⰴⰻⱀⱏ ⰱ҃ⱏ.
18:20
ⰸⰰⱂⱁⰲⱑⰴⰻ ⰲⱑⱄⰻ ⱀⰵ ⱆⰱⰻ ⱀⰵ ⱂⱃⱑⰾⱓⰱⱏ ⱄⱏⱅⰲⱁⱃⰻ. ⱀⰵ ⱆⰽⱃⰰⰴⰻ. ⱀⰵ ⰾⱏⰶⱐ ⱄⱏⰲⱑⰴⱑⱅⰵⰾⱐ ⰱⱘⰴⰻ. ⱍⱐⱅⰻ ⱁⱅⱏⱌⰰ ⱅⰲⱁⰵⰳⱁ ⰻ ⰿⰰⱅⰵⱃⱐ ⱅⰲⱁⱙ.
18:21
ⱁⱀⱏ ⰶⰵ ⱃⰵⱍⰵ ⰲⱐⱄⱑ ⱄⰻ ⱄⱏⱈⱃⰰⱀⰻⱈⱏ ⰻⰸⱐ ⱓⱀⱁⱄⱅⰻ ⰿⱁⰵⱗ.
18:22
ⱄⰾⱏⰹⱎⰰⰲⱏ ⰶⰵ ⱄⰵ ⰻⱄ҃ⱏ ⱃⰵⱍⰵ ⰵⰿⱆ. ⰵⱋⰵ ⰵⰴⰻⱀⱁⰳⱁ ⱀⰵ ⰴⱁⰽⱁⱀⱐⱍⰰⰾⱏ ⰵⱄⰻ. ⰲⱏⱄⱑ ⰵⰾⰻⰽⱁ ⰻⰿⰰⱎⰻ ⱂⱃⱁⰴⰰⰶⰴⱏ ⰻ ⱃⰰⰸⰴⰰⰻ ⱀⰻⱋⰻⰻⰿⱏ. ⰻ ⰻⰿⱑⱅⰻ ⰻⰿⰰⱎⰻ ⱄⱏⰽⱃⱁⰲⰻⱎⱅⰵ ⱀⰰ ⱀⰵⰱⰵⱄⰵ. ⰺ ⰳⱃⱔⰴⰻ ⱂⱁ ⰿⱐⱀⱑ.
18:23
ⱁⱀⱏ ⰶⰵ ⱄⰾⱏⰹⱎⰰⰲⱏ ⱄⰵ ⱂⱃⰻⱄⰽⱃⱏⰱⰵⱀⱏ ⰱⱏⰹⱄⱅⱏ. ⰱⱑ ⰱⱁ ⰱⱁⰳⰰⱅⱏ ⰷⱑⰾⱁ.
18:24
ⰲⰻⰴⱑⰲⱏ ⰶⰵ ⰻⱄ҃ⱏ ⱂⱃⰻⱄⰽⱃⱏⰱⰵⱀⱏ ⰱⱏⰹⰲⱏⱎⱏ ⱃⰵⱍⰵ. ⰽⰰⰽⱁ ⱀⰵ ⱆⰴⱁⰱⱐ ⰻⰿⱘⱎⱅⰵⰻ ⰱⰳⰰⱅⱏⱄⱅⰲⱁ. ⰲⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ ⰲⱏⱀⰻⰴⱘⱅⱏ.
18:25
ⱆⰴⱁⰱⱑⰵ ⰱⱁ ⰵⱄⱅⱏ ⰲⰵⰾⱐⰱⱘⰴⱆ ⱄⰽⰲⱁⰸⱑ ⰻⰳⱐⰾⰻⱀⱑ ⱆⱎⰻ ⱂⱃⱁⰻⱅⰻ. ⱀⰵⰶⰵ ⰱⱁⰳⰰⱅⱆ ⰲⱏ ⱌⱄ҃ⱃⱄⱅⰲⰻⰵ. ⰲⱐⱀⰻⱅⰻ.
18:26
ⱃⱑⱎⱔ ⰶⱔ ⱄⰾⱏⰹⱎⰰⰲⱏⱎⰵⰻ. ⱅⱁ ⰽⱅⱁ ⰿⱁⰶⰵⱅⱏ ⱄⱂ҃ⱄⱀⱏ ⰱⱏⰹⱅⰻ.
18:27
ⱁⱀⱏ ⰶⰵ ⱃⰵⱍⰵ ⱀⰵ ⰲⱏⰸⰿⱁⰶⱏⱀⰰⰰ ⱁⱅⱏ ⱍⰾⰲ҃ⰽⱏ. ⰲⱏⰸⰿⱁⰶⱏⱀⰰ ⱁⱅⱏ ⰱ҃ⰰ ⱄⱘⱅⱏ :: ⰽ!ⱌ ::
18:28
Ⱃⰵⱍⰵ ⰶⰵ ⱂⰵⱅⱃⱏ ⱄⰵ ⰿⱏⰹ ⱁⱄⱅⰰⰲⰻⱈⱁⰿⱏ ⰲⱏⱄⱑ. ⰺ ⱂⱁ ⱅⰵⰱⱑ ⰻⰴⱁⰿⱏ.
18:29
ⱁⱀⱏ ⰶⰵ ⱃⰵⱍⰵ ⰻⰿⱏ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱀⰻⰽⱅⱁⰶⰵ ⰵⱄⱅⱏ. ⰺⰶⰵ ⱁⱄⱅⰰⰲⰻⱅⱏ ⰴⱁⰿⱏ ⰾⰻ ⱃⱁⰴⰻⱅⰵⰾⱔ. ⰾⰻ ⰱⱃⰰⱅⱃⰻⱙ ⰾⰻ ⰶⰵⱀⱘ. ⰾⰻ ⱍⱔⰴⰰ. ⱌⱄ҃ⱃⱄⱅⰲⰻⱑ ⰱⰶ҃ⰻⱑ ⱃⰰⰴⰻ.
18:30
ⰺⰶⰵ ⱀⰵ ⰲⱐⱄⱂⱃⰻⰻⰿⰵⱅⱏ ⰿⱏⱀⱁⰶⰻⱌⰵⱙ ⰲⱐ ⰲⱃⱑⰿⱔ ⱄⰵ. ⰻ ⰲⱏ ⰲⱑⰽⱏ ⰳⱃⱔⰴⱘⱎⱅⰻⰻ ⰶⰻⰲⱁⱅⱏ ⰲⱑⱍⱏⱀⱏⰹ.
18:31
Ⱂⱁⰻⰿⱏ ⰶⰵ ⱁⰱⰰ ⱀⰰ ⰴⰵⱄⱔⱅⰵ ⱃⰵⱍⰵ [ⰽ]ⱏ ⱀⰻⰿⱏ. ⱄⰵ ⰲⱏⱄⱈⱁⰴⰻⰿⱏ ⰲⱏ !ⰻⰿⱏ. ⰻ ⱄⱏⰽⱁⱀⱐⱍⰰⱙⱅⱏ ⱄⱔ ⰲⱐⱄⱑ ⱂⰻⱄⰰⱀⰰ !ⱂⱃⰽⱏⰹ. ⱁ ⱄⱀ҃ⱑ !ⱍⰾⰲ҃ⱑⱍⱄⱌⱑⰿⱐ.
18:32
ⱂⱃⱑⰴⰰⰴⱔⱅⱏ ⰱⱁ ⰻ ⱗⰸⱏⰹⰽⰿⱏ. ⰻ ⱂⱁⱃⱘⰳⰰⱙⱅⱏ ⱄⱔ ⰵⰿⱆ .ⰻ ⰴⱁⱄⰰⰴⱔⱅⱏ ⰵⰿⱆ ⰻ ⰸⰰⱂⰾⱓⱙⱅⱏ ⰹ.
18:33
ⰻ ⰱⰻⰲⱏⱎⰵ ⱆⰱⰻⱙⱅⱏ ⰹ. ⰺ҅ ⱅⱃⰵⱅⰻ ⰴⰵⱀⱐ ⰲⱐⱄⰽⱃⱐⱄⱀⰵⱅⱏ.
18:34
ⰺ ⱅⰻ ⱀⰻⱍⰵⱄⱁⰶⰵ ⱁⱅⱏ ⱄⰻⱈⱏ ⱀⰵ ⱃⰰⰸⱆⰿⱑⱎⱔ. ⰺ ⰱⱑ ⰳⰾ҃ⱁⱄⱐ ⱄⱏⰽⱃⱏⰲⰵⱀⱏ ⱁⱅⱏ ⱀⰻⱈⱏ. ⰺ ⱀⰵ ⱃⰰⰸⱆⰿⱑⰰⱈⱘ ⰳⰾ҃ⰿⱏⰹⱈⱏ ::
18:35
Ⰱⱏⰹⱄⱅⱏ ⰶⰵ ⰵⰳⰴⰰ ⱂⱃⰻⰱⰾⰻⰶⰻ ⱄⱔ ⰻⱄ҃ⱏ ⰲⱏ ⰵⱃⰻⱈⱘ. ⱄⰾⱑⱂⰵⱌⱏ ⰵⱅⰵⱃⱏ ⱄⱑⰴⱑⰰⱎⰵ ⱂⱃⰻ ⱂⱘⱅⰻ ⱂⱃⱁⱄⱔ.
18:36
ⱄⰾⱏⰹⱎⰰⰲⱏ ⰶⰵ ⱀⰰⱃⱁⰴⱏ ⰿⰻⰿⱁ ⱈⱁⰴⱔⱎⱅⱐ. ⰲⱏⱂⱃⰰⱎⰰⰰⱎⰵ ⱍⱅⱁ ⱆⰱⱁ ⰵⱄⱅⱏ ⱄⰵ.
18:37
ⱂⱁⰲⱑⰴⱑⱎⱔ ⰶⰵ ⰵⰿⱆ ⱑⰽⱁ ⰻⱄ҃ⱏ ⱀⰰⰸⰰⱃⱑⱀⰻⱀⱏ [ⰿⰻ]ⰿⱁⱈⱁⰴⰻⱅⱏ.
18:38
ⰺ ⰲⱏⰸⱏⱂⰻ ⰳⰾ҃ⱔ ⰻⱄ҃ⰵ ⱄⱀ҃ⰵ !ⰴⰲⰴⰲⱏ ⱂⱁⰿⰻⰾⱆⰻ ⰿⱔ.
18:39
ⰺ ⱂⱃⱑⰴⱐ ⰻⰴⱘⱎⱅⰵⰻ ⱂⱃⱑⱎⱅⰰⰰⱈⱘ ⰵⰿⱆ. ⰴⰰ ⱆⰿⰾⱏⱍⰻⱅⱏ. ⱁⱀⱏ ⰶⰵ ⱂⰰⱍⰵ ⰷⱑⰾⱁ ⰲⱏⱂⰻⱑⱎⰵ ⰳⰾ҃ⱔ. ⱄⱀ҃ⰵ ⰴⰰⰲ҃ⰴⰲⱏ ⱂⱁⰿⰻⰾⱆⰻ ⰿⱔ.
18:40
ⱄⱅⰰⰲⱏ ⰶⰵ ⰻⱄ҃ⱏ ⱂⱁⰲⰵⰾⱑ ⱂⱃⰻⰲⰵⱄⱅⰻ ⰻ ⰽⱏ ⱄⰵⰱⱑ. ⱂⱃⰻⰱⰾⰻⰶⱐⱎⱓ ⰶⰵ ⱄⱔ ⰵⰿⱆ ⰽⱏ ⱀⰵ{ⱀⰵ}ⰿⱆ. ⰲⱏⱂⱃⱁⱄⰻ ⰻ ⰳⰾ҃ⱔ.
18:41
ⱍⱅⱁ ⱈⱁⱋⰵⱎⰻ ⰴⰰ ⱅⰻ ⱄⱏⱅⰲⱁⱃⱙ. ⱁⱀⱏ ⰶⰵ ⱃⰵⱍⰵ ⰳ҃ⰻ ⰴⰰ ⱂⱃⱁⰸⱐⱃⱙ.
18:42
ⰻⱄ҃ ⰶⰵ ⱃⰵⱍⰵ ⰵⰿⱆ ⱂⱃⱁⰸⱐⱃⰻ ⰲⱑⱃⰰ ⱅⰲⱁⱑ !ⱄⱏⱂⱄ ⱅⱔ.
18:43
ⰻ ⰰⰱⰻⰵ ⱂⱃⱁⰸⱐⱃⱑ. ⰺ ⰲⱐ ⱄⰾⱑⰴⱏ ⰵⰳⱁ ⰳⱃⱔⰴⱑⰰⱎⰵ ⱄⰾⰰⰲⱔ ⰱ҃ⰰ. ⰺ ⰲⱐⱄⰻ ⰾⱓⰴⰻⰵ ⰲⰻⰴⱑⰲⱏⱎⰵ ⰲⱏⰸⰴⰰⱎⱔ ⱈⰲⰰⰾⱘ !ⰱⰲⰻ :: ⰽ!ⱌ ::