ЕВАНГЕЛИЕ ЕЖЕ Ѿ ЛОУКꙐ
17:1
Ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱀⰵ ⰲⱏⰸⰿⱁⰶⱏⱀⱁ ⰵⱄⱅⱏ ⰴⰰ ⱀⰵ ⱂⱃⰻⰴⱘⱅⱏ ⱄⰽⰰⱀⱏⰴⰰⰾⰻ. Ⰳⱁⱃⰵ ⰶⰵ ⱅⱁⰿⱆ ⰻⰿⱐⰶⰵ ⱂⱃⰻⰴⱘⱅⱏ.
17:2
ⱆⱀⱑⰵ ⰵⰿⱆ ⰱⰻ ⰱⱏⰹⰾⱁ. ⰰⱎⱅⰵ ⰱⰻ ⰽⰰⰿⰵⱀⱐ ⰶⱃⱏⱀⱁⰲⱏⱀⱏⰹ ⰲⱏⰸⰾⱁⰶⰵⱀⱏ ⱀⰰ ⰲⱏⰹⱙ ⰵⰳⱁ. ⰺ ⰲⱏⰲⱃⱏⰶⰵⱀⱏ ⰲⱏ ⰿⱁⱃⰵ. ⱀⰵⰶⰵ ⰴⰰ ⱄⰽⰰⱀⱏⰴⰰⰾⰻⱄⰰⰰⱅⱏ ⰿⰰⰾⱏⰹⰻⱈⱏ [ⱄⰻⱈⱐ] ⰵⰴⰻⱀⱁⰳⱁ ::
17:3
Ⰲⱐⱀⰵⰿⰾⱑⱅⰵ ⱄⰵⰱⱑ. ⰰⱎⱅⰵ ⰶⰵ ⱄⱏⰳⱃⱑⱎⰻⱅⱏ {ⰱⱃⰰ} ⱅⰵⰱⱑ ⰱⱃⰰⱅⱃⱏ ⱅⰲⱁⰻ ⰸⰰⱂⱃⱑⱅⰻ ⰵⰿⱆ. ⰻ ⰰⱎⱅⰵ ⱂⱁⰽⰰⰰⱅⱏ ⱄⱔ ⱁⱅⱏⱂⱆⱄⱅⰻ ⰵⰿⱆ.
17:4
ⰻ ⰰⱎⱅⰵ ⱄⰵⰴⰿⱁⱃⰻⱌⰵⱙ ⰴⱐⱀⰵⰿⱏ ⱄⱏⰳⱃⱑⱎⰻⱅⱏ ⰲⱏ ⱅⱔ. ⰻ ⱄⰵⰴⰿⱁⱃⰻⱌⰵⱙ ⰴⱐⱀⰵⰿⱐ ⱁⰱⱃⰰⱅⰻⱅⱏ ⱄⱔ ⰳⰾ҃ⱔ ⰽⰰⱙ ⱄⱔ. ⱁⱅⱏⱂⱆⱄⱅⰻ ⰵⰿⱆ.
17:5
ⰺ ⱃⱑⱎⱔ !ⰰⱂⰾⰻ !ⰳⰲⰻ. ⱂⱃⰻⰾⱁⰶⰻ ⱀⰰⰿⱏ ⰲⱑⱃⱘ.
17:6
ⱃⰵⱍⰵ ⰶⰵ ⰳ҃ⱏ. ⰰⱎⱅⰵ ⰱⰻⱄⱅⰵ ⰻⰿⱑⰾⰻ ⰲⱑⱃⱘ ⱑⰽⱁ ⰸⱃⱏⱀⱁ ⰳⱁⱃⱓⱎⱐⱀⱁ. ⰳⰾ҃ⰰⰾⰻ ⰱⰻⱄⱅⰵ ⱆⰱⱁ ⱄⱛⰽⰰⰿⰻⱀⱑ ⱄⰵⰻ. ⰲⱐⰸⰴⰵⱃⰻ ⱄⱔ ⰻ ⰲⱏⱄⰰⰴⰻ ⱄⱔ ⰲⱏ ⰿⱁⱃⰵ. ⰻ ⱂⱁⱄⰾⱆⱎⰰⰾⰰ ⰱⰻ ⰲⰰⱄⱏ. ::
17:7
Ⰽⱁⱅⱁⱃⱏⰹⰻ ⰶⰵ ⱁⱅⱏ ⰲⰰⱄⱏ. ⱃⰰⰱⱏ ⰻⰿⱑⱗ ⱁⱂⱙⱎⱅⱏ ⰾⰻ ⱂⰰⱄⱘⱋⱏ ⰺⰶⰵ ⱂⱃⰻⱎⱐⰴⱏⱎⱓ ⱄⱏ ⱄⰵⰾⰰ. ⱃⰵⱍⰵⱅⱏ ⰰⰱⰻⰵ ⰿⰻⱀⱘⰲⱏ ⰲⱏⰸⰾⱔⰷⰻ.
17:8
ⱀⱐ ⱀⰵ ⱃⰵⱍⰵⱅⱏ ⰾⰻ ⰵⰿⱆ. ⱆ[ⰳⱁ]ⱅⱁⰲⰰⰻ ⱍⱏⱅⱁ ⰲⰵⱍⰵⱃⱑⱙ. ⰺ ⱂⱃⱑⱂⱁⱑⱄⰰⰲⱏ ⱄⱔ ⱄⰾⱆⰶⰻ ⰿⰻ. ⰴⱁⱀⱐⰴⰵⰶⰵ ⱑⰿⱐ ⰻ ⱂⰻⱙ. ⰺ ⱂⱁ ⱅⱁⰿⱐ ⱑⱄⰻ ⰻ ⱂⱐⰵⱎⰻ ⱅⱏⰹ.
17:9
ⰵ҅ⰴⰰ ⰻⰿⰰⱅⱏ ⱈⰲⰰⰾⱘ ⱃⰰⰱⱆ ⱅⱁⰿⱆ. ⱑⰽⱁ ⱄⱏⱅⰲⱁⱃⰻ ⱂⱁⰲⰵⰾⱑⱀⰰⰰ. ⱀⰵ ⰿⱐⱀⱙ
17:10
ⱅⰰⰽⱁ. ⰻ ⰲⱏⰹ ⰵⰳⰴⰰ ⱄⱏⱅⰲⱁⱃⰻⱅⰵ ⰲⱐⱄⱑ ⱂⱁⰲⰵⰾⱑⱀⰰⰰ ⰲⰰⰿⱏ. ⰳⰾ҃ⰻⱅⰵ ⱑⰽⱁ ⱃⰰⰱⰻ ⱀⰵⰴⱁⱄⱅⱁⰻⱀⰻ ⰵⱄⰿⱏ. ⱑⰽⱁ ⰵⰶⰵ ⰴⰾⱏⰶⱏⱀⰻ ⰱⱑⱈⱁⰿⱏ ⱄⱏⱅⰲⱁⱃⰻⱅⰻ ⱄⱏⱅⰲⱁⱃⰻⱈⱁⰿⱏ. :: ⰽ!ⱌ ::
17:11
Ⰺ ⰱⱏⰹⱄⱅⱏ ⰻⰴⱘⱎⱅⱓ ⰵⰿⱆ ⰲⱏ !ⰻⰿⱏ. ⰺ ⱅⱏ ⱂⱃⱁⱈⱁⰶⰴⰰⰰⱎⰵ ⰿⰵⰶⰴⱓ ⱄⰰⰿⰰⱃⰻⰵⱙ ⰳⰰⰾⰻⰾⱑⰵⱙ ::
17:12
Ⰺ ⰲⱏⱈⱁⰴⱔⱎⱅⱓ ⰵⰿⱆ ⰲⱐ ⰵⰴⰻⱀⱘ ⰲⰵⱄⱐ. ⱄⱏⱃⱑⱅⰵ ⰻ ⰴⰵⱄⱔⱅⱐ ⱂⱃⱁⰽⰰⰶⰵⱀⱏ ⰿⱘⰶⱏ. ⰺⰶⰵ ⱄⱅⰰⱎⱔ ⰻⰸ ⰴⰰⰾⰵⱍⰵ.
17:13
ⰺ ⱅⰻ ⰲⱐⰸⱀⱑⱄⱔ ⰳⰾⰰⱄⱏ ⰳⰾ҃ⱙⱎⱅⰵ. ⰺⱄ҃ⰵ ⱀⰰⱄⱅⰰⰲⱏⱀⰻⱍⰵ ⱂⱁⰿⰻⰾⱆⰻ ⱀⱏⰹ.
17:14
ⰺ ⰲⰻⰴⱑⰲⱏ ⱗ ⱃⰵⱍⰵ ⰻⰿⱏ. ⱎⱐⰴⱐⱎⰵ ⱂⱁⰽⰰⰶⰻⱅⰵ ⱄⱔ ⰻⰵⱃⱑⱁⰿⱏ. ⰻ ⰱⱏⰹⱄⱅⱏ ⰻⰴⱘⱎⱅⰵⰿⱏ ⰻⰿⱐ. ⰻⱎⱅⰻⱄⱅⰻⱎⱔ ⱄⱔ.
17:15
ⰵⰴⰻⱀⱏ ⰶⰵ ⱁⱅⱏ ⱀⰻⱈⱏ ⰲⰻⰴⱑⰲⱏ ⱑⰽⱁ ⰻⱌⱑⰾⱑ. ⰲⱏⰸⰲⱃⰰⱅⰻ ⱄⱔ ⱄⱏ ⰳⰾⰰⱄⱁⰿⱐ ⰲⰵⰾⰻⰵⰿⱐ ⱄⰾⰰⰲⱔ ⰱ҃ⰰ.
17:16
ⰻ ⱂⰰⰴⰵ ⱀⰻⱌⱏ ⱀⰰ ⱀⱁⰳⱆ ⰵⰳⱁ. ⱈⰲⰰⰾⱙ ⰵⰿⱆ ⰲⱏⰸⰴⰰⱗ. ⰻ ⱅⱏ ⰱⱑ ⱄⰰⰿⰰⱃⱑⱀⰻⱀⱏ.
17:17
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ⱏ ⱃⰵⱍⰵ. ⱀⰵ ⰴⰵⱄⱔⱅⱐ ⰾⰻ ⰻⱋⰻⱄⱅⰻⱎⱔ ⱄⱔ. ⰴⰰ ⰴⰵⰲⱔⱅⱐ
17:18
ⰽⰰⰽⱁ ⱀⰵ ⱁⰱⱃⱑⱅⱘ ⱄⱔ. ⰲⱏⰸⰲⱃⰰⱎⱅⱏⱎⰵ ⱄⱔ {ⱄⱔ} ⰴⰰⱅⰻ ⱄⰾⰰⰲⱏⰹ ⰱ҃ⱆ. ⱅⱏⰽⱏⰿⱁ ⰻⱀⱁⱂⰾⰵⰿⰵⱀⱐⱀⰻⰽⱏ ⱄⱐ.
17:19
ⰺ ⱃⰵⱍⰵ ⰵⰿⱆ ⰲⱏⱄⱅⰰⰲⱏ ⰻⰴⰻ ⰲⱑⱃⰰ ⱅⰲⱁⱑ ⱄⱂ҃ⱄⰵ ⱅⱔ :: ⰽ!ⱌ ::
17:20
ⰲⱏⱂⱃⱁⱎⰵⱀⱏ ⰶⰵ ⰱⱏⰹⰲⱏ ⱁⱅⱏ ⱇⰰⱃⰻⱄⱑⰻ. ⰽⱁⰳⰴⰰ ⱂⱃⰻⰴⰵⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⱁⱅⱏⰲⱑⱎⱅⰰ ⰻⰿⱏ ⰻ ⱃⰵⱍⰵ. ⱀⰵ ⱂⱃⰻⰴⰵⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ ⱄⱏ ⱄⱘⰿⱐⱀⱑⱀⰻⰵⰿⱐ.
17:21
ⱀⰻ ⱃⰵⰽⱘⱅⱏ ⱄⰵ ⱄⱐⰴⰵ ⰾⰻ ⱁⰲⱐⰴⰵ. ⱄⰵ ⰱⱁ !ⱌ{ⱄⱃ}ⱄⱃⱄⱅⰲⰻⰵ ⰱⰶ҃ⰻⰵ ⰲⱏⱀⱘⱅⱃⱐⱘⰴⱘ ⰲⱏ ⰲⰰⱄⱏ ⰵⱄⱅⱏ.
17:22
ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ. ⱂⱃⰻⰴⱁⱅⱏ ⰴⱐⱀⰻⰵ ⰵⰳⰴⰰ ⰲⱏⰶⰴⰵⰾⱑⰰⱅⰵ ⰵⰴⰻⱀⱁⰳⱁ ⰴⱐⱀⰻⰻ ⱄⱀ҃ⰰ ⱍⰾⰲ҃ⱄⰽⰰⰰⰳⱁ ⰲⰻⰴⱑⱅⰻ. ⰺ ⱀⰵ ⱆⰸⱐⱃⰻⱅⰵ.
17:23
ⰻ ⱃⰵⰽⱘⱅⱏ ⰲⰰⰿⱏ ⱄⰵ ⱄⱐⰴⰵ ⱁⰲⱏⰴⰵ !ⱈⱏ. ⱀⰵ ⰻⰸⰻⰴⱑⱅⰵ ⱀⰻ ⱂⱁⰶⰵⱀⱑⱅⰵ.
17:24
ⱑⰽⱁ ⰱⱁ ⰿⰾⱏⱀⰻⰻ ⰱⰾⰻⱄⱌⰰⱙⱋⰻ ⱄⱔ ⱁⱅⱏ !ⱂⱁⰴⱏⱀⰵⰱⰵⱄⰽⱏⰹⱗ. ⱀⰰ ⱂⱁⰴⱏⱀⰵⰱⰵⱄⰽⱘⱙ ⱄⰲⱐⱅⰻⱅⱏ ⱄⱔ. ⱅⰰⰽⱁ ⰱⱘⰴⰵⱅⱏ ⱄⱀ҃ⱏ !ⱍⰾⱄⰽⱏⰹ ⰲⱏ ⰴⰵⱀⱐ ⱄⰲⱁⰻ.
17:25
ⱂⱃⱑⰶⰴⰵ ⰶⰵ ⱂⱁⰴⱁⰱⰰⰰⱅⱏ ⰵⰿⱆ ⰿⱏⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ ⰻⱄⰽⱆⱎⰵⱀⱆ ⰱⱏⰹⱅⰻ ⱁⱅⱏ ⱃⱁⰴⰰ ⱄⰵⰳⱁ.
17:26
ⰺ ⱑⰽⱁⰶⰵ ⰱⱏⰹⱄⱅⱏ ⰲⱏ ⰴⱐⱀⰻ ⱀⱁⰵⰲⱏⰹ. ⱅⰰⰽⱁ ⰱⱘⰴⰵⱅⱏ ⰻ ⰲⱏ ⰴⱐⱀⰻ ⱄⱀ҃ⰰ ⱍⰾⰲ҃ⱄⰽⰰⰰⰳⱁ.
17:27
ⱑⰴⱑⰰⱈⱘ ⱂⰻⱑⱈⱘ ⰶⰵⱀⱑⰰⱈⱘ ⱄⱔ ⱂⱁⱄⰰⰳⰰⱈⱘ. ⰴⱁ ⱀⰵⰳⱁⰶⰵ ⰴⱐⱀⰵ ⰲⱐⱀⰻⰴⰵ ⱀⱁⰵ ⰲⱏ ⰽⱁⰲⱐⱍⰵⰳⱏ. ⰻ ⱂⱃⰻⰴⰵ ⱂⱁⱅⱁⱂⱏ ⰻ ⱂⱁⰳⱆⰱⰻ ⰲⱐⱄⱔ.
17:28
ⱅⰰⰽⱁⰶⰴⰵ ⰻ ⱑⰽⱁⰶⰵ ⰱⱏⰹⱄⱅⱏ ⰲⱐ ⰴⱐⱀⰻ ⰾⱁⱅⱁⰲⱏⰹ. ⱑⰴⱑⰰⱈⱘ ⰻ ⱂⰻⱑⱈⱘ. ⰽⱆⱂⱁⰲⰰⰰⱈⱘ ⰻ ⱂⱃⱁⰴⰰⱑⰰⱈⱘ. ⱄⰰⰶⰴⰰⰰⱈⱘ ⰸⱏⰴⰰⰰⱈⱘ.
17:29
ⰲⱐ ⱀⱐⰶⰵ ⰴⰵⱀⱐ ⰻⰸⰻⰴⰵ ⰾⱁⱅⱏ. ⱁⱅⱏ ⱄⱁⰴⱁⰿⰾⱑⱀⱐ. ⱁⰴⱏⰶⰴⰻ ⰶⱓⱂⰵⰾⱏ ⰻ ⱁⰳⱀⱐ ⱄⱏ ⱀⰵⰱ҃ⱄⰵ. ⰺ ⱂⱁⰳⱆⰱⰻ ⰲⱐⱄⱔ.
17:30
ⱂⱁ ⱅⱁⰿⱆⰶⰴⰵ ⰱⱘⰴⰵⱅⱏ ⰻ ⰴⰵⱀⱐ. ⰲⱐ ⱀⱐⰶⰵ ⱄⱀ҃ⱏ ⱍⰾⰲ҃ⱍⱄⰽⱏⰹ ⱑⰲⰻⱅⱏ ⱄⱔ.
17:31
ⰲⱏ ⱅⱏ ⰴⰵⱀⱐ ⰻⰶⰵ ⰱⱘⰴⰵⱅⱏ ⱀⰰ ⰽⱃⱁⰲⱑ. ⰺ ⱄⱏⱄⱘⰴⰻ ⰵⰳⱁ ⰲⱏ ⰴⱁⰿⱆ. ⰴⰰ ⱀⰵ ⱄⱏⰾⰰⰸⰻⱅⱏ ⰲⱐⰸⱔⱅⱏ ⰻⱈⱏ. ⰻ ⰻⰶⰵ ⱀⰰ ⱄⰵⰾⱑ ⱅⰰⰽⱁⰶⰴⰵ ⰴⰰ ⱀⰵ ⰲⱏⰸⰲⱃⰰⱅⰻⱅⱏ ⱄⱔ ⰲⱏⱄⱂⱔⱅⱐ.
17:32
Ⱂⱁⰿⰻⱀⰰⰻⱅⰵ ⰶⰵⱀⱘ ⰾⱁⱅⱁⰲⱘ.
17:33
ⰻ ⰻⰶⰵ ⰰⱋⰵ ⰲⱏⰸⰻⱎⱅⰵⱅⱏ ⰴⱎ҃ⱔ ⱄⰲⱁⰵⱗ. ⱙ ⱄⱂ҃ⱄⱅⰻ ⱂⱁⰳⱆⰱⰻⱅⱏ ⱙ. ⰺ ⰻⰶⰵ ⱂⱁⰳⱆⰱⰻⱅⱏ ⱙ ⰶⰻⰲⰻⱅⱏ ⱙ.
17:34
ⰳⰾ҃ⱙ ⰲⰰⰿⱏ. ⰲⱏ ⱅⱁ ⱀⱁⱎⱅⱐ ⰱⱘⰴⰵⱅⰵ ⰴⱏⰲⰰ ⱀⰰ ⰾⱁⰶⰻ ⰵⰴⰻⱀⱁⰿⱐ. ⰵⰴⰻⱀⱏ ⱂⱁⰵⰿⰾⱙⱅⱏ ⰰ ⰴⱃⱆⰳⱏⰹ ⱁⱄⱅⰰⰲⰾⱑⱙⱅⱏ.
17:35
ⰱⱘⰴⰵⱅⰵ ⰴⱐⰲⱑ ⰲⱐⰽⱆⱂⱑ ⰿⰵⰾⱙⱎⱅⰻ. ⰵⰴⰻⱀⱘ ⱂⱁⰵⰿⰾⱙⱅⱏ ⰰ ⰴⱃⱆⰳⱆⱙ ⱁⱄⱅⰰⰲⰾⱑⱙⱅⱏ. ⰴⱏⰲⰰ ⰱⱁⰴⰵⱅⰵ ⱀⰰ ⱄⰵⰾⱑ. ⰵⰴⰻⱀⱏ ⱂⱁⰵⰿⰾⱙⱅⱏ ⰰ ⰴⱃⱆⰳⱏⰹ ⱁⱄⱅⰰⰲⰾⱑⱙⱅⱏ.
17:36
ⰺ ⱁⱅⱏⰲⱑⱎⱅⰰⰲⱏⱎⰵ ⰳⰾ҃ⰰⱎⱔ ⰵⰿⱆ. ⰽⱏⰴⰵ ⰳ҃ⰻ. ⱁⱀⱏ ⰶⰵ ⱃⰵⱍⰵ ⰻⰿⱏ. ⰺⰴⰵⰶⰵ ⱅⱑⰾⱁ ⱅⱆ ⱁⱃⱐⰾⰻ ⱄⱏⱀⰵⰿⰾⱙⱅⱏ ⱄⱔ.