ЕВАНГЕЛИЕ ЕЖЕ Ѿ ЛОУКꙐ
13:1
ⱂⱃⰻⰽⰾⱓⱍⰻⱎⱔ ⰶⰵ ⱄⱔ ⰵⰴⰻⱀⰻ ⰲⱏ ⱅⱁ ⰲⱃⱑⰿⱔ ⱂⱁⰲⱑⰴⰰⱘⱎⱅⰵ ⰵⰿⱆ ⱁ ⰳⰰⰾⰻⰾⰵⰻⱈⱏ. ⰺ҅. ⱈⱏⰶⱔ ⰽⱃⱏⰲⱏ ⱂⰻⰾⰰⱅⱏ ⱄⱏⰿⱑⱄⰻ ⱄⱏ ⰸⱃⱏⱅⰲⰰⰿⰻ ⰻⱈⱏ.
13:2
ⰻ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰻⰿⱏ. ⰿⱐⱀⰻⱅⰵ ⰾⰻ ⱑⰽⱁ ⰳⰰⰾⰻⰾⱑⰰⱀⰵ ⱄⰻⰻ ⰳⱃⱑⱎⱏⱀⱑⰻⱎⰻ ⱂⰰⱍⰵ ⰲⱐⱄⱑⱈⱏ ⱍⰾ҃ⰽⱏ ⰱⱑⱎⱔ. ⱑⰽⱁ ⱅⰰⰽⱁ ⱂⱁⱄⱅⱃⰰⰴⰰⱎⱔ.
13:3
ⱀⰻ. ⰳⰾ҃ⱙ ⰲⰰⰿⱏ. ⱀⱏ ⰰⱎⱅⰵ ⱀⰵ ⱂⱁⰽⰰⰰⱅⰵ ⱄⱔ. ⰲⱐⱄⰻ ⱅⰰⰽⱁⰶⰴⰵ ⱂⱁⰳⱏⰹⰱⰾⰵⱅⰵ.
13:4
ⰾⰻ ⱁⱀⰻ ⱁⱄⰿⱐ ⱀⰰ ⰴⰵⱄⱔⱅⰵ ⱀⰰ ⱀⱔⰶⰵ ⱂⰰⰴⰵ ⱄⱅⰾⱏⱂⱏ ⱄⰻⰾⱆⰰⰿⱏⱄⰽⱏ. ⰺ ⱂⱁⰱⰻ ⱗ. ⰿⱐⱀⰻⱅⰵ ⰾⰻ ⱑⰽⱁ ⱅⰻ ⰴⰾⱏⰶⱐⱀⱑⰻⱎⰵ ⰱⱑⱎⱔ. ⱂⰰⱍⰵ ⰲⱐⱄⱑⱈⱏ ⱍⰾ҃ⰽⱏ ⰶⰻⰲⱘⱎⱅⰻⱈⱏ ⰲⱏ !ⰵⱃⰾⰿⱑ.
13:5
ⱀⰻ ⰳⰾ҃ⱙ ⰲⰰⰿⱏ. ⱀⱏ ⰰⱎⱅⰵ ⱀⰵ ⱂⱁⰽⰰⰰⱅⰵ ⱄⱔ ⰲⱐⱄⰻ ⱅⰰⰽⱁⰶⰴⰵ ⱂⱁⰳⱏⰹⰱⱀⰵⱅⰵ ::
13:6
!Ⰳⰾⰰⰰⱎⰵ ⰶⰵ ⱄⰻⱙ ⱂⱃⰻⱅⱏⱍⱘ ⱄⰿⱁⰽⱁⰲⱐⱀⰻⱌⱘ ⰻⰿⱑⰰⱎⰵ ⰵⰴⰻⱀⱏ ⰲⱏ ⰲⰻⱀⱁⰳⱃⰰⰴⱑ ⱄⰲⱁⰵⰿⱐ ⰲⱏⱄⰰⰶⰴⰵⱀⱘ. ⰺ ⱂⱃⰻⰴⰵ ⰻⱎⱅⱔ ⱂⰾⱁⰴⰰ ⱀⰰ ⱀⰵⰻ ⰻ ⱀⰵ ⱁⰱⱃⱑⱅⰵ.
13:7
ⱃⰵⱍⰵ ⰶⰵ ⰽⱏ ⰲⰻⱀⰰⱃⰵⰲⰻ. ⱄⰵ ⱅⱃⰵⱅⰻⰵⰵ ⰾⱑⱅⱁ ⱂⱃⰻⱈⱁⰶⰴⱘ ⰻⱎⱅⱔ ⱂⰾⱁⰴⰰ ⱀⰰ ⱄⰿⱁⰽⱁⰲⱐⱀⰻⱌⰻ ⱄⰵⰻ ⰻ ⱀⰵ ⱁⰱⱃⱑⱅⰰⱙ. ⱂⱁⱄⱑⱌⰻ ⱙ ⰲⱏⱄⰽⱘⱙ ⰻ ⰸⰵⰿⰾⱙ ⱁⱂⱃⰰⰶⱀⱑⰰⱅⱏ.
13:8
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⰳ҃ⰻ ⱁⱄⱅⰰⰲⰻ ⱙ ⰻ ⱄⰵ ⰾⱑⱅⱁ ⰴⱁⱀⱐⰴⰵⰶⰵ ⱙ ⱁⰽⱁⱂⰰⱙ ⱁⰽⱃⱐⱄⱅⱐ. ⰻ ⱁⱄⱏⰹⱂⰾⱙ ⰳⱀⱁⰵⰿⱐ.
13:9
ⰻ ⰰⱎⱅⰵ ⱆⰱⱁ ⱄⱏⱅⰲⱁⱃⰻⱅⱏ ⱂⰾⱁⰴⱏ. ⰰⱋⰵ ⰾⰻ ⰶⰵ ⱀⰻ. ⰲⱐ ⰳⱃⱔⰴⱘⱎⱅⰵⰵ ⰲⱃⱑⰿⱔ ⱂⱁⱄⱑⱍⰵⱎⰻ ⱙ. ::
13:10
Ⰱⱑ ⰶⰵ ⱆⱍⱔ ⰻⱄ҃ⱏ ⱀⰰ ⰵⰴⰻⱀⱁⰿⱐ ⱁⱅⱏ ⱄⱁⱀⱐⰿⰻⱎⱅⱐ ⰲⱏ ⱄⱁⰱⱁⱅⱏⰹ.
13:11
ⰺ ⱄⰵ ⰶⰵⱀⰰ ⰱⱑⰰⱎⰵ ⰴⱈ҃ⱏ ⰻⰿⱘⱎⱅⰻ ⱀⰵⰴⱘⰶⰵⱀⱐ. !ⰷ !ⰺ. ⱀⰰ ⰴⰵⱄⱔⱅⰵ ⰾⱑⱅⱏ.
13:11
ⰻ ⰱⱑ ⱄⰾⱘⰽⰰ. ⰺ ⱀⰵ ⰿⱁⰳⱘⱎⱅⰻ ⱄⱔ ⰲⱏⱄⰽⰾⱁⱀⰻⱅⰻ ⱁⱅⱏⱀⱘⰴⱐ.
13:12
ⱆⰸⱐⱃⱑⰲⱏ ⰶⰵ ⱙ ⰻⱄ҃ⱏ !ⱂⱃⰻⰳⰾⰰⱄⰻ ⰻ ⱃⰵⱍⰵ ⰵⰻ. ⰶⰵⱀⱁ ⱁⱅⱏⱂⱆⱎⱅⰵⱀⰰ ⰵⱄⰻ ⱁⱅⱏ ⱀⰵⰴⱘⰳⰰ ⱅⰲⱁⰵⰳⱁ.
13:13
ⰻ ⰲⱏⰸⰾⱁⰶⰻ ⱀⰰ ⱀⱙ ⱃⱘⱌⱑ. ⰻ ⰰⰱⰻⰵ ⱂⱃⱁⱄⱅⱐⱃⱑ ⱄⱔ. ⰻ ⱄⰾⰰⰲⰾⱑⰰⱎⰵ ⰱ҃ⰰ.
13:14
ⱁⱅⱏⰲⱑⱎⱅⰰ{ⰲⱏ}ⰲⱏ ⰶⰵ ⰰⱃⱈⰻⱄⱛⱀⰰⰳⱁⰳⱏ ⱀⰵⰳⱁⰴⱆⱗ ⰸⰰⱀⰵ ⰲⱏ ⱄⱁⰱⱁⱅⱘ ⰻⱄⱌⱑⰾⰻ ⱙ ⰻⱄ҃ⱏ. ⰳⰾ҃ⰰⱎⰵ ⱀⰰⱃⱁⰴⱆ. ⱎⰵⱄⱅⱐ ⰴⰵⱀⱏ ⰵⱄⱅⱏ ⰲⱐ ⱀⱔⰶⰵ ⰴⱁⱄⱅⱁⰻⱅⱏ ⰴⱑⰾⰰⱅⰻ. ⰲⱏ ⱅⱏⰹ ⱆⰱⱁ ⱂⱃⰻⱈⱁⰴⱔⱎⱅⰵ ⱌⱑⰾⰻⱅⰵ ⱄⱔ ⰰ ⱀⰵ ⰲⱐ ⰴⰵⱀⱐ ⱄⱁⰱⱁⱅⱏⱀⱏⰹ.
13:15
ⱁⱅⱏⰲⱑⱎⱅⰰ ⰽⱏ ⱀⰵⰿⱆ !ⰳⱐ ⰻ ⱃⰵⱍⰵ. ⰾⰻⱌⰵⰿⱑⱃⰻ. ⰽⱏⰶⱏⰴⱁ ⰲⰰⱄⱏ ⰲⱏ ⱄⱁⰱⱁⱅⱘ. ⱀⰵ ⱁⱅⱃⱑⱎⰰⰰⱅⱏ ⰾⰻ ⱄⰲⱁⰵⰳⱁ ⰲⱁⰾⱆ ⰾⰻ ⱁⱄⱏⰾⰰ ⱁⱅⱏ ⱑⱄⰾⰻⰻ. ⰻ ⰲⰵⰴⱏ ⱀⰰⱂⰰⱑⰰⱅⱏ.
13:16
ⱄⰻⱙ ⰶⰵ ⰴⱏⱎⱅⰵⱃⱐ ⰰⰲⱃⰰⰿⰾⱙ ⱄⱘⱎⱅⱘ. ⱙⰶⰵ ⱄⱏⰲⱔⰸⰰ ⱄⱁⱅⱁⱀⰰ ⱄⰵ ⱁⱄⰿⱁⰵ ⱀⰰ ⰴⰵⱄⱔⱅⰵ ⰾⱑⱅⱁ. ⱀⰵ ⰴⱁⱄⱅⱁⱑⰰⱎⰵ ⰾⰻ ⱃⰰⰸⰴⱃⱑⱎⰻⱅⰻ ⰵⱗ ⱁⱅⱏ ⱘⰸⱏⰹ ⰲⱐ ⰴⰵⱀⱐ ⱄⱁⰱⱁⱅⱏⱀⱏⰹ.
13:17
ⰻ ⱄⰵ ⰵⰿⱆ ⰳⰾ҃ⱙⱎⱅⱆ. ⱄⱅⱏⰹⰴⱑⰰⱈⱘ ⱄⱔ ⰲⱐⱄⰻ ⱂⱃⱁⱅⰻⰲⰾⱑⱙⱎⱅⰵⰻ ⱄⱔ ⰵⰿⱆ. ⰻ ⰲⱐⱄⰻ ⰾⱓⰴⰻⰵ ⱃⰰⰴⱁⰲⰰⰰⱈⱁ ⱄⱔ. ⱁ ⰲⱐⱄⱑⱈⱏ ⱄⰾⰰⰲⱏⱀⱏⰹⰻⱈⱏ. ⰱⱏⰹⰲⰰⱙⱎⱅⰻⰻⱈⱏ ⱁⱅⱏ ⱀⰵⰳⱁ :: ⰽ!ⱌ ::
13:18
!Ⰳⰾⰰⰰⱎⰵ ⰶⰵ ⰽⱁⰿⱆ ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⰻ ⰽⱁⰿⱆ ⱆⱂⱁⰴⱁⰱⰾⱙ ⰵ ::
13:19
Ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱅⰲⰻⰵ ⱀⰵⰱ҃ⱄⰽⱁⰵ ⰸⱃⱏⱀⱆ ⰳⱁⱃⱓⱎⱐⱀⱆ. ⰵⰶⰵ ⱂⱃⰻⰵⰿⱏ ⱍⰾⰲ҃ⰽⱏ. ⰲⱏⰲⱃⱏⰶⰵ ⰲⱏ ⰲⱃⱏⱅⱁⰳⱃⰰⰴⱏ ⱄⰲⱁⰻ. ⰻ ⰲⱏⰸⰴⱃⰰⱄⱅⰵ ⰻ ⰱⱏⰹⱄⱅⱏ ⰲⱏ ⰴⱃⱑⰲⱁ ⰲⰵⰾⰻⰵ. ⰻ ⱂⱅⰻⱌⱔ ⱀⰵⰱ҃ⱄⰽⱏⰹⱗ ⰲⱐⱄⰵⰾⰻⱎⱔ ⱄⱔ ⰲⱐ ⰲⱑⱅⰲⰻ ⰵⰳⱁ.
13:20
Ⱂⰰⰽⱏⰹ ⱃⰵⱍⰵ ⰽⱁⰿⱆ ⱆⱂⱁⰴⱁⰱⰾⱙ !ⱌⱑⱄⱃⱄⱅⰲⰻⰵ ⰱⰶ҃ⰻⰵ.
13:21
ⱂⱁⰴⱁⰱⱏⱀⱁ ⰵⱄⱅⱏ ⰽⰲⰰⱄⱆ. ⰻⰶⰵ ⱂⱃⰻⰵⰿⱏⱎⰻ ⰶⰵⱀⰰ ⱄⱏⰽⱃⱏⰹ ⰲⱏ ⰿⱘⱌⱑ. ⱅⱃⰻⰻ ⱄⰰⱅⱏ. ⰴⱁⱀⱐⰴⰵⰶⰵ ⰲⱐⰽⱏⰹⱄⱑ ⰲⱐⱄⱑ.
13:22
ⰻ ⱂⱃⱁⱈⱁⰶⰴⰰⰰⱎⰵ ⱄⰽⰲⱁⰸⱑ ⰳⱃⰰⰴⱏⰹ ⰻ ⰲⱐⱄⰻ ⱆⱍⱔ. ⰺ ⱎⱐⱄⱅⱐⰵ ⱅⰲⱁⱃⱔ ⰲⱏ ⰵⱃⱆⱄⰰⰾⰻⰿⱏ.
13:23
Ⱃⰵⱍⰵ ⰶⰵ ⰵⰴⰻⱀⱏ ⰽⱏ ⱀⰵⰿⱆ ⰳ҃ⰻ ⰰⱎⱅⰵ ⰿⰰⰾⱁ ⰵⱄⱅⱏ !ⱄⱏⱂⱄⰰⱙⱎⱅⰻⰻⱈⱏ ⱄⱔ. ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ
13:24
ⱂⱁⰴⰲⰻⰷⰰⰻⱅⰵ ⱄⱔ ⰲⱏⱀⰻⱅⰻ ⱄⰽⰲⱁⰸⱑ ⱅⱑⱄⱀⰰ{ⱑ}ⰰ ⰲⱃⰰⱅⰰ. ⱑⰽⱁ ⰿⱏⱀⱁⰷⰻ ⰳⰾ҃ⱙ. ⰲⱐⰸⰻⱋⱘⱅⱏ ⰲⱐⱀⰻⱅⰻ ⰻ ⱀⰵ ⰲⱏⰸⰿⱁⰳⱘⱅⱏ.
13:25
ⱁⱅⱏ ⱀⰵⰾⰻⰶⰵ ⱆⰱⱁ ⰲⱏⱄⱅⰰⱀⰵⱅⱏ !ⰳⱐ ⰴⱁⰿⱆ. ⰻ ⰸⰰⱅⰲⱁⱃⰻⱅⱏ ⰴⰲⱐⱃⰻ. ⰻ ⱀⰰⱍⱐⱀⰵⱅⰵ ⰲⱐⱀⱑ ⱄⱅⱁⱑⱅⰻ. ⰻ ⱅⰾⱑⱎⱅⰻ ⰲⱏ ⰴⰲⱐⱃⰻ ⰳⰾ҃ⱙⱋⰵ. ⰳ҃ⰻ ⰳ҃ⰻ ⱁⱅⰲⱃⱐⰸⰻ ⱀⰰⰿⱏ. ⰻ ⱁⱅⱏⰲⱑⱋⰰⰲⱏ ⱃⰵⱍⰵⱅⱏ ⰲⰰⰿⱏ. ⱀⰵ ⰲⱑⰿⱏ ⰲⰰⱄⱏ ⱁⱅⱏ ⰽⱆⰴⱘ ⰵⱄⱅⰵ.
13:26
ⱅⱁⰳⰴⰰ ⱀⰰⱍⱐⱀⰵⱅⰵ ⰳⰾ҃ⰰⱅⰻ. ⱑⱄⰿⱐ ⱂⱃⱑⰴⱏ ⱅⱁⰱⱁⱙ ⰻ ⱂⰻⱈⱁⰿⱏ. ⰺ ⱀⰰ ⱃⰰⱄⱂⱘⱅⰻⰻⱈⱏ ⱀⰰⱎⰻⱈⱏ ⱆⱍⰻⰾⱏ ⰵⱄⰻ.
13:27
ⰺ ⱃⰵⱍⰵⱅⱏ ⰳⰾ҃ⱙ ⰲⰰⰿⱏ. ⱀⰵ ⰲⱑⰿⱐ ⰲⰰⱄⱏ ⱁⱅⱏ ⰽⱘⰴⱆ ⰵⱄⱅⰵ. ⱁⱅⱏⱄⱅⱘⱂⰻⱅⰵ ⱁⱅⱏ ⰿⰵⱀⰵ ⰲⱐⱄⰻ ⰴⱑⰾⰰⱅⰵⰾⰵ ⱀⰵⱂⱃⰰⰲⱐⰴⱑ.
13:28
ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱐ. ⰵⰳⰴⰰ ⱆⰸⱐⱃⰻⱅⰵ ⰰⰲⱃⰰⰰⰿⰰ ⰻ ⰻⱄⰰⰽⰰ ⰻ ⰻⱑⰽⱁⰲⰰ. ⰺ ⰲⱐⱄⱔ ⱂⱃⱁⱃⱁⰽⱏⰹ ⰲⱏ ⱌⱄ҃ⱃⱄⱅⰲⰻⰻ ⰱⰶ҃ⰻⰻ. ⰲⱏⰹ ⰶⰵ ⰻⰸⰳⱁⱀⰻⰿⱏⰹ ⰲⱁⱀⱏ.
13:29
ⰻ ⱂⱃⰻⰴⱘⱅⱏ ⱁⱅⱏ ⰲⱏⱄⱅⱁⰽⱏ ⰻ ⰸⰰⱂⰰⰴⱏ ⰻ ⱄⱑⰲⰵⱃⰰ ⰻ ⱓⰳⰰ. ⰻ ⰲⱐⰸⰾⱔⰳⱘⱅⱏ ⰲⱏ !ⱌⱃⱄⱅⰲⰻⰻ !ⰱⰸⰹⰻ :: ⰽ!ⱌ ::
13:30
ⰺ ⱄⰵ ⱄⱘⱅⱏ ⱂⱁⱄⰾⱑⰴⱐⱀⰻⰻ ⰻⰶⰵ ⰱⱘⰴⱘⱅⱏ ⱂⱃⱑⰴⱐⱀ ⰻ҅. ⰻ ⱄⱘⱅⱏ ⱂⱃⱑⰴⱐⱀⰻⰻ. ⰺⰶⰵ ⰱⱘⰴⱘⱅⱏ ⱂⱁⱄⰾⱑⰴⱐⱀⰻⰻ.
13:31
Ⰲⱏ ⱅⱏ ⰴⰵⱀⱐ ⱂⱃⰻⱄⱅⱘⱂⰻⱎⱔ ⰵⰴⰻⱀⰻ ⱇⰰⱃⰻⱄⱑⰻ ⰳⰾ҃ⱙⱋⰵ ⰵⰿⱆ. ⰺⰸⰻⰴⰻ ⰻ ⰻⰴⰻ ⱁⱅⱏ ⱄⱘⰴⱆ. ⱑⰽⱁ ⰻⱃⱁⰴⱏ ⱈⱁⱎⱅⰵⱅⱏ ⱅⱔ ⱆⰱⰻⱅⰻ.
13:32
ⰻ ⱃⰵⱍⰵ ⰻⰿⱏ ⱎⰵⰴⱏⱎⰵ ⱃⱐⱌⱑⱅⰵ ⰾⰻⱄⱆ ⱅⱁⰿⱆ. ⱄⰵ ⰻⰸⰳⱁⱀⱙ ⰱⱑⱄⱏⰹ. ⰺ ⰻⱄⱌⱑⰾⰵⱀⰻⱑ ⱅⰲⱁⱃⱙ ⰴⱐⱀⰵⱄⱐ ⰻ ⰲⱏ ⱅⱃⰵⱅⰻ ⰽⱁⱀⱐⱍⰰⱙ.
13:33
ⱁⰱⰰⱍⰵ ⱂⱁⰴⱁⰱⰰⰰⱅⱏ ⰿⰻ ⰴⱐⱀⰵⱄⱐ ⰻ ⱓⱅⱃⱑ. ⰻ ⰲⱏ ⱁⱀⱏ ⰴⰵⱀⱐ ⰻⱅⰻ. ⱑⰽⱁ ⱀⰵ ⰲⱏⰸⰿⱁⰶⱏⱀⱁ ⰵⱄⱅⱏ !ⱂⱃⰽⱆ ⱂⱁⰳⱏⰹⰱⱀⱘⱅⰻ ⰽⱃⱁⰿⱑ ⰻⰵⱃⱄ҃ⰿⰰ.
13:34
!ⰺⰿⰵ !ⰻⰿⰵ ⰻⰸⰱⰻⰲⱏⰹ !ⱂⱃⰽⱏⰹ. ⰺ ⰽⰰⰿⰵⱀⱐⰵⰿⱐ ⱂⱁⰱⰻⰲⰰⱗ ⱂⱁⱄⱏⰾⰰⱀⱏⰹⱗ ⰽⱏ ⱅⰵⰱⱑ. Ⰽⱁⰾⱐ ⰽⱃⰰⱅⱏⰹ ⰲⱏⱄⱈⱁⱅⱑⱈⱏ ⱄⱏⰱⱏⱃⰰⱅⰻ ⱍⱔⰴⰰ ⱅⰲⱁⱑ. ⱑⰽⱁⰶⰵ ⰽⱁⰽⱁⱎⱏ ⰳⱀⱑⰸⰴⱁ ⱄⰲⱁⰵ ⱂⱁⰴⱏ ⰽⱃⰻⰾⱑ. ⰻ ⱀⰵ ⰲⱏⱄⱈⱁⱅⱑⱄⱅⰵ.
13:35
ⱄⰵ ⱁⱄⱅⰰⰲⰾⱑⰰⱅⱏ ⱄⱔ ⰲⰰⰿⱏ ⰴⱁⰿⱏ ⰲⰰⱎⱏ. ⰳⰾ҃ⱙ ⰶⰵ ⰲⰰⰿⱏ. ⱑⰽⱁ ⱀⰵ ⰻⰿⰰⱅⰵ ⰲⰻⰴⱑⱅⰻ ⰿⰵⱀⰵ ⰴⱁⱀⱐⰴⰵⰶⰵ ⱂⱃⰻⰴⰵⱅⱏ ⰵⰳⰴⰰ ⱃⰵⱍⰵⱅⰵ. !ⰱⰾⰳⱄⰲⱀⱏ ⰳⱃⱔⰴⱔⰻ ⰲⱏ ⰹⰿⱔ ⰳⱀ҃ⰵ ::