ЕВАНГЕЛИЕ ЕЖЕ Ѿ ЛОУКꙐ
10:1
ⰺ ⱂⱁ ⱄⰻⱈⱏ ⰶⰵ ⱑⰲⰻ ⰳ҃ⱏ ⰻ ⰺ҅ⱀⱑⱈⱏ ⱄⰵⰴⰿⱐ ⰴⰵⱄⱔⱅⱏ. ⰺ ⱂⱁⱄⱏⰾⰰ ⱗ ⱂⱁ ⰴⱐⰲⱑⰿⰰ ⱂⱃⱑⰴⱏ ⰾⰻⱌⰵⰿⱐ ⱄⰲⱁⰻⰿⱐ. ⰲⱐ ⰲⱐⱄⱑⰽⱏ ⰳⱃⰰⰴⱏ ⰻ ⰿⱑⱄⱅⱁ. ⱑⰿⱁⰶⰵ ⱈⱁⱅⱑⰰⱎⰵ ⱄⰰⰿⱏ ⰻⱅⰻ.
10:2
ⰳⰾ҃ⰰⰰⱎⰵ ⰶⰵ ⰽⱏ ⱀⰻⰿⱏ. ⰶⱔⱅⰲⰰ ⱆⰱⱁ ⰿⱏⱀⱁⰳⰰ ⰰ ⰴⱑⰾⰰⱅⰵⰾⱐ ⰿⰰⰾⱁ. ⰿⱁⰾⰻⱅⰵ ⱄⱔ ⱆⰱⱁ ⰳⱀ҃ⱆ ⰶⱔⱅⰲⱑ ⰴⰰ ⰻⰸⰲⰵⰴⰵⱅⱏ ⰴⱑⰾⰰⱅⰵⰾⱔ ⱀⰰ ⰶⱔⱅⰲⱘ ⱄⰲⱁⱙ.
10:3
ⰺⰴⱑⱅⰵ ⱄⰵ ⰰⰸⱏ ⱂⱁⱄⱏⰹⰾⰰⱙ ⰲⱏⰹ. ⱑⰽⱁ ⰰⰳⱀⱐⱌⱔ ⱂⱁ ⱄⱃⱑⰴⱑ ⰲⰾⱏⰽⱏ.
10:4
ⱀⰵ ⱀⱁⱄⰻⱅⰵ ⰲⱏⰾⰰⰳⰰⰾⰻⱎⱅⰰ ⱀⰻ ⰲⱃⱑⱅⰻⱎⱅⰰ ⱀⰻ ⱄⰰⱂⱁⰳⱏ. ⰺ ⱀⰻⰽⱁⰳⱁⰶⰵ ⱀⰰ ⱂⱘⱅⰻ ⱀⰵ ⱌⱑⰾⱆⰻⱅⰵ.
10:5
ⰲⱐ ⱀⱐⰶⰵ ⰴⱁⰿⱏ ⰲⱏⱀⰻⰴⰵⱅⰵ ⰽⱁⰾⰻⰶⱏⰴⱁ. ⱂⱃⱏⰲⱑⰵ ⰳⰾ҃ⱅⰵ ⰿⰻⱃⱏ ⰴⱁⰿⱆ ⱄⰵⰿⱆ.
10:6
ⰻ ⰰⱎⱅⰵ ⰱⱘⰴⰵⱅⱏ ⱅⱆ ⱄⱀ҃ⱏ ⰿⰻⱃⰰ. ⱂⱁⱍⰻⰵⱅⱏ ⱀⰰ ⱀⰵⰿⱐ ⰿⰻⱃⱏ ⰲⰰⱎⱏ. ⰰⱎⱅⰵ ⰾⰻ ⱀⰻ ⰽⱏ ⰲⰰⰿⱏ ⰲⱏⰸⰲⱃⰰⱅⰻⱅⱏ ⱄⱔ.
10:7
ⰲⱏ ⱅⱁⰿⱐ ⰶⰵ ⰴⱁⰿⱆ ⱂⱃⱑⰱⱏⰹⰲⰰⰻⱅⰵ ⱑⰴⱘⱎⱅⰵ ⰻ ⱂⰻⱙⱎⱅⰵ ⱑⰶⰵ ⱄⱘⱅⱏ ⱆ ⱀⰻⱈⱏ. ⰴⱁⱄⱅⱁⰻⱀⱏ ⰱⱁ ⰵⱄⱅⱏ ⰴⱑⰾⰰⱅⰵⰾⱐ ⰿⱐⰸⰴⱏⰹ ⱄⰲⱁⰵⱗ. ⱀⰵ ⱂⱃⱑⱈⱁⰴⰻⱅⰵ ⰻⰸ ⰴⱁⰿⱆ ⰲⱏ ⰴⱁⰿⱏ.
10:8
ⰺ ⰲⱏ ⱀⱐⰶⰵ ⰳ[ⰴ]ⱃⰰⰴⱏ ⰽⱁⰾⰻⰶⱏⰴⱁ ⰲⱏⱈⱁⰴⰻⱅⰵ ⰻ ⱂⱃⰻⰵⰿⰾⱙⱅⱏ ⰲⱏⰹ. ⱑⰴⰻⱅⰵ ⱂⱃⱑⰴⱏⰾⰰⰳⰰⰵⰿⰰⰰ ⰲⰰⰿⱏ.
10:9
ⰺ҅ ⱌⱑⰾⰻⱅⰵ ⱀⰵⰴⱘⰶⱏⱀⱏⰹⱗ ⰻⰶⰵ ⱄⱘⱅⱏ ⰲⱏ ⱀⰵⰿⱐ. ⰺ ⰳⰾ҃ⰻⱅⰵ ⰻⰿⱏ. ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
10:10
Ⰲⱐ ⱀⱐⰶⰵ ⰽⱁⰾⰻⰶⱏⰴⱁ ⰳⱃⰰⰴⱏ ⰲⱏⱈⱁⰴⰻⱅⰵ ⰺ ⱀⰵ ⱂⱃⰻⰵⰿⰾⱙⱅⱏ ⰲⰰⱄⱏ. ⰺⱎⱏⰴⱏⱎⰵ ⱀⰰ ⱃⰰⱄⱂⱘⱅⱐⱑ ⰵⰳⱁ ⱃⱐⱌⱑⱅⰵ.
10:11
ⰺ ⱂⱃⰰⱈⱏ ⱂⱃⰻⰾⰵⱂⱏⱎⰵⰻ ⱀⰰⱄⱏ ⱁⱅⱏ ⰳⱃⰰⰴⰰ ⰲⰰⱎⰵⰳⱁ ⱁⱅⱏⱅⱃⱔⱄⰰⰵⰿⱏ ⰲⰰⰿⱏ. ⱁⰱⰰⱍⰵ ⱄⰵ ⰲⱑⰴⰻⱅⰵ ⱑⰽⱁ ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
10:12
ⰳⰾ҃ⱙ ⰶⰵ ⰲⰰⰿⱏ ⱑⰽⱁ ⱄⱁⰴⱁⰿⰾⱑⱀⰵⰿⱏ ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⰲⱏ ⱅⱏ ⰴⰵⱀⱐ. ⱀⰵⰶⰵ ⰳⱃⰰⰴⱆ ⱅⱁⰿⱆ.
10:13
Ⰳⱁⱃⰵ ⱅⰵⰱⱑ ⱈⱁⱃⰰⰸⰻⱀⱏ. Ⰳⱁⱃⰵ ⱅⰵⰱⱑ ⰲⰻⰴⱐⱄⰰⰻⰴⰰ. ⱑⰽⱁ ⰰⱎⱅⰵ ⰲⱏ ⱅⱛⱃⱑ ⰻ ⱄⰻⰴⱁⱀⱑ. ⰱⰻⱎⱔ ⱄⰻⰾⱏⰹ ⰱⱏⰹⰾⱏⰹ ⰱⱏⰹⰲⱏⱎⱔⱗ ⰲⱏ ⰲⰰⱙ. ⰴⱃⰵⰲⰾⰵ ⱆⰱⱁ ⰲⱏ ⰲⱃⱑⱅⰻⱎⱅⰻ ⰻ ⱂⱁⱂⰵⰾⱑ ⱄⱑⰴⱔⱎⱅⰵ ⱂⱁⰽⰰⰰⰾⰻ ⱄⱔ ⰱⰻⱎⱔ.
10:14
ⱁⰱⰰⱍⰵ ⱅⱛⱃⱆ ⰻ ⱄⰻⰴⱁⱀⱆ ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⱀⰰ ⱄⱘⰴⱑ. ⱀⰵⰶⰵ ⰲⰰⰿⰰ.
10:15
Ⰺ ⱅⱏⰹ ⰽⰰⱂⰵⱃⱏⱀⰰⱆⰿⰵ ⰴⱁ ⱀⰵⰱ҃ⱄⰵ ⰲⱏⰸⱀⰵⱄⱏⰹⰻ ⱄⱔ. ⰴⱁ ⰰⰴⰰ ⱀⰻⰸⱏⰲⰵⰴⰵⱎⰻ ⱄⱔ ::
10:16
Ⱎⰾⱆⱎⰰⱗⰻ ⰲⰰⱄⱏ ⰿⰵⱀⰵ ⱄⰾⱆⱎⰰⰰⱅⱏ. ⰺ ⱁⱅⱏⰿⱑⱅⰰⱗⰻ ⱄⱔ ⰲⰰⱄⱏ ⰿⰵⱀⰵ ⱄⱔ ⱁⱅⱏⰿⱑⱅⰰⰰⱅⱏ. ⰰ ⱁⱅⱏⰿⱑⱅⰰⱗⰻ ⱄⱔ ⰿⰵⱀⰵ ⱁⱅⱏⰿⱑⱅⰰⰰⱅⱏ ⱄⱔ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
10:17
Ⰲⱏⰸⰲⱃⰰⱅⰻⱎⱔ ⰶⰵ ⱄⱔ ⱄⰵⰴⰿⱐ ⰴⰵⱄⱔⱅⰻⰻ. ⱄⱏ ⱃⰰⰴⱁⱄⱅⰻⱙ {ⱙ} ⰳⰾ҃ⱙⱋⰵ. ⰳ҃ⰻ ⰻ ⰱⱑⱄⰻ [ⱂⱁ]ⰲⰻⱀⱆⱙⱅⱏ ⱄⱔ ⱀⰰⰿⱏ ⱁ ⰻⰿⰵⱀⰻ ⱅⰲⱁⰵⰿⱐ.
10:18
ⱃⰵⱍⰵ ⰶⰵ ⰻⰿⱏ ⰲⰻⰴⱑⱈⱏ ⱄⱁⱅⱁⱀⱘ ⱑⰽⱁ ⰿⰾⱏⱀⰻⱙ ⱄⱏ ⱀⰵⰱⰵⱄⰵ ⱂⰰⰴⱏⱎⰰ ::
10:19
Ⱄⰵ ⰴⰰⱙ ⰲⰰⰿⱐ ⰲⰾⰰⱄⱅⱐ ⱀⰰⱄⱅⱘⱂⰰⱅⰻ ⱀⰰ ⰸⰿⰻⱗ ⰺ ⱄⰽⱁⱃⱏⱂⰻⱗ. ⰺ ⱀⰰ ⰲⱐⱄⱘ ⱄⰻⰾⱘ ⰲⱃⰰⰳⰰ. ⰺ ⱀⰻⱍⱏⱅⱁⰶⰵ ⰲⰰⱄⱏ ⱀⰵ ⰲⱃⱑⰴⰻⱅⱏ.
10:20
ⱁⰱⰰⱍⰵ ⱁ ⱄⰵⰿⱐ ⱀⰵ ⱃⰰⰴⱆⰻⱅⰵ ⱄⱔ ⱑⰽⱁ ⰴⱆⱄⰻ ⰲⰰⰿⱏ ⱂⱁⰲⰻⱀⱆⱙⱅⱏ ⱄⱔ. ⱃⰰⰴⱆⰻⱅⰵ ⰶⰵ ⱄⱔ ⱑⰽⱁ ⰻⰿⰵⱀⰰ ⰲⰰⱎⰰ ⱀⰰⱂⰻⱄⰰⱀⰰ ⱄⱘⱅⱏ ⱀⰱ҃ⱄ!ⱈⱏ ::
10:21
Ⰲⱏ ⱅⱏ ⱍⰰⱄⱏ ⰲⱏⰸⰴ[ⱃ]ⰰⰴⱁⰲⰰ ⱄⱔ ⰴⱈ҃ⱁⰿⱏ ⰻⱄ҃ⱏ ⰻ ⱃⰵⱍⰵ. ⰺⱄⱂⱁⰲⱑⰴⰰⱙ ⱅⰻ ⱄⱔ !ⱁⱅⱍⰵ ⰳ҃ⰻ ⱀⰱ҃ⱄⰵ ⰻ ⰸⰵⰿⰾⱔ. ⱑⰽⱁ ⱆⱅⰰⰻⰾⱏ ⰵⱄⰻ ⱄⰵ ⱁⱅⱏ ⱂⱃⱑⰿⱘⰴⱃⱏ ⰻ ⱃⰰⰸⱆⰿⰵⱀⱏ. ⰺ ⱁⱅⱏⰽⱃⱏⰹ ⱄⰻ ⰿⰾⰰⰴⰵⱀⱐⱌⰵⰿⱏ. ⰵⰻ ⱁⱅⱐⱍⰵ ⱑⰽⱁ ⱅⰰⰽⱁ ⰱⱏⰹⱄⱅⱏ{ⱄⱅⱏ} ⰱⰾⰰⰳⱁⰲⱁⰾⰵⱀⰻⰵ ⱂⱃⱑⰴⱏ ⱅⱁⰱⱁⱙ :: ⰽ!ⱌ ::
10:22
ⰺ ⱁⰱⱃⰰⱎⱅⱐ ⱄⱔ ⰽⱏ ⱆⱍⰵⱀⰻⰽⱁⰿⱐ ⱃⰵⱍⰵ. ⰲⱐⱄⱑ ⰿⱐⱀⱑ ⱂⱃⱑⰴⰰⱀⰰ ⰱⱏⰹⱎⱔ ⱁⱅⱏ ⱁⱌ҃ⰰ ⰿⱁⰵⰳⱁ. ⰺ ⱀⰻⰽⱅⱁⰶⰵ ⱀⰵ ⰲⱑⱄⱅⱏ ⰽⱅⱁ ⰵⱄⱅⱏ ⱄⱀ҃ⱏ ⱅⱏⰽⰿⱁ ⱁⱅⰵⱌⱏ. ⰺ҅ ⰽⱅⱁ ⰵⱄⱅⱏ ⱁⱅ҃ⱌⱏ ⱅⰽⰿⱁ ⱄⱀ҃ⱏ. ⰺ ⰵⰿⱆⰶⰵ ⰰⱎⱅⰵ ⱈⱁⱋⰵⱅⱏ ⱄⱀ҃ⱏ ⰰⰲⰻⱅⰻ.
10:23
ⰻ ⱁⰱⱃⰰⱎⱅⱐ ⱄⱔ ⰽⱏ ⱆⱍⰵⱀⰻⰽⱁⰿⱐ ⰵⰴⰻⱀⱑⰿⱏ ⱃⰵⱍⰵ. ⰱⰾⰰⰶⰵⱀⱑ ⱁⱍⰻ ⰲⰻⰴⱔⱎⱅⰵⰻ ⱑⰶⰵ ⰲⰻⰴⰻⱅⰵ.
10:24
ⰳⰾ҃ⱙ ⰱⱁ ⰲⰰⰿⱏ ⱑⰽⱁ ⰿⱏⱀⱁⰷⰻ ⱂⱃⱁⱃⱁⱌⰻ ⰻ ⱌⱄ҃ⱃⰵ ⰲⱏⱄⱈⱁⱅⱑⱎⱔ ⰲⰻⰴⱑⱅⰻ ⱑⰶⰵ ⰲⱏⰹ ⰲⰻⰴⰻⱅⰵ. ⰺ ⱀⰵ ⰲⰻⰴⱑⱎⱔ. ⰺ ⱄⰾⱏⰹⱎⰰⱅⰻ ⱑⰶⰵ ⱄⰾⱏⰹⱎⰰⱄⱅⰵ ⰻ ⱀⰵ ⱄⰾⱏⱎⰰ{ⱄⱅⱗ}ⱎⱔ ::
10:25
Ⰺ ⱄⰵ ⰸⰰⰽⱁⱀⱐⱀⰻⰽⱏ ⰵⱅⰵⱃⱏ ⰲⱏⱄⱅⰰ ⰽⱏ ⰻⱄ҃ⰲⰻ. ⰻⱄⰽⱆⱎⰰⱗ ⰻ ⰻ ⰳⰾ҃ⱔ. ⱆⱍⰻⱅⰵⰾⱓ ⱍⱅⱁ ⱄⱏⱅⰲⱁⱃⱐ ⰶⰻⰲⱁⱅⱏ ⰲⱑⱍⱏⱀⱏⰹⰻ ⱀⰰⱄⰾⱑⰴⱏⱄⱅⰲⱆⱙ.
10:26
ⱁⱀⱏ ⰶⰵ ⱃⰵⱍⰵ ⰽⱏ ⱀⰵⰿⱆ. ⰲⱏ ⰸⰰⰽⱁⱀⱑ ⱍⱏⱅⱁ ⱂⰻⱄⰰⱀⱁ ⰵⱄⱅⱏ ⰽⰰⰽⱁ ⱍⱐⱅⰵⱎⰻ.
10:27
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ .ⰲⱏⰸⰾⱓⰱⰻⱎⰻ ⰳ҃ⰰ ⰱ҃ⰰ ⱅⰲⱁⰵⰳⱁ. ⱁⱅⱏ ⰲⱐⱄⰵⰳⱁ ⱄⱃⰴ҃ⱌⰰ ⱅⰲⱁⰵⰳⱁ. ⰻ ⰲⱐⱄⰵⱙ ⰴⱎ҃ⰵⱙ ⱅⰲⱁⰵⱙ. ⰺ ⰲⱐⱄⰵⱙ ⰽⱃⱑⱂⱁⱄⱅⰻⱙ ⱅⰲⱁⰵⱙ :: ⰺ ⰲⱐⱄⱑⰿⱐ ⱂⱁⰿⱏⰹⱎⰾⰵⱀⰻⰵⰿⱐ ⱅⰲⱁⰻⰿⱐ. ⰻ ⰻⱄⰽⱃⱏⱀⱑⰰⰳⱁ ⱅⰲⱁⰵⰳⱁ ⱑⰽⱁ ⱄⰰⰿⱏ ⱄⱔ.
10:28
Ⱃⰵⱍⰵ ⰶⰵ ⰵⰿⱆ ⱂⱃⰰⰲⱑ ⱁⱅⱏⰲⱑⱎⱅⰰ ⱄⰵ ⱅⰲⱁⱃⰻ ⰻ ⰶⰻⰲⱏ ⰱⱘⰴⰵⱎⰻ.
10:29
ⱁⱀⱏ ⰶⰵ ⱈⱁⱅⱔ ⱁⱂⱃⰰⰲⱐⰴⰻⱅⰻ {ⱅⰻ} ⱄⱔ ⱄⰰⰿⱏ. ⱃⰵⱍⰵ ⰽⱏ ⰻⱄ҃ⰲⰻ. ⰺ ⰽⱅⱁ {ⰵ}ⰵⱄⱅⱏ ⰺⱄⰽⱃⱏⱀⰻⰻ ⰿⱁⰻ.
10:30
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ⱏ ⱃⰵⱍⰵ. ⱍⰾ҃ⰽⱏ ⰵⰴⰻⱀⱏ ⱄⱏⱈⱁⰶⰴⰰⰰⱎⰵ ⱁⱅⱏ ⰻ҅ⰵⰿⰰ ⰲⱏ ⰵⱃⰻⱈⱘ. ⰺ ⰲⱏ ⱃⰰⰸⰱⱁⰻⱀⱏⰹⰽⱏⰹ ⰲⱐⱂⰰⰴⰵ. ⰻⰶⰵ ⰻ ⱄⱏⰱⰾⱏⰽⱏⱎⰵ ⰻ. ⰻ ⱑⰸⰲⱏⰹ ⰲⱏⰸⰾⱁⰶⱏⱎⰵ ⱁⱅⰻⰴⱘ. ⱁⱄⱅⰰⰲⰾⱐⱎⰵ ⰵⰾⱑ ⰶⰻⰲⱏ ⱄⱘⱎⱅⱏ.
10:31
ⱂⱁ ⱂⱃⰻⰽⰾⱓⱍⰰⱓ ⰶⰵ ⰻⰵⱃⰵⰻ ⰵⰴⰻⱀⱏ ⱄⱏⱈⱁⰶⰴⰰⰰⱎⰵ ⱂⱁⱅⰵⰿⱐ ⱅⱑⰿⱐ. ⰺ ⰲⰻⰴⱑⰲⱏ ⰹ ⰿⰻⰿⱁ ⰻⰴⰵ.
10:32
ⱅⰰⰽⱁⰶⰴⰵ ⰶⰵ ⰻ ⰾⰵⰲⱏⰼⰻⰻⱅⱏ. ⰱⱏⰹⰲⱏ{ⰲⱏ} ⱀⰰ ⱅⱁⰿⱐ ⰿⱑⱄⱅⱑ. ⱂⱃⰻⱎⰵⰴⱏ ⰻ ⰲⰻⰴⱑⰲⱏ ⰹ ⰿⰻⰿⱁ ⰻⰴⰵ.
10:33
ⱄⰰⰿⰰⱃⱑⱀⰻⱀⱏ ⰶⰵ ⰵⰴⰻⱀⱏ ⰳⱃⱔⰴⱏⰹ ⱂⱃⰻⰴⰵ ⱀⰰⰴⱐ ⱀⱐ. ⰺ ⰲⰻⰴⱑⰲⱏ ⰹ ⰿⰻⰾⱁⱄⱃ҃ⰴⰲⰰ.
10:34
ⰺ ⱂⱃⰻⱄⱅⱁⱂⱐ ⱁⰱⱔⰸⰰ ⱄⱅⱃⱆⱂⱏⰹ ⰵⰳⱁ ⰲⱏⰸⰾⰻⰲⰰⱗ ⱁⰾⱑⰻ ⰻ ⰲⰻⱀⱁ. ⰲⱏⱄⰰⰶⰴⱏ ⰶⰵ ⰻ ⱀⰰ ⱄⰲⱁⰻ ⱄⰽⱁⱅⱏ ⱂⱃⰻⰲⰵⰴⰵ ⰻ ⰲⱏ ⰳⱁⱄⱅⰻⱀⰻⱌⱘ. ⰺ ⱂⱃⰻⰾⰵⰶⰰ ⰵⰿⱏ.
10:35
ⰺ ⱀⰰ ⱆⱅⱃⱐⱀⰻ ⰻⱎⰵⰴⱏ ⰻⰸⱐⰿⱐ ⰴⱏⰲⰰ ⱂⱑⱀⱔⰷⰰ ⰴⰰⱄⱅⱏ ⰳⱁⱄⱅⰻⱀⱐⱀⰻⰽⱆ. ⰺ ⱃⰵⱍⰵ ⰵⰿⱆ ⱂⱃⰻⰾⰵⰶⰻ ⰵⰿⱐ. ⰺ ⰵⰶⰵ ⰰⱎⱅⰵ ⱂⱃⰻⰻⰶⰴⰻⰲⰵⱎⰻ. ⰰⰸⱏ ⰵⰳⰴⰰ ⰲⱏⰸⰲⱃⰰⱎⱅⱁ ⱄⱔ ⰲⱏⰸⰴⰰⰿⱐ ⱅⰻ.
10:36
ⰽⱅⱁ ⱆⰱⱁ ⱅⱑⱈⱏ ⱅⱃⰻⰻ ⰻⱄⰽⱃⱏⱀⰻⰻ ⰿⱐⱀⰻⱅⱏ ⱄⱔ ⰱⱏⰹⱅⰻ. ⰲⱏⱂⰰⰴⱏⱎⱙⱆⰿⱆ ⰲⱏ ⱃⰰⰸⰱⱁⰻⱀⰻⰽⱏⰹ.
10:37
ⱁⱀⱏ ⰶⰵ ⱃⰵⱍⰵ ⱄⱏⱅⰲⱁⱃⰻⰻ ⰿⰻⰾⱁⱄⱅⱐ ⱄⱐ ⱀⰻⰿⱐ. Ⱃⰵⱍⰵ ⰵⰿⱆ ⰻⱄ҃ⱏ ⰻⰴⰻ ⰻ ⱅⱏⰹ ⱅⰲⱁⱃⰻ ⱅⰰⰽⱁⰶⰴⰵ :: ⰽⱌ ::
10:38
Ⰱⱏⰹⱄⱅⱏ ⰸⰵ ⱈⱁⰴⱔⱋⰵⰿⱏ ⰺⰿⱏ ⰺ҅ ⱅⱏ ⰲⱏⱀⰻⰴⰵ ⰻⱄ҃ⱏ ⰲⱏ ⰲⰵⱄⱐ ⰵⰴⰻⱀⱁ. ⰶⰵⱀⰰ ⰵⰴⰻⱀⰰ ⰻⰿⰵⱀⰵⰿⱐ ⰿⰰⱃⱏⱅⰰ. ⱂⱃⰻⱗⱅⱏ ⰹ ⰲⱏ ⰴⱁⰿⱏ ⱄⰲⱁⰻ.
10:39
ⰺ ⱄⰵⰻ ⰱⱑ ⱄⰵⱄⱅⱃⰰ ⰻⰿⰵⱀⰵⰿⱏ ⰿⰰⱃⰻⱑ. ⱑⰶⰵ ⰻ ⱄⱑⰴⱏⱎⰻ ⱂⱃⰻ ⱀⱁⰳⱆ ⰻⱄ҃ⰲⱆ ⱄⰾⱏⰹⱎⰰⰰⱎⰵ ⱄⰾⱁⰲⱁ ⰵⰳⱁ.
10:40
ⰺ ⰿⰰⱃⱅⰰ ⰿⰾⱏⰲⰾⱑⰰⱎⰵ ⱁ ⰿⱏⱀⱁⰷⱑ ⱄⰾⱆⰶⱏⰱⱑ. ⱄⱅⰰⰲⱏⱎⰻ ⰶⰵ ⱃⰵⱍⰵ. ⰳ҃ⰻ ⱀⰵ ⱃⰰⰴⰻⱎⰻ ⰾⰻ ⱑⰽⱁ ⱄⰵⱄⱅ[ⱃ]ⰰ ⰿⱁⱑ ⰵⰴⰻⱀⱘ ⰿⱔ ⱁⱄⱅⰰⰲⰻ ⱄⰾⱆⰶⰻⱅⰻ. ⱃⱐⱌⰻ ⱆⰱⱁ ⰵⰻ ⰴⰰ ⰿⰻ ⱂⱁⰿⱁⰶⰵⱅⱏ.
10:41
ⱁⱅⱏⰲⱑⱎⱅⰰⰲⱏ ⰶⰵ ⱃⰵⱍⰵ ⰵⰻ ⰻⱄ҃ⱏ. ⰿⰰⱃⱅⰰ ⰿⰰⱃⱏⱅⰰ ⱂⰵⱍⰵⱎⰻ ⱄⱔ ⰻ ⰿⰾⱏⰲⰻⱎⰻ ⱁ ⰿⱐⱀⱁⰸⱑ.
10:42
ⰵⰴⰻⱀⱁ ⰶⰵ ⰵⱄⱅⱏ ⱀⰰ ⱂⱁⱅⱃⱑⰱⱁ. ⰿⰰⱃⰻⱑ ⰱⱁ ⰱⰾⰰⰳⱘⱙ ⱍⱔⱄⱅⱐ ⰻⰸⰱⱐⱃⰰ. ⱑⰶⰵ ⱀⰵ ⱁⱅⱏⰻⰿⰵⱅⱏ ⱄⱔ ⱁⱅⱏ ⱀⰵⱗ. ::