ЕВАНГЕЛИЕ ЕЖЕ Ѿ ІОАННА
9:1
Ⰺ ⰿⰻⰿⱁ ⰻⰴⱏⰹ ⰻⱄ҃ ⰲⰻⰴⱑ ⱍⰾⰲ҃ⰰ ⱄⰾⱑⱂⰰ. ⱁⱅⱏ ⱃⱁⰶⰴⱏⱄⱅⰲⰰ.
9:2
ⰻ ⰲⱏⱂⱃⱁⱄⰻⱎⱔ ⰻ ⱆⱍⰵⱀⰻⱌⰻ ⰵⰳⱁ ⰳⰾ҃ⱙⱋⰵ. ⱆⱍⰻⱅⰵⰾⱓ ⰽⱏⱅⱁ ⱄⱏⰳⱃⱑⱎⰻ. ⱄⱐ ⰾⰻ ⰻⰾⰻ ⱃⱁⰴⰻⱅⰵⰾⱑ ⰵⰳⱁ. ⰴⰰ ⱄⰾⱑⱂⱏ ⱃⱁⰴⰻ ⱄⱔ.
9:3
ⱁⱅⱏⰲⱑⱎⱅⰰ ⰻⱄ҃. ⱀⰻ ⱄⱐ ⱄⱏⰳⱃⱑⱎⰻ ⱀⰻ ⱃⱁⰴⰻⱅⰵⰾⱑ ⰵⰳⱁ ⱀⱏ ⰴⰰ ⰰⰲⱔⱅⱏ ⱄⱔ ⰴⱑⰾⰰ ⰱⰶ҃ⰻⱑ ⱀⰰ ⱀⰵⰿⱏ.
9:4
ⰿⱐⱀⱑ ⱂⱁⰴⱁⰱⰰⰰⱅⱏ ⰴⱑⰾⰰⱅⰻ ⰴⱑⰾⰰ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰴⱁⱀⱐⰴⰵⰶⰵ ⰴⰵⱀⱐ ⰵⱄⱅⱏ ⱂⱃⰻⰴⰵⱅⱏ ⱀⱁⱎⱅⱏ. ⰵⰳⰴⰰ ⱀⰻⰽⱅⱁⰶⰵ ⱀⰵ ⰿⱁⰶⰵⱅⱏ ⰴⱑⰾⰰⱅⰻ.
9:5
ⰵⰳⰴⰰ ⰲⱏ ⰿⰻⱃⱑ ⰵⱄⰿⱏ ⱄⰲⱑⱅⱏ ⰵⱄⰿⱐ ⰿⰻⱃⱆ.
9:6
ⱄⰻ ⱃⰵⰽⱏ ⱂⰾⰻⱀⱘ ⱀⰰ ⰸⰵⰿⰾⱙ. ⰺ ⱄⱏⱅⰲⱁⱃⰻ {ⱂ}ⰱⱃⰵⱀⰻⰵ ⱁⱅⱏ ⱂⰾⰻⱀⱁⰲⰵⱀⰻⱑ. ⰺ ⱂⱁⰿⰰⰸⰰ ⰵⰿⱆ ⱁⱍⰻ ⰱⱃⱏⱀⱐⰵⰿⱐ.
9:7
ⰺ ⱃⰵⱍⰵ ⰵⰿⱆ ⰻⰴⰻ ⱆⰿⱏⰹⰻ ⱄⱔ ⰲⱏ ⰽⱆⱂⱑⰾⰻ ⱄⰻⰾⱆⰰⰿⱐⱄⱌⱑ. ⰵⰶⰵ ⱄⱏⰽⰰⰸⰰⰰⱅⱏ ⱄⱔ ⱂⱁⱄⱏⰾⰰⱀⱏ. ⰺⰴⰵⰶⰵ ⰻ ⱆⰿⱏⰹ ⱄⱔ ⰻ ⱂⱃⰻⰴⰵ ⰲⰻⰴⱔ.
9:8
ⱄⱘⱄⱑⰴⰻ ⰶⰵ ⰻ ⰻⰶⰵ ⰻ ⰱⱑⰰⱈⱘ ⰲⰻⰴⱑⰾⰻ ⱂⱃⱑⰶⰴⰵ ⱑⰽⱁ ⱄⰾⱑⱂⱏ ⰱⱑ. ⰳⰾ҃ⰰⰰⱈⱘ. ⱀⰵ ⱄⱐ ⰾⰻ ⰵⱄⱅⱏ ⱄⱑⰴⱔⰻ ⰻ ⱂⱃⱁⱄⱔ.
9:9
ⱁⰲⰻ ⰳⰾ҃ⰰⰰⱈⱘ ⱑⰽⱁ ⱄⱐ ⰵⱄⱅⱏ. ⱁⱀⱏ ⰶⰵ ⰳⰾ҃ⰰⰰⱎⰵ ⱑⰽⱁ ⰰⰸⱏ ⰵⱄⰿⱏ.
9:10
ⰳⰾ҃ⰰⰰⱈⱘ ⰶⰵ ⰵⰿⱆ. ⰽⰰⰽⱁ ⱅⰻ ⱄⱔ ⱁⱅⰲⱃⱑⱄⱅⰵ ⱁⱍⰻ.
9:11
ⱁⱅⱏⰲⱑⱎⱅⰰ ⱁⱀⱏ ⰻ ⱃⰵⱍⰵ. ⱍⰾⰲ҃ⰽⱏ ⱀⰰⱃⰻⱌⰰⰵⰿⱏⰹ ⰻⱄ҃. ⰱⱃⱐⱀⱐⰵ ⱄⱏⱅⰲⱁⱃⰻ. ⰻ ⱂⱁⰿⰰⰸⰰ ⱁⱍⰻ ⰿⱁⰻ ⰻ ⱃⰵⱍⰵ ⰿⰻ. ⰻⰴⰻ ⰲⱏ ⰽⱘⱂⱑⰾⱐ ⱄⰻⰾⱆⰰⰿⰾⱙ ⰻ ⱆⰿⱏⰹⰻ ⱄⱔ. ⱎⰵⰴⱏ ⰶⰵ ⰻ ⱆⰿⱏⰹⰲⱏ ⱄⱔ ⱂⱃⱁⰸⱐⱃⱑⱈⱏ.
9:12
ⱃⱑⱎⱔ ⰶⰵ ⰵⰿⱆ ⰽⱏⰴⰵ ⱅⱏ ⰵⱄⱅⱏ. ⰳⰾ҃ⰰ ⱀⰵ ⰲⱑⰿⱏ.
9:13
ⰲⱑⱄⱔ ⰻ ⰽⱏ ⱇⰰⱃⰻⱄⱑⰵⰿⱏ. ⰻⰶⰵ ⰱⱑ ⰻⱀⱁⰳⰴⰰ ⱄⰾⱑⱂⱏ.
9:14
ⰱⱑ ⰶⰵ ⱄⱁⰱⱁⱅⰰ ⰵⰳⰴⰰ ⱄⱏⱅⰲⱁⱃⰻ ⰱⱃⱐⱀⱐⰵ ⰻⱄ҃. ⰻ ⱁⱅⰲⱃⱏⰸⰵ ⰵⰿⱆ ⱁⱍⰻ.
9:15
ⱂⰰⰽⱏⰹ ⰶⰵ ⰲⱏⱂⱃⰰⱎⰰⰰⱈⱘ ⰻ ⱇⰰⱃⰻⱄⱑⰻ ⰽⰰⰽⱁ ⱂⱃⱁⰸⱐⱃⱑ. ⱁⱀⱏ ⰶⰵ ⱃⰵⱍⰵ ⰻⰿⱏ. ⰱⱃⱐⱀⱐⰵ ⱂⱁⰾⱁⰶⰻ ⰿⱐⱀⱑ ⱀⰰ ⱁⱍⰻⱓ. ⰻ ⱆⰿⱏⰹⱈⱏ ⱄⱔ ⰻ ⰲⰻⰶⰴⱘ.
9:16
ⰳⰾ҃ⰰⱈⱘ ⰶⰵ ⱁⱅⱏ ⱇⰰⱃⰻⱄⱑⰻ ⰵⰴⰻⱀⰻ. ⱀⱑⱄⱅⱏ ⱄⱐ ⱁⱅⱏ ⰱ҃ⰰ ⱍⰾ҃ⰽⱏ. ⱑⰽⱁ ⱄⱁⰱⱁⱅⱏⰹ ⱀⰵ ⱈⱃⰰⱀⰻⱅⱏ. ⱁⰲⰻ ⰳⰾ҃ⰰⰰⱈⱘ ⰽⰰⰽⱁ ⰿⱁⰶⰵⱅⱏ ⱍⰾ҃ⰽⱏ ⰳⱃⱑⱎⰵⱀⱏ. ⱄⰻⱌⰰ ⰸⱀⰰⰿⰵⱀⰻⱑ ⱅⰲⱁⱃⰻⱅⰻ. ⰺ ⱃⰰⱄⱂⱐⱃⱑ ⰱⱑ ⰲⱐ ⱀⰻⱈⱏ.
9:17
ⰳⰾ҃ⰰⱎⱔ ⱄⰾⱑⱂⱐⱌⱓ ⱂⰰⰽⱏⰹ. ⱅⱏⰹ ⱍⱏⱅⱁ ⰳⰾ҃ⰵⱎⰻ ⱁ ⱀⰵⰿⱐ. ⱑⰽⱁ ⱁⱅⰲⱃⱏⰸⰵ ⱁⱍⰻ ⱅⰲⱁⰻ. ⱁⱀⱏ ⰶⰵ ⱃⰵⱍⰵ. ⱑⰽⱁ !ⱂⱃⰽⱏ ⰵⱄⱅⱏ.
9:18
ⱀⰵ ⱗⱄⱔ ⰶⰵ ⰲⱑⱃⱏⰹ ⰻⱓⰴⰵⰻ ⱁ ⱀⰵⰿⱐ. ⱑⰽⱁ ⰱⱑ ⱄⰾⱑⱂⱏ ⰻ ⱂⱃⱁⰸⱐⱃⱑ. ⰴⱁⱀⱐⰴⰵⰶⰵ ⱂⱃⰻⰸⱏⰲⰰⱎⱔ ⱃⱁⰴⰻⱅⰵⰾⱑ ⱅⱁⰳⱁ ⱂⱃⱁⰸⱐⱃⱑⰲⱏⱎⰰⰰⰳⱁ.
9:19
ⰻ ⰲⱏⱂⱃⱁⱄⰻⱎⱔ ⱑ ⰳⰾ҃ⱙⱎⱅⰵ. ⱄⱐ ⰾⰻ ⰵⱄⱅⱏ ⱄⱀ҃ⱏ ⰲⰰⱓ. ⰵⰳⱁⰶⰵ ⰲⱏⰹ ⰳⰾ҃ⰵⱅⰵ ⱑⰽⱁ ⱄⰾⱑⱂⱏ ⱄⱔ ⱃⱁⰴⰻ. ⰽⰰⰽⱁ ⱆⰱⱁ ⱀⱏⰹⱀⱑ ⰲⰻⰴⰻⱅⱏ.
9:20
ⱁⱅⱏⰲⱑⱎⱅⰰⱄⱅⰵ ⰶⰵ ⰻⰿⱏ ⱃⱁⰴⰻⱅⰵⰾⱑ ⰵⰳⱁ ⰻ ⱃⱑⱄⱅⰵ. ⰲⱑⰲⱑ ⱑⰽⱁ ⱄⱐ ⰵⱄⱅⱏ ⱄⱀ҃ⱏ ⱀⰰⱓ. ⰺ ⱑⰽⱁ ⱄⰾⱑⱂⱏ ⱄⱔ ⱃⱁⰴⰻ.
9:21
ⰽⰰⰽⱁ ⰶⰵ ⱀⱏⰹⱀⱑ ⰲⰻⰴⰻⱅⱏ ⱀⰵ ⰲⱑⰲⱑ. ⰾⰻ ⰽⱅⱁ ⰵⰿⱆ ⱁⱅⰲⱃⱏⰸⰵ ⱁⱍⰻ ⰲⱑ ⱀⰵ ⰲⱑⰲⱑ. ⱄⰰⰿⱁⰳⱁ ⰲⱏⱂⱃⱁⱄⰻⱅⰵ. ⰲⱏⰸⰴⱃⰰⱄⱅⱏ ⰻⰿⰰⱅⱏ. ⱄⰰⰿⱏ ⱁ ⱄⰵⰱⱑ ⰴⰰ ⰳⰾ҃ⰵⱅⱏ.
9:22
ⱄⰻⱌⰵ ⱃⱑⱄⱅⰵ ⱃⱁⰴⰻⱅⰵⰾⱑ ⰵⰳⱁ. ⱑⰽⱁ ⰱⱁⱑⰰⱎⰵⱅⰵ ⱄⱔ ⰻⱓⰴⰵⰻ. ⱓⰶⰵ ⰱⱁ ⱄⱔ ⰱⱑⰰⱈⱘ ⱄⱏⰾⱁⰶⰻⰾⰻ ⰻⱓⰴⱑⰻ. ⰴⰰ ⱑⱋⰵ ⰽⱅⱁ ⰻⱄⱂⱁⰲⱑⱄⱅⱏ !ⱈⰰ. ⱁ҅ⱅⱏⰾⱘ[ⱍⰵⱀⱏ] ⱄⱁⱀⱐⰿⰻⱎⱅⰰ ⰱⱘⰴⰵⱅⱏ.
9:23
ⱄⰵⰳⱁ ⱃⰰⰴⰻ ⱃⱁⰴⰻⱅⰵⰾⱑ ⰵⰳⱁ ⱃⱑⱄⱅⰵ. ⱑⰽⱁ ⰲⱏⰸⰴⱃⰰⱄⱅⱏ ⰻⰿⰰⱅⱏ ⱄⰰⰿⱁⰳⱁ ⰲⱏⱂⱃⱁⱄⰻⱅⰵ.
9:24
ⱂⱃⰻⰸⱏⰲⰰⱎⱔ ⰶⰵ ⰲⱏⱅⱁⱃⰻⱌⰵⱙ !ⱍⰽⰰ ⰻⰶⰵ ⰱⱑ ⱄⰾⱑⱂⱏ. ⰺ ⱃⱑⱎⱔ ⰵⰿⱆ ⰴⰰⰶⰴⱐ ⱄⰾⰰⰲⱘ ⰱ҃ⱆ. ⰿⱏⰹ ⰲⱑⰿⱐ ⱑⰽⱁ ⱍⰾ҃ⰽⱏ ⱄⱐ ⰳⱃⱑⱎⰵⱀⱏ ⰵⱄⱅⱏ.
9:25
ⱁⱅⱏⰲⱑⱋⰰ ⰶⰵ ⱁⱀⱏ ⰻ ⱃⰵⱍⰵ. ⰰⱎⱅⰵ ⰳⱃⱑⱎⱏⱀⰻⰽⱏ ⰵⱄⱅⱏ ⱀⰵ ⰲⱑⰿⱏ. ⰵⰴⰻⱀⱁ ⰲⱑⰿⱐ ⱑⰽⱁ ⱄⰾⱑⱂⱏ ⰱⱑⱈⱏ ⱀⱏⰹⱀⱑ ⰶⰵ ⰲⰻⰶⰴⱘ.
9:26
Ⱃⱑⱎⱔ ⰶⰵ ⰵⰿⱆ ⱂⰰⰽⱏⰹ. ⱍⱅⱁ ⱄⱏⱅⰲⱁⱃⰻ ⱅⰵⰱⱑ. ⰽⰰⰽⱁ ⱁⱅⰲⱃⱏⰸⰵ ⱁⱍⰻ ⱅⰲⱁⰻ.
9:27
ⱃⱑⱈⱏ ⰲⰰⰿⱏ ⱓⰶⰵ ⰻ ⱀⰵ ⱄⰾⱏⰹⱎⰰⱄⱅⰵ. ⱍⱅⱁ ⱈⱁⱎⱅⰵⱅⰵ ⱂⰰⰽⱏⰹ ⱄⰾⱏⰹⱎⰰⱅⰻ. ⰵⰴⰰ ⰻ ⰲⱏⰹ ⱈⱁⱎⱅⰵⱅⰵ ⱆⱍⰵⱀⰻⱌⰻ ⰵⰳⱁ ⰱⱏⰹⱅⰻ.
9:28
ⱁⱀⰻ ⰶⰵ ⱆⰽⱁⱃⰻⱎⱔ ⰻ ⰻ ⱃⱑⱎⱔ. ⱅⱏⰹ ⱆⱍⰵⱀⰻⰽⱏ ⰵⱄⰻ ⱅⱁⰳⱁ. ⰿⱏⰹ ⰶⰵ ⰿⱁⱄⰵⱁⰲⰻ ⰵⱄⰿⱏ ⱆⱍⰵⱀⰻⱌⰻ.
9:29
ⰿⱏⰹ ⰲⱑⰿⱏ ⱑⰽⱁ ⰿⱁⱄⱑⱁⰲⰻ ⰳⰾ҃ⰰ ⰱ҃ⱏ. ⱄⰵⰳⱁ ⰶⰵ ⱀⰵ ⰲⱑⰿⱏ ⱁⱅⱏ ⰽⱘⰴⱆ ⰵⱄⱅⱏ.
9:30
ⱁⱅⱏⰲⱑⱎⱅⰰ ⱍⰾ҃ⰽⱏ ⰻ ⱃⰵⱍⰵ ⰻⰿⱏ. ⱁ ⱄⰵⰿⱐ ⰱⱁ ⰴⰻⰲⱏⱀⱁ ⰵⱄⱅⱏ. ⱑⰽⱁ ⰲⱏⰹ ⱀⰵ ⰲⱑⱄⱅⰵ ⱁⱅⱏ ⰽⱘⰴⱆ ⰵⱄⱅⱏ. ⰺ ⱁⱅⰲⱃⱏⰸⰵ ⱁⱍⰻ ⰿⱁⰻ.
9:31
ⰲⱑⰿⱏ ⰶⰵ ⱑⰽⱁ ⰳⱃⱑ[ⱎⱐ]ⱀⰻⰽⱏ ⰱ҃ⱏ ⱀⰵ ⱂⱁⱄⰾⱆⱎⰰⰰⱅⱏ. ⱀⱏ ⰰⱎⱅⰵ ⰽⱅⱁ !ⰱⰳⱁⱍⱅⰵⱌⱏ ⰵⱄⱅⱏ. ⰻ ⰲⱁⰾⱙ ⰵⰳⱁ ⱄⱏⱅⰲⱁⱃⰻⱅⱏ ⱅⱁⰳⱁ ⱂⱁⱄⰾⱆⱎⰰⰰⱅⱏ.
9:32
ⱁⱅⱏ ⰲⱑⰽⰰ ⱀⱑⱄⱅⱏ ⱄⰾⱏⰹⱎⰰⱀⱁ. ⱑⰽⱁ ⰽⱅⱁ ⱁⱅⰲⱃⱏⰸⰵ ⱁⱍⰻ ⱄⰾⱑⱂⱆ ⱃⱁⰶⰴⰵⱀⱆ.
9:33
ⰰⱎⱅⰵ ⱀⰵ ⰱⰻ ⱁⱅⱏ ⰱ҃ⰰ ⰱⱏⰹⰾⱏ ⱄⱏ. ⱀⰵ ⰿⱁⰳⰾⱏ ⰱⰻ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ.
9:34
ⱁⱅⱏⰲⱑⱎⱅⰰⱎⱔ ⰻ ⱃⱑⱎⱔ ⰵⰿⱆ. ⰲⱏ ⰳⱃⱑⱄⱑⱈⱏ ⱅⱏⰹ ⱃⱁⰴⰻⰾⱏ ⱄⱔ ⰵⱄⰻ ⰲⰵⱄⱐ. ⰺ҅ ⱅⱏⰹ ⰾⰻ ⱀⱏⰹ ⱆⱍⰻⱎⰻ. ⰺ ⰻⰸⰳⱏⱀⰰⱎⱔ ⰻ ⰲⱏⱀⱏ.
9:35
ⱄⰾⱏⰹⱎⰰ ⰻⱄ҃ ⱑⰽⱁ ⰻⰸⰳⱏⱀⰰⱎⱔ ⰻ ⰲⱁⱀⱏ. ⰺ ⱁⰱⱃⱑⱅⱏ ⰹ ⱃⰵⱍⰵ ⰵⰿⱆ. ⱅⱏⰹ ⰲⱑⱃⱆⰵⱎⰻ ⰾⰻ ⰲⱏ ⱄⱀ҃ⰰ ⰱⰶ҃ⰻⱑ.
9:36
ⱁⱅⱏⰲⱑⱎⱅⰰ ⱁⱀⱏ ⰻ ⱃⰵⱍⰵ. ⰽⱅⱁ ⰵⱄⱅⱏ ⰳ҃ⰻ. ⰴⰰ ⰲⱑⱃⱘ ⰻⰿⱘ ⰲⱏ ⱀⰵⰳⱁ.
9:37
ⱃⰵⱍⰵ ⰶⰵ ⰵⰿⱆ ⰻⱄ҃. ⰲⰻⰴⱑⰾⱏⰹ ⰻ ⰵⱄⰻ. ⰺ ⰳⰾ҃ⱔⰻ ⱄⱏ ⱅⱁⰱⱁⱙ ⱅⱏ ⰵⱄⱅⱏ.
9:38
ⱁⱀⱏ ⰶⰵ ⱃⰵⱍⰵ ⰲⱑⱃⱆⱙ ⰳ҃ⰻ ⰻ ⱂⱁⰽⰾⱁⱀⰻ ⱄⱔ ⰵⰿⱆ :: ⰽ!ⱌ ::
9:39
Ⰺ ⱃⰵⱍⰵ ⰻⱄ҃ⱏ ⱀⰰ ⱄⱘⰴⱏ ⰰⰸⱏ ⰲⱏ ⰿⰻⱃⱏ ⱄⱐ ⱂⱃⰻⰴⱏ. ⰴⰰ ⱀⰵ ⰲⰻⰴⱔⱎⱅⰵⰻ ⰲⰻⰴⱔⱅⱏ. ⰺ ⰲⰻⰴⱔⱎⱅⰵⰻ ⱄⰾⱑⱂⰻ ⰱⱘⰴⱘⱅⱏ.
9:40
ⰺ ⱄⰾⱏⰹⱎⰰⱎⱔ ⱄⰵ ⱁⱅⱏ ⱇⰰ[ⱃⰻ]ⱄⱑⰻ ⱄⱘⱋⰵⰻ ⱄⱏ ⱀⰻⰿⱏ. ⰺ ⱃⱑⱎⱔ ⰵⰿⱆ. ⰵⰴⰰ ⰻ ⰿⱏⰹ ⱄⰾⱑⱂⰻ ⰵⱄⰿⱏ.
9:41
ⱃⰵⱍⰵ ⰶⰵ ⰻⰿⱏ ⰻⱄ҃. ⰰⱋⰵ ⰱⰻⱄⱅⰵ ⱄⰾⱑⱂⰻ ⰱⱏⰹⰾⰻ. ⱀⰵ ⰱⰻⱄⱅⰵ ⰻⰿⱑⰾⰻ ⰳⱃⱑⱈⰰ. ⱀⱏⰹⱀⱑ ⰶⰵ ⰳⰾ҃ⰵⱅⰵ. ⱑⰽⱁ ⰲⰻⰴⰻⰿⱏ. ⰻ ⰳⱃⱑⱈⱏ ⰲⰰⱎⱏ ⱂⱃⱑⰱⱏⰹⰲⰰⰰⱅⱏ ::